The Latest
عظمت ولایت کانفرنس ولائیوں کی امیر المومنین علیہ السلام سے عقیدت کا مظہر ہو گی، علامہ راجہ ناصر عباس
وحدت نیوز (کراچی)عوام ایسے ملک میں زندگی بسر کر رہے ہیں جس کے سیاستدان کرپٹ اور ادارے دہشت گرد وں کے سرپرست ہیں ، 50ہزار بے گناہوں کے قاتلوں سے مذاکرات کی اجازت آئین بھی نہیں دیتا، جس فوج کے 10,15جوان روز دہشت گردی کی بھینٹ چڑھ رہے ہو ں اس فوج کو سپہ سالار کیسے مذاکرات کی حمایت کر سکتا ہے ، تاریخ کے بزدل ترین حکمران پاکستانی عوام پر حکومت کر رہے ہیں ، کربلا غدیر کی جانب دعوت کا نام ہے ، ہم نے مکتب کی کربلائی طاقت کے ذریعے وقت کے یزیدوں ، فرعونوں اور نمرودوں کو شکست فاش دینی ہے ، عظمت ولایت کانفرنس ولائیوں کی امیر المومنین علیہ السلام سے عقیدت کا مظہر ہو گی ان خیالات کا اظہار مجلس وحدت مسلمین پاکستان کے مرکزی سیکریٹری جنرل علامہ راجہ ناصر عباس جعفری نے عظمت ولایت کانفرنس کی تیاریوں کے سلسلے میں جاری عوامی رابطہ مہم کے حوالے سے جامع مسجد مصطفی عباس ٹاؤن کراچی میں نماز مغربین کے اجتماع سے خطاب کر تے ہو ئے کیا ۔
ان کا کہنا تھا کہ پاکستان کی معیشت تباہی کے دہانے پر پہنچ چکی ہے ، وزیر اعظم صاحب الیکشن سے قبل عوام سے کیئے گئے کسی ایک وعدے کو بھی پو را نہیں کر سکے ، آئی ایم ایف کی خیرات سے نجات کے نعرے عوام کے لئے محض دھوکہ ثابت ہو ئے ،نو منتخب وزیر اعظم 5ماہ میں ہی آئی ایم ایف کے در پر کشکول لئے بیٹھے ہیں ، اور عوامی جذبات و احساسات اور قومی غیرت و حمیت کا جنازہ نکال رہے ہیں، عوام کی مشکلات حل کر نے کے بجائے ان میں اضافہ نواز لیگ کا ایجنڈہ ہے ،دہشت گردی کے نتیجے میں وطن عزیز کا قومی وقار خاک میں ملتا جا رہا ہے ، حکمران دہشت گردوں سے دشتہ داریاں مظبوط کر نے کی تمنا رکھے بیٹھے ہیں ۔عوام کی آخری امید افواج پاکستان ہیں ، دہشت گردی کے ناسور کو جڑ سے اکھاڑ پھینکنے کے لئے فوج قدم آگے بڑھائے ، عوام شانہ بشانہ کھڑی ہو گی ۔
ان کامذید کہنا تھا کہ حالات کی انتہائی کشیدہ صورتحال اور مظالم کے پہاڑ توڑے جانے کے باوجود ہم نے ہمیشہ استقامت کا مظاہرہ کیا ، کبھی کسی ملک دشمن قوت کے آلہ کار نہیں بنے ، جب کبھی وطن کی عزت و حرمت کی بات آئی ہم صف آول میں نظر آئے ہزارون شہداء کا خون ہماری حب الوطنی کا گواہ ہے ، پاکستان کو مسائل کی دلدل سے نکالنے کے لئے خون کے آخری قطرے تک میدان میں حاضر رہیں گے، عظمت ولایت کانفرنس پاکستان کے داخلی و خارجی مسائل کی ترجمانی کر ے گی ۔
وحدت نیوز(گلگت ) مجلس وحدت مسلمین پاکستان گلگت بلتستان نے جشن آزادی گلگت بلتستان کو دفاع وطن کنونشن کے نام منانے کا عہد کیا ہے اس کنونشن میں ملک بھر سے علماء کرام، دانشور حضرات اور سیاسی قائدین کی شرکت متوقع ہے۔ یہ کنونشن گلگت بلتستان میں امن و امان کے قیام کو فروغ دینے میں معاون ثابت ہوگا اور ظالموں، ستمگروں اور مظلوموں کے حقوق غصب کرنے والوں کی نیندیں حرام کرے گا۔یہ کنونشن آزادی کے متوالوں کو مسرو ر و شادمانی اور انقلاب گلگت بلتستان میں اپنے خون کا نذرانہ پیش کرنے والے شہیدوں، غازیوں اور مرحومین کی ارواح مقدسہ کیلئے تسکین کا باعث ہوگا۔یہ کنونشن ملک عزیز پاکستان میں جاری فرقہ واریت کے خاتمے میں ممدو معاون ہوگا۔ان خیالات کا اظہار مجلس وحدت مسلمین پاکستان گلگت بلتستان کے سیکرٹری جنرل شیخ نیئر عباس مصطفوی نے گلگت کے مختلف علاقوں میں اپنے تنظیمی دوروں کے دوران عوامی اجتماعات میں خطاب کرتے ہوئے کیا۔انہوں نے کہا کہ گلگت بلتستان کی ڈوگرہ راج سے آزادی دلوانے والے ہیروز، مجاہدین اور سپہ سالاروں کو خراج عقیدت پیش کرنے کی غرض سے ان شہیدوں، غازیوں اور مجاہدوں کے خانوادوں اور وارثین کو اس کنونشن میں مدعو کیا جائے گااور گلگت بلتستان کے ان محسنوں کو تاریخ میں ہمیشہ زندہ و تابندہ رکھنے کی غرض سے ہر سال یکم نومبر کو انتہائی تزک و احتشام کے ساتھ جشن آزادی گلگت بلتستان کو منایا جائے گا ۔
وحدت نیوز(کراچی) مجلس وحدت مسلمین پاکستان کے سربراہ علامہ راجہ ناصر عباس جعفری نے کراچی کے مقامی اسپتال میں مجلس وحدت مسلمین بلوچستان کے رہنما اور رکن صوبائی اسمبلی آغا سید محمد رضا رضوی سے ملاقات کی ، اس موقع پر ایم ڈبلیو ایم کراچی ڈویژن کے رہنمامیثم عابدی بھی موجود تھے ، علامہ راجہ ناصر عباس جعفری نے آغا رضا سے گفتگو کر تے ہو ئے کہا خدا بحق امام زین العابدین علیہ السلام آپ کو صحت کاملہ و شفائے عاجلہ عنایت فرمائے تاکہ آپ رو با صحت ہو کر دوبارہ عوام کی خدمت کر سکیں ، خیریت دریافت کر نے کے بعد دونوں رہنماؤں نے قومی سیاسی صورتحال بالخصوص کوئٹہ کے حالات پر تفصیلی بات چیت کی۔
وحدت نیوز(خیرپور) مجلس وحدت مسلمین ضلع خیرپور کے رہنماؤں آغا منورعلی جعفری ،محمد اعظم عارفی،مولانا مختیار علی خیرپور پریس کلب میں پریس کانفرنس کرتے ہوئے کہا کے 27اکتوبر کو عظمت ولایت کانفرنس کراچی میں شرکت کے لئے قافلے ضلع بھر سے روانہ ہو نگے ، ضلعی انتظامیہ شرکاء کی جان و مال کے تحفظ کو یقینی بنائے اور خیر پور سے کراچی تک قافلے کو مکمل سکیورٹی فراہم کی جائے ۔رہنماؤں کا کہنا تھا کہ کارکنان اور اہلیان خیر پور عظمت ولایت کانفرنس میں بھر پو رشرکت کے لئے آمادہ ہیں ۔ خواتین کی بھی کثیر تعداد عظمت ولایت کانفرنس میں شرکت کر ے گی۔
وحدت نیوز(کوئٹہ) مجلس وحدت مسلمین کے میڈیا سیل سے جا ر ی کر وہ بیا ن میں گزشتہ روز لا ہور میں غلام رضا جعفری کی شہا دت پر دلی غم و غصے کا اظہا ر کر تے ہو ئے کہا گیاکہ گزشتہ کئی سالوں سے جا ری ملت تشیع کے فر زندوں کی ٹا رگٹ کلنگ کی ہم بھر پور مذمت کر تے ہیں۔ پنجاب کے مختلف علاقوں میں جا ری ملت تشیع کی ٹا رگٹ کا سلسلہ دن بہ دن بھٹرتی جا رہی ہے جو تشویش ناک ہے اور پنجاب حکومت ان واقعا ت کی روک تھا م میں مکمل نا کا م نظر آرہی ہے دہشت گرد دن دھاڈے کھلے بازار میں معصوم اور بے گناہ افراد کو نشا نہ بنا کر آرام سے فرار ہو جا تے ہیں اور قانون نافذ کرنے والے ادارے اور پولیس تما شا ئی بنی رہتی ہیں۔ گزشتہ روز کا واقعہ پنجاب حکومت کے بڑے بڑے دعوں کی نفی کر تی ہے اور یہ با ت ظا ہر کرتی ہے کہ حکومت عوام کی جا ن و مال کے تحفظ میں سنجیدہ نہیں اسی لئے ہر گزرتے دن کیساتھ دہشت گر دی کے واقعات میں اضافہ ہو رہا ہیں اور ملت جعفریہ سے تعلق رکھنے والے افراد کو چن چن کر نشا نہ بنا یا جا رہا ہے۔بیان میں حکومت پنجاب سے مطا لبہ کیا گیا کہ پنجا ب میں بڑھتی ہو ئی دہشت گردی اور ٹا رگٹ کلنگ کے واقعا ت کی روک تھام کیلئے واضح حکمت عملی کا اعلان کرتے ہو ئے ملت جعفریہ سے تعلق رکھنے والے افراد کی ٹا رگٹ کلنگ کا نوٹس لیں اور دہشت گردوں کے نیٹ ورک کا قلع قمع کیا جائے۔
بیان میں اے این پی کے رہنماء اربا ب عبدالظا ہر کے اغواء کی مذمت کر تے ہوئے اسے حکومت اور سکیورٹی اداروں کی غفلت قرار دیا گیااورانہیں جلد از جلد بازیاب کرانے اور اغواء کاروں کو گرفتار کر کے کیفر کردار تک پہنچانے کا مطالبہ کیا گیا۔ بیان میں شہید غلام رضا جعفری کے اہل خا نہ سے دلی ہمدردی اور تعزیت کر تے ہو ئے ان کی بلندی در جات کیلئے تمام مو منین سے خصو صی دعا کا التما س کیا گیاہے۔
وحدت نیوز(کوئٹہ) ایم ڈبلیوایم میڈیا سیل سے جا ری کر دہ بیان کے مطا بق گزشتہ روز مجلس وحدت مسلین کے ممبر صوبا ئی اسمبلی سید محمدرضا نے مو من آبا د گرلز ہائی سکول کے تقریب میں بطور مہما ن خصو صی شرکت کی جس میں علاقے کے تما م سکولوں کے پرنسپل صا حبا ن اور مختلف شعبہ ہا ئے زندگی سے تعلق رکھنے والے افراد اور معزین نے شرکت کی تقریب سے خطا ب کر تے ہو ئے سید محمد رضا نے کہا کہ موجودہ دور میں طلباء و طا لبا ت کی اولین تر جیح حصو ل علم ہو نا چا ہیے کیونکہ اس تر قی یافتہ دور میں تعلیم کی بے پناہ اہمیت ہے اور تما م افراد قوم ، طلباء وطالبات ، والدین ،اور اسا تذہ کو اس پر بھر پو ر توجہ دینی چا ہیے۔ طلباء مستقبل کے معما ر ہو تے ہیں اور انہیں کی وجہ سے قو مے اور معا شرے ترقی کیا کر تی ہیں ۔اسی طرح اسا تذہ کاکر دار بھی اس حوالے سے بہت اہم ہے اور اچھے اسا تذہ ہی بہترین طلباء کی تر بیت کر سکتے ہیں اور مجھے اس با ت پر فخر ہے کہ میں بھی اس درس و تد ریس کے شعبے سے منسلک رہا ہوں۔ تقریب کے آغا ز سے پہلے سکول کی پرنسپل نے ایم پی اے سید محمد رضا کو اپنے سکول کو در پیش مشکلات سے آگاہ کیاجس پر انہوں نے پرنسپل کو ہر طرح کے تعاون کی تقین دہانی کرائی اور سکول کی تیسری منزل کا تعمیراتی کام اپنے فنڈ سے مکمل کرنے کا اعلان کیا اسکے علاوہ اسٹا ف روم اور لائیبریری کیلئے فرنیچر اور نمایاں کارکردگی کا مظاہرہ کر نے والے طالبات کیلئے انعامات کا بھی اعلان کیا۔
مجلس وحدت مسلمین کے ایم پی اے سید محمد رضا نے عید کے روز اپنے بیان میں اجتماعی فا تحہ خوانی اورلوگوں سے عید نا ملنے پر عوام سے معزت کی کیونکہ وہ عید سے ایک دن پہلے طبیعت کی خرابی کی وجہ سے ہسپتال میں داخل ہوئے تھے اور عید کے تینوں دن ہسپتال میں رہے اور تا حال زیر علاج ہے۔
وحدت نیوز(حیدرآباد) مجلس وحدت مسلمین ضلع حیدرآباد کی جانب سے 27اکتوبر بروز اتوار نشترپارک کراچی میں عظمت ولایت کانفرنس کے حوالے سے مجلس وحدت مسلمین ضلع حیدرآباد کے سیکریڑی جنرل مولانا امدادعلی نسیمی نے مختلف علاقوں کے دورے کیے جس میں ٹنڈو جام ، ٹنڈ و سعید خان ،ٹنڈو آغا ، لطیف آباد ، قاسم آباد ، اللہ داد چند گوٹھ ، بھٹائی ٹاؤن ، جمال شاہ کاپڑ ، حر کیمپ گاڑی کھاتہ ،محفلِ حسینی،کربلا دادن شاہ ، ٹنڈو طیب ، ٹنڈو یوسف ، وحدت کالونی ، حسین آباد ، ٹنڈو ولی محمد ، ہیر آباد ، لالو لاشاری ، کراچی موری ، شاہ بخاری ، باقرانی گوٹھ ، ان علاقوں میں لوگوں کا بڑا جوش وخروش دیکھنے میں آیا عظمت ولایت کانفرنس میں جانے کیلئے تمام علاقوں کے مومنین نے لبیک یا حسین کے نعرے لگا کر یقین دہانی کرائی کے انشاء اللہ ہم سب کے سب عظمت ولایت کانفرنس میں شریک ہوگے ۔
عظمت ولایت کانفرنس کی عوامی رابطہ مہم کے حوالے سے لطیف آباد سادات کالونی میں مجلس وحدت مسلمین صوبہ سندھ کے ڈپٹی سیکریڑی جنرل برادر عالم کربلائی نے ISO حیدرآباد ڈویژن کے صدر برادر عباس زیدی سے ملاقات کی ، آئی ایس او کے برادران کو عظمت ولایت کانفرنس میں شرکت کی دعوت دی گی اور انہیں بائی پاس پر استقبالیہ کیمپ لگانے اور اسکاؤٹس رضاکاروں کی خدمات کے حصول کی بھی گذارش کی۔
عظمت ولایت کانفرنس کی عوامی رابطہ مہم کے اختتامی مراحل میں جمعہ کو بعد نماز مغرب لطیف آباد امامیہ مرکزی ٹرسٹ سے عظیم الشان عظمت ولایت موٹر بائک ریلی کا انعقاد کیا جائے گا ، جس میں ضلع بھر سے کارکنان اور عوام بھر پو ر شرکت کریں گے۔
وحدت نیوز(لاہور) وحدت یوتھ ونگ کے مسئولین کا کہنا ہے کہ پنجاب سمیت ملک بھر میں محرم الحرام میں اپنے فرائض کی بجا آوری کے لیے تمام تحصیلوں میں رضا کاروں کی تربیتی اور مشاورتی نشستیں جاری ہیں۔ اس سلسلہ میں ضلع سرگودہا میں بھی وحدت اسکاوٹس کی سرگرمیاں زور و شور سے جاری ہیں۔ وحدت اسکاوٹس کے تنصیر شہیدی نے بتایا کہ ضلع کے تمام علاقوں میں روابط مکمل کر لیے گئے ہیں، کوٹ مومن، بھلوال اور سرگودھا کی تحصیلوں میں رضا کاروں کی نشستیں ہوچکی ہیں جبکہ تحصیل ساہیوال اور دیگر علاقوں میں چند دن کے اندر یہ امور مکمل کر لیے جائیں گے۔ ان کا کہنا تھا کہ وحدت اسکاوٹس محرم الحرام میں فعال کردار ادا کریں گے کیونکہ یہ خدمات انجام دینا ہمارا دینی فرض بھی ہے اور حالات کا تقاضا بھی۔
وحدت نیوز(شیخوپورہ ) خیر العمل فاونڈیشن پاکستان کے زیر اہتمام صوبہ پنجاب کے حالیہ سیلاب سے متاثر علاقوں جھنگ، راجن پور، شیخوپورہ اور لیہ میں عید قربان پر اجتماعی قربانی کی گئی ۔ اس اجتماعی قربانی کا مقصد سیلا ب سے متاثرہ لوگوں کو عید کی خوشیوں میں شریک کرناتھا۔اس مقصد کے لئے ان علاقوں میں قربانی کے لئے بڑے جانور خریدے گئے۔سنت ابراہیمی پر عمل کرتے ہوئے ان جانوروں کو ذبح کرنے کے بعد ان کا گوشت مستحقین میں تقسیم کیا گیا۔خیر العمل فاونڈیشن پنجاب نے ان علاقوں میں اپنے ممبران کی خصوصی ٹیمیں تشکیل دے رکھی تھیں۔ جنہوں نے دوردراز علاقوں میں گوشت تقسیم کیا ۔تقریباً 1300 خاندانوں میں قربانی کا گوشت تقسیم کیا گیا۔