The Latest
وحدت نیوز(سرگودھا) پنجاب بھر میں شاہی نظام حکومت قائم ہے، تخت لاہور نے تمام صوبے کے عوام کو بیکس ولاچاربنا رکھا ہے، مذہبی آزادی صلب کر نے کی کوششیں کی جارہی ہیں ،پورا پنجاب کالعدم تکفیری جماعتوں کی جنت بن چکا ہے، ڈی پی او سرگودھا ہلال پور میں عزاداری پر سے پابندی فوری طور پر ہٹائے ، سرگودھا کا ہر چوک عزاخانہ بنا دیا جائے گا،پنجاب حکومت نے قاتل ومقتول میں فرق ختم کر دیا ہے،گیارہ بے گناہ کارکنان کی شہادت کے باوجود صاحبزادہ حسن محی الدین قادری کے خلاف ایف آئی آر کااندراج انتقامی سیاست ہے ، ان خیالات کا اظہار مجلس وحدت مسلمین کے سربراہ علامہ ناصر عباس جعفری نے سرگودھا کی تحصیل بھلوال میں منعقدہ شہداء کانفرنس سے خطاب کرتے ہوئے کیا، قبل ازیں علامہ ناصر عباس جعفری سرگودھا کی حدود میں داخل ہوئے تو سیال موڑ پر علاقہ مکینوں نے سینکڑوں کی تعداد میں موٹر سائیکلوں اور گاڑیوں میں ناصر ملت کا فقید المثال استقبال کیا، علامہ ناصرعباس جعفری نے سیال موڑ کی مرکزی امام بارگاہ میں مومنین سے مختصر خطا ب کیا، سیال موڑ سے علامہ ناصر عباس جعفری ایک بڑی ریلی کے ہمراہ کوٹ مومن سٹی پہنچے جہاں پہلے سے موجود سینکڑوں گاڑیوں میں سوار مومنین اور اہل علاقہ علامہ ناصر عباس جعفری کے قافلے میں شامل ہو گئے،ایک بڑا قافلہ دو کلومیٹر طویل ریلی کی صورت میں علامہ ناصر عباس جعفری کے ہمراہ بھلوال سٹی پہنچا جہاں مقامی تاریخ کا عظیم الشان استقبال کیا گیا ۔
بھلوال میں عزاداری کانفرنس سے خطاب کرتے ہو ئے علامہ ناصر عباس جعفری نے کہا کہ نواز شریف کے بھائی شہباز شریف کی پنجاب میں حکومت ہمارے لئے ایسی ہی ہے جیسے کوفے میں یزید کے بھائی ابن زیاد کی حکومت ، نواز لیگ کا ایک ہی ایجنڈا ہے کہ کسی طرح بھی محب وطن قوتوں کو پنجاب سمیت ملک بھر میں کچلا جائے،آئین پاکستان کی روشنی میں کالعدم قرار دی جانے والی ملک دشمن تنظیمیں پنجاب کو اپنا ننھیال سمجھتی ہیں ، جس آزادی کے ساتھ کالعدم جماعتیں پنجاب میں فعال ہیں ایسی صورت حال کسی اور صوبے میں نہیں ،سنگین جرائم میں ملوث دہشت گردو ں کو پنجاب حکومت مراعات فراہم کرتی ہے ،قاتلوں کو سرکاری پروٹوکول دیا جاتا ہے، کبھی جلوس پر پابندی کی ناکام کوششیں کی جاتی ہیں کبھی عزاداری پر قدغن لگانے کی بوگس سازشیں کی جا تی ہیں ، آج یہاں اس کانفرنس کے توسط سے ڈی پی او سرگودھا کو متنبہ کر تا ہوں کہ عزاداری کے اجتماعات پر سے پابندی کو فوری طور پر اٹھا یا جائے ورنہ سرگودھا کی ہر گلی ہر چوک سے ماتمیوں کے دستے نکلیں گے اور پورے سرگودھا کو عزاخانے میں تبدیل کر دیں گے، انہوں نے گذشتہ دنوں لاہور میں ریاستی ظلم و جبر کی مذمت کر تے ہوئے کہا کہ شہباز شریف نے سیاسی انتقام کے نشے میں دہت ہو کر نہتے شہریوں پر گولیاں چلوائیں خواتین کی حرمت بھی پامال کی گئی، انتقامی سیاست میں ایک سیاہ باب رقم کیا گیا، شہباز شریف کی انتقام کی آگ ابھی بجھی نہیں ، ڈاکٹر طاہر القادری کے فرزند صاحبزادہ حسن محی الدین قادری کے خلاف جھوٹی ایف آئی آر کاٹ دی گئی جو کے مقتول کو ہی قاتل بنانے کی گہناؤنی سازش ہے ، جس کی ہم پر زور مذمت کر تے ہیں ۔
ان کا مذید کہنا تھا کہ سانحہ ماڈل ٹاون انتہائی شرمناک ہے، بے گناہوں کو قتل کیا گیا اور ہم ڈاکٹر طاہر القادری کے ساتھ مکمل یکجہتی کا اظہار کرتے ہیں۔ انہوں نے کہا کہ ڈاکٹر طاہر القادری جلوس نکالیں، دھرنے دیں یا حکومت کیخلاف لانگ مارچ کریں، ہم انکے ساتھ ہیں۔ انہوں نے کہا کہ منہاج القرآن کے کارکنوں کو قتل کر کے انہیں فوج کی حمایت کرنے کی سزا دی گئی۔ ایم ڈبلیو ایم کے مرکزی قائد کا کہنا تھا کہ مجلس وحدت مسلمین نے ایک سیاسی قوت بننے کا فیصلہ کر لیا ہے، اگرچہ یہ ایک مشکل کام ہے لیکن اگر ہم سیاسی طاقت نہیں بنیں گے تو اپنے حقوق کے لیے بھیک مانگنا پڑے گی، لیکن پھر بھی ٹھوکریں ملتی رہیں گی۔ بھلوال ضلع سرگودہا کی مرکزی امام بارگاہ میں اپنے خطاب میں انہوں نے کہا کہ ملک کو دہشت گردوں کی فیکٹری نہیں بننے دیں گے، پاکستان کے شیعہ اور سنی اکٹھے ہو جائیں تو پھر وہی ہو گا جو یہ چاہیں گے۔ انہوں نے سانحہ ماڈل ٹاون کے متعلق حکومت پر تنقید کرتے ہوئے کہا کہ وزیر اعلیٰ پنجاب شہباز شریف کا یہ کہنا کہ انہیں پولیس گردی کا علم ہی نہیں تھا، ایک جھوٹ ہے۔ علامہ راجہ ناصر عباس نے کہا کہ اہلسنت نے راولپنڈی واقعہ کے موقع پر ہمارا ساتھ دیا، ہم انکے شانہ بشانہ چلیں گے، لیکن اپنے حقوق کے لیے ہتھیار نہیں اٹھائیں گے، بلکہ عوامی جد و جہد کریں گے اور انشا اللہ کامیابی ہمارا مقدر ٹھہرے گی۔
وحدت نیوز(اسلام آباد) مجلس وحدت مسلمین کے مرکزی سیکرٹری سیاسیاست ناصر عباس شیرازی ایڈووکیٹ نے اسلام آباد میں مسلم لیگ (ق) کے سیکرٹری جنرل مشاہد حسین سید اور مسلم لیگ نون کے رہنماءشیخ وقاص اکرم سے الگ الگ ملاقات کی ہے، ملاقات میں امن و امان کی مجموعی صورتحال، ملکی حالات اور طالبان کے خلاف ہونے والے فوجی آپریشن پر بات چیت ہوئی ہے۔ رہنماوں نے لاہور واقعہ پر اظہار افسوس کیا اور اسے جمہوری دور کی بدترین مثال قرار دیا۔ اس موقع پر ناصر عباس شیرازی کا کہنا تھا کہ جس انداز میں وزیر اعلٍی شہباز شریف کی ہدایت پر نہتے لوگوں کا قتل عام ہوا ہے اس کی کوئی نذیر نہیں ملتی۔ انہوں نے کہا کہ شہباز شریف اور رانا ثناءاللہ کو فی الفور استعفیٰ دینا چاہیئے تاکہ تحقیقات شفاف انداز میں ہو سکیں۔ مشاہد حسین سید سے ہونے والی ملاقات میں اپوزیشن کے متوقع گرینڈ الائنس پر بھی تبادلہ خیال کیا گیا۔ رہنماوں نے اس بات پر اطمنان کا اظہار کیا کہ پاک فوج بڑی تیزی کے ساتھ بھرپور آپریشن کر رہی ہے اور انشاءاللہ یہ آپریشن ملک میں امن و امان کی نوید ثابت ہوگا۔
سیاسی طاقت نہ
وحدت نیوز (کوئٹہ) مجلس وحدت مسلمین کوئٹہ ڈویژن کے زیر اہتمام پا نچویں اجتما عی شا دی کا انعقاد کیا گیا جس میں زند گی کے مختلف شعبوں سے تعلق رکھنے والے سماجی، سیا سی اور مذہبی زعما ء و اکا برین نے ایک بڑی تعدا د میں شر کت کی ۔ تقریب سے خطا ب کر تے ہوئے مجلس وحدت مسلمین کے مر کزی رہنما علامہ سید ہاشم مو سوی نے کہا کہ یہ ہما رے لئے اعزاز کی با ت ہے کہ آج کی اس اجتما عی شا دی میں برا دران اہ سُنت کے جو ڑے بھی شا مل ہیں جو بذا ت خود اتحا د بین المسلمین کی ایک بہت بڑی علامت ہے یوں ایک دوسرے کے سا تھ میل جو ل رکھنا اور محافل میں شریک ہونے سے آپس کی غلط فہمیا ں دور ہو تی ہیں اور ایک دوسرے کو سمجھنے میں مدد گا ر ثا بت ہو گی۔ انہوں نے کہا شیعہ اور سُنی اسلام کے دو مضبو ط با زو ہیں جسکے اتحا د میں دشمنا ن دین و امریکا اور استکبا ر جہان اپنے لئے مُضر سمجھتے ہیں یہی وجہ ہے کہ آج یہ قو تیں مسلما نوں کو دست و گریبان کرنے میں کو ئی دقیقہ فرو گذا شت نہیں کرتے ہیں اور اپنے پر وردہ عنا صر کے ذریعے وطن عزیز پا کستان میں بین المذا ہب نفر توں کے بیج ہوئے جا رہے ہیں مگر ہمیں یہ یقین کر لینا چا ہیے کہ مسلما نوں کو نجا ت اور اُنکے مسا ئل کا حل صر ف اور صر ف اتحا د و اتفا ق میں ہی پو شیدہ ہے جسکے لئے علما ء سمیت معا شر ے کے ہر طبقے کے لو گو ں کا اپنا کر دا ر ادا کر نا چا ہئیے۔
تقریب سے خطا ب کر تے ہوئے سُنی سپریم کونسل کے ڈپٹی چیرمین سید حبیب اللہ چستی نے بتا یا کہ اس پُر مسر ت موقع پر خو د کو اس نو رانی محفل میں پا کر خو شی محسو س کر رہا ہوں جسکے لئے میں مجلس وحدت مسلمین کے رہنما وں اور تما م اراکین کا بے حد مشکور و ممنوں ہوں اُنہوں نے محفل میں شریک جو ڑوں کو مبا رکباد پیش کر تے ہوئے کہا کہ اجتما عی شا ویوں کا اتعقاد ایک قا بل تحسین امر ہے نکا ح سُنت نبوی ﷺ میں سے ہے او ر سُنت رسول ﷺ کی پیر وی کرتے ہوئے ہی ہم اپنے معا شرے سے بُرا ئیوں کا خا تمہ کر سکتے ہیں ۔ اُنہوں نے کہا کہ اس چیز کیلئے حضر ت فا طمتہ الزاہ ؑ کی سیر ت اور سا دگی بھری شا دی ہما رے لئے بہترین نمونہ عمل ہے ورنہ شاد ی کے اخر اجا ت اور بے جا رسوما ت کو بڑھانے سے معا شرے کے اندر باالخصو ص نو جو انوں میں بُر ائیا ں جنم لتیے ہیں آج کی یہ محفل شیعہ ، سُنی اتحاد کا بہترین مظا ہرہ صدیوں سے ہم میں یہی محبت امن اور بھا ئی چا رے کی فضا ء تھی مگر کچھ غیر ملکی پر وردہ عنا صر اور دشمنان اسلام نے ہم میں ایسے گر وہ بنا ئے جو شب و روز مسلمانوں کے اندر انتشار اور فر قہ وا ریت کو ہو ا دینے میں مصر و ف عمل ہیں ورنہ ہم تو وہ ہیں جو گناہ قتل کرنے اور ایک دوسرے پر کفر کے فتو ے لگا نے کا روئے زمین میں بد ترین گنا ہ تصور کر تے ہیں ۔
تقریب میں موجو د مختلف سما جی مذہبی سیا سی شخصیات بالخصوص ایم ڈبلیوایم کے رکن بلوچستان اسمبلی سید محمد رضانے مجلس وحدت مسلمین کی اس کا وش کو سر اہتے ہوئے کہا کہ اس کا وش سے ایک انسا ن سا ز معاشرے کی تشکیل اور نو جو ان طبقے کو معا شر ے کا ذمہ دا ر فر د بنانے میں بھر پور مد د ملے گی۔ پروگرام کے آخر میں ایم ڈبلیو ایم کے تما م یونٹس ،ضلعی عہدے دا ران اور کا رکنوں کو خر اج تحسین پیش کر تے ہوئے کہا گیا کہ اُنہوں نے دن رات محنت کر کے اس اجتما عی شادی کے پر وگر ام کو کامیاب بنا نے میں اہم کر دار ادا کیا۔
وحدت نیوز(کوئٹہ) مجلس وحدت مسلمین کو ئٹہ ڈویژن سے جا ری کر دہ بیان میں رکن بلوچستان اسمبلی سید محمد رضا رضوی نے آپریشن ضر ب عضب کوخوش آئند قر ار دیتے ہوئے اس کا دائرہ وسیع کر کے پورے ملک میں دہشت گر دوں کا قلع قمع کرنے کا مطا لبہ کرتے ہوئے کہاہے کہ دہشت گر دوں کا ملک بھر میں پیچھا کر کے اُن کو انجا م تک پہنچا یا جا ئے تا کہ اُن کو یہ مو قع نا مل سکے کہ وہ پھر منظم ہو کر معصوم انسا نوں کے خون سے ہولی کھیل سکے اب وقت آگیا ہے کہ سا ٹھ ، ستر ہزار معصوم پا کستانیوں کے قا تلوں سے قصا ص لیا جا ئے کیونکہ شہدا ء کے خا نوادوں کی بھی یہی خواہش ہے کہ اُن کے عزیزوں کے خون کا بدلہ لیا جا ئے انہوں نے کہا کہ مجلس وحدت مسلمین پا کستان کے اصو لی موقف کی آج پو رے پا کستان میں اکثر سیا سی اور مذہبی جما عتوں کی طر ف سے تا ئید کی جا رہی ہیں اور بعض عنا صر جو کل تک اس مو قف کی مخا لفت کر رہے تھے آج ہو ا کے روخ کو دیکھ اپنے مو قف سے انحراف کرکے آپر یشن کے حق میں بیان جاری کر رہے ہیں جو اُن کے سیا سی بلا غت کی نشا نی ہے۔ان کا مذید کہنا تھا کہ پنجا ب حکومت کی طر ف سے پا کستان عوامی تحریک کے کا رکنوں پر کی جا نے والی بد ترین ظلم و ستم کو غیر انسا نی اور غیر جمہو ری اقدام قر ا ر دیتے ہو ئے اسکی شدید مذمت کی گئی اور کہا گیا کہ کسی بھی مہذت معا شر ے میں خوا تین اور عوام پر اس طر ح سے لا ٹی چا رج اور گو لیاں نہیں بر سا ئی جا تی لیکن ہما رے حکمر ان اقدار کے نشے میں اتنے غر ق ہو گئے ہیں کہ انہیں عوام کے جا ن کی کو ئی فکر نہیں اور عوام کو بد ترین ظلم و بر بر یت کا نشا نہ بنا یا جا رہا ہیں جو انتہا ئی شرمناک ہے۔
وحدت نیوز(نوشہروفیروز) مجلس وحدت مسلمین پاکستان ضلع نوشہرو فیروز کے سیکریٹری اعجازعلی ممنائی نے تحریک منہاج القران کے کارکنوں پر پنجاب حکومت سے تشدد اور شہادت پر گہرے دکھ کا اظہار کرتے ہوئے کہا کہ پنجاب حکومت دہشتگردوں کے بجا پر امن شہریوں پر ظلم کے پہاڑ گرا رہی ہے ملک سے دہشت گردی کے خاتمے کیلئے ان کے پاس کوئی پلاننگ نہیں ہے انہوں نے کہا کہ اب حکمرانو کے ساتھ طالبان کے خلاف جہاد کرنا بھی فرض ہوگیا ہے۔ حکومت دہشت گردی کے خاتمے کیلئے طالبان کیخلاف اعلان جہاد کرے پوری قوم ساتھ دیگی۔طالبان نے ملک کی اینٹ سے اینٹ بجاد ی مگرانکے حمایتیوں کو کوئی شرمندگی نہیں ہوئی۔ طالبان کے سرپرستوں کے گرد گھیرا تنگ کیا جائے تو دہشت گردوں کی کمین گاہوں تک پہنچا جاسکتا ہے۔ طالبان ہزاروں بیگناہ پاکستانیوں کے قاتل ہیں ، ان سے مجرموں والا سلوک کیا جائے انہوں نے کہا کہ نام نہاد اسلام کے ٹھیکیدار ریاست مخالف طالبان کی حمایت سے باز آ جائے۔عراق کی موجودہ صورتحال کو دیکھ کر پاکستان کی حکومت کو سبق لینا چاہیے یعنی یہ ممکن ہے کہ پورا ملک حکومت اور دین کے سائے تلے متحد ہو کر اس دہشت گردوں کی لعنت سے چھٹکارا پا سکتا ہے ۔
وحدت نیوز(ٹھٹھہ) مجلس وحدت مسلمین ضلع ٹھٹھہ کے سیکریٹر ی جنرل مختاردایو نے کہا ہے کہ پنجاب میں جگہ جگہ دھشتگردوں کے مراکز دھشتگردی کی ٹریننگ دے رہے ہیں پنجاب حکومت کو وہ مراکز کیوں نظر نہیں آتے، کالعدم جماعتیں کھلے عام دہندناتی پھر رہی ہیں ، دفاتر موجود ہیں ، پولیس پروٹوکول بھی دیا جا رہا ہے، مسلم لیگ ن کے وزراء مالی مدد بھی فراہم کر رہے ہیں، لیکن عدلیہ خاموش تماشائی بنی بیٹھی ہے، تحریک منہاج القرآن کے مرکزی سیکریٹریٹ پر پنجاب پولیس وحشیانہ حملے اور آٹھ بے گناہ مرد وخواتین کی ہلاکت کی پرزور مذمت کرتے ہیں ، نواز حکومت اپنے اقتدار کی بقاء کی خاطر اوچھے ہتھکنڈوں پر اتر آئی ہے،ماڈل ٹاؤن میں عورتوں اور بھوڑوں پر تشدد سے پتا چل گیا کہ ان شریفوں کی شرافت صرف دھشتگردوں کے لیے ہے شریفوں کے لئے نہیں۔
وحدت نیوز(اسلام آباد) مجلس وحدت مسلمین پاکستان کے سربراہ علامہ ناصرعباس جعفری نے کہا ہے کہ پنجاب حکومت نے ریاستی ظلم و جبر کی تاریخ نئی رقم کر دی ہے، تحریک منہاج القرآن کو سیاسی انتقام کا نشانہ بنایا گیا، ہم ہر ظالم کے خلاف اور ہر مظلوم کے مددگار ہیں ،پاکستان کو کنگڈم آف رائیونڈنہیں بننے دیں گے،ماڈل ٹاون میں شہید ہو نے والے خواتین و حضرات کے اہل خانہ کے غم میں برابر کے شریک ہیں ، مجلس وحدت مسلمین کل ملک بھر میں یوم سوگ کا اعلان کرتی ہے،سانحہ ماڈل ٹاون لاہور مسلم لیگ ن کی جانب سے آپریشن ضرب عضب سے توجہ ہٹانے کی مضموم سازش ہے،عوام پاک کی کامیابی اور دہشت گردوں کی نابودی کے لئے دعا گو ہیں ، ان خیالات کا اظہار انہوں نےمرکزی سیکریٹریٹ اسلام آباد میں پریس کانفرنس سے خطاب کر تے ہوئے کیا، اس موقع پر ایم ڈبلیوایم کے مرکزی رہنما علامہ امین شہیدی، علامہ حسن ظفر نقوی اور ناصر شیرازی بھی موجود تھے۔
میڈیا سے گفتگو کرتے ہوئے ان کاکہنا تھا کہ شمالی وزیر ستان میں جاری آپریشن ضرب عضب سے عوامِ پاکستان کی توجہ ہٹانے اور طالبان کو خوش کرنے کے لئے مسلم لیگ ن طالبان مخالف قوتوں کے خلاف طاقت کا بے جا استعمال کر رہی ہے ، ایسے نازک ماحول میں کے جب وزیرستان میں دہشت گردوں کے خلاف آپریشن کامیابی کے ساتھ جاری ہے اور اٹھارہ کروڑ عوام پاک فوج کی کامیابی اور دہشت گردوں کے نابودی کے منتظر ہیں ،میاں نواز شریف اور کے سیاسی کارندے فوجی آپریشن کا غصہ طالبان مخالف سیاسی و مذہبی قوتوں پر نکال رہے ہیں ، دہشت گردوں سے ساز باز کرنے والی پنجاب حکومت غیر جمہوری ہتھکنڈوں پر اتر آئی ہے، پنجاب حکومت طالبان مخالف قوتوں کے خلاف کریک ڈاؤن کاآغاز کر رہی ہے ،پاکستان عوامی تحریک کے پر امن اور نہتے کارکنان اور خواتین پر پولیس کا بہیمانہ تشدد قابل مذمت ہے، پنجاب پولیس نے شہباز شریف کی ایماء پر ظلم و بربریت کی انتہا کر دی ہے، نہتی خواتین کے سروں پر گولیاں برسائی گئیں ہیں ، نواز لیگ عوامی غیض وغضب کو دعوت دے رہی ہے، پرامن احتجاج عوام کا آئینی و قانونی حق ہے جو چھینا نہیں جا سکتا ، نواز شریف کی حکومت جمہوری اقدار کی پامالی میں تمام حدود کو پار کر گئی ہے، پاکستان میں جمہوریت کم اور بادشاہت کا نظام زیادہ نظر آتا ہے،پولیس کو شہباز شریف اور نواز شریف ذاتی اور سیاسی انتقام کے لئے استعمال کر رہے ہیں ،لاہور میں پولیس گردی اور قتل وغارت گری جمہوری اقدار کے سراسر منافی ہےمظلوم خواتین کی آہیں و سسکیاں ان بے ضمیر حکمرانوں کو لے ڈوبیں گی۔مجلس وحدت مسلمین پاکستان کے نزدیک ظالم کے خلاف قیام اور مظلوم کی حمایت وصیت امیر المومنین حضرت علی ع ہے اور ہم تحریک منہاج القرآن کے ساتھ اس وصیت کی روشنی میں ہی اظہار ہمدردی کر رہے ہیں ۔
وحدت نیوز(اسلام آباد) خیر العمل فاﺅنڈیشن پاکستان کے بورڈ آف گورنرز کا اجلاس ہیڈآفس اسلام آباد میں منعقد ہوا جس میں علامہ راجہ ناصر عباس جعفری ، علامہ محمد امین شھیدی ، علامہ حسن ظفر نقوی، ناصر عباس شیرازی، فضل عباس نقوی ،سید مھدی عابدی ، سید توصیف شاہ اور نثار علی فیضی نے شرکت کی۔ چیئرمین خیرالعمل فاﺅنڈیشن نثارعلی فیضی نے اراکین بورڈ آف گورنرز کو ادارے کی کارکردگی کے حوالے سے بریف کرتے ہوئے بتایا کہ اس وقت 40منصوبے مکمل کرلیے گئے ہیں 37منصوبوں پر کام جاری ہے۔تقریبا 40منصوبوں کے لیے ڈونرز کو درخواستیں بجھوائی جاچکی ہیں ۔ اجلاس میں مساجد پروجیکٹ ، ہیلتھ پروجیکٹ، ایتام پروجیکٹ، ہاوسنگ پروجیکٹ، تعلیم سپورٹ پروجیکٹ اور واٹر پروجیکٹ کے سلسلے میں مکمل کیے گئے منصوبہ جات کے منفی و مثبت پہلوﺅں کو زیر بحث لاتے ہوئے ان میں درپیش مشکلات اور حکمت عملی کے اعتبار سے ان منصوبوں کی منظوری و استفادہ پر گفتگو کی گئی۔ اجلا س میں گلگت بلتستان میں اعلان کردہ منصوبہ جات پر عمل درآمد اور اہداف کے حصول کے لیے مختلف امکانات کا بھی جائزہ لیا گیا۔ اسکے علاوہ منصوبوں کے لیے پالیسی اصول مرتب کیے گئے جس میں ڈیمانڈ و تناسب ، تعمیرات ، منصوبہ جات سے استفادہ اورمخیر اداروں و شخصیات سے روابط کے لیے بھی حکمت عملی مرتب کی گئی۔ اجلاس میں رمضان المبارک میں راشن پروگرام کا اجراءکی منظوری دی گئی ۔ اجلاس سے علامہ راجہ ناصر عباس جعفری ، علامہ امین شہیدی اور علامہ حسن ظفر نقوی نے بھی خطاب کرتے ہوئے ادارے کی خدمات کو سرہاتے ہوئے آئندہ کے حوالے سے اپنی تجاویز بھی دیں۔
وحدت نیوز (لاہور) مجلس وحدت مسلمین کے رہنماوُں کا منہاج القرآن کے مرکزی سیکرٹریٹ ماڈل ٹاوُن ایم بلاک کا دورہ اور جناح ہسپتال میں پنجاب حکومت کی بربریت کا نشانہ بننے والے پاکستان عوامی تحریک کے زخمی کارکنوں کی عیادت بھی کی،مجلس وحدت مسلمین پاکستان کے مرکزی رہنما علامہ ابوذر مہدوی،ڈپٹی سیکرٹری جنرل پنجاب علامہ محمد اقبال کامرانی،ڈپٹی سیکرٹری جنرل پنجاب سید اسد عباس نقوی،لاہور ڈویژن کے رہنما سید حسین زیدی،شیخ عمران علی ،رانا ماجد علی اور نقی مہدی وفد میں شریک تھے علامہ ڈاکٹر طاہرالقادری کے فرزند صاحبزادہ حسن محی الدین اور صاحبزادہ حسین محی الدین سے ملاقات،پنجاب حکومت کی آمرانہ سوچ اور بے گناہوں کی قتل عام کی شدید مذمت کی کارکنان کی شہادت پر مجلس وحدت مسلمین پاکستان کے سربراہ علامہ راجہ ناصر کی جانب سے تعزیتی پیغام بھی پہنچایا ملاقات کے بعد ناظم اعلیٰ پاکستان عوامی تحریک خرم گنڈا پور اور دیگر رہنماوُں کے ہمراہ میڈیا سے گفتگو کرتے ہوئے علامہ ابوذر مہدوی نے کہا کہ نہتے انسانوں اور خواتین کی بے حرمتی نے ثابت کیا کہ طالبان اور پنجاب حکومت کی سوچ ایک جیسی ہے عورتوں کی بے حرمتی کرنے والوں کا انسانیت سے کوئی تعلق نہیں ان کا کہنا تھا کہ ہم کل ملک بھر میں یوم سوگ منائیں گے اور جمعہ کو ملک بھر کے جمعہ کے اجتماعات میں اس دہشت گردی اور بربریت کے کیخلاف آواز بلند کریں گے منہاج القرآن اور پاکستان عوامی تحریک اس واقعے کے حوالے سے کہیں بھی احتجاج کریں گے مجلس وحدت مسلمین کے کارکنان بھرپور ان احتجاجات میں شریک ہونگے ڈپٹی سیکرٹری جنرل پنجاب علامہ محمد اقبال کامرانی نے واقعے کو اینٹی طالبان قوتوں کیخلاف کاروائی قرار دیتے ہوئے کہا کہ ہم روز اول سے کہہ رہے تھے کہ پنجاب حکومت میں دہشت گردوں کے سرپرست بیٹھے ہیں جو دہشت گردوں کو تحفظ اور محب وطن قوتوں کیخلاف کاروائیوں میں پیش پیش ہیں اس انسانیت سوز واقعے نے بہت سے بہروپیوں کے چہروں سے نقاب اُٹھا دیے ہیں پاکستان کے محب وطن عوام ان دہشت گردوں کے سرپرستوں کو دنیا بھر میں رسوا کر کے دم لیں گے۔
وحدت نیوز(مشہد مقدس) امام خمینی رضوان اللہ کی پچیسویں برسی اور ظہور امام زمانہ ع کی مناسبت سےدفتر مجلس وحدت مسلمین شعبہ مشھد مقدس کی جانب سے ایک عظیم الشان سیمیناربعنوان انقلاب اسلامی نوید انقلاب مہدی عج کا انعقاد کیا گیا جس میں پاکستان اور ایران کی دینی شخصیات کے علاوہ دنیا بھر سے تعلق رکھنے والے علماء کرام ،طلاب عظام اور زائرین امام رضا علیہ السلام نے شرکت کی ،سیمینار کا آغا ز تلاوت کلام مجید سے ہوااسکے بعد شعرا ئے کرام نے نذرانہ عقیدت پیش کیا۔استقبالیہ مجلس وحدت مسلمین مشھد مقدس کے سیکرٹری جنرل حجۃ الاسلام والمسلمین عقیل حسین خان نے پیش کیا اور معزز مہمانوں کو خوش آمدید کہا،سیمینار میں مجلس خبرگان رہبری کے نمایندہ اور جامعہ مدرسین کے عضو جناب آیت اللہ عباس کعبی نے خصوصی خطاب کیااسکے علاوہ پاکستان سے خصوصی طور پر مجلس وحدت مسلمین پاکستان کے مرکزی ڈپٹی سیکریٹری جنرل علامہ محمدامین شھیدی نے سیمینار میں شرکت کی اور خصوصی خطاب کیا۔پاکستان ،ایران ،افغانستان بنگلہ دیش،ھندوستان،آزربائیجان ،نائیجیریا، کینیا،اور دوسرےممالک سے تعلق رکھنے والے علمائے کرام نے سیمینار میں خصوصی شرکت کی ،مسلم لیگ ن کے رکن قومی اسمبلی جناب شفقت گوندل نے بھی پروگرام میں شرکت کی،سیمینارکے انعقاد میں آستان قدس رضوی شعبہ مدیریت امور زائرین غیر ایرانی کے مسئول حجۃ الاسلام والمسلمین دکتر باقری نے خصوصی معاونت کی۔
