وحدت نیوز(کراچی) شہر قائد میں قیام امن کی تمام تر ذمہ داری صوبائی حکومت کی ہے، روزانہ درجن بھر شہریوں کی ٹارگٹ کلنگ حکمرانوں کے بے حسی کی دلیل ہے، اہل تشیع عمائدین ، ڈاکٹرز، علماء،وکلاء، انجینئرزاور تاجرتکفیری دہشت گردوں کا خصوصی ہدف ہیں ، مسلسل متنبہ کرنے کے باوجود حکومتی لاپرواہی کے بعد احتجاج کا راستہ اختیار کیا گیا، کراچی میں ٹارگٹ کلنگ کا شکار شیعہ ہی نہیں بے گناہ اہل سنت بھی ہمارے شہید ہیں ان خیالات کا اظہار مجلس وحدت مسلمین پاکستان کے مرکزی ڈپٹی سیکریٹری جنرل علامہ محمد امین شہیدی نے کراچی میں نمائش چورنگی تا سی ایم ہاوس نکالی جانے والے لبیک یا حسین ع مارچ کے شرکاء سے خطاب کرتے ہوئے کیا۔

ان کاکہنا تھا کہ میاں نواز شریف کی وفاقی حکومت اور زرداری صاحب کی سندھ حکومت شہریوں کے تحفظ میں یکسر ناکام ہوچکی ہیں ، عوام پر مصائب اور مشکلات کے پہاڑ توڑے جارہے ہیں،کراچی سمیت ملک بھر بڑھتی ہوئی دہشت گردی ، کرپشن اور قاتلوں کی سرکاری سرپرستی وطن عزیز کی جڑوں کو مسلسل کھوکلا کررہی ہے، شہدائے کراچی کی مائیں ، بہنیں ، بیوائیں ، بچے اور اہل خانہ اپنے شہداء کے قاتلوں کو کیفر کردار تک پہنچتا دیکھنا چاہتے ہیں ،حکومت دہشت گردی کی روک تھام اور قاتلوں کو انجام تک پہنچانے میں سنجیدہ کردار ادا کرے ملت جعفریہ حکومت کت شانہ بشانہ کھڑی ہوگی۔

وحدت نیوز(کوئٹہ) مجلس وحدت مسلمین کوئٹہ ڈویژن کے تمام عہدیداران و اراکین نے اپنے بیان میں حالیہ بلدیاتی انتخابات کے دوسرے مرحلے میں خواتین کی مخصوص اور اقلیتی نشستوں کے انتخابات پر مسرت کا اظہار کیا ہے۔ بیان میں کہا گیا ہے کہ خواتین کی مخصوص نشستوں پر علمدار روڈ کی چار خواتین کامیاب قرار پائی ہیں۔ اس تاریخی کامیابی پر ہزارہ قوم اور اس کے ساتھ بسنے والی تمام دیگر اقوام کو مبارکباد پیش کرتے ہیں۔ یہ سب اقوام میں برادری، اتحاد و یگانگت کا نتیجہ ہے۔ جس کی وجہ سے آج یہ تاریخی کامیابی ملی ہے۔ مجلس وحدت مسلمین کا ہمیشہ یہ شیوہ رہا ہے کہ وہ باہمی احترام پر مبنی اتحاد و یگانگت بالخصوص دینی طبقوں سے مل کر اتحاد بین المسلمین کے لئے دن رات جدوجہد کر رہے ہیں۔ انہوں نے مجلس وحدت مسلمین کوئٹہ ڈویژن کے سینیئر عہدیدار کونسلر کربلائی رجب علی، کونسلر کربلائی عباس علی اور کونسلر سید محمد مہدی کو خراج تحسین پیش کرتے ہوئے کہا کہ ان کی شب و روز محنت اور لگن سے آج ہمیں کامیابی نصیب ہوئی، جو تاریخ میں ہمیشہ یاد رکھی جائیگی۔

انہوں مزید کہا کہ مجلس وحدت مسلمین کوئٹہ کے عوام میں اتحاد و یگانگت کی مضبوطی کیلئے جدوجہد جاری رکھے گی۔ پشتونخوا ملی عوامی پارٹی سے اتحاد بھی بہتر عوامی خدمت کیلئے ہے۔ جس کا عملی مظاہرہ ان بلدیاتی انتخابات میں ہوا ہے اور اس کا فائدہ کوئٹہ کے عوام کو ہے۔ ہم امید کرتے ہیں کہ کوئٹہ کے عوام انشاءاللہ مستقبل میں کوئٹہ کی ترقی کی شکل میں اس کا مشاہدہ کرینگے۔ انہوں نے پشتونخوا ملی عوامی پارٹی کا شکریہ ادا کرتے ہوئے کہا کہ انشاءاللہ یہ اتحاد کوئٹہ میں ترقی اور امن کے قیام کیلئے سودمند ثابت ہوگا۔ انہوں نے کہا کہ مجلس وحدت مسلمین باہمی اعتماد اور برداشت کے کلچر کے فروغ کیلئے کوشاں ہے۔ جو ہمہ گیر سیاست کے ذریعے ہی ممکن ہو سکتا ہے۔ مجلس وحدت مسلمین الہٰی فریضے کے مطابق عوام کی خدمت پر یقین رکھتی ہے اور بھرپور عملی کوششوں میں مصروف ہے، جس کا عوام بخوبی مشاہدہ کر رہے ہیں۔ انہوں اس موقع پر کوئٹہ کے عوام بالخصوص علمدار روڈ کے ہزارہ قوم سمیت دیگر اقوام کا شکریہ ادا کرتے ہوئے کہا کہ مجلس وحدت مسلمین پاکستان عوامی خدمت پر یقین رکھتی ہے اور اپنی کامیابی کو عوام کے مرہون منت سمجھتی ہے۔

وحدت نیوز(اسلام آباد) جشن ولادت باسعادت سید الشہداء امام حسین علیہ السلام اورعلمدار کربلا حضرت ابوالفضل العباس علیہ السلام کے پرمسرت موقع پر عالم اسلام کے نام اپنے پیغام میں مجلس وحدت مسلمین پاکستان کے سربراہ علامہ راجہ ناصرعباس جعفری نے کہا کہ ماہ شعبان ماہ نزول ِ نعمات الہٰی ہے، خدا کی محبوب اور دلربا ہستیاں اسی ماہ میں عالم بشریت کی ہدایت کے لئے بھیجی گئیں ،ہدایت اور رہنمائی کے تمام چراغ خداوند معتال نے انہیں مقدس ایام میں روشن کیئے، امام حسین ع نہ فقط کسی خاص مسلک میں محترم ہیں بلکہ دنیا بھر کے آزادی خواہوں کے امام و پیشوا ہیں، عالم انسانیت حق وباطل میں تمیز کاپیمانہ حسین ابن علی ع کی ذات اقدس کو قرار دیتے ہیں، شیعہ ہوں یا سنی عیسائی ہوں یا ہندواما م حسین ع کی بارگاہ سے سب فیضِ الہٰی حاصل کرتے ہیں ، چودہ سو برس بعد بھی روضہ حسین ع عالم بشریت کی صراط مستقیم کی جانب رہنمائی فرمارہا ہے۔

انہوں نے علمدار با وفا سقائے سکینہ حضرت ابولفضل العباس علیہ السلام کو پیکر عزم ووفا قرار دیتے ہوئے کہا کہ تاریخ اسلام و انسانیت میں ولایت کی پیروی اوراتبا ع میں اگر کوئی فقیہ کامل نظر آتا ہے تو وہ عباس ابن علی ع ہے، ایک ایسا جری جس کا اٹھنا بیٹھنا کھانا پینا غرض سو نا اور جاگنافقط اور فقط مرضی الہٰی اور خوشنودی امامت کے لئے ہو ایسا پیرو ولایت تاریخ اسلام میں نہیں گزرا، آج ہماری ملت کے جوانوں ، بزرگوں ، علماءغرض تمام طبقات سے تعلق رکھنے والے افراد کو سیرت ابوالفضل ع کا عکاس بننا ہو گا۔