وحدت نیوز(مظفرآباد)حکومتی ظالمانہ پالیسیوں کے نتیجے میں آزاد کشمیر کے شہریوں کو اسلام آباد کے مرکزی دفتر مجلس وحدت مسلمین سے تنظیمی امور کے سلسلے میں گئے ہوئے کارکنان و عہدیداران کو گرفتار کر کے بدترین تشدد و غیر قانونی طور پر حراست میں رکھا ہوا ہے۔ جس پر کشمیری عوام انتہائی غم و غصہ میں ہے۔ان خیالات کا اظہار مجلس وحدت مسلمین آزاد کشمیر ضلع مظفرآباد کے سیکرٹری جنرل مولانا سید طالب حسین ہمدانی نے ضلعی دفتر مجلس وحدت مسلمین مظفرآباد میں صحافیوں سے گفتگو کر تے ہوئے کیا ، انہوں نے کہا کہ مجلس وحدت مسلمین آزاد کشمیر کے مرکزی رہنما سید تصور عباس موسوی ، سیکرٹری اطلاعات سید ذیشان حیدر، سیکرٹری امور جوان ضلع مظفرآباد سید شاہد حسین کاظمی، وحدت اسکاؤٹس آزاد کشمیر کے چیف سید انصر عباس نقوی و دیگر ساتھیوں کی گرفتاریاں قابل مذمت ہیں ، کس قانون کے تحت انہیں پابند سلاسل کیا گیا، ہم پرزور مطالبہ کرتے ہیں کہ ہمارے ذمہ داران کو جلد رہا کیا جائے ، نہیں تو حالات کی ذمہ داری حکومت پر ہو گی، گرفتاریاں ناقابل برداشت عمل ہے، بھرپور احتجاج کا حق محفوظ رکھتے ہیں ، ہم پرامن و جمہوری جدوجہد کے قائل ہیں ، ہمیں پرتشدد نہ بنایا جائے، حکومت پاکستان کشمیری قوم کو کیا پیغام دینا چاہ رہی ہے، وہ اسلام آباد نہیں آ سکتے ؟ اور اگر ہم اسلام آباد آتے ہیں ہمیں بے جرم و خطا گرفتار کر کے تشدد کے ذریعے روکا جائے گا، کہیں ایسا نہ ہو کہ آج ہمیں ڈرانے والوں کو کل خود کہیں چھپنے کی جگہ نہ ملے، اگر ہم اسلام آباد کی طرف نکل پڑے تو اوچھے ہتھکنڈوں والی حکومت کے اوچھے ہتھکنڈے کام نہیں آئیں گے، اس لیئے ہم پروزور مطالبہ کرتے ہیں کہ ہمارے گرفتار رہنماؤں کو کارکنوں کو فی الفور رہا کیا جائے ۔

 انہوں نے مذید کہا کہ عجیب بات یہ ہے کہ حکومتی تھانے ایف آئی آر پہلے کاٹتے ہیں ، دفعات پہلے لگاتے ہیں اور لوگوں کو بعد میں گرفتار کرتے ہیں ، ایسے اقدامات سے اس نام نہاد جمہوری حکومت کا مکروہ چہرہ بے نقاب ہو چکا ہے، کوئی چارہ نہیں نام نہاد جمہوری وزیراعظم گھر جائے اور ان ظالمانہ و وحشیانہ اقدامات کی شفاف تحقیقات کروائیں جائیں۔انہوں نے کہا کہ جمہوری دور حکومت میں عوام پر طاقت کا بے دریغ استعمال دفعہ 144کا نفاذ ، چادر و چار دیواری کا تقدس پامال کیا جانا آمریت کی یاد تاذہ کروانے کا ذریعہ اور اس بات کا ثبوت ہے کہ نواز شریف نے ایک ڈکٹیٹر کی کوک میں سیاسی پرورش پائی تھی اور اس کے عملی مظاہرے کیئے جا رہے ہیں۔

وحدت نیوز(کراچی) امیر پنجابی طالبان عصمت اللہ معاویہ کی جانب سے سرینڈرآپریشن ضرب عضب کی کامیابیوں کا نتیجہ ہے، پنجاب میں ممکنہ آپریشن کے خوف سے ایسے بیانات جاری کیئے گئے ہیں ، طوبہ کا اعلان  ایک نئی چال کے سوا کچھ نہیں ، عوام اور افواج پاکستان ہوشیار رہیں ، اگر طوبہ سچی بھی ہو تو بے گناہوں کے خون کا حساب ضرور لیا جائے ، ان خیالات کا اظہار مجلس وحدت مسلمین ضلع ملیر کی پولیٹیکل کونسل کے رکن ڈاکٹر حسن جعفررضوی نےپولیٹیکل کونسل کے اجلاس سے خطاب کرتے ہوئے کیا ، ان کا کہنا تھا کہ وزیر ستان میں جاری پاک فوج کا آپریشن ضرب عضب کامیابی کی منازل طے کرتا ہوا آگے کی جانب بڑھ رہا ہے، دشمنان دین و وطن کو شدید نقصان کا سامنا کرنا پڑا ہے، آئی ایس پی آر کے مطابق پاک فوج نے تمام نامور دہشت گردوں کو یا تو واصل جہنم کر دیا ہے تا گرفتار کر لیا ہے، پاک فوج کے ہاتھوں شدید جانی و مالی نقصان اٹھانے والے طالبان کی حالت زار دیکھ کر پنجابی طالبان نے طائب ہوکر آئندہ دہشتگردی نی کرنے کا اعلان کیا ہے جو کہ خوش آئند ہے لیکن جن بے گناہوں پاکستانیوں کو انہوں نے بے دردی شہید کیا ان کے خون کا حساب لینے کے بعد ان کی معافی قبول کی جائے۔

وحدت نیوز(تہران) الحمدللہ رہبر معظم انقلاب  امام سید علی  خامنہ ای  ہسپتال سے اپنے گھر تشریف لے جاچکے ہیں،انہیں پیسٹاٹ نامی ایک معمولی سے آپریشن کے لئے تہران کے سرکاری اسپتال میں داخل کیا گیا تھا جہاں ان کا کامیاب آپریشن عمل میں آیااورڈاکٹرو ں کی ہدایات کے مطابق ایک ہفتہ ہسپتال میں قیام کے بعد وہ اپنے گھر تشریف لے گئے ہیں ، ہسپتال سے جاتے ہوئےانہوں نے ڈاکٹروں اور نرسوں سے مشترکہ ملاقات کی ان کی دیکھ بھال او ر علاج معالجہ میں بہترین تعاون پر ان کا شکریہ ادا کیا، ساتھ ہی انہوں نے سرکاری خبر رساں ادارے کو مختصر انٹرویو بھی دیا جس میں ان کاکہنا تھا کہ ابھی صحیح و سالم جسم اور اطمنان قلبی کے ساتھ اپنے گھر کی طرف جارہا ہوں، لیکن ان دنوں میں میری نسبت محبت و لطف جو انجام پایا اس سے ایک بھاری پن اور شرمندگی کا احساس لئے ہوں۔اپنے ملک کے لوگوں کے اظہار محبت کے علاوہ، دیگر ملتوں کی جانب سے بہت زیادہ اظہار لطف ہوا۔میں ان چند دنوں سے جو ہسپتال میں داخل تھا، ایک تفریح و شغل جو میرے پاس تھا وہ داعش سے لڑائی کے بارے میں امریکی اداروں کی باتیں تھیں، جو واقعال میرے لئے تفریح کا باٰعث بنیں۔

انہی دنوں میں کہ جب داعش کے سخت حملوں کے دن تھے تو عراق میں امریکی سفیر نے ہمارے سفیر سے درخواست کی اور چاہا کہ داعش کے حوالے سے ھماھنگی کے لئے ایران و امریکا کا ایک مزاکراتی جلسہ منعقد کیا جائے۔بعض مسئولین نے اس جلسے کی مخالفت نہیں کی لیکن میں نے مخالفت کی اور کہا کہ ہم اس معالمے میں امریکیوں کا ساتھ نہیں دینگے کیونکہ انکی نیت اور ہاتھ آلودہ ہیں اور اس حال میں ممکن نہیں کے ہم امریکا کا ساتھ دیں۔

اسی طرح امریکی وزیر خارجہ نے خود ڈاکٹر ظریف سے درخواست کی کہ آئیں اور داعش کے حوالے سے ہم آہنگی کریں لیکن ڈاکٹر ظریف نے اسکی درخواست کو رد کردیا۔
ابھی وہ جھوٹ بول رہے ہیں کہ ہم ایران کو اس الائنس میں شرکت کرنے نہیں دینگے جبکہ ایران نے شروع سے ہی ایسی الائنس میں شرکت کی مخالفت کردی تھی۔

خود امریکی حتی داعش بھی بہت اچھی طرح جانتے ہیں کہ جس تحریک نے عراق میں داعش کی کمر توڑی وہ امریکی اقدام نہیں تھا بلکہ عوامی طاقت اور عراق کی فورسز تھیں جنہوں نے داعش کا مقابلہ کیا اور ان پر پرزور وار کیا۔حقیقت یہ ہے کہ آمریکی بہانے کی تلاش میں ہیں کہ جو کام یہ پاکستان میں کر رہے ہیں اور ایک حکومت اور طاقتور ملٹری فورسز ہونے کے باوجود بغیر اجازت اس ملک کی حدود میں داخل ہوجاتے ہیں اور مختلف جگہ بم برساتے ہیں، یہی کام عراق و شام میں کریں۔بہر حال ان دنوں امریکی حکام کی یہ باتیں ہسپتال کے بستر پر میری لئے ایک تفریح تھیں۔