وحدت نیوز(اسلام آباد) مجلس وحدت مسلمین پاکستان کے اعلی سطح وفد کی مرکزی جنرل سیکرٹری سید ناصر عباس شیرازی کی قیادت میں پاراچنار کے امام جمعہ علامہ فدا حسین مظاہری سے ملاقات ۔

اس ملاقات میں دونوں رہنماؤں نے ضلع کرم کی سنگین صورتحال پر تشویش کا اظہار کرتے ہوئے مشترکہ لائحہ بنانے پر اتفاق کیا۔

اس موقع پر مجلس وحدت مسلمین کے صوبائی جنرل سیکرٹری شبیر حسین ساجدی اور مرکزی آفس مسئول ارشاد بنگش بھی موجود تھے۔

ملاقات میں کئی اہم امور پر بھی تبادلہ خیال کیا گیا، کانوائے میں قیمتی جانوں کے نقصان پر دلی افسوس کا اظہار کرتے ہوئے ارباب اقتدار کو سیکورٹی میں غفلت پر سانحے کا ذمہ دار قرار دیا۔علامہ فدا حسین مظاہری اور مجلس وحدت مسلمین کے وفد نے آئندہ مشترکہ جدوجہد پر اتفاق کیا۔

اس ملاقات میں پاکستان کی دیگر اہم شخصیات جس میں اہلسنت اور اہل تشیع علماء و قومی شخصیات پر مشترکہ وفد کے کرم کے مسائل میں کردار آدا کرنے پر اتفاق کیا گیا، ملی یکجہتی کونسل کو بھی بھرپور کردار آدا کرنے کا موقع دیاجائے گا۔

علامہ فدا مظاہری نے کہا کہ امن کی خاطر ہر اقدام اٹھانے کے لئے مرکز تیار ہے، ہم نے کئی جوانوں، خواتین اور بچوں کی لاشیں اٹھائیں ہیں، اب مزید معصوم شہریوں کی لاشیں اٹھانے کے متحمل نہیں ہم کرم کے متعدین اہلسنت سے رابطوں کو مزید بہتر بنانے کے خواہاں ہیں۔دونوں جانب سے امن اکثریتی عوام امن چاہیتے ہیں ،انہوں نے مجلس وحدت مسلمین کے ساتھ ملکر امن کے لئے جدوجہد کرنے کا اعادہ کیا۔

ملاقات کے اخر میں علامہ شیخ محسن نجفی کے فرزند و جانشین علامہ شیخ اسحاق نجفی بھی شریک رہے انہوں بھی پاراچنار میں امن کے لئے مشترکہ کوششوں پر زور دیا۔

وحدت نیوز (اسلام آباد )مجلس وحدت مسلمین کے رہنما اور کرم سے قومی اسمبلی کے ممبر انجینئر حمید حسین کا کرم میں امن و امان کی صورت حال پر کہنا ہے کہ ’جس طرح بتایا جارہا ہے حالات اس کے بالکل برعکس ہیں، کرم میں حالات بالکل نارمل نہیں ہیں‘۔

حمید حسین نے آج نیوز کے پروگرام ”اسپاٹ لائٹ“ میں گفتگو کرتے ہوئے کہا کہ کرم میں روڈ کافی عرصے سے بند ہیں، جان بچانے والی ادویات بھی ختم ہوگئی ہیں، پیٹرولیم مصنوعات بالکل ختم ہوگئی ہیں، بچے اسکول نہیں جاسکتے اور لوگ پیدل بازار جا رہے ہیں، ’یہ کہنے والی بات ہے کہ حالات نارمل ہوگئے ہیں، نارمل نہیں ہیں۔

صوبائی حکومت کی جانب سے اعلان کردہ جرگے کےضلع کرم میں جانے کے لئے ہم ابھی تک انتظار میں ہیں اس وقت جو جرگہ ضلع کرم کی طرف جانا چاہ رہا ہے اس حوالے سے ہم نہیں جانتے کہ یہ کس کی طرف سے ہے۔

وحدت نیوز (اسلام آباد) مجلس وحدت مسلمین پاکستان کے پارلیمانی لیڈر ممبر قومی اسمبلی انجینئر حمید حسین کی قیادت میں پاکستان بارڈرز ٹریڈ کونسل کے اعلیٰ سطحی وفد کی چیئرمین سید جواد حسین کاظمی کے ہمراہ افغانستان کے سفیر سردار احمد شکیب سے ان کے دفتر میں ملاقات۔

ملاقات کے دوران پاک آفغان سرحدات خرلاچی، طورخم، غلام خان اور انگور آڈہ پر تاجروں کو درپیش مشکلات و بنیادی سہولیات کےفقدان، دو طرفہ باہمی تجارت کے فروغ سمیت تجارتی بارڈر خرلاچی اور کرم کے امن کے حوالے سے بات چیت کی گئی، پاک آفغان سرحد خرلاچی پر افغانستان کی جانب سے سبزی و فروٹ کی گاڑیوں کو اجازت اور لوکل مارکیٹ تک رسائی کیلئے باہمی امور پر تبادلہ خیال کیا گیا۔

افغانستان کے سفیر سردار احمد شکیب نے وفد کو تمام مسائل کے حل کی یقین دہانی کروائی اور دو طرفہ تجارت کے فروغ کیلئے بھر پور کردار ادا کرنے کےعزم کا اظہار کیا گیا۔ ملاقات میں امن وامان کی تازہ صورتحال سمیت حکومت پاکستان کی جانب سے جاری فتنہ الخوارج کے خلاف کارروائیوں بارے گفتگو میں افغان سفیر کو ان شدت پسند عناصر جو پاکستان کی سلامتی اور استحکام کے لیے خطرہ ہیں کو افغان سر زمین استعمال نہ کرنے کی بات کی گئی۔

وحدت نیوز (اسلام آباد) مجلس وحدت مسلمین پاکستان کے پارلیمانی لیڈر ممبر قومی اسمبلی انجینئر حمید حسین نے پارہ چنار میں ڈاک نہ پہنچنے کا مسئلہ اسٹینڈنگ کمیٹی برائے کمیونیکیشن میں اٹھا دیا۔

انکا کہنا تھا کہ ڈیڑھ ماہ سے راستے بند ہونے کی وجہ سے علاقے میں ڈاک نہیں پہنچ رہی، جہاں عوام کو اشیائے خورد ونوش اور ادویات کی شدید قلت کا سامنا کرنا پڑ رہا تھا وہاں خط و کتابت اور ڈاک کا سلسلہ بھی بند ہو چکا ہے اور موبائل نیٹ ورکس میں بھی خلل ہے، جس پر اسٹینڈنگ کمیٹی نے سنجیدگی کے ساتھ ایکشن لیتے ہوئے اس ایشو پر فوری عملی اقدامات کا حکم دیا تاکہ کمیونیکیشن کے عمل میں حائل رکاوٹوں کو دور کر کے عوام کو ریلیف فراہم کیا جا سکے جو کہ کئی روز سے مشکلات کا شکار ہیں۔