وحدت نیوز(نوشکی) تفتان بارڈر کے علاقے میں ایران سے آنے والے زائرین بس سے اتر کر ہوٹل جارہے تھے کہ مسلح افراد نے ان پر اندھا دھند فائرنگ کردی جس کے بعد حملہ آوروں نے ہوٹل پر قبضہ کرلیا ۔فائرنگ کے نتیجے میں 30سے زائد زائرین جاں بحق ہوگئے۔ لیویز ذرائع کے مطابق 3 سے 4 نقاب پوش حملہ آوروں نے زائرین کے قافلے پر فائرنگ کی اور پھر دستی بم بھی پھینکے جس کے بعد ملزمان فائرنگ کرتے ہوئے زائرین کے ہوٹل میں داخل ہوگئے۔ شرپسندوں کے حملے کے بعد علاقے میں شدید خوف و ہراس پھیل گیا۔شہید و زخمی ہونے والے زائرین کو مقامی اسپتال منتقل کر دیا گیا ہے، جب کے شہداء کے جسد خاکی الصبح کوئٹہ پہنچیں گے، میدانی علاقہ ہونے اور بجلی کی سہولت نہ ہونے کے سبب امدادی کاروائیوں میں شدید مشکلات کا سامنا ہے۔

سیکریٹری داخلہ بلوچستان اکبر درانی کے مطابق  زائرین کو نشانہ بنانے والے حملہ آوروں نے فائرنگ کے بعد ہوٹل پر قبضہ کیا جہاں مورچہ بند مسلح ملزمان سے سیکیورٹی فورسز کا فائرنگ کا تبادلہ جاری رہا۔ دوسری جانب مجلس وحدت مسلمین، جعفریہ الائنس اور تحفظ عزاداری کونسل کی جانب سے حملے کی شدید مذمت کی گئی ہے۔

وحدت نیوز(کراچی)جناح انٹرنیشنل ایئرپورٹ پر مسلح ملزمان نے بھاری ہتھیاروں سے حملہ کردیا جس کے نتیجے میں 12 اہلکاروں سمیت 13 افراد جاں بحق اور 15 سے زائد زخمی ہوگئے جبکہ فائرنگ کے تبادلے میں 6 حملہ آور بھی مارے گئے، سیکیورٹی فورسز اور حملہ آوروں کے درمیان وقفے وقفے سے فائرنگ کا تبادلہ جاری ہے۔

تفصیلات کے مطابق جدید اسلحہ سے لیس 5 سے زائد حملہ آوروں نے اولڈ ٹرمینل فوکر گیٹ سے رن وے کی جانب جانے کی کوشش کی، دہشت گردوں نے 3 سے 4 دستی بم پھینکے جس کے نتیجے میں اصفہانی ہینگر میں کھڑے طیاروں کو نقصان پہنچا۔ دہشتگردوں سے مقابلے کے لئے ایئرپورٹ سیکیورٹی فورس کے علاوہ، پولیس، رینجرز، پاک فوج اور اسپیشل سیکیورٹی یونٹ کے دستے ایئرپورٹ پر موجود ہیں۔ دو طرفہ فائرنگ کے نتیجے میں 6 حملہ آور مارے گئے جبکہ دہشتگردوں سے لڑتے ہوئے 8 اے ایس ایف اہلکار، 2 رینجرز اور 2 پولیس اہلکار شہید ہوگئے جبکہ گولیاں لگنے سے نجی ایئر لائن کا ایک ملازم بھی جاں بحق ہوگیا۔ ترجمان رینجرز کے مطابق ہلاک دہشتگردوں سے ملنے والا اسلحہ بھارتی ساختہ ہے جبکہ برآمد ہونے والی 2 خودکش جیکٹس اور 20 دستی بم ناکارہ بنا دیئے گئے۔ آئی ایس پی آر ترجمان کے مطابق دہشتگردوں کے حملے میں کوئی مسافر زخمی نہیں ہوا اور نہ ہی کسی طیارے کو نقصان پہنچا ہے۔

دہشتگردوں کی جانب سے ایئرپورٹ پر حملے کے بعد شہر بھر کی سیکیورٹی ہائی الرٹ کردی گئی جبکہ جناح، سول اور عباسی شہید اسپتال میں ہنگامی صورتحال نافذ کردی گئی،جناح اسپتال کی میڈیکل سپرنٹنڈنٹ ڈاکٹر سیمی جمالی کے مطابق اسپتال میں 6 افراد کی لاشیں جبکہ 13 زخمیوں کو لایا گیا ہے جن میں بیشتر اے ایس ایف اہلکار ہیں جبکہ پیرا میڈیکل اسٹاف کی اضافی نفری طلب کرتے ہوئے زخمیوں کو طبی امداد فراہم کی جارہی ہے۔ جاں بحق اے ایس ایف اہلکاروں کی شناخت طارق، محمود ، منتظر، عبدالمالک، کیبن کیریو فخرالحسن کے نام سے ہوئی جبکہ چھٹا جاں بحق اہلکار سب انسپکٹر ہے۔

دوسری جانب حملے کے بعد ایئرپورٹ پر ہنگامی صورتحال نافذ کرتے ہوئے اندرونی اور بیرون ملک جانے والی تمام پروزایں روک دی گئیں جبکہ ایئرپورٹ بھی سیل کردیا گیا ہے، ادھر نوابشاہ اور لاہور ایئرپورٹ سمیت ملک بھر کے تمام  فضائی اڈوں پر سیکیورٹی سخت کرتے ہوئے چیک پوسٹیں قائم کردی گئیں۔ علاوہ ازیں وزیراعظم نواز شریف نے ڈی جی رینجرز سندھ اورسیکیورٹی اداروں کوفوری کارروائی کی ہدایت کی اور کہا کہ جتنا جلدی ممکن ہو دہشتگردوں کو شکست دیتے ہوئے ایئرپورٹ پر موجود تمام مسافروں کا تحفظ یقینی بنایا جائے جبکہ واقعہ کے فوری بعد وزیراعلی سندھ سید قائم علی شاہ، وزیراطلاعت شرجیل میمن اور ڈی جی رینجرز میجر جنرل رضوان اختر ایئرپورٹ پہنچ گئے اور آپریشن کی خود نگرانی کی۔

موقع پر موجود ايك عينی شاہد سرمد حسين نے ايكسپريس كو بتايا كہ وہ پی آئی اے ميں انجينئر ہيں اوراپنے معمول كے فرائض انجام دے رہے تھے كہ اچانك فائرنگ كی آوازيں آنا شروع ہوگئيں اور ساتھ ہی  كئی دھماكے بھی سنائی دیئے، اچانك حملے سے بھگڈر مچ گئی اور خوف و ہراس پھيل گيا جبکہ انہوں نے تيسری منزل سے چھلانگ لگا كر اپنی جان بچائی، ايك اور عينی شاہد امتياز نے بتايا كہ ملزمان نے بھاری بيگ اپنی كمر پر لادے ہوئے تھے اور وہ ہائی روف سے اترے جس كے بعد ٹرمينل كی جانب بڑھے ، اس دوران ايئرپورٹ سيكيورٹی فورس كے اہلكاروں نے ان پر فائرنگ كی ليكن حملہ آور ان پر فائرنگ كرتے ہوئے آگے كی جانب بڑھتے رہے ۔

وحدت نیوز(اسلام آباد) مسلم لیگ نواز کی حکومت نے پاکستان کو سکیورٹی اسٹیٹ بنا دیا ہے، حکمرانوں ک ناقص پالیسیوں کی بدولت ملک دہشت گردوں کی جنت بن چکا ہے، تفتان میں زائرین اور کراچی میں ایئر پورٹ پر حملہ نواز حکومت کی واضح نا اہلی اور دہشت گردوں سے اس کی ہمدردانہ پالیسیوں کا نتیجہ ہے،زائرین کو فل پروف سکیورٹی کی فراہمی صوبائی حکومت کی آئینی و اخلاقی ذمہ داری تھی، پاک فوج ملک و قوم کے وسیع تر مفاد میں مذاکرات کی ڈھونگ کا خاتمہ کر کے فیصلہ کن جنگ کا آغاز کرے، ان خیالات کا اظہار مجلس وحدت مسلمین پاکستان کے سربراہ علامہ ناصر عباس جعفری نے مرکزی سیکریٹریٹ سے جاری اپنے مذمتی بیان میں کیا ۔

ان کا کہنا تھا کہ وفاقی و صوبائی حکومت نے خدشات کے باوجود ایران سے آنے اور ایران جانے والے زائرین کی سکیورٹی کے لئے کوئی جامع حکمت عملی مرتب نہیں کی ، سکیورٹی اداروں اور صوبائی حکومت کی غفلت کی بدولت قوم ایک مرتبہ پھر اندہوناک سانحہ سے دوچار ہو ئی ، 25سے زائدبے گناہ خواتین ، مرد اور بچے شہید جب کے دسیوں شدید زخمی ہوئے ،زائرین کو بے دردی کے ساتھ بسوں سے اتار کر اندھادھند گولیوں کا نشانہ بنایا گیا، قانون نافذ کرنے والے ادارے بے حسی کا مجسمہ بنے ہوئے ہیں ، جس طرح وزیر ستان میں ایئر اسٹرائک کے نتیجے میں ملک دشمن دہشت گردوں کو واصل جہنم کی جایا ہے ، اسی طرح کوئٹہ تفتان روٹ پر موجود دہشت گردو ں کے ٹھکانوں پر پھر بھی فضائی بمباری کی جائے ، کراچی ایئرپورٹ اورتفتان بارڈر سانحہ ایک ہی گروپ آف کمپنیز کی کارستانی ہے، جو حکومت ائیرپورٹ جیسے حساس اثاثے کی حفاظت نہیں کر سکتی اسے اقتدار پر قابض رہنے کا کوئی حق نہیں پہنچتا، کراچی میں ائیرپورٹ پر دہشت گرد حملے میں شہید ہونے والے اے ایس ایف اور پی آئی اے کے اہلکار ہمارے گھر کے شہید ہیں ، تفتان اور کراچی کے شہداء کے اہل خانہ کے غم میں برابر کے شریک ہیں اور دونوں سانحات میں زخمی ہونے والوں کی جلد صحت یابی کے لئے خدا کی بارگاہ میں دعا گو ہیں ، البتہ اس دونوں سنگین سانحات کے رو نما ہو نے کے بعد میاں نواز شریف کے اقتدار میں رہنے کااخلاقی جواز ختم ہو چکا، میاں صاحب اپنی ناکامی اور نااہلی کو مدنظر رکھتے ہوئے مستعفی ہوجائیں ۔

ان کا مذید کہنا تھا کہ ہم آج بھی اپنے واضح اور دو ٹوک موقف پر قائم ہیں کہ آئین ، قانون اور ریاست کے باغیوں اور شہریوں کے قاتلوں کے ساتھ مذاکرات ریاست کو کمزور اور دہشت گردوں کو تقویت بخشنے کے مترادف ہیں ، لہٰذا عوام موجودہ کمزور، ڈرے ہوئے، بزدل حکمرانوں سے تنگ آچکے ہیں ، اٹھارہ کروڑعوام کا فقط ایک ہی مطالبہ ہے کہ ملک و قوم کے دشمن طالبان کے ساتھ زبان سے نہیں گولی سے بات کی جائے، مذید وقت ضائع کیئے بغیر پاک فوج ان سفاک دہشت گردوں کے خلاف فیصلہ کن کاروائی کا آغاز کرے انشاء اللہ اٹھا رہ کروڑ عوام پاک فوج کے شانہ بشانہ ہوگی۔