وحدت نیوز (کوئٹہ ) مجلس وحدت مسلمین کوئٹہ کی جانب سے شہداء سانحہ بلخی چوک ہزارہ ٹاون کی یاد میں ایک پر نور دعائے کمیل کا انعقادکیا گیا جس میں مومنین نے بھر پور انداز میں شرکت کی ۔ دعاکے اختتام پر عوام سے علامہ سید ہاشم موسوی، سید آغا رضا اور جعفر علی نے خطاب کیا۔ شہداء سانحہ بلخی چوک نزد امام بارگاہ علی ابن ابو طالب ع کو مظلومانہ طور پر دفن کیا گیا۔ جبکہ ملت جعفریہ اور ان کے لواحقین کو غفلت میں رکھ کر احتجاج کرنے نہیں دیا گیا۔

مجلس وحدت مسلمین پاکستان حکومت کو متنبہ کرتی ہے کہ دہشت گردوں کے خاتمے کے لیے فوراً اور موثر کاروائی عمل میں لائی جائے تا کہ پاکستان اور بالخصوص کوئٹہ کے عوام امن و امان کو میسر آسکیں۔ کوئٹہ کے مومنین بیرونی ممالک سے شہداوں کے نام منگوائی گئی رقوم کا حساب ان سیاسی افراد سے ضرورلیں جو قوم پرستی کے خوشنما نعروں سے عوام کو دھوکہ دیتے رہے ہیں۔

انہوں نے کہا کہ ٹی وی چینلز پر سیاسی پارٹی کے نمائندے نے بیان دیا ہے کہ ملت تشیع کوئٹہ کے علماء کے اہل سنت کے مقدسات کی توہین کی ہے جبکہ آپ کوئٹہ پر شیعہ ہزارہ مومنین اس بات کی شائد ہے کہ ہمارے علماء نے کبھی بھی مقدسات کی توہین نہیں کی ہیں بلکہ ہم مجتہدین کی تقلید کرتے ہیں ہمارے مجتہدین تقریباً 80 سالوں سے اتحاد بین المسلمین کے لیے آواز بلند کئے ہوئے ہیں۔ اور یہاں پاکستان میں بھی قائد شہید علامہ عارف حسین الحسینی سمیت ہمارے علماء نے اتحاد بین المسلمین قابل قدر کوشش سر انجام دی ہے اور دیتے رہینگے۔ ایسے افراد جو علماء پر ناحق تہمت باندھتے ہیں وہ اسلام دشمنوں کے ایجنٹ ہیں اس صورتحال میں کوئٹہ کے مومنین کو مکمل ہوشیاری سے کام لے کر اپنے دوست و دشمن کی شناخت کرنی ہوگی ۔ اللہ تعالیٰ شہداء کے درجات کو بلندی عطا فرمائیں اور زخمیوں کو شفا اور پسماندگان کو صبر جمیل عطا فرمائیں۔

وحدت نیوز(اسلام آباد)  مجلس وحدت مسلمین نے شام میں امام حسین علیہ السلام کی ہمشیرہ حضرت زینب سلام اللہ علیھا کے روضہ اقدس پر تکفیریوں کے حملے کے خلاف 10 روزہ سوگ اور آج یوم احتجاج منانے کا اعلان کر دیا ہے۔ اسلام آباد سے جاری مذمتی بیان میں مجلس وحدت مسلمین کے مرکزی ڈپٹی سیکرٹری جنرل علامہ امین شہیدی کا کہنا تھا کہ دہشتگردوں نے اب خانوادے رسول خدا صلی اللہ علیہ وآلہِ وسلم کو بھی معاف نہیں کیا اور دہشتگردی کا نشانہ بنایا ہے۔ انہوں نے کہا کہ دنیا پر واضح ہوگیا ہے کہ تکفیریوں کا اسلام اور انسانیت سے دور کا بھی واسطہ نہیں ہے، درندہ صفت لوگوں نے عالم اسلام کو ایک اور سانحہ سے دوچار کر دیا ہے۔

مرکزی ڈپٹی سیکرٹری جنرل نے کہا کہ حضرت زینب سلام اللہ علیھا کے روضے اقدس پر حملے کی خبر نے مسلمانوں کو شدت غم سے نڈھال کر دیا ہے، اس واقعہ میں وہی قوتیں ملوث ہیں جنہوں نے جنت البقیع کو منہدم کرایا تھا۔ ان کا کہنا تھا کہ تکفیریوں نے پہلے شعائر اللہ، مزارات اولیاء کرام کو نشانہ بنایا اور اب اہل بیت علیہ السلام کے روضے اقدس کو نشانہ بنا رہے ہیں۔ ان کا کہنا تھا کہ شام کے پرامن حالات خراب کرنے میں عالمی طاقتیں ملوث ہیں۔ علامہ امین شہیدی نے مذید کہا کہ مجلس وحدت مسلمین اس سانحہ کیخلاف دس روزہ سوگ کا اعلان کرتی ہے اور آج ملک بھر میں یوم احتجاج منایا جائیگا۔ انہوں نے پاکستان میں تمام مکاتب فکر سے اپیل کی وہ اس سانحہ کی پرزور مذمت کریں اور اپنا احتجاج ریکارڈ کرائیں۔

وحدت نیوز (اسلام آباد) تکفیری دہشت گردوں نے حرم سیدہ زینب سلام اللہ علیہ پر حملہ کر کے ایک مرتبہ پھر جنت البقیع کی تاراجی کی یاد تازہ کر دی ہے ، دنیا بھر سے شام لا ئے گئے دہشت گردوں کا اہم اور آخری حدف حرم سیدہ زینب (س)پر حملہ تھا۔ہم آخری سانس تک شعائر اللہ، شعائر رسول اللہ (ص)اور شعائر اہل بیت (ع) کا دفاع کرتے رہیں گے ،مجلس وحدت مسلمین پاکستان ا س عظیم سانحے پر 10روزہ ملک گیر یوم سوگ اور 3روزہ یوم احتجاج کا اعلان کر تی ہے ۔ ان خیالات کا اظہار مجلس وحدت مسلمین پاکستان کے سربراہ علامہ راجہ ناصر عباس جعفری (حفظ اللہ )نے شام ( دمشق) میں حرم سیدہ زینب(س) بنت علی (ع)پر تکفیری و خارجی دہشت گرد گروہ کی جانب سے راکٹ حملے کے خلاف مرکزی سیکریٹریٹ سے جاری اپنے مذمتی بیان میں کیا۔

ان کا کہنا تھا کہ ان دہشت گردوں کا نہ تو کوئی دین ایمان ہے نہ ہی کوئی زبان ، جس طرح امریکانے افغانستان پر حملہ کے لئے 9/11کو جواز بنایا ، پھر عراق پر حملے کے لئے کیمیکل ہتھیاروں کا بہانہ بنایااور آج اسی امریکا نے شام (حرم سیدہ زینب سلام اللہ علیہ )پر حملے کے لئے عوامی حقوق کی پامالی کا واویلہ کرکے اپنے نام نہاد مسلمان جہادی (فسادی)ایجنڈوں سے لشکر کشی کروائی ہے ۔ اگر یہ فسادی تکفیری ٹولہ عوامی حقوق کی بازیابی کے لئے اتنا ہی سنجیدہ تھا تو کسی حکومتی سرکاری عمارت پر حملہ آور ہوتا ، مومنین کے دل کی ٹھنڈک ہمارے عشق و محبت کے محور ہماری پاک بی بی (س) کے حرم مطہر پر کیوں راکٹ داغے ؟
آج آل سعود کے روحانی فرزندوں نے اپنے اجداد کی سیرت پر عمل کرتے ہو ئے ایک مرتبہ پھر دختر سیدہ کونین جناب فاطمتہ الزہرا سلام اللہ علیہ جناب سیدہ زینب الکبریٰ سلام اللہ علیہ کے روضہ اطہر پر حملہ کیا ہے ۔

ان کا مزید کہنا تھا کہ اگر امریکا اس حملے کو ٹیسٹ کیس سمجھ رہا ہے تو حماقت کر رہا ہے ، امریکا اور اس کے وہ تمام اتحادی (فسادی)جو اس وقت شام کی انقلابی حکومت اور عوا م سے برسر پیکار ہیں انہیں اس کا جلد حساب دینا ہو گا ، اللہ کے لشکر یعنی حزب اللہ کا اعلان سے فان حزب اللہ ہم الغالبون بیشک ایک دن اللہ کے لشکر کو ہی ظالموں پر غالب آنا ہے ، اور انشاء اللہ وہ دن دور نہیں کہ جب امریکا ، اسرائیل اور سعودیہ عرب شام میں بھی اسی طرح ذلت و رسوائی کا سامنا کریں گے جیسے 2006میں لبنان میں کر چکے ہیں ۔

انہوں نے مذید کہا ہے کہ امریکی ، اسرائیلی و سعودی حکمران ایک بات اور اپنے ذہن نشین کر لیں کہ ابھی صرف شام کے مقامی اور پڑوسی ممالک کے چند سو غلامانِ سیدہ زینب بنت علی علیہ السلام کا مقابلہ تمہارے بس میں نہیں ڈرو اس وقت سے کہ جب عالم تشیع کے تمام مراجعین ، بزرگان ، علماء کرام اور خصوصاً ولی امر مسلمین جہان امام سید علی خامنہ ایٰ (حفظ اللہ تعالیٰ) تمہارے خلاف جہاد کا فتویٰ صادر فرمادیں تو اس زمین پر تمہارے تمام مفادات تباہ و برباد کر دیئے جا ئیں ۔

علامہ راجہ ناصر عباس جعفری (حفظ اللہ ) نے حرم سیدہ زینب سلام اللہ علیہ پر ہو نے والے اس دل خراش سانحے کے خلاف مجلس وحدت مسلمین پاکستان کی جانب سے10روزہ ملک گیر یوم سوگ اور 3روزہ یوم احتجاج کا اعلان کیا اور تمام غیرت مند مسلمانوں سے اپیل کی ہے کہ وہ اہانت پر خاموش نہ بیٹھیں بلکے اسے توہین رسالت (ص) محسوس کر تے ہوئے اپنے گھروں سے باہر نکلیں اور شاتمین رسول (ص )وآل رسول (ع) کے خلاف صدائے احتجاج بلند کریں ۔

وحدت نیوز (ہنگو) مجلس وحدت مسلمین خیبر پختونخوا کے ڈپٹی سیکرٹری جنرل اور ترجمان علامہ سید عبدالحسین الحسینی نے پاکستان سے دہشتگردوں کی شام روانگی کی خبروں پر تشویش کا اظہار کرتے ہوئے کہا ہے کہ حکومت پاکستان اس حوالے سے فوری طور ایکشن لے، امریکہ اور اسرائیل کی پشت پناہی سے شام میں جاری بغاوت اور قتل و غارت گری میں ملوث ہونے سے اسلام کے نام پر نام نہاد جہاد کرنے والوں کا اصل چہرہ دنیا کے سامنے آگیا ہے۔ ان خیالات کا اظہار انہوں نے تحریک طالبان پاکستان سمیت دیگر شدت پسند گروہوں کی پاکستان سے شام روانگی کی میڈیا رپورٹس پر جاری اپنے ایک بیان میں کیا۔ ان کا کہنا تھا کہ امریکہ اور اسرائیل کا اولین مقصد اسلام اور مسلمانوں کے خلاف اقدامات ہیں، اسی تناظر میں شام میں امریکہ اور اسرائیل کی ایماء پر بغاوت شروع کی گئی، نام نہاد مجاہدین نے اس بغاوت کا حصہ بن کر ثابت کر دیا ہے کہ ان کی ڈوریں واشنگٹن اور یروشلم سے ہلتی ہیں۔
 
انہوں نے حکومت پاکستان کے کردار کو بھی اس حوالے سے تنقید کا نشانہ بنایا کہ افغانستان کے بعد اب اگر شام میں بھی پاکستان کی جانب سے مداخلت ہوئی تو دنیا میں پاکستان تنہاء رہ جائے گا، حکومت فوری طور پر دہشتگردوں کی شام روانگی کا نوٹس لے اور اس حوالے سے عملی اقدامات کرے۔ انہوں نے بعض عرب ممالک کے اقدامات کی بھی مذمت کی، جو شام میں مداخلت کر رہے ہیں۔ ان کا کہنا تھا کہ شام شامیوں کا ہے، وہاں کوئی فرقہ وارانہ جنگ نہیں، بعض عرب ممالک نے امریکہ اور اسرائیل کی ملی بھگت سے اس جنگ کو شیعہ سنی جنگ قرار دینے کی سرتوڑ کوششیں کی ہیں، تاہم ان کی یہ کوششیں ناکام ہوں گی۔