وحدت نیوز (لاہور) علامہ ناصرعباس جعفری کی زیر صدارت مجلس وحدت مسلمین شعبہ خواتین کا ایک روزہ مرکزی تنظیمی وتربیتی اجلاس لاہور میں شعبہ خواتین کے مرکزی دفتر میں منعقد ہوا جس میں شعبہ خواتین کی از سر نو تنظیم سازی کی گئی ۔ملک بھر سے آئی ہوئی خواتین جن میں گلگت ، بلتستان ، کوئٹہ ، خیبر پختونخواہ ، اندرون سندھ ، کراچی اور لوئر ،اپراور مڈل پنجاب اور ریاست آزاد جموں کشمیرشامل تھیں نے شرکت کی اس اجلاس میں صوبوں کی نمائندگی میں آنے والی خواتین کو کوآرڈینیٹر اور معاون کوآرڈینیٹرکی ذمہ داریاں دی گئیں اور انہیں یہ ٹارگٹ دیا گیا ہے کہ وہ ضلعی سیٹ اپ کو جلد از جلد مکمل کر کییونٹس تشکیل دیں گی اور انشا اللہ مئی کے پہلے ہفتے میں شعبہ خواتین کا کنونشن منعقد کیا جائے گا ۔اس اجلاس میں مرکزی کمیٹی شعبہ خواتین کے اراکین جن میں شعبہ سیاسیات کے مرکزی سیکریٹری برادر ناصر عباس شیرازی ، شعبہ تربیت کے مرکزی سیکریٹری مولانا احمد اقبال رضوی ، مرکزی کوآرڈینیٹر شعبہ خواتین خانم زہرا نقوی ،معاون کوآرڈینیٹر شعبہ خواتین خواہر تحسین شیرازی ، خانم زہرا نجفی کے علاوہ محترمہ خانم طیبہ ناصر نے خصوصی طور پرشرکت کی اور اجلاس سے خطاب بھی کیا ۔

وحدت نیوز (لاہور) مجلس وحدت مسلمین شعبہ خواتین کے ایک روزہ مرکزی تنظیمی و تربیتی اجلاس کی صدارت کر تے ہو ئے مرکزی سیکریٹری جنرل علامہ ناصرعباس جعفری نے کہاکہ زینبی(س)کردار کی حامل خواتین مجلس وحدت مسلمین کا توانا بازو ہیں پوری تاریخ میں اسلامی تحریکوں میں انقلابی خواتین نے قربانیاں دیکر حق کے پرچم کو سر بلند رکھا ہے انہوں نے خواتین کے انقلابی کردار کی طرف اشارہ کرتے ہوئے کہا انقلاب اسلامی ایران کی کامیابی میں خواتین نے اہم کردار ادا کیا اور آٹھ سالہ مسلط کردہ جنگ میں خواتین نے ایثار اور قربانیوں کے ایسے عظیم نمونے دنیا کے سامنے پیش کیے جو اپنی مثال آپ ہیں ۔انہوں نے مزید کہاحزب اللہ کی خواتین نے اسرائیل کو شکست اور ذلت سے دچار کیا ہے ۔بلکہ انہوں نے اپنے بیٹوں ، بھائیوں اور شوہروں کو قربان کر کے لبنان کوہمیشہ کے لئے اسرائیل کے شر سے محفوظ بنایاہے ۔

علامہ ناصر عباس جعفری نیاجلاس میں شریک خواتین کو مخاطب کرتے ہوئے کہا کہ ہماری خواتین بھی ایرانی اور لبنانی خواتین سے کسی طرح بھی کم نہیں ہیں ، انہوں نے بھی قربانیاں دینے کا جذبہ موجود ہے جو انہوں نے کربلا سے سیکھا ہے۔علامہ ناصر عباس جعفری نے مجلس وحدت مسلمین کے ممبران اور مسولین سے بھی گزارش کی ہے کہ وہ بھی شعبہ خواتین کو مضبوط بنانے میں اپنا کردار ادا کریں ، مجلس وحدت کے تمام صوبائی اور ضلعی مسؤلین کو اس مہم میں خواتین کا ساتھ دینے کی ہدایت کی ۔اس اجلاس سے شعبہ خواتین مجلس وحدت مسلمین کی مرکزی کوآرڈینیٹر خانم زہرا نقوی نے اظہار خیال کرتے ہوئے کہا کہ : اس مشکل گھڑی میں جب ہماری ملت پر روزانہ شب خون مارا جا رہا ہے اور روز ہماری مساجد ، امام بارگاہوں پر حملے ہو رہے ہیں اور سینکڑوں شیعیان علی (ع)کو شہید کیا جا رہا ہے اور ملک میں دہشت گردوں کا راج ہے ۔ اور ملت کے جوانوں کو بے گناہ اسیر کیا جا رہا ہے ،شعبہ خواتین کو مضبوط کر کے فعال کردار ادا کرنے کی ضرورت ہے تاکہ اپنے بھائیوں کی پشتبانی کرتے ہوئے انکی اس عظیم انقلابی اور الہی جدو جہد میں ان کے برابر کی شریک رہیں۔انہوں نے اس بات کا بھی عزم کیا کہ ملت کی مستضعف خواتین کو اوپر لا کر انہیں ملت کا مضبوط بازو بنائیں گے ۔ انہوں نے بھی مجلس وحدت کے مسولین اور کارکنان سے اپیل کی کہ شعبہ خواتین کی مضبوطی کیلئے ان کا ساتھ دیں اور اپنے گھر کی خواتین کو بھی اس شعبے سے منسلک کرتے ہوئے اپنے ضلعوں سے موثر خواتین کی لسٹ فراہم کرنے میں ان کی مدد کریں ۔

اس مرکزی اجلاس سے شعبہ سیاسیات کے مرکزی سیکریٹری جناب ناصر عباس شیرازی نے خطاب کرتے ہوئے کہا کہ ملک کی بگڑی ہوئی صورتحال اور تشیع پر یزیدی طاقتوں کے بڑھتے ہوئے حملوں کے مقابلے میں مجلس وحدت مسلمین اپنے الہی اور انسانی فریضے کو ادا کر رہی ہے اور اس مشکل وقت میں شعبہ خواتین کا از سر نو فعال ہونا خوش آئند ہے ۔شعبہ تربیت کے مرکزی سیکرٹری مولانا احمداقبال رضوی نے اسلامی تنظیم کے کارکن کی خصوصیات اور اخلاق پر گفتگو کرتے ہوئے کہا کہ ایک اسلامی تنظیم کے کارکن میں اخلاص ،بصیرت اور ایمان کا ہونا ناگزیر ہے انہوں نے مزید کہامجلس وحدت مسلمین ایک عام سیکولر یا لبرل جماعت نہیں بلکہ اس کا منشور اور اغراض و مقاصد اسلامی اور الہی ہیں لہذا ہمیں بھی انہیں اسلامی و الہی اقدار کا حامل ہونا چاہیے ۔

وحدت نیوز(پشاور) مجلس وحدت مسلمین خیبر پختونخوا کے سیکرٹری جنرل علامہ سید سبطین الحسینی نے سانحہ پشاور کے بعد تحریک انصاف کی صوبائی حکومت کے رویہ کو شدید تنقید کا نشانہ بناتے ہوئے کہا ہے کہ حکمرانوں کا  یہ رویہ عوام دشمنی اور دہشتگردوں کی حوصلہ افزائی کی مانند ہے۔ امامیہ مسجد حیات آباد پشاور میں ایک اجلاس سے خطاب کرتے ہوئے ان کا کہنا تھا کہ سانحہ پشاور کو آج چار روز گزر گئے ہیں، لیکن تحریک انصاف کے رہنماوں یا صوبائی حکومت کے کسی نمائندے کو تعزیت کیلئے یہاں آنے کی زحمت تک نہ گوارہ ہوئی، حکمرانوں کا یہ رویہ عوام دشمنی اور دہشتگردوں کی حوصلہ افزائی کے مترادف ہے، سانحہ امامیہ مسجد کے اندوہناک واقعہ میں 22بے گناہ نمازیوں کو شہید کیا گیا ، اور 60سے زائد زخمی ہیں، لیکن ان بے حس حکمرانوں نے دہشتگردی سے متاثرہ عوام کے زخموں پر مرہم رکھنے کی بجائے نمک پاشی کی ہے۔ تبدیلی کے نام پر عوامی مینڈیٹ حاصل کرنے والوں کو یہ حرکتیں ہرگز زیب نہیں دیتیں۔ انہوں نے کہا کہ جمعہ کو امامیہ مسجد حیات آباد میں عظیم الشان عائیہ اجتماع منعقد ہوگا، جس میں بڑی تعداد میں عوام شرکت کریں گے، جس میں مختلف مکاتب فکر کی نمائندگی بھی ہوگی، اور نماز جمعہ کے اجتماع کے بعد دہشتگردی کیخلاف بھرپور احتجاج کیا جائے گا۔

وحدت نیوز (کراچی) ور ثاء شہداء کمیٹی کی جانب سے دہشتگردی کے خلاف شکار پور سے وزیر اعلیٰ ہاؤس کراچی لانگ مارچ کے شرکاء کا بھرپور استقبال کیا جائے گا، دہشت گردوں نے ہزاروں ماؤں کی گودیں اجاڑی ہیں، حکومت کب دہشت گردوں کے خلاف فوجی آپریشن کا آغاز کرے گی، افواج پاکستا ن سے مطالبہ کرتے ہیں کہ سندھ بھر میں فوجی آپریشن کا کیا جائے، پورا ملک طالبان دہشت گردوں کے نشانے پر ہے اور مرکزی اور صوبائی حکومت خاموش تماشائی بنی ہوئی ہے شہداء کی جانب سے لانگ مارچ میں تمام سیاسی و مذہبی جماعتیں ہمارے ساتھ ہیں حکومت کی جانب سے لانگ مارچ کو روکنے کی سازش کی تو حالات کی سنگینی کی تمام تر ذمہ داری سندھ و وفاقی حکومت پر عائد ہوگی ۔

ان خیالات کا اظہار مجلس و حدت مسلمین کے رہنماء علی حسین نقوی ،مولانا ،علی انور ،علامہ مبشر حسن ،مولانا احسان دانش ،متحدہ قومی مو ؤمنٹ علماء کمیٹی کے رکن مولانا شاہ فیروز الدین رحمانی ،رکن صوبائی اسمبلی انور رضا نقوی،جمیعت علماء پاکستان کے صوبائی رہنماء علامہ قاضی احمد نورانی صدیقی،سنی اتحاد کونسل کے رہنماء طارق محبوب، مولانا شہزاد مہر وی ،پاکستان عوامی تحریک کراچی کے صدر لیاقت کاظمی،عوامی مسلم لیگ کے رہنماء محفوظ یار خان،آل پاکستان سنی تحریک کے رہنماء مطلوب اعوان،پاکستان مسلم لیگ ق کے رہنماء شیخ اقبال سمیت دیگر نے سیاسی و مذہبی جماعتوں کے رہنماؤں نے کراچی کیتھولک گارڈن میں اپنی مشترکہ پریس کانفرنس سے خطاب میں کیا ۔

کانفرنس سے خطاب میں ایم ڈبلیو ایم کے رہنماء علی حسین نقوی کا کہنا تھا کہ مظلوموں کی آواز پر ملکی محب وطن جماعتوں نے لبیک کہا ہے سانحہ شکار پور شہداء کمیٹی کی جانب سے لانگ میں مارچ کی حمایت کے پیچھے کوئی سیاسی ایجنڈا نہیں ہے شہداء کے خانوادوں کی جانب سے سانحہ کے بعد و زیر اعلیٰ سندھ کو اپنے مطالبات پیش کئے جس میں دہشتگردوں کی گرفتاری سمیت سندھ بھر میں تکفیری دہشتگرد کالعدم جماعتوں پر پابندی اور دہشتگردی کے خلاف آپریشن ضرب عضب کی طرز پر فوجی آپریشن کا مطالبہ کیا گیا جیسے نا اہل وزیر اعلیٰ سندھ نے اپنے اقتدار کی حوس کی خاطر تسلیم نہیں کیا جس سے یہ بات واضح ہوگئی کے سانحہ شکار نمازیوں کو نشانہ بنانے والے دہشتگرد وں کی سر پرستی حکومت سندھ کر رہی ہے ایم ڈبلیو ایم ور ثاء شہداء کمیٹی کے شانہ بشانہ کھٹری ہے اور سندھ میں موجود تمام جماعتیں ور ثاء شہداء کمیٹی کے ان مطالبات کے لئے ان کے ساتھ ہیں ور ثاء شہداء کمیٹی کا مارچ شکار پور سے روانا ہو چکا ہے جو بروز منگل 17،فروری کراچی پہنچے گا جس کا استقبال سندھ بھر میں موجود تمام محب وطن سیاسی ومذہبی جماعتیں کریں گی ور ثاء شہداء کمیٹی کی جانب سے یہ لانگ مار چ سندھ دھرتی سمیت ملکی عوام کا دہشتگردی کے خلاف ایک اہم قدم ہے جو مطالبات کی منظوری تک جاری رہے گا سندھ حکومت نے اگر لانگ مارچ کو روکنے کی کوشش کی تو حالات کی سنگینی کی تمام تر ذمہ داری سندھ حکومت پر عائد ہوگی۔

کانفرنس سے خطاب میں متحدہ قومی موؤمنٹ علماء کمیٹی کے رکن مولانا شاہ فیروز الدین رحمانی کہنا تھا کہ حکومت وقت کی ذمہ دای ہے کہ وہ دہشتگردوں کے خلاف بلا تفریق کاروائی کرئے ،ملک بھر میں ہونے والی دہشتگردی کی مذمت کرتے ہیں تکفیری دہشتگردوں کے خلاف تمام مکاتب فکر کے علماء کرام اور ملکی عوام متحد ہے سانحہ شکار پور نمازیوں کو نشانہ بنانے والے انسان کھلانے کے لائق نہیں شکار پور شہداء کمیٹی کے ساتھ ہیں دہشتگردی کی گرفتاری اور ان کے مطالبات کی منظوری تک ان کے ساتھ ہیں ۔

کانفرنس سے خطاب میں جمیعت علماء پاکستان کے صوبائی رہنماء علامہ قاضی احمد نورانی صدیقی کا کہنا تھا کہ حکومت سندھ میں بلا تفرق آپریشن کا آغاز کرے سندھ میں کالعدم جماعتیں اپنی سر گرمیاں جاری رکھے ہوئے ہیں دہشتگردوں کے صوفیائے کرام کی دھر تی کو نشانہ بنایا ہے ،سنی اتحاد کونسل کے رہنماء طارق محبوب کا کہنا تھا کہ ملک میں حکومتی رٹ ختم ہو چکی ہے سانحہ پشاور مجرموں کو بے نقاب کر دیا جاتا تو سانحہ شکار پور نہیں ہوتاملک میں جاری دہشتگردی میں تکفیری ،یہودی ایجنٹ ملوث ہیں جن کو نواز حکومت کی مکمل سر پر ستی حاصل ہے ۔

پاکستان عوامی تحریک کراچی کے صدر لیاقت کاظمی کا کہنا تھا کہ نواز حکومت کے ہر دور میں کالعدم تکفیری گرہوں کو سپورٹ ملتی رہی طالبان خوارج ہیں وفاقی سانحہ ماڈل ٹاؤن میں مظلوم عوام کو دہشتگردی کا نشانہ بنایا گیا اور حکومتی سر پرستی میں پلنے والے دہشتگرد سانحہ پشاور میں معصوم بچوں کو نشانہ بنا رہے ہیں تو کبھی پشاور اور شکار پور میں عبادت کرنے والے نمازیوں کونشانہ بنانے کی جتنی مذمت کی جائے کم ہے ،

عوامی مسلم لیگ کے رہنماء محفوظ یار خان ایڈوکیٹ کا کہنا تھا کہ حکومت جلد از جلد پھانسی کی سزا یافتہ کالعدم دہشتگرد تنظیموں کے مجرموں کو فوری پھانسی دے،فوجی عدالتیں جلد از جلد اپنے کام کا آغاز کریں ماضی میں اگر عدالتوں سے عوام کو انصاف ملتا تو آج دہشتگردی کے واقعات میں کافی حد تک کمی ہوتی،آل پاکستان سنی تحریک کے رہنماء کا کہنا تھا کہ صوبائی و مرکزی حکومت دہشتگردی کی روک تھام میں ناکام ہو چکی ہے حکومت دہشتگردوں کو جانتی ہے ملک میں دہشتگردوں اور ان کے پیچھے موجود سر پرستوں کو گرفتار کیا جائے،سانحہ شکار پور حکومت سندھ کی نا اہلی کا نتیجہ ہے حکومت کی جانب سے اب بھی دہشتگردی کے خلاف عملی اقدامات نہیں کئے جارہے ہیں ۔

پاکستان مسلم لیگ ق کے رہنماء شیخ اقبال کا کہنا تھا کہ سندھ بھر میں دہشتگرد آزاد گھوم رہے ہیں کراچی میں جاری ٹارگٹ کلنگ ہو یا سندھ میں بم دھماکے وزیر اعلیٰ سندھ اپنے اقتدار اور کرپشن کے سوائے دہشتگردی کے روکنے کے خلاف کوئی عملی اقدامات نہیں کر رہے شکار پور ورثاء لانگ مارچ کی مکمل حمایت کا اعلان کرتے ہیں کانفرنس کے اختتام پر علامہ قاضی احمد نورانی نے سانحہ پشاور اور شکار پور دہشتگردی میں شہید ہونے والوں کے بلندی درجات کیلئے دعا کر وائی ۔