وحدت نیوز(لاہور)سلطان عرب و عجم ، شہنشاہ طوس ، غریب الغرباء ، معین الضعفاء امام رووف امام علی ابن موسی الرضا علیہ سلام کے میلاد مسعود کے موقع پر مرکزی صدر مجلس وحدت مسلمین شعبہ خواتین سیدہ معصومہ نقوی نے تمام عالم اسلام کو مبارکباد پیش کرتے ہوئے کہا کہ امام رضا علیہ السلام  نے اسلام کے سب سے زیادہ باعزت وبلند گھرانہ میں پرورش پائی ،کیونکہ یہ گھر وحی کا مرکز ہے یہ امام موسیٰ بن جعفر ؑ کا بیت الشرف ہے جو تقویٰ اور ورع و پرہیزگاری میں بے مثال ہے اسی بلند وبالا بیت الشرف میں امام رضا ؑ نے پرورش پائی اور اپنے پدر بزرگوار اور خاندان کے آداب سے آراستہ ہوئےامام رضا ؑ بلند و بالا اخلاق اور آداب رفیعہ سے آراستہ تھے اور آپ کی سب سے بہترین عادت یہ تھی کہ جب آپ دسترخوان پر بیٹھتے تھے تو اپنے غلاموں یہاں تک کہ اصطبل کے رکھوالوں اور نگہبانوں تک کو بھی اسی دستر خوان پر بٹھاتے تھے۔

 انہوں نے کہا کہ امام ہشتم اپنے جد بزرگوار حضرت محمد مصطفی صلی اللہ علیہ وآلہ وسلم کے تمام تر اوصاف و کمالات کا مجموعہ تھے آپ کے بلند و بالا مقام کے ایک پہلو کو جاننے کے لیے یہی کافی ہے کہ خاتم النبین ص سے لے کر آئمہ معصومین علیھم سلام نے آپ کی زیارت کی تاکید اور اسکے اجر و ثواب کا ذکر کیا ہے ان کا کہنا تھا بارگاہ ملکوتی آقا و مولا امام رضا علیہ سلام میں آج بھی  دنیا سے نا امید ، غموں سے نڈھال ، شکستہ دل افراد اپنے قلب و روح کی تسکین اور شفا پاتے ہیں آپ کے لطف و عنایات اور مہربان وجود کو ہر زائر محسوس کرتا ہے کیونکہ آپ اپنے ہر زائر پر نظر رکھتے ہیں اور انہیں فیضیاب کرتے ہیں خدا سے دعا ہے کہ تمام محبان اہلبیت کو حرم امام رضا ع کا زائر بننے کی سعادت عطا فرمائے۔ آمین

وحدت نیوز(کوئٹہ)مجلس وحدت مسلمین پاکستان کے مرکزی سیکرٹری تنظیم سازی علامہ مقصود علی ڈومکی نے ایم ڈبلیو ایم سبی کے ضلعی صدر میر عبدالغفار ڈومکی سے ملاقات کی اور ان پر ہونے والے قاتلانہ حملے کی تفصیلات معلوم کیں اور ان کی عیادت کی اور ان کی جلد صحت یابی کیلئے دعا کی۔

اس موقع پر گفتگو کرتے ہوئے علامہ مقصود علی ڈومکی نے میر عبدالغفار ڈومکی پر قاتلانہ حملے کی شدید الفاظ میں مذمت کرتے ہوئے اسے بزدلانہ کارروائی قرار دیا، انہوں نے ضلع سبی کی انتظامیہ اور پولیس سے مطالبہ کیا کہ وہ مجرموں کو جلد گرفتار کرے۔

اس موقع پر گفتگو کرتے ہوئے میر عبدالغفار ڈومکی نے کہا کہ میں نے ہمیشہ اپنے ضلع کے عوام کی خدمت کی ہے اسی لئے حلقے کے عوام نے مجھ پر اعتماد کرتے ہوئے مجھے بلدیاتی الیکشن میں کامیاب کیا۔ مجھ پر حملے میں با اثر افراد کا ہاتھ ہے۔ جن کو میں وقت آنے پر بے نقاب کروں گا۔

وحدت نیوز(کوئٹہ) رہبر کبیر بانی انقلاب اسلامی حضرت امام خمینی رحمۃ اللہ علیہ کی 34 ویں برسی کی مناسبت سے مدرسہ خاتم النبیین صلی اللہ علیہ وآلہ وسلم کوئٹہ میں سر زمین پاکستان پر حضرت امام خمینی رحمۃ اللہ علیہ کی دعوت اتحاد بین المسلمین کے اثرات کے عنوان سے علمی نشست منعقد ہوئی۔ تقریب کی صدارت مجلس وحدت مسلمین پاکستان کے مرکزی سیکرٹری تنظیم علامہ مقصود علی ڈومکی نے کی جبکہ تقریب سے جماعت اسلامی بلوچستان کے صوبائی امیر صدر ملی یکجہتی کونسل بلوچستان مولانا عبد الحق ہاشمی، جمعیت علمائے اسلام نظریاتی کے امیر مولانا عبد القادر لونی، خانہ فرھنگ اسلامی جمہوریہ ایران کے ڈائریکٹر جنرل آقائے سید میری، مجلس وحدت مسلمین کے رہنما علامہ سید ظفر عباس شمسی ،مولانا سہیل اکبر شیرازی، عیوض علی ہزارہ ،بلوچستان نیشنل پارٹی کے مرکزی رہنما نوابزادہ اورنگزیب جوگیزئی، وزیر اعلیٰ بلوچستان کے سابق مشیر عبدالہادی کاکڑ، جمعیت غربائے اھل حدیث بلوچستان کے صدر مولانا فضل ربی، ممتاز دانشور اور کالم نگار سید امان اللہ شادیزئی ،جمہوری وطن پارٹی کے سابقہ مرکزی جنرل سیکریٹری امان اللہ نوتیزئی، عالمی مجلس تحفظ ختم نبوت کے صوبائی رہنما مولانا عطاء الرحمٰن رحیمی ،پروفیسر ڈاکٹر اسرار احمد قاری، سجاد ہزارہ و دیگر نے شرکت کی اور خطاب کیا۔

اس موقع پر خطاب کرتے ہوئے علامہ مقصود علی ڈومکی نے کہا کہ حضرت امام خمینی کی دعوت اتحاد کے مثبت اثرات پوری دنیا پر مرتب ہوئے آپ نے الہی بصیرت اور دعوت اتحاد سے عالمی استکباری قوتوں کے لڑاؤ اور حکومت کرو کے سامراجی منصوبے کو خاک میں ملا دیا۔ وطن عزیز پاکستان پر انقلاب اسلامی کے ہمسایہ ملک ہونے کے سبب امام خمینی کے دعوت اتحاد بین المسلمین کے بہت گہرے اثرات مرتب ہوئے۔

مولانا عبد الحق ہاشمی نے کہا کہ حضرت امام خمینی رحمۃ اللہ علیہ اتحاد بین المسلمین کے علمبردار تھے امام خمینی کے انقلاب اسلامی سے خائف ہو کر عالمی استکباری قوتوں نے اسے شیعہ انقلاب کا نام دیا اور انقلاب اسلامی کے خلاف دھڑا دھڑ کتابیں شائع کی گئیں۔ عرب ممالک کے فوٹ ہاتھوں پر پڑی ہوئی یہ کتابیں امام خمینی اور انقلاب اسلامی کے پیغام کو نا روک سکیں۔

جمعیتِ علماء اسلام نظریاتی کے مرکزی امیر مولانا عبد القادر لونی نے کہا کہ امام خمینی نے اسلامی حکومت قائم کرکے اسلامی شریعت کو نافذ کیا آپ کا شمار خوف خدا رکھنے والے علماء میں ہوتا ہے جو دین خدا کے لئے قربانیاں دیتے ہیں آج سب سے بڑی مصیبت وہ علماء سوء ہیں جو اپنے مفادات کے لئے دین کو قربان کرتے ہیں،تقریب میں مختلف مکاتب فکر کے علماء سیاسی سماجی اور مذہبی شخصیات کے علاؤہ عوام کی بڑی تعداد شریک ہوئی۔

وحدت نیوز(لاہور)مجلس وحدت مسلمین ضلع لاہور کی جانب سے راہیانِ کربلا کانفرنس بیادِ شہدائے پارہ چنار اور ضلعی انٹرا پارٹی الیکشن کا انعقاد کیا گیا جس میں شہر بھر سے ٹاؤنز اور یونٹس زمہ داران سمیت صدر مجلس وحدت مسلمین پنجاب علامہ علی اکبر کاظمی ، مرکزی سیکریٹری سیاسیات سید اسد عباس نقوی ، صدر مجلس وحدت مسلمین پاکستان عزاداری ونگ ملک اقرار، ممبر مرکزی یوتھ کونسل مولانا تصور مہدی ، جنرل سیکرٹری پنجاب سید حسن کاظمی ،سیکرٹری سیاسیات پنجاب سید حسین زیدی ، آرگنائزر ضلع لاہور نقی مہدی ، کوآرڈینیٹر انٹرا پارٹی الیکشن آفتاب ہاشمی نے خصوصی شرکت کی. راہیانِ کربلا کانفرنس سے خطاب کرتے ہوئے مرکزی و صوبائی رہنماؤں نے کہ کہ مجلس وحدت مسلمین قائد اعظم محمد علی جناح اور ڈاکٹر محمد اقبال کے پاکستان کے حصول کیلئے ہمہ وقت میدان عمل میں حاضر ہے. انہوں نے کہا کہ مجلس وحدت مسلمین کے منشور پر عمل درآمد کرنا یعنی سب سے پہلے اسلام اور مادر وطن پاکستان کی ترقی و خوشحالی کیلئے اپنا مثبت کردار ادا کرنا ہے۔

 انہوں نے کہا کہ شہدائے ملت پاکستان کی بے انتہا قربانیاں اس باتکا واضح ثبوت ہے کہ ہماری جام. تو جا سکتی ہے لیکن پاکستان کی سالمیت پر آنچ نہی آ سکتی، رہنماؤں نے تری منگل شہدائے پارہ چنار کو خراج تحسین پیش کیا اور اس امر پر افسوس کا اظہار کیا کہ دنیا کے کسی بھی ملک اور مہذب معاشرے میں اساتذہ کا احترام جس قدر زیادہ ہوتا ہے اتنا ہی اس ملک میں یا معاشرے میں علم کی روشنی پھیلتی ہے لیکن کرم ایجنسی کے علاقے تری منگل میں سات بہترین اساتذہ کو ایک ساتھ ظالم دہشت گرد بلوائیوں نے بے دردی سے قتل کر ڈالا اور تاحال اس ظلم کے خلاف ایف آئی آر تک درج نہ ہو سکی ہے، وہاں کی لوکل انتظامیہ اس المناک سانحے کو زمینی تنازعہ کا رنگ دے کر دبانے کی کوشش میں مگن ہے جبکہ حقیقت ہر باشعور شہری کے علم میں ہے کہ انہیں صرف اور صرف خاندانِ رسالت صل اللہ علیہ وآلہ وسلم سے محبت کے جرم میں موت کے گھاٹ اتارا گیا ہے. انہوں نے ارباب اختیار سے یہ مطالبہ کیا ہے کہ جلد از جلد تری منگل کے مظلوم شہداء کے قاتلوں کو کیفر کردار تک پہنچا کر شہداء کے خانوادوں سمیت ہر علم اور انسانیت سے محبت کرنے والے شہری کے غم کو کم کیا جائے۔

 راہیانِ کربلا کانفرنس کے اختتام کے بعد مجلس وحدت مسلمین ضلع لاہور کے جماعتی انتخابات کی نشست کا آغاز ہوا جس میں ضلعی آرگنائزر نقی مہدی مستعفی ہوئے. اور انتخابی عمل کا آغاز ہوا. ضلع لاہور کے دس ٹاؤنز کے صدور اور یونٹ صدور و نائب صدور نے حق رائے دہی استعمال کیا اور ضلع لاہور کے نئے میر کارواں کیلئے الیکشن کمیشن مجلس وحدت مسلمین پنجاب سید حسن کاظمی ، نقی مہدی ،مولانا تصور مہدی اور اسد علی بلتستانی کو بھیجے گئے امیدواروں کے ناموں میں سے منتخب کیے گئے تین ناموں جن میں نجم عباس خان، سید خرم زیدی اور سید علمدارزیدی شامل تھے میں سے نجم عباس خان کو کثرت رائے سے نیا میر کارواں چن لیا۔

 شرکائے کانفرنس نے نجم عباس خان کی بطور صدر مجلس وحدت مسلمین ضلع لاہور چناؤ پر انہیں مبارکباد پیش کی اور نیک خواہشات کا اظہار کیا. مرکزی سیکریٹری سیاسیات سید اسد عباس نقوی نے نو منتخب صدر ضلع لاہور سے حلف لیا. نو منتخب صدر نے شرکاء سے خطاب کرتے ہوئے کہا کہ وہ مجلس وحدت مسلمین کے منشور اور کارکنوں کی امیدوں پر پورا اترنے کی کوشش کریں گے۔