The Latest
وحدت نیوز(لاہور) مجلس وحدت مسلمین پاکستان کے مرکزی سیکرٹری سیاسیات سید ناصر عباس شیرازی نے کراچی میں ایم ڈبلیو ایم کے کارکنان پر فائرنگ اور اُس کے نتیجے میں شہید ہونے والے عالم ہزارہ، صفدرعباس اور علی شاہ کے قتل کی شدید مذمت کرتے ہوئے کہا کہ بلدیاتی انتخابات میں بھرپور حصہ لیں گے، کراچی سے دہشت گردوں کی اجاراداری ختم کرکے دم لیں گے، مجلس وحدت مسلمین پاکستان دہشتگردی کا جواب بھرپور سیاسی عمل کو آگے بڑھا کر دے گی، سندھ حکومت دہشت گردوں کے سامنے بے بس ہوچکی ہے۔ صرف بلاول ہائوس کی سکیورٹی نہیں بلکہ عوام کے تحفظ کو یقینی بنایا جائے، ہمیں سیاسی میدان میں پیچھے دھکیلنے کیلئے لسانی اور تکفیری گروہ ایسے اوچھے ہتھکنڈے استعمال کر رہے ہیں جسے ہم کبھی کامیاب نہیں ہونے دیں گے۔ ناصر عباس شیرازی نے مزید کہا کہ رینجر اور پولیس کی موجودگی میں ہمارے امیدواروں کا قتل ان کی کارکردگی پر سوالیہ نشان ہے۔ کراچی میں بلدیاتی انتخابات کے امیدواروں پر حملے کی شدید مذمت کرتے ہیں۔ کراچی اس وقت ملت جعفریہ کی مقتل گاہ بن چکا ہے۔
وحدت نیوز(کراچی) مجلس وحدت مسلمین کے سربراہ علامہ ناصرعباس جعفری نے کراچی میں علامہ مرزا یوسف حسین کی گاڑی پر دہشت گردوں کی فائرنگ اور اس کے نتیجے میں ان کے سکیورٹی گارڈز کی شہادت کی شدید مذمت کرتے ہوئے کہا ہے کہ کراچی میں ملت جعفریہ کی نسل کشی پر حکومت اور ریاستی اداروں کی خاموشی لمحہ فکریہ ہے، ملک میں ضیاء دور کی اسٹیبلشمنٹ نے ان تکفیری دہشت گردوں کو پروان چڑھایا اور اس کا خمیازہ آج سب پاکستانی بھگت رہے ہیں، کراچی میں آپریشن کے نام پر عوام کے آنکھوں دھول جھونکی جا رہی ہے، پاکستان کی سلامتی اور بقا کا واحد حل ان دہشت گردوں اور سفاک درندوں کے خلاف آپریشن ہے۔ اُن کا کہنا تھا کراچی میں علامہ دیدار حسین جلبانی کے قاتل تاحال گرفتار نہیں ہوئے، ان کے چہلم سے قبل ہمارے اہم رہنما کو نشانہ بنانے کی کوشش اس بات کی دلیل ہے کہ دہشت گردوں کی سرپرستی میں حکومتی مشینری شامل ہے۔
علامہ ناصر عباس کا کہنا تھا کہ ملک کے طول و عرض میں شیعہ افراد کو بے دردی سے قتل کیا جا رہا ہے، پنجاب میں پنجابی طالبان کی سر گرمیاں عروج پر ہیں، ان تمام واقعات کے باوجود حکومت کی خاموشی اور دہشت گردوں کو مذاکرات کی دعوت دینا ان ظالموں اور ملک دشمنوں کی ایجنڈوں کی تکمیل کا منصوبہ ہے۔ لاہور میں علامہ ناصر عباس، ڈاکٹر علی حیدر، پروفیسر شبیہہ الحسن، سید شاکر علی رضوی ایڈووکیٹ سمیت درجنوں شہداء کے قاتلوں کی عدم گرفتاری پنجاب حکومت کے ماتھے پر کلنک کا ٹکیہ ہے اور دہشت گردوں سے ساز باز کا واضح ثبوت بھی ہے۔ مجلس وحدت مسلمین پنجاب کے سیکرٹری جنرل علامہ عبدالخالق اسدی نے بھی علامہ مرزا یوسف حسین پر قاتلانہ حملے کی شدید مذمت کرتے ہوئے کہا کہ کراچی ملت جعفریہ کی مقتل گاہ بن چکا ہے، سندھ حکومت دہشت گردوں کے سامنے بے بس دکھائی دے رہی ہے، دہشت گردوں کیخلاف کارروائی کی بجائے ان سے مذاکرات کے راگ الاپنے والے دراصل پاکستان کی نہیں کسی اور کے ایجنڈے پر کام کر رہے ہیں۔
وحدت نیوز(کراچی) کراچی شرقی کے علاقے ڈالمیا روڈ پر فائرنگ کے واقعے میں مجلس وحدت مسلمین ضلع شرقی گلستان جوہرکے رہنما عبد العالم ہزارہ ،صفدر عباس اورٹیکسی ڈرائیور علی شاہ شہیدہو گئے، جبکہ خاتون سکینہ بی بی زخمی ہو گئیں ، زخمی ہو نے والی خاتون شہید عبد العالم ہزارہ کی بھانجی ہیں ،تمام افراد الیکشن کمیشن ضلع شرقی کے دفتر واقع سوک سینٹر سے بلدیاتی انتخابات کے کاغذات نامزدگی جمع کرا کر واپس چشتی نگر جا رہے تھے کہ یہ واقعہ پیش آیا۔ دریں اثناء مجلس وحدت مسلمین کے ترجمان کا کہنا ہے کہ فائرنگ مغل ہزارہ گوٹھ سے بلدیاتی انتخابات میں حصہ لینے والےتین امیدواروں پر کی گئی۔ انھوں نے کہا کہ ایم ڈبلیو ایم بلدیاتی انتخابات کے امیدواروں پرفائرنگ کی مذمت کرتی ہے۔ واضح رہے کہ یہ واقعہ اس وقت پیش آیا جب شہید علامہ دیدار علی جلبانی کی رسم چہلم کے حوالے سے ایک چشتی نگر میں اجتماع جاری تھا اور ایم ڈبلیو ایم کے سیکرٹری جنرل علامہ ناصر عباس جعفری اجتماع سے خطاب کر رہے تھے۔
وحدت نیوز(کراچی) پاکستان پیپلز پارٹی کے سینئر رہنما اور سابق صوبائی وزیر زکوات و عشر خالد لطیف کا وفد کے ہمراہ وحدت ہائوس کراچی کا دورہ ، مجلس وحدت مسلمین کراچی ڈویژن کے پولیٹیکل سیکریٹری سیکریٹری سید علی حسین نقوی سے ملاقات ، دونوں جماعتوں کے رہنمائوں نے باہمی دلچسپی کے امور اور بلدیاتی الیکشن کے حوالے سے تفصیلی بات چیت ہو ئی ، دونوں رہنمائو ں نےکراچی میں بلدیاتی الیکشن میں مل کر حصہ لینے پر اتفاق کیا گیا ، اس موقع پر ایم ڈبلیوایم ضلع جنوبی کے رہنما شبیر حسینی ، محمد رضا ، جاوید عباس اور دیگر بھی موجود تھے ۔
وحدت نیوز(کوئٹہ) مجلس وحدت مسلمین کوئٹہ ڈویژن کے سیکریٹری جنرل محمد عباس موسوی نے کہا ہے کہ چہلم کوتمام خطرات و تصادم کے خدشات کے باوجود عشق حسین ؑ و رسول ؐ رکھنے والے حق پسندوں نے راولپنڈی کی سڑکوں کوبھردیا اورتاریخی اربعین منعقدکیا۔ اہل سنت برادران نے سبیلیں لگائیں اورکربلا کازکراسلام کی وحدت کے ابدی پیغام کے ساتھ پوری دنیا میں نشرہوا۔ جلوس میں مجلس وحدت مسلمین کی اعلیٰ قیادت تمام وقت موجودرہی۔ بچوں، بوڑھوں اورخواتین نے بھرپورشرکت کرکے آج کی کربلا میں لبیک یاحسین کاحقیقی نمونہ پیش کیا۔ جبکہ تکفیری سوچ رکھنے والے یزیدکے پیروکارمایوس ہوئے۔ اورجلوس کو محدودکرنے کی خواہشیں لبیک یاحسین ؑ اورلبیک یا رسول اللہ ﷺکی صداؤں میں دم توڑ گئیں۔ انشاء اللہ اسی جوش اورجذبے کے ساتھ ربیع الاول میں اہل سنت برادران کے ساتھ میلاد کے جلوس بھی برآمدہوں گے۔ حکومت نے شایداس بات کو محسوس کرلیاکہ عزاداری اورمیلاد کے جلوس سنی شیعہ کے نزدیک جینے اورمرنے سے زیادہ اہمیت رکھتے ہیں۔پاکستان لاالہ اللہ کے نعرے کے ساتھ وجود میں آیاتھا۔ انشاء اللہ قائداعظم کے پاکستان کوسنی شیعہ مسلمان دوبارہ اپنی قوت کے ساتھ تکفیریوں کے شرسے محفوظ کرلیں گے۔
بیان میں کہا گیا کہ پاکستان کے عوام مہنگائی کرپشن، ناامنی اورفرقہ واریت کی آگ میں جل رہی ہے اوردوسری طرف ہمارے حکمران اشرافیہ کی تجوریاں عوام کا خون چوس چوس کر بھررہے ہیں۔ الیکشن کمیشن کی طرف سے جاری کردہ اثاثہ جات ، اخراجات کے بارے میں سن کرغریب عوام اورزیادہ احساس محرومی کا شکارہوئے ہیں۔ عام آدمی سادہ سی زندگی گزارنے کے لئے بنیادی ضروریات سے محروم ہے۔ جبکہ اشرفیہ اور حکمران طبقہ بینک بیلنس جائیداد، سونا، فیکٹریاں اوربنگلوں کے مزے میں مشغول ہے جبکہ عوام کودووقت کی روٹی ، جسم ڈھانپنے کے لئے لباس، تعلیم اورصحت جیسے مسائل فقط تصویر اورتقریرتک محدودہوکررہ گئی ہے۔ جس کے نتیجہ میں عام آدمی کی زندگی کا معیاردن بہ دن گرتاچلاجارہا ہے۔ ان حالات میں ضرورت اس امر کی ہے کہ عوام میں سے خدمت کاحقیقی جذبہ رکھنے والے افرادآگے بڑھیں اورمایوسی کی اس دلدل میں دھنسے لوگوں کے مسائل حل کرنے کے لئے اپناکردارادا کریں۔ پارہ چنار، ڈی آئی خان، کراچی اورکوئٹہ کے مظلوم و محروم عوام کی مشکلات میں مبتلا لوگوں کی مدد و نصرت سے شروع ہونے والی وحدت اور حمیت کا سفرمجلس وحد ت مسلمین کی شکل میں آج پاکستان کی سا لمیت اوراسلام کے استقلال اورمحروم و پسماندہ لوگوں کی دادرسی کی ایک مضبوط علامت بن چکی ہے۔ جس کے دائرہ کاراورعوامی پذیرائی دن بہ دن بڑھتی چلی جارہی ہے۔
بیان میں کہا گیا کہ خیرالعمل فاؤنڈیشن پاکستان مجلس وحدت مسلمین پاکستان کا فلاح و بہبودکا تعبیرہے ۔ جو پسماندگی اورجہالت کے خاتمے کے عزم کے ساتھ حقیقی خدمت کانعرہ لگاکرتین سالوں سے میدان عمل میں ہے۔ اوررفاہی حوالوں سے اس وقت پورے ملک میں اپنی خدمات کادائرہ وسیع کرچکا ہے کہ پاکستانی عوام کے حقوق اورمسائل کے حوالے سے ہرمحاذ پراپناکرداراداکرے گی۔ وطن دوستی اورانسان دوستی اس ادارے کا طرہ امتیاز ہے۔ اوراپنے انگنت منصوبوں کے ذریعہ سے اس رشتے پرگراں قدرخدمات انجام دی جاچکی ہے۔ جن میں سانحات کے بعد ریلیف اورریسکیوآپریشن ، تعمیرنوو بحالی، ہاؤسنگ سکیمیں، ڈسپنسریزوہسپتالوں کاقیام، یتیم بچوں کی کفالت، پانی کے کنویں، قرآن سینٹر، مساجدکی تعمیرجیسے منصوبے شامل ہیں۔ بیان میں کہا گیا کہ اب تک پورے ملک میں درجنوں مساجد ، سینکڑوں مکانات اورہاؤسنگ سکیم، ایک ہزاریتیم بچوں کی کفالت، میت غسل خانہ ، ہسپتال، پانچ ڈسپنسریاں، ایک سکول اورکروڑوں مالیت کی امداد قدرتی سانحات کے بعدملک کے مختلف کونوں میں بجھوائی جاچکی ہیں۔بلوچستان میں بھی گزشتہ کچھ عرصہ سے کام کا آغازہواہے۔ اورانشاء اللہ جلدہی کئی اہم منصوبوں پرکام شروع کیاجارہاہے ۔ جن میں سب سے پہلے 120 یتیم بچوں کی کفالت کاپروگرام شروع کررہے ہیں۔ اس کے علاوہ بھی ئی اہم منصوبوں پر کا کیا جائے گا۔
وحدت نیوز ( مظفرگڑھ) مجلس وحدت مسلمین پنجاب کے صوبائی سیکرٹری روابط نے مظفرگڑھ میں مختلف علاقوں جن میں مونڈکا، شاہجمال، روہیلانوالی، خانگڑھ سمیت متعدد علاقوں کا دورہ کیا جہاں پر مومنین نے گفتگو کرتے ہوئے علی رضا طوری نے کہا کہ ملت جعفریہ ایک غیرت مند اور بیدار قوم ہے جو کہ مر سکتی ہے، کٹ سکتی ہے لیکن عزاداری پر ایک لمحہ کے لئے سمجھوتا نہیں کرسکتی۔دس محرم الحرام کو دشمن نے راولپنڈی میں سازش کھیلی اور ملت کو خوف زدہ کرنے کی ناکام کوشش کی کہ یہ اب سڑکوں پر نہیں نکلیں گے لیکن ہمارا سلام ہو ملت جعفریہ کی غیرت مند قوم پر اور علماء حقاء پر جنھوں نے اربعین کے موقع پر بیداری کا ثبوت دے کر عزاداری کے جلوسوں میں بھرپور شرکت کی یاد رہے دشمن نے دھمکیا دی تھیں کہ ہم جلوس کو بازور طاقت روکیں گے لیکن یہ ملت اپنے مقاصد سے پیچھے نہیں ہٹی اور لاکھوں کی تعداد میں جلوسوں میں شریک ہوئے اور یہ بھی ثابت کر دیا کہ تم اس عزاداری کو جتنا دباو گے یہ اتنے ہی پھلی پولی گی۔ اب چہلم کے جلوس اکثر علاقوں میں اختتام کو پہنچ چکے ہین اور بلدیاتی الیکشن کا دور دورہ ہے لہٰذا ہمیں اس الیکشن میں بھی بھر پور حصہ لینا ہے اور اپنا تشخص منواناہے اور اپنے آپ کو سیاسی طور پر مضبوط کرنا ہے اپنے حقوق کے لئے جدوجہد کرنی لہٰذا مظفر گڑھ کے مومنین ایک دفعہ پھر اٹھیں اپنے تشخص کا اظہار کریں اور الیکشن میں بھر پور حصہ لیں۔
اس دورہ میں ضلع مظفرگڑھ کے ضلعی کابینہ کے ارکان جن میں سید عباس گیلانی،مولانا مرید عباس، ملک ریاض جعفری، اسد عباس جعفری بھی ان کے ہمراہ تھے۔ اپنے دوراہ کہ دوران علاقہ کے معززین جن غلام عباس قریشی، ڈاکٹر وکیل اور دیگر مومنین سے بھی خصوصی ملاقاتیں کی گئیں۔روہیلانوالی میں سنی اتحاد کونسل کے مرکز انوار مدینہ کا دورہ کیا جہاں پر سنی اتحاد کونسل کے ضلعی رہنما سعیدظفر کھچی سے ملاقات کی گئی اور ان کا شکریہ ادا کیا کہ تکفری اعناصر راولپنڈی میں سازش کھیل کرشیعہ سنی کو ایک دوسرے سے جدا کرنے کی کوشش کی لیکن شیعہ سنی ملکر اس سازش کو ناکام بنا گئے۔اور ان کو یقین دلایا کہ جس طرح چہلم کے جلوس کو مل کر اور اتحاد وحدت کے ذریعے سے گزارا گیا اسی طرح اسی جذبے سے میلاد کے جلوسوں کو بھی اسی جوش و جذبے کے ساتھ گزاریں گے۔
مظفر گڑھ میں تحریک منہاج القرآن کے ضلعی صدرایڈوکیٹ افتخار قریشی سے بھی ملاقات کی گئی اور مجلس وحدت کی اتحاد بین المسلمین کی کوششوں کو سراہا گیا اس موقع پر اٖفتخار قریشی صاحب نے علامہ ناصر عباس شہید کے حوالے سے تعزیت بھی کی اور اس کو فرقہ ورانہ تقسیم کی طرف ایک سازش قرار دیا۔ملکی صورتحال اور امت مسلمہ کے حوالے سے تفصیلا گفتگو کی گئی۔ اس دوران مجلس وحدت مسلمین ضلع مظفرگڑھ کے کابینہ کے رکن سید علی شاہ کاظمی صاحب بھی موجود تھے۔
وحدت نیوز(ڈیرہ مراد جمالی) مجلس وحدت مسلمین پاکستان کے مرکزی سیکریٹری فلاح وبہبود نثارعلی فیضی اورصوبائی سیکریٹری جنرل علامہ مقصودعلی ڈومکی نے کہا ہے کہ ملک میں جان بوجھ کر مسلمانوں کو لڑانے کی سازش کی جارہی ہے ایک روزشیعہ کوقتل کیا جاتاہے تودوسرے روز سنی کو۔ مسلمان آپس میں متحدہوکر ایسے شرپسندعناصرکے خلاف ملکر علم بغاوت بلند کریں مسلم کل بھی آپس میں بھائی تھے اورآج بھی بھائی ہیں ان خیالات کااظہارانہوں نے ڈیرہ مرادجمالی میں پریس کانفرنس سے خطاب کرتے ہوئے کیا۔
انہوں نے کہاکہ بلوچستان میں نفرت انگیز باتوں کے ذریعے فسادبرپاکرکے ہمیں لڑایاجارہا ہے جس میں بلیک واٹرملوث ہے انہوں نے کہاکہ پی پی پی کے سربراہ کا موقف درست ہے حکمران بزدل ہوچکے ہیں وہ دہشت گروں سے ڈررہے ہیں انہیں صرف اپنے تجوریاں بھرنے سے ہی فراغت نہیں ملتی آج کے اس دور میں امیر،امیرہورہا ہے اورغریب فاقہ کشی کی زندگی گزارنے پر مجبورہیں عوام سے ہونے والی ذیادتیاں بندنہ ہوئی تو حکمران عوامی عذاب سے کبھی بھی نہیں بچ سکیں گے ہم حکمرانوں کو بتانا چاہتے ہیں کہ وہ اب مزیدعوام کی صبرکا مزیدامتحان نہ لیں ، وقت کا تقاضہ ہے کہ ملک دشمن قوتوں کے خلاف عوامی طاقت سے اعلان جہاد کیا جائے ۔
وحدت نیوز(کوئٹہ) مجلس وحدت مسلمین پاکستان کے شعبہ فلاح و بہبودخیرالعمل فاونڈیشن پاکستان کے مرکزی سیکرٹری نثارعلی فیضی،مرکزی ڈپٹی سیکرٹری سید بابر زیدی،صوبائی سیکرٹری فلاح و بہبود سہیل اکبرشیرازی،MWM کے صوبائی سیکرٹری تنظیم سازی برکت علی مطہری،مرکزی رہنما علامہ سید ہاشم موسوی،ڈویژنل سیکرٹری جنرل سید عباس موسوی،فنانس سیکرٹری کونسلر کربلائی رجب علی،ڈویژنل سیکرٹری فلاح و بہبود غلام مہدی اور دیگر معززین نے بہشت زینب(س) ہزارہ قبرستان گنج شہداء کا دورہ کیا اور شہداء کی قبور کی فاتحہ خوانی کی ۔واضح رہے کہ خیر العمل فاونڈیشن پاکستان کا مرکزی وفد کوئٹہ کے دورے پر ہے اور کوئٹہ میں عوامی فلاح کے مختلف پروجیکٹس پر کام کے آغاز کے لئے اجلاسوں میں شرکت کر رہے ہیں ۔
وحدت نیوز(لاہور)مجلس وحدت مسلمین پاکستان کے سیکرٹری اطلاعات سید مہدی عابدی نے پریس کلب لاہور کے نومنتخب صدر ارشد انصاری اور نائب صدر افضال طالب اسلام آباد پریس کلب صدر شہریار اور نائب صدر باقر سجاد اور دیگر منتخب اراکین کو ان کی کامیابی پر مبارک باد دیتے ہوئے کہا کہ نومنتخب صدور اور ان کے اراکین کابینہ ملک میں آزاد صحافت اور صحافت کے مقدس پیشہ سے وابسطہ افراد کی فلاح بہبود اور اُن کے حقوق کے لئے اپنی جدوجہد جاری رکھتے ہوئے مظلوموں کی آواز کی حقیقی ترجمانی کریں گے۔ مجلس وحدت مسلمین پاکستان حق اور سچ کی سفر میں صحافی برادری کے شانہ بشانہ کھڑی ہے خداوند کریم ان تمام نومنتخب دوستوں کو پاکستان میں حقیقی آزادی صحافت کی ترجمانی اور معاشرے میں سے ظلم و ناانصافی کے خاتمے میں اپنا کردار ادا کرنے کی توفیق دیں۔
وحدت نیوز(گلگت) مجلس وحدت مسلمین گلگت ڈویژن کی جانب سے یتیم، مسکین اور ضرورت مند مستحق بچوں کیلئے خصوصی وظائف کا اجراء کیا گیا ہے۔ اس سلسلے میں ایم ڈبلیو ایم کے صوبائی سیکرٹریٹ گلگت میں ایک تقریب منعقد ہوئی جس میں علاقہ بھر سے منتخب شدہ مستحقین اور یتیم بچوں نے شرکت کی۔ اس موقع پر ایم ڈبلیوایم کے صوبائی سیکرٹری جنرل شیخ نیئرعباس مصطفوی، شیخ بلال سمائری اور شیخ احمد نوری نے مستحقین میں خصوصی وظائف تقسیم کئے۔ اس موقع پر اپنے مختصر خطاب میں شیخ نیئرعباس مصطفوی کا کہنا تھا کہ ایم ڈبلیوایم عوامی فلاح و بہبود کے مزید منصوبوں پر کام شروع کریگی اور عوام کی خدمت ہمارا شعار ہے۔
