The Latest
نواز شریف بھارتی ہم منصب سے آلو پیاز کی تجارت نہیں مسئلہ کشمیر کے حل کے لئے ملیں ، علامہ امین شہیدی
وحدت نیوز(اسلام آباد) نواز شریف ہر دور میں بھارتی حکومتوں کے زیر اثر رہے ہیں ، واجپائی، گجرال کے ساتھ بھی انہوں نے ذاتی سطح کے تعلقات استوار رکھے ، جس کا پاکستان کو کوئی فائدہ حاصل نہ ہوا، نریندر مودی کی کامیابی نہ صرف بھارتی مسلمانوں بلکہ پڑوسی ممالک کے لئے بھی خطرے کی گھنٹی ہے، مودی نے گجرات کے وزیر اعلیٰ کی حیثیت سے ذمہ داریو ں کی انجام دہی کے وقت ہزاروں بے گناہ مسلمانوں کو بے دردی سے قتل کر وایا، میاں نواز شریف نے بھارت جانے کا فیصلہ جلد بازی میں کیا، ان خیالات کا اظہار مجلس وحدت مسلمین پاکستان کے مرکزی ڈپٹی سیکریٹری جنرل علامہ محمد امین شہیدی نے مرکزی سیکریٹریٹ سے جاری اپنے بیان میں کیا ۔
ان کاکہنا تھا کہ کشمیر پالیسی پر نواز حکومت کا جھول کھانا باعث تشویش ہے،جب بھی نواز لیگ بر سر اقتدار آئی کشمیر کاز کو دہچکہ لگا، نواز شریف بھارت کے ساتھ کشمیر کے سوا تما م ایشوز پر بات کرتے ہیں ، پاکستانی حکومت نے بھارتی دعوت قبول کر کے عوامی جذبات کو مجروح کیا ،کشمیر ایشوپر پاکستانی حکومت کے موقف میں جھول کشمیری شہداء کی قربانیوں سے خیانت تصور ہوگا،اب جب کہ نومنتخب بھارتی وزیر اعظم کی تقریب حلف برداری میں شرکت کے لیئے میاں نواز شریف بھارت یاترا پر ہیں پاکستانی عوام امید کرتے ہیں کہ میاں صاحب فقط آلو پیاز کے بھائو طے نہیں کریں گےبلکہ کشمیرسمیت دیگر حل طلب مسائل پر بھی بھارتی قیادت سے بات چیت کریں گے، انہوں نے مذید کہا کہ گجرات میں بے گناہ مسلمانوں کے قتم عام کے مرکزی کردار نریندر مودی کا وزیر اعظم منتخب ہونا خطےکے لئے انتہائی باعث تشویش ہے، نریندر مودی کا سیاسی ماضی انتہائی داغ دار ہے، گجرات کے ہزاروں بے گناہ مسلمانوں کا لہو مودی کے دامن پر ہے، خدا بھارتی مسلمانوں کی خیر کرے۔
وحدت نیوز(لاہور) مجلس وحدت مسلمین پاکستان کے سربراہ علامہ ناصر عباس جعفری نے لاہور میں صوبائی سیکرٹریٹ میں صوبائی اور ضلعی کابینہ سے خطاب کرتے ہوئے کہا کہ کراچی میں جاری شیعہ نسل کشی نہ رکی تو ملت جعفریہ سندھ حکومت کے کیخلاف راست اقدام اُٹھانے پر مجبور ہوگی، ملک بھر میں منظم منصوبہ بندی کے تحت محب وطن قوتوں کو دیوار سے لگانے کی کوشش کی جا رہی ہے، پنجاب حکومت ہمارے لئے ایسے ہے جیسے کوفہ میں ابن زیاد کی حکومت تھی، ہمارے بے گناہ کارکنوں کو راولپنڈی اور چکوال میں گرفتار کرکے ہراساں کیا جا رہا ہے۔ راولپنڈی پولیس نے غنڈہ گردی اور چادر و چار دیواری کے تقدس کو پامال کرتے ہوئے خواتین کو گرفتار کیا، پنجاب کا وزیر قانون ملت جعفریہ کے لئے یہاں کوفہ کے گورنر کا کردار ادا کر رہا ہے۔
اُن کا کہنا تھا کہ پنجاب میں ہمارے سینکڑوں شہداء کے قاتلوں کو گرفتاری کی بجائے مراعات دی جا رہی ہیں، ان حالات میں ہم خاموش نہیں رہیں گے، دہشت گردوں کے سرپرست حکمرانوں کو یہ واضح کرنا چاہتے ہیں کہ ہم ان ملک دشمنوں کو وطن عزیز میں غنڈہ گردی کی اجازت نہیں دینگے۔ کالعدم دہشت گرد جماعت کو پنجاب میں کھلی چھٹی دے کر پنجاب حکومت فرقہ واریت کو ہوا اور اصل ملکی مسائل سے توجہ ہٹانے کی کوشش کر رہی ہے۔ علامہ ناصر عباس جعفری نے خصدار میں سکیورٹی فورسز پر دہشت گردوں کے حملے کی شدید مذمت کرتے ہوئے کہا کہ دہشت گردوں سے مذاکرات کے حامی گروہوں سے یہ پوچھا جائے کہ آئے دن سکیورٹی فورسز اور بے گناہ پاکستانیوں کے بہتے لہو کا ذمہ دار کون ہے؟ دہشت گردوں کو مذاکرات کے بہانے منظم ہونے کا موقع دیا گیا، ایٹمی قوت پاکستان کو ان بزدل اور نااہل حکمرانوں کے سبب دنیا بھر میں بدنامی کا سامنا ہے، پاکستان کی سلامتی کو سب سے بڑا خطرہ دہشت گردوں اور اُن کے حامیوں سے ہے۔
وحدت نیوز(کراچی) مجلس وحدت مسلمین پاکستان کے مرکزی سیکریٹری تنظیم سازی یعقوب حسینی نے کہا ہے کہ وزیراعلیٰ سندھ قائم علی شاہ کراچی میں شیعان حیدر کرار (ع) کی نسل کشی روکنے میں ناکام ہوچکے ہیں، یکم جون کو وزیراعلیٰ ہاؤس کراچی اور خیرپور کا گھیراؤ کریں گے۔ ان خیالات کا اظہار انہوں نے وحدت ہاؤس کراچی میں ایم ڈبلیوایم کراچی کی ڈویژن کابینہ کے اجلاس سے خطاب کرتے ہوئے کیا۔ اس موقع پر حسن ہاشمی، انجینئر رضا نقوی، میثم عابدی، علامہ علی انور جعفری، علامہ مبشر حسن، علی حسین نقوی سمیت دیگر رہنما بھی موجود تھے۔ یعقوب حسینی نے کہا کہ کراچی شہر میں شیعہ نسل کشی بدستور جاری ہے اور کراچی آپریشن کے کپتان وزیراعلیٰ سندھ قائم علی شاہ خواب خرگوش کے مزے لے رہے ہیں، گزشتہ آٹھ ماہ میں 150 سے زائد افراد کو دہشت گردی کا نشانہ بنایا جاچکا ہے۔
انہوں نے مزید کہا کہ کراچی شہر میں کالعدم جماعتوں کے تکفیری دہشت گرد اور سیاسی طالبان شیعہ نسل کشی میں ملوث ہیں، اگر ایک ہفتے کے اندر کاروائی نہ کی گئی اور قاتلوں کو انصاف کے کٹہرے میں نہ لایا گیا تو مجلس وحدت مسلمین کے کارکنان اور خانوادہ شہداء یکم جون کو وزیراعلیٰ ہاؤس کا گھیراؤ کریں گے۔ رہنماؤں نے پیپلز پارٹی کی اعلیٰ قیادت کو متنبہ کیا کہ شیعہ نسل کشی روکنے میں ناکامی پر وزیراعلیٰ سندھ کو فوری برطرف کیا جائے بصورت دیگر کراچی اور خیرپور میں وزیراعلیٰ ہاؤس، لاڑکانہ میں پیپلز پارٹی کے مرکز سمیت سندھ بھر میں ایم پی اے ہاؤسز کا گھیراؤ کریں گے۔
وحدت نیوز(اسلام آباد) پنجاب پولیس غنڈہ گردی سے باز رہے ، چادر اور چار دیواری کی پالمالی کسی صورت برداشت نہیں کی جائے کی ، پولیس خواتین اور معصوم بچیوں کو بھی گرفتار کر کے ساتھ لے گئی، شہباز شریف قانون نافذ کرنے والے اداروں کو لگام دیں ، ان خیالات کا اظہار مجلس وحدت مسلمین ضلع راولپنڈی کے سیکرٹری جنرل سعید الحسن رضوی نے نیشنل پریس کلب اسلام آباد میں بے گناہ اسیر خواجہ محمد علی زوجہ ،سالی ، معصوم بچیوں اور علامہ ضیغم عباس کے ہمراہ پریس کانفرنس کر تے ہوئے کیا۔
ان کا کہنا تھا کہ پنجاب پولیس کی غنڈا گردی ایک بار پھر کھل کر سامنے آچکی ہے اور بیگناہ شیعہ افراد کو گرفتار کرنے کا سلسلہ جاری ہے۔ تئیس مئی کی شب کو پولیس نے چادر اور چار دیواری کے تقدس کو پائمال کرتے ہوئے تین خواتین، دومعصوم بچیوں سمیت اٹھ افراد کو بغیر کسی جرم اور ایف آئی آر کے گرفتار کرلیا، پولیس نے غنڈا گردی کا مظاہرہ کرتے ہوئے خواجہ محمد علی کے گھر داخل ہوئی او رخواجہ محمد علی کو تین خواتین اور دو معصوم بچیوں کے ہمراہ گرفتار کرلیا۔ اسی طرح پولیس نے شیخ مظہر، غلام مصطفی جوئیہ کو بیگناہ گرفتار کرلیا۔ ظلم کی انتہاء دیکھیں کہ شبیر جوئیہ ایک مریض ہیں جنہیں ریڈ سیلز کا مرض لاحق ہے لیکن پولیس نے انہیں گرفتار کرلیا ۔ اسی طرح پولیس نے غنڈا گردی کرتے ہوئے محمد اقبال بلوچ کے والد نذر بلوچ اور بھائی اقبال بلوچ کو گرفتار کرکے نامعلوم مقام پر منتقل کردیا، دونوں باپ بیٹا ایک مل میں مزدوری کرتے ہیں۔
ان کا کہنا تھا کہ پولیس کی جانب سے غنڈا گردی جاری ہے لیکن ان سے پوچھنے والا کوئی نہیں، ہم نے سی پی او راولپنڈی اور آر پی او راولپنڈی سے رابطہ کیا اور ملاقات کی لیکن دونوں پولیس افسران نے گرفتاریوں سے لاتعلقی کا اظہار کردیا ۔ ہم انتظامیہ اور پنجاب حکومت سے پوچھتے ہیں کہ آخر وہ کس کے ایما پر یہ گرفتاریاں کررہے ہیں اور ان گرفتاریوں کا مقصد کیا ہے؟۔ہم میڈیا کے سامنے سوال رکھتے ہیں کہ کیا کسی کو بغیر کسی ثبوت اور ایف آئی آر کے گرفتار کرنا جائز ہے۔ اس عمل کی ہم شدید مذمت کرتے ہیں اور تقاضا کرتے ہیں گرفتار افراد کو فی الفور رہا کیا جائے، اگر 24گھنٹوں میں گرفتار افرادکو رہا نہ کیا گیا تو منگل کو راولپنڈی میں ایک بڑی احتجاجی ریلی نکالی جائیگی اور انتظامیہ کے اس عمل کو بے نقاب کرکے پولیس افسران کی معطلی کا مطالبہ کریں گے اور یہ احتجاج ملک گیر احتجاج کی شکل بھی اختیا کرسکتا ہے۔
انہوں نے مذید کہا کہ پنجاب پولیس کی جانب سے سانحہ عاشورہ میں رہا ہونے والے افراد کو بھی دوبارہ تنگ کی جارہا ہے۔ ہم سمجھتے ہیں کہ ایک گہر ی سوچی سمجھی سازش کے تحت جڑواں شہر وں کو فرقہ واریت کی آگ کی طرف دھکیلنے کی کوشش کی جارہی ہے اور بینلس کرنے کی پالیسی پر عمل کرتے ہوئے گرفتاریاں عمل میں لائی جارہی ہیں۔ ہم ہر طرح کی دہشتگردی کی مذمت کرتے ہیں اور مطالبہ کرتے ہیں کہ جڑواں شہروں کا امن خراب کرنے والے اصل چہروں کو بے نقاب کیا جائے۔ اب وہ زمانہ گیا جب پولیس اپنی ناہلی چھپانے کیلئے گرفتاریاں عمل میں لاتی تھی ۔ ہم ایسی ہر سازش کی شدید مذمت کرتے ہیں۔
وحدت نیوز(حیدرآباد) مجلس وحدت مسلمین ضلع حیدرآباد کی جانب سے علامہ راجہ ناصرعباس جعفری کی اپیل پر کراچی سمیت ملک بھر میں جاری شیعہ ٹارگٹ کلنگ کے خلاف قدم گاہ مولا علی ؑ سے بعد نماز جمعہ احتجاجی ریلی نکالی گئی جس میں مومنین کی بڑی تعداد نے شرکت کی ، شرکاء نے ہاتھوں میں بینرز اورپلے کارڈ اٹھا رکھے تھے جن پر دہشت گردی مردہ باد، طالبان مردہ باد،سندھ حکومت مردہ بادکے نعرے درج تھے۔
احتجاجی ریلی کے شرکاء سے خطاب کر تے ہوئے ایم ڈبلیو ایم ضلع حیدر آباد کے سیکریٹری جنرل علامہ امداد نسیمی ، علامہ گل حسن مرتضوی، رحمان رضا عباسی اور عاصم مرزانے کہا کہ کراچی سمیت ملک بھر میں بے گناہ لوگوں خصوصاًاہل تشیع برادری کو بے دردی سے شہید کیا جارہا ہے ہم اس کی پرزور مذمت کرتے ہیں اور حکومت پاکستان کو آگاہ کرنا چاہتے ہیں کہ ان دہشتگردوں کو فوراًگرفتار کیا جائے ۔ ریلی سے خطاب کرتے ہوئے مولانا امداد نسیمی نے کہا کہ آج کی اس ریلی کا مقصد یہ ہے کہ پاکستان اور خاص طور کراچی میں جاری شیعہ نسل کشی پر اپنے رد عمل اور احتجاج کے بارے میں آپ کو آگاہ کریں ۔
اس ٹارگٹ آپریشن کے آٹھ مہینوں میں بھی کراچی میں ناامنی کاراج رہا، دہشت گرد، ٹارگیٹ کلرز ، جرائم پیشہ افراد ، خاص طور پر کالعدم یزیدی تکفیری دہشتگرد ٹولے بے جرم و خطا پاکستانی شہریوں کا قتل عام کرتے رہے اور تاحال کررہے ہیں۔ ان شہداء میں شیعہ علماء و ذاکرین ، ڈاکٹرز، انجینئرز ، وکلاء، سرکاری افسران، معلمین اور تاجر بھی شامل ہیں ۔ خاص طور سے کاروباری حضرات کالعدم یزیدی تکفیری دہشت گرد ٹولوں کا نیا ہدف ہیں۔ یہ رجحان پاکستان کی اقتصادی شہہ رگ کراچی کے کئی خاندانوں کی اقتصادی نسل کشی کے بھی مترادف ہے۔ ہر طرف شیعہ مسلمانوں کو دہشت گردی کا خاص طور سے ہدف بنانے والے دہشت گرد ہیں اور نااہل اور ناکام حکومت ہے جس کی بنیادی آئینی ذمہ داری میں شہریوں کے جان و مال کی حفاظت بھی ایک اہم فریضے کے طور پر شامل ہے۔
رہنماؤں نے مزید کہا کہ شیعہ مسلمانوں کو امن و امان کے اجلاس میں شرکت کی دعوت نہ دے کر حکومت نے قوم کو واضح پیغام دیا کہ وہ دہشتگردوں کے ساتھ ہیں نہ کہ دہشتگردی کے شکار پاکستانیوں کے ساتھ یہ پیغام وہ شروع دن سے ہی دیتے آرہے تھے کیونکہ وہ ان دہشتگردوں کے خلاف فوجی آپریشن کے بجائے ان سے مذاکرات کرکے ان کے شرائط مان کر انہیں دوبارہ پاکستانیوں کے خون سے ہولی کھیلنے کا موقع دینا چاہتے تھے ۔ امن کے نام پر وہ دہشتگردوں کو دہشتگردی کا ایک اور چانس دینا چاہتے ہیں۔ اس کا مطلب یہ نہیں کہ ہم کسی غیرجمہوری طریقے سے نااہل حکمرانوں کی تبدیلی چاہتے ہیں۔ یاتوحکمران آئنی ذمہ داری نبھاتے ہوئے دہشتگردوں کو کچل کر رکھ دیں تاکہ ان کی اہلیت ثابت ہو ورنہ ہمارا مطالبہ یہی ہے کہ مطلوبہ آئینی اہلیت کے حامل افراد یہ ذمہ داریاں سنبھالیں۔
وحدت نیوز(حسن ابدال) پاکستان بھر میں جاری شیعہ نسل کشی اور خصوصا ’’شہدائے حسن ابدال‘‘ کی مظلومانہ شہادت اور کراچی میں جاری شیعہ ٹارگٹ کلنگ کے خلاف حسن ابدال میں احتجاجی ریلی، صوبائی ترجمان ایم ڈبلیو ایم علامہ اصغر عسکری، علامہ امیر حسین جعفری، مرکزی سیکرٹری روابط ملک اقرار حسین، سیکرٹری جنرل کے پی کے علامہ سبطین حسینی، ڈپٹی سیکرٹری جنرل کے پی کے علامہ وحید عباس کاظمی اور دیگر کی شرکت اور خطاب۔ شیعہ و سنی سمیت تمام مکاتب فکر کے اکابرین وسینکڑوں افراد نے احتجاجی ریلی میں حصہ لیااور صوبائی حکومت کی نااہلی کے خلاف غم و غصہ کا اظہارکیا۔
وحدت نیوز(کراچی) سندھ حکومت شیعہ نسل کشی کا نوٹس لے اور اس میں ملوث دہشت گردوں کو گرفتار کرے بصورت دیگر شہداء کے خانوادوں کی قیادت میں یکم جون کو وزیر اعلیٰ ہاوس کا گھیراؤ کیا جائے گا، کراچی میں شیعہ ٹارگٹ کلنگ سندھ حکومت کی ناکامی کا منہ بولتا ثبوت ہے، پیپلز پارٹی کی سندھ حکومت کالعدم جماعتوں کی پشت پناہی کر رہی ہے، وزیراعلیٰ سندھ دینی مدارس کے نام پر دہشتگردوں کو پناہ دے رہیں۔ ان خیالات کا اظہار مجلس وحدت مسلمین کے مرکزی رہنما علامہ احمد اقبال رضوی، صوبائی رہنما علامہ صادق رضا تقوی، کراچی کے رہنما علامہ مبشر حسن، انجینئر رضا نقوی، علامہ علی انور جعفری، علی حسین نقوی، علامہ باقر عباس زیدی، احسن عباس رضوی، اصغر عباس زیدی نے کراچی کے علاقے نمائش چورنگی پر منعقدہ احتجاجی علامتی دھرنے کے شرکاء سے خطاب کرتے ہوئے کیا۔ احتجاجی دھرنے میں خانوادہ شہداء کے علاوہ مرد و خواتین نے بڑی تعداد میں شرکت کی جبکہ علماءکرام کی بھی بڑی تعداد احتجاجی دھرنے میں شریک تھی۔
شرکاء سے خطاب میں رہنماؤں کا کہنا تھا کہ سندھ حکومت کراچی میں قیام امن کے قیام میں بری طرح ناکام ہے، گزشتہ آٹھ ماہ میں 150 سے زائد شیعہ افراد کو شہید کیا جاچکا ہے اور حکومت آج تک کسی بھی ایک قاتل کا گرفتار کرنے میں ناکام ہے۔ رہنماوں نے مزید کہا کہ کراچی آپریشن کے کپتان وزیر اعلیٰ سندھ قائم علی شاہ اگر کراچی میں شیعان حیدر کرار (ع) کے قتل عام کو روکنے اور کالعدم جماعتوں کے تکفیری دہشت گردوں اور سیاسی طالبان کو لگام نہیں دے سکتے تو فوری مستعفی ہوجائیں بصورت دیگر شیعہ قوم اپنے شہداء کے قاتلوں کی گرفتاری کیلئے وزیراعلیٰ ہاوس کا گھیراؤ کرے گی۔ رہنماؤں نے کہا کہ قانون نافذ کرنے والے اداروں بشمول پولیس و رینجرز میں موجود کالی بھڑوں کی سرپرستی میں کالعدم دہشتگرد گروہوں کے شہر میں دفاتر کھولے جا رہے ہیں، پیپلز پارٹی کے چیئرمین بلاول بھٹو زرداری سندھ حکومت میں شامل وزراء پر نظر رکھیں، شہر قائد میں قتل و غارت گری کا بازار گرم ہے، اسمبلی میں موجود حکمران صرف قوم کو دھوکا دے رہے ہیں۔
ان کا کہنا تھا کہ ایک منظم سازش کے تحت پورے ملک میں کالعدم گروہوں کو حکومتی سطح پر پروموٹ کیا جا رہا ہے، کراچی شہر میں شیعہ نسل کشی اور قاتلوں کی عدم گرفتاری اس بات کا ثبوت ہے کہ پیپلز پارٹی کی سندھ حکومت نے شہر قائد کو کالعدم تکفیری جماعتوں کے دہشت گردوں او ر سیاسی طالبان کے حوالے کردیا ہے، روزانہ بے گناہ تاجروں، ڈاکٹرز، وکلاء اور انجینئرز کی ٹارگٹ کلنگ وزیراعلیٰ سندھ کی نااہلی کا منہ بولتا ثبوت ہے۔ رہنماوں کا کہنا تھا کہ جس وزیراعلیٰ کے صوبے میں ناامنی کی بدترین صورتحال ہو اور شہری ٹارگٹ کلنگ اور بھتہ خوری کے سائے میں زندگی گزار رہے ہوں، ایسے صوبے میں وزیر داخلہ کا نہ ہونا اس بات کا غماز ہے کہ پیپلز پارٹی کی سندھ حکومت اور اس کی تمام اتحادی جماعتیں سندھ میں قیام امن کے لئے سنجیدہ نہیں ہیں۔ انہوں نے چیف جسٹس آف پاکستان اور آرمی چیف جنرل راحیل شریف اور پیپلز پارٹی کی مرکزی قیادت کو متنبہ کیا کہ کراچی میں بڑھتی ہوئی شیعہ نسل کشی کا نوٹس لیا جائے اور شہداء کے قاتلوں کو قرار واقعی سزا دی جائے بصورت دیگر شیعہ قوم انصاف کے حصول کیلئے وزیراعلیٰ ہاوس کا گھیراؤ کرے گی۔
وحدت نیوز(کوئٹہ) مجلس وحدت مسلمین کے رہنماء علامہ سید ہاشم موسوی نے کہا ہے کہ کراچی میں جاری شیعہ نسل کشی کی جتنی بھی مذمت کی جائے کم ہے۔ آج کوئٹہ سمیت پورے پاکستان کے اہل تشیع مجلس وحدت مسلمین کے سربراہ کی کال پر سراپا احتجاج بنے ہوئے ہیں اور ان کا مطالبہ ہے کہ دہشت گردوں کے خلاف سخت کاروائی عمل میں لاتے ہوئے، کراچی میں جاری کشت و خون کو ختم کیا جائے۔ ملت جعفریہ کو نہ صرف کراچی میں بلکہ پورے پاکستان میں تحفظ فراہم کیا جائے کیونکہ ملت جعفریہ پاکستان محب وطن شہری ہیں۔ ملت جعفریہ پاکستان جنہوں نے پاکستان کے بنانے اور بچانے میں کسی بھی قسم کی قربانی سے دریغ نہیں کیا، پھر کیوں استعماری ایجنڈے کی بنیاد پر ملت جعفریہ پاکستان کا قتل عام کیا جا رہا ہے۔ جس میں حکومتی مشینری بھی پوری طرح سے ملوث پائی جاتی ہے۔ جس کی وجہ سے دہشت گرد آئے دن کراچی اور پاکستان کے دیگر علاقوں میں بےگناہ شیعہ افراد کا بے دردی سے قتل عام کر رہے ہیں۔ جس کی ہر باضمیر پاکستان محب وطن شہری مذمت کرتا ہے۔
انہوں نے کہا کہ اگر پاکستانی حکومت دہشت گردوں کو لگام دیتے ہوئے ملت جعفریہ پاکستان کے قتل عام کو بند نہیں کروا سکتی تو حکومت کرنے کا کوئی حق نہیں رکھتی۔ اگر وفاقی اور صوبائی حکومت ملت جعفریہ کے قتل عام کو بند نہیں کر سکتی، تو ملت تشیع پاکستان مجلس وحدت کے سربراہ کے فرمان پر لبیک کہتے ہوئے میدان میں آئیگی اور اپنے پرامن احتجاج کے ذریعے موجودہ کرپٹ حکومت کو ختم کرکے دم لیگی۔ اس سے قبل انہوں نماز جمعہ کے خطبے میں جیو ٹی وی چینل کو شدید تنقید کا نشانہ بناتے ہوئے کہا کہ حکومت فوری طور اس دجالی، استعماری اور امریکی ایجنڈے پر عمل پیرا جیو ٹی وی چینل کو بند کرکے پاکستان اور پاکستان کے عوام کو دشمن کی پروپیگنڈہ مہم سے بچائے۔
وحدت نیوز(کراچی) مجلس وحدت مسلمین پاکستان کراچی ڈویژن کے زیراہتمام نمائش چورنگی پر شیعہ نسل کشی کیخلاف علامتی احتجاجی دھرنا دیا گیا۔ احتجاجی دھرنے میں ایم ڈبلیو ایم کے مرکزی رہنما علامہ احمد اقبال رضوی، یعقوب حسینی ، مہدی عابدی ،حسن ہاشمی ،علامہ مبشر حسن، علامہ علی انور جعفری، علی حسین نقوی، اصغر عباس زیدی، محمد حسین جعفری، انجینئر رضا نقوی سمیت دیگر علمائے کرام و تنظیمی ذمہ داران موجود تھے۔ احتجاجی دھرنے میں مرد و خواتین کی بھی کثیر تعداد میں شرکت کی ۔ علامتی دھرنے میں شرکاء پیپلز پارٹی کی سندھ حکومت کے خلاف شدید نعرے بازی کی اور قاتلوں کی گرفتاری کا مطالبہ کیا۔ دھرنے میں شہداء کے خانوادوں کی بھی بڑی تعداد شریک تھی۔ایم ڈبلیو ایم کے مرکزی رہنما علامہ سید احمد اقبال رضوی نے سندھ حکومت کو شیعہ ٹارگٹ کلنگ میں ملوث دہشت گردو ں کی گرفتاری اور ٹارگٹ کلنگ کی روک تھام کے لئے سنجیدہ اقدامات کرنے کے لئے ایک ہفتے کی ڈیڈلائن دے دی ہے بصورت دیگر یکم جون کو وزیر اعلیٰ ہاوس کراچی، وزیر اعلیٰ ہاوس خیر پوراور نوڈیرو ہاوس کے گھیراوکی دھمکی دے دی ہے۔
وحدت نیوز(لاہور) کراچی میں جاری شیعہ نسل کشی کے خلاف مجلس وحدت مسلمین پنجاب کے زیراہتمام احتجاج اور ریلی نکالی گئی۔ لاہور میں پریس کلب کے سامنے ٹارگٹ کلنگ کے خلاف احتجاجی مظاہرہ کیا گیا۔ صوبائی سیکرٹری جنرل مجلس وحدت مسلمین پنجاب علامہ عبدالخالق اسدی نے ریلی کی قیادت کی۔ شرکا سے خطاب کرتے ہوئے علامہ عبدالخالق اسدی نے کہا کہ شیعہ قوم کے خون سے ہولی کھیلنے والوں کے انجام کا وقت آ پہنچا ہے حکومت کو چاہئے کہ دہشت گردوں کیخلاف سخت کارروائی کرے وگرنہ ایسا نہ ہو کہ پورا ملک کراچی کا منظر پیش کرنے لگے اور پھر دہشت گردوں کے ساتھ ساتھ حکومت کو بھی بھاگنے کا راستہ نظر نہ آئے۔
علامہ عبدالخالق اسدی نے کہا کہ یہ ملک ہمارے خون سے معرض وجود میں آیا ہے اور ہم ہی اپنے خون سے اس کی حفاظت کریں گے۔ انہوں نے کہا کہ حکومت نے مٹھی بھر دہشت گردوں کے سامنے سرنڈر کر کے اپنی نااہلی کا ثبوت دیا ہے، اگر شیعہ ٹارگٹ کلنگ نہ رکی تو حکمرانوں کو چلتا کریں گے، ہمیں اسلام کے قلعہ میں ایسے حکمران نہیں چاہیں جو شیر کی کھال پہن کر عوام کو دھوکا دے کر اقتدار کے ایوانوں میں گھس بیٹھے ہوں۔ ایم ڈبلیوایم لاہور کے سیکرٹری جنرل علامہ امتیاز کاظمی نے بھی احتجاجی ریلی سے خطاب کرتے ہوئے کہا کہ کراچی میں ہونے والی حالیہ دہشت گردی لمحہ فکریہ ہے اور اگر اس دہشت گردی کو روکنے کیلئے حکومت نے خاطر خواہ انتظامات نہ کئے تو یہ احتجاج گلی گلی کوچہ کوچہ سے ہوتا ہوا پورے ملک میں پھیل جائے گا۔
انہوں نے کہا کہ جب تک دہشت گردوں کو کیفر کردار تک نہیں پہنچایا جاتا شیعہ قوم سٹرکوں پر رہے گی۔ انہوں نے کہا کہ شہادت ہمارا ورثہ ہے ہم اپنے پیارے ملک پاکستان کو دہشت گردی کے ناسور سے ہر حال میں پاک کر کے رہیں گے۔ انہوں نے کہا کہ حکومت ان دہشت گردوں کو مزید مہلت نہ دے ورنہ حکومت خود اپنے آپ کو بچانے کیلئے راستے تلاش کرے گی اور دہشت گردوں کے ناپاک ہاتھوں سے خود کو کسی صورت بچا نہ سکیں گے۔ انہوں نے کہا کہ مٹھی بھر شرپسندوں نے ملک کو یرغمال بنا رکھا ہے، دہشت گردوں کو لگام دی جائے۔ انہوں نے کہ دہشت گردوں کے خلاف آپریشن کیا جائے اور ان کے ٹھکانوں کو مکمل طور پر تباہ کر دیا جائے۔ انہوں نے کہا کہ پنجاب میں جہاں بھی طالبان کی پناہ گاہیں ہیں ان کے خلاف بھی آپریشن کیا جائے۔
