وحدت نیوز(کراچی) پاکستان میں کہیں حکومتی رٹ موجود نہیں ، کراچی تا پاراچنار دہشت گرد عملی طور پر اپنا کنٹرول مضبوط کر رہے ہیں ،علامہ دیدار جلبانی اور ہزاروں بے گناہ پاکستانیوں کے قتل عام کے ذمہ دارتکفیری دہشت گردوں کے ساتھ ساتھ نااہل حکمران بھی ہیں، طالبان دوست اور مذاکرات کے خواہش مند سیاسی رہنما بتائیں کے علامہ دیدار جلبانی کا قتل کیسے ڈرون حملوں کا رد عمل ہے؟ بعض مدارس برائے راست دہشت گردی میں ملوث ہیں ،دہشت گردوں کے خلاف اکراس دی بارڈر آپریشن کیا جائے، حکومت نے اگر علامہ دیدار جلبانی اور انکے محافظ کے قاتلوں کی گرفتاری میں مستعدی کا مظاہرہ نہ کیا تو ملک بھر میں احتجاج ہو گا ، حالات کے ذمہ دار ہم نہیں ہو ں گے، ان خیالات کا اظہار مجلس وحدت مسلمین پاکستان کے مرکزی سیکریٹری جنرل علامہ راجہ ناصر عباس جعفری نے ایم ڈبلیو ایم کراچی ڈویژن کے ڈپٹی سیکریٹری جنرل شہید علامہ دیدار علی جلبانی اور شہید محافظ سرفراز حسین بنگش کی نماز جنازہ کے اجتماع میں شرکاء سے خطاب کر تے ہو ئے کیا ۔ اس موقع پر مجلس وحدت مسلمین کے مرکزی ترجمان علامہ حسن ظفر نقوی ، صوبائی رہنماعلامہ صادق رضا تقوی اور جمعیت علمائے پاکستان کے رہنما علامہ عقیل انجم قاردی نے بھی خطاب کیا ۔

ان کا کہنا تھا کہ مسلسل دہشت گرد کاروائیا ں پاکستان کو عدم استحکام سے دوچار کر نے اور ایک ناکام ریاست قرار دلوانے کے لئے کی جارہی ہیں ، استعماری ایجنڈ ملک میں سنی شیعہ اختلافات کو ہوا دیگر قتل و غارت گری کر رہے ہیں ، ملک بھر میں کہیں بھی شیعہ سنی مسئلہ نہیں ، تمام محب وطن اہل سنت چہلم اما م حسین (ع) کے جلوس میں اور اہل تشیع پیغمبر اکرم (ص ) کے میلاد میں بھر پور انداز میں شرکت سے وطن دشمن تکفیری دہشت گرد عناصر کو ذلت و رسوائی سے دوچار کریں گے ،سانحہ راولپنڈی کے بعد ملک بھر میں ایک منظم سازش کے تحت شیعہ سنی فسادات کر وانے کی کوشش کی گئی ، اس وقت بھی اور آج یہاں علامہ دیدار علی جلبانی کی آخری رسومات میں اہل سنت علماء کی شرکت اس بات کی واضح دلیل ہے کہ ہم شیعہ سنی ایک دوسرے کے دکھ درد میں برابر کے شریک ہیں ،پاکستان کی غالب اکثریت بریلوی اہل سنت اور اہل تشیع کا مسلسل قتل عام کر کے ایک اقلیتی تکفیری گروہ کو ملک پر مسلط کرنے کی کو شش کی جارہی ہے ، اس سازش میں ریاستی ادارے بھی ملوث ہیں ۔

ان کا مذید کہنا تھا کہ پاکستان میں کسی بریلوی یا شیعہ مدرسہ سے کفر کے فتوے جاری نہیں ہو ئے ، پاکستا ن میں کبھی کسی شیعہ سنی نے کسی مسجد، امام بارگاہ ، مزار، درگاہ ، چرچ ،عالم ، فوج ، پولیس ، غیر ملکی ،غرض کسی کافر پر بھی حملہ نہیں کیا ، ہمارے ریاستی ادارے ، ہماری سکیورٹی ایجنسیاں اور حکمران اچھی طرح واقف ہیں کہ دہشت گردوں کے مراکز کہاں کہاں موجود ہیں ، انہوں نے معتدل دیوبندی علمائے کرام کو مخاطب کر تے ہو ئے کہا کہ اگر آپ دہشت گردی کے خلاف ہیں تو ان تکفیری عناصر سے نا صرف اعلانیہ بلکہ عملی لاتعلقی کا اظہار کریں ، انہو ں نے وفاقی اور چاروں صوبائی حکومتوں سے مطالبہ کیا کہ جن مدارس میں دہشت گرد پروان چڑھ رہے ہیں ، جن مدارس میں پناہ گزین ہیں ان مدارس کے خلاف بھر پور کریک ڈاؤن کیا جائے ، وفاقی حکومت تمام مدارس کے آڈٹ کے احکامات جاری کرے،حقائق عوام کے سامنے لائے جائیں ،کون سے ذرائع ہیں جن سے ان مدارس میں تیس ہزار اور چالیس ہزار طالب علموں کی پرورش اور تربیت کا انتظام ہو رہا ہے ۔

علامہ ناصر عباس جعفری نے حکومت سے متنبہ کیا کہ علامہ دیدار جلبانی اور انکے باوفا محافظ سرفراز بنگش کے قاتلوں کو فوری گرفتار نہیں کیا گیا تو ملک بھر میں بھر شدید احتجاج ہو گااور ہر قسم کے حالات کی ذمہ داری حکومت وقت پر عائد ہو گی ، ہم کراچی میں بے گناہ شہید ہو نے والے دیگر شہریو ں کے قتل عام کی بھی شدید مذمت کر تے ہیں اور ایک مرتبہ پھر اپنے مطالبے کو دھراتے ہیں کہ پولیس کی ناکامی کے بعد رینجرز بھی کراچی میں قیام امن میں ناکام ہو چکی ہے ، فوج عوام کی اخری امید ہے ، نو منتخب چیف آف آرمی اسٹاف جنرل راحیل شریف شہریو ں کی جان و مال کے تحفظ کے لئے اپنا قومی اور پیشہ وارانہ کردار ادا کریں ۔

وحدت نیوز(کراچی) مجلس وحدت مسلمین پاکستان کراچی ڈویژن کے ڈپٹی سیکریٹری جنرل شہید علامہ دیدارعلی جلبانی اور ان کے محافظ شہید سرفراز بنگش کی نماز جنازہ ایم اے جناح روڈ پرادا کر دی گی، نماز جنازہ مجلس وحدت مسلمین پاکستان کے سربراہ علامہ راجہ ناصر عباس جعفری کی زیر اقتداء ادا کردی گئی ، نماز جنازہ میں مجلس وحدت مسلمین کے رہنماعلامہ امین شہیدی ،علامہ حسن ظفر نقوی ، علامہ صادق رضا تقوی ،علامہ احمد اقبال ، علامہ اعجاز بہشتی، علامہ محمد علی حسینی ،علیِ حسین نقوی ، حسن ہاشمی،علامہ محمد حسین کریمی، ہیت آئمہ مساجد وعلمائے امامیہ کے صدر علامہ شیخ حسن صلاح الدین ، شیعہ ایکشن کمیٹی کے مرکزی محرک علامہ مرزا یوسف حسین ،مرکزی تنظیم عزاء کے صدرسلمان مجتبیٰ ، جعفر یہ الائنس کے رہنما علامہ باقر زیدی ، مجلس ذاکرین امامیہ کے صدرعلامہ نثار قلندری ، شیعہ علماء کونسل کے رہنماعلامہ ناظر تقوی سمیت بڑی تعداد میں علمائے کرام ، ذاکرین عظام اور ہزاروں کی تعداد میں سوگواروں نے شرکت کی ۔ نماز جنازہ کی اداگئی کے بعد شہید علامہ دیدار علی جلبانی کے جسد خاکی کو خصوصی طیارے کے ذریعے سکھر روانہ کیا گیا ، سکھر ایئر پورٹ سے بذریعہ ایمبولینس ان کے جسد خاکی کو انکے آبائی علاقے ٹھری میر واہ منتقل کیا گیا جہان انکی تدفین عمل میں آئی ، جبکہ انکے ساتھ جام شہادت نوش کر نے والے ان کے محافظ شہید سرفراز حسین بنگش کا جسد خاکی نماز جنازہ کی ادائیگی کے بعدجلوس کی صورت میں قبرستان وادی حسین منتقل کیا گیا جہاں ان کی تدفین عمل میں آئی ، اس موقع پر انتہائی رقت آمیز مناظر دیکھنے میں آئے ، ہر آنکھ اشکبار تھی ، سوگواران ایک دوسرے کو دلاسے دے رہے تھے جبکہ شہداء کے اہل خانہ شدت غم سے نڈھال تھے ۔ شرکائے جنازہ نے ہاتھوں میں سیاہ پرچم تھامے ہو ئے تھے جن پر لبیک یاحسین علیہ السلام درج تھا ۔ شرکائے جنازہ نے یزیدیت مردہ باد اور حسینیت زندہ باد کے فلک شکاف نعرے بھی لگائے ۔

وحدت نیوز (لاہور) مجلس وحدت مسلمین نے کراچی میں علامہ دیدار حسین کی ٹارگٹ کلنگ کیخلاف ملک بھرمیں تین روزہ سوگ کااعلان اورچوھدری نثاراورراناثنااللہ کے فوری مستعفی ہونے کا مطالبہ کیا ہے۔مجلس وحدت مسلمین کے صوبائی آفس میں ہنگامی پریس کانفرنس کرتے ہوئے مرکزی سیکرٹری مجلس وحدت مسلمین شعبہ سیاسیات سیدناصرعباس شیرازی نے کہا کہ وفاقی اورپنجاب کی صوبائی حکومتیں ملک میں امن وامان قائم کرنے میں ناکام ہوچکی ہیں جس کی ذمہ داری وفاقی وزیرداخلہ اورصوبائی وزیرقانون رانا ثنا اللہ پرعائد ہوتی ہے ۔پریس کانفرنس میں علامہ عبدالخالق اسدی،علامہ ابوذرمہدوی،سید اسد عباس نقوی، سنی اتحادکونسل کے وائس چیئرمین صاحبزادہ حسن رضااورسینیٹرفیصل رضا عابدی نے بھی شرکت کی ۔سیدناصرشیرازی نے کہا کہ علامہ دیدارحسین شیعہ سنی اتحادکے علمبردارتھے۔انہوں نے الزام لگایا کہ پنجاب کی صوبائی حکومت تکفیری گروہوں کی سرپرستی کررہی ہے۔کراچی میں کون ساآپریشن ہورہا ہے جس کے نتیجے میں ہلاکتوں کی تعداددنبدن بڑھتی جارہی ہیں۔کراچی کو اسلحہ سے پاک کرنے کے گرینڈآپریشن کیا جائے۔انہوں نے کہا عوامی مزاحمت سے دہشت گردی کو روکیں گے ،جس کے لئے شیعہ سنی جماعتیں متحددہورہی ہیں۔ناصرشیرازی نے کہا وہ نام نہاددفاع پاکستان کونسل کو نہیں مانتے جو بات توپاکستان کے دفاع کی کرتے ہیں لیکن طالبان کی حامی بھی ہیں۔انہوں نے 5جنوری کواسلام آبادمیں شیعہ سنی اتحادکے حوالے سے کنونشن کا اعلان بھی کیا۔ سنی اتحادکونسل کے وائس چیئرمین صاحبزادہ حسن رضا نے کہا کہ سنی اتحادکونسل علامہ دیدارحسین کی شہادت کی بھرپورمذمت کرتے ہیں۔ اُن کا کہنا تھا کہ ہم نے نے بہت لاشیں اٹھالیں ا ب سڑکوں پرنکلیں گے شیعہ،سنی ہلاکتوں پرکیوں کوئی جوڈیشل کمیشن نہیں بنایا جاتا۔طالبان کے حامی ہوش کے ناخن لیں،پاکستان ہے توہم ہیں،پاکستان کو کالعدم جماعتوں کے حوالے نہیں کیا جاسکتا۔سینٹیرفیصل رضا عابدی نے کہا وہ حکومت کوآخری وارننگ دیتے ہیں اگردہشت گردی کا سلسلہ بندنہ ہواتوکراچی سے اسلام آبادتک مارچ کرینگے اورپھرملک میں مارشل لانافذہوگا۔انہوں نے کہا نوازشریف دہشت گردوں کی سرپرستی کرتے اورانہیں پورے ملک میں پھیلارہے ہیں۔انہوں نے یہ بھی کہا کہ نفرت اوراشتعال پھیلانے والے فسادکے اڈوں کو مسمارکیا جائے ،پہلے ایک لال مسجد تھی اب سینکڑوں ایسی مساجد سوالیہ نشا ن بن چکی ہیں جہاں سے مسلمانوں کو کافرقراردینے کے فتوی جاری ہورہے ہیں۔

وحدت نیوز (لاہور) سنی اتحاد کونسل کے وائس چیئرمین صاحبزادہ حسن رضا اور سنیٹر فیصل رضا عابدی مجلس وحدت مسلمین کراچی کے ڈپٹی سیکرٹری جنرل علامہ دیدار حسین کی بہیمانہ شہادت پر تعزیت کے لئے لاہور صوبائی سیکرٹریٹ آمد۔ سنی اتحاد کونسل کے وائس چیئرمین صاحبزادہ حسن رضا نے کہا کہ سنی اتحاد کونسل علامہ دیدار حسین کی شہادت کی بھرپور مذمت کرتا ہے۔ اُن کا کہنا تھا کہ ہم نے بہت لاشیں اٹھا لیں اب سڑکوں پر نکلیں گے شیعہ، سنی ہلاکتوں پر کیوں کوئی جوڈیشل کمیشن نہیں بنایا جاتا، طالبان کے حامی ہوش کے ناخن لیں، پاکستان ہے تو ہم ہیں، پاکستان کو کالعدم جماعتوں کے حوالے نہیں کیا جا سکتا۔ سینٹر فیصل رضا عابدی نے کہا وہ حکومت کو آخری وارننگ دیتے ہیں اگر دہشت گردی کا سلسلہ بند نہ ہوا تو کراچی سے اسلام آباد تک مارچ کرینگے اور پھر ملک میں مارشل لاء نافذ ہو گا۔ انہوں نے کہا نواز شریف دہشت گردوں کی سرپرستی کرتے اور انہیں پورے ملک میں پھیلا رہے ہیں۔ انہوں نے یہ بھی کہا کہ نفرت اور اشتعال پھیلانے والے فساد کے اڈوں کو مسمار کیا جائے، پہلے ایک لال مسجد تھی اب سینکڑوں ایسی مساجد سوالیہ نشان بن چکی ہیں جہاں سے مسلمانوں کو کافر قرار دینے کے فتوی جاری ہو رہے ہیں۔ سینیٹر سید فیصل رضا عابدی نے کہا وہ حکومت کو آخری وارننگ دیتے ہیں، اگر ملک بھر میں جاری دہشت گردی کا یہ سلسلہ بند نہ ہوا تو کراچی سے اسلام آباد تک مارچ کرینگے اور پھر حکومت کا تختہ الٹ دیا جائے گا، ملک میں مارشل لا نافذ ہوگا۔ انہوں نے کہا نواز شریف دہشت گردوں کی سرپرستی کرتے اور انہیں پورے ملک میں پھیلا رہے ہیں۔ انہوں نے یہ بھی کہا کہ نفرت اور اشتعال پھیلانے والے فساد کے اڈوں کو مسمار کیا جائے، پہلے ایک لال مسجد تھی اب سینکڑوں ایسی مساجد سوالیہ نشان بن چکی ہیں، جہاں سے مسلمانوں کو کافر قرار دینے کے فتوے جاری ہو رہے ہیں۔