وحدت(سکھر)جمعتہ الوداع یوم القد س پر مجلس وحدت مسلمین ضلع سکھر ، شیعہ ایکشن کمیٹی ، امامیہ اسٹوڈنٹس آرگنائزیشن ضلع سکھر ، اصغریہ آرگنائیزیشن سکھر ،اصغریہ اسٹوڈنٹس آرگنائیزیشن ، امامیہ اسٹوڈنٹس آرگنائیزیشن شعبہ طالبات،پیام ولایت فاؤنڈیشن، پاک حیدری اسکاؤٹس ،اور سکھر کی تمام ماتمی انجمنوں کی طرف سے عظیم الشا ن یوم القدس ریلی کا جلوس جامع حیدری مسجد تا پریس کلب سکھرتک علماء اور مذہبی رہنماؤں کی قیادت میں نکالا گیا ۔جلوس میں خواتین اور بچوں کی بڑی تعدادبھی شریک تھی شرکاء نے بیت المقد س اور فلسطین کی آزادی ، اسرائیل وامریکہ کی بربادی کے نعرے لگاتے ہوئے ،مردہ باد امریکہ ، مردہ باد اسرائیل ، اے بیت المقد س مت گھبرا یہ خون رگوں میں تیر ا ہے۔

پریس کلب سکھر پر شرکاء سے چوہدری اظہر حسن سیکریٹری جنرل مجلس وحدت مسلمین ضلع سکھر، سید فدا حسین شاہ موسوی ، چئیر مین شیعہ ایکشن کمیٹی ضلع سکھر ، مولانا علی بخش سجادی جنرل سیکریٹری شیعہ ایکشن کمیٹی ضلع سکھر ،سعید صفوی ڈویژنل صدر ISO، اشرف علی اسدی صدر اصغریہ آرگنائزیشن ، برادر آفتاب میرانی ڈپٹی جنرل سیکریٹری مجلس وحدت مسلمین ضلع سکھر، نے خطاب کرتے ہوئے کہا کہ دنیا میں اس وقت امریکہ ، اور اسرائیل کے مظالم اور پالیسیوں کی وجہ سے دنیا کا امن و امان تباہ ہوچکا ہے ۔یہ ہر ملک میں دہشتگردوں کو پال کر اپنے مقاصد کیلئے استعمال کررہے ہیں۔اسرائیل فلسطین اور بیت المقدس پرقابض ہے۔مسلمانوں پر ظلم ہورہاہے۔لیکن عرب ممالک کی مجرمانہ خاموشی ایک جرم ہے۔آج شام کو تباہ کرنے کیلئے امریکہ اسرائیل سعودی عرب ، قطر، ودیگر ممالک شام میں دہشتگردوں کو اسلحہ اور مالی وسائل دیے رہے ہیں۔شام میں حضرت بی بی زینبؑ اور اصحاب کے کی بے حرمتی کروای جارہی ہے۔ہم واضح کرتے ہیں کہ امریکہ اسرائیل اور سعودی عرب کامیاب نہیں ہونگے۔

انشاء اللہ اسرائیل کو ایک دن تبا ہ ہونا ہے۔امریکہ کو آخر ٹوٹنا ہے۔ظلم ختم ہونا ہے۔حق اور اہل حق کو کامیاب ہونا ہے۔فلسطین شام اور دیگرمظلوم ممالک اپنے آپ کو تنہا ناسمجھیں ،دنیا کے مسلمان مظلوموں کے حامی اور ان کے ساتھ ہیں۔

وحدت نیوز (لاہور ) مجلس وحدت مسلمین پنجاب کے سیکرٹری جنرل علامہ عبدالخالق اسدی نے رحیم یار خان میں شیعہ علماء کونسل بہاولپور ڈویژن کے صدر شیخ منظور حسین اور ان کے صاحبزادے حیدر علی کے بیہمانہ قتل پر گہرے رنج و غم کا اظہار کرتے ہوئے کہا ہے کہ جنوبی پنجاب میں تکفیریوں نے ایک مربتہ پھر شیعیان علی (ع) کیخلاف محاذ کھول دیا ہے، دہشتگردی کے اس واقعہ میں پنجاب حکومت برابر کی ذمہ دار ہے۔

 علامہ اسدی نے کہا کہ تکفیریوں کو جنوبی پنجاب میں کھلی چھٹی دے کر پنجاب حکومت نے شیعہ دشمنی کا ثبوت دیا ہے۔ شہداء کے خون کو رائیگاں نہیں جانے دینگے، ملت جعفریہ ایک جسم کے مانند ہیں، مجلس وحدت مسلمین خانوادہ شہداء کے اس غم میں برابر کی شریک ہے۔ ان کا کہنا تھا کہ دہشتگردی کے حالیہ واقعات پیغام دے رہے ہیں کہ ہم اپنے داخلی اتحاد کو مزید فروغ دیں، کیونکہ عالمی سازش کا مقابلہ ایک قوم بن کر کیا جاسکتا ہے۔

وحدت نیوز (بلوچستان)  مجلس وحدت مسلمین بلوچستان کے سیکرٹری جنرل علامہ مقصود علی ڈومکی نے کہا ہے کہ شہید علامہ عارف حسین الحسینی (رہ) اتحاد بین المسلمین کے علمبردار اور سامراج دشمن رہنماء تھے۔ ان خیالات کا اظہار انہوں نے شہید قائد ملت جعفریہ علامہ سید عارف حسین الحسینی (رہ) کی 25ویں برسی کی مناسبت سے منعقدہ تقریب سے خطاب کرتے ہوئے کیا۔ ان کا کہنا تھا کہ شہید نے افکار امام خمینی (رہ) کی روشنی میں پاکستان میں انقلابی جدوجہد کی اور شیطان بزرگ امریکہ اور اس کے ایجنٹوں کو رسوا کیا۔ انہوں نے کہا کہ شہید قائد اسلام دشمن قوتوں کی راہ میں سب سے بڑی رکاوٹ تھے، آپ نے راہ حق میں اپنی جان کا نذرانہ پیش کیا۔

 دریں اثناء خیر العمل فاونڈیشن بلوچستان کے سربراہ سہیل اکبر شیرازی نے ایک وفد کے ہمراہ علامہ مقصود ڈومکی سے ملاقات کی اور حالیہ سیلاب و بارشوں سے ہونے والے نقصانات کی ابتدائی رپورٹ پیش کی۔ اس موقع پر گفتگو کرتے ہوئے علامہ مقصود ڈومکی نے کہا کہ حکومت اور فلاحی ادارے متاثرین کی مدد کیلئے فوری اقدامات کریں۔

وحدت نیوز (اسلام آباد) مجلس وحدت مسلمین کے سربراہ علامہ ناصر عباس جعفری نے کہا ہے کہ وہ اس بات پر حیران ہیں کہ پاک فوج کے سربراہ جنرل کیانی کو نیند کیسے آجاتی ہے، جس کے ہر روز دس سے پندرہ فوجیوں کو شہید کیا جا رہا ہے، انہوں نے استفسار کیا کہ جنرل کیانی صاحب قوم اور اپنے فوجی جوانوں کو بتائیں کہ آپ کی تین سال کی توسیع سے انہیں کیا ملا ہے۔؟ ڈی آئی خان جیل پر حملہ نے پاک فوج سمیت تمام اداروں کے رسپانس نہ کرنے پر انہیں سوالیہ نشان بنا دیا ہے۔ ریاستی اداروں کے اس عمل سے قوم اور فوجی جوانوں میں دن بدن مایوسی بڑھتی جا رہی ہے۔ غیر ریاستی عناصر حملے جاری رکھنے کا اعلان کر رہے ہیں تو دوسری جانب خاموشی چھائی ہوئی ہے۔ان خیالات کا اظہار انہوں نے اسلام آباد کے ایک مقامی ہوٹل میں ایم ڈبلیو ایم میڈیا سیل کی جانب سے صحافیوں کے اعزاز میں دیئے گئے افطار ڈنر سے خطاب کر تے ہو ئے کیا۔

ایم ڈبلیو ایم کے سربراہ کا کہنا تھا کہ دشمن یہی چاہتا ہے کہ پاکستان میں مایوسی دن بدن پروان چڑھے، کیونکہ طاقتور پاکستان کسی صورت امریکہ، بھارت، اسرائیل اور عرب ممالک کو سوٹ نہیں کرتا، جبکہ فوج کو بھی طاقتور سیاسی قوت سوٹ نہیں کرتی ہے، جتنا پاکستان کمزور ہوگا اتنا ہی ان طاقتوں کا فائد ہوگا۔ دشمن پاکستان کی ایٹمی صلاحیت سے خوفزدہ ہے، کیونکہ اگر اس ملک میں طاقتور لیڈرشپ وجود میں آگئی تو ایٹمی صلاحیت کا حامل پاکستان دنیا بھر میں اہم کردار ادا کرنا شروع کردیگا، لہٰذا اسی وجہ سے اسے کمزور کرنے کی سازشیں بنی جا رہی ہیں۔

مرکزی سیکرٹری جنرل کا کہنا تھا کہ ڈاکٹر، انجنیئرز، وکلاء، کسان اور صحافی حضرات سمیت مختلف شعبہ ہائے زندگی سے تعلق رکھنے والے افراد دراصل مختلف صلاحتیوں اور ضرورتوں کا نام ہیں، ان تمام صلاحیتوں کو آپس میں اکٹھا کیا جائے تو معاشرہ وجود میں آتا ہے، اگر ان کے درمیان بہترین تعلق قائم ہو اور ہر فیلڈ کا بندہ اپنے دائرہ کار میں رہتے ہوئے کام کرے تو بہترین معاشرہ وجود میں آتا ہے، اگر افراد اور ادارے اپنے دائرہ کار سے تجاوز کریں اور انہیں روکنے والا قانون عمل میں نہ آئے تو معاشرہ کمزور ہوتا ہے اور ملک میں انارکی جنم لیتی ہے۔ معاشرے کے ان طبقات کو اپنی حدود میں رکھنے کیلئے قانون بنایا جاتا ہے، عدلیہ اپنا کام کرتی ہے اور مجریہ اپنا کام، ان کے فنکشنل ہونے سے ہی ریاست کا ماں جیسا روپ سامنے آتا ہے۔
 
لیکن آج افسوس کیساتھ کہنا پڑتا ہے کہ ہماری ریاست ماں جیسا کردار ادا کرنے میں مکمل طور پر ناکام ہوتی جا رہی ہے، صورتحال سب کے سامنے ہے کہ اس ملک میں کوئی بھی محفوظ نہیں رہا۔ قاتل آزاد ہیں، شیعہ ہو، سنی ہو یا صحافی کوئی بھی اب دہشتگردوں سے محفوظ نہیں رہا۔ اگر یہی صورتحال برقرار رہی تو آئند چند ماہ پاکستان کیلئے انتہائی بھاری ثابت ہونگے۔ ان کا کہنا تھا کہ نواز شریف اور عمران خان کی خاموشی نے قوم کو مایوس کیا ہے۔ ایک وفاق میں بیٹھا ہوا ہے تو دوسرا صوبائی حکومت چلا رہا ہے۔ لیکن ڈی آئی خان واقعہ کے بعد دونوں اطراف سے خاموشی چھائی ہوئی ہے۔ نواز حکومت کے پہلے دو ماہ نے ثابت کر دیا ہے کہ ان کے الیکشن سے پہلے کے تمام دعوے دم توڑ چکے ہیں۔