وحدت نیوز(کوئٹہ) جنرل باڈی اجلاس میں ملک کی مو جودہ صورت حا ل بڑھتی ہوئی دہشت گر دی،لاقا نو نیت، مہنگائی، بد ترین بجلی کی لوڈ شیڈنگ،گیس پر یشر میں کمی ، اغوا ء بر ائے تا وان کے وارداتوں اور شہر یوں کے بنیادی حقوق کی عدم فراہمی پر با ت کر تے ہو ئے علامہ ہاشم موسوی کاکہنا تھا کہ ملک اس وقت شدید مشکلات کا شکا ر ہے جسمیں دہشت گر دی ، لا قا نو نیت اور مہنگا ئی سر فہرست ہے ملک میں ایک طرف دہشت گر دوں کی طر ف دہشت گردوں کیطرف سے معصو م انسا نوں کو نشا نہ بنا یا جا رہا ہے اور دوسری طرف انصا ف فر اہم کر نے والی اعلیٰ عدلیہ دہشت گر دوں کو سزائے سنا نے سے قا صر نظر آرہی ہے گزشتہ ایک ڈیڑھ دھا ئی سے مسلسل معصوم انسا نوں کے جا نوں سے کھیلنے والے دہشت گر دوں میں سے کسی ایک فر د کو کیفر کر دا ر تک نہیں پہنچا یا گیا جس سے دہشت گر دوں کے حو صلے بلند ہو ئے ہیں۔جبکہ پا ک وطن کے غیر ت مند جو ان او ر بزرگ شھید اعتزاز حسن اور شھید چو ہدری اسلم کی شکل میں دہشت گر دوں سے نبر د آزما ہے اور اُنکے سامنے آ ہنی دیوا ر کی ما نند کھڑی ہیں۔ اجلا س میں MPAآغا رضا ، کو ئٹہ ڈویژن کے سیکر یڑی جنرل عبا س علی، کونسلرکربلائی رجب علی ، حاجی عمر ان علی،غلام مہدی ، ہادی آغا،کامران حسین،خادم حسین،غلام حسین نے بھی شرکت کی ۔

علامہ ہا شم مو سوی نے کہا کہ پا کستان میں فر قہ واریت کا کو ئی مسئلہ نہیں شیعہ ،سُنی مسلمان آپس میں صدیوں سے بھا ئیوں کی طرح رہ رہے ہیں لیکن گزشتہ کئی سا لو ں سے ملک میں دہشت گر دی کے بد ترین واقعا ت رونما ہو رہے ہیں جس کی وجہ سے اب تک ہزاروں معصوم اور بے گنا ہ لو گ شھید ہو ئے ہے لیکن کچھ مفا د پر ست عنا صر دہشت گر دی کے واقعات کو فرقہ وا ریت کا رنگ دیکر اپنے مقا صد حا صل کرنے کی کو ششوں میں مصروف ہیں جو انتہا ئی افسوس نا ک ہے۔

ایم پی اے سید محمد رضا نے خطاب کرتے ہوئے کہا کہ ملک پر جب بھی کو ئی مشکل گھڑی آئی ہے تو شیعہ، سُنی بھائیوں نے ملکر حا لات کامقا بلہ کیا ہے اور ملک کو مشکلا ت سے نجا ت دلا یا ہے اور اب ایک بار پھر ہم نے اپنے سُنی بھا ئیوں کیسا تھ ملکر ملک کو ان بھر انوں سے نکا لنے کیلئے کمر کس لی ہے جسکا عملی مظا ہر ہ گلگت بلتستا ن، اسلا م آبا د،کوئٹہ میں ہمیں نظر آیا جہاں وطن عزیز پر قر با ن ہو نے والے شھدا ء کے لو احقین نے بھر پور شر کت کی اور شھداء کو زبر دست خر اج عقیدت پیش کیا گیا اس سلسلے کا اگلہ پر وگرام انشا ء اللہ میر پور کی سر زمین پر ایک عظیم اجتما ع کی شکل میں ہو گا جسمیں ملک بھر سے لو ا حقین شھداء ، سیاسی و مذہبی رہنما ء شر کت کر ینگے۔

وحدت نیوز(لاہور) مجلس وحدت مسلمین پنجاب کے سیکرٹری جنرل علامہ عبدالخالق اسدی نے اسلام آباد ایف 8 کچہری میں خودکش حملے کی شدید مذمت کرتے ہوئے کہا کہ نااہل حکمران شیطان صفت طالبان دہشت گردوں کے سامنے بے بس ہیں جنگ بندی کی سیاہی ابھی خشک بھی نہیں ہوئے تھے اسلام آباد میں گیارہ لاشوں کے تحفے دے کر طالبان نے ایک دفعہ پھر ثابت کیا کہ وہ اپنے سپانسرز کے ہر حکم کی تکمیل کے لئے ہمہ وقت تیار ہیں طالبان مذاکرات کاروں نے طالبان کو یہ سمجھا دیا ہے کہ حملے بے شک جاری رکھیں قبول کرنا چھوڑ دیں عین اسی فارمولے پر دہشت گردوں نے عمل درآمد شروع کر دیا ہے علامہ اسدی نے پاکستان بار کونسل کے ہڑتال کی مکمل حمایت کا اعلان کر تے ہوئے کہا کہ بہت جلد ان دہشت گردوں کیخلاف محب وطن جماعتوں سے مل کر پنجاب بھر میں عوامی جدوجہد کا آغاز کریں گے پاکستان کو دہشت گردوں اور اں کے حامیوں کے رحم وکرم پر نہیں چھوڑا جا سکتا طالبان اور طالبان مائنڈ سیٹ پاکستان کے لئے سب سے بڑا خطرہ ہے اُن کا کہنا تھا کہ شیعہ سنی جید علمائے کرام کے نقطہ نظر کے مطابق خوارج کا ایک ہی علاج ہے کہ اُن کیخلاف جہاد کیا جائے ۔

وحدت نیوز(خیر پور)16 مارچ کو ممتاز اسٹیڈیم خیرپور میں پاکستان کے با وفا فرزندلاکھوں کی تعداد میں دہشت گردی اور دہشت گردوں سے مذاکرات کے خلاف اکھٹا ہو نگے ، اپنے بھر پور قومی و ملی جوش و جذبے کے ساتھ شرکت کر کے حضرت محمد ﷺ سے تجدید عہد کریں گے ، انشاء اللہ یہ اجتماع عوامی شرکت کا رکارڈ قائم کرے گا ، ایک لاکھ سے زائد فرزندان محمدی کی شرکت متوقع ہے۔ لبیک یارسول اللہ کانفرنس کی انتظامی کمیٹیوں کی تشکیل کے حوالے سے ایم ڈبلیو ایم صوبہ سندھ خیر پور میں پریس کانفرنس کرتے ہوئے مجلس وحدت مسلمین کےصوبائی سیکرٹری جنرل علامہ مختار امامی نے کہا کہ لبیک یا رسول اللہ کانفرنس میں سندھ بھر سے عوام شرکت کریں گے ، شرکاء کے جان و مال کے تحفظ کی ذمہ داری حکومت پر عائد ہو تی ہے ، ممتاز اسٹیدیم کے اطراف اور کراچی سمیت اندرون سندھ کے مختلف شہروں سے آنے والے قافلوں کی سکیورٹی کے موثر انتظامات کیئے جائیں ، کراچی سمیت سندھ بھر میں تشہیری مہم اختتامی مراحل میں ہے جب کہ عوامی رابطہ مہم بھر پو ر انداز میں جاری ہے ، سندھ بھر سے قافلے 15 مارچ کی شب سے خیرپور پہنچنا شروع ہو جائیں گے ، جلسہ گاہ کے اطراف میں دو ہزار وحدت اسکاؤٹ اور وحدت یوتھ کے جوان سکیورٹی کے فرائض انجام دیں گے ۔ جبکے ان کے ہمراہ ڈپٹی سیکرٹری جنرل عالم کربلائی ،یعقوب حسینی ،اور دیگر رہنما موجود تھے۔

وحدت نیوز(قم المقدسہ) تحریک منہاج القرآن کے سربراہ ڈاکٹرمحمد طاہر القاردی نے مجلس وحدت مسلمین پاکستان کے سربراہ علامہ راجہ ناصرعباس جعفری سے ایران کے مقدس شہر قم میں خصوصی ملاقات کی اس موقع  پر ڈاکٹر محمد طاہر القادری کا علامہ راجہ ناصر عباس جعفری سے گفتگو کر تے ہو ئے کہنا تھا کہ پاکستان کو دہشت گردی اور لاقانونیت کی دلدل سے نکالنے کے لئے محب وطن قوتوں کا اکھٹاہو نا نا گزیر ہو چکا ہے،مجھے خوشی محسوس ہو تی کے جب میں آپ لوگوں کی جدوجہد کو ملاحضہ کر تا ہو ں کہ پہ در پہ حملوں اور نسل کشی کے باوجود ہمیشہ آپ لوگ مذہبی تفریق کو بالائے طاق رکھ کرپاکستان کے استحکام کا نعرہ بلند کرتے ہیں ، آپ کی وطن دوستی کا یہ جذبہ مجھے بھی حوصلہ فراہم کرتا ہے، تحریک منہاج القرآن دہشت گردی کے خلاف ہر محاذپرمجلس وحدت مسلمین کے شانہ بشانہ موجود رہے گی۔

علامہ راجہ ناصر عباس کا ڈاکٹر طاہر القادری سے گفتگو کر تے ہو ئے کہنا تھا کہ پاکستان کے تمام مسائل کی اصل جڑ صیائی اسٹیبلشمنٹ ہے، جس کا مقابلہ کر نے کے لئے شیعہ اور بریلوی اہل سنت کا یکجا ہو نا انتہائی ضروری ہے، مجلس وحدت مسلمین نے دہشت گردوں کے خلاف جس دوٹوک موقف کا اعلان کیا تھا آج وہ  پوری محب وطن پاکستانی عوام کی ترجمان بن چکا ہے، علامہ راجہ ناصر عباس جعفری کا کہنا تھا کہ ہماری خواہش ہے کہ دہشت گردی کے خلاف اور وطن دوستی کے جس سفر کا آغاز مجلس وحدت مسلمین اوت سنی اتحاد کونسل نے کیا ہے اس میں تحریک منہاج القرآن بھی شامل ہو تاکہ ہم پہلے سے زیادہ منظم انداز میں ملک دشمن قوتوں کا مقابلہ کر سکیں ۔