The Latest

توہین آمیز امریکی فلم کے خلاف ملک کے مختلف شہروں و علاقوں میں جلسوں، کانفرنسوں اور سیمینارز کا انعقاد کیا گیا۔ لاہور میں مدینہ چوک بھگت پورہ میں جماعۃالدعوۃ کی حرمت رسول(ص) کانفرنس میں سینکڑوں افراد نے شرکت کی، تحریک حرمت رسول(ص) کی طرف سے منڈی بہاؤالدین، حافظ آباد، قصور، اوکاڑہ، خانیوال، گوجرانوالہ اور دیگر شہروں میں بھی منعقدہ جلسوں اور کانفرنسوں میں ہزاروں محبان رسول(ص) شریک ہوئے اور نبی مکرم (ص) کی حرمت کے تحفظ کیلئے اپنا تن من دھن قربان کرنے کا عہد کیا۔

جماعت الدعوۃ کے زیر اہتمام جامع مسجد ابوبکر صدیق مدینہ چوک بھگت پورہ میں ہونے والی حرمت رسول(ص) کانفرنس سے جماعت الدعوۃ کے مرکزی رہنما حافظ عبدالغفار المدنی نے خطاب کرتے ہوئے کہا کہ توہین آمیز امریکی فلم بنانے اور مغرب میں شان رسالت (ص) میں گستاخیاں کرنے والے اس کے خوفناک نتائج نابلد ہیں، ڈیڑھ ارب سے زائد مسلمانوں کی دل آزاری اور کشیدگی کا ماحول پیدا کرنے کی بجائے مغرب کو اپنی منفی پالیسیاں ترک کرنی چاہئیں، ملعون پادری ٹیری جونز اور یہودی سام بیسائل سمیت گستاخانہ فلم بنانے اور چلانے والوں کو پھانسی کے پھندے پر لٹکایا جائے۔

مقررین نے کہا کہ امریکہ ایسا نہیں کر سکتا تو مسلم ممالک امریکہ سے سفارتی تعلقات معطل کریں، اپنے سفیروں کو واپس بلایا جائے اور اس بات کا دو ٹوک اعلان کیا جائے کہ جب تک گستاخان رسول(ص) کو کیفر کردار تک نہیں پہنچایا جاتا وہ ان کے ساتھ کئے گئے کسی قسم کے معاہدوں پر عمل درآمد کے پابند نہیں ہوں گے۔ تحریک حرمت رسول(ص) کے رہنما مولانا بشیر احمد خاکی نے کہا کہ امریکی صدر اوبامہ کا اقوام متحدہ کی جنرل اسمبلی کے اجلاس میں دیا گیا یہ بیان کہ ہم گستاخانہ فلم پر پابندی نہیں لگا سکتے اس بات کی دلیل ہے کہ امریکی حکومت بھی اس انتہائی قبیح جرم میں برابر کی شریک ہے

ملی یکجہتی کونسل پاکستان کے مرکزی صدر قاضی حسین احمد نے کہا ہے کہ صہیونی سازشوں کا مقابلہ کرنے کیلئے عالم اسلام کا اتحاد ضروری ہے، پاکستان نے عالمی سطح پر دینی قوتوں کو متحد کرنے کے لئے جدوجہد کا آغاز کردیا ہے۔ علماء کرام سے ملاقاتوں میں انہوں نے کہا کہ مغرب مسلمانوں میں انتشار پیدا کر کے اپنے مذموم عزائم کی تکمیل چاہتا ہے اور سازشوں کا جال تیار کر رہا ہے۔ عالمی علماء مشائخ کانفرنس مسلمانوں کیلئے روشن مستقبل کی نوید کا پیغام لائے گی۔ ان کا کہنا تھا کہ ملی یکجہتی کونسل نے 11 نومبر کو منعقد ہونے والی عالمی علماء مشائخ کانفرنس کے لئے عالمی سطح پر اسلامی تنظیمات، اسکالرز، سجادہ نشینان سے روابط شروع کردیئے ہیں۔

ملی یکجہتی کونسل کے مرکزی رہنماء حافظ حسین احمد نے کہا کہ عالمی علماء مشائخ کانفرنس کا زندگی کے تمام طبقات کی طرف سے خیر مقدم کیا جارہا ہے۔ یہ کانفرنس موجودہ حالات میں تاریخ کا رخ اتحاد امت کی جانب موڑنے میں بھر پور کردار ادا کرے گی۔ دریں اثناء ملی یکجہتی کونسل کے مرکزی رہنماء ثاقب اکبر اور آصف لقمان قاضی نے انتظامات کے سلسلے میں کنونشن سینٹر اسلام آباد کا دورہ کیا اور انتظامات کا جائزہ لیا۔

mwm.sabil alhasanعشرہ ناموس رسالت کی مناسبت سے ہنگو خیبر پختونخواہ میں تحفظ ناموس رسالت سمینار کا انعقاد ہفتے کے دن کیا جائے گا 
مجلس وحدت مسلمین خیبر پختونخواہ میں کی صوبائی کابینہ کا اہم اجلاس عشرہ ناموس رسالت کی مناسبت سے ایک اہم میٹنگ ہوئی اور اس میں دیگر علاقائی و مقامی تنظیموں کے ساتھ مل کر منعقد تحفظ ناموس رسالت سمینار منعقد کرنے کا فیصلہ کیا گیا 
ہمارے نمایندے کے ساتھ گفتگو کرتے ہوئے مجلس وحدت کے رہنما علامہ سبیل الحسن نے ہنگو سے کہا کہ شہید ناموس رسالت نے یہ واضح پیغام دیا ہے کہ ہم سر دے سکتے ہیں لیکن ناموس رسالت پر معمولی بھی حرف برداشت نہیں کرینگے انہوں نے دیر بالا اور کراچی میں شہید ہونے والے شہدائے ناموس رسالت کو خراج تحسین پیش کرتے ہوئے کہا کہ یہ شمع رسالت کے پروانے تھے جنہوں نے عالمی ستکبار کو یہ پیغام دیا کہ امت مسلمہ ناموس رسالت کے مسئلے میں معمولی بھی حرف برداشت نہیں کرے گی اور اپنی جان کو قربان کرے گی 
انہوں نے کہا کہ تحریک ناموس رسالت اپنی منطقی انجام تک جاری و ساری رہے گی اور اس سلسلے میں تمام ضروری اقدامات اٹھائے جاینگے

ya rasolullahبلتستان کےنامور عالم ممتاز دین علامہ سید علی رضوی نے بلتستان سے ہمارے نمایندے کے ساتھ گفتگو کرتے ہوئے کہا کہ 
ناموس رسالت مسلمانوں کے لے سرخ لائن ہے اور کوئی بھی اس مسئلہ مسلمان معمولی سا حرف برداشت نہیں کرسکتا عالمی اسکتبار نے مسلمانوں کی غیرت کو للکارا ہے اور جب تک اس مسئلے کو عالمی سطح پر حل نہیں کیا جاتا اور اس گستاخی کے مرتکبین کو سزا نہیں دی جاتی مسلمانوں میں غم و غصے کی لہر کبھی بھی خاموش نہیں ہوگی ۔یہ فلم مسلمانوں کی غیرت کا امتحان ہے 
انہوں نے کہا کہ اس وقت عالم اسلام اس مسئلے پر یک زبان ہے لیکن ضرورت اس بات کی ہے کہ مسلمان اپنے اس مشترکہ وقف کو پیش کرنے میں مزید منظم اور عالمی سطح پر اپنی کوشش کو تیز تر کرے اور اس مسئلے کو بھول جانے نہ دے 
انہوں نے کہا کہ مجلس وحدت مسلمین نے جس انداز سے حرمت رسول اللہ کی خاطر کوشش کیں اور ملک بھر میں اس مسئلے کے حوالے سے لیڈنگ رول ادا کیا وہ ان کے خالص ایمان اور بیداری کی علامت ہے 
انہوں نے شہید ناموس رسالت سید رضا تقوی کی شہادت کو ملت اسلامیہ پاکستان کی فخر قرار دیتے ہوئے کہا کہ جہاں ملت اسلامیہ پاکستان کے لئے یہ فخر کی بات ہے وہیں پر مجلس وحدت کے عہدہ داران کی عقیدتی اور ایمانی اخلاص اور جذبے کو بھی بیان کرتی ہے ،وہ شہید ناموس رسالت ہے اس سے بڑھ کر اور کیا اعزاز ہوسکتا ہے شہید نے اپنی شہادت سے سب فخر سر سے بلند کردیا ہے

At-least-eight-killed-in-Quettaمجلس وحدت مسلمین بلوچستان کے سیکرٹری جنرل علامہ مقصود علی ڈومکی نے سرکی روڈ کوئٹہ میں ہزارہ برادری کی ٹارگٹ کلنگ کے تازہ واقعہ جس میں محمد ابراہیم، سید عیوض، علی عطاء اور غلام علی کی شہادت ہوئی کی شدید الفاظ میں مذمت کرتے ہوئے کہا ہے کہ ہمارے صبر کا پیمانہ لبرز ہو چکا ہے۔ اگر حکومت نے سنجیدہ کردار ادا نہ کیا تو ہمیں مجبوراً اپنے تحفظ کے لئے خود ایسے اقدامات کرنے پڑیں گے جو شائد حکومت کو قابل قبول نہ ہوں۔ اپنے ایک مذمتی بیان میں انہوں نے کہا کہ دہشت گردوں کے پے در پے حملے اور حکومتی اداروں کی مجرمانہ خاموشی ان کی رضاعیت کو ظاہر کرتی ہے۔

انہوں نے کہا کہ دہشتگردی کی تازہ لہر نے ایک مرتبہ پھر عوام کو اضطراب میں مبتلا کر دیا ہے۔ کوئٹہ شہر جہاں ہر جگہ پر ایف سی اور پولیس کی چیک پوسٹیں موجود ہیں حیرت کی بات ہے کہ دہشت گرد اسلحہ لاتے ہیں، فائرنگ کرتے ہیں اور خیر و افایت کے ساتھ فرار ہو جاتے ہیں۔ اور ریاستی ادارے تماشائی بن کر دیکھتے رہتے ہیں اور کوئی اقدام نہیں کرتے۔ انہوں نے کہا کہ مستونگ، سریاب روڈ دہشتگروں کی آمجگاہ بنے ہوئے ہیں۔ اور وہاں پر ان کے ٹرینگ کیمپس موجود ہیں۔ حکومت نے ان سب چیزوں کو دیکھتے ہوئے آنکھیں بند کئے ہوئے ہے۔

انہوں نے حکومت سے مطالبہ کیا کہ ان دہشت گردوں کے خلاف کریک ڈاون کیا جائے اور سرچ آپریشن کیا جائے۔ انہوں نے چیف جسٹس سے بھی مطالبہ کیا کہ وہ از خود نوٹس لیتے ہوئے چیف جسٹس ہونے کا ثبوت دیں اور عوامی اضطراب کو ختم کریں۔ حالات بہت سنگین ہو چکے ہیں۔ انہوں نے شیعہ قیادت سے اپیل کی کہ وہ اس شیعہ نسل کشی کے خلاف ایک لانگ مارچ کا اعلان کرے، ملک کے تمام شیعہ اسلام آباد کی طرف مارچ کریں اور جی ایچ کیو کا گھیرائو کیا جائے۔

انہوں نے کہا کہ وقت آ گیا ہے کہ حکمرانوں کے گریبان پکڑے جائیں اور ان سے پوچھا جائے کہ آخر کب تک یہ ظلم کا بازار گرم رہے گا۔ انہوں نے کہا کہ مجلس وحدت مسلمین اس حوالے سے بھر پور کردار ادا کرے گی۔مجلس وحدت بلوچستان کے سیکرٹری جنرل کا کہنا تھا کہ ہر فرد اور ہر شیعہ پارٹی کا فرض بنتا ہے کہ وہ کوئٹہ کے مظلوم عوام کے ساتھ اظہار یکجہتی کرتے ہوئے اپنا بھر پور کردار ادا کرے۔

Molana Iqtidar Naqvi sbگزشتہ اتوار مولانا سید اقتدار حسین شاہ نقوی صاحب نے کہروڑپکہ کا دورہ کیااس میں انھوں نے ڈسٹرکٹ لودھراں کیاہم مذہبی اور سیاسی شخضیت سید محمد اصغر علی رضوی صاحب سے مرکزی امام بارگاہ قصر شاہ خراسان ٹبہ سادات میں ان سے ملاقات کی ۔ اس موقع پر حاجی مظفر عباس بھٹہ ،سید امام شاہ رضوی ،سید عاصم رضا،میاں مجاہد حسین ،ظفر حسین ،سید امجد عباس رضوی ،سید اظہر عباس رضوی موجود تھے۔سید محمد اصغر علی رضوی صاحب اور مولانا صاحب نے موجودہ حالات پر تبادلہ خیال کیا ، اور شاہ صاحب نے بتا یا کہ یوم عشق رسول پر ہم نے ایک بہت بڑی ریلی کا انعقاد کیا تھا۔ اور ابھی محرم سے پہلے ہم اپنی علاقائی تنظیم شہزادہ علی اکبر کی تنظیم نو کے موقع پر آپ کو اور آپکی مرکزی قیادت کو دعوت دیں گے۔ کہ و ہ اس میں شرکت کرے اور اپنا منشور تمام ضلع سے آئے ہو ئے مومنین کو بتائیں۔ اور انشاء اللہ ہم مجلس وحد ت مسلمین کے سا تھ چلنے کے لئے تیا ر ہیں۔بعد میں قبلہ اقتدار نقوی صاحب کو امام بارگاہ کی نیو تعمیر کے بارے میں بتایا اور انھوں نے مرکزی امام بارگاہ کو دیکھا۔ اور سید قاسم علی شاہ صاحب (مرحوم)اور شہید سید اشفاق حسین بخاری (ایڈووکیٹ ) کی قبر پر فاتحہ خوانی کی۔ اور تمام مومنین کے لئے دعا کی۔ نماز مغربین جامعہ مسجد الرضا میں ادا کی اور وہاں پیش نما ز حافظ سید ذولفقار علی شاہ صاحب سے بھی ملاقات کی

nasir sheraziملکی معاملات میں امریکہ اور مغربی ممالک کی مداخلت روز بروز بڑھتی جارہی ہے۔ سیاسی و مذہبی جماعتیں ہوش مند ی کا ثبوت دیں ۔ مرکزی سیکرٹری سیاسیات ناصر عباس شیرازی
لاہور( ) مجلس وحدت مسلمین پنجاب کے صوبائی میڈیا سیل سے جاری کردہ بیان کے مطابق سیکرٹری سیاسیات مجلس وحدت مسلمین پاکستان سید ناصر عباس شیرازی نے کہا کہ ملکی معاملات میں مغربی ممالک خصوص  امریکہ کی روز بروز بڑھتی ہوئی مداخلت

ایران کے خلاف نئی پابندیوں کے تحت یوٹل سٹ کمپنی نے آج 15 اکتوبر سے ہاٹ برڈ  نامی مشہورسٹیلائٹ سے ایرانی ٹی وی چینلوں کی نشریات پر پابندی عائد کردی –ابنا نیوز ایجنسی کے مطابق یہ اقدام ایران کے خلاف پابندیوں اور اقتصادی و تشہیراتی محاصرے کا ہی ایک حصہ ہے
اس سے قبل بھی صہیونیزم اور مغرب کی پالیسیوں کے خلاف سرگرم ذرائع ابلاغ پر پابندی کی کوششیں کی گئی ہیں جبکہ خطے میں اسلامی بیداری کے آغاز ہی سے العالم اور پریس ٹی وی کی نشریات پارزایٹ کے ذریعہ متاثر کی جاتی رہی ہیں –

ادھر ہمارے میڈیا سیل کے ایکسپرٹ کا کہنا ہے کہ ایرانی ٹی وی چینلز کی ایک بڑی تعداد اس وقت البدر نامی سٹیلائیٹ پر موجود ہیں جبکہ اس کے علاوہ بھی متعدد ایسے سٹیلائیٹ ہیں جہاں ایرانی چینلز با آسانی دستیاب ہیں جن میں ایشیا۳ بھی شامل ہے جو آسانی سے ڈش پر دریافت ہو سکتے ہیں

اس سے قبل برطانیہ نے مشہور ایرانی انگلش ٹی وی چینل پریس ٹی وی کو سکائی جیسے نیٹ ورک پر نشریات نشر کرنے پر پابندی لگائی تھی جس کی وجہ انہوں نے پریس ٹی وی کی جانب سے ملکہ برطانیہ کی شاہ خرچیوں کے خلاف رپورٹنگ بتائی جبکہ حقیقت یہ ہے کہ پریس ٹی وی جارج جیسے افراد کے بعد برطانیہ میں دن بہ دن مشہور ٹی وی چینل بنتا جارہا تھا ۔
واضح رہے کہ ہاٹ برڈ پر العالم ، پریس ٹی وی ، الکوثر، خبر ، سحر 1 و 2 ،اور جام جم 1 و 2، ایرانی ٹی وی چینلوں کی نشریات ہمیشہ مغربی نشریات کے برخلاف حریت پسندانہ سرگرمیوں پر مبنی رہی ہیں -

mwm.politicalمجلس وحدت مسلمین پاکستان کے مرکزی سیکرٹری سیاسیات سید ناصر عباس شیرازی اور مسلم لیگ ق کے مرکزی سینئر نائب صدر سید فقیر حسین بخاری کی ٹاؤن شپ لاہور میں صوبائی شوریٰ کے اجلاس کے موقع پر ملاقات ہوئی۔ جس میں ملکی سیاسی صورتحال پر گفتگو کرتے ہوئے سید فقیر حسین بخاری نے کہا کہ مجلس وحدت مسلمین پاکستان نے پورے ملک میں بشمول گلگت بلتستان میں اپنی سیاسی قوت کا اظہار کر کے ثابت کر دیا کہ وہ ایک مضبوط سیاسی قوت ہے جس کو تمام سیاسی جماعتوں نے تسلیم کر لیا ہے۔

انہوں نے کہا کہ پاکستان مسلم لیگ ق مجلس وحدت مسلمین پاکستان سے اپنے روابط جاری رکھے گی اور ملک کو درپیش مشکلات اور مسائل کے لئے مجلس وحدت مسلمین پاکستان کی تجاویز پر ضرور غور کریں گے۔ مجلس وحدت مسلمین پاکستان کے مرکزی سیکرٹری سیاسیات سید ناصر عباس شیرازی نے گفتگو کرتے ہوئے کہا کہ مجلس وحدت مسلمین ہر اس سیاسی جماعت سے بات کرنے کو تیار ہے جن کا تعلق کالعد م دہشت گرد جماعتوں سے نہ ہو۔

انہوں نے کہا کہ ہم الحمدللہ پاکستان بھر میں انتخابی حلقوں ووٹ بینک رکھتے ہیں ہم اس سیاسی اور عوامی قوت کو مستحکم اور مضبوط پاکستان کے لئے استعمال کریں گے۔ انہوں نے مرکزی سینئر نائب صدر پاکستان مسلم لیگ ق سید فقیر حسین بخاری کا شکریہ ادا کیا اور آئندہ کے لئے سیاسی امور پر مشاورت اور روابط جاری رکھنے پر اتفاق کیا۔ دونوں رہنماؤں نے اس موقع اس بات پر بھی اتفاق کیا کہ دونوں جماعتیں مستقبل میں بھی اپنے روابطہ کو مستحکم کریں گی

سنی اتحاد کونسل کے زیراہتمام گستاخانہ فلم، ڈرون حملوں، دہشت گردی اور امریکی مداخلت کے خلاف صاحبزادہ فضل کریم کی زیرقیادت کراچی سے شروع ہونے والے ’’تحفظِ ناموسِ رسالت (ص) ٹرین مارچ‘‘ کا قافلہ 24 گھنٹے کا سفر طے کرکے لاہور ریلوے سٹیشن پہنچا تو اس کا پرجوش استقبال کیا گیا۔ کراچی سے لاہور تک 16 ریلوے سٹیشنوں پر اجتماعات منعقد ہوئے۔ لاہور میں استقبال کرنے والی نمایاں شخصیات میں سنی اتحاد کونسل کے وائس چیئرمین پیر محمد افضل قادری، مفتی محمد اقبال چشتی، ڈاکٹر راغب حسین نعیمی، مفتی محمد حسیب قادری، پیر محمد اطہر القادری، پیر سید شمس الدین بخاری، صاحبزادہ رضائے مصطفٰی نقشبندی، مولانا مجاہد عبدالرسول، مفتی صداقت علی، صاحبزادہ ضیاء اللہ رضوی، محمد نواز کھرل، صاحبزادہ سید صابر گردیزی، مولانا محمد علی نقشبندی، مفتی محمد کریم خان، مولانا قاری فیروز صدیقی، مفتی محمد عمران حنفی، مولانا پروفیسر عبدالعزیز نیازی اور دیگر شامل تھے۔

تیزگام کو سنی اتحاد کونسل کے پرچموں اور بینروں سے سجایا گیا تھا۔ ٹرین کے لاہور پہنچنے پر ریلوے سٹیشن کی فضا ’’سیّدی، مرشدی، یا نبی، یا نبی۔۔۔ غلامئ رسول میں موت بھی قبول ہے۔۔۔ گستاخِ رسول کی ایک سزا، سر تن سے جدا، سر تن سے جدا ۔۔۔ امریکہ نہ طالبان، پاکستان پاکستان ۔۔۔ امریکہ کا جو یار ہے غدار ہے غدار ہے۔۔۔ ہم نہیں مانتے امریکہ تیرے ضابطے ۔۔۔ مردہ باد مردہ باد ۔۔ امریکہ مردہ باد، مردہ باد مردہ باد اسرائیل مردہ باد‘‘ جیسے نعروں سے گونج اٹھی۔ لاہور ریلوے سٹیشن پر استقبال کے لیے آنے والے ہزاروں افراد سے خطاب کرتے ہوئے سنی اتحاد کونسل پاکستان کے چیئرمین اور رکن قومی اسمبلی صاحبزادہ فضل کریم نے کہا کہ عاشقانِ رسول ناموسِ رسالت (ص) کے تحفظ کے لیے مصلحت کی بجائے مزاحمت کا راستہ اختیار کریں گے، ہم بارود والے نہیں درود والے ہیں، امریکہ، بھارت اور اسرائیل انسانیت کے بدترین دشمن ہیں۔

انہوں نے کہا کہ اسلام کا عادلانہ نظام ہی قوم کی آخری امید ہے۔ قوم کی طاقت سے انقلابِ نظامِ مصطفٰی برپا کریں گے، اقوام متحدہ امریکہ کا ذیلی ادارہ بن چکی ہے، اقوام متحدہ نے گستاخانہ فلم کا نوٹس نہ لے کر ڈیڑھ ارب مسلمانوں کو مایوس کیا ہے، وقت آ گیا ہے کہ مسلم ممالک اسلامی اقوام متحدہ قائم کریں۔ صاحبزادہ فضل کریم نے کہا کہ روشن خیالی کے نام پر پاکستان میں مغربی تہذیب لانے کی کوششوں کا راستہ روکیں گے۔ انہوں نے کہا کہ پاکستان کو دہشت گردی کی آگ میں جھونکنا امریکی ایجنڈہ ہے، امریکہ اور اس کے ایجنٹ طالبان اسلام کو بدنام اور پاکستان کو کمزور کرنے کے ایجنڈے پر متفق ہیں۔

صاحبزادہ فضل کریم نے کہا کہ امریکہ نے نائن الیون کی آڑ میں دس لاکھ انسان قتل کر دیئے ہیں۔ انہوں نے کہا کہ آئندہ الیکشن امریکہ کے حامیوں اور مخالفوں کے درمیان ہوں گے۔ صاحبزادہ فضل کریم نے کہا کہ ممتاز حسین قادری کے چاہنے والے دھمکیوں سے نہیں ڈرتے، کیونکہ ممتاز حسین قادری ہر عاشق رسول (ص) کے لہو کی ایک ایک بوند میں بستا ہے، ممتاز قادری کے خلاف بدزبانی برداشت نہیں کریں گے۔ انہوں نے کہا کہ ناموسِ رسالت (ص) کے تحفظ کے لیے ہر مسلمان غازی علم الدین شہید کے جذبے سے سرشار ہے۔ انہوں نے کہا کہ سیکولر طالبان بھی ملک و قوم کے لیے خطرناک ہیں، تمام سیاسی و مذہبی جماعتیں عسکری ونگ ختم کریں اور بار بار اقتدار میں آنے والے سدا بہار حکمران خاندان ملک کی جان چھوڑ دیں۔

انہوں نے کہا کہ ملالہ یوسف زئی کو گریٹ گیم کی بساط کا مہرہ نہ بنایا جائے۔ صاحبزادہ فضل کریم نے کہا کہ ڈرون حملوں میں شہید ہونے والی ملالاؤں کو بھی نہیں بھولنا چاہیے اور عافیہ صدیقی کے حق میں بھی آواز اٹھائی جانی چاہیے۔ صاحبزادہ فضل کریم نے کہا کہ امریکہ ڈرون حملوں کے ذریعے عالمی قوانین کی خلاف ورزی اور پاکستان کی خودمختاری کی دھجیاں اڑا رہا ہے۔ اس موقع پر سنی اتحاد کونسل کے وائس چیئرمین پیر محمد افضل قادری نے کہا کہ امریکی غلامی کی زنجیریں توڑنے کا وقت آ گیا ہے۔ انہوں نے کہا کہ گستاخانہ فلم بنانے والوں کے خلاف کارروائی نہ کرکے امریکی حکومت نے ثابت کر دیا ہے کہ وہ رسول (ص) کی توہین کرنے والوں کی سرپرستی کر رہی ہے۔

پیر محمد افضل قادری نے کہا کہ او آئی سی مردہ گھوڑا بن چکی ہے۔ انہوں نے کہا کہ ٹرین مارچ کا مقصد انقلابِ نظامِ مصطفٰی کی جدوجہد کو تیز تر کرنا ہے۔ انہوں نے کہا کہ ہم اپنے لہو سے ناموسِ رسالت کا تحفظ کریں گے۔ پیر محمد افضل قادری نے کہا کہ ہمارے حکمران امریکہ کو مائی باپ سمجھنے کی روش ترک کریں کیونکہ امریکہ پاکستان کا دوست نہیں دشمن ہے۔ انہوں نے کہا کہ قوم کی ضرورت بارود کی بو نہیں درود کی خوشبو ہے۔ ڈاکٹر راغب حسین نعیمی نے کہا کہ محب وطن مذہبی اور نظریاتی قوتوں کو دیوار کے ساتھ لگایا جا رہا ہے اور پاکستان کے نظریاتی تشخص کو تباہ کرنے کی سازش کی جا رہی ہے، پاکستان عالمی سازشوں کی آماجگاہ بن چکا ہے۔

انہوں نے کہا کہ ان حالات میں انقلابِ نظامِ مصطفٰی ہی پاکستان کو بچا سکتا ہے۔ انہوں نے کہا کہ دہشت گردوں کو پوری ریاستی طاقت کے ساتھ کچلا جائے۔ راغب حسین نعیمی نے کہا کہ سیاسی انتہاپسند ہی دہشت گرد ہیں۔ انہوں نے کہا کہ امریکہ کی سامراجی پالیسیوں کی وجہ سے انسانیت کا خون بہہ رہا ہے، تحفظِ ناموسِ رسالت ٹرین مارچ کو نعروں کی گونج میں ریلوے سٹیشن سے رخصت کیا گیا۔ بعد ازاں تحفظِ ناموسِ رسالت ٹرین مارچ گوجرانوالہ، وزیر آباد، لالہ موسیٰ، جہلم سے ہوتا ہوا راولپنڈی پہنچ کر ختم ہوا۔ گوجرانوالہ، جہلم اور دوسرے ریلوے سٹیشنوں پر اجتماعات سے خطاب کرتے ہوئے صاحبزادہ فضل کریم نے کہا کہ ڈالروں کے لالچ میں اسلام اور پاکستان کو بدنام کرنے والے ظالمان کسی رحم کے مستحق نہیں۔

انہوں نے کہا کہ پاکستان بچانے کے لیے پاکستان کو اسلحہ سے پاک کرنا ہو گا۔ انہوں نے کہا کہ بے گناہ انسانوں کی جان لینا جہاد نہیں فساد ہے، مذہبی راہنما عسکریت کی حوصلہ شکنی کریں۔ انہوں نے کہا کہ دہشت گردی کے خلاف آرمی چیف کا عزم پورے پاکستان کی آواز ہے۔ صاحبزادہ فضل کریم نے کہا کہ ناموسِ رسالت کے لیے سڑکوں پر نہ نکلنے والے سیاستدانوں کو قوم آئندہ الیکشن میں مسترد کر دے گی۔ انہوں نے کہا کہ سنی اتحاد کونسل نے ٹرین مارچ کے ذریعے گستاخانہ فلم، ڈرون حملوں، دہشت گردی اور پاکستان میں امریکی مداخلت کے خلاف زوردار آواز اٹھائی ہے۔

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree