The Latest
وحدت نیوز(گلگت) مجلس وحدت مسلمین پاکستان کے سربراہ علامہ راجہ ناصر عباس جعفری نے ایک وفد کے ہمراہ ضلع ہنزہ نگر کے مختلف علاقوں کا دورہ کیا، دورے کے دوران مدرسہ دارالخیر چھلت نگر میں علامہ راجہ ناصر عباس جعفری نے شیعہ علماء کونسل ضلع ہنزہ نگر کے صدر و امام جمعہ الجماعت چھلت نگر سے خصوصی ملاقات کی، ملاقات میں جہاں مختلف قومی و ملی امور پر تفصیلی گفتگو ہوئی وہاں علامہ ناصر عباس جعفری نے شیخ منیر کو دفاع وطن کنونشن میں شرکت کی دعوت بھی دی۔انکے ہمراہ شیخ بلال سمائری، شیخ صادق مہدوی، مشتاق مسلم، عارف قبنری اور ارشاد بنگش وفد میں شامل رہے۔ وفد نے شہداء ملت جعفریہ کی قبور پر حاضری کے علاوہ خانوادہ شہداء سے بھی خصوصی ملاقاتیں کیں اور علامہ راجہ ناصر عباس جعفری نے اس موقع پر شہداء ملت جعفریہ کی عظیم قربانیوں پر انکے لواحقین کو خراج عقیدت پیش کیا۔
وحدت نیوز (پشاور) مجلس وحدت مسلمین خیبر پختونخوا کے سیکرٹری اطلاعات برادر سید عدیل عباس زیدی نے کہا کہ کہ صوبہ بھر میں کہیں بھی عزاداری سید الشہداء (ع) کو محدود کرنے کی کوشش برداشت نہیں کی جائے گی، حکومت بالش خیل پارا چنار کا مسئلہ محرم الحرام سے قبل حل کرے۔ ان خیالات کا اظہار انہوں نے پشاور پریس کلب میں امامیہ اسٹوڈنٹس آرگنائزیشن پشاور ڈویژن کے زیر اہتمام پریس کانفرنس کے موقع پر صحافیوں کے سوالات کے جوابات دیتے ہوئے کیا۔ ان کا کہنا تھا کہ کوہاٹ میں انتظامیہ عزاداری کے جلوس کو محدود کرنے کی کوشش کر رہی ہے، صوبہ بھر میں حکومت اور انتظامیہ کی جانب سے ایسی کسی حرکت کو قبول نہیں کیا جائے گا، حکومت محرم الحرام میں سیکورٹی کے فول پروف انتظامات کرے، تاہم سیکورٹی کے نام پر دیگر مکاتب فکر کو عزاداری سے دور کرنے کی کوشش نہ کی جائے، انہوں نے کہا کہ ملت تشیع انتظامیہ کے ساتھ مکمل تعاون کرے گی۔ خیبر پختونخوا حکومت کا رویہ ہمیشہ محرم الحرام کے حوالے سے تسلی بخش رہا ہے، لہذا اس مرتبہ بھی حکومت کو مکمل تعاون کرنا چاہئے، انہوں نے بالش خیل پارا چنار کے معاملہ کا ذکر کرتے ہوئے کہا کہ ہم حکومت کو متنبہ کرتے ہیں کہ محرم الحرام سے قبل اس مسئلہ کو حل کیا جائے، بصورت دیگر مقامی عمائدین کی مشاورت سے اس حوالے سے لائحہ عمل طے کیا جائے گا۔
وحدت نیوز(مانٹرنگ ڈیسک) کراچی کے نشتر پارک میں منعقد ہونے والی عظمت ولایت کانفرنس اور اس کانفرنس میں مجلس وحدت مسلمین پاکستان کے رہنماوں کی جانب سے اہم ملکی و عالمی ایشوز پر بیان کئے جانے والے واضح مواقف کو نہ صرف ملک کے اندر سراہا گیا بلکہ دنیا بھر میں مقیم ہم وطنوں اور اسی طرح مومنین نے بھی اس کو انتہائی مثبت انداز سے دیکھتے ہوئے اس کی تعریف کی ملک کے معروف اور اہم اخبارات کے ویب سائیڈس پر مجلس وحدت مسلمین کے عسکریت پسند کالعدم تنظیم طالبان کے ساتھ مذاکرات کے بارے میں پیش کردہ موقف کے بارے میں تبصرے اب بھی جاری ہیں جبکہ الیکڑونک میڈیا نے بھی اس موقف پر تبصرہ کیا اور ٹاک شو زمیں اٹھایا،مجلس وحدت مسلمین پاکستان کے فارن افئیر کے مطابق ترکی ،بحرین سعودی عربیہ ،کینڈا امریکہ ،برطانیہ ،اسپین ،سوئزرلینڈ ،اور فرانس سمیت متعدد ممالک میں مقیم ہم وطنوں نے مجلس وحدت مسلمین پاکستان کے موقف کو سراہا ۔جبکہ بہت سے ممالک میں نشتر پارک کی عظیم الشان عظمت ولایت کانفرنس اور جشن غدیر کو لائیوسڑیم کے توسط سے براہ راست دیکھا ،اسپین کے مشہور شہر بارسلونا میں سکرینوں پر اس عظیم کانفرنس کو دیکھا گیا ،ترکی کے شہر ترابزون اور استنبول سے موصولہ ایملز میں پاکستانی قوم کو عظیم قوم اور نشتر پارک کے اجتماع میں موجود جوش اور ولہ ولے کو بے مثال جذبے سے تعبیر کیا گیا ہے جبکہ کینڈا سے مومنین نے اپنے ایملز میں اس اجتماع کی تعریف کرتے ہوئے مجلس وحدت مسلمین پاکستان کو ملک اور ملت کی امید کہا اور رہنماوں کے موقف کی تائید کی ۔سری لنکا سے مومنین نے اس کو عظیم غدیری اجتماع کہتے ہوئے امید ظاہر کی ہے سری لنکا میں بھی اس قسم کے اجتماعات منعقد ہوں۔
وحدت نیوز(گلگت) بلوچستا ن میں منظم سازش کے تحت شیعہ مکتب کے پیروکاروں پر زمین تنگ کی جارہی ہے ، بلوچستان کا کوئی علاقہ شیعیان حیدر کرار (ع) کے لئے محفوظ نہیں ، کوئٹہ ، مستونگ، بولان ، خصداراور مچھ ہماری مقتل گاہیں بنادی گئی ہیں ، نواز حکومت نے دہشت گردوں سے سازباز کر رکھی ہے ، محرم الحرام سے قبل اس طرح کے سانحات نیک شگون نہیں ،مچھ میں ۶شیعہ مزدوروں کے بے دردی سے قتل کی پر زور مذمت کر تے ہیں ، ڈاکٹر عبد المالک بلوچ بیدار وزیر اعلیٰ ہو نے کا ثبوت دیں ان خیالات کا اظہار مجلس وحدت مسلمین پاکستان کے مرکزی سیکریٹری جنرل علامہ راجہ ناصر عباس جعفری نے گلگت سے جاری اپنے مذمتی بیان میں کیا۔
ان کاکہنا تھا کہ پاکستان بھر میں دہشت گردوں کے نیٹ ورک کو توڑے بغیر ملک میں قیام امن ممکن نہیں ، افسوس کے ساتھ ہماری حکومت اور چند سکیوررٹی ادارے اپنی ذمہ داریوں سے غفلت برت رہے ہیں ، بلوچستان میں فرقہ واریت کا عنصر کہیں دکھائی نہیں دیتا ، ایک مخصوص سوچ کے حامل افراد یک طرفہ دہشت گردی میں ملوث ہیں ، جن میں سکیورٹی ایجنسیز کے باوردی اہلکار بھی شامل ہیں ،انہوں نے کرم ایجنسی کے حالات کا تذکر ہ کر تے ہو ئے کہا کہ ہم پاراچنار کے حالات سے غافل نہیں ہیں مقامی قیادت سے مسلسل رابطے میں ہیں ، وفاقی حکومت بالش خیل کے مسئلے کے فوری حل کے لئے اپنا کردار ادا کرے، انہوں نے وفاقی وزیر داخلہ کو متنبہ کیا کہ بیرونی ایجنڈے پر طالبان سے مذاکرات کی خواہش کو چھوڑ کر بلوچستان میں جاری دہشت گرد کاروائیوں کی خبر لیں اور ملوث دہشت گردو ں کے خلاف ٹھوس اور موثر کاروائی کے احکامات جاری کریں ۔
وحدت نیوز( گلگت) 3نومبر کو گلگت میں مجلس وحدت مسلمین کے زیر اہتمام منعقدہ دفاع وطن کنونشن میں شرکت کے لئے ایم ڈبلیو ایم کے مرکزی قائدین کے بعد پاکستان پیپلز پارٹی کے سینیٹر فیصل رضا عابدی اورسنی اتحاد کونسل کے چیئر مین صاحبزادہ حامد رضا کے قیادت میں ایک اعلیٰ سطحی وفد گلگت پہنچ چکا ہے، وفد کے دیگر ارکان میں صاحبزادہ حسن رضا، محمد سعید، عمار سعیداور مقبول حسین شامل ہیں، مجلس وحدت مسلمین کے صوبائی رہنماؤں نے معزز مہمانان گرامی کا گلگت ایئر پو رٹ پر استقبال کیااور انہیں گلگت آمد پر خوش آمدید کہا ۔ واضح رہے کہ جشن آزادی گلگت بلتستان کی مناسبت سے منعقدہ دفاع وطن کنونشن میں سیاسی ومذہبی قائدین سمیت مجلس وحدت مسلمین پاکستان کے سربراہ علامہ راجہ ناصرعباس جعفری خصوصی خطاب کریں گے، جسمیں اہم اعلانات متوقع ہیں ۔
وحدت نیوز(بلتستان) جشن آزادی گلگت بلتستان ملک کے نام نہاد حکمرانوں کے ضمیروں پر دستک ہے، چھیاسٹھ سال سے زائد عرصہ گزرنے کے بعد بھی گلگت بلتستان کو آئینی حیثیت نہ ملنا لمحہ فکریہ ہے، گلگت بلتستان کو پاکستان کا آئینی حصہ بنانے کے لیے بھرپور جدّوجہد کی جائیگی۔ ان خیالات کا اظہار مجلس وحدت مسلمین پاکستان بلتستان ڈویژن کے سیکرٹری جنرل علامہ آغا علی رضوی نے جنگ آزادی گلگت بلتستان کے موقع پر اپنے ایک بیان میں کیا۔ انہوں نے کہا کہ جنگ آزادی گلگت بلتستان اس قوم کا درخشندہ اور تابناک باب ہے، جس دن اس خطہ کے غیور اور جرات مند جوانوں نے اپنی قوت بازو سے ڈوگرہ فوج کو مار بھگایا اور ریاست گلگت کے قیام کے بعد پاکستان سے الحاق کر دیا، لیکن افسوس کا مقام ہے کہ ہماری اسٹیبلشمنٹ نے آج تک اس خطہ کو دل سے قبول نہیں کیا اور ہمیں حقوق سے محروم رکھا گیا ہے، جبکہ یہ عوام وطن عزیز پاکستان کے سرحدوں کے محافظ اور اس سرزمین کے امین بیٹے ہیں۔
انہوں نے کہا کہ اس خطّہ کو ہمیشہ سے تعصبّات کی بھینٹ چڑھایا گیا اور وسائل سے پر اس خطہ کو نظر انداز کیا جاتا رہا۔ مسئلہ کشمیر سے گلگت بلتستان کو ملانا ریاست سے خیانت کے مترادف ہے۔ اس خطہ کے غیور عوام نے مسلّح جدوجہد کے بعد آزادی حاصل کی اور بعد میں وطن عزیز پاکستان سے غیر مشروط طور پر الحاق کا اعلان کر دیا۔ اس کے باوجود اس کو مسئلہ کشمیر سے ملانا افسوسناک ہے۔ علامہ آغا علی رضوی نے اپنے بیان میں کہا کہ حکمرانوں کو چاہیے کہ اس خطہ کے محب وطن، غیور عوام کو باعزت تشخص دیں اور دشمن کے عزائم کو خاک میں ملائیں۔
وحدت نیوز(کوئٹہ) بلوچستان کے علاقے مچھ میں نامعلوم مسلح افراد نے فائرنگ کرکے چھ محنت کشوں کو موت کی نیند سلا دیا۔ وزیراعلٰی بلوچستان نے واقعہ کی مذمت کرتے ہوئے ضلعی انتظامیہ کو ملزمان کی گرفتاری کیلئے تمام وسائل بروئے کار لانے کی ہدایت کردی ہے۔ لیویز انتظامیہ کے مطابق مچھ کے علاقے گیشتری کے قریب پنڈر گڈ کے مقام پر نامعلوم مسلح افراد نے گاڑی پر فائرنگ کرکے چھ افراد علی نگار، ضامن علی، آصف علی، عقیل، بولان مستری، ابراہیم کو قتل جبکہ فائرنگ کی زد میں آنے والے جمعہ خان کو زخمی کر دیا۔ لیویز کے مطابق شُہداء شیعہ ہزارہ برادری سے تعلق رکھتے ہیں۔ مچھ کے قریب کوئلہ کان میں کام کرنے والے کانکن تھے۔ وہ سودا سلف لینے مچھ بازار آئے تھے۔ خریداری کرکے واپس جا رہے تھے کہ انہیں گیشتری سے کچھ فاصلے پر پنڈر گڈ کے مقام پر نشانہ بنایا گیا۔ شہیدوں کی نعشیں مچھ ہسپتال پہنچا دی گئیں۔ واقعہ کے بعد انتظامیہ نے علاقے کی ناکہ بندی کرکے مزید کارروائی شروع کردی۔
واقعے کے بعد شیعہ جوانوں نے مچھ نیشنل ہائی وے پر شُہداء کے جسد خاکی کیساتھ پانچ گھنٹوں تک دھرنا دیا اور علاقہ مکینوں کی نشاندہی پر لشکرجھنگوی کے کارندوں کیخلاف ایف آئی آر درج کرنے کے بعد دھرنا ختم کر دیا۔ ادھر وزیراعلٰی بلوچستان ڈاکٹرعبدالمالک بلوچ نے واقعہ کی مذمت کرتے ہوئے انسانی جانوں کے ضیاع پر افسوس کا اظہار کیا ہے اور ضلعی انتظامیہ کو ملزمان کی گرفتاری کیلئے تمام وسائل بروئے کار لانے کی ہدایت کرتے ہوئے کہا ہے کہ معصوم و بےگناہ انسانوں کو قتل کرنے والے کسی رعایت کے مستحق نہیں۔ دریں اثناء واقعہ کی ذمہ داری کالعدم جیش الاسلام نے قبول کرتے ہوئے اسے مستونگ میں جاری آپریشن کا ردعمل قرار دیا ہے۔
وحدت نیوز(گلگت) مجلس وحدت مسلمین پاکستان کے مرکزی سیکریٹری جنرل علامہ راجہ ناصرعباس جعفری نے اپنے دورہ دفاع وطن گلگت کے دوران قبرستان بہشت زہراسلام اللہ علیہامیں شہدا ءکی قبور پرحاضری دی پھول چڑھائے اور فاتحہ خوانی کی۔ اس موقع پر ان کے ہمراہ علامہ شیخ محمد بلال سمائری سیکرٹری جنرل ایم ڈبلیوایم گلگت ڈویژن، شیخ محمد صادق مہدوی سیکرٹری تبلیغات، شیخ نذیر حسین صابری، ایڈووکیٹ شیخ عیسیٰ لیگل ایڈوائزر، مشتاق حسین مسلم انچاج شہید فاونڈیشن، برادرعارف قنبری اور برادرارشاد حسین بنگش بھی موجود تھے۔
وحدت نیوز(گلگت) مجلس وحدت مسلمین پاکستان کے مرکزی سیکریٹری جنرل علامہ راجہ ناصر عباس جعفری نے اپنے دورہ دفاع وطن گلگت کے موقع پر جامع مسجد چھلت نگر میں نماز جمعہ کے اجتماع سے خطاب کیا جس میں ان کا کہنا تھا کے وطن پاکستان کا دفاع صرف شیعہ قوم ہی کر سکتی ہے کیو ں کہ ہمارا کسی ملک دشمن قوت سے کوئی تعلق نہیں ان کا کہنا تھا کہ اس دھرتی گلگت بلتستان کے غیور فرزندوں نے اپنی قوت سے اس خطے کو ڈوگراہ راج سے آزاد کروا کے خود کو پاکستان کے ساتھ ملایا لیکن ان بد بخت حکمرانوں نے اس خطےکو ہمیشہ آئینی حقوق سے محروم رکھا لیکن عنقریب وہ وقت دور نہیں جب اس قوم کو مایوسی سے نکالا جائے گااور اہلیان گلگت بلتستان اپنا قانونی اور آئینی حق حاصل کر کے رہیں گے۔
وحدت نیوز(کوئٹہ) مجلس وحدت مسلمین پاکستان کے مرکزی رہنما علامہ سید ہاشم موسوی نے کہا ہے کہ مچھ میں شیطان صفت دہشت گردوں کے ہاتھوں بے گناہ ہزارہ کانکنوں کے شہادت پرزور مذمت کرتے ہیں اور موجودہ حکومت اور انتظامیہ کو اس المناک واقع کی اصل ذمہ دار ٹھہراتے ہیں۔ اس جیسے واقعات سے معلوم ہوتاہے کہ حکومت نے دہشت گردوں کے مقابلے میں گھٹنے ٹیک دیئے ہے جو ہرلحاظ سے قابل مذمت ہے ۔مجلس وحدت مسلمین حکومت سے سختی کے ساتھ مطالبہ کرتے ہے کہ فوراً دہشت گردوں کے خلاف کاروائی عمل میں لاکرکوئٹہ کے عوام اور پاکستان کو محفوظ بنائیں۔ آئے روز دہشت گردی کے واقعات، اغواء برائے تاوان ، چوری، ڈکیتی اور دیگرسنگین قسم کے جرائم نے کوئٹہ کے مظلوم عوام کی زندگیاں اجیرن بناکررکھ دی ہے اور اگر ان شیطان صفت دہشت گردوں کے خلاف کاروائی نہ کی گئی خاکم بدہن پاکستان کو آگ میں جھونکے کے مترادف ہوگا۔
انہوں نے کہا کہ مجلس وحدت مسلمین ملت تشیع کی دفاع کیلئے ہمیشہ کی تیارہے اور اپنے حقوق کیلئے کسی بھی جدوجہد سے دریغ نہیں کرینگے۔ جیسا کہ ناصر ملت علامہ ناصر عباس جعفری نے نشتر پارک عظمت ولایت کانفرنس میں کہاتھا کہ اگردہشت گردوں کو لگام نہ دی گئی تو وفاقی حکومت کوختم کردینگے بالکل اسی طرح ملت تشیع پاکستان اپنے محبوب علامہ ناصر عباس جعفری کے فرمان پرلبیک کہتے ہوئے میدان میں آئینگے اور پھردہشت گردوں کو پاکستان چھوڑناپڑے گا۔ مجلس وحدت مسلمین کے مرکزی رہنما علامہ سید ہاشم موسوی نے کہاہے کہ دہشت گرد اپنے ان بزدلانہ کاروائیوں کے ذریعے ملت تشیع پاکستان کو ہرگز خوفزدہ نہیں کرسکتی اورہم اپنے حقوق کے دفاع کیلئے کسی بھی قسم کی کوتاہی کا متحمل نہیں ہوسکتے ۔انہوں نے کہا کہ حکومت پاکستان ملت تشیع اور پاکستان کے عوام کو تحفظ فراہم کرنے میں سنجیدہ نہیں جس کی وجہ سے آئے روز بے گناہ افراد دہشت گردی کا نشانہ بنتی جارہی ہیں۔ انہوں نے کہا چیف جسٹس آف پاکستان کی بھی ذمہ داری بنتی ہیں کہ وہ قانون کی عمل داری کو یقینی بنانے کیلئے حکومت کو مجبور کریں کیونکہ ان سے منصب عدالت یہی تقاضا کرتی ہے کہ وہ اپنی ذمہ داری کو پورا کرتے ہوئے دہشت گردوں کیخلاف از خود نوٹس لیں۔ مجلس وحدت مسلمین پاکستان مچھ میں بے گناہ کے شہداء کے غم میں برابر کے شریک اور ان کے لواحقین کو تنہا نہیں چھوڑینگے ۔اللہ تعالیٰ شہداء کو شہداء کربلاکے ساتھ محشور فرمائیں۔
