مقررین کا کہنا تھا کہ اس وقت پنجاب سمیت پورے پاکستان میں انتخابات کی تیاریاں جاری ہیں اور ابھی سے سیاستدانوں کے پاؤں جلنا شروع ہوگئے ہیں ۔ انشاء للہ یہ ملت اپنی طاقت اور عظمت کا بھرپور مظاہرہ کرتے ہوئے ملک دشمن عناصر کو پارلیمنٹ سے باہرنکالے گی۔
مجلس وحدت مسلمین بھکر(شعبہ سیاسیات) کے زیراہتمام مومن ہال بھکر میں‘‘ملت تشیع کا تعمیر وطن اور بقائے وطن میں سیاسی کردار ‘‘کے عنوان سے سیاسی سیمینار منعقد ہوا ۔ سیمینار کی صدارت مرکزی سیکرٹری سیاسیات سید ناصر عباس شیرازی نے کی۔ جبکہ ان کے علاوہ سیمینار سے صوبائی سیکرٹری جنرل علامہ عبدالخالق اسدی اور ضلعی سیکرٹری جنرل سفیر حسین شہانی ایڈووکیٹ نے خطاب کیا۔ سیمینار میں سردار حمید اکبر نوانی، حبیب اللہ شہانی، ملک اظفر کہاوڑسمیت 400سے قریب سیاسی شخصیات نے شرکت کی ۔سیمینار سے خطاب کرتے ہوئے مقررین کا کہناتھا کہ مجلس وحدت مسلمین آئندہ عام انتخابات میں اپنا بھرپور سیاسی کردار ادا کرے گی۔ اس موقع پر عوام کی جانب سے مجلس وحدت مسلمین کی بھرپور حمایت کااعلان کیا گیا اور کہا گیا کہ مجلس وحدت مسلمین ملت تشیع کی بقاء اور جس تشخص کو اُجاگر کرنے کے لیے میدان آئی ہے پوری قوم ان کے ساتھ ہے۔ مقررین کا کہنا تھا کہ اس وقت پنجاب سمیت پورے پاکستان میں انتخابات کی تیاریاں ہیں اور ابھی سے سیاستدانوں کے پاؤں جلنا شروع ہوگئے ہیں ۔ اُنہوں نے کہا کہ انشاء للہ یہ ملت اپنی طاقت اور عظمت کا بھرپور مظاہرہ کرتے ہوئے ملک دشمن عناصر کو پارلیمنٹ سے باہر نکالے گی۔
محب وطن جماعتوں کو ایک پلیٹ فارم پر اکھٹا ہوکر جدوجہد کرنی چاہئے، علامہ اقتدار نقوی
ایم ڈبلیوایم ملتان کے سیکرٹری جنرل نے جلالپور میں عوامی رابطہ مہم کے دوران کارکنان سے خطاب کرتے ہوئے کہا کہ وقت آگیا ہے کہ قوم ایسے تمام نمائندوں کو مسترد کردے جو ملکی مفادات کو ذاتی مفادات پر قربان کررہے ہیں
کچھ قوتیں انتخابات کو سبوتاژ کرنا چاہتی ہیں۔محب وطن جماعتوں کو ایک پلیٹ فارم پر اکھٹا ہوکر جدوجہد کرنی چاہئے۔جو شخص جتنا بڑا چور ہے اسے اتنا ہی بڑا عہدہ دے دیا گیا ہے۔ ان خیالات کا اظہار ضلعی سیکرٹری جنرل مجلس وحدت مسلمین ملتان علامہ سید اقتدارحسین نقوی نے جلالپور میں عوامی رابطہ مہم کے دوران کارکنان سے خطاب کرتے ہوئے کیا۔ اس موقع پر علامہ غلام مصطفی انصاری، ملک غلام اصغر سومرو اور سید فرخ مہدی ودیگر نے بھی خطاب کیا۔ علامہ اقتدار نقوی نے کہا کہ پاکستان کی تاریخ کے بدترین اور کرپٹ حکمران حادثاتی طور پر قوم پر مسلط ہوچکے ہیں۔وقت آگیا ہے کہ قوم ایسے تمام نمائندوں کو مسترد کردے جو ملکی مفادات کو ذاتی مفادات پر قربان کررہے ہیں۔انتخابات میں تاخیر ناقابل برداشت ہے۔قوم ووٹ کی پرچی کے ذریعے حکومت اور اس کے اتحادیوں کا احتساب کرے گی۔ملک میں جس کی لاٹھی اس کی بھینس کا قانون رائج ہے۔ مہنگائی نے غریب عوام کا جینا محال کردیا ہے۔ملک سنگین مسائل میں گھرا ہوا ہے۔ایوان صدر سے لے کر نیچے تک کرپشن اپنے عروج پر ہے۔حکمرانوں نے ملکی سلامتی،عزت اور وقار داؤ پرلگادیا ہے۔باوقار مقام کے لئے کشکول توڑنا ہوگا۔بجلی و گیس کی لوڈ شیڈنگ نے30ہزار صنعتی یونٹس کو بند اور لاکھوں مزدور کو بے روز گار کردیا ہے۔اُنہوں نے کہا کہ مجلس وحدت مسلمین جنوبی پنجاب کی سیاست میں اہم رول ادا کرے گی۔ اس حوالے سے عوامی رابطہ مہم جاری ہے اور بہت جلد اپنے حمایت یافتہ اُمیداروں کااعلان کیا جائے گا۔ 
ایم ڈبلیوایم کے وفد کی بھکر میں شہید یونس کاظمی کے لواحقین سے اظہارتعزیت
لواحقین سے تعزیت کرتے ہوئے مجلس وحدت مسلمین کے مرکزی سیکرٹری سیاسیات سید ناصر عباس شیرازی نے حکومت سے مطالبہ کیا کہ ڈیرہ اسماعیل خان سے اُٹھائے گئے بے گناہ نوجوانوں کو فی الفور آزاد کیا جائے۔
شہید یونس عباس کاظمی کی شہادت نے ہماری گورنمنٹ ، قانون نافذ کرنے والے اداروں ، پاک آرمی اور خفیہ ایجنسیوں پر ایک سوالیہ نشان پیدا کردیا ہے کیوں کہ اس حوالے درجنوں گواہیاں موجود ہیں کہ درجنوں آرمی کے افراد نے رات کی تاریکی میں اڑھائی سال قبل بھکر سے شہید یونس کاظمی کو اُٹھا یا اور چند روز قبل اُن کو بے دردی سے شہید کردیا گیا ۔ ان خیالات کااظہار مجلس وحدت مسلمین پاکستان کے مرکزی سیکرٹری سیاسیات سید ناصر عباس شیرازی اور صوبائی سیکرٹری جنرل پنجاب علامہ عبدالخالق اسدی نے بھکر میں شہید یونس عباس کاظمی کے بھائی اور ورثاء سے تعزیت کا اظہار کرتے ہوئے کیا۔ ناصر عباس شیرازی نے کہا کہ حکومتی ایجنسیوں کی جانب سے بے گناہ افراد کو اس طرح اُٹھانا اور ایک لمبا عرصہ تحویل میں رکھ کر شہید کردینا سمجھ سے بالاتر ہے ۔ اُنہوں نے کہا کہ اگر حکومتی ایجنسیاں سمجھتی تھیں کہ اس نوجوان نے کوئی اسٹیٹ خلاف کوئی کام کیا ہے تو اُسے چاہیے تھا کہ قانون کو ہاتھ میں لیے تھانے کے حوالے کیاجاتا لیکن یہاں اُلٹی گنگا بہہ رہی قاتل آزاد ہیں جبکہ معصوم اور نہتے محب وطن شہریوں کو بلاجرم شہید کیا جارہا ہے۔ اُنہوں نے آرمی چیف سے مطالبہ کیا کہ ہمارے نوجوانوں کو جو چن چُن کر شہید کیا جارہا ہے فی الفور اس کا نوٹس لیتے انکوائری کمیشن تشکیل دیا جائے اور اس طرح کی سفاکانہ کاروئیوں میں ملوث افراد کے خلاف سخت کاروائی کی جائے۔ اُنہوں نے کہا کہ ابھی بھی ہمارے سات نوجوانوں کو ڈیرہ اسماعیل خان سے بغیر کسی جُرم اور مقدمے کے حکومتی ایجنسیوں نے اپنی تحویل میں رکھا ہوا ہے حتی کہ بعض نوجوان کئی سالوں سے اُن کی قید میں ہیں جنہیں تاحال کسی تھانے یا کچہری میں پیش نہیں کیا گیا ہمارا حکومت اور حکومتی اداروں سے مطالبہ ہے کہ ان نوجوانوں کو فی الفور رہا کیا جائے اور اگر حکومت سمجھتی ہے کہ یہ افراد کسی بھی اسٹیٹ کے خلاف جرم میں ملوث ہیں تو اُنہیں مقامی تھانے یا عدالت کے حوالے کیا جائے تاکہ آئین پاکستان کے مطابق کاروائی عمل میں آئے۔ اُنہوں نے کہا کہ ہم حکومت کو واضح کردینا چاہتے ہیں کہ اگر ہمارے نوجوانوں کو نہ چھوڑا گیا تو اُن نوجوانوں کو پہنچنے والے کسی بھی نقصان کی ذمہ دار حکومتی ایجنسیاں اور پاک فوج ہوگی۔

جب تک امّت مسلمہ استعماری و استکباری قوتوں سے مقابلے کے لیئے کمربستہ نہیں ہوگئی ہماری سیاسی اجتماعی مشکلات بھی کم نہیں ہو نگی ۔پاک ایران گیس پائپ لائن منصوبے پر امریکی تکلیف غیر یقینی نہیں ۔ پاکستان کو مسائلستان بنانے میں بڑا اور اہم کردار امریکہ نے ہی ادا کیا ہے ۔ صدر زرداری امریکی اعتراض کو خاطر میں لا ئے بغیر قومی مفاد کو مدِ نظر رکھتے ہوئے جلد گیس پائپ لائن منصوبے کے آغاز کا اعلان کریں ۔ ان خیالات کا اظہارسیکریٹری جنرل مجلس و حدت مسلمین ضلع ملیر سجاد اکبر زیدی نے وحدت ہاؤس میں جماعت اسلامی ضلع ملیر کے وفد سے گفتگو کر تے ہو ئے کیا ۔

جماعت اسلامی کا تین رکنی وفدضلعی امیر توفیق الدین کی قیاد ت میں ضلعی سیکریٹریٹ ایم ڈبلیو ایم ملیر پہنچا ۔ وفدکے دیگر ارکان میں جنرل سیکریٹری ضلع ملیرالطاف پٹنی اور کورڈینیٹر پولیٹیکل سیل کریم بخش بھی شامل تھے ۔ مجلس وحدت مسلمین کی جانب سے ضلعی ڈپٹی سیکریٹری جنرل احسن عباس رضوی، سیکریٹری روابط ثمر سعید رضوی بھی ملاقات میں موجود تھے ۔
اس موقع پر گفتگو کر تے ہو ئے سجاد اکبر زیدی نے کہا کہ امّت مسلمہ میں اتحاد اور وحدت خصوصاً تمام مکاتب فکر کے درمیان محبت اور بھائی چارگی ایم ڈبلیو ایم کا بنیادی حدف ہے اور اس حوالے سے ہم تمام ہم خیال دینی و سیاسی جماعتوں کے ساتھ تعاو ن پر تیار ہیں ۔پاکستان کو دہشتگردی اور کرپشن کی لعنت سے آزاد کرانے میں تمام مکاتب کو اپنا کردار ادا کر نا ہو گا۔ان کا کہنا تھا کہ مجلس و حدت مسلمین کوئٹہ کے حالیہ سانحات اور بلوچستان میں گورنر راج پر جماعت اسلامی کی حمایت پر ان کی شکر گذار ہے ۔
ضلعی امیرجماعت اسلامی توفیق الدین نے شہداء کوئٹہ کو شاندار الفاظ میں خراج تحسین پیش کر تے ہوئے کہا کہ اپنی مظلومیت کو طاقت میں تبدیل کر نے کہ عظیم کارنامے پر خانوادۂ شہداء اور مجلس و حدت مسلمین کی قیادت کو سراہتے ہیں ۔ جس طرح ملّت تشیع اور مجلس و حدت مسلمین کے کارکنان نے پو رے پاکستان کو جام کر کے اپنے جائز حقوق کا دفاع کیا اسکی مثال نہیں ملتی ۔ جماعت اسلامی پاکستان مشکل اور مصیبت کی ہر گھڑی میں ملّت تشیع اور ایم ڈبلیو ایم کے شانہ بشانہ ہے۔
اس موقع پر مجلس وحدت مسلمین ضلع ملیر کے ڈپٹی سیکریٹری جنرل احسن عباس رضوی نے جماعت اسلامی کے وفد کا آمد پر شکریہ ادا کیا اور رابطوں کی مظبوطی پر زور دیا اور ملاقاتوں کے جاری رکھنے پر اتفاق کیا گیا ۔ملاقات کے آخر میں شہدائے کوئٹہ کے درجات کی بلندی کے لیئے دعائے مغفرت بھی کی گئی

صدر زرداری اپنے دورہ ایران کو مکمل کرنے کے بعد وطن واپسی پر کوئٹہ پہنچے جہاں انہوں نے مختلف مسالک کے علمائے کرام نیز سانحہ کوئٹہ کے سلسلے میں بھی علمائے کرام اور ہزارہ اہل تشیع کے نمائندوں سے بھی ملاقات کی مختلف مسالک کے علمائے کرام کے ساتھ ملاقات میں صدر زرداری نے بھائی چارگی پر زور دیا 
دوسری جانب سانحہ کوئٹہ کے سلسلے میں علمائے کرام اور ہزارہ اہل تشیع کے عمائدین کے ساتھ ملاقات میں صدر زرداری کے سامنے ایک بار پھر اس بات کو دوہرایا گیا کہ حکومت اور وارثین شہدا کے مابین مذاکرات پر عمل در آمد میں تیزی لائی جائے ۔
اس ملاقات میں علمائے کرام علامہ مقصود ڈومکی ،علامہ مہدی نجفی،علامہ جمعہ اسدی ،قیوم چنگیزی اور دیگران شامل تھے صدر مملکت نے اس ملاقات میں شہدا کے نام فاتحہ پڑھی اور زخمیوں کی خیریت دریافت کی اور اس بات کی یقین دہانی کرائی کہ وارثین شہدا کے تمام تر مطالبات پر عمل درآمد ہوگا اور اس میں تیزی لائی جائے گی اس ملاقات میں گورنر بلوچستان نے مطالبات پر اب تک ہونے والی پیشرفت پر روشنی ڈالی واضح رہے کہ اس ملاقات میں سنیٹر فیصل رضا عابدی بھی موجود تھے