The Latest
وحدت نیوز(اسلام آباد) مجلس وحدت مسلمین پاکستان کے مرکزی سیکرٹری جنرل علامہ ناصرعباس جعفری راجہ بازار راولپنڈی سے نکالے جانیوالے چہلم امام حسین (ع) کے مرکزی جلوس کی قیادت کریں گے ، یہ اعلان ایم ڈبلیو ایم کے مرکزی سیکرٹریٹ سے جاری ہونیوالے ایک پریس ریلیز میں کیا گیا ، پریس ریلیز کے مطابق علامہ ناصرعباس جعفری نے چہلم امام حسین (ع) کی مناسبت سے سوموار کے روز وفاقی دارلحکومت اسلام آباد سے نکالے گئے جلوس عزا میں شرکت کی اور مختلف ماتمی انجمنوں کے کیمپوں میں جا کر بانیان مجالس ، جلوس ہائے عزا کےمنتظمین اور عزاداروں سے ملاقاتیں کیں اور انہیں ہدایت کی کہ وہ راجہ بازار راولپنڈی کے جلوس عزا میں اپنی شرکت یقینی بنائیں اس موقع پر ایم ڈبلیو ایم کے مرکزی ڈپٹی سیکر ٹری جنرل علامہ شفقت حسین شیرازی ، پنجاب کے ترجمان علامہ اصغر عسکری ،اسلام آباد کے راہنما علامہ محمد حسین مبلغی ، علامہ فخر عباس علوی ، علامہ علی شیر انصاری ، مولانا چوہدری ضیغم عباس اور مولانا عابد حسین بھی ان کے ہمراہ تھے ۔ علامہ ناصر عباس جعفری نے کہا کہ اگر عزادار ی پہلے واجب تھی تو موجودہ حالات کے تناظر میں راولپنڈی میں چہلم امام حسین کے جلوس میں شامل ہونا اوجب ہے ، انشاء اللہ یہ جلوس اپنے مقررہ وقت پر ہی نکلے گا اور اپنے مقررہ روٹ سے ہی گزر کر اپنی منزل پر پہنچے گا ۔
وحدت نیوز(فیصل آباد) سنی اتحاد کونسل پاکستان کے چیئرمین صاحبزادہ حامد رضا نے کہا ہے کہ امریکہ کی دھمکی اور تھپکی دونوں خطرناک ہیں۔ نماز پڑھتے سکیورٹی اہلکاروں پر خودکش حملہ کرنا کون سی شریعت ہے۔ اوبامہ سے نوبل امن انعام واپس لیا جانا چاہیے کیونکہ اوبامہ جنگی مجرم ہے۔ مسلم لیگ (ن) کو امریکی ایجنڈے کی تکمیل کے لیے حکومت ملی ہے۔ انتہا پسندی پاکستان کی بقا کے لیے خطرہ بن چکی ہے۔ دہشت گردوں سے ڈرنا نہیں لڑنا ہوگا۔ حکمران عوام کی خوشی اور خوشحالی کو ترجیح بنائیں۔ قانون سازی کے بغیر فرقہ واریت پر قابو پانا مشکل ہے۔ امن پسندوں کو دیوار کے ساتھ لگانے کے نتائج خطرناک ہوں گے۔ ان خیالات کا اظہار انہوں نے جماعت اہلسنّت پنجاب کے صدر مفتی محمد اقبال چشتی، انجمن طلبائے اسلام کے مرکزی صدر اسد خان جدون اور انجمن اساتذۂ پاکستان کے مرکزی صدر پیر محمد اطہرالقادری سے گفتگو کرتے ہوئے کیا۔
صاحبزادہ حامد رضا نے مزید کہا کہ قاتلوں کو شہید کہنے والے گمراہ اور امن دشمن ہیں۔ صوبائیت، لسانیت اور فرقہ واریت ملک کے لیے ناسور بن چکی ہے۔ امریکہ کی دوستی دشمنی سے زیادہ خطرناک ہے۔ پاکستان میں زندگی مہنگی اور موت سستی ہوچکی ہے۔ حکمران بہتے خون کو روکنے کے لیے فیصلہ کن قدم اٹھائیں۔ پاکستان میں حکام کے احتساب کا نظام غیر مؤثر ہوچکا ہے۔ فرقہ وارانہ قتل و غارت کی نئی لہر خطرے کی گھنٹی ہے۔ قوم امن پسندوں اور امن دشمنوں کو پہچان چکی ہے۔ حکمرانوں نے دہشت گردی کے خاتمے کے لیے فیصلہ کن قدم نہ اٹھایا تو ملک میں خانہ جنگی شروع ہوسکتی ہے، کیونکہ تمام شہروں میں طالبان کی پناہ گاہیں موجود ہیں اور ملک کا ہر شہر وزیرستان بن چکا ہے جس کی وجہ سے پوری قوم عدم تحفظ کا شکار ہے۔ عدل و انصاف معاشرے کی اہم ضرورت ہے۔ حکومت کی چھ ماہ کی کارکردگی مایوس کن ہے اور نئے حکمران عوام کے مسائل حل کرنے میں ناکام ثابت ہوئے ہیں۔ حکمران عوامی بے چینی کو محسوس کریں۔ ملکی خارجہ پالیسی آزاد اور خودمختار ہونی چاہیے۔ امن کی بحالی ملک اور عوام کی پہلی ضرورت ہے۔
وحدت نیوز(حیدرآباد) مجلس وحدت مسلمین پاکستان صوبہ سندھ کے ڈپٹی سیکریٹری جنرل عالم کربلائی نے کہا ہے کہ ملک بھر میں چہلم امام حسین (ع) کے جلوس ہائے عزا شایان شان طریقے سے نکالے جائیں گے، اگر جلوس کے راستوں میں رکاوٹیں کھڑی کرنے کی کوشش کی گئی تو ملک بھر کے جلوسوں کا رخ ایوانوں کی جانب موڑ دیں گے۔ ان خیالات کا اظہار انہوں نے ایم ڈبلیو ایم سندھ کے ذمہ داران سے ٹیلیفونک گفتگو کرتے ہوئے کیا۔ عالم کربلائی کا کہنا تھا کہ عزاداری کی حفاظت ہمارا وظیفہ ہے، ہم نے ہر دور میں اس راہ میں اپنی جانوں کے نذرانے بھی پیش کئے ہیں، تاریخ شاہد ہے کہ عاشقان امام حسین (ع) نے ہمیشہ اس عزاداری کو ظالم سے نفرت اور مظلوم سے محبت کے اظہار کا ذریعہ بنایا ہے، یہی وجہ ہے کہ آج کے دور کے یزیدی ایجنٹ اس عزاداری کی راہ میں رکاوٹیں کھڑی کرنے کی کوششیں کررہے ہیں، لیکن ہم یہ بتا دینا چاہتے ہیں کہ ہم اپنی جان تو قربان کرسکتے ہیں لیکن عزاداری سے ہرگز دستبردار نہیں ہوسکتے۔
عالم کربلائی نے مزید کہا کہ راولپنڈی میں یزید کے پیروکاروں نے ایک بار پھر عزاداری کے جلوس کی راہ می رکاوٹیں کھڑی کرنے کی کوشش کی ہیں لیکن چہلم امام حسین (ع) کا جلوس ہر صورت اس ہی روٹ پر نکالا جائے گا اور اس راہ میں کسی بھی قسم کی سازش کامیاب نہیں ہونے دیں گے۔ انہوں نے ایم ڈبلیو ایم صوبہ سندھ کے ذمہ داران کو ہدایات جاری کرتے ہوئے کہا کہ وہ کسی بھی ممکنہ صورتحال کے پیش نظر اپنی تیاری مکمل رکھیں، اگر ملک بھر میں کسی بھی جگہ جلوس کے راستے میں رکاوٹ کھڑی کرنے کی کوشش کی گئی تو سندھ بھر میں ایسا احتجاج کیا جائے گا کہ جسے تاریخ ہمیشہ یاد رکھے گی۔
وحدت نیوز(کوئٹہ) بلوچستان کے صوبائی دارالحکومت کوئٹہ میں نماز جمعہ کے اجتماع سے خطاب کرتے ہوئے مجلس وحدت مسلمین کے مرکزی رہنماعلامہ سید ہاشم موسوی کا کہنا تھا کہ جلوسوں کے ذریعے پیغمبر اسلام (ص) کے اہلبیت اطہار (ع) کے دشمنوں، ان کے ہتھکنڈوں، ان کے شوم مقاصد اور کریہہ چہروں کو بےنقاب کیا جاتا ہے۔ ان کے مظالم کے خلاف احتجاج کیا جاتا ہے اور آنحضرت (ص) کی آل پاک کو خراج تحسین پیش کرتے ہوئے یہ عہد کیا جاتا ہے کہ جب بھی اسلام کو ضرورت پڑی ہم انہی پاک ہستیوں کی طرح اپنا تن من دھن راہ حق میں قربان کر دیں گے۔ ظلم اور ظالموں کے سامنے سر نہیں جھکائیں گے اور دنیا میں عدل و انصاف کے بول بالا کے لیے اپنی جدوجہد جاری رکھیں گے اور اسی لئے تمام حسینی عزاداروں پر لازم ہے کہ وہ چہلم حضرت امام حسین (ع) کے جلوسوں میں بھرپور شرکت کریں۔
علامہ سید ہاشم موسوی کا مزید کہنا تھا کہ عزاداری سیدالشہداء اسلام اور پاکستان کی بقاء کی ضامن ہے، جسکی واضح دلیل یہ ہے کہ جب بھی اس ملک پر مشکل وقت آیا تو اسکے فوجی نعرہ حیدری کی قوت ہی سے دشمن سے نبرد آزما ہونے اور ملک کو بچانے میں کامیاب رہے۔ پاکستان کے ہر شہری پر فرض ہے کہ وہ عزاداری کے فروغ اور حفاظت کیلئے جدوجہد کرے۔ انہوں نے کہا کہ ملک دشمن قوتیں ایک بار پھر پاکستان میں عزاداری کے جلوسوں کو روکنے اور انہیں محدود کرنے کی مذموم کوششیں کر رہی ہیں، لیکن ہم ان کیلئے واضح کر دینا چاہتے ہیں کہ پیغمبر اسلام کے میلاد اور حضرت امام حسین (ع) کی عزاداری کے جلوسوں پر کسی قسم کی پابندی کی کوششوں کو کامیاب نہیں ہونے دینگے، چاہے اس کے لئے ہمیں کسی بھی قسم کی قربانی دینی پڑے۔
وحدت نیوز(اصفہان) عزاداری شعائر اللہ میں سے ہے اور اس کی حفاظت ہماری ذمہ داری ہے، یزید وقت امریکہ کے مقامی ایجنٹ اپنے اجداد کی سنتوں پر چلتے ہوے دنیا بھر کے آزادی پسندوں کے امام اور ان سے وابستہ جلوسوں، عزاداری کو نہ تو ختم کر سکتے ہیں نہ کم کرسکتے ہیں اور نہ ان کا روٹ کو تبدیل کر سکتے ہیں۔ ان خیالات کا اظہار مجلس وحدت مسلمین اصفہان کے سیکرٹری جنرل سید محمد تقی زیدی نے اپنے ایک بیان میں کیا۔ اُنہوں نے زمید کہا کہ یہ وقت کا یزید اور اس کا لشکر دیکھے گا کہ کس طرح یہ حسینی لشکر راولپنڈی کی کربلا میں گھروں سے باہر نکل کر یہ بتا دیں گے کہ ہم کربلائی ہیں موت ہم پر آ پڑے یا ہم موت پر ہر حال میں جیت حسینیت کی ہوگی اور یہ وعدہ خدا کا ہے کہ قد افلح المومنون یہ طالبانی فکر کی حکومت سن لے کہ اگر چہلم امام حسین کو روکا گیا یا اس کا روٹ تبدیل کرنے کی کوشیش کی گی یا کوئی ناخوشگوار واقعہ پیش آیا تو عزادار امام حسین کے اٹھتے ہوے قدم یزید وقت کی حکومت کو اس طرح پاوں تلے روند دیں گے جس طرح بلوچستان کی فرعونی حکومت کو روند ڈالا تھا۔ اُنہوں نے کہا کہ اس حکومت کو بھی یہ تنبیہ کرتے ہیں کہ اپنے ناپاک عزائم سے باز رہے ورنہ آنے والے دن اس حکومت کو اس کی حیثیت یاد دلا دیں گے۔
وحدت نیوز(اسلام آباد)کش گنگا ڈیم پرعالمی عدالت میں پاکستان کی جیت پاکستان کے امن پسند مؤقف کی جدوجہد کا نتیجہ ہے، بھارت کیساتھ تعلقات برابری کی بنیاد پر قائم ہونے چائیے۔ ان خیالات کا اظہار مجلس وحدت مسلمین پاکستان کے مرکزی سیکرٹری سیاسیات سید ناصر عباس شیرازی نے چہلم امام حسین (ع) اور بلدیاتی انتخابات کے حوالے سے بلائے گئے اجلاس میں کیا۔ ان کا کہنا تھا کہ پاکستان میں دہشت گردی اور انتہا پسندی کے پیچھے بھی انڈین لابی اور بعض عرب ممالک شامل ہیں جو عراق، شام اور بحرین میں اپنی ناکامی کا بدلہ پاکستان میں فرقہ وارانہ فسادات کرا کے لینا چاہتے ہیں اور یہاں فرقہ وریت کو ہوا دینے کیلئے کالعدم آرگنائزیشنز کی مدد کرتے ہیں۔
انہوں نے کہا کہ عزاداری کے جلوسوں کے حوالے سے آج جو مسائل پیدا کر رہے ہیں ان کے پیچھے بھی یہی مائنڈ سیٹ ہے، پنجاب حکومت حقائق کے برخلاف اقدامات کرنے سے گریز کرے، عزاداری کے جلوسوں کا روٹ قیام پاکستان سے قبل طے شدہ ہے، بعض نام نہاد مذہبی رہنماؤں کا بھارت میں بیٹھ کر پاکستانی وزیرِاعظم سے دہشت گردوں کیخلاف کارروائی بند کرنے کا مطالبہ بھارتی عزائم کی تکمیل کیلئے ہے اور یہ پاکستانی قومی سلامتی پر گہری ضرب لگانے کے مترادف ہے۔ سید ناصرعباس شیرازی نے کہا کہ پنجاب اور گلگت بلتستان میں بلدیاتی انتخابات سے پہلے یوتھ بزنس پروگرام کا اعلان ان الیکشنز پر اثرانداز ہونے کی کوشش اور سیاسی رشوت ہے، مجلس وحدت مسلمین پنجاب، سندھ، خیبر پختونخوا سمیت گلگت بلتستان کے انتخابات میں بھرپور حصہ لے گی۔
وحدت نیوز(بلتستان) مجلس وحدت مسلمین پاکستان بلتستان ڈویژن شعبہ فلاح و بہبود خیرالعمل فائونڈیشن کے زیراہتمام بلتستان بھر کے 300 سے زائد مستحق یتیموں میں امدادی رقوم تقسیم کی گئی۔ اطلاعات کے مطابق تین سو سے زائد مستحق یتیموں میں 21 لاکھ سے زائد امدادی رقوم تقسیم کی گئی۔ اس سلسلے میں بتایا جارہا ہے کہ سولہ سال تک کے حقدار یتیم بچوں کی مالی امداد کا ایک وسیع پروگرام پورے ملک میں شروع کیا گیا ہے اور یہ اس سلسلے کی ایک کڑی ہے۔ جس کا مقصد یہ ہے کہ ان مستحق یتیم بچوں کی تعلیمی و دیگر ضروریات کو پورا کیا جا سکے۔ مجلس وحدت مسلمین پاکستان بلتستان ڈویژن کے شعبہ فلاح و بہبود خیر العمل فائونڈیشن کے ذرائع کا کہنا ہے کہ مظلوم اور محروم طبقہ کی حمایت اور ان کی مالی و اخلاقی امداد کے لیے وسیع پیمانے پر پروجیکٹس شروع کئے جارہے ہیں۔
وحدت نیوز(مشہدالمقدس) مجلس وحدت مسلمین کے مرکزی ڈپٹی سیکرٹری جنرل علامہ شفقت حسین شیرازی نے گذشتہ روز امام بارگاہ قدیمی میں ایم ڈبلیو ایم کے زیراہتمام ہونے والے عظیم الشان اجتماع کو تاریخی قرار دیتے ہوئے کہا کہ راولپنڈی کے عوام نے اپنی بھرپور شرکت سے ثابت کر دیا ہے وہ عزداری سیدالشہداء کیلئے ہر طرح کی قربانی دینے کیلئے آمادہ و تیار ہیں۔ ان خیالات کا اظہار انہوں نے ایران کے مقدس شہر مشہد میں تنظیمی برادران سے گفتگو کرتے ہوئے کیا۔ علامہ شفقت شیرازی نے کہا کہ دنیا کی کوئی طاقت راولپنڈی میں چہلم امام حسین (ع) کا جلوس روک سکتی ہے اور نہ ہی جلوس کا روٹ تبدیل کرسکتی ہے۔ ہم قائد وحدت علامہ ناصر عباس جعفری کے اس فرمان پر اپنی جانیں قربان کرنے کیلئے تیار ہیں، جس میں انہوں نے کہا کہ کروڑوں شہداء بھی دینے پڑے تو دینگے لیکن عزاداری پر کوئی حرف نہیں آنے دیں گے۔ ان کا کہنا تھا کہ قوم تیزی سے وحدت کی لڑی میں پروتی جا رہی ہے اور دشمن کے مقابلے میں سیسہ پلائی ہوئی دیوار بن رہی ہے۔ اب اس قوم کو دشمن کی کوئی سازش تقسیم نہیں کرسکتی۔
وحدت نیوز(لاہور) مجلس وحدت مسلمین پنجاب کے سیکرٹری جنرل علامہ عبدالخالق اسدی نے علمائے امامیہ لاہور اور ذاکرین عظام کے اجلاس سے خطاب کرتے ہوئے کہا کہ ملتِ جعفریہ کے مسلمہ عقائد کیخلاف کسی بھی ضابطہ اخلاق کو ہم نہیں مانتے، پہلے سے موجود قوانین پر اگر عمل درآمد ہو تو پاکستان میں فرقہ واریت کا خاتمہ ممکن ہے۔ ملی یکجہتی کونسل کے عقائد کے ضابطہ اخلاق کو ہم مسترد کرتے ہیں، جو لوگ ملی یکجہتی کونسل کے ضابطہ اخلاق کو رائج کرانا چاہتے ہیں وہ پاکستان میں خانہ جنگی کو فروغ دینے کی کوشش کر رہے ہیں۔ اجلاس میں علامہ امتیاز کاظمی، علامہ حسن ہمدانی، سید اختر عباس بخاری، علامہ آصف علوی، علامہ شعیب الحسن، علامہ سید حسن عباس کاظمی اور دیگر شریک تھے۔
رہنماؤں نے حکومت پنجاب کے متعصبانہ رویے کی مذمت کرتے ہوئے کہا کہ راولپنڈی میں چہلم امام حسین (ع) کی سکیورٹی انتظامیہ اور پنجاب حکومت کی ذمہ داری ہے، جلوس کا روٹ ہماری لاشوں سے گزر کر تبدیل ہوسکتا ہے، ہماری زندگی میں نہیں۔ انہوں نے کہا کہ شرپسندوں نے پورے ملک کو یرغمال بنایا ہوا ہے، دہشت گردوں کیخلاف کارروائی کرنے کی بجائے پنجاب حکومت ان کے ترجمانی میں مصروف ہے۔ انہوں نے کہا کہ چہلم کے جلوس میں راولپنڈی میں کوئی واقعہ ہوگیا تو اس کی تمام تر ذمہ داری پنجاب حکومت پر عائد ہوگی اور اس کا مقدمہ رانا ثناءاللہ کے خلاف درج کرایا جائے گا، جو ان کے خفیہ اجلاس میں شریک ہوتے ہیں اور ان کے ناپاک عزائم میں مشورے دیتے ہیں۔
وحدت نیوز(کوئٹہ) کوئٹہ میں شرپسندکالعدم تنظیم کی جانب سے برآمدہونے والے جلوس کے مظاہرین کے ہاتھوں شدیدزخمی ہونے والے سید محمد حسین ہاشمی مارکیٹ کے چوکیدارکی آج صبح شہادت پرانتہائی رنج و غم کااظہارکیاگیا۔اجلاس میں مذکورہ جلوس کو پاکستان بالخصوص کوئٹہ میں بسنے والے پرامن شیعہ سنی مسلمانوں کوآپس میں لڑانے اوراسلام کو دنیامیں بدنام کرنے کی سازش سے تعبیرکرتے ہوئے صوبائی حکومت سے مطالبہ کیاگیاکہ ایسے شرپسنداورشیعہ سنی مسلمانوں کے اتحادکوپارہ پارہ کرنے والی دہشت گردتنظیموں کی سرگرمیوں اورجلسے جلوسوں پرفوری پابندعائد کی جائے۔ان خیالات کا اظہار مجلس وحدت مسلمین کوئٹہ ڈویژن کے سیکریٹری جنرل محمد عباس موسوی نے وحدت ہاؤس کوئٹہ میں منعقدہ ہنگامی اجلاس سے خطاب کر تے ہو ئے کیا۔
شرکائے اجلاس نے ہاشمی مارکیٹ کے چوکیدارسیدمحمدحسین کے قتل کی ذمہ داری 11 دسمبرکے روزبرآمدہونے والے جلوس کے شرکاء اورذمہ داران پرعائدکی اور حکومت سے پرزورمطالبہ کیا کہ ہاشمی مارکیٹ کے چوکیدارکے قاتلوں کوفی الفورگرفتارکرکے قرارواقعی اور عبرتناک سزادی جائے تاکہ آئندہ اس طرح کے واقعات سے عوام دو چا ر نہ ہو ۔
