The Latest
وحدت نیوز(کراچی)11مئی 2013کا دن ملکی تاریخ کا سیاہ ترین دن تھا ، عوام کی امنگوں کا قتل ہوا ، عوامی مینڈیٹ کے چوری ہونے کا ایک سال مکمل ہونے پر مجلس وحدت مسلمین علامہ راجہ ناصرعباس جعفری کے حکم پر 11مئی کو ملک گیر یوم احتجاج منائے گئی، ملک بھر کی طرح سندھ بھر میں احتجاجی مظاہرے کئے جائیں گے۔ مرکزی احتجاجی مظاہرہ کراچی پریس کلب کے باہر ہو گا، موجودہ وفاقی اور تمام صوبائی حکومتوں کی ایک سالہ کارکردگی انتہائی مایوس کن ثابت ہوئی ، الیکشن مہم کے دوران ٹی وی اشتہاروں میں بلند و بانگ دعوے کرنے والے حکمران آج ایوانوں میں چھپ کے بیٹھے ہیں ، دہشت گرد عملی طور پر ملک پر حاکم جب کہ بیرونی امداد اور پریشر سے بر سر اقتدار آنے والی جماعتیں صرف نگران کی حیثیت سے ذمہ داری انجام دی رہی ہیں، پیپلز پارٹی مفاہمت کے نام پر نوازلیگ کی خیانتوں پر پر دے ڈال رہی ہے، عوامی حقوق کے استحصال اور ظالم نظام حکومت کے خلاف اٹھارہ مئی کو اسکردو سے بیداری امت و استحکام پاکستان کانفرنس کے ذریعے احتجاجی تحریک کا آغاز کریں گے۔ ان خیالات کا اظہار مجلس وحدت مسلمین پاکستان صوبہ سندھ کے سیکرٹری جنرل علامہ مختار امامی نے کراچی وحدت ہاؤس میں ہنگامی اجلاس سے خطاب کرتے ہوئے کیا۔ ان کاکہنا تھا مرکزی سیکرٹری جنرل علامہ راجہ ناصر عباس جعفری نے حکومت کے ایک سال مکمل ہونے کے دن کو یوم سیاہ منانے کا اعلان کیا ہے جس کی ہم تائید کرتے ہیں ۔ اس موقع پر دیگر رہنماؤں میں علامہ صادق رضا تقوی، عالم کربلائی ،مولانا نشان حیدر،عبداللہ مطہری، آصف صفوی ،حیدر زیدی ،شفقت لانگاہ اور امتیاز شاہ بخاری بھی موجود تھے۔
علامہ مختار امامی کا کہنا تھا کہ ہمیں الیکشن سے قبل ہی الیکشن کے نتیجے کا اندازہ ہو چکا تھا ، عرب ممالک کی بیجا مداخلت اور پیسوں کی ریل پیل الیکشن کو مشکوک بنا رہی تھی، افسوس کے ساتھ کہنا پڑتا ہے کہ نا صرف حکمران جماعت بلکہ الیکشن کمیشن اور سپریم کورٹ کے بعض جج صاحبان بھی اس بیرونی سازش میں ملوث تھے، عوام اپنے گھروں سے جوق در جوق نظام کی تبدیلی اور خائن حکمرانوں سے نجات کی خاطر نکلے تھے،ملکی تاریخ میں ایک منفرد ٹرن آؤٹ سابقہ الیکشن میں آیا لیکن بیرونی سرمائے سب پر پانی پھیر دیا،پاکستان میں دہشت گردوں کو اسٹیک ہولڈر بنانے کے لئے الیکشن ہائی جیک ہوئے اور نواز لیگ کو ان دہشت گردوں کا نگہبان بنا کر ایوان میں بھیجا گیا۔ سعودی عرب بحرین اور بعض دیگر خلیجی ریاستیں پاکستان کے الیکشن پر براہ راست اثر انداز ہوئیں۔انہوں نے موجودہ حکومت کی ایک سالہ کارکردگی کو شدید تنقید کا نشانہ بناتے ہوئے کہا کہ عوامی مسائل ، لودشیڈنگ، دہشت گردی ، مہنگائی ، بے روزگاری کے خاتمے کے نعرے لگانے والی سیاسی جماعتیں ایک سال گذرنے کے باوجود تاحال کسی ایک مسئلے کے حل میں کامیاب نہ ہو سکیں ، لودشیڈنگ کو چند ماہ اور چند سال میں ختم کر نے کے دعوے دار میاں صاحبان آج کہتے ہیں، ہمارے تو ہاتھوں سے طوطے اڑ گئے، الیکشن کیمپین کے دوران اربوں روپئے کے ٹی وی کمرشلز میں صرف جوش خطابت اور عوام کو خوش کر نے کے لئے ایسے دل فریب نعرے لگائے گئے۔ آج عوام چودہ چودہ ، سولہ سولہ گھنٹے کی لودشیڈنگ بھگت رہے ہیں ، صنعتوں کا پہہ جام ہو چکا ، بے روز گاری میں اضافہ ہوا، لوگ بھوک و افلاس س خودکشیوں پر مجبور ہو ئے۔انہوں نے مزید کہا کہ مسلم لیگ ن اور پاکستان تحریک انصاف لوڈشیدنگ کے مسئلے پر سیاست چمکانے سے باز آئیں اور پاور پروجیکٹس کی تنصیب کے حوالے سے سنجیدہ اقدامات کریں۔باریاں لگانے والی پیپلز پارٹی اور نواز لیگ نے ایک دوسرے کے عیبوں اور خامیوں پر پردہ ڈالنے کا بھی معاہدہ کر رکھا ہے، زرداری صاحب نے بڑے بھائی کو پانچ سال پورے کروانے کی یقین دھانی کروارکھی ہے۔
انہوں نے کراچی سمیت ملک بھر میں جاری ٹارگٹ کلنگ بھتہ خوری ، دہشت گردی پر تشویش کا اظہار کر تے ہو ئے کہاکہ کراچی میں درجن بھر شہریوں کا قتل معمول بن چکا ہے، گذشتہ ایک سال میں وفاقی و صوبائی حکومت نے فقط ایک بوسیدہ ٹارگٹڈ آپریشن کے کچھ نہیں کیا، جس کا نتیجہ صفر نکلا ، ہزاروں دہشت گردو ں کی گرفتاری کے دعوے ہو ئے لیکن سزا کسی ایک مجرم کو بھی نہ ہوئی، وزیر اعظم صاحب فقط گرفتاریوں کی تعداد پوچھ کر کراچی سے واپس آجاتے ہیں۔کراچی کی طرح پنجاب بھر میں بھی لاء4 اینڈ آرڈر کی صورتحال قابل اطمنان نہیں لاہور، گجرانوالہ ،فیصل آباد،اسلام آباد، راولپنڈی ،ملتان اور دیگر شہروں میں دہشت گردوں کے مراکز موجود ہیں جو صوبے بھر میں دہشت گردی میں ملوث ہیں ، لیکن نواز لیگ ان دہشت گردوں کے خلاف کو ئی ٹھوس کاروائی کرنے میں سنجیدہ نہیں ،پاک فوج کے جوانوں ، ڈاکٹروں ، وکلاء، انجینئرز، علماء اور شیعہ کمیونٹی سے تعلق رکھنے والے افراد کے قاتل تاحال آزاد ہیں۔ انہوں نے اعلان کیا کہ مجلس وحدت مسلمین پاکستان بیرونی امداد پر برسر اقتدار آنے والی حکومت کے ایک برس مکمل ہونے پر گیارہ مئی کو ملک گیر یوم سیاہ منائے گی ، ملک بھر میں کی طرح سندھ بھر میں احتجاجی مظاہرے کیئے جائیں گے، جب کہ مرکزی احتجاجی مظاہرہ کراچی پریس کلب پر ہوگا، عوام سے پر زور اپیل کی جاتی ہے کہ ظالم اور کرپٹ حکومت کے خلاف گیارہ مئی کو اپنے گھروں سے باہر نکلیں اور ان بیرونی ایجنڈوں سے اپنی بھر پور نفرت کا اظہار کریں۔
وحدت نیوز(لاہور) مجلس وحدت مسلمین پاکستان شعبہ خواتین کی سیکریٹری جنرل خانم سکینہ مہدوی نے کہا ہے کہ پاکستان میں بیرونی امداد اور ایجنڈے پر ایوان اقتدار پر قابض نواز حکومت کے خلاف 11مئی کو خواتین بھی اپنا قومی کردار ادا کرتے ہو ئے سڑکوں پر نکل آئیں ، گذشتہ ایک سال میں ہونے والے مظالم نے دس سالہ ظلم کے رکارڈ توڑ ڈالے ہیں ، مریم نواز صاحبہ اپنے شاہی محلات سے نکل کر دیکھیں کہ پاکستانی معاشرے میں خواتین کس ذلت اور پسماندگی میں زندگی بسر کر رہی ہیں ،ان خیالات کا اظہار انہوں نے 11مئی کو نواز حکومت کی تشکیل کے ایک سال مکمل ہونے پر ملک گیر یوم احتجاج کے حوالے سے جاری بیان میں کیا ۔
ان کا کہنا تھا کہ مسلم لیگ نواز کی موجودہ حکومت پاکستان پیپلز پارٹی کی سابقہ حکومت کی روش پر ہی کار فرما ہے، بظاہر عوامی حقوق کی بحالی کا نعرہ لگانے والی اور آزادی نسواں کا ڈھول پیٹنے والی نام نہاد جمہوری حکومتیں عوام کو بجلی ، پانی ، گیس اور سستی روٹی تک دینے کی اہلیت نہیں رکھتے ، اب تو حال یہ ہے کہ حوا کی بیٹیوں کی عزتیں روز سر بازار پامال ہو رہی ہیں اور حکمران اپنے محلات میں عیش و عشرت کی زندگی میں مگن ہیں ، انہوں نے مجلس وحدت مسلمین کی شعبہ خواتین کی تمام ذمہ داران نے اپیل کی کے 11مئی کو ملک بھر میں ہو نے والے احتجاجی پروگرامات میں بھر پور شرکت کریں ۔
وحدت نیوز(پشاور) مجلس وحدت مسلمین صوبہ خیبر پختونخواہ کے سیکرٹری جنرل علامہ سبطین حسینی نے کے پی کے میں تنظیمی امور کی بہتر انجام دہی، بروقت اقدامات اور پورے صوبہ کو مربوط رکھنے کے لئے صوبہ بھر سے باصلاحیت اور فعال افراد پر مشتمل کابینہ کا اعلان کر دیا۔ نئی کیبنٹ میں علامہ جہانزیب جعفری، ڈپٹی سیکرٹری جنرل، علامہ سید وحید عباس کاظمی، ڈپٹی سیکرٹری جنرل و سیکرٹری تنظیم سازی، سید وقار بخاری، سیکرٹری رابطہ، سید عدیل عباس، سیکرٹری میڈیا، سید محمد ابو کرار نقوی، سیکرٹری نشر و اشاعت، سید تہور عباس، سیکرٹری فلاح و بہبود، راجہ نوازش علی، سیکرٹری عزاداری، تنویر مہدی ایڈووکیٹ، سیکرٹری سیاسیات، اذکار علی، لیگل ایڈوائزر، مولانا سید نور نقی، سیکرٹری شعبہ تربیت، محمد ابراہیم، سیکرٹری مالیات، تنویر مہدی ایڈووکیٹ، سیکرٹری سیاسیات، سید شیریں شیرازی، شعبہ خواتین اور شعبہ اسکاوٹنگ کے لئے سید ابراہیم حسین کے ناموں پر غور کیا جا رہا ہے۔ ان ناموں کی حتمی منظوری آئندہ ہفتہ اسلام آباد میں ہونے والے اجلاس میں دی جائے گی۔
وحدت نیوز(گلگت) صوبائی سیکرٹری جنرل علامہ شیخ نیئرعباس مصطفوی وعلامہ شیخ محمد بلال سمائری کی قیادت میں مجلس وحدت مسلمین کے وفد نے چیف سیکرٹری گلگت بلتستان سکندر راجہ سلطان سے ملاقات کی اور انہیں چیف سیکرٹری گلگت بلتستان کا عہدہ سنبھالنے پر مبارکبا پیش کیا۔ اس موقع پر مجلس وحدت مسلمین کے وفد نے چیف سیکرٹری گلگت بلتستان کو عوامی مسائل سے آگاہ کرتے ہوئے سیپ سکول اساتذہ کے مطالبے کو ہنگامی بنیادوں پر حل کرنے پر زور دیا جومسلسل کئی روز سے صوبائی اسمبلی کے سامنے دھرنہ دیئے بیٹھے ہیں۔چیف سیکرٹری نے وفد کو یقین دلایا کہ سیپ اساتذہ کے مطالبات کے حل کیلئے بااختیار کمیٹی تشکیل دی جائیگی اور ترجیحی بنیادوں پر قوم و ملک کے معماروں کے مسائل کو جلد حل کیا جائیگا۔ اس موقع پر مجلس وحدت مسلمین کے وفد نے ٹیچر ایسوسی ایشن ، کنٹریکٹرز ایسوسی ایشن اور جیم سٹون ایسوسی ایشن کے تحفظات سے بھی چیف سیکرٹری کو آگاہ کیا جس پر چیف سیکرٹری نے علاقے میں عوامی سطح پر پائی جانیوالی بے چینیوں کا نوٹس لیتے ہوئے ان کے مسائل کو حل کرنے کی یقین دہانی کروائی۔
گندم سبسڈی تحریک کے دوران عوامی دھرنوں میں شرکت کرنے کے جرم میں معطل سرکاری ملازمین کے مسائل سے بھی چیف سیکرٹری کو آگاہ کرتے ہوئے وفد کے اراکین نے کہا کہ حکومت کا یہ اقدام انتقامی کاروائی کا شاخسانہ ہے اور اس فیصلے کو فی الفور واپس لیا جائے ۔ وفد نے چیف سیکرٹری کو محکمہ صحت کی بگڑتی ہوئی صورت حال پر فوری نوٹس لینے کا مطالبہ کرتے کہا کہ گلگت شہر کی قدیمی ہسپتال کی حالت زار انتہائی ناگفتہ بہ ہے جہاں سپیشلسٹ ڈاکٹرز کی شدید قلت سے غریب عوام پریشان حال ہیں اور مریض بے اجل موت مرنے لگے ہیں۔اس کے علاوہ کنٹریکٹ ملازمین کے مسائل سے بھی چیف سیکرٹری کو آگاہ کیا گیااور انہیں مستقل کرنے پر زور دیا گیا۔
چیف سیکرٹری نے وفد کے جملہ مسائل کو غور سے سننے کے بعد ان فوری حل طلب مسائل کے حل کیلئے تمام تر وسائل کو بروئے کار لانے کا وعدہ کیا ور کہا کہ علاقے میں امن و امان کا قیام اور عوامی مسائل کا حل ان کی اولین ترجیح ہے اور وہ ان بنیادی مسائل کو حل کرنے میں ذاتی دلچسپی رکھتے ہیں اور انشا ء اللہ بہت جلد علاقے کے عوام تبدیلی محسوس کریں گے۔
وحدت نیوز(کوئٹہ) ملی یکجہتی کونسل اتحاد بین المسلمین کے حوالہ سے موثر فورم ہے۔ اس پلیٹ فارم پر اکٹھے ہو کر ہمیں فرقہ واریت کے خاتمہ کے لئے اہم کردار ادا کرنا چاہیے۔ ان خیالات کا اظہار ایم ڈبلیو ایم بلوچستان کے صوبائی سیکرٹری جنرل علامہ مقصود علی ڈومکی نے ملی یکجہتی کونسل کی نمائندہ جماعتوں کے اہم اجلاس سے خطاب میں کیا۔ ملی یکجہتی کونسل میں شریک جماعتوں کا اجلاس الفلاح ہاوس کائٹہ میں منعقد ہوا۔ اجلاس میں نمائندہ جماعتوں کے صوبائی رہنما شریک تھے۔ جمعیت علماء پاکستان کے صوبائی صدر مولانا عبدالقدوس ساسولی، وفاق المدارس شیعہ علماء کے علامہ محمد جمعہ اسدی، جماعت اسلامی کے بشیر احمد ماندائی اور عبدالحمید منصوری، مجلس ختم نبوت کے مولانا انوار الحق حقانی، اسلامی تحریک کے مولانا اکبر حسین زاہدی، جماعت الدعوۃ کے صوبائی امیر مفتی محمد قاسم، ایم ڈبلیو ایم کے صوبائی سیکرٹری جنرل علامہ مقصود ڈومکی و دیگر شریک تھے۔ اس موقع پر صوبہ بلوچستان میں ملی یکجہتی کونسل کی تشکیل پر غور و خوص کیا گیا۔
وحدت نیوز(بلتستان) مجلس وحدت مسلمین پاکستان صوبہ گلگت بلتستان کے ڈپٹی سیکرٹری جنرل علامہ آغا مظاہر حسین موسوی نے اپنے ایک بیان میں کہا ہے کہ یہ نہایت افسوسناک مرحلہ ہے کہ علماء کی ذمہ داری اور مقام کا تعین جہلا کرنے لگے ہیں۔ انہوں نے کہا کہ اسلام اور سیاست کا چولی دامن کا ساتھ ہے۔ بقول حکیم الامت ڈاکٹر محمد اقبال کے "جدا ہو دیں سیاست سے تو رہ جاتی ہے چنگیزی" کوئی دین کو سیاست سے جدا سمجھتا ہے تو وہ مفکر پاکستان اور حکیم الامت کی فکر کے مخالف صف میں ہے۔ انہوں نے کہا کہ علماء مفاد کی سیاست سے بالاتر ہیں۔ ہم میکیاولی اور غربی سیاست سے بیزار ہیں، جس نے عالم انسانیت کو فقر و جہالت کے قہر مذلت تک پہنچا دیا۔ ہم اسلامی اور دینی سیاست کو دیانت اور دیانت کو عین سیاست اور عبادت سمجھتے ہیں۔ البتہ جس مفاد پرست سیاست کے پیروکار آج دینی سیاست اور علماء سے برسرپیکار ہیں، وہ سیاست کی الف با سے بھی ناواقف ہیں۔
وحدت نیوز(بلتستان) مجلس وحدت مسلمین پاکستان بلتستان ڈویژن کے سیکرٹری جنرل علامہ آغا علی رضوی نے بلتستان کے سینکڑوں سرکاری ملازمین کے خلاف نوٹس اور دو درجن سے زائد ملازمین کی معطلی پر شدید غم و غصے کا اظہار کرتے ہوئے کہا ہے کہ موجودہ صوبائی حکومت نے اپنے چار سالہ دور حکومت میں اب تک چوتھی مرتبہ سینکڑوں ملازمین کو معطل کر کے بلتستان دشمنی کا ثبوت دیا ہے۔ جو حکومت ملازمت دینے کا بار بار ڈنڈورا پیٹ رہی ہے، یہی حکومت قابل، اہل اور دیانت دار ملازمین کو معطل کر کے عوام دشمنی بالاخص تعلیم دشمنی کا ثبوت فراہم کرتی چلی آ رہی ہے جبکہ غیر قانونی طور پر تقرر ہونے والوں کو مسلسل نوازا جا رہا ہے۔ یہ لوگ اپنی طاقت کو قوم کی ترقی، خوشحالی اور مثبت امور میں استعمال کرنے کی بجائے ہمیشہ منفی انداز میں اپنی طاقت اور اختیارات کو استعمال کر کے بدنامی کا سامان فراہم کر رہے ہیں، نیز انکا حکم کبھی بلتستان کے علاوہ دوسرے علاقوں میں نہ چلا ہے اور نہ چلے گا۔ انہوں نے مزید کہا کہ بلتستان کے لیے "پہلا وزیراعلٰی" کا اعزاز جتانے والے سن لیں کہ یہ اعزاز بھی موصوف کو حاصل ہے کہ انہوں نے بلتستان کے باعزت، محب وطن، فرض شناس اور دیانت دار ملازمین جنکی تعداد سینکڑوں میں ہے کو بار بار معطل کر کے ایک نیا ریکارڈ قائم کیا ہے۔ اب ہم مزید ایسے ریکارڈ بنانے کی اجازت نہیں دیں گے۔ لہٰذا ہم حکومت کو متنبہ کرتے ہیں کہ معطل کیے گئے ملازمین کو فوری طور پر بحال کرے وگرنہ بلتستان کے غیور عوام دوبارہ سڑکوں پر آکر اس ظلم کے خلاف آواز بلند کرنے پر مجبور ہونگے اس صورت میں تمام تر ذمہ داری موجودہ حکومت پر عائد ہوگی۔
وحدت نیوز(حیدرآباد) مجلس وحدت مسلمین ضلع حیدرآباد کے سیکریٹری جنرل مولاناامداد علی نسیمی صاحب کی والدہ محترمہ آج صبح با رضائے الہیٰ انتقال فرماگئی ہیں ، مرحومہ کی نماز جنازہ خدا کی بستی کوٹری میں ادا کر دی گئی جس میں معززین شہر سمیت علاقہ مکینوں اور تنظیمی رفقاءنے بڑی تعداد میں شرکت کی ، جبکہ تدفین مقامی قبرستان میں کی گئی ،مرحومہ کی وفا ت پر علامہ راجہ ناصرعباس جعفری ، علامہ امین شہیدی ، علامہ اعجاز بہشتی ، علامہ مختار امامی اورملک بھر سے تنظیمی علماء اور ذمہ داران نےمولانا امداد نسیمی سے ان کی والدہ کے انتقال پر دلی تعزیت کااظہار کیا ہےاور مرحومہ کی جوار جناب سیدہ سلام اللہ علیہا میں جگہ کے حصول کی دعا کی ہے۔
وحدت نیوز(اسلام آباد)11 مئی 2013کا دن ملکی تاریخ کا سیاہ ترین دن تھا ، عوام کی امنگوں کا قتل ہوا ، عوامی مینڈیٹ کے چوری ہونے کا ایک سال مکمل ہونے پر مجلس وحدت مسلمین 11مئی کو ملک گیر یوم احتجاج منائے گئی، مرکزی احتجاج فیض آباد انٹر چینج اسلام آباد پر ہو گا، موجودہ وفاقی اور تمام صوبائی حکومتوں کی ایک سالہ کارکردگی انتہائی مایوس کن ثابت ہوئی ، الیکشن کیمپین کے دوران ٹی وی اشتہاروں میں بلند و بانگ دعوے کرنے والے حکمران آج ایوانوں میں چھپ کے بیٹھے ہیں ، دہشت گرد عملی طور پر ملک پر حاکم جب کہ بیرونی امداد اور پریشر سے بر سر اقتدار آنے والی جماعتیں صرف نگران کی حیثیت سے ذمہ داری انجام دی رہی ہیں، پیپلز پارٹی مفاہمت کے نام پر نوازلیگ کی خیانتوں پر دے ڈال رہی ہے، عوامی حقوق کے استحصال اور ظالم نظام حکومت کے خلاف اٹھارہ مئی کو اسکردو سے بیداری امت و استحکام پاکستان کانفرنس کے زریعے احتجاجی تحریک کا آغاز کریں گے، ان خیالات کا اظہار مجلس وحدت مسلمین پاکستان کے مرکزی سیکریٹری جنرل علامہ ناصرعباس جعفری نے حکومت کے ایک سال مکمل ہونے کے دن کو یوم سیاہ منانے کا اعلان کرتے ہوئے کیا ۔ اس موقع پر دیگر رہنمائوں میں علامہ محمد امین شہیدی،علامہ اصغر عسکری،سید ناصر عباس شیرازی اور علامہ اعجاز بہشتی بھی موجود تھے۔
علامہ ناصر عباس جعفری کا کہنا تھا کہ ہمیں الیکشن سے قبل ہی الیکشن کے نتیجے کا اندازہ ہو چکا تھا ، عرب ممالک کی بیجا مداخلت اور پیسوں کی ریل پیل الیکشن کو مشکوک بنا رہی تھی، افسوس کے ساتھ کہنا پڑتا ہے کہ نا صرف حکمران جماعت بلکہ الیکشن کمیشن اور سپریم کورٹ کے بعض جج صاحبان بھی اس بیرونی سازش میں ملوث تھے، عوام اپنے گھروں سے جوق در جوق نظام کی تبدیلی اور خائن حکمرانوں سے نجات کی خاطر نکلے تھے،ملکی تاریخ میں ایک منفرد ٹرن آئوٹ سابقہ الیکشن میں آیا لیکن بیرونی سرمائے سب پر پانی پھیر دیا،پاکستان میں دہشت گردوںکو اسٹیک ہولڈر بنانے کے لئے الیکشن ہائی جیک ہوئے اور نواز لیگ کو ان دہشت گردوں کا نگہبان بنا کر ایوان میں بھیجا گیا۔ سعودی عرب بحرین اور بعض دیگر خلیجی ریاستیں پاکستان کے الیکشن پر براہ راست اثر انداز ہوئیں ۔انہوں نے موجودہ حکومت کی ایک سالہ کارکردگی کو شدید تنقید کا نشانہ بناتے ہوئے کہا کہ عوامی مسائل ، لودشیڈنگ، دہشت گردی ، مہنگائی ، بے روزگاری کے خاتمے کے نعرے لگانے والی سیاسی جماعتیں ایک سال گذرنے کے باوجود تاحال کسی ایک مسئلے کے حل میں کامیاب نہ ہو سکیں ، لودشیڈنگ کو چند ماہ اور چند سال میں ختم کر نے کے دعوے دار میاں صاحبان آج کہتے ہیں، ہمارے تو ہاتھوں سے طوطے اڑ گئے، الیکشن کیمپین کے دوران اربوں روپئے کے ٹی وی کمرشلز میں صرف جوش خطابت اور عوام کو خوش کر نے کے لئے ایسے دل فریب نعرے لگائے گئے۔ آج عوام چودہ چودہ ، سولہ سولہ گھنٹے کی لودشیڈنگ بھگت رہے ہیں ، صنعتوں کا پہہ جام ہو چکا ، بے روز گاری میں اضافہ ہوا، لوگ بھوک و افلاس س خودکشیوں پر مجبور ہو ئے ۔انہوں نے مذید کہا کہ مسلم لیگ ن اور پاکستان تحریک انصاف لوڈشیدنگ کے مسئلے پر سیاست چمکانے س باز آئین اور پاور پروجیکٹس کی تنصیب کے حوالے سے سنجیدہ اقدامات کریں ۔باریاں لگانے والی پیپلز پارٹی اور نواز لیگ نے ایک دوسرے کے عیبوں اور خامیوں پر پردہ ڈالنے کا بھی معاہدہ کر رکھا ہے، زرداری صاحب نے بڑے بھائی کو پانچ سال پورے کروانے کی یقین دھانی کروارکھی ہے۔
انہوں نے کراچی سمیت ملک بھر میں جاری ٹارگٹ کلنگ بھتہ خوری ، دہشت گردی پر تشویش کا اظہار کر تے ہو ئے کہاکہ کراچی میں درجن بھر شہریوں کا قتل معمول بن چکا ہے، گذشتہ ایک سال میں وفاقی و صوبائی حکومت نے فقط ایک بوسیدہ ٹارگٹڈ آپریشن کے کچھ نہیں کیا، جس کا نتیجہ صفر نکلا ، ہزاروں دہشت گردو ںکی گرفتاری کے دعوے ہو ئے لیکن سزا کسی ایک مجرم کو بھی نہ ہوئی، وزیر اعظم صاحب فقط گرفتاریوں کی تعداد پوچھ کر کراچی سے واپس آجاتے ہیں ۔کراچی کی طرح پنجاب بھر میں بھی لاء اینڈ آرڈر کی صورتحال قابل اطمنان نہیں لاہور، گجرانوالہ ،فیصل آباد،اسلام آباد، راولپنڈی ،ملتان اور دیگر شہروں میں دہشت گردوں کے مراکز موجود ہیں جو صوبے بھر میں دہشت گردی میں ملوث ہیں ، لیکن نواز لیگ ان دہشت گردوں کے خلاف کو ئی ٹھوس کاروائی کرنے میں سنجیدہ نہیں ،پاک فوج کے جوانوں ، ڈاکٹروں ، وکلائ، انجینئرز، علماء اور شیعہ کمیونٹی سے تعلق رکھنے والے افراد کے قاتل تاحال آزاد ہیں ۔
انہوں نے اعلان کیا کہ مجلس وحدت مسلمین پاکستان بیرونی امداد پر برسر اقتدار آنے والی حکومت کے ایک برس مکمل ہونے پر گیارہ مئی کو ملک گیر یوم سیاہ منائے گی ، ملک بھر میں احتجاجی مظاہرے کیئے جائیں گے، جب کہ مرکزی احتجاجی مظاہرہ فیض آباد انٹر چینج پر ہوگا، عوام سے پر زور اپیل کی جاتی ہے کہ ظالم اور کرپٹ حکومت کے خلاف گیارہ مئی کو اپنے گھروں سے باہر نکلیں اور ان بیرونی ایجنڈوں سے اپنی بھر پور نفرت کا اظہار کریں ۔
وحدت نیوز(مظفرآباد) مجلس وحدت مسلمین آزادکشمیر کی ریاستی کابینہ نے بٹلیاں سے مظفرآباد آتے ہوئے ٹویوٹا ہائی ایس نیاز پورہ کے مقام پراور لوڈنگ کی وجہ سے پیش آنے والے ہولناک حادثے میں 2افراد کے جاں بحق اور متعدد کے زخمی ہونے پر گہرے دکھ اور افسوس کااظہار کیا ہے ۔ ایک بیان میں ریاستی کابینہ نے کہا کہ ٹویوٹا ہائی ایس کے ہولناک حادثہ کی تحقیقات کرائی جائے اور کھٹارا گاڑیوں کی تلفی اور اور لوڈنگ جیسے خطرناک ٹریفک قوانین شکنی کے سدباب کیلئے فی الفور مثبت اقدامات بروئے کار لائے جائیں ۔ ستم ضریفی کی انتہا کہ 14سیٹوں والے ہائی ایس میں38افراد سوار تھے واقعے کی ذمہ داری وزیر ٹرنسپورٹ اور ٹریفک پولیس پر عائد ہوتی ہے۔ریاستی کابینہ ایم ڈبلیو ایم نے ٹویوٹا ہائی ایس حادثہ میں جاں بحق ہونے والے افراد کے سوگوار لواحقین سے دلی تعزیت وہمدردی کااظہار کرتے ہوئے انہیں صبر کی تلقین کی اور دعا کی کہ اللہ تعالیٰ مرحومین کو جنت الفردوس میں اعلیٰ مقام عطا فرمائے اور سوگواران کو صبرجمیل عطاکرے ۔ (آمین)۔ مجلس وحدت مسلمین نے حکو مت سے مطالبہ کیا کہ زخمیوں کو بہترین طبعی سہولیات فراہم کی جائیں اور انکے علاج معالج کیلئے کوئی کسر اٹھا نہ رکھی جائے۔ مجلس وحدت مسلمین آزادکشمیر کی ریاستی کابینہ کے اراکین نے وزیراعظم،آئی جی پویس اور چیف سیکرٹری سے فوری ایکشن لینے کا مطالبہ کردیا۔زخمیوں اور جاں بحق افراد کیلئے مالی معاضے کا اعلان کیا جائے۔
