The Latest
وحدت نیوز (جوہی) شام میں روضہ حضرت بی بی زینب سلام اللہ علیہا پر تکفیری دہشت گردوں کے حملے کے خلاف مجلس وحدت مسلمین پاکستا ن کے سربراہ علامہ راجہ ناصر عباس جعفری (حفظ اللہ ) کی اپیل پر بعد نماز جمعہ مرکزی جامع مسجد امام رضا (ع) سے ایک احتجاجی ریلی برآمد ہو ئی جو کہ مختلف راستوں سے گزرتی ہو ئی پریس کلب پر اختتام پذیر ہوئی ، ریلی میں اعجازحسین الحسینی ، محمدحنیف جعفری اور مولانا علی نواز نے خطاب کیا ۔
شرکائے ریلی نے ہاتھوں میں بینر اور پلے کارڈ اٹھا رکھے تھے جن پر دہشت گردوں، امریکہ ، اسرائیل اور آل سعود کے خلاف نعرے درج تھے۔
وحدت نیوز (پاراچنار)کرم ایجنسی کے صدرمقام پارا چنار کے مرکزی بازار میں دو خودکش حملوں کے مزید سات زخمی آج صبح دم توڑ گئےشہید افراد کی تعداد 57 ہوگئی، 187 زخمی مختلف اسپتالوں میں زیر علاج ہیں۔ کرم ایجنسی میں سوگ میں تمام بازار بند ہیں۔ تفصیلات کے مطابق رمضان المبارک کے سترہویں روزے کے افطار سے کچھ لمحے قبل کرم ایجنسی کا صدر مقام پاراچنار زور دار دھماکوں سے گونج اٹھا۔ 2 خودکش بمباروں نے مین بازار میں خود کو دھماکے سے اڑا دیا جس سے ہر طرف تباہی مچ گئی۔ دھماکوں کے خلاف ایجنسی بھر میں تین روزہ سوگ کا اعلان کیا گیا ہے جبکہ آج تمام بازار بند ہیں۔ دھماکوں میں زخمی ہونیوالے افراد کوہاٹ اور دیگر مقامی اسپتالوں میں زیرعلاج ہیں، جبکہ کئی زخمیوں کو تشویش ناک حالت میں پشاور کے لیڈی ریڈنگ اسپتال منتقل کیا گیا ہے۔ پولیٹیکل ایجنٹ ریاض محسود نے ایجنسی ہیڈکوارٹر اسپتال میں زخمیوں کی عیادت کی، ان کا کہنا تھا کہ ایک خودکش حملہ آور کا سر مل گیا ہے۔ عینی شاہدین کا کہنا ہے کہ پہلا خودکش حملہ آور کم عمر نوجوان تھا، جبکہ دوسرے حملہ آور نے اس وقت خود کو اڑایا جب پہلے دھماکے کے بعد بازار میں بھگدڑ مچی۔ گورنر خیبر پختونخوا انجینئر شوکت اللہ نے جاں بحق افراد کے ورثا کیلیے 3/3 لاکھ اور زخمیوں کیلیے 1/1 لاکھ روپے امداد کا اعلان کیا ہے۔
دیگر ذرائع کے مطابق پارا چنار میں یکے بعد دیگر ے ہونے والے دو دھماکوں میں جاں بحق افراد کی تعداد 57 ہو گئی ہے، واقعے میں 187 زخمی بھی ہوئے جن میں سے 30 کی حالت نازک ہے۔ زخمیوں کو پشاور منتقل کرنے والی پولیس موبائل پر فائرنگ سے دو اہلکار زخمی ہو گئے، تحفظ عزاداری کونسل نے ملک بھر میں 3 روزہ سوگ اور احتجاج کا اعلان کیا ہے۔ دہشتگرد بیگناہ شہریوں کا خون بہانے میں مصروف ہیں، پارا چنار میں لوگ افطاری کی تیاری کر رہے تھے کہ دہشتگردوں نے بربریت کی انتہاء کر دی۔ سکول روڈ پر پندرہ سالہ خودکش بمبار نے خود کو دھماکے سے اڑا لیا، جس کے چند منٹ بعد کرمی بازار میں بھی دھماکہ ہوگیا۔ زخمیوں کو پارا چنار کے سرکاری ہسپتال لیجایا گیا جہاں سے شدید زخمیوں کو پشاور منتقل کر دیا گیا۔ پولیٹکل انتظامیہ کے کا کہنا ہے کہ دونوں دھماکے خودکش تھے، واقعہ کے بعد قانون نافذ کرنے والے اداروں نے علاقے کو گھیرے میں لے لیا جبکہ مین بازار میں کرفیو نافذ کر دیا گیا۔ پارا چنار دھماکے کے زخمیوں کو پشاور منتقل کرنے والی پولیس موبائل پر بھی فائرنگ سے دو اہلکار زخمی ہوگئے، جنھیں لیڈی ریڈنگ ہسپتال منتقل کر دیا گیا۔
وحدت نیوز (لاہور) مجلس وحدت مسلمین لاہور کا ہنگامی اجلاس ہوا، جس میں پاراچنار میں بم دھماکوں اور معصوم روزہ دار مومنین کی شہادتوں کی شدید مذمت کی گئی۔ اجلاس میں فیصلہ کیا گیا کہ آج شام ساڑھے آٹھ بجے لاہور پریس کلب کے سامنے ملک میں جاری شیعہ نسل کشی کے خلاف دھرنا دیا جائے گا، دھرنے میں خواتیں، بچے، بوڑھے، جوان اور سول سوسائٹی کے ارکان شریک ہونگے۔
اجلاس میں ایم ڈبلیو ایم پنجاب کے سیکرٹری جنرل علامہ عبدالخالق اسدی، سیکرٹری جنرل لاہور علامہ امتیاز کاظمی، ڈپٹی سیکرٹری جنرل پنجاب سید اسد عباس نقوی، علامہ ناصر حسین فاطمی، علامہ سید جعفر موسوی، شیخ عمران علی، سید حسین زیدی، علامہ مصطفٰی مہدی، آغا نقی مہدی، سید اطہر رضا اور سیکرٹری اطلاعات پنجاب مظاہر شگری شریک ہوئے۔ اجلاس میں پاراچنار بم دھماکوں کی ذمہ دار صوبائی حکومت و وفاقی حکومت اور حساس اداروں کو قرار دیا گیا۔ رہنماوں کا کہنا تھا کہ اگر ان دہشت گردوں کے خلاف حکومت نے راست اقدام نہ اُٹھایا تو پورے پاکستان کو جام کر دینگے، ہماری امن پسندی اور حب الوطنی کو کمزوری سمجھا جا رہا ہے، وقت آنے پر ملک و قوم کے لئے خون کا آخری قطر تک بہا دینگے۔
وحدت نیوز (اسلام آباد) مجلس وحدت مسلمین پاکستان کے مرکزی سیکرٹری جنرل علامہ ناصر عباس جعفری نے کہا ہے کہ پارا چنار میں ہونے والے خودکش دھماکوں کے خلاف ملک گیر احتجاج اور تین روزہ سوگ کا اعلان کرتے ہیں۔ ان واقعات سے واضح ہوگیا ہے کہ حکومت اور قانون نافذ کرنے والے ادارے مکمل طور پر ناکام ہوگئے ہیں، نئی حکومت نے آتے ہی دہشتگردوں سے مذاکرات کا راگ الاپنا شروع کر دیا۔ جس کی وجہ سے ان واقعات میں تیزی آگئی ہے۔
علامہ ناصر عباس جعفری نے کہا کہ واضح ہوگیا ہے کہ دہشتگردوں کی ملک بھر میں رٹ قائم ہوچکی ہے، وہ جب اور جہاں چاہتے ہیں معصوم انسانوں کو نشانہ بنا ڈالتے ہیں لیکن حکومت اور ریاستی ادارے انہیں روکنے میں مکمل ناکام ہوگئے ہیں، ہم میاں نواز شریف سے سوال کرتے ہیں کہ وہ قوم کو بتائیں کہ آخر ایک ریاست کے صبر کی حد کیا ہے۔؟ وہ کونسی حد ہے جس پر ریاستی صبر کا پیمانہ لبریز ہوگا اور وہ ان دہشتگردوں کے خلاف آپریشن کریگی۔ انہوں نے استفسار کیا کہ کیا 70 ہزار پاکستانیوں کی قربانی کافی نہیں ہے کہ ان حیوان نما انسانوں کیخلاف کلین اپ آپریشن کیا جائے۔ ہم حکومت سے پوچھتے ہیں کہ جب ملک کی سلامتی کے اداروں پر حملوں ہو رہے ہیں تو یہ خاموش کیوں ہے۔؟ کہیں اُن قوتوں کو تو خوش نہیں کیا جا رہا ہے جن سے عہد و پیماں کیے گئے۔؟ جن کی وجہ سے انہیں حکومت ملی۔اب ہم یہ بات کہنے میں حق بجانب ہیں کہ دہشتگردی کیخلاف کوئی واضح پالیسی نہ دینا نواز حکومت کی ناکامی ہے۔
علامہ ناصر عباس جعفری کا کہنا تھا کہ ہم آرمی چیف سے بھی پوچھتے ہیں کہ وہ کیا کر رہے ہیں، جب انہیں پتہ ہے کہ دہشتگرد کبھی جی ایچ کیو، کبھی مہران بیس، کبھی کامرہ ائیر بیس تو کبھی سکھر میں آئی ایس آئی کے دفتر پر حملہ آور ہیں تو وہ بیدار کیوں نہیں ہو رہے۔ پاکستان کے سپاہ سالار قوم کو بتائیں کہ وہ کونسی چیز ہے جو ان کی راہ میں رکاوٹ ہے اور دہشتگردوں کے خلاف آپریشن نہیں کرنے دے رہی۔؟ سچ تو یہ ہے کہ جن جرنیل کے ہاتھوں میں فوج کی کمان ہے وہ نااہل ہیں، یہی وجہ ہے کہ پاک فوج کے جوانوں کے حوصلے پست ہو رہے ہیں۔
انہوں نے کہا کہ ہم حکومت وقت پر واضح کر دینا چاہتے ہیں کہ ہمیں دیوار سے لگانے کی کوشش نہ کی جائے، جو قوتیں ہمیں دیوار سے لگانے کی کوشش کر رہی ہیں وہ یاد رکھیں کہ انہیں اس کے انتہائی سنگین نتائج بھگتنا ہونگے۔ ان کا کہنا تھا کہ کبھی کوئٹہ میں دھماکے کرکے انسانی جانوں کا خون بہا جا رہا ہے تو کبھی پشاور اور پاراچنار میں معصوم روزہ داروں کو نشانہ بنایا جا رہا ہے۔
ہم حکومت پاکستان سے مطالبہ کرتے ہیں کہ پاراچنار، کوئٹہ، کراچی، پشاور اور ملک کے دیگر علاقوں میں ان دہشگردوں کے خلاف سوات طرز کا آپریشن کیا جائے، پنجاب میں ان دہشتگردوں کی کمین گاہوں کو فی الفور ختم کیا جائے، بصورت دیگر ہم حکومت کیخلاف ملک گیر تحریک چلائیں گے اور حکومتی ایوانوں کا گھراؤ کریں گے۔
مرکزی سیکرٹری جنرل نے یوم علی (ع) اور یوم القدس کے جلوسوں پر حملوں کا اندیشہ ظاہر کرتے ہوئے مطالبہ کیا کہ حکومت ان جلوسوں کی سکیورٹی فوج کی نگرانی میں کرائے اور شہریوں کے تحفظ کو یقنی بنائے، پریس کانفرنس میں مرکزی سیکرٹری سیاسیات ناصر عباس شیرازی، مرکزی رہنماء علامہ سید حسنین گردیزی، علامہ سخاوت علی قمی، علامہ علی شیر انصاری اور علامہ یوسف جوہری موجود تھے۔
وحدت نیوز(اسلام آباد) مجلس وحدت مسلمین تحفظ مزارات کمیٹی کے زیراہتمام شام میں حضرت زینب (س) کے روضہ مبارک پر حملوں کے خلاف اسلام آباد میں احتجاجی ریلی نکالی گئی اور ان حملوں کی مذمت کیلئے دفتر خارجہ کو یادداشت پیش کی۔ ایم ڈبلیو ایم کے زیراہتمام ریلی اسلام آباد کی مرکزی امام بارگا اثنائے عشری جی 6 ٹو سے نکالی گئی، جو وزارت خارجہ تک جانا چاہتی تھی، تاہم انتظامیہ نے ریلی کو ریڈیو پاکستان چوک کے قریب شاہراہ دستور پر روک دیا، جہاں پر دفتر خارجہ کے قائم مقام ڈائریکٹر جنرل مشرق وسطیٰ محمد جانباز خود آئے اور یاد داشت وصول کی۔ یاد داشت میں حکومت پاکستان سے مطالبہ کیا گیا تھا کہ وہ اقوام متحدہ سے ایسے شرمناک واقعات کی روک کیلئے احتجاج ریکارڈ کرائے، ریلی کی قیادت مجلس وحدت مسلمین پاکستان کے ڈپٹی سیکرٹری جنرل علامہ امین شہیدی اور راولپنڈی اسلام آباد کے تحفظ مزارات کمیٹی کے چیئرمین تطہیر عالم رضوی نے کی۔
وحدت نیوز (کراچی) شام میں نواسئ رسول سیدہ زینب سلام اللہ علیہا کے مزار پر افسوسناک حملے کیخلاف مجلس وحدت مسلمین کے زیر اہتمام لاہور میں فیروزپور روڈ پر احتجاجی ریلی نکالی گئی جس کے شرکاء نے امریکہ، اسرائیل اور ان کے حواریوں کیخلاف شدید نعرے بازی کی۔ احتجاجی ریلی مسجد الحسین ماربل مارکیٹ اچھرہ سے برآمدہوئی اور فیروز پور روڈ پر اچھرہ چوک میں دھرنا دیا گیا، جہاں ریلی جلسے میں تبدیل ہو گئی۔ شرکاء سے خطاب کرتے ہوئے سید حسن رضا قمی نے کہا کہ امریکہ اور اس کی حواری قوتیں تاریخ اسلام کی عظیم ہستیوں کی یادگاریں اور نشانات مٹا کراسلام کی عظمت رفتہ مسلمانوں کے اذہان سے محو کر دینا چاہتی ہیں لیکن عالم اسلام تمام تر فروعی اختلافات بھلا کر ان سازشوں کو ناکام بنا دے گا۔
انہوں نے مزید کہا کہ کہ نواسئ رسول سیدہ زینب بنت علی سلام اللہ علیہانے اپنے نانا (ص) کے دین کی سربلندی اور بقا کیلئے کربلا سے لیکر دمشق تک ناقابل فراموش قربانیاں دیں اور اپنے نانا (ص) کے دین کے پرچم کو کمال عزم وہمت کے ساتھ سربلند رکھا، یہی وجہ ہے کہ آج اسلام دشمن قوتیں ان کی آرام گاہ کے درپے جبکہ عالم اسلام ان کے مقدس مزار پر بہیمانہ حملے کے خلاف سراپا احتجاج ہے۔ علامہ حسن رضا قمی نے کہا کہ آج بھی اولاد یزید آل رسول(ع) اور اصحاب (رض)سے برسر پیکار ہیں اس کی زندہ مثال شام میں سر اُٹھائے یہ خارجی ٹولہ ہے جو یہود و نصاریٰ کی سر پرستی میں اسلامی تاریخ اور مقدسات کی توہین کر رہے ہیں۔
اُن کا کہنا تھا کہ آج پاکستان میں شیعہ سنی مسلمانوں نے متحد ہو کر ان تکفیریوں کو مسترد کر دیا اور خارجیوں کا اصل چہرہ قوم کو دکھا دیا، شام میں خون ریزی کے ذمہ دار بزدل عرب حکمران اور بادشاہ بھی ہے جو اپنی دولت اور ہوس اقتدار کیلئے اسرائیل اور امریکہ کے غلام بنے بیٹھے ہیں، ان کو صرف شام میں ڈکٹیٹر شپ نظر آتی ہیں کیا آل سعود اور آل خلیفہ کے مظالم نظر نہیں آتے۔ علامہ حسن رضا قمی کا کہنا تھا کہ ناموس رسالت(ص) کے تحفظ کیلئے ہم اپنے خون کا آخری قطرہ تک بہانے کو تیار ہیں اور اسلام دشمن ان تکفیری دہشت گردوں کو بے نقاب کر کے مسلمانوں کے درمیان وحدت اور بھائی چارے کو فروغ دے کر یہود و نصاریٰ کے زرخرید تکفیریوں کے مذموم عزائم خاک میں ملائیں گے۔
مظاہرین میں بچوں اور خواتین کی بڑی تعداد شریک تھی جو شام میں روضہ بی بی زینب سلام اللہ علیہا پر خارجی دہشت گردوں کے حملے کیخلاف نعرے لگاتے رہے۔ سمن آباد جامعہ مسجد میں نماز جمعہ کے اجتماع سے خطاب کرتے ہوئے سیکرٹری جنرل ضلع لاہور علامہ امتیاز کاظمی نے کہا کہ دشمن اس وقت اسلام سے خوفزدہ ہے مغرب اور صیہونی طاقتوں نے تکفیری دہشت گردوں کی مدد سے اسلام کے خلاف شام میں جو کاروائیاں کر رہے اس کے اثرات پوری دنیا پر مرتب ہونگے، روضہ بی بی زینب سلام اللہ علہیا اور اصحاب کرام (رض) کے مزرات کی توہین دراصل دنیا بھر میں فرقہ واریت کو ہوا دینا تھا جو شیعہ سنی مسلمانوں نے ناکام بنا دیا۔
احتجاجی جلسے سے خطاب کرتے ہوئے سید اسد عباس نقوی نے کہا کہ طاغوتی طاقتوں کے آلۂ کاروں نے نبی زادی سلام اللہ علیہا کے مقدس مزار پر حملہ کر کے عالم اسلام کی غیرت کو للکارا ہے۔ انہوں نے مزید کہا کہ آج امریکہ، اسرائیل اور کچھ عرب ممالک نے درندہ صفت انسانوں کو اسلحہ اور فنڈز فراہم کر کے خانوادہ رسالت کی عظمت و تکریم پر حملہ کرایا ہے لیکن اب عالم اسلام پر صیہونی سازشیں آشکار ہو چکی ہیں اور اب جگہ جگہ عبرت ناک شکست ان اسلام دشمن قوتوں کا مقدر ٹھہرے گی، احتجاجی جلسہ سے دیگر رہنماؤں نے بھی خطاب کیا جس کے بعد ریلی کے شرکاء پرامن طور پر منتشر ہو گئے۔ اس موقع پر پولیس کی نفری بھی موجود رہی اور سکیورٹی کے سخت انتظامات کئے گئے تھے۔
وحدت نیوز (کراچی)اہل بیت اطہار علیہم السلام کی ناموس کے تحفظ کے لئے کسی قسم کی قربانی سے دریغ نہیں کریں گے، حکومت پاکستان ، پاکستان سے شام جانے والے تکفیری دہشت گردوں کے خلاف عملی اقدامات کر کے اسلام کے مقدسات کے تحفظ میں اپنا کردار ادا کرے۔ان خیالات کا اظہار مجلس وحدت مسلمین پاکستان کراچی ڈویژن کے رہنما ؤں مولانا علی انور جعفری اور برادر ناصر حسینی نے خوجہ مسجد کھارادر کے باہر نما زجمعہ کے اجتماع کے اختتام پر مظاہرین سے خطاب کرتے ہوئے کیا۔
علامہ علی انور جعفری نے کہا کہ شام میں امریکی و صیہونی ایماء پر تکفیری دہشت گرد گروہ اسلام کے مقدس مقامات اور اہل بیت پیغمبر اکرم (ص) سمیت اصحاب رسول کے مزارات مقدسہ پر حملے کر رہے ہیں اور مسلم امہ کے جذبات کو مجروح کیا جا رہاہے جبکہ نام نہاد عالمی مہذب معاشرے خاموش تماشائی بنے ہوئے ہیں۔
ان کاکہنا تھا کہ نواسی رسول اکرم (ص) جناب سید ہ زینب سلام اللہ علیہا کے روضہ مبارک پر ہونے والے حملوں نے ثابت کر دیا ہے کہ شام میں لڑنے والے تکفیری دہشت گرد در اصل کسی مذہب سے تعلق نہیں رکھتے اور یہ وہی لوگ ہیں جنہوں نے ماضی میں پیغمبر اکرم (ص) کے نواسے حضرت امام حسین علیہ السلام کو بھی ذبح کر کے شہید کر دیا تھا اور آج پیغمبر اکرم (ص) کی نواسی حضرت سیدہ زینب سلام اللہ علیہا کے روضہ مبارک پر حملوں میں ملوث ہیں۔
برادر ناصر حسینی نے کہا کہ حکومت پاکستان ملک بھر سے شام جانے والے تکفیری دہشت گردوں کے خلاف کاروائی کرے کہ جو شام پہنچ کر اسلامی مقدسا ت کو دہشت گردی کا نشانہ بنا رہے ہیں، ان کاکہنا تھا کہ اسلام کے مقدسات کے تحفظ او ر پیغمبر اکرم (ص) کے اہل بیت کی ناموس مبارکہ کے تحفظ کے لئے پاکستان کے شیعہ و سنی مسلمان متحد ہیں اور امریکی و صیہونی ایجنٹ تکفیری دہشت گردوں کے ناپاک عزائم کو خاک میں ملادیں گے۔انہوں نے مزید کہا کہ اگر شام میں تکفیری دہشت گردوں نے اسلامی مقدسات کو نشانہ بنانے کے عمل کو ترک نہ کیا تو راست اقدام سے گریز نہیں کیا جائے گا۔اس موقع پر شرکائے احتجاجی مظاہرہ نے امریکہ مردہ باد، اسرائیل نا منظور،لبیک یا زینب (ص)، لبیک یا حسین (ع) اور کلنا عباس یا زینب کے فلک شگاف نعرے بلند کئے ۔
وحدت نیو ز(ٹنڈو محمد خان) شام میں روضہ حضرت بی بی زینب (س) پر تکفیری دہشت گردوں کے حملے کے خلاف مجلس وحدت مسلمین ضلع ٹنڈو محمد خان کی جانب سے بعد نماز جمعہ جامع مسجد علی (ع) سے پریس کلب تک احتجاجی ریلی نکالی گئی ، جسمیں سینکٹروں کی تعداد میں مومنین نے شرکت کی ۔ جب کے شرکاء سے ضلعی سیکریٹری جنرل محب علی بھٹو ، سیکریٹری تبلیغات مولانا محمد بخش غدیری اور امام جمعہ مسجد علی (ع) مولانازاہد حسین نے خطاب کیا ۔
مقررین کا کہنا تھا کہ امریکہ و اسرائیل سن لیں کہ تم جتنا چاہو ہمارے جذبات کو بھڑکانے کی کاشش کر لو لیکن ہم کبھی صبر دامن ہاتھ سے نہیں چھوڑیں گے ، ملت اسلامیہ جانتی ہے کہ تمارے یہ اوچھے ہتھکنڈے کبھی شیعہ سنی کو دست و گریباں نہیں کر سکتے ، آج اپنی ہار مان لو کہ سرزمین پاکستان پر آج شیعہ اور سنی مل کر جناب زینب س کے مزار اقدس کی بیحرمتی کے خلاف سراپا احتجاج ہیں ۔
وحدت نیوز(لاہور )مجلس وحدت مسلمین کے زیر اہتمام شام میں تکفیری دہشت گردوں کی نواسی رسول ﷺ دختر خلیفتہ المسلمین حضرت علی ؑ ثانی زہراؑ حضرت بی بی زینبؑ کے ورضہ مقدس اور صحابہ کرامؓ کے مزارات کی بے حرمتی کے خلاف پنجاب بھر میں احتجاجی مظاہرے کیے گئے۔
لاہور میں جامع مسجد الحسینؑ سے علامہ حسن رضاقمی کی زیر قیادت احتجاجی ریلی نکالی جو مین فیروز پور روڈ کو بلاک کر کے مظاہرین احتجاج کرتے رہے مظاہرین سے خطاب کرتے ہوئے علامہ حسن رضا قمی نے کہا کہ آج بھی اولاد یزید آل رسولﷺ اور اصحابؓسے برسر پیکار ہیں اس کی زندہ مثال شام میں سر اُٹھائے یہ خارجی ٹولہ ہے جو یہود و نصریٰ کی سر پرستی میں اسلامی تاریخ اور مقدسات کی توہین کر رہے ہیں ۔اُن کا کہناتھا کہ آج پاکستان میں شیعہ سنی مسلمانوں نے متحد ہو کر ان تکفیریوں کو مسترد کر دیا اور خارجیوں کا اصل چہرہ قوم کو دکھا دیا۔شام میں خون ریزی کے ذمہ دار بزدل عرب حکمران اور بادشاہ بھی ہے جو اپنی دولت اور ہوس اقتدار کیلئے اسرائیل اور امریکہ کے غلام بنے بیٹھے ہیں ۔ان کو صرف شام میں ڈکٹیٹر شپ نظر آتی ہیں کیا آل سعود اور آل خلیفہ کے مظالم نظر نہیں آتے ۔
علامہ حسن رضا قمی کا کہنا تھا کہ ناموس رسالتﷺ کے تحفظ کیلئے ہم اپنے خون کا آخری قطرہ تک بہانے کو تیار ہیں اور اسلام دشمن ان تکفیری دہشت گردوں کو بے نقاب کر کے مسلمانوں کے درمیان وحدت اور بھائی چارے کو فروغ دے کر یہود و نصریٰ کے زرخرید تکفیریوں کے مذموم عزائم خاک میں ملائیں گے۔مظاہرین میں بچوں اور خواتین کی بڑی تعداد شریک تھے جو شام میں روضہ بی بی زینبؑ پرخارجی دہشت گردوں کے حملے کے خلاف نعرے لگاتے رہے۔
سمن آباد جامعہ مسجد میں نماز جمعہ کے اجتماع سے خطاب کرتے ہوئے سیکرٹری جنرل ضلع لاہور علامہ امتیاز کاظمی نے کہا کہ دشمن اس وقت اسلام سے خوفزدہ ہے مغرب اور صیہونی طاقتوں نے تکفیری دہشت گردوں کی مدد سے اسلام کے خلاف شام میں جو کاروائیاں کر رہے اس کے اثرات پوری دنیا پر مرتب ہونگے روضہ بی بی زینبؑ اور اصحابؓ کرام کے مزرات کی توہیں دراصل دنیا بھر میں فرقہ واریت کو ہوا دینا تھا جو شیعہ سنی مسلمانوں نے ناکام بنا دیا۔
مجلس وحدت مسلمین کی اپیل پر ملک بھر میں مظاہرے اور احتجاجی ریلیاں اور ماتمی جلوس نکالے گئے لاہور ، شیخوپورہ، گوجرانوالہ، قصور، ننکانہ، چونیاں، سرگودہا، اوکاڑہ، ساہیوال، جھنگ، بھکر، ملتان، اور پنجاب بھر کے دیگر شہروں میں بھی مظاہرے ہوئے۔
وحدت نیوز (کراچی ) مجلس وحدت مسلمین پاکستان کے مرکزی سیکریٹری امور فرہنگ علامہ شیخ اعجاز حسین بہشتی نے جامع مسجدعزاخانہ صغریٰ کورنگی میں نماز جمعہ کے اجتماع سے خطاب کر تے ہو ئے کہا کہ تقویٰ وہ راہ وتوشہ ہے جس کے بغیر سفر آخرت ممکن ہی نہیں جس دل میں تقویٰ ہو وہ آخرت کے سفر کو آسانی سے طے کر سکتا ہے، تقویٰ کی درجہ بندی ہے ، پہلا درجہ کم ازکم یہ ہے کہ محرمات الہیٰ سے پرہیز کیاجائے اور واجبات الہیٰ کو انجا م دیا جائے ۔
خطبے کے دوسرے حصے میں خطاب کر تے ہوئے کہاکہ جس مکتب میں تصور غدیر ، عاشورہ ، اور مہدیت کا نظریہ راسخ ہو اس مکتب اور اسکے پیروکاروں کو کوئی فرعون ،یزید ،ہارون، شاہ ایران، صدام اور بش شکست نہیں دے سکتا ، غدیر اور عاشورہ ہماری میراث ہے ، جس مکتب کا امام ، سربراہ ، پیشوا، رہبر علی ابن ابی طالب ع اور آئمہ ہدا ہوں وہ دنیا کا سب سے طاقتور اور ناقابل شکست مکتب قرار پا تا ہے ۔
ان کا کہنا تھا کہ نظام ولایت و امامت وہ عظیم نظام ہے کہ جس سے عرش و فرش کا نظام قائم و دائم ہے ، اگر ہم چاہتے ہیں کہ خدا وند متعال کی مدد نصرت اور تائید غیبی ہمیشہ ہمارے شامل حال ہو تو ہمیں اپنے تمام تر وجود کے ساتھ نظام ولایت و امامت کی پیروی کر نا ہو گی ، یہی اسلام حقیقی و محمدی ص ہے ۔
