The Latest

وحدت نیوز(گلگت) وزیر زراعت گلگت بلتستان کاظم میثم نے کہا ہے کہ گلگت بلتستان میں رجیم چینج کے لیے ہم کسی ڈرٹی پوالیٹکس کا حصہ نہیں بنیں گے۔

گلگت میں ایم ڈبلیو ایم کے صوبائی قائدین کے ہمراہ پریس کانفرنس کے دوران صوبائی وزیر زراعت کا کہنا تھا کہ ہمارا شروع سے موقف رہا ہے کہ امریکہ کی مداخلت کا خاتمہ ضروری ہے، امریکہ کون ہوتا ہے کہ وہ ہمارے اندرونی معاملات میں مداخلت کرے۔ قومی سلامتی کمیٹی نے امریکی مداخلت کی تصدیق کی۔

انہوں نے کہا کہ ہم ایک آزاد اور خودمختار ملک ہے، ہم اپنی سالمیت میں مداخلت کبھی برداشت نہیں کرینگے۔ ایک سوال کے جواب میں کاظم میثم کا کہنا تھا کہ پاکستان کی خودمختاری اور سالمیت کیلئے جو کوئی بھی تحریک چلائے گا ہم ساتھ دینگے۔

وحدت نیوز(گلگت) گلگت بلتستان کے ڈپٹی سیکرٹری جنرل شیخ نیئر عباس مصطفوی نے کہا ہے کہ امریکہ پاکستان کا بدترین دشمن ہے۔ یوم القدس بھرپور طریقے سے منائیں گے۔ دوسری جنگ عظیم کے بعد مسلمانان عالم کو سب سے بڑا نقصان بوڑھے استعمار برطانیہ کی سازش کے نتیجے میں ایک نام نہاد اور جعلی ریاست وجود میں لانے سے ہوا۔ گلگت میں ایم ڈبلیو ایم کے صوبائی قائدین کے ہمراہ پریس کانفرنس کرتے ہوئے شیخ نیئر عباس کا کہنا تھا کہ قائد اعظم محمد علی جناح نے برملا اسرائیل کو غاصب قرار دیا اور تسلیم کرنے سے صاف انکار کیا جو ہماری خارجہ پالیسی کی ریڈلائن ہے۔ جعلی ریاست نے فلسطینیوں کی زندگی اجیرن کر دی ہے، ظلم و بربریت کی نئی داستانیں رقم ہو رہی ہیں، لاکھوں فلسطینی اپنی زمینوں سے محروم ہو گئے اور انہیں بے دخل کرکے یہودی آباد کیے گئے۔ فلسطینی اپنی زمین پر مہاجر بن کر رہ گئے۔ اسرائیلی فورسز کے ہاتھوں مسلسل قبلہ اول کی بیحرمتی کی جا رہی ہے۔

ایم ڈبلیوایم کے ڈپٹی سیکرٹری جنرل کا مزید کہنا تھا کہ استعماری سازش کے نتیجے میں وجود میں آنے والی ناجائز ریاست کیخلاف اور بیت المقدس کی آزادی کیلئے امام خمینی کے فرمان کے مطابق رمضان المبارک کے آخری جمعہ کو یوم القدس قرار دیا گیا۔ اس روز نہ صرف فلسطین بلکہ کشمیر، یمن کے مظلوم مسلمانوں کے ساتھ اظہار یکجہتی کیا جائے گا۔ یوم القدس صرف فلسطین کیلئے ہی نہیں یہ یوم کشمیر، یوم پاکستان، یوم لبنان، یوم شام بھی ہے۔ ایم ڈبلیو ایم کے زیر اہتمام گلگت بلتستان کے تمام اضلاع میں قدس ریلیاں نکالی جائیں گی۔

انہوں نے کہا کہ آج استعماری طاقتیں ہمارے وطن عزیز کی سلامتی کو بھی تباہ کرنے کی سازش کر رہی ہیں، امریکہ پاکستان کا بدترین دشمن ہے، جو ملک کی سیاست کو نقصان پہنچانے، دہشتگردوں کے زریعے ملکی استحکام کو نقصان پہنچانے کے ایجنڈے پر کام کر رہا ہے۔ انہوں نے کہا کہ ملکی سلامتی و خوداری کو یقینی بنانے کیلئے ضروری ہے کہ بیرونی مداخلت کا خاتمہ ہو۔ ان کا کہنا تھا کہ یہ دن کسی خاص مسلک کا دن نہیں، یوم القدس نکتہ اتحاد ہے۔ پریس کانفرنس کے موقع پر صوبائی وزیر زراعت کاظم میثم، وزیر اعلیٰ کے معاون خصوصی الیاس صدیقی، سیکرٹری سیاسیات غلام عباس و دیگر قائدین بھی موجود تھے۔

وحدت نیوز(اسلام آباد)مجلس وحدت مسلمین پاکستان کے اعلی سطح وفد کی مرکزی ڈپٹی سیکریٹری جنرل ناصر عباس شیرازی ایڈووکیٹ کی سربراہی میںاسلام آباد میں قائم چینی سفارت خانہ میں چینی نائب سفیر اور سیاسی اتاشی سے سانحہ کراچی یونیورسٹی کے تناظر میں تعزیتی ملاقات۔

وفد میں مرکزی سیکرٹری سیاسیات برادر اسد علی نقوی ، علامہ مقصود علی ڈومکی ،علامہ ضیغم عباس ،سید ابن حسن شامل تھے۔ایم ڈبلیوایم کے وفد کی جانب سے چینی سفارت خانے کو مرکزی سیکرٹری جنرل مجلس وحدت مسلمین پاکستان علامہ راجہ ناصر عباس جعفری حفظ اللہ کا تعزیتی پیغام پہنچایا گیا ۔

ایم ڈبلیوایم رہنماؤں نے کہا کہ چینی اساتذہ پر حملہ پاک چین دیرینہ دوستی پرحملہ تھا، دکھ کی اس گھڑی میں پوری پاکستانی قوم اپنے چینی بھائیوں کے ساتھ کھڑی ہے ۔

اس موقع پرمرکزی ڈپٹی سیکرٹری جنرل مجلس وحدت مسلمین پاکستان سید ناصر عباس شیرازی ایڈووکیٹ نے تعزیتی کتاب میں اپنے تاثرات بھی قلم بندکیئے۔چینی سفارتی حکام نے ایم ڈبلیوایم کے وفد کی آمد پر شکریہ ادا کیا ۔

وحدت نیوز(اسلام آباد)عالمی یوم القدس کی مناسبت سےاسلام آباد میں قائم سفارت خانہ اسلامی جمہوریہ ایران کی جانب سے مقامی ہوٹل میں القدس کانفرنس اور افطار ڈنر کا انعقادکیاگیا۔

 افطار ڈنر میں مجلس وحدت مسلمین کے مرکزی سیکرٹری جنرل علامہ ناصر عباس جعفری، مرکزی ڈپٹی سیکرٹری جنرل مجلس وحدت مسلمین پاکستان سید ناصر عباس شیرازی، پروفیسر ڈاکٹر منور پہنور، سینیٹر مشاہد حسین سید ، عبداللہ گل،خانم طیبہ بخاری سمیت ملک کی نامور مذہبی وسیاسی شخصیات ، صحافیوں اور مختلف شعبہ ہائے زندگی سے تعلق رکھنے والوں کی بڑی تعداد شریک تھی۔

مقررین کی جانب سے اس بات پر زور دیا گیا کہ امت مسلمہ اپنے اتحاد کے ذریعے اسرائیل کو شکست دے سکتی ہے اور فلسطین کو آزاد کرایا جاسکتا ہے۔ تفرقہ اسرائیل کا سب سے بڑا ہتھیار ہے۔

وحدت نیوز(شگر)جامعہ سجادیہ شگر میں مجلس وحدت مسلمین کے زیر اہتمام جشن نزول قرأن کے حوالے سے سیمینار کا انعقاد کیا گیا جس میں معروف عالم دین سیکریٹری جنرل ایم ڈبلیو ایم شگر شیخ اشرف شگری، شیخ فدا علی حلیمی،اخوند ظہیر،شیخ زاہد سمیت مدرسے کے  طلاب شریک ہوئے۔

سیکریٹری جنرل ایم ڈبلیو ایم شگر حجتہ الاسلام شیخ اشرف حسین شگری نے خطبہ استقبالیہ پیش کرتے ہوئے کہا کہ ماہ رمضان کو دوسرے مہینوں سے زیادہ شرافت اس لئے حاصل ہے کہ اسی مہینہ میں قرآن مجید نازل ہوا ۔ انہوں نےکہا کہ قرآن مجید کی زیادہ سے زیادہ تلاوت کرنے اور اس کی تعلیمات پر عمل کرنا ہماری سعادت کا باعث ہے ۔

شیخ اشرف نے  پاکستان کے پارلیمنٹ میں امریکہ مردہ باد کا نعرہ لگنے کو خوش آئند قرار دیا اور یوم القدس کی ریلی میں  فلسطین سمیت دیگر تمام مظلوم اقوام کی حمایت میں وقت کے سب سے بڑے شیطان امریکہ اور اسرائیل کے خلاف نعرہ لگانے کے لئے لوگوں کو بھرپور شرکت کی اپیل کی ۔ امام خمینی  رضوان اللہ تعالیٰ علیہ کے افکار پوری دنیا میں پھیل رہا ہے، جس کہ واضع مثال تاریخ میں پہلی بار پاکستان کے پارلیمنٹ میں امریکہ مردہ باد کے نعرے لگائے گئے۔

صدر محفل و مہمان خصوصی  حجتہ الاسلام شیخ فدا علی حلیمی نے فلسفہ نزولِ قرآن پر روشنی ڈالی، انہوں نے کہاکہ قرآن مجید کے نزول کی وجہ  بندگان خدا کو گمراہی  کی راہ سے نور کے راستے پر لانا ہے۔ دوسرا انسانوں کو صحیح اور کامل دین کی پہچان کے لئے کتاب حق کو نازل کیا گیا۔اگر مسلمان اس کتاب نجات سے روگردانی اختیار کرے تو گمراہی کے راستے پہ چل پڑے گا۔ رسول اعظم نے اپنی امت کو قرآن و اہلبیت کی رسی کو مضبوطی سے تھامے رکھنے کا حکم فرمایا۔آج مسلمانوں کی بدبختی قرآن مجید کی تعلیمات سے نافرمانی و دوری کی وجہ سے ہے۔سیمنار کے اختتام پر شرکا کو مجلس وحدت مسلمین کی جانب سے افطاری و عشائیہ دیا ۔

وحدت نیوز(اسلام آباد) مجلس وحدت مسلمین شعبہ خواتین کی مرکزی سیکرٹری سیاسیات محترمہ سیدہ نرگس سجاد کا یوم القدس کی مناسبت سے پیغام میں کہنا تھا کہ مسئلہ فلسطین امت مسلمہ کے اساسی اور بنیادی مسائل میں سے ایک ہے جس نے کئی عشروں سے امت مسلمہ کو بے چین کررکھا ہے - ارض فلسطین جسے انبیاکی سرزمین کہا جاتا ہے اور بیت المقدس جو مسلمانوں کا قبلہ اوّل ہے اس وقت سے غاصب صہیونی ریاست کے قبضے میں ہے رہبر کبیر بت شکن زمان سید روح اللہ موسوی الخمینی کی بصیرت کو لاکھوں سلام کے جنہوں نے ماہ مبارکہ رمضان کے الوداعی جمعے کو عالمی یوم القدس سے منسوب کیا جسکی بدولت آج پوری دنیا صیہونیوں کے بچھائے ہوے سازشی جال سے بخوبی واقف ہے۔

 انہوں نے کہا یوم القدس پوری دنیا میں بھرپور انداز میں منایا جاتا ھے دنیا بھر میں لاکھوں افراد نہ صرف فلسطینی عوام سے اظہار یکجہتی اور بیت المقدس سے اپنی وابستگی کا اظہار کرتے ہیں بلکہ دنیا میں جہاں کہیں بھی عالمی استعماری طاقتیں اپنی طاقت کے بل بوتے پر ظلم ڈھا رہی ہیں خواہ فلسطین و لبنان و شام پر صہیونی قبضے کی شکل میں ہو یا کشمیر اور برما میں مسلمانوں پر ظلم و ستم کی صورت میں ظلم یمن کے نہتے عرب مسلمانوں پر بمباری و دہشت گردی کرکے کیا جائے یا لیبیا اور شام میں مسلمانوں کو خانہ جنگی میں مبتلا کرکے کیا جائے یوم القدس ان سارے مسلمانوں سے اظہار یکجہتی کا دن ہے۔

 انہوں نے مزید کہا کہ یہ دن ا ہمت کا دن ہے اور مستضعفین و مظلومین کی فتح کی نوید کا دن ہے لھذا یوم القدس پر بلا تفریق مسلک و مکتب تمام امت مسلمہ گھروں سے باہر نکلے اور قبلہ اول کی آزادی ، فلسطینیوں کی بقا اور صیہونیوں کی سازشوں کو ناکام بنانے میں اپنا کردار پیش کریں۔

وحدت نیوز(گلگت) مجلس وحدت مسلمین کے صوبائی رہنما اوروزیر زراعت گلگت بلتستان محمد کاظم میثم نے وزیر سیاحت راجہ ناصر عبداللہ کے ہمراہ وزیر صحت گلگت بلتستان حاجی گلبر خان سے ملاقات کی۔ ملاقات میں گلگت بلتستان میں صحت کے ایشوز اور مختلف امور پر تبادلہ خیال ہوا۔

 اس موقع پر آر ایچ کیو سکردو اور بے نظیر ہسپتال گمبہ سکردو اور دیگر ہسپتالوں کے ایشیوز پر بحث ہوئی۔ وزیر صحت سے حلقہ دو سکردو میں جاری سکیموں بلخصوص ٹین بیڈ ہسپتال بشو اور دیگر بی ایچ یوز کو مزید فعال کرنے نیز کچورا میں دس بیڈ ہسپتال کے قیام کے حوالے سے گفت و شنید ہوئی۔

وزیر صحت گلگت بلتستان نے کہا کہ پورے خطے میں ڈاکٹرز کی کمی کو پورا کرنے سہولتیں فراہم کرنے کے حوالے سے تاریخی اقدامات اٹھائے گئے ہیں اور مزید بہتری آئے گی۔اسکے علاوہ روندو حلقہ دو سکردو سمیت بلتستان کے تمام پسماندہ علاقوں میں طبی سہولت بلخصوص روندو زلزلہ زدگان کے لیے طبی سہولیات پر بھی گفتگو ہوئی۔ روندو تیس بیڈ ہسپتال کو اپگریڈ کرکے پچاس بیڈ کرنے کے حوالے سے بھی ضروری اقدامات کی یقین دہانی کی۔

وحدت نیوز(سکھر) مجلس وحدت مسلمین ضلع سکھر کے سیکریٹری جنرل چوہدری اظہر حسن نے کہا ہے کہ کل 27 رمضان المبارک جمعتہ الوداع کو دنیا بھر کی طرح پاکستان کے شہر سکھر میں بھی عالمی یوم القدس کی مناسبت سے ایم ڈبلیو ایم کے تحت عالمی یوم القدس ریلی نکالی جائے گی۔

 سکھر پریس کلب میں صحافیوں سے گفتگو کرتے ہوئے ان کا کہنا تھا کہ موجودہ عالمی حالات میں عالمی یوم القدس کی اہمیت اور بھی بڑھ جاتی ہے جب متعدد عرب ممالک اسرائیل کے ساتھ تعلقات استوار کرکے فلسطین اور کشمیر کے مسئلے کو نارمل کرنے کی کوشش کررہے ہیں، جس کی ہم شدید مذمت کرتے ہیں۔

چوہدری اظہر کا کہنا تھا کہ امریکا اسرائیل کی سازشیں اسلامی ممالک میں کھل کر سامنے آچکی ہے، ملت اسلامیہ عرب ممالک کے اسرائیل کے ساتھ تعلقات کو ہرگز قبول نہیں کرتی، امام خمینیؒ نے 40 سال قبل ان شیاطین کیخلاف نعرہ لگایا تھا جس نے آج پوری دنیا کو بیدار کردیا ہے۔

وحدت نیوز(لاہور)مجلس وحدت مسلمین پنجاب سیکرٹریٹ میں پریس کانفرنس سے خطاب کرتے ہوئے ممبر متحدہ علماء بورڈ، ڈپٹی سیکرٹری جنرل مجلس وحدت مسلمین پنجاب علامہ سید حسن رضا ہمدانی نے کہا ہے کہ 27 رمضان المبارک جمعہ کے روز اسرائیلی جارحیت کیخلاف دنیا بھر میں یوم القدس منایا جائے گا اور فلسطین ،کشمیر و یمن کے مظلومین سے اظہار یکجہتی کیلئے بھرپور انداز میں ریلیاں نکالی جائیں گی۔ لاہور کی مرکزی القدس ریلی مسجد صاحب الزمان حیدر روڈ اسلام پورہ سے پنجاب اسمبلی حال تک نکالی جائے گی۔ ریلی کی قیادت مرکزی ڈپٹی سیکرٹری جنرل مجلس وحدت مسلمین پاکستان علامہ احمد اقبال رضوی، صدر امامیہ سٹوڈنٹس آرگنائزیشن پاکستان لاہور ڈویژن حیدر ثقفی و دیگر قائدین کریں گے۔ انہوں نے کہا کہ فلسطین کے مظلومین کی حمایت میں علامہ اقبال اور قائد اعظم کے نظریات ہمارے لیے بہترین لائحہ عمل ہیں، القدس مسلکی مسئلہ نہیں بلکہ امت مسلمہ کا باہمی مسئلہ ہے، کشمیر و فلسطین و یمن میں انسانی حقوق کی پامالی کے بدترین واقعات رقم کئے جا رہے ہیں، جن کیخلاف اقوام عالم کو انسانی اور اخلاقی بنیادوں پر  آواز بلند کرنی چاہئے۔

انہوں نے کہا کہ ظالموں کی مخالفت اور مظلوموں کی حمایت ایک شرعی تقاضا ہے۔امریکہ، بھارت اور اسرائیل دور عصر کے سب سے بڑے ظالم اور غاصب ہیں۔ ان کے خلاف ملت تشیع بھرپور انداز میں احتجاج جاری رکھے گی۔ انہوں نے کہا کہ القدس پر اسرائیل کے غاصبانہ تسلط کے خاتمے کا وقت بہت قریب ہے۔ القدس کی آزادی کو اب  دنیا کی کوئی طاقت نہیں روک سکتی۔ فلسطین کی وہ قوم جو کل تک اسرائیلی ٹینکوں کا مقابلہ پتھروں سے کرتی تھی آج جدید ٹیکنالوجی سے لیس ہے۔ عوامی مزاحمت نے اسرائیل کو عملی اور فکری طور پر شکست فاش سے دوچار کیا ہے۔امریکہ کے کندھے پر سوار ہو کر اسرائیل زیادہ دیر تک اپنی بقاء کی جنگ نہیں لڑ سکے گا۔ فلسطین کی اس ترقی نے اسرائیل اور اس کے حواریوں کو خوفزدہ کر رکھا ہے۔ اپنے وسعت پسندانہ عزائم کی تکمیل کیلئے دیکھے جانیوالے گریٹر اسرائیل کے خواب آج چکنا چور ہو چکے ہیں اور  صیہونی اپنے غاصب حصے پر قبضہ برقرار رکھنے کیلئے بوکھلاہٹ میں ہاتھ پاوں مار رہے ہیں۔ اسرائیل کی اس ناکامی کا سارا کریڈٹ امام خمینی کو جاتا ہے جنہوں نے انقلاب ایران کے بعد القدس کے مسئلے کو زندہ رکھنے کیلئے بھرپور آواز بلند کی۔

انہوں نے کہا کہ انقلاب ایران کے بعد امام خمینی نے جمعة الوداع کے موقع پر پوری دنیا کے اندر یوم القدس منانے کا اعلان اس وقت کیا جب عالمی قوتیں اسرائیل کو ایک اٹل حقیقت منوانے پر تلی ہوئی تھیں۔ انہوں نے کہا وہ عالمی استکباری قوتیں جو فلسطینیوں سے ان کا آبائی علاقہ چھیننا چاہتی ہیں، آج ہمارے وطن عزیز کی سلامتی و استحکام کو بھی تباہ کرنے پر تلی ہوئی ہیں۔ امریکہ پاکستان کا بدترین دشمن ہے اور اس کی سالمیت کو نقصان پہنچانے کیلئے ایڑی چوٹی کا زور لگا رہا ہے۔ دہشتگردوں کے ذریعے وطن عزیز کو عدم استحکام کا شکار کرنے کے ایجنڈے پر بڑی تیزی سے کام ہو رہا ہے، دہشتگردی کیخلاف جنگ میں اس قوم نے پہلے ہی بہت نقصان اٹھایا ہے۔ ہمارا ملک مزید کسی آزمائش کا متحمل نہیں۔ وطن عزیز کی سلامتی کو یقینی بنانے کیلئے بیرونی مداخلت کا مکمل خاتمہ ناگزیر ہے۔ ملک کے حساس معاملات میں امریکی مداخلت پر ہماری خاموشی وطن عزیز کیلئے سنگین خطرہ ثابت ہو سکتی ہے۔

پریس کانفرنس میں علامہ عاصم مخدوم، سید حسین زیدی، صدر امامیہ سٹوڈنٹس آرگنائزیشن لاہور ڈویژن حیدر ثقفی، مولانا سید حسین نقوی، مولانا علام عباس شیرازی، شیخ عمران اور نجم جعفری و دیگر عہدیدار شریک ہوئے۔

وحدت نیوز(کوئٹہ) مجلس وحدت مسلمین کے مرکزی ڈپٹی سیکرٹری جنرل اور سابق وزیر قانون بلوچستان آغا رضا، ایم ڈبلیو ایم کوئٹہ کے ڈپٹی سیکرٹری شیخ ولایت حسین جعفری اور دیگر نے کوئٹہ پریس کلب میں ایک پریس کانفرنس سے خطاب کرتے ہوئے کہا ہے کہ جمعہ کے روز ملک بھر میں یوم القدس منایا جائے گا اور فلسطین، کشمیر و یمن کے مظلومین سے اظہار یکجہتی کے لیے بھرپور انداز میں ریلیاں نکالی جائیں گی۔ موجودہ ملکی و بین الاقوامی صورتحال اور خطے کے حالات ملک میں مزید ناامنی کی طرف اشارہ دے رہے ہیں۔ امریکہ اسرائیل اور سعودی عرب سمیت تمام اسلام دشمن اور ملک دشمن قوتیں تیزی سے اپنے شیطانی ایجنڈے پہ عمل پیرا ہیں۔ ان حالات میں بروز جمعہ وطن عزیز میں یوم القدس یقینا بہت اہمیت کا حامل ہے۔ فلسطین کے مظلومین کی حمایت میں علامہ اقبال اور قائداعظم کے نظریات ہمارے لیے بہترین لائحہ عمل ہیں۔ القدس مسلکی مسئلہ نہیں، بلکہ امت مسلمہ کا اور انسانیت کا باہمی مسئلہ ہے۔ کشمیر و فلسطین میں انسانی حقوق کی پامالی کے بدترین واقعات رقم کئے جا رہے ہیں۔ جن کے خلاف اقوام عالم کو انسانی اور اخلاقی بنیادوں پر آواز بلند کرنی چاہئے۔ ظالموں کی مخالفت اور مظلوموں کی حمایت ایک شرعی تقاضا ہے۔ امریکہ، بھارت اور اسرائیل دور عصر کے سب سے بڑے ظالم اور غاصب ہیں۔ ان کے خلاف ملت تشیع بھرپور انداز میں احتجاج جاری رکھے گی۔

آغا رضا نے مزید کہا کہ القدس پر اسرائیل کے غاصبانہ تسلط کے خاتمے کا وقت بہت قریب ہے۔ القدس کی آزادی کو اب دنیا کی کوئی طاقت نہیں روک سکتی۔ فلسطین کی وہ قوم جو کل تک اسرائیلی ٹینکوں کا مقابلہ پتھروں سے کرتی تھی، آج جدید ٹیکنالوجی سے لیس ہے۔ عوامی مزاحمت نے اسرائیل کو عملی اور فکری طور پر شکست فاش سے دوچار کیا ہے۔ امریکہ کے کندھے پر سوار ہو کر اسرائیل زیادہ دیر تک اپنی بقا کی جنگ نہیں لڑسکے گا۔ فلسطین کی اس ترقی نے اسرائیل اور اس کے حواریوں کو خوفزدہ کر رکھا ہے۔ اپنے وسعت پسندانہ عزائم کی تکمیل کے لیے دیکھے جانے والے گریٹر اسرائیل کا دیرینہ خواب آج چکنا چور ہو چکا ہے اور صیہونی اپنے غاصب حصے پر قبضہ برقرار رکھنے کے لیے بوکھلاہٹ میں ہاتھ پاؤں مار رہے ہیں۔ اسرائیل کی اس ناکامی کا سارا کریڈٹ امام خمینی کو جاتا ہے، جنہوں نے انقلاب ایران کے بعد القدس کے مسئلے کو زندہ رکھنے کے لیے بھرپور آواز بلند کی۔ امام خمینی نے جمعة الوداع کے موقع پر پوری دنیا کے اندر یوم القدس منانے کا اعلان اس وقت کیا جب عالمی قوتیں اسرائیل کو ایک اٹل حقیقت منوانے پر تلی ہوئی تھیں۔

انہوں نے کہا وہ عالمی استکباری قوتیں جو فلسطینیوں سے ان کا آبائی علاقہ چھیننا چاہتی ہیں، آج ہمارے وطن عزیز کی سلامتی و استحکام کو بھی تباہ کرنے پر تلی ہوئی ہیں۔ امریکہ پاکستان کا بدترین دشمن ہے اور اس کی سالمیت کو نقصان پہنچانے کے لیے ایڑی چوٹی کا زور لگا رہا ہے۔ دہشت گردوں کے ذریعے وطن عزیز کو عدم استحکام کا شکار کرنے کے ایجنڈے پر بڑی تیزی سے کام ہو رہا ہے۔ دہشت گردی کے خلاف جنگ میں اس قوم نے پہلے ہی بہت نقصان اٹھایا ہے۔ ہمارا ملک مزید کسی آزمائش کا متحمل نہیں ہوسکتا۔ وطن عزیز کی سلامتی کو یقینی بنانے کے لیے بیرونی مداخلت کا مکمل خاتمہ ناگزیر ہے۔ ملک کے حساس معاملات میں امریکی مداخلت پر ہماری خاموشی وطن عزیز کے لیے سنگین خطرہ ثابت ہو سکتی ہے۔

Page 8 of 1222

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree