وحدت نیوز(سیہون شریف) وحدت یوتھ پاکستان سندھ کے زیر اہتمام سیہون شریف میں یوتھ مسؤلین کے لئے دو روزہ تربیتی ورکشاپ کا انعقاد کیا گیا جس میں سندھ بھر کے تمام اضلاع بشمول سکھر، خیرپور میرس، کراچی شرقی، کراچی غربی، کراچی وسطی، کراچی جنوبی اور کورنگی ڈسٹرکٹ سمیت لاڑکانہ، حیدرآباد، نواب شاہ، ٹنڈو محمد خان، ٹنڈو الہ یار، سانگھڑ، نوشہرو فیروز سمیت دادو اور جامشورو سے نوجوانوں اور وحدت یوتھ کے سیکرٹری جنرل حضرات نے شرکت کی، دو روزہ تربیتی ورکشاپ کا عنوان ’’خود سازی‘‘ قرار دیا گیا تھا ۔وحدت یوتھ پاکستان سندھ کے زیر اہتمام منعقدہ دو روزہ تربیتی ورکشاپ ’’خود سازی‘‘ میں مجلس وحدت مسلمین پاکستان سندھ کے سیکرٹری جنرل مولانا مختار امامی نے شرکت کی اور ورکشاپ میں افتتاحی خطاب سے ورکشاپ کا آغاز کیا۔

وحدت یوتھ پاکستان کے مرکزی چئیر مین سید فضل عباس نقوی نے خصوصی شرکت کی جبکہ ان کے ہمراہ وحدت یوتھ پاکستان کے سابق مسؤل مولانا اعجاز حسین بہشتی اور وحدت یوتھ سندھ کے سیکرٹری جنرل برادر مہدی عباس اور ڈپٹی سیکرٹری جنرل ندیم جعفری سمیت وحدت اسکاؤٹس سندھ کے مسؤل مصطفی مہدی نے شرکت کی، اساتذہ کرام میں مولانا اعجاز حسین بہشتی، مولانا امداد حسین شجاعی، مولانا باقر زیدی، مولانا گلزار حیدر، مولانا طاہر کاظمی اور دیگر نے نوجوانوں سے ولایت فقیہ ، ثقافتی یلغار، کربلا اور جوان، امام زمانہ عج فرجہ شریف کا انتظا ر اور ہماری ذمہ داریاں، اسلامی تنظیموں کے کارکنان کا اخلاق سمیت تنظیم اور خود سازی کے موضوع پر لیکچر دئیے گئے۔

وحدت یوتھ پاکستان سندھ کے زیر اہتمام منعقدہ دو روزہ تربیتی ورکشاپ بعنوان ’’ خود سازی ‘ ‘ میں ستر افراد نے شرکت کی جبکہ ورکشاپ کے انتظامات اور طعام کمیٹی سمیت دیگر امور کی ذمہ داریاں ضلع دادو کے سیکرٹری جنرل وحدت یوتھ برادر اصغر حسینی نے انجام دئیے۔وحدت یوتھ پاکستان سندھ کے سیکرٹری جنرل مہدی عباس نے سیہون شریف میں کامیاب تربیتی ورکشاپ کے اختتام پر مجلس وحدت مسلمین پاکستان کے شعبہ تربیت اور مسؤل تربیت مولانا احمد اقبال ، معاون شعبہ تربیت برادر ناصر عباس سمیت سندھ بھر کے تمام وحدت یوتھ ضلعی سیکرٹری جنرل کا شکریہ ادا کیا اور دعا کی اللہ تعالیٰ ہمیں اسی طرح مزید کاموں کو انجام دینے کی توفیق عطا فرمائے، انہوں نے ورکشاپ میں شرکت کرنے والے تمام دوستوں کا بھی شکریہ ادا کیا اور ان تمام علمائے کرام کا بھی شکریہ ادا کیا کہ جو اپنی مصروفیات کے باوجود تربیتی ورکشاپ میں تشریف لائے اور لیکچر عنایت کئے۔

وحدت نیوز(کوئٹہ) مجلس وحدت مسلمین کوئٹہ ڈویژن کے بیان کے مطابقMWMکے رہنما اوررُکن صوبائی اسمبلی آغا محمد رضا نے تقریب بین المسالک کے لئے وجودمیں آنے والے مسلم یونائیٹڈکونسل پاکستان کے شرکاء سے خطاب میں کہاکہ اللہ تعالیٰ کے احکام کی پیروی اسی میں ہے کہ ہم سب آپس میں متحدہوجائیں۔سنی شیعہ مسلمانوں کو آپس میں اس طرح متحدہوناچاہیئے کہ پھرکبھی جدائی کا تصوربھی نہ کرسکیں۔یہ اسلام کا حکم ہے کہ مسلمان ایک دوسرے کے بھائی بنیں۔ اس بھائی چارے اوروحدت کا نتیجہ یہ ہوگاکہ کوئی طاقت آپ پر مسلط نہ ہوسکے گی۔اورجب تک آپ کی توجہ اورتوکل کامرکزاللہ کی ذات ہوگی آپ کے مقابلے میں آنے والی ہر قوت و طاقت نیست و نابود ہوجائے گی۔

انہوں نے کہاکہ دورحاضرمیں جہاں بعض اسلامی ممالک اپنی بادشاہت کودوام دینے کی غرض سے اسلام اورجہادکے نام پرشام اورپاکستان میں میں بے گناہ مسلمانوں کاخون بہارہے ہیں ایسے حالات میں مسلم یونائیٹڈکونسل پاکستان کا قیام ملک میں بسنے والے تمام سنی شیعہ مسلمانوں کے لئے انتہائی خوش آئنداورحوصلہ افزاں بات ہے۔انہوں نے مزیدکہاکہ مسلم یونائیٹڈکونسل پاکستان کوملکی اوربین الاقوامی سطح پرشیعہ سنی کے مابین اتحادویگانت اورملکی ترقی کے لئے دن رات کوشش کرنی چاہیئے ۔اورسنی شیعہ معتدل سوچ رکھنے والے تمام مسالک کے ماننے والوں کو اس پلیٹ فارم پررسول اکرم ؐ کے نام پریکجاکرناچاہیئے۔

آغارضاکاکہناتھا کہ پاکستان سنی شیعہ مسلمانوں کی مشترکہ کوششوں سے معرض وجودمیں آیاہے۔اورسنی شیعہ مسلمان ہی مل کر ملک کودہشت گردوں کے چنگل سے نجات دلاکرپاکستان کوبچاسکتے ہیں۔اسلام کے دشمنوں کویہ بات کسی صورت برداشت نہیں ہورہی کہ پاکستان دنیابھرمیں اسلام کی طاقت کاسرچشمہ بن کر ابھرے۔اس لئے دشمن ،قوم، مذہب اور مسلک کے نام پر ہمیں آپس میں دست و گریباں کرکے مسلمانوں کو تقسیم درتقسیم کرنے کی سازشوں میں مصروف ہے۔

اُن کاکہناتھا کہ ہمیں ملک میں سنی شیعہ اتحاداورمذہبی رواداری کو فروغ دے کراندرونی اوربیرونی سازشوں کوناکام بناناہوگا۔ سنی شیعہ مسلمان اتحادواخوت کا مظاہرہ کرکے مسلمانوں کے مابین نفرتوں کے بیچ بونے والے شرپسندعناصرکی مذموم سازشوں کوناکام بناناہوگا۔اوربلاتفریق انسانیت، امن،تعلیم اور خواتین کی ترقی کے لئے کام کرکے دنیاکو اسلام کے امن و سلامتی اورترقی پسندچہرے سے روشناس کراناہوگا۔

وحدت نیوز(لاہور) مجلس وحدت مسلمین پنجاب کے صوبائی سیکرٹری جنرل علامہ عبدالخالق اسدی نے طالبان کے ساتھ مذاکرات میں طالبان کا قیدیوں کی رہائی کا مطالبہ اور طالبا ن کی نقل و حرکت پر بات چیت کرنے پر شدید مذمت کرتے ہوئے حکومت کے اس عمل کو بزدلانہ حرکت قرار دیاہے۔ ان کا کہنا تھا کہ کیا حکومت ان طالبان کو آزاد کرے گی جنہوں نے ہزاروں بے گناہوں اور افواج پاکستان کو شہید کیا اور انکی لاشوں کو پا مال کیا اور ان کی گردنیں بھی کاٹیں گئی۔ان درندوں کو آزاد کرنے کا مطلب مزید مظلوموں کا قتل ہے۔طالبان کی رہائی شہداء کے خون سے غداری اور مذاق ہے۔حکومت کا طالبان کے ساتھ مذاکرات کے باوجود صحافی بھائی رضا رومی پر حملے جیسے واقعات ہو رہے ہیں علامہ عبدالخالق اسدی نے مزید کہا کہ تحفظ پاکستان ترمیم بل کے نام پر حکومت عوام کو پریشان کر نے کا نیا راستہ کھول رہی ہے جبکہ اصل دشمن جوملکی سلامتی کیلئے خطرہ ہیں ان کے ساتھ مذاکرات کئے جا رہی ہے دراصل طالبان سے مذاکرات کرنا طالبان کو مضبوط ہونے کیلئے وقت دینے کے مترادف ہے۔

وحدت نیوز(پشاور) مجلس وحدت مسلمین صوبہ خیبرپختونخوا کے سیکرٹری جنرل علامہ سید محمد سبطین الحسینی کچئی کے شہداء کے برسی سے خطاب کرتے ہوئے کہاکہ زندہ قومیں وہ ہوتی ہیں جو شہادت سے نہیں ڈرتی۔ اور ہمشہ میدان عمل میں ہوتی ہیں۔ علامہ سید محمد سبطین نے خطاب کرتے ہوئے مزید کہاکہ یزیدیت کی جنگ صرف عصر کی حسینیت ؑ سے نہیں بلکہ وہ مملکت خدادادپاکستان کے نظریاتی وجغرافیای سرحدوں کو کمزور کرکے بھائی کو بھائی سے لڑانا چاہتا ہے ہم نے دشمن کے عزائم کو خاک میں ملانا ہوگا اور شہداکے مشن کو جاری رکھنا ہوگاانہوں نے کہاکہ شہدا کا خون کربلا کے سید شہدا کے خون کا تسلسل ہے۔ کربلایعنی بیداری عزت کے ساتھ جیناسر کو جھکانے کی بجائے کٹانا ۔ انہوں نے علاقہ کچئی کے شہداکی طرف اشارہ کرتے ہوئے کہا کہ علاقہ کچئی کے شہداء دنیاکی تاریک راتوں میں روشنی کے وہ چراغ تھے جنہوں نے اپنے خون سے نہ صرف حسینت کو زندہ رکھا بلکہ وطن ودین کی سرحدوں کا بھی دفاع کیا اور ان سرحدوں کو ملک دشمنی کی مداخلت سے مخفوظ کیاشہداء کی ہماری دلوں پر حکمرانی ہے اور وہ اپنی اخلاص وخون کے ذریعہ ہمارے اعمال پر ناظر ہیں۔ اس لئے انکے مشن کو جاری رکھنا ہوگا۔برسی کچئی حسن خیل میں منعقد کی گئی جس میں علاقہ کے بڑی تعداد میں عوام نے شرکت کی۔