The Latest

وحدت نیوز(اسلام آباد) مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نے محنت کشوں کے عالمی دن کے موقع پر اپنے پیغام میں کہا ہے محض یکم مئی کی سرکاری چھٹی کے اعلان یا مزدوروں کے حق میں حکومتی بیانات سے اس پسے ہوئے طبقے کی مشکلات کم نہیں ہوں گی بلکہ اس کے لیے انقلابی اور فوری اقدامات کرنا ہوں گے۔ وطن عزیز کی معاشی بدحالی نے مزدور طبقے کو سب سے زیادہ متاثر کیا ہے۔ مہنگائی کی شرح میں تسلسل کے ساتھ اضافے سے عام آدمی کی زندگی اجیرن ہو گئی ہے۔معاشی مشکلات سے تنگ دیہاڑی دار طبقے سے تعلق رکھنے والے افراد کی خودسوزی جیسے المناک واقعات آئے دن سننے کو مل رہے ہیں۔ایسی صورتحال میں حکومتی بے حسی افسوسناک ہے۔ریاست ماں کا کردار ادا کرتی ہوئی کہیں نظر نہیں آتی۔

انہوں نے کہا کہ محض زبانی دعووں اور دلفریب وعدوں سے عوام کی قسمت بدلی نہیں جا سکتی۔اس کے لیے نیک نیتی، خلوص اور پوری لگن کے ساتھ عملی جدوجہد کی ضرورت ہے۔ کم سے کم اجرت میں برائے نام اضافہ کر کے عوامی مقبولیت کے خواب دیکھنا عوام اور خود کو دھوکہ دینے کے مترادف ہے۔

انہوں نے کہا کہ اشیائے خوردونوش کی قیمتوں کے مطابق جو عام آدمی کا گھریلو بجٹ بنتا ہے اس کے مطابق  اجرت ہونی چاہئیے۔ حکومت سو یونٹ سے کم بجلی کے استعمال کو مفت قرار اور کھانے پینے کی اشیاء پر مستقل ریلیف پیکج دے کر مزدور طبقے کی  مشکلات میں خاطر خواہ کمی کر سکتی ہے۔

وحدت نیوز(گلگت)آج امن عالم کے علمبرداروں کو یوکرائن میں قتل ہونے والوں کا بہت درد ہے اور آے دن کسی نہ کسی طرف سے آواز اٹھ رہی ہے مگر ان آدم خور امن کے علمبرداروں کو نہ فلسطین نظر آتا ہے نہ یمن نہ عراق نہ افغانستان مرکزی سیکریٹری یوتھ مجلس وحدت مسلمین شعبہ خواتین محترمہ سائرہ ابراہیم نے یوم القدس کے حوالے سے جاری بیاں میں کہا کے قدس صرف اسلام کا نہیں انسانیت کا مسئلہ بھی ہے۔

انہوں نے کہا کہ آج جو کچھ اسرائیل فلسطین کے مظلوموں کے ساتھ کررہا ہے وہ صرف اسلام دشمنی نہیں بلکہ انسانیت دشمنی بھی ہے اسلیے کہ جو بربریت وہ انجام دے رہا ہے وہ انسانیت کے خلاف ہے بلکہ جانوروں سے بد تر سلوک کررہے ہیں یہ ظالم اسرائیلی جہاں نہ بچوں پر رحم کھایا جاتا ہے نہ عورتوں اور بوڑھوں پر آج امن عالم کے علمبرداروں کو یوکرائن میں قتل ہونے والے انسان نظر آتے ہیں اور آے دن کسی نہ کسی طرف سے آواز اٹھ رہی ہے مگر ان امن کے علمبرداروں کو نہ فلسطین نظر آتا ہے نہ یمن نہ عراق نہ افغانستان۔

انہوں نے کہا کہ یہ اسرائیلی اور اس کے تعلق دار کسی بھی مسلک سے تعلق رکھنے والے ہوں سب ظالم ہیں اور ہم ان کے مقابلے میں مظلوموں کی حمایت اعلان کرتے ہوئے ہیں اور یہ حمایت اسلیے نہیں کہ یہ مسلمان ہیں بلکہ اسلیے کہ یہ انسان ہیں اور کسی بھی مکتب فکر میں انسانیت پر ظلم کرنے کی اجازت نہیں دی گئی ہے بلکہ جانوروں کے ساتھ بھی وہ سلوک نہیں کیا جاتا جو اسرائیلی درندے انجام دے رہے ہیں۔

انہوں نے کہا کے امریکہ کو دوسرے ممالک میں مداخلت اور اپنی حکمرانی کا جنوں ہے لیکن وہ یاد رکھے کے ہمارے وطن عزیز کے اندرونی معاملات میں مداخلت امریکہ کو بہت مانگا پڑے گا انہوں نے کہا کے ہم شضیت پرست نہی ہیں لیکن جو امریکہ کا مخلاف ہو گا ہم اس کے ساتھ کھڑے ہیں اور وطن عزیز کے لئے کسی بھی قربانی سے گریز نہی کریں گے انہوں نے کہا کے امریکی مداخلت پر ہماری خاموشی وطن عزیز کے لئے سنگین خطرات کا باعث ثابت ہو سکتی ہے۔

وحدت نیوز(ملتان) قبلہ اول کی آزادی اور مظلوم فلسطینیوں کی حمایت میں عالمی یوم القدس کے موقع پر مرکزی امام بارگاہ چوک کمہارانوالہ سے مجلس وحدت مسلمین ضلع ملتان و جامعہ شہید مطہری ملتان کے زیراہتمام ایک عظیم الشان مرکزی احتجاجی ریلی نکالی گئی۔ جس کی قیادت علامہ قاضی نادر حسین علوی، علامہ غلام مصطفی انصاری، مولانا علامہ وسیم عباس معصومی، سیلم عباس صدیقی، انجئنیر مہر سخاوت، سید اقبال مہدی ایڈووکیٹ نے کی۔ شرکا سے خطاب کرتے ہوئے علامہ قاضی نادر حسین علوی نے کہا کہ فلسطینی ریاست کے قیام اور قبلہ اول کی آزادی تک ہماری جدوجہد جاری رہے گی۔ قبلہ اول پر اسرائیلی ناجائز قبضے کی شدید مذمت کرتے ہیں۔ یوم القدس تمام مظلوموں کی حمایت کا دن ہے۔ اسرائیلی ظلم و زیادتی کی انتہا ہو چکی مگر افسوس اقوام متحدہ نے ہمیشہ دوغلے پن کا مظاہرہ کیا ہے۔ قائداعظم محمد علی جناح بانی پاکستان نے بھی اسرائیل کو ناجائز ریاست قرار دیا تھا۔

رہنمائوں نے مزید کہا کہ مسلمان قبلہ اول پر یہودیوں کے قبضے کو کسی صورت برداشت نہیں کریں گے۔ تمام عالم اسلام یکجا ہو کر اسرائیل سے قبلہ اول اور بیت المقدس کو بحال کرواکر یہودیوں سے آزاد کروائیں۔ ریلی میں مولانا امیر ساقی، مولانا مجاہد جعفری، مولانا غلام جعفر انصاری، حسنین علی انصاری، مظہر کات، ممتاز حسین ساجدی، مولانا صابر حسین، مولانا فرمان، حسن رضا، غدیر شیرازی، علی گیلانی شرکت کی۔ مظاہرین نے اسرائیلی جارحیت کے خلاف پلے کارڈ اٹھا رکھے تھے۔ اس موقع پر اسرائیلی پتلا اور پرچم نذر آتش کیا گیا۔

وحدت نیوز(رحیم یارخان)عالمی یوم القدس اور قبلہ اول کی استعمار سے آزادی و مظلوم فلسطینیوں کے حق میں مرکزی امام بارگاہ حیدری ٹرسٹ رحیم یار خان سے بعد نماز جمعہ احتجاجی ریلی نکالی گئی، جس سے مقامی علمائے کرام اور مجلس وحدت مسلمین جنوبی پنجاب کے ڈپٹی سیکرٹری جنرل غلام اصغر تقی نے خطاب کیا اور امریکہ و اسرائیل اور دیگر استعماری طاقتوں کے خلاف عالم اسلام کو متحد ہونے کا پیغام دیا،

اُنہوں نے تمام عالمی طاقتوں کو یہ باور کرایا کہ مسلمان کسی صورت اسرائیلی تسلط و ناجائز قبضہ کو مزید برداشت نہیں کریں گے اور نہ ہی اسرائیل کا وجود کو تسلیم کیا جائے گا۔ جلوس کے شرکا نے امریکہ اور اسرائیل کے خلاف بینرز اور پوسٹرز اٹھا رکھے تھے جن پر استعمار کے خلاف بھرپور مذمتی پیغامات درج تھے۔ اس موقع پر امریکی اور اسرائیلی پرچم نذر آتش کئے گئے اور ساتھ ساتھ امریکی صدر جوبائڈن کا پتلا بھی نذر آتش کیا گیا۔ مجلس وحدت مسلمین کے مقامی اور علاقائی یونٹس کے کارکنان کی کثیر تعداد موجود تھی۔

وحدت نیوز(نجف اشرف) مجلس  وحدت  مسلمین  نجف  اشرف  کے  دفتر  میں  یوم  القدس  کی  مناسبت  سے  ایک  پروگرام  کا  انعقاد  کیا  گیا  جس  میں  سب  سے  پہلے  اذان  مغرب  کے  بعد  باجماعت  نماز  ادا  کی  گئی  اس  کے  بعد  مختصر  افطاری  کروائی  گئی  پھر  باقاعدہ  پروگرام  کا  آغاز  تلاوت  قرآن  پاک  سے  قاری  صابر  علی  مؤذنی  نے  کیا  اور  پھر  مرکزی  خطاب  حجة  الإسلام  و  المسلمين  آیة  الله  سماحة  السيد  نسيم  عباس  نقوی  النجفی  صاحب  کا تھا  آخر  میں  شرکاء  کیلئے عشائیہ کا اہتمام کیا گیا تھا۔

وحدت نیوز(اصفہان) مجلس وحدت مسلمین شعبہ اصفہان کی جانب سے بمناسبت یوم القدس ایک نشست کا اھتمام کیا گیا جس میں حجت الاسلام والمسلمین آقای احمد مقیمی زید عزہ دبیر مجمع انقلاب اسلامی نے خطاب کیا پروگرام کے اختتام پر طلاب کے لیئے دعوت افطار کا اہتمام کیا گیا تھا۔

وحدت نیوز(قم) گزشتہ شب مجلس وحدت مسلمین شعبہ قم ایران نے یوم القدس اور جمعۃ الوداع  کے موقع پر افطاری اور ایک تحلیلی نشست کا اہتمام کیا۔حالات حاضرہ کی تحلیلی نشست سے خطاب کرتے ہوئے حجۃ الاسلام ڈاکٹر سيد شفقت حسين شيرازی مسئول امور خارجہ مجلس وحدت مسلمین پاکستان نے کہا کہ  مردہ باد امریکہ کا نعرہ ہم نے حضرت امام خمینی اور قائد شہید عارف حسینی سے سیکھا ہے۔ آج اگر پاکستان کے ایوانوں میں مردہ باد امریکہ کی بازگشت سنائی دے رہی ہے تو یہ حضرت امام اور قائد شہید کے نظریاتی فر زندوں کی فتح ہے۔ تفصیلات کے مطابق انہوں نے  ابتدا میں  مسئلہ فلسطین کے پسِ منظر پر روشنی ڈالی۔ ان کے مطابق آج استعماری اور قابض طاقتیں فلسطینیوں کو ظالم جب کہ قابض صہیونیوں کو مظلوم بنا کر پیش کر رہی ہیں۔

اُن کا کہنا تھا کہ حضرت امام خمینی کی بصیرت  اور اسلامی انقلاب کے ثمرات کی وجہ  سے  یہ مسئلہ آج تک دبنے نہیں پایا۔  آگے چل کر انہوں نے پاکستان میں استعمار شناسی اور مردہ باد امریکہ کے حوالے سے آئی ایس او پاکستان کی شاندار تاریخ کا ذکر بھی کیا۔ اس موقع پر انہوں نے  مجلس وحدت مسلمین کے سربراہ حجۃالاسلام علامہ راجہ ناصر عباس جعفری کا بھی ذکر کیا۔ ان کے مطابق  موجودہ صورتحال میں مجلس وحدت کے سربراہ نے قائد شہید  کے افکار و نظریات کے عین مطابق بصیرت اور دوراندیشی پر مبنی کردار ادا کیا ہے۔

انہوں نے کہا کہ علامہ راجہ ناصر عباس نے شجاعت اور جرات  کے ساتھ پاکستان میں بیرونی مداخلت اور پاکستان کی آزادی وخود مختاری کے لئے ٹھوس  موقف اختیار کیا ہے۔  ان کا کہنا تھا کہ  امریکہ اور استعمار کے خلاف جو آواز پہلے صرف انقلابی طبقے کی آواز تھی، آج وہ پورے پاکستان کی آواز بن چکی ہے۔ ان کے مطابق ہمیں عمران خان کی مخالفت کی وجہ سے امریکہ کی دشمنی ترک نہیں کرنی چاہیے۔ عمران خان اور پاکستانی عوام کے امریکہ کے خلاف جو بھی اقدامات ہیں انہیں سراہا جانا چاہیے اور  عوامی لہر کو  قومی شعور میں تبدیل کرنا چاہیے۔

وحدت نیوز(کشمور) مجلس وحدت مسلمین پاکستان ضلع کشمور ایٹ کندھ کوٹ کے سربراہ میر فائق علی جکھرانی کا ٹاؤن غوث پور کا دورہ ۔مختلف مذھبی جماعتوں کے 30 سے زائد عہدیداران اور کارکنان نے مجلس وحدت مسلمین کی مذہبی و سیاسی کارکردگی سے متاثر ہو کر باضابطہ طور اعلان کیا ۔

مجلسِ وحدت مسلمین پاکستان ضلع کشمور ایٹ کندھ کوٹ کے سربراہ میر فائق علی جکھرانی نے شمولیت کرنے والے دوستوں کو خوش آمدید کہا اور شکریہ ادا کیا ۔ اس موقع پر ضلعی رہنما صابر حسین کربلائی ، ڈاکٹر احسان علی شیخ اور عبدالرزاق شیخ بھی ہمراہ تھے ۔

وحدت نیوز (لاہور) یوم القدس کے موقع پر مجلس وحدت مسلمین پاکستان کے زیر اہتمام فلسطین، کشمیر اور یمن کے مظلومین کی حمایت میں لاہور سمیت اسلام آباد، کراچی، پشاور، کوئٹہ، فیصل آباد، گلگت بلتستان، آزادکشمیر اور ملک کے مختلف شہروں میں احتجاجی ریلیاں نکالی گئیں۔جن میں مختلف شعبہ ہائے زندگی سے تعلق رکھنے والے افراد نے سینکڑوں کی تعداد میں شرکت کی۔ مظاہرین نے پلے کارڈز اور بینرز اٹھا رکھے تھے جن پر اسرائیل،امریکہ اور بھارت کے خلاف نعرے درج تھے۔ریلیوں کی قیادت ایم ڈبلیو ایم کے مرکزی و صوبائی قائدین نے کی۔مقررین نے اپنے خطابات میں فلسطین کی آزادی اور اسرائیل کی نابودی کو یقینی قرار دیا۔انہوں نے کہا کہ غاصب صیہونی ریاست اسرائیل کو تسلیم کرنے والے مسلم حکمران امت مسلمہ کے بدترین خیانت کارہیں۔

 لاہور میں مرکزی ریلی کا آغاز نماز جمعہ کے بعد جامع مسجد صاحب الزمان حیدر روڈ اسلام پورہ سے ہوا جس کی قیادت ایم ڈبلیو ایم کے صوبائی ڈپٹی سیکرٹری جنرل علامہ سید حسن رضا ہمدانی اور امامیہ سٹوڈنٹس آرگنائزیشن لاہور ڈویژن کے صدر حیدر ثقفی نے کی۔ ریلی کے شرکا نے مال روڈ سے گزرتے ہوئے پنجاب اسمبلی ہال تک مارچ کیا۔ تخت لاہور کی فضا امریکہ کا جو یار ہے غدار ہے غدار کے فلک شگاف نعروں سے گونجتی رہی۔

شرکا سے خطاب کرتے ہوئے مقررین نے کہا کہ القدس بیدار، زندہ اور باضمیر لوگوں کا دن ہے۔حکیم الامت ، بت شکن امام خمینی کے بابصیرت اور دانشمندانہ اعلان کے باعث آج دنیا کے ہر کونے سے صہیونی مظالم کے خلاف آواز بلند ہونا شروع ہو گئی ہے۔ عالمی یوم القدس کسی مخصوص مکتبہ فکر کا دن نہیں بلکہ آج کے روز دنیا بھر میں شیعہ سنی مسلمان مل کر یوم القدس منا رہے ہیں۔

انہوں نے کہا کہ باطل نظام حکومت اورفکر کے خلاف امام عالی مقام حضرت حسین علیہ السلام مزاحمت کا سب سے بڑا استعارہ ہیں۔ہم اس امام برحق کے ماننے والے ہیں جنہوں نے فاسق وقت کی بیعت پر شہادت کو ترجیح دی۔اسرائیل و امریکہ اس دور کے بدترین فاسق اور اسلام دشمن ہیں۔ان کے خلاف میدان میں نکلنا حسینی ہونے کا ثبوت ہے۔فلسطین ، کشمیر اور یمن میں ظالموں اور غاصبوں کے خلاف مزاحمت کاروں کی ہم مکمل حمایت کرتے ہیں۔بلاشمہ حماس اور جہاد اسلامی کا کردار لائق تحسین ہے۔

انہوں نے کہا کہ اسرائیل کی غاصب ریاست کو تسلیم کرنے والے اسلام اور امت مسلمہ کے غدار ہیں۔اسرائیل کی کشتی میں سوراخ ہو چکا ہے جو کوئی اس پر سوار ہو گا ڈوبنا اس کا مقدر ہو گا۔انہوں نے کہا بانی پاکستان قائد اعظم محمد علی جناح اور شاعر مشرق علامہ محمد اقبال نے ہمیشہ فلسطین کے عوام کے حقوق کی بات کی ہے۔ وہ اسرائیل کو ایک غاصب ریاست قرار دیتے تھے۔پاکستان کے حکمران بانی پاکستان کی اس فکرپر عمل کرنے کے اصولی و اخلاقی طور پر پابند ہیں۔ اسلامی ممالک کو یوم القدس سرکاری سطح پر منانے کا اعلان کر کے مظلومین فلسطین سے اپنی مذہبی وابستگی کا اظہار کرنا چاہئے۔

انہوں نے کہا کہ امریکہ عالم اسلام کا سب سے بڑا دشمن ہے۔ جو حکمران امریکہ کواپنا خیرخواہ سمجھتے ہیں وہ مغالطے میں ہیں۔ اپنے مقاصد کے لیے مسلم حکمرانوں کو استعمال کرکے عبرتناک انجام سے دوچار کرنا امریکہ کا پرانا حربہ ہے۔مادر وطن کی سالمیت و بقا کے لیے ملک سے امریکی مداخلت کا خاتمہ انتہائی ضروری ہے۔ حیدر ثقفی نے ریلی کے شرکاء کا شکریہ ادا کرتے ہوئے انہیں بیدار و باضمیر قوم قرار دیا۔ ریلی کے اختتام پر امریکہ و اسرائیل کے پرچم بھی نذر آتش کئے گئے۔

وحدت نیوز(کراچی) جمعتہ الوداع عالمی یوم القدس کے موقع پر مجلس وحدت مسلمین پاکستان کے زیر اہتمام فلسطین، کشمیر اور یمن کے مظلومین کی حمایت میں کراچی، اسلام آباد، لاہور، پشاور، کوئٹہ، فیصل آباد، گلگت بلتستان اور آزادکشمیر سمیت ملک کے مختلف شہروں میں احتجاجی ریلیاں نکالی گئیں۔جن میں مختلف شعبہ ہائے زندگی سے تعلق رکھنے والے افراد نے سینکڑوں کی تعداد میں شرکت کی۔ مظاہرین نے  پلے کارڈز اور بینرز اٹھا رکھے تھے جن پر اسرائیل،امریکہ اور بھارت کے خلاف نعرے درج تھے۔ریلیوں کی قیادت ایم ڈبلیو ایم کے مرکزی و صوبائی قائدین نے کی۔

کراچی جامع مسجد نور ایمان مرکزی احتجاجی مظاہرے سے خطاب کرتے ہوئےمرکزی ڈپٹی سیکرٹری جنرل علامہ احمد نے کہا کہ القدس بیدار، زندہ اور باضمیر لوگوں کا دن ہے۔حکیم الامت ، بت شکن امام خمینی کے بابصیرت اور دانشمندانہ اعلان کے باعث آج دنیا کے ہر کونے سے صہیونی مظالم کے خلاف آواز بلند ہونا شروع ہو گئی ہے۔ عالمی یوم القدس کسی مخصوص مکتبہ فکر کا دن نہیں بلکہ آج کے روز دنیا بھر میں شیعہ سنی مسلمان مل کر یوم القدس منا رہے ہیں۔

انہوں نے کہا کہ باطل  نظام حکومت اورفکر کے خلاف امام عالی مقام حضرت حسین علیہ السلام مزاحمت کا سب سے بڑا استعارہ ہیں۔ہم اس امام برحق کے ماننے والے ہیں جنہوں نے فاسق وقت کی بیعت پر شہادت کو ترجیح دی۔اسرائیل و امریکہ اس دور کے بدترین فاسق اور اسلام دشمن ہیں۔ان کے خلاف میدان میں نکلنا حسینی ہونے کا ثبوت ہے۔فلسطین ، کشمیر اور یمن میں ظالموں اور غاصبوں کے خلاف مزاحمت کاروں کی ہم مکمل حمایت کرتے ہیں۔بلاشبہ حماس اور جہاد اسلامی کا کردار لائق تحسین ہے۔

انہوں نے کہا کہ اسرائیل کی غاصب ریاست کو تسلیم کرنے والے اسلام اور امت مسلمہ کے غدار ہیں۔اسرائیل کی کشتی میں سوراخ ہو چکا ہے جو کوئی اس پر سوار ہو گا ڈوبنا اس کا مقدر ہو گا۔انہوں نے کہا بانی پاکستان قائد اعظم محمد علی جناح اور شاعر مشرق علامہ محمد اقبال نے ہمیشہ فلسطین کے عوام کے حقوق کی بات کی ہے۔ وہ اسرائیل کو ایک غاصب ریاست قرار دیتے تھے۔پاکستان کے حکمران بانی پاکستان کی اس فکرپر عمل کرنے  کے اصولی و اخلاقی طور پر پابند ہیں۔ اسلامی ممالک کو یوم القدس  سرکاری سطح پر منانے کا اعلان کر کے مظلومین فلسطین سے اپنی مذہبی وابستگی کا اظہار کرنا چاہئے۔انہوں نے کہا کہ امریکہ عالم اسلام کا سب سے بڑا دشمن ہے۔ جو حکمران امریکہ کواپنا خیرخواہ سمجھتے ہیں وہ مغالطے میں ہیں۔ اپنے مقاصد کے لیے مسلم حکمرانوں کو استعمال کرکے عبرتناک انجام سے دوچار کرنا امریکہ کا پرانا حربہ ہے۔مادر وطن کی سالمیت و بقا کے لیے ملک سے امریکی مداخلت کا خاتمہ انتہائی ضروری ہے۔

احتجاجی مظاہرے سے صوبائی سیکرٹری جنرل علامہ باقر عباس زیدی نے اپنے خطاب میں کہا کہ جمعتہ الوداع کو دنیا بھر کی طرح پاکستان میں بھی یوم القدس منایا جائے گا۔ صدر پاکستان اور وزیر اعظم پاکستان یوم القدس کا اعلان کریں-مسجد اقصی سمیت یروشلم میں موجود تمام ادیان کے مقدس مقامات پر صہیونی حملوں کی شدید مذمت کرتے ہیں۔مسلم دنیا کے عرب و غیر عرب حکمران اسرائیل کے ساتھ تعلقات منقطع کریں۔اسرائیل ایک غاصب جعلی ریاست ہے اور فلسطین صرف فلسطینیوں کا وطن ہے ۔عرب دنیا کی جانب سے پاکستان پر اسرائیل کے ساتھ تعلقات قائم کرنے کے دباؤ کی شدید مذمت کرتے ہیں حکومت پاکستان مسئلہ فلسطین پر واضح اور دو ٹوک موقف اختیار کرے۔مسئلہ فلسطین کا منصفانہ حل فلسطینیوں کی فلسطین واپسی اور ریفرنڈم ہے۔پاکستان میں اسرائیل کی حمایت میں کام کرنے والی این جی اوز اور اداروں کے خلاف کریک ڈاؤن کیا جائے ۔فلسطین اور کشمیر کے مسائل کو پاکستان کے نصاب تعلیم کا حصہ بنایا جائے۔جامعہ کراچی میں چینی عملہ پر دہشتگردانہ حملہ کی شدید مذمت کرتے ہیں ۔امریکہ اسرائیل اور ان کے حواری پاکستان کو غیر مستحکم کرنا چاہتے ہیں۔

 احتجاجی مظاہرے میں علامہ صادق جعفری،علامہ حیات عباس، علامہ مبشر حسن،علامہ علی انور، علامہ ملک غلام عباس،ناصر الحسینی، زین رضوی سمیت دیگر موجود تھے۔مجلس وحدت مسلمین کے صوبائی و ضلعی رہنماوں نے ملک کے دیگر شہروں میں بھی القدس ریلی کا انعقاد کیا احتجاجی مظاہرے میں شرکاء نے امریکہ و اسرائیل کے پرچم نظر آتش کئے۔

Page 7 of 1222

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree