The Latest
وحدت نیوز(اسکردو) مجلس وحدت مسلمین بلتستان کے زیر اہتمام یادگار شہداء اسکردو پر بیداری ملت و استحکام پاکستان کانفرنس سے خطاب کرتے ہوئے سنی اتحاد کونسل کے مرکزی ڈپٹی سیکریٹری جنرل جواد الحسن کاظمی نے کہا کہ ہم لوگ کسی بھی بڑے مقصد کے حصول کے لیے بلخصوص پاکستان کی ترقی اور اپنے حقوق کے لیے مل بیٹھ سکتے ہیں تاکہ ملک دشمنوں کا قلعہ قمع کیا جاسکے اب وقت آچکا ہے کہ اپنے دیکھے ہوئے خوابوں کی تعبیر کے لیے سب مل بیٹھ کر اسلام اورپاکستان کے استحکام کے لیے کام کریں ہم وہ لوگ نہیں جنہوں نے قیام پاکستان سے کی مخالفت کی اور قائد کے خلاف فتوے دیتے رہے ہم وہ بھی نہیں جنہوں نے پیسے لیکر ملک میں دہشت گردی کو پروان چڑھایا بلکہ ہم وہ ہیں جنکے آباو اجداد نے اپنے خون کی قربانیاں دیں خدا کا شکر ہے کہ پاکستان کے استحکام کے لئے محب وطن سنی شیعہ متحد ہیں، کیونکہ ہنگو کے 12سال کا اعتزاز حسن بھی بخوبی جانتا ہے کہ دہشت گردوں سے کیسے نمٹا جاتا ہے حکمران بزدلی چھوڑ کرجرائت کا مظاہرہ کریں ۔
وحدت نیوز(اسکردو) جمیعت اہل حدیث بلتستان کے مرکزی رہنما مولانا محمد بلال زبیری نے مجلس وحدت مسلمین بلتستان کے زیر اہتمام یادگار شہداء اسکردو پر بیداری ملت و استحکام پاکستان کانفرنس سے خطاب کرتے ہوئے کہا کہ ہم نے ڈوگرا راج کے خلاف بھر پور مزاحمت کی اور پاکستان کے حق میں فیصلہ دیا مگر ہمیں آج تک آئینی حقوق سے محروم رکھا گیا ہمیں بتایا جائے کہ ہم کشمیری ہیں یا بلتی ہیں اگر ہمیں ہمارا حق نہ دیا گیا تو بہت جلد یہاں کی عوام کا ہاتھ ہوگا اور حکمرانوں کا گریبان ہوگا، میں آج ایک مرتبہ پھر اعلان کر تا ہوں کے آغا سید علی رضوی ہمارے قائد ہیں ، جن کی قیادت میں ہم نے گندم سبسڈی کی بحالی کی تحریک کو کامیاب بنایا ، مجلس وحدت مسلمین محروم عوام کی آواز ہے، اہلیان گلگت بلتستان کو ایم ڈبلیوایم کے ہاتھوں کو مضبوط کرنا چائیں ۔
گلگت بلتستان کی عوام کے آئینی حقوق کی آوازپاکستان کی گلی گلی میں لیکر جائیں گے،علامہ ناصرعباس جعفری
وحدت نیوز(اسکردو) مجلس وحدت مسلمین پاکستان کے سربراہ علامہ ناصر عباس جعفری نے کراچی میں ٹارگٹ کلنگ کیخلاف جمعہ کو ملک گیر یوم احتجاج کا اعلان کرتے ہوئے کہا ہے کہ جعلی الیکشن کے ذریعے برسراقتدار آنے والی کسی حکومت کو نہیں مانتے، ملک میں آزاد الیکشن کمیشن کے ذریعے متناسب نمائندگی کی بنیاد پر الیکشن کرائیں جائیں، بدقسمتی سے آج جو ہم پر حکمران مسلط ہیں وہ جھوٹے، بدکردار، کرپٹ اور لٹیرے ہیں، جو الیکشن چوری کرکے جعلی مینڈیڈیٹ لیکر جعلی حکومت بنا لیتے ہیں، ان چوروں اور انکی چوری کی ہوئی حکومت کو ہم نہیں مانتے، گلگت بلتستان کے عوام کے آئینی حقوق پاکستان کی گلی گلی میں لے کر جائیں گے، یہاں کے عوام کو تنہا نہیں چھوڑیں گے اور اشرافیہ سے عوام کے حقوق چھین کر دم لیں گے، ہم مظلوموں کی زبان بنیں گے، سیاسی تبدیلی کے لئے سیاسی سوچ میں تبدیلی لانا ہوگی۔ ان خیالات کا اظہار انہوں نے مجلس وحدت مسلمین بلتستان کے زیراہتمام اسکردو میں ہونے والی بیداری ملت و استحکام کانفرنس سے خطاب کرتے ہوئے کیا۔ کانفرنس سے سنی اتحاد کونسل کے وائس چئیرمین صاحبزادہ حسین رضا، منہاج القرآن کے مرکزی رہنما سید فرحت عباس شاہ، اہل حدیث رہنما حافظ بلال زبیری اور مجلس وحدت مسلمین پاکستان مرکزی رہنما علامہ امین شہیدی، علامہ حسن ظفر نقوی، سنی اتحاد کونسل کے رہنما جواد کاظمی، مسلم لیگ (ق) کے رہنما ظفر ریلے اور بلوچستان اسمبلی کے رکن آغا سید محمد رضا و دیگر نے بھی خطاب کیا۔
علامہ ناصر عباس کا مزید کہنا تھا کہ اپنے مقاصد حاصل کرنے کیلئے اپنے اندر تبدیلی لانا ضروری ہے اور جب ہم اپنے اندر تبدیلی لے آئیں گے اور متحد ہوجائیں گے تو پھر کوئی قوت ہمیں شکست نہیں دے سکتی، اگر ہم شیعہ سنی کے فسادات میں الجھے رہے تو پھر یہی بدکردار سیاستدان ہم پر مسلط رہیں گے، یہی وجہ ہے کہ 12 روز احتجاج کرنے کے بعد ہمیں گندم کی سبسڈی ملی، ہونا تو یہ چاہیے تھا کہ حکومت ان تمام بنیادی مسائل کا حل عوام کو ان کی دہلیز پر پہنچائے۔ انہوں نے کہا کہ جنہوں نے اس علاقے کے لوگوں کے حقوق غضب کئے، ان کے خلاف متحد ہوکر اعلان جنگ کیا جائے اور اس کے لیے یہاں کے لوگوں کو اپنے ووٹ کی طاقت کو پہچاننا ہوگا، تب ہی ہم اپنے حقوق حاصل کرسکیں گے۔ انہوں نے کہا کہ ہم مظلوموں کی آواز ہیں اور انکے حقوق کے لیے ہر سطح پر آواز اٹھاتے رہیں گے اور ہمیشہ دشمنوں کے خلاف کھل کر آواز اٹھاتے ہیں، بےشک امریکہ ہی کیوں نہ ہو، دشمن ہمیں مختلف فرقوں میں تقسیم کرکے ہم پر مسلط ہونا چاہتے ہیں، اب وقت آچکا ہے ہم اپنی مظلومیت کو چھوڑ کر متحد ہوجائیں اور ظالم حکمرانوں کو بھاگنے پر مجبور کر دیں، آج دنیا بدل رہی ہے، مگر پاکستان کے حالات ان کرپٹ حکمرانوں کی وجہ سے جوں کے توں ہیں، اب ان حکمرانوں کو چین سے نہیں بیٹھنے دینگے۔
مجلس وحدت مسلمین کے سربراہ کا کہنا تھا کہ وعدہ کرتے ہیں کہ جعلی الیکشن کے نتیجے میں بننے والی حکومتیں مسائل حل نہیں کرسکتیں، پاکستان میں ہونے والے جعلی الیکشن ہمیں قبول نہیں، آزاد اور خود مختار الیکشن کمیشن تشکیل دیا جائے جو متناسب نمائندگی کے ذریعے الیکشن کرائے،تاکہ 2 فیصد اشرافیہ کی بجائے 98 فیصد عوام کو ایوانوں میں نمائندگی مل سکے، ہم سیاست میں اختلاف کے قائل ہیں دشمنی کے نہیں، ہم برے کو نہیں برائی کو برا جانتے ہیں اور برائی کو جڑ سے اکھاڑنے کے لئے عوامی جدوجہد کے قائل ہیں۔ انہوں نے کہا کہ گلگت بلتستان پاکستان سے محبت کرنے والوں کا خطہ ہے یہ خطہ پاکستان کی فطری دفاعی لائن ہے، لیکن 65 سالوں سے حکمران انہیں نظر انداز کرتے رہے، عوامی طاقت کے ذریعے کوئٹہ کے رئیسانی کو اقتدار سے نکالا، اگر ظلم بند نہ ہوا اور کراچی اور پنجاب میں مظلوموں کا خون بہایا جاتا رہا تو کراچی، اسلام آباد، لاہور اور گلگت بلتستان کا کوئی بھی رئیسانی اقتدار میں نہیں رہیگا۔ انہوں نے جمعہ کو کراچی میں ٹارگٹ کلنگ کیخلاف ملک گیر یوم احتجاج کا اعلان کر دیا۔
وحدت نیوز(اسکردو) مجلس وحدت مسلمین پاکستان کے مرکزی ڈپٹی سیکرٹری جنرل علامہ امین شہیدی نے کہا ہے کہ گلگت بلتستان سے الیکشن جیت کر وزیراعلٰی بننے والے نے اپنے حلقہ میں بھی کوئی ترقیاتی کام نہیں کیا بلکہ لوٹ مار کرکے لاہور اور اسلام آباد میں اپنے محل تعمیر کر لئے ہیں اور اس نام نہاد عوامی نمائندے نے یہاں کی عوام کے حقوق کی کوئی بات نہیں کی، یہاں کے غیور عوام ملک کے دفاع اور محبت کا حق ہمیشہ ادا کرتے رہے ہیں۔ ان خیالات کا اظہار انہوں نے یادگار چوک اسکردو پر منعقدہ بیداری ملت و استحکام پاکستان کانفرنس کے لاکھوں شرکاء سے خطاب کرتے ہوئے کیا۔ علامہ امین شہیدی کا کہنا تھا کہ گذشتہ 67 سالوں سے گلگت بلتستان کی عوام کو ان کے بنیادی حقوق سے محروم رکھا گیا، ہر حکمران نے ہمارے حقوق پر ڈاکے ڈالے، اس کے باوجود گلگت بلتستان کی عوام نے پاکستان کا پرچم سربلند رکھا، مگر ہمیں آج تک اپنے حقوق نہیں دیئے گئے، اگر یہاں کی عوام کو انتظامی بنیاد پر کوئی عہدہ دیا بھی ہے تو وہ بے اختیار ہے۔
انہوں نے کہا کہ اپنے خطے کو اپنے زور بازو پر آزاد کروانے والے اور ان کا خطہ آج مشکلات اور مسائل میں گھرا ہوا ہے، گلگت بلتستان کی عوام نے نہ صرف اپنے طور پر آزادی حاصل کی بلکہ پاکستان کی ہر جنگ میں کھل کر اس کا ساتھ دیا، مگر کچھ وطن فروش مردہ ضمیر والے اپنی جیبیں بھرنے میں مصروف ہیں اور وہی اس خطے کی ترقی کی راہ میں سب سے بڑی رکاوٹ ہیں۔ انہوں گلگت اور بلتستان میں مقامی افراد کو چیف سیکرٹری اور فنانس سیکرٹری نہ بنائے جانے کی بھی شدید مذمت کی۔ انہوں نے کہا کہ یہ ہم سے ایک بہت بڑا بھونڈا مذاق ہے، ہم اس نظام کو اٹھا کر دریائے سندھ میں غرق کر دیں گے۔ انہوں نے کہا کہ جنہوں نے ہمارا 8 ہزار مربع میل علاقہ فروخت کیا، وہ نہ صرف ہمارے غدار ہیں بلکہ وہ پاکستان کے بھی غدار ہیں۔ انہوں نے کہا کہ ہم ڈاکوؤں کو اپنے ملک کی معدنیات لوٹنے کی اجازت ہرگز نہیں دے سکتے۔
وحدت نیوز(اسکردو) مرکزی ترجمان مجلس وحدت مسلمین مولانا حسن ظفر نقوی یادگار شہداء اسکردو پر بیداری ملت و استحکام پاکستان کانفرنس سے خطاب کرتے ہوئے نے کہا کہ آج کے یزیدوں نے ہمیں لڑانے کے لیے اربوں ڈالر خرچ کیے مگر ہمیں متحد دیکھ کر انکے سینوں پر سانپ رینگ رہے ہونگے ہمیں ڈرانے والے اور دھمکانے والوں کا ہمیشہ منہ کالا ہوا جیو اور جنگ کی کوشش رہی کہ وہ ملک میں لڑائی جاری رہے مگر اب انکا انجام قریب آچکا ہے ہم کھل کر انکی مخالفت کریں گے کیونکہ ہم اسلام اور ملک دشمن ایجنٹ نہیں ہے بلکہ ہم اسلام کے ایجنٹ ہیں ہمیں آج یہ عہد کرنا ہوگا کہ ہم آپس میں متحد رہ کر دشمنوں کی ہر سازش ناکام بنائیں گے۔
گلگت بلتستان کے عوام کو گذشتہ67سالوں سے انکے بنیادی حقوق سے محروم رکھا گیا ہرحکمران نے ہمارے حقوق پر ڈاکے ڈالے اسکے باوجود گلگت بلتستان کی عوام نے پاکستان کا پرچم سربلند رکھا مگر ہمیں آج تک اپنے حقوق نہیں دیے گے اگر کوئی عہدہ دیا بھی ہے تو وہ بے اختیارے ہیں انہوں نے کہا کہ اپنے خطے کو اپنے زور بازوپرآزادکروانے والے اور انکا خطہ آج مشکلات اورمسائل میں گھرا ہوا ہے نہ صرف اپنے طورپر آزادی حاصل کی بلکہ پاکستان کی ہر جنگ میں کھل کر اسکا ساتھ دیامگر کچھ وطن فروش مردہ ضمیر والے اپنی جیبیں بھرنے میں مصروف ہیں اوروہی اس خطے کی ترقی کی راہ میں سب سے بڑی رکاوٹ ہیں ، ان کا کہنا تھا کہ آج کا یہ عظیم الشان اجتماع آئندہ انتخابات کے لئے ایم ڈبلیو ایم کی حمایت میں عوام کا ریفرنڈم ہے،استحکام پاکستان کانفرنس کی کامیابی آئندہ انتخابات میں ایم ڈبلیو ایم کی جیت کا پیش خیمہ ثابت ہو گی، انشاء اللہ وہ وقت دور نہیں کہ جب گلگت بلتستان کے عوام قائد وحدت علامہ راجہ ناصر عباس جعفری کی شجاعانہ ، دلیرانہ اور وطن دوست قیادت میں اپنے جائز حقوق حاصل کریں گے۔
وحدت نیوز(اسکردو) مجلس وحدت مسلمین بلتستان کے زیر اہتمام یادگار شہداء اسکردو پر بیداری ملت و استحکام پاکستان کانفرنس سے خطاب کرتے ہوئے سیکریٹری سیاسیات ناصر شیرازی ایڈووکیٹ نے کہا کہ سکردو میں اس کانفرنس کا مقصد یہ تھا کہ آپ لوگوں کو بتادیا جائے کہ پورے ملک کی عوام گلگت بلتستان کے ساتھ کیونکہ جب تک یہاں کے گلیشیئر کے پانی پورے ملک کو نہیں جاتا اس وقت تک پورا ملک راشن نہیں حاصل کرسکتایہ معمولی سرزمین نہیں یہ دنیا کے بلند ترین حوصلوں کی سرزمین ہے اور حکمران زرا بتائیں کہ کارگل اور سیاچن کس نے بچایا تھا جبکہ حکمران یہ بھی بتادیں کہ ٓادھاملک کس نے گنوا یا تھا ہم نے اپنے زور بازو پر آزادی حاصل کرکے تحفہ میں یہ خطہ پاکستان کو دیدیایہاں کے عوام غیرتمند ہیں یہاں کے منرل پورے ملک کودیتے ہیں اہل گلگت کو آئینی اور قانونی حقوق نہ دیے گئے تو پھر ہم ہر اس سرحدکو پا رکرجائیں جو حکمرانوں نے اپنے ایوانوں کے بچاؤ کے لیے لگا رکھی ہے انہوں نے کہاکہ دہشت گردوں کو حکومت اور اقتدار میں شامل نہیں ہونے دیں گے ان سے نمٹنا ہمیں آتا ہے ۔مجلس وحدت مسلمین گلگت بلتستان کے آئندہ الیکشن میں اپنا بھر پور کردار ادا کرے گی اور تمام مکاتب فکر کو اکھٹا کر کے سیاسی فرعونوں سے نجات حاصل کرے گی۔
وحدت نیوز(اسکردو) مجلس وحدت مسلمین بلتستان کے زیر اہتمام یادگار شہداء اسکردو پر بیداری ملت و استحکام پاکستان کانفرنس سے خطاب کرتے ہوئے ایم ڈبلیوایم کے رکن بلوچستان اسمبلی سید آغا محمد رضانے کہا کہ ملک دشمن قوتیں پاکستان میں استحکام پیدا نہیں ہونے دیتی یہی وجہ تھی کہ کوئٹہ میں الیکشن کے دوران بم دھماکے کیے گئے تاکہ عوام خوف زدہ ہوکر گھروں میں محصور ہوجائیں مگرغیور عوام نے ملک دشمنوں کو شکست سے دوچار کیا انہوں نے کہا کہ ملالہ پر حملہ ہوتا ہے تو قابل مزمت ،حامد میر پر ہو تو بھی قابل مزمت مگر جب دہشت گرد دہشت گردی کرتے ہیں تو وہ قابل مزمت ہی نہیں بلکہ قابل مرمت بھی ہیں ہم ملک سے دہشت گردی کا خاتمہ کرکے دم لیں گے ، انہوں نے مذید کہا کہ آج 70سال ہوچکے ہیں مگر اس خطہ کو جان بوجھ کر نظر انداز کیا گیاہر حکمران نے ہمیشہ نیانعرہ لگاکر ہمیں لالی پوپ دینے کی کوشش کی مگر اب ہم ان جھوٹے حکمرانوں کے جھوٹے نعروں میں نہیں آئیں گے اب حالات پہلے جیسے نہیں ہیں ملک دشمنوں کی نظریں اس خطے پر جم چکی ہیں اور جب تک گلگت بلتستان کا علاقہ مستحکم نہیں ہو گا اس وقت تک پاکستان بھی مستحکم نہیں ہوگا۔
وحدت نیوز(کراچی) مختلف مکاتب فکر کے علمائے کرام و عمائدین کے اعلیٰ سطحی وفد نے کیبل آپریٹر ایسوسی ایشن (رجسٹرڈ) کے چیئرمین اور مرکزی صدر سے ملاقات کی ہے ، ملاقات میں مختلف مکاتب فکرکے علمائے کرام اور عمائدین میں مجلس وحدت مسلمین پاکستان صوبہ سندھ کے سیکرٹری جنرل مولانا مختار امامی، سید علی حسین نقوی، عالم کربلائی،آصف صفوی ، مولانا نشان حیدر،جعفریہ الائنس پاکستان کے مرکزی سینئر نائب صدر مولانا محمد حسین مسعودی ، سنی تحریک کے مرکزی رہنما مطلوب اعوان، مرکزی تنظیم عزاء کے صدر سلمان مجتبیٰ نقوی ، پاکستان عوامی تحریک کے رہنما قیصر اقبال قادری، ذاکرین امامیہ کے صدر علامہ نثار قلندری،آئی ایس او کے رہنما قاسم نقوی، امامیہ آرگنائزیشن کے رہنما رضا جعفری، مرکزی جماعت اہلسنت کے صدر مولا عبد الغفار سومرو سمیت افتخار مہدی، اور دیگر شریک تھے جبکہ کیبل آپریٹر ز ایسوسی ایشن (رجسٹرڈ) کی جانب سے چیئرمین غفران مجتبیٰ، مرکزی صدر کیپٹن (ر) جبار احمد خان سمیت ملک عارف اور دیگر بھی موجود تھے۔
اجلاس میں مختلف مسالک سے تعلق رکھنے والے مکاتب فکر کے علمائے کرام اور عمائدین نے مشترکہ طور پر کیبل آپریٹر ایسوسی ایشن (رجسٹرڈ) کے مرکزی صدر اور چیئرمین سے مطالبہ کیا کہ جیو اور جنگ گروپ کی جانب سے کی جانے والی توہین اہلبیت علیہم السلام پر جیو کو فی الفو ملک بھر میں بند کر دیا جائے، ان کاکہنا تھا کہ جیو ٹی وی کی جانب سے آل رسول اکرم (ص) کی شان میں کی جانے والی گستاخی نا قابل معافی ہے اور پوری قوم سمیت دنیا بھر میں بسنے والے ڈیڑھ ارب مسلمانوں کے جذبات کو مجروح کیا گیا ہے تاہم قوم جیو ٹی وی کو کبھی معاف نہیں کرے گی۔
مختلف مکاتب فکر کے علمائے کرام اور عمائدین کاکہنا تھا کہ پیمرا کو چاہئیے کہ جیو ٹی وی کے خلاف سخت کاروائی عمل میں لائی جائے ، انہوں نے مزید کہا کہ وزارات نشریات و اطلاعات سمیت وزارت مذہبی امور نیاس معاملے پر کسی قسم کا کردار ادا نہیں کیا جو حکومت کی بے حسی کا منہ بولتا ثبوت ہے انہوں نے حکومت سے مطالبہ کیا کہ پیمرا کے ذریعے فی الفور توہین اہلبیت علیہم السلام کے خلاف سخت نوٹس لیا جائے اور عوام کی امنگوں کی ترجمانی کرتے ہوئے جیو ٹی وی کی نشریات کو فی الفور بند کر دیا جائے۔تنظیموں کے وفد کاکہنا تھا کہ ایک ایسا ضابطہ اخلاق متعارف کروایا جانا چاہئیے کہ کس بھی ٹی وی چینل کو ایسی غلطیوں پر سخت سے سخت سزا دی جانی چاہئیے انہوں نے واضح کیاکہ ہم کسی سے زاتی دشمنی نہیں رکھتے تاہم کوئی بھی شعائر اللہ کی توہین کرے گا تو ہم خاموش نہی رہین گے اور جرم کے مرتکب ٹی وی چینلز کو سزا دی جانی چاہئیے، انہوں نے مطالبہ کیا کہ جیو ٹی وی کو عبرت ناک سزا دی جائے تا کہ دوسروں کو بھی نصیحت حاصل ہو سکے۔
مختلف مکاتب فکر کے علماء کرام اور عمائدین سے گفتگو کرتے ہوئے کیبل آپریٹر ایسوسی ایشن کے مرکزی صدر کیپٹن (ر) جبار احمد خان نے کہا کہ کیبل آپریٹر پوری قوم کی طرح اس دکھ میں برابر کے شریک ہیں اور ہم یہ اعلان کرتے ہیں کہ اگر پیمرا نے جیو ٹی وی کی توہین اہل بیت علیہم السلا والے مسئلے پر سنجیدہ کاروائی انجام نہ دی تو کیبل آپریٹر ملک بھر میں جیو ٹی وی کا بلیک آؤٹ کرنے کا حق رکھتے ہیں، انہوں نے علمائے کرام اور عمائدین کو وفد کو یقین دہانی دلواتے ہوئے کہا کہ کیبل آپریٹر پوری قوم کے ساتھ ہیں اور کسی قسم کی نا انصافی کو برداشت نہیں کریں گے،انہوں نے پیمرا کو وارننگ جاری کرتے ہوئے کہا کہ پیمرا نے فی الفور کاروائی انجام نہ دی تو کیبل آپریٹر جیو ٹی وی کی نشریات کو فی الفور ملک بھر میں بند کر دیں گے۔
پریس کانفرنس میں جیو ٹی وی کے رپوٹر کے جواب میں علامہ مختار امامی کہنا تھا کے اگر غلطی انفرادی ہوتی تو معاف کردی جاتی لیکن اس معاملے سے دنیا بھر کے مسلمانوں کی جو دل آذاری ہوئی ہے وہ ناقابل معافی ہے اور ہم ہر اُس پرنٹ و الیکٹرونک میڈیا کی مذمت کرتے ہیں جن سے یہ کام ہوا ۔
ایک سوال کے جواب میں مجلس و حدت مسلمین کے رہنماء علی حسین نقوی نے کہا کے بات غلطی کی نہیں ہے امت مسلمہ کی نظر میں یہ غلطی نہیں گناہ کبیرہ ہے کیوں کے اس پروگرام میں آل رسول ﷺ اور اصحابہ کرام کی شان میں گستاخی کی گئی ہے اور گزشتہ کئی سالوں سے جنگ اور جیو ٹی وی اس قسم کی حرکات متاواتر کر تے رہے ہیں ، بلخوص محرم الحرام کے ایام میں مذہبی اشو زپر فرقہ واریت پھلائی جاتی رہی ہی اور روزنامہ جنگ میں اشتہارات میں علیہ السلام لگانے کی پابندی بھی لگی ہوئی ہے جس سے ملت اسلامیہ کے جذبات مجروع ہوتے ہیں ۔
وحدت نیوز(بلتستان)مجلس وحدت مسلمین بلتستان ڈویژن کی جانب سےاسکردو میں کل ہونے والی بیداری ملت و استحکام پاکستان کانفرنس کی عوامی رابطہ مہم کے سلسلے میں وحدت سیکریٹریٹ اسکردو سے عظیم الشان بیداری ملت موٹرسائیکل ریلی نکالی گئی جو کےامامیہ چوک، بے نظیر چوک، آغا ہادی چوک سے ہوتی ہوئی یادگار شہداء اسکردو پر اختتام پذیر ہوئی ،ریلی میں سینکروں موٹر سائیکلوں پر سوار ہزاروں جوان شریک تھے،یاد گار شہداءپر ریلی کے اختتام پر ریلی جلسے کی صورت اختیار کر گئی جہاں پر ایم ڈبلیوایم کے مرکزی قائدین علامہ راجہ ناصر عباس جعفری ، علامہ امین شہیدی، علامہ حسن ظفر نقوی، علامہ احمد اقبال، علامہ آغا علی رضوی ، رکن بلوچستان اسمبلی آغا محمد رضا ، علامہ جعفر موسوی اور علامہ ولایت جعفری نے خطاب کیا۔
مجلس وحدت مسلمین پاکستان کے سربراہ علامہ راجہ ناصر عباس جعفری نے ریلی کے شرکاء سے خطاب کرتے ہوئے کہا کہ قرآن مجید میں واضح الفاظ میں فرمایا ہے کہ وہ بھی کسی قوم کی حالت اس وقت تک نہیں بدلتا جب تک وہ خود اپنی حالت بدلنے کا ارادہ نہ کر لے، آج جوانوں کی اس بڑی تعداد کو دیکھ کے اندازہ ہوتا ہے کہ خطئہ بے آئین کے جوانوں نے اپنی حالت بدلنے کا ارادہ کر لیا ہے، انشاء اللہ کل کی عظیم الشان بیدارہ ملت و استحکام پاکستان کانفرنس وادی گلگت بلتستان سے نفرتوں کے خاتمے، غصب شدہ حقوق کے حصول اور سیاسی فرعونوں سے نجات میں سنگ میل ثابت ہو گا۔
وحدت نیوز(مظفرآباد) جیو جنگ گروپ کے بائیکاٹ کا اعلان کرکے آزادکشمیرمیں جنگ گروپ کے تمام چینل بند کروانے پر وزیراعظم آزادکشمیرکے اصولی فیصلے کی مکمل حمایت کا اعلان کرتے ہوئے وزیراعظم آزادکشمیر کا شکریہ ادا کرتے ہیں۔ریاست آزادجموں وکشمیرکے غیور ،عشق محمدﷺ و آلہ محمد علیہم السلام سے سرشار عوام کا درد محسوس کرتے ہوئے وزیراعظم چوہدری عبدالمجیدنے جرئت و بہادری کا مظاہرہ کرتے ہوئے آزادی اظہار رائے کی آڑ میں امام المتقیان علی(ع)ابن ابی طالب اور سیدہ کونین حضرت فاطمہ زہرہ سلام اللہ علیہا کی شان میں گستاخی کرنے والے میڈیاہاؤس کو بند کرکے آزادکشمیر کے لاکھوں عوام کا دل جیت لیا ہے۔ ان خیالات کا اظہار مجلس وحدت مسلمین آزادکشمیرکے سربراہ علامہ سیدتصور حسین نقوی الجوادی نے اپنے ایک بیان میں کہا۔
انہوں نے کہا کہ مجلس وحدت مسلمین کی اپیل پر ریاست گیر احتجاجی مظاہرے کئے گئے۔وزیر اعظم پاکستان میاں نواز شریف اور تمام صوبوں کے وزراء اعلیٰ وزیراعظم آزادکشمیر سے جرئت و بے باقی اور حق سچ پر فیصلہ کرنے کی ہمت سکھیں۔عمران خان جیوکے خلاف ہیں پر خیبر پختوں خواہ میں جنگ جیو بند کروانے کی ہمت نہیں رکھتے ۔وزیراعظم چوہدری عبدالمجید کے اس اقدام نے انہیں پاکستان کے تمام سیاست دانوں میں ممتاز کردیا ہے۔دنیا کے مختلف ممالک میں مقیم محب اہل بیت علیہماسلام نے وزیراعظم چوہدری عبدالمجید کی اس بہادرانہ فیصلہ کو خوب سراہا ہے ۔ اللہ و زیراعظم چوہدری عبدالمجیدکو دارزی عمر ،صحت، کامیابی وکامرانی عطا کرے اور محمدﷺ و آلہ محمد علیہم السلام کے صدقے و زیراعظم چوہدری عبدالمجیدکے خلاف ہونیوالی سازشوں کو ناکام کرے۔ مجلس وحدت مسلمین آزادکشمیرکے سیکریٹری جنرل علامہ سیدتصور حسین نقوی الجوادی نے مذید کہامسلمان امام المتقیان علی(ع)ابن ابی طالب اور سیدہ کونین حضرت فاطمہ زہرہ سلام اللہ علیہا کی توہین کو توہین رسالت ﷺ سمجھتاہے۔حکومت پاکستان فی الفور جنگ اور جیو پر توہین رسالت ،توہین اہل بیت اطہاراور توہین شعائر اسلام کا مقدمہ قائم کرئے.
