The Latest

وحدت نیوز(کوئٹہ)مجلس وحدت مسلمین کے مرکزی سیکرٹری تنظیم سازی علامہ مقصود علی ڈومکی صوبائی نائب صدور علامہ شیخ ولایت حسین جعفری عیوض علی ہزارہ ضلعی رہنما حاجی غلام حسین اخلاقی فرید احمد ڈاکٹر لیاقت علی ہزارہ و دیگر نے بلوچستان کے ممتاز قبائلی و سیاسی رہنما عوامی نیشنل پارٹی کے سابقہ صوبائی صدر نواب ارباب عبدالظاہر کاسی کی وفات پر ان کے فرزند سینیٹر نوابزادہ ارباب عمر فاروق کاسی، ارباب سلیمان کاسی و دیگر ورثاء اور عوامی نیشنل پارٹی کے صوبائی صدر اصغر خان اچکزئی سے تعزیت کی۔

اس موقع پر علامہ مقصود علی ڈومکی نے تاثرات بک میں اپنے تاثرات قلمبند کئے۔ اس موقع پر علامہ مقصود علی ڈومکی نے کہا کہ ارباب عبدالظاہر کاسی نے طویل سیاسی جدوجہد کی ضیائی آمریت کے خلاف جدوجہد کے دوران جیل کاٹی اور 2012 میں عسکریت پسندوں نے ارباب عبدالظاہر کو اغواء کیا۔ آپ عوامی نیشنل پارٹی کے پلیٹ فارم سے بلوچستان کے عوام کی آواز بنے۔ ان کی وفات پر عوامی نیشنل پارٹی کے کارکنوں کاسی قبیلے اور مرحوم کے خاندان کی خدمت میں تعزیت و تسلیت پیش کرتے ہیں۔

وحدت نیوز(جہلم)ایم ڈبلیو ایم شعبہ خواتین ضلع جہلم کی جانب سے تحفظ عزاداری کانفرنس کا انعقاد کیا گیا جس میں مرکزی صدر ایم ڈبلیو ایم وومن ونگ سیدہ معصومہ نقوی اور پرنسپل جامعہ بعثت و رکن نگران کونسل ایم ڈبلیو ایم وومن ونگ مولانا مہدی کاظمی صاحب نے خصوصی خطاب کیا ضلعی صدر محترمہ تحسین زہرا کی دعوت پر ٹوبہ کے علاقے کی ذاکرات نے کانفرنس میں شرکت کی۔

 اس موقع پر مرکزی سیکریٹری تحفظ عزاداری فہیمہ زینب نے بھی کانفرنس سے خطاب کیا  مقررین نے محرم الحرام میں مقصد قیام امام حسین علیہ السلام اور ام المصائب جناب زینب بنت علی سلام اللہ علیھا کے پیغام کو عوام تک پہنچانے اور حالات حاضرہ سے مجمع کو آگاہ کرنے کی ضرورت پر زور دیا ۔

 انہوں نے کہا کہ منبر امام حسین علیہ السلام سے خطاب کرنے والے کے کاندھوں پر تمام مجمع کے افکار اور شعور کو بیدار کرنے کی ذمہ داری ہوتی ہے ذاکرات و معلمات کو داد و تحسین اور بانیان کی رضا و خوشی حاصل کرنے کے بجائے خداوند متعال و امام حسین علیہ السلام کی خوشنودی کے طلبگار بننا چاہئے۔

وحدت نیوز(اسلام آباد) سربراہ مجلس وحدت مسلمین پاکستان سینیٹر علامہ راجہ ناصرعباس و دیگر قائدین کا صدرنیشنل پریس کلب اسلام آباد اظہر خان جتوئی کے والد بزرگوار کی رحلت پر اظہارافسوس وتعزیت ۔

سینیٹر علامہ راجہ ناصرعباس جعفری، سید ناصر عباس شیرازی، مظاہر شگری سمیت دیگر ایم ڈبلیوایم قائدین  نے اپنے مشترکہ تعزیتی پیغام میں کہا کہ نیشنل پریس کلب اسلام آباد کے صدر اظہر خان جتوئی کے والد بزرگوار امداد حسین خان جتوئی کے انتقال پر دلی افسوس ہوا ہے۔

اظہر خان جتوئی اور انکے برادران مہدی حسن خان جتوئی اور حیدر خان جتوئی سمیت تمام سوگوار خانوادہ گرامی کی خدمت میں دلی تعزیت پیش کرتے ہیں۔ خدا وند متعال صدقہ چہاردہ معصومین علیہم السلام مرحوم کی مغفرت اور درجات بلند فرمائے اور لواحقین کو صبر جمیل عطا فرمائے۔ آمین یا اللہ

وحدت نیوز(راولپنڈی) مجلس وحدت مسلمین پاکستان کے مرکزی جنرل سیکرٹری سید ناصر عباس شیرازی اور مجلس علمائے مکتب اہلبیت کے نائب صدر علامہ اقبال بہشتی نے قائد اسلامی تحریک پاکستان اور بزرگ عالم دین علامہ سید ساجد علی نقوی سے ملاقات کی اور ان کے داماد سید تہذیب الحسن کی ناگہانی وفات پر تعزیت کی۔

ایم ڈبلیوایم کے مرکزی قائدین نے مرحوم کے ایصال ثواب کیلئےفاتحہ خوانی بھی کی اور مرحوم کے لواحقین کے لئے صبر اور مرحوم کے درجات کی بلندی کے لیے دعا بھی کی۔

وحدت نیوز(کوئٹہ)مجلس وحدت مسلمین پاکستان کے مرکزی سیکرٹری تنظیم سازی علامہ مقصود علی ڈومکی، صوبائی نائب صدر علامہ شیخ ولایت حسین جعفری، صوبائی جنرل سیکرٹری علامہ سہیل اکبر شیرازی، ضلعی رہنماء حاجی غلام حسین اخلاقی، فرید احمد، حاجی دولت حسین و دیگر نے عید کے تیسرے روز بہشت زینب ہزارہ قبرستان کوئٹہ پہنچ کر شہدائے راہ حق کے مقدس مزارات پر حاضری دی اور شہداء کو سلام عقیدت پیش کیا۔ وفد نے بعض شہداء کے گھروں پر جا کر خانوادہ شہداء کو عید مبارک پیش کی۔
 
اس موقع پر گفتگو کرتے ہوئے علامہ مقصود علی ڈومکی نے کہا کہ شہداء ہمارے محسن ہیں۔ زندہ قومیں ہمیشہ اپنے محسنوں کو یاد رکھتی ہیں، شہدائے راہ حسینیت کی قربانی کو ہمیشہ یاد رکھا جائے گا۔ انہوں نے کہا کہ گنج شہداء کوئٹہ ملت جعفریہ کی مظلومیت اور صداقت کا منہ بولتا ثبوت ہے۔ جہاں سینکڑوں مظلوم شہداء کی قبریں اس بات کی گواہ ہیں کہ ہم نے عشق علی علیہ السلام اور آل محمد علیہم السلام کی مودت میں کتنی قربانیاں دی ہیں۔ اس موقع پر علامہ شیخ ولایت حسین جعفری نے کہا کہ مجلس وحدت مسلمین شہداء راہ اسلام کے افکار و اہداف کی محافظ جماعت ہے۔ علامہ سہیل اکبر شیرازی نے کہا کہ ہم شہدائے راہ حق سے کئے ہوئے عہد کو وفا کریں گے۔

وحدت نیوز(سکردو)مجلس وحدت مسلمین کے پارلیمانی لیڈر اور قائد حزب اختلاف گلگت بلتستان اسمبلی کاظم میثم نے ایک بیان میں کہا ہے کہ صوبائی وزیر کی جانب سے اپوزیشن پر گرین ٹورزم کیلئے نوکریوں کی لسٹ دینے کا الزام سفید جھوٹ کے سوا کچھ نہیں، ہماری طرف سے لسٹ نہیں ایک نام بھی ثابت کرے سیاست چھوڑ کر عوام سے معافی مانگیں گے۔ ان کا کہنا تھا کہ کیا یہ الزام جھوٹا ثابت ہونے پر جیالے کے لباس میں پوشیدہ، قوم پرستی کے دعویدار اور گرین ٹورزم کے طرفدار عوام سے معافی مانگیں گے۔ سٹی پارک پر کنسٹریکشن کسی حکومتی وزیر نے نہیں بلکہ الڈینگ اور سکردو کے عوام نے روکی تھی۔
 
اپوزیشن لیڈر کا کہنا تھا کہ ہمارے دور میں گرین ٹورزم بنی ہی نہیں تھی، آج بھی کہتا ہوں سرکاری گیسٹ ہاوسز سے حکومت کو تکلیف ہے تو اوپن بڈنگ کریں، گیسٹ ہاوسز کو ہر صورت میں لیز آوٹ کرنے والوں میں اتنی جرات ہے کہ کل ان سے منافع کا حساب مانگیں؟ گلگت گیسٹ ہاوس اور چلاس گیسٹ ہاوس کو پہلے رینجر سے چھڑوا کر گرین کو دیں پھر دیگر گیسٹ ہاوسز کی بات کریں۔ کل گرین ٹورزم کو بھی قومی سالمیت کا مسئلہ قرار دیکر عوام کو بولنے پر پابندی عائد کریں گے جیسے آج وزراء انکے وکیل بنے ہوئے ہیں۔ گریڈ ون اور ڈرائیور کی جاب کے لیے قومی مفادات پر سمجھوتہ کرنے والے کوئی اور ہوں گے۔
 
انہوں نے کہا کہ میں صوبائی وزیر اور گرین ٹورزم کے سرگرم وکیل سے گزارش کرتا ہوں کہ اپوزیشن کی اس لسٹ کو اخبار میں چھاپیں جو نوکریوں کے لیے دی ہے، تاکہ ایسے غدار قوم کے سامنے بے نقاب ہوجائے، یہ الزام ثابت نہ کرسکے تو قوم اندازہ کریں کہ قوم کا فیصلہ کیسے لوگوں کے ہاتھوں میں ہے جو گرین کی وکالت میں اپنوں پر الزام لگانے سے گریز نہیں کرتے۔ انہوں نے کہا کہ پس ثابت ہوا گیسٹ ہاوسز سے قوم کو نقصان ہے، لہٰذا ایس سی او، ایف ڈبلیو او سیمت دیگر اداروں کے گیسٹ ہاوسز کو بھی لیز آوٹ کرکے منافع کمائیں، حکومت نے زمینوں اور جنگلات پر بھی سائن کرکے گرین صاحب کو دیا تھا یہ عوام ہہں جنہوں نے حکومت کے عزائم کو خاک میں ملایا تھا۔

وحدت نیوز(کوئٹہ) مجلس وحدت مسلمین پاکستان کے مرکزی سیکرٹری تنظیم سازی علامہ مقصود علی ڈومکی نے کہا ہے کہ حضرت ابراہیم علیہ السلام حکم خدا سے اپنے پیارے بیٹے حضرت اسماعیل علیہ السلام کو راہ خدا میں قربان کرنے کے لئے صدق دل سے آمادہ ہوئے۔ یہ بات انہوں نے کوئٹہ میں مدرسہ خاتم النبیین صلی اللہ علیہ وآلہ وسلم میں عید الاضحیٰ کو نماز کے موقع پر شرکاء سے خطاب کرتے ہوئے کہی۔ انہوں نے کہا کہ حضرت ابراہیم خلیل اللہ علیہ السلام جب الٰہی امتحانات میں سرخرو ہوئے تو پروردگار عالم نے انہیں انسانوں کا امام بنایا۔ حضرت ابراہیم علیہ السلام پرچم توحید کے علمبردار تھے۔ آپ باطل طاغوت سے نبرد آزما ہوئے اور خدا کی راہ میں ہجرت اور جہاد کیا۔ آپ حکم خدا سے اپنے پیارے بیٹے حضرت اسماعیل علیہ السلام کو راہ خدا میں قربان کرنے کے لئے صدق دل سے آمادہ ہوئے۔ حضرت ابراہیم علیہ السلام کا پاکیزہ کردار عالم انسانیت کے لئے نمونہ عمل ہے۔

انہوں نے کہا کہ ہم عید کے موقع پر فلسطین کے مظلوم مسلمانوں سے اظہار یکجہتی کرتے ہیں۔ ہم فلسطین کے درد و الم میں شریک ہیں۔ غزہ میں جاری فلسطینیوں کی نسل کشی نے عالم انسانیت کے ضمیروں کو جھنجھوڑا ہے اور پوری دنیا اسرائیل کے خلاف سراپا احتجاج بنی ہوئی ہے۔ علامہ مقصود ڈومکی نے کہا کہ آج دنیا میں ظالم اور مظلوم کے حامیوں کی نئی صف بندی ہو رہی ہے۔ پوری دنیا کے پاک فطرت، غیرت مند انسان فلسطین کے ساتھ کھڑے ہیں، جبکہ ظالم و سفاک استکباری قوتیں اسرائیل کے ساتھ کھڑی ہیں۔ انہوں نے کہا کہ حکومت نے ظالمانہ بجٹ پیش کرکے عوام سے جینے کا حق بھی چھین لیا ہے۔ روز افزوں غربت و افلاس کے ساتھ امن و امان کی ابتر صورتحال چوری ڈاکے اور اغواء برائے تاوان کی وارداتوں نے عوام کی زندگی عذاب بنا دی ہے۔ حکمران طبقہ عوامی مسائل و مشکلات سے بے نیاز ہوکر کرپشن اور لوٹ مار میں مصروف ہے۔ جن کے جسم کا گوشت اور ہڈیاں حرام کے پیسوں سے بنی ہیں قوم ان سے خیر کی کوئی امید نہ رکھے۔

وحدت نیوز(کراچی) مجلس وحدت مسلمین ضلع ملیر کے زیر اہتمام چودہویں سالانہ اجتماعی دعائے عرفہ و مجلس شہادت سفیر امام حسینؑ حضرت مسلم بن عقیلؑ کا مسجد حسنین جعفرطیار سوسائٹی میں انعقاد، تلاوت حدیث کسّا کی سعادت قاری حجت رضا نے حاصل کی، تلاوت دُعائے عرفہ کی سعادت مولانا قاری علی حسن شگری اور مولانا گلزارحسین شاہدی نے حاصل کی، جبکہ مولانا علی حسن شگری نے مصائب حضرت مسلم بن عقیل ؑ بیان کیئے، آخر میں معروف نوحہ خواں موسیٰ رضوی نے نوحہ خوانی کی، اس موقع پر مومنین ومومنات کی بڑی تعداد شریک تھی۔

وحدت نیوز(لاہور)مجلس وحدت مسلمین (دعا کمیٹی) لاہور کے زیر اہتمام دعائے عرفہ و مجلس عزاء بسلسلہ شہادت سفیرِحسین ع حضرت مسلم بن عقیل علیہ السلام کا پروگرام 9 ذوالحج 16 جون بروز اتوار امام بارگاہ گلشنِ زہراء سلام اللّٰہ علیہا بھیکے وال موڑ وحدت روڈ لاہور میں منعقد ہوا،دعائے عرفہ میں مومنین و مومنات نے کثیر تعداد میں شرکت کی۔

علامہ سید حسن رضا ہمدانی نے شہادت مسلم بن عقیل علیہ السلام کی مناسبت سے مجلس عزاء سے خطاب کیا ۔ جناب وجاہت حسین جعفری صاحب نے امام زمانہ عجل اللہ فرج الشریف کی غیبت اور مومنین کا کردار کے موضوع پر خطاب کیا اور قاری عبد الباسط نے دعائے عرفہ کی تلاوت کی۔

دعائے عرفہ کے پروگرام میں دعا کیمٹی کے انتظامی ممبران خصوصی طور پر برادر نقی مہدی ، اسد علی ، سید شعیب حیدر جعفری ، سید شعیب علی جعفری سیمت وہ تمام مومنین و مومنات کے شکر گزار ہیں جہنوں نے اس کار خیر میں کسی بھی حوالے سے تعاون کیا۔اللہ تعالیٰ آپ سب احباب کی کاوشوں کو قبول کرے اور آپ سب احباب کی حاجات کو پورا کرے۔الٰہی امین

وحدت نیوز(چنیوٹ)مجلس وحدت مسلمین ضلع چنیوٹ کے تعاون سے میڈیکل کیمپ کا انعقاد ماشاءاللہ ایک کامیاب کیمپ کا انعقاد جو ایک ٹیم کے ورک کا نتیجہ ہے اس میں الحمدللہ ساڑھے تین سو سے زائد مریضوں کا فری چیک اپ اور ان کو ادویات فراہم کی گئی 50 سے زائد الٹرا ساؤنڈ اور 50 سے زائد ای سی جی بھی کیے گئے 40 مریضوں کی ہیپاٹائٹس سی کی کٹ استعمال کی گئی اس کے علاوہ خصوصی بات کہ بلڈ گروپنگ کے حوالے سے بھی کام کیا گیا اور 213 افراد کی فہرست الحمدللہ تیار ہو چکی ہے اگر ہم تمام افراد انسانیت کی خدمت پر یقین رکھتے ہیں تو ہمیں ایک دوسرے کا دست و بازو بننا پڑے گا ۔

قران کا ارشاد ہے خیر الناس من ینفع الناس تم میں سے بہترین انسان وہ ہے جو لوگوں کے لیے فائدہ مند ہے امید کرتے ہیں کہ وہ افراد جو درد دل رکھتے ہیں ائندہ ہمارے ساتھ مل کر اپنے علاقہ کے ان پسے ہوئے طبقات کی خدمت کریں گے بہت شکریہ اس میڈیکل کیمپ میں اپنی خدمات پیش کرنے والے ہر جوان کو میرا سلام  بالخصوص ائی ایس او کے جوانوں کو جنہوں نے پورا دن گرمی میں سخت مشقت کی لوگوں کو سہولیات فراہم کی اور یونٹ صدر صاحب نے ایک لمحے کے لیے بھی اپنی تھکاوٹ کا احساس نہیں ہونے دیا اللہ تعالی ہم سب کو انسانیت کی خدمت کرنے کی سچی توفیق دے جزاک اللہ

Page 1 of 1474

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree