The Latest
وحدت نیوز(کوئٹہ) مجلس وحدت مسلمین کوئٹہ ڈویژن کی جانب سے جاری بیان میں ڈویژنل ڈپٹی سیکریٹری جنرل علامہ ولایت حسین جعفری نے کہا ہے کہ حکومت تا حال دہشت گردی کا خاتمہ کرنے میں نا کام رہی ہے۔ گزشتہ سانحہ مستونگ میں حکومت نے دہشت گردوں کے خلاف ٹارگیٹیڈ آپریشن کرنے کا وعدہ کیا تھا لیکن کل ابرہیم اسٹریٹ میں ہزارہ جوان مبارک علی شان پر دہشت گردوں کے بزدلانہ حملے نے حکومت اور سیکورٹی اداروں کے جھوٹے دعووں کی قلعی کھول دی۔ اطلاعات کے مطابق مبارک علی شان تقریباً بارہ سے ایک بجے کے دوران دفتر سے ڈیوٹی ختم کرکے گھر کی طرف جا رہے تھے کہ اطراہیم اسٹریٹ میں تقریباً پانچ دہشت گردوں نے مبارک علی شان پر اندھا دھند فائرنگ شروع کر دی تاہم پروردگار عالم کے خاص کرم اورجوان کی بروقت اپنے آپ کو زمین پر گرانے سے دہشت گردوں کی اپنی ہی گولیوں سے ان کی ایک ساتھی ہلاک ہو گیا اور پولیس کے جوانوں کی ہمت سے ان کی قیمتی جان بچ گئی۔جو قابل تحسین ہے ۔
انہوں نے مزید کہا کہ اسی مقام پر پہلے بھی علامہ مقصود علی ڈومکی پر قاتلانہ حملہ کیا گیاتھا لیکن ملزمان کو ابھی تک گرفتار نہیں کیا گیا جس کی وجہ سے کل کا واقعہ رونما ہوا اگر گزشتہ سانحات میں ملوث ذمہ داروں کو گرفتار کرکے قرار واقعی سزا دی جاتی تو آج یہ واقعہ روزانہ نہ ہوتا۔ بیان کے آخر میں حکومت اور انتظامیہ پر زور دیا گیا کہ کوئٹہ شہر کے اندر کالعدم تنظیموں کے ٹھکانوں پر آپریشن کر کے دہشت گردوں اور بالخصوص کل کے واقعے کے مفرور ٹارگٹ کلرز کو گرفتار کرکے انہیں قرار واقعی سزا دے کر کیفر کردار تک پہنچائے۔ نیز دہشت گردوں کو بے گناہ کہنے والے جماعتوں پر پابندی عائد کرکے ان کے خلاف کاروائی کی جائے۔
وحدت نیوز(حیدرآباد) مجلس وحدت مسلمین پاکستان کے مرکزی سیکریٹری تبلیغات علامہ اعجاز حسین بہشتی نے کراچی میں جاری معصوم شہریوں کی ٹارگٹ کلنگ کو عالمی صیہونزم کی سازشوں کا جال قرار دیتے ہوئے ملک میں بد امنی اور دہشت گردی کے واقعات میں امریکی اور اسرائیلی مقامی ایجنٹوں کی کاروائی قرار دیا اور کہا کہ امریکی اور اسرائیلی مقامی ایجنٹ پاکستا ن کو غیر مستحکم کرنا چاہتے ہیں تا کہ پاکستان کے ایٹمی اثاثوں تک غاصب اسرائیل کی رسائی ممکن ہو سکے۔گنجان مہاجر آبادیوں میں شیعہ پروفیشنلز اور تاجروں کا قتل لمحہ فکریہ ہے۔ان خیالات کا اظہار انہوں نے حیدرآباد پریس کلب میں پریس کانفرنس سے خطاب کرتے ہوئے کیا۔ اس موقع پر ان کے ہمراہ مرکزی سیکریٹری تنظیم سازی یعقوب حسینی، صوبائی رہنما عالم کربلائی، ندیم جعفری سمیت دیگر رہنما بھی موجود تھے۔
علامہ اعجاز بہشتی کا کہناتھا کہ کراچی میں معصوم انسانوں کا مسلسل قتل عام سندھ حکومت کی نا اہلی کا منہ بولتا ثبوت ہے، ریاستی ادارے کالعدم دہشت گرد گروہوں کی سرپرستی کرنے کی بجائے ان کے خلاف کریک ڈاؤن کریں۔ انہوں نے کہا کہ کراچی کو امن کا گہوارہ بنانے کے لئے مشترکہ جد وجہد جاری رہے گی، حکمرا ن عوام کے جان و مال کے تحفظ میں ناکام ہو چکے ہیں گذشتہ کئی برس سے شہر میں بے گناہ انسانوں کو ٹارگٹ کلنگ کا نشانہ بنایا گیا۔ ان کاکہنا تھا کہ کسی بھی ملک کو کمزور کرنے اور جڑوں کو کھوکھلا کرنے کے لئے اس ملک کے عظیم سرمایے پروفیسر، اساتذہ، ڈاکٹرز، انجیئنرز، وکلاء ، شعراء اور علمائے کرام سمات خطباء کو ختم کر دیا جاتا ہے اور یہ سب کچھ بد قسمتی سے پاکستان کی سر زمین پر ہو رہا ہے اور شہر کراچی میں اس قسم کے واقعات زیادہ رونما ہو رہے ہیں۔ علامہ اعجاز بہشتی نے مزید کہا کہ ملک کے عظیم سرمایہ پروفیسر، اساتذہ، ڈاکٹرز، انجیئنرز، وکلاء، شعراء اور علمائے کرام سمیت خطباء کو چن چن کر نشانہ بنایا گیا، پاکستان کو عالمی صیہونزم کی سازشوں کا گڑھ بنا دیا گیا ، امریکی اور اسرائیلی ایجنٹ دن دیہاڑے معصوم انسانوں کی جانوں سے کھیل رہے ہیں۔
انہوں نے سندھ حکومت کی شدید الفاظ میں مذمت کرتے ہوئے کہا کہ سندھ حکومت کالعدم دہشت گرد گروہوں کے خلاف کریک ڈاؤن کرے اورصوبے بھر میں کھلے عام کالعدم تنظیموں کے لگائے گئے بینرز اور جھنڈوں سمیت ان کے دفاتر کو بند کروا کر خطر ناک دہشت گردوں کے قانون کے شکنجے میں لیا جائے۔ ان کاکہنا تھا کہ شہر کراچی دہشت گردوں کی آماجگاہ بن چکا ہے اور آپریشن کے باوجود بھی کوئی خاطر خواہ نتائج برآمد نہیں ہو رہے ہیں، ایسا محسوس ہو رہا ہے کہ کالعدم دہشت گرد گروہوں کو کھلی چھٹی دے رکھی ہے تا کہ وہ پورے شہر پر قابض ہو جائیں اور سیاسی و مذہبی قوتوں کو تہس نہس کر دیں۔ ان کاکہنا تھا کہ ایک طرف حکومت نے دہشت گردوں کے ساتھ مذاکرات کا ڈرامہ رچا رکھا ہے جبکہ اس کے نتیجے میں ملک کے عوام کو بم دھماکوں کے تحفے دئیے جا رہے ہیں جس کے نتیجے میں پولیس افسران سمیت عام شہری نشانہ بن رہے ہیں۔
وحدت نیوز(بلتستان) مجلس وحدت مسلمین پاکستان گلگت بلتستان کے سیکرٹری فلاح و بہبود شیخ احمد علی نوری نے اپنے ایک بیان میں کہا ہے کہ یادگار شہداء اسکردو پر لاکھوں فرزندان وطن ملک کی بقاء اور سلامتی کے لیے نئی تاریخ رقم کریں گے اور مستقبل کے لیے سیاسی، معاشرتی، اقتصادی اور تعلیمی حکمت عملی کا اعلان کریں گے۔ 67 سالہ محرومیوں کا شکار گلگت بلتستان کی قوم کو مایوسیوں اور محرومیوں سے نکالنے کے لیے یہ اجتماع سنگ میل ثابت ہوگا۔ انہوں نے کہا کہ اس عظیم الشان اجتماع میں شہدائے اسلام و شہدائے پاکستان سے تجدید عہد کیا جائے گا اور آئندہ کسی ظالم حکومت کو یہ جرات نہیں ہوگی کہ وہ عوام کے حقوق پر ڈاکہ ڈالے۔ آئندہ مادر وطن میں سفارش، رشوت، فرقہ پرستی، بدعنوانی، تعصبات، تقسیمات، دہشت گردی، فتنہ و فساد سے ملک کو کمزور کرنے اور ریاست کے خزانے کو نقصان پہنچانے والوں کا گھیرا تنگ کر دیا جائے گا۔ اس مادر وطن کے باشعور فرزندان سر پہ کفن باندھے میدان عمل میں نکل آئے ہیں اور انشاءاللہ اپنی جانوں کو ہتھیلی پر رکھ کر وطن کا دفاع کریں گے اور اسے فلاحی اسلامی ریاست بنا کر روح قائد کو خوش کریں گے۔ ملک میں موجود تمام ظالموں، فتنہ پروروں کا گھیرا تنگ کرکے محبت، امن، آشتی، رواداری، بھائی چارگی، خوشحالی اور الہٰی اقدار کو احیاء کرکے اس خطے کے انسانی و قدرتی وسائل کو بروئے کار لاکر وطن عزیز پاکستان کے معاشی بحرانوں سے نکال کر دم لیں گے۔
وحدت نیوز(گلگت) ایم ڈبلیو ایم بلتستان ڈویژن کے زیر اہتمام اسکردو کی سرزمین پر منعقد ہونے والی تاریخی " بیداری ملت و استحکام پاکستان کانفرنس" میں اس جماعت کا اپنا کارواں صوبائی سیکرٹری جنرل علامہ شیخ نیئرعباس مصطفوی کی قیادت میں خصوصی شرکت کریگا۔ ایم ڈبلیو ایم گلگت کے ترجمان سعیدالحسنین نے اپنے ایک بیان میں بتایا ہے کہ ایم ڈبلیوایم کے اسکردو میں منعقد ہونے والے اجتماع میں گلگت ڈویژن کے تنظیمی عہدیداران اور کارکنان کے علاوہ دیگر سیاسی، مذہبی اور قوم پرست جماعتوں کے قائدین بھی خصوصی طور پر شریک ہونگے۔ انکا مزید کہنا ہے کہ یہ اجتماع علاقے میں اتحاد بین المسلمین کیلئے ایک نیگ شگون ثابت ہوگا اور اسی روز ایم ڈبلیو ایم اپنے آئندہ کے سیاسی لائحہ عمل کا بھی اعلان کریگی۔
وحدت نیوز(کراچی) مجلس وحدت مسلمین صوبہ سندھ کے سیکرٹری جنرل علامہ مختار امامی نے کراچی میں امن و امان پر اعلٰی سطحی اجلاس میں دہشت گردی کے شکار شیعہ مسلمانوں کے نمائندگان کو مدعو نہ کرنے پر نواز لیگی وفاقی حکومت اور پیپلز پارٹی کی صوبائی حکومت کو شدید تنقید کا نشانہ بنایا ہے۔ یہ بات انہوں نے وحدت ہاؤس کراچی میں تنظیمی اجلاس سے خطاب کرتے ہوئے کہی۔ اجلاس میں عبداللہ مطہری، علامہ علی انور، علامہ مبشر حسن، حسن ہاشمی، علی حسین نقوی، علی احمر، حیدر زیدی، ناصر حسینی سمیت دیگر موجود تھے۔ انہوں نے کہا کہ ملک بھر کی طرح صوبہ سندھ اور اس کے دارالحکومت کراچی میں بھی دہشت گردوں نے سب سے زیادہ شیعہ مسلمانوں کو ہدف بناکر قتل عام کیا، عدل و انصاف کا تقاضا تو یہ تھا کہ دہشت گردی کے شکار شیعہ مسلمانوں کی نمائندہ جماعتوں کو بھی اعلٰی سطحی اجلاس میں مدعو کیا جاتا، ان کی تجاویز بھی طلب کی جاتیں، فیصلہ سازی کے عمل میں انہیں بھی شریک کیا جاتا اور اعتماد میں لیا جاتا۔
انہوں نے مزید کہا کہ وزیراعظم نواز شریف سعودی ریالوں اور امریکی ڈالروں کی وجہ سے تعصب میں مبتلا ہوگئے ہیں، وہ یہ فراموش کرگئے ہیں کہ اس وقت وہ پورے پاکستان کے وزیراعظم ہیں اور پاکستان کے تمام شہری ان کی نظر میں برابر ہونے چاہیے تھے۔ انہوں نے افسوس کا اظہار کیا کہ یزیدی و تکفیری دہشت گردوں کے لئے تو موجودہ حکومت نرم گوشہ رکھتی ہے اور انہیں کچلنے کے بجائے ان سے مذاکرات کرکے ان کے لئے محفوظ راستہ تلاش کرنے میں مصروف ہے، لیکن دہشت گردی کے شکار پاکستانیوں کے زخموں پر مرہم رکھنے کی انہیں تاحال فرصت نصیب نہیں ہوئی۔
علامہ مختار امامی نے کہا کہ پاکستانی قوم نے بروقت اس حکومت کی دھاندلی کی نشاندہی کر دی اور سب نے 11 مئی کو یوم سیاہ منا کر اس حکومت کی ناکامی و دھاندلی کے پہلے سال ہی اسے مسترد کر دیا۔ انہوں نے کہا کہ اگر دھاندلی سے ہی سہی وہ اب زبردستی کے حکمران بن بیٹھے ہیں تو انہیں یہ فراموش نہیں کرنا چاہیے کہ پہلے بھی ان کی غلط حرکتوں نے تمام عوامی قوتوں کو ان کے خلاف یکجا کر دیا تھا اور ان کی حکومت کے خاتمے کے لئے سب نے مل کر تحریک چلائی تھی۔ انہوں نے کہا کہ ستمبر 2013ء سے اب تک کراچی آپریشن کے دوران ساڑھے تین سو شیعہ مسلمان شہید کئے جاچکے ہیں، جس دن انہوں نے امن و امان پر اجلاس کی صدارت کی اس دن بھی ایک شیعہ تاجر کو قتل کر دیا گیا، دہشت گردوں کو ان کی گیدڑ بھپکی سے کوئی فرق نہیں پڑتا، دہشت گردوں نے شیعہ ڈاکٹرز، وکلاء، پروفیسرز، تاجر، اساتذہ، علماء اور طالب علم و سیاسی کارکنان کو بے دریغ قتل کیا، لیکن قاتل تاحال گرفتار نہیں ہوئے۔ انہوں نے مطالبہ کیا کہ شیعہ مسلمانوں کے قاتل دہشت گردوں کے خلاف فوری طور پر فوجی آپریشن کیا جائے اور جو گرفتار ہیں انہیں سرعام پھانسی کی سزا دی جائے۔
وحدت نیوز(اسلام آباد) مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نے کہا کہ تحریک انصاف کی طالبان مذاکراتی پالیسی پرسخت تحفظات اور اختلاف ہے ، انہوں نے کہا کہ طالبان نے ملک بھر میں قتل عام کیا ہے اور دہشت گردی کے واقعات کی ذمہ داری قبول کی ہے، خود تحریک انصاف کے رہنماؤں اور اراکین اسمبلی کو بھی دہشت گردی کا نشانہ بنایا گیا ہے ، انکاکہنا تھا کہ طالبان دہشتگردی کا صرف شیعہ مسلمان ہی شکار نہیں ہیں بلکہ پوری پاکستانی قوم طالبان دہشت گردوں کی ظالمانہ کاروائیوں کا نشانہ بن رہی ہے، انہوں نے مزید کہا کہ ملک کی عوام کو تحریک انصاف سے توقع تھی کہ وہ کوئی تبدیلی لائے گی تاہم یہ تحریک انصاف کی جماعت کا فیصلہ ہے ، انہوں نے واضح کرتے ہوئے کہا کہ ہمارا واضح موقف ہے کہ کہ طالبان دہشتگرد قاتلوں کے ساتھ مذاکرات نہیں ہو ں گے۔ان خیالات کا اظہار انہوں نے مرکزی وحدت سیکریٹریٹ میں ملاقات کے لیئے آنے والے تحریک انصاف کے مرکزی رہنما ؤں جہانگیر ترین ، مخدوم جاوید ہاشمی اور شاہ محمود قریشی سے گفتگو کر تے ہوئے کیا ۔اس موقع پر ایم ڈبلیو ایم کے مرکزی پولیٹیکل سیکریٹری ناصر شیرازی ایڈووکیٹ اور چیئرمین وحدت یوتھ فضل نقوی ایڈووکیٹ بھی موجود تھے۔
علامہ راجہ ناصر عباس جعفری کاکہنا تھا کہ تحریک انصاف کی قیادت کی طرف سے ایسا تاثر ملتا ہے کہ وہ مذاکرات کے ذریعے امن لانا چاہتی ہے، لیکن اللہ کا قانون ہے کہ دہشت گردوں کے لئے صرف اور صرف آہنی ہاتھوں سے نمٹا جائے اور یہی واحد راستہ ہے، انہوں نے کہا کہ ہمیں امید ہے کہ تحریک انصاف بھی آئین اور قانون کے تحت طالبان دہشت گردوں سے مذاکرات کے موقف میں تبدیلی لائے گی ۔راجہ ناصر عباس کاکہنا تھا کہ خیبر پختونخواہ میں تحریک انصاف کی صوبائی حکومت ہے اور وہاں شیعہ اکابرین کو ٹارگٹ کلنگ کا نشانہ بنایا جا رہا ہے ، جیلیں توڑی جا رہی ہیں، اور کھلے عام دہشت گردی ہو رہی ہے لیکن تحریک انصاف کی صوبائی حکومت کی اس پر کوئی توجہ نہیں ہے ، امید ہے کہ دہشتگردی کے خاتمے کے لئے کے پی کے حکومت عوام کو تحفظ فراہم کرنے کے لئے عملی اور مثبت اقدامات انجام دے گی اور دہشت گردوں کے خلاف ٹھوس اقدامات کئے جائیں گے۔
وحدت نیوز(اسلام آباد) تحریک انصاف کے مرکزی رہنما جہانگیر ترین اور مخدوم جاوید ہاشمی سمیت شاہ محمود قریشی نے بدھ کے روز اسلام آباد میں مجلس وحدت مسلمین پاکستان کے مرکزی دفتر میں مجلس وحدت کے مرکزی رہنماؤں سے ملاقات کی اس ملاقات میں مجلس وحدت مسلمین پاکستان کے مرکزی سیکرٹری جنرل علامہ ناصر عباس جعفری اور شعبہ سیاسیات کے مرکزی سیکرٹری سیاسیات ناصر عباس شیرازی اور وحدت یوتھ پاکستان کے مرکزی چیئرمین سید فضل عباس نقوی سمیت دیگر موجود تھے۔
ملاقات میں گفتگو کرتے ہوئے تحریک انصاف کے مرکزی رہنما مخدوم جاوید ہاشمی نے کہا کہ ملک میں شیعہ مسلمانو ں کی ٹارگٹ کلنگ پر تحریک انصاف کی قیادت عمران خان ایسے ہی غمزدہ ہوتے ہیں جیسے قتل انکے اپنے ہی گھر میں ہواہو۔ان کاکہنا تھا کہ تحریک انصاف کا طالبان مذاکرات پر موقف درست پیش نہیں کیا گیا اس حوالے سے مجلس وحدت مسلمین پاکستان کے تحفظات اور خدشات درست ہیں، انہوں نے کہا کہ تحریک انصاف ملک سے دہشت گردی کا خاتمہ چاہتی ہے اور امن کے لئے ہم نے مشروط مذاکرات کی بات کی تھی ۔
مخدوم جاوید ہاشمی کاکہنا تھا کہ ملک میں جاری فرقہ وارانہ قتل عام اور شیعہ مسلمانوں پر ہونے والے مظالم پر تحریک انصاف کی قیادت عمران خان کا بہت واضح موقف رہا ہے اور سانحہ کوئٹہ ہو یا پھر سانحۃ گلگت اس حوالے سے عمران خان نے ان حادثات کا ذمہ دار لشکر جھنگوی کو قرار دیا اور ہم اپنے اس موقف پر قائم ہیں۔ان کاکہنا تھا کہ عالمی ملک دشمن قوتیں پاکستان میں فرقہ وارانہ دہشتگردی کو فروغ دے کر پاکستان کو غیر مستحکم کرنا چاہتی ہیں اور ملک کو کمزورکرنے کی سازشیں کر رہی ہیں۔
مخدوم جاوید ہاشمی نے کہا کہ تحریک انصاف کی قیادت عمران خان نے ڈیڑھ ارب ڈالر کے سعودی معاملے پر بھی بہت واضح اور صاف شفاف انداز میں مذمت کی ہے اور کہا ہے کہ ڈیڑھ ارب ڈالر سعودی امداد ملک میں شیعہ مسلمانوں کی نسل کشی کے لئے فراہم کی گئی ہے ۔تحریک انصاف کے رہنما مخدوم جاوید ہاشمی نے کہا کہ مجلس وحدت مسلمین پاکستان ایک پارلیمانی جماعت ہے اور تحریک انصاف اور مجلس وحدت مسلمین ملک میں مثبت تبدیلی کے خواہاں ہیں، بہت سے نکات پر ہم متفق ہیں ، طالبان والے مسئلے پر بھی تحفظات اور خدشات جلد دور ہو جائیں گے۔
وحدت نیوز(اسلام آباد) تحریک انصاف کے مرکزی رہنما ؤں جہانگیر ترین اور مخدوم جاوید ہاشمی سمیت شاہ محمود قریشی نے بدھ کے روز اسلام آباد میں مجلس وحدت مسلمین پاکستان کے مرکزی دفتر میں مجلس وحدت کے مرکزی رہنماؤں سے ملاقات کی اس ملاقات میں مجلس وحدت مسلمین پاکستان کے مرکزی سیکرٹری جنرل علامہ ناصرعباس جعفری اور شعبہ سیاسیات کے مرکزی سیکرٹری سیاسیات ناصرعباس شیرازی اور وحدت یوتھ پاکستان کے مرکزی چیئرمین سید فضل عباس نقوی سمیت دیگر موجود تھے۔
ملاقات کے دوران گفتگو کرتے ہوئے تحریک انصاف پاکستان کے مرکزی رہنما جہانگیر ترین نے تحریک انصاف کی مرکزی قیادت نے خیبر پختونخواہ میں مجلس وحدت مسلمین کی جانب سے پے در پے دہشت گردی کے واقعات ، حال ہی میں شیعہ اساتذہ کی ٹارگٹ کلنگ، پشاور میں شیعہ مسلمانوں کو ملنے والی دھمکیوں اور جیل توڑنے کے واقعات پر اپنے جن تحفظات کا اظہار کیا اس کے ازالے کی مکمل یقین دہانی کرائی ۔
واضح رہے کہ دونوں جماعتوں کے مرکزی رہنماؤں کی ملاقات کے دوران سیکرٹری سیاسیات مجلس وحدت ناصر عباس شیرازی نے نقطہ اعتراض اٹھاتے ہوئے کہا کہ خیبر پختونخواہ میں تحریک انصاف کی صوبائی حکومت موجود ہے تاہم کے پی کے میں مسلسل شیعہ مسلمانوں کی ٹارگٹ کلنگ جاری ہے اور دہشت گردی کے واقعات میں اضافہ ہورہا ہے اور دورسی طرف کے پی کے صوبائی حکومت کی جانب سے کوئی خاطر خواہ اقدامات نہیں ا ٹھائے جا رہے ہیں جو باعث تشویش ہے، اور صوبے میں بڑھتی ہوئی دہشت گردانہ کاروائیوں پر مجلس وحدت مسلمین سمیت پوری قوم کو تحفظات ہیں۔ان کاکہنا تھا کہ ہمیں امید ہے کہ تحریک انصاف کی مرکزی قیادت کے پی کے میں ہونے والے ان دہشت گردانہ واقعات کا سختی سے نوٹس لے گی اور ٹھوس اقدامات کئے جائیں گے، ناصر شیرازی کے نقطہ اعتراض پر بات کرتے ہوئے تحریک انصاف کے مرکزی رہنما جہانگیر ترین نے یقین دہانی کرواتے ہوئے کہا کہ اس ملاقات کے فوراً بعد کے پی کے کی صوبائی حکومت سے رابطہ کیا جائے گا اور صوبائی حکومت سمیت آئی جی کے پی کے کو ہدایات جاری کی جائیں گی کہ وہ مجلس وحدت مسلمین کی صوبائی قیادت کے ساتھ ملاقات کریں اور تمام شکایات کا ازالہ کیا جائے۔
وحدت نیوز(پشاور) مجلس وحدت مسلمین صوبہ خیبر پختون خوا کے سیکرٹری جنرل علامہ سید محمد سبطین الحسینی مولا امیر کائنات علی ابن ابی طالب کی ولادت کی منابسبت سے جشن مولود کعبہ کے مناسبت سے اپنے پیغام میں کہا کہ،مولا امیر کائنات کی زندگی ہمارے لیئے مشعل راہ ہونے کے ساتھ دنیا وآخرت میں نجات کا ذریعہ ہے حضرت علی علیہ اسلام کائنات کی وہ عظیم ہستی ہے کے جن کی ولادت اللہ کے گھر کعبہ میں اور شہادت بھی اللہ کے گھر مسجد میں ہوئی ، حضرت علی علیہ اسلام بہادر ی اور شجاعت کے وہ گوھر ہیں جنہیں شیرے خدا بھی کہا جاتا ہے،علم کے وہ مرکز ہیں کے رسول صہ نے فرمایا کے میں علم کا شہر ہوں اور علی اسکا دروازا ہے اور آپ علیہ اسلام اتنے سخی اور کریم تھے کے اپنے حصے کی روٹی خود نہ کھا کر یتیموں اسیروں ،فقرا ومساکین کو کھلایا کرتے تھے اور اپنے دورے حکومت میں اپنے کاندھوں پر راشن اٹھا کر غریب یتیم اور بیوہ کے گھروں تک خود رسایا کرتے تھے اور یہ محسوس نہیں کراتے تھے کے وہ وقت کے حاکم اور خلیفہ ہیں انھوں نے مزید کہا کے اگر آج کے حکمران طرز علی کو اپنائیں تو ملک سے دھشتگردی ،لاقانونیت،غربت،کرپشن ،مہنگائی ختم ہوسکتی ہے اور وطن عزیز پاکستان ایک خوشحال ملک بن سکتا ہے،جلسے کے اختتام پر مومنین میں نیاز تقسیم کیا گیا۔
وحدت نیوز (جیکب آباد) مولا علی ؑ کی ولادت باسعادت کے سلسلے میں مجلس وحدت مسلمین ضلع جیکب آبادکی جانب سے مختلف پروگرام منعقد کیے گئے اور ڈی سی چوک پر پانی کی سبیل لگائی گئی مجلس وحدت مسلمین کی جانب سے حویلی سید شیر شاہ بخار ی اور کربلا معلی امام بارگاہ سے عظمت امامت ریلی نکالی گئی ریلی ڈی سی چوک پر پہنچی ریلی کے شرکاء سے حسن رضا غدیر ،شاہد حسین جوادی ،سید مظہر علی شاہ،سید احسان علی شاہ ودیگر نے خطاب کرتے ہوئے کہا کہ حضرت علیؑ کی شخصیت پوری انسانیت کے لیے مشعل ہدایت ہے اور تمام مکتبہ فکر کے درمیان اہمیت کی حامل ہے انہوں نے کہا کہ شیر خدا مولا علی ؑ کی زندگی امت مسلمہ کے لیے مشعل راہ ہے، دشمنان دین سے مقابلے کے لئے شجاعت علی ؑ کو نمونہ عمل بنانا ہو گا۔
