The Latest
وحدت نیوز(لاہور) پاکستان میں ظالمانہ کے خاتمے میں کا وقت آ چکا ہے پاکستان کی تقدیر بدلنے کے لئے نوجوانون کو کردار ادا کرنا چاہیے سانحہ ماڈل ٹاوُن بدترین ریاستی دہشت گردی ہے ذمہ داران کیخلاف ایف آئی آر کے اندراج تک نہ ہونا عدل و انصاف پر سوالیہ نشان ہے ان خیالات کا اظہار مجلس وحدت مسلمین یوتھ ونگ کے مرکزی سیکرٹری سید فضل عباس نقوی نے پاکستان عوامی تحریک یوتھ کے زیر اہتمام یوتھ کانفرنس سے خطاب کرتے ہوئے کیا ۔
اُن کا کہنا تھا کہ مجلس وحدت مسلمین نے ہمیشہ تشدد اور انتہا پسندی کی سیاست کو مسترد کیا ہے ۔ہم نے دنیا بھر میں پرامن احتجاج کی مثال قائم کی ہے 100 سے زائد شہدا کی جنازوں کیساتھ منفی 10 سینٹی گریڈکی سردی میں پانچ دن تک مسلسل پاکستان سمیت لندن امریکہ کے سٹرکوں پر بیٹھے رہے لیکن اپنے مطالبات پر کبھی سمجھوتا نہیں کیا اور اس وقت کے فرعونوں کو سرنگوں کرکے بتا دیا کہ نہتے اور پر امن لوگوں کی عوامی طاقت میں کتنا دم ہے،سید فضل عباس نقوی کا کہنا تھا کہ ہمارے نوجوانوں کو چاہیے کہ وہ اس مشکل دور میں اپنی تمام تر توانائیاں پاکستان کی سلامتی اور استحکام کے لئے بروئے کار لائیں پاکستان مسلم امہ میں واحد ایٹمی طاقت ہے جو اسلام دشمنوں اور ملک دشمنوں کو ایک آنکھ نہیں بھاتی،دہشت گردوں کو مختلف روپ میں اسلام کے نام پر اسلام دشمن طاقتیں پاکستان پر مسلط کر رہے ہیں ہمیں ان خارجی دہشت گرد جو دراصل راء اور موساد کے ایجنٹ ہے کے مقابلے میں اپنی پاک فوج کے شانہ بشانہ کھڑے ہونے کی ضرورت ہے۔
سید فضل عباس نقوی نے غزہ کے مظلوم مسلمانوں پر اسرائیلی بربریت کی شدید الفاظ میں مذمت کرتے ہوئے کہا کہ مسلمانوں کی اس نسل کشی میں امریکہ،برطانیہ اور یورپی ممالک برابر کے شریک ہیں جو عالمی دہشت گرد اسرائیل کی پشت پناہی کرتے ہیں اسرائیل کے خلاف عرب دنیا کی خاموشی نے ان منافقانہ پالیسیوں کو بے نقاب کر دیا آج عرب عوام مقاومت کیساتھ ہیں عرب عوام کی دلوں میں حزب اللہ اور حماس کی حکمرانی ہے،انہوں نے تمام یوتھ آگنائزیشنز کو دعوت دی کہ وہ اس جمعتہ الوداع کو یوم القدس کی ریلیوں میں شریک ہوکر اپنے مظلوم فلسطینی بھائیوں سے اظہار یکجہتی کریں۔
وحدت نیوز(اسلام آباد) مجلس وحدت مسلمین کی القدس کمیٹی کا اجلاس ایم ڈبلیوایم کے مرکزی ڈپٹی سیکرٹری جنرل علامہ محمد امین شہیدی کی زیرصدارت اسلام آباد میں ہوا جس میں گلگت بلتستان سمیت ملک بھر کے 80سے اضلاع میں منعقد کی جانیوالی عظیم الشان القدس ریلیوں کا جائزہ لیا گیا۔ اجلاس میں ایم ڈبلیو ایم پنجاب کے ترجمان علامہ اصغر عسکری، سیکرٹری سیاسیات ناصرعباس شیرازی، امامیہ اسٹوڈنٹس آرگنائزیشن پاکستان کے نمائندے علی عباس اور دیگر نے شرکت کی۔ اجلاس کو بتایا گیا کہ القدس کی تمام ریلیوں کے تمام تر انتظامات مکمل ہوگئے ہیں اور گلگت بلتستان سمیت ملک کے چار سو سے زائد مقامات پر ریلیاں نکالی جائیں گی۔ مجلس وحدت مسلمین کے سیکرٹری سیاسیات ناصر عباس شیرازی نے اجلاس کو بتایا کہ القدس ریلیوں میں سنی اتحاد کونسل اورپاکستان عوامی تحریک سمیت دیگر سیاسی و مذہبی جماعتوں کے نمائندے شریک ہوں گے۔ انہوں نے بتایا کہ القدس ریلیوں میں اقلیتی رہنماوں کو بھی شرکت کی دعوت دی گئی ہے۔ اجلاس میں پنجاب حکومت کی جانب سے راولپنڈی اسلام آباد میں مجلس وحدت مسلمین کے بے گناہ کارکنوں کی گرفتاریوں کو معاملہ بھی زیر غور آیا اور کراچی میں آئی ایس او کے کارکنوں کی شہادت پر گہرے دکھ کااظہار کیا گیا اور حکومت کیخلاف یوم القدس کے موقع پر متوقع احتجاج پر بھی غور کیا گیا۔ اجلاس کے شرکاء کا کہنا تھاکہ کارکنوں کی ٹارگٹ کلنگ اور بے گناہوں کی گرفتاری کیخلاف یوم القدس کے موقع پر حکومت کے خلاف بھی زبردست احتجاج کیا جائے اور دھرنے دئیے جائیں۔ اس حوالے سے جمعرات کو دوبار ایک اجلاس میں طلب کرلیا گیا ہے جس کی صدارت مجلس وحدت مسلمین کے سربراہ علامہ ناصر عباس جعفری کریں گے جس میں جمعہ کو ہونے والی القدس ریلیوں کا جائزہ اورحکومت مخالف متوقع احتجاج پر حتمی فیصلہ کیا جائیگا۔
وحدت نیوز(کراچی) کراچی میں شیعہ افراد کی ٹارگٹ کلنگ کی مذمت کرتے ہیں، گزشتہ 12گھنٹوں میں خاتون سمیت 3شیعہ افراد کو ٹارگٹ کلنگ کا نشانہ بنایا گیا جبکہ تین افراد زخمی ہیں،کراچی میں فی الفور آپریشن ضرب عضب کاآغاز کیا جائے، کراچی میں دینی مدارس کے نام پر غیر قانونی دہشت گردی کے اڈے قائم کئے جارہے ہیں ،ایسے مدارس کے خلاف فوری آپریشن کیا جائے۔ان خیالات کا اظہار مجلس و حدت مسلمین کے صوبائی سیکر ٹری جنرل علامہ مختار امامی نے و حدت ہاؤس کراچی میں جاری اجلاس سے خطاب میں کیا ۔ علامہ مختار امامی کا کہنا تھا کہ قانون نافذ کرنے والے ادارے کمزور اور دہشتگرد مضبوط ہو رہے ہیں، حکومت دہشت گردوں کے خلاف آپریشن کا دائرہ وسیع کرے، کراچی میں اگر دہشتگردوں کیخلاف فوجی آپریشن نہیں کیا گیا تو حالات وزیرستان سے زیادہ خراب ہوجائیں گے۔
انہوں نے کہا کہ گزشتہ رات سے اب تک ملت جعفریہ سے تعلق رکھنے والی خاتون سمیت4افراد کو ٹارگٹ کلنگ کا نشانہ بنایا گیااور دو افراد زخمی ہیں جو اس بات کا ثبوت ہے کہ حکومت دہشتگردوں کے خلاف کاروائی کرنے میں سنجیدہ نہیں جبکہ دوسری جانب کراچی میں دینی مدارس کے نام پر دہشت گردوں کے کئی اڈے قائم ہیں جن کے خلاف حکومت کی جانب سے آپریشن میں سستی کی جارہی ہے جس کا فائدہ دہشت گرد اُٹھا رہے ہیں اور شہر قائد میں امریکی نواز تکفیری دہشت گرد طالبان اور اُن کی حمایت یافتہ کالعدم جماعتیں منظم انداز سے دہشت گردی کر رہی ہیں ۔علامہ مختار امامی کا کہنا تھا کہ شہر قائد میں ٹارگٹ کلرز دندناتے پھر رہے ہیں اور حکومت اور قانون نا فذ کرنے والے ادارے سب اچھا ہے کا راگ الاپ رہے ہیں۔ اُنہوں نے وفاقی و صوبائی حکومت اور قانون نافذ کرنے والے اداروں سے مطالبہ کیا کہ وہ گزشتہ رات سے اب تک شہید ہونے والے غلام ذکی، حسنین عباس، ایڈوکیٹ مبارک علی کاظمی اور شہید خاتون ہما کے قاتلوں کو فوری گرفتار کر یں ،اور قاتل دہشت گردوں کو سزائے موت دی جائے ۔
وحدت نیوز(راولپنڈی) راولپنڈی کے علاقہ صادق آباد سے پنجاب پولیس نے گلگت کے تین شیعہ طلباء کو گرفتار کر لیا۔ گرفتار ہونے والوں میں طالبعلم اظہر عباس، ناصر حسین اور انتظار حسین شامل ہیں ، طلباء کے قریبی ذرائع کا کہنا ہے کہ پنجاب پولیس نے گلگت سے تعلق رکھنے والے ان طلباء کو جھوٹے مقدمے میں اٹھایا ہے۔ مزید بتایا گیا ہے کہ گرفتار ہونے والے طلباء میں مجلس وحدت مسلمین گلگت کے رہنما شیخ نیئر عباس مصطفوی کے بیٹےاظہر عباس اور بھانجے ناصر حسین اور انتظار حسین شامل ہیں۔ یاد رہے کہ حالیہ دنوں ایم ڈبلیو ایم کے کارکنان کے ساتھ ساتھ مرکزی سیکرٹری جنرل ایم ڈبلیو ایم کے محافظ اور ڈرائیور کو بھی گرفتار کیا گیا ہے۔
وحدت نیوز( اسلام آباد) خیرالعمل فاؤنڈیشن پاکستان کے چیئر مین نثارعلی فیضی نے کہا کہ خیرالعمل فاؤنڈیشن ماہ مقدس رمضان کے آخری عشرے کو عشرہ ایتام کے طور پر منا رہی ہے جسکا مقصد ملک بھر میں موجود یتیم بچوں کی حوصلہ افزائی اور انکواپنے ساتھ عید کی خوشیوں میں شریک کرنا ہے، اس سلسلے میں خیرالعمل فاؤنڈیشن یتیموں میں تحائف تقسیم کرے گی ان خیالات کا اظہار انہوں نے عشرہ ایتام کے حوالے سے اپنے ایک بیان میں کیا ۔انہوں نے کہا کہ اسلام نے یتیم پروری پر بہت زور دیا ہے، مولا علیؑ نے اپنی وصیت میں خصوصی طور پر یتیم بچوں کے حوالے سے فرمایا کہ \" خدا کے لیے میرے بعد یتیموں کا خیال رکھنا انہیں کبھی بھوکا نہ چھوڑنا\" کیونکہ ایسے بچے جو اپنے ماں باپ کے سائے سے محر وم ہو جاتے ہیں پھر انہیں اپنی زندگی کا بسر کرنے کے لیے معاشرے میں سہارے کی ضرورت ہوتی ہے اور یہ بھی حقیقت ہے کہ کسی یتیم کی مدد یا کفالت کر کے دل کو سکون اور راحت ملتی ہے اس لیے ہمیں یتیموں کی کفالت کے حوالے سے خود بھی حصہ ڈالنا چاہیے اور دیگر افراد کو بھی اس کار خیر میں شامل ہونے کی دعوت دینی چاہیے ۔
نثارعلی فیضی نے کہا کہ خیرالعمل فاؤنڈیشن کا باقاعدہ طور پر کفالت ایتام کا شعبہ کام کر رہا ہے اور اب تک خیرالعمل فاؤنڈیشن ملک بھر میں 625 یتیم بچوں کی کفالت کر رہا ہے جنکو ماہانہ بنیادوں پر وظیفہ دیا جا رہا ہے اور اب تک لاکھوں کے وظائف تقسیم کیے جا چکے ہیں اور اسکے ساتھ ساتھ خیرالعمل فاؤنڈیشن کی ایتام کمیٹی کے زیر اہتما م یتیم بچوں کیلئے افطار پروگرام ترتیب دیئے جارہے ہیں اُ ن کو عیدکارڈز بھیجے جائیں گے ہر ضلع میں مستحق یتیم بچوں کا ریکارڈ مرتب کیا جا رہا ہے تاکہ جس حد تک ہوسکے اُ ن کی معاونت کی جاسکے اور معاشرے میں یتیم پروری کا کلچر فروغ پاسکے ۔ اس موقع پر انہوں نے تمام درد دل رکھنے والے افراد سے اپیل کی کہ وہ آئیں اور معاشرے کے مستحق افراد کی بنیادی ضرورتوں کا احساس کرتے ہوئے انکوماہ مبارک رمضان اور عید کی خوشیوں میں اپنے ساتھ شریک کرنے کے لیے خیرالعمل فاؤ نڈیشن کا اس کار خیر میں ساتھ دیں ۔
وحدت نیوز(اسکردو) مجلس وحدت مسلمین پاکستان بلتستان ڈویژن کے آفس سے جاری ایک بیان میں کہا گیا کہ اسکردو کے جن جوانوں کو غیر قانونی دفعات کے ذریعے گرفتار کیا گیا ہے اس کے اصل محرکات پر اتمام حجت ہو چکی ہے، عید کے بعد مزید غفلت برداشت نہیں کی جائے گی اور جس مسجد کو ایک مقامی افسر ہوٹل کی تعمیر کی خاطر منہدم کرنے کا ارادہ رکھتا ہے کامیاب ہونے نہیں دیں گے۔ مسجد کو منہدم کیا گیا تو گلگت بلتستان بھر میں جو حالات پیش آئیں گے اس کی تمام تر ذمہ داری انتظامیہ اور مذکورہ افسر پر عائد ہوگی۔ اس کے علاوہ ذمہ داروں کو بھی عدالت کا کسی صورت میں سامنا کرنا ہوگا۔ عید کے بعد مسجد کو منہدم کرنے کی شرمناک سازش کو بلتستان کی سرحدوں سے باہر لے جا کر پورے ملک میں آواز بلند کی جائے گی اب تک کی خاموشی مذاکرات اور علاقے کے وقار اور دینی تشخص کو ٹھیس پہنچانے کے خدشے کے پیش نظر اختیار کی تھی لیکن انتظامیہ نے اسے شاید کمزروی سمجھا ہے، ہم نہیں چاہتے تھے کہ ملک بھر میں بلتستان انتظامیہ کے اس شرمناک عمل کی تشہیر ہو، اب انتظامیہ بالخصوص ڈپٹی کمشنر، مقامی پولیس آفیسر اور سٹی ایس ایچ او غلط بیانی کے ذریعے جن جوانوں پر غیرقانونی دفعات عائد کر کے دہشت گرد ثابت کرنے کی کوشش میں مصروف ہیں، انہیں اس کا جواب دینا پڑے گا۔
بیان میں مزید کہا گیا ہے کہ یہ نہایت افسوس کا مقام ہے یہاں دن کے اجالے میں دہشتگرد سکیورٹی وردی میں آ کے نہتے مسافروں کو گولیوں سے چھلنی کر دیتے ہیں، ان پر انسداد دہشت گردی ایکٹ نافذ نہیں ہوتا جبکہ مسجد کو منہدم کرنے سے روکنے والے جوانوں کے ساتھ یہ عمل ناقابل برداشت ہے۔ عید کے بعد مسجد ایشو پر لائحہ عمل طے کر کے نہ صرف گلگت بلتستان میں بلکہ پورے ملک میں آواز بلند کر کے قومی اور ریاستی مجرمین کے نقاب کو الٹ دیا جائے گا، اس کے بعد کسی کی ہمت نہیں ہوگی کہ اپنی سروس کے دوران عوام کی زمین پر قابض ہوں اور معمولی سرکاری تنخواہ لینے والے مختصر وقت میں اربوں روپے کی مالیت کی جائیداد بنائیں۔ ہم اس بیان کے ذریعے مذکورہ افراد کو عید تک مہلت دیتے ہیں اگر جوانوں کی رہائی یقینی نہیں بنتی تو ہمارے مطالبات میں اضافہ ہوگا اور سخت ترین مطالبات کے لیے ہم آمادہ ہیں۔
وحدت نیوز(کوئٹہ)مجلس وحدت مسلمین کے رکن بلوچستان اسمبلی سید محمد رضا نے کہا ہے کہ اگر سابقہ نمائندوں نے تعلیم پر توجہ دی ہوتی تو آج ہم اتنے گھمبیر مسائل میں نہ جھکڑے ہوتے۔ اب بھی وقت ہے کہ منتخب نمائندے اپنی تمام تر توجہ تعلیم کی بہتری پر دیں۔ ہم نے تعلیمی میدان میں وہ اقدامات کئے جو ماضی میں کسی بھی نمائندے نے نہیں کئے۔ اجلاس کو آئی سیپس کے کوآرڈنیٹر نذر محمد بڑیچ نے کوئٹہ کی تعلیمی اصلاحات کے متعلق عوامی ایجنڈے کی تفصیلات پیش کیں۔
اجلاس سے خطاب کرتے ہوئے رکن صوبائی اسمبلی سید محمد رضا نے کہا کہ تعلیم ترقی و خوشحالی کی ضمانت ہے۔ جب تک ہم تعلیم اور تعلیمی مسائل پر توجہ نہیں دیں گے، اس وقت تک ہمارے مسائل روز بروز بڑھتے جائیں گے۔ منتخب نمائندوں کا فرض ہے کہ وہ اپنی تمام تر توجہ تعلیم پر دیں۔ تعلیم ہی ہمارے معاشرے کی اصلاح اور ترقی کی راہ کا تعین کر سکتی ہے۔ انہوں نے کہا کہ وہ کوئٹہ کے تعلیمی مسائل پر ہر فورم پر آواز بلند کریں گے۔ جہاں تک ممکن ہو وہ تعلیمی سہولیات کی فراہمی کے لئے اپنا کردار ادا کریں گے۔ انہوں نے کوئٹہ کی تعلیمی صورتحال پر تشویش کا اظہار کرتے ہوئے کہا کہ صوبائی دارالحکومت ہوتے ہوئے بھی سکولوں میں پینے کا صاف پانی تک میسر نہیں۔ جس کے لئے ہم سب کو مل کر سنجیدہ اقدامات کرنے ہوں گے۔ انہوں نے آئی سیپس کی تعلیمی کاوشوں کو سراہتے ہوئے عوامی ایجنڈہ پیش کرنے پر خوشی کا اظہار کیا۔
وحدت نیوز(کوئٹہ) تحریک انصاف بلوچستان کے صوبائی رہنماء قاسم سوری سے ملاقات میں ایم ڈبلیوایم بلوچستان کے رہنماء علامہ مقصود علی ڈومکی کا کہنا تھا کہ زبانی جمع خرچ کی بجائے ترکی سمیت دیگر اسلامی ممالک کو فلسطین میں جاری جارحیت کیخلاف اسرائیل سے تمام تر سفارتی تعلقات معطل کرنے چاہئیں ، مجلس وحدت مسلمین کے رہنماء علامہ مقصود علی ڈومکی نے کہا ہے کہ انتخابی اصلاحات کے بغیر حقیقی جمہوریت کا قیام ناممکن ہے۔ چار حلقوں میں انتخابی عمل کی تحقیقات سے خائف حکومت اقتدار میں رہنے کا اخلاقی جواز کھو چکی ہے۔ ہم انتخابی اصلاحات کے موقف کی حمایت کرتے ہیں۔ اس موقع پر علامہ مقصود علی ڈومکی نے کراچی میں آپریشن کے باوجود معصوم شہریوں کی ٹارگٹ کلنگ کو سوالیہ نشان قرار دیا۔ انہوں نے ٹارگٹ کلنگ میں مجلس وحدت مسلمین کے کارکنوں اور معصوم انسانوں کی شہادت پر افسوس کا اظہار کرتے ہوئے حکومت سندھ سے مطالبہ کیا کہ وہ نہتے شہریوں کے تحفظ کو یقینی بنائے۔ انہوں نے کہا کہ عدیل عباس اور حیدر رضوی کے قتل میں ملوث عناصر کو بے نقاب کرنا بہت ضروری ہے۔ علامہ مقصود علی ڈومکی نے کہا کہ غاصب اسرائیل کے خلاف شیعہ سنی مسلمان مل کر قیام کریں۔ حماس اور حزب اللہ کی حمایت تمام مسلمانوں پر فرض ہے۔ انہوں نے ترک وزیراعظم اردوگان کی جانب سے اسرائیل کو دی گئی دھمکی پر حیرت کا اظہار کرتے ہوئے کہا کہ ترکی حکومت پہلے انکارا اور استنبول میں قائم اسرائیلی سفارتخانے بند کرنے کا اعلان کرتے ہوئے اس کی جگہ فلسطینی سفارتخانے کھولنے کا اعلان کرے۔
انہوں نے کہا کہ زبانی جمع خرچ کی بجائے عملی طور پر ترکی اور دیگر مسلم ممالک کو مظلومین فلسطین کی مدد کرنا ہوگی۔ ترک انٹیلیجنس کا موساد کے ساتھ معاہدہ اور نیٹو کی رکنیت ایک سوالیہ نشان ہے۔ انبیاء (ع) کی سرزمین فلسطین پر اسرئیلی جارحیت پر اقوام متحدہ اور حقوق انسانی کے عالمی اداروں کی خاموشی قابل مذمت ہے۔ ہم مظلوم فلسطینی عوام کو یقین دلاتے ہیں کہ آپ ہمارے دلوں میں بستے ہیں۔ مسلم حکمرانوں کی خیانت کے باوجود مسلم عوام آپ کے ساتھ ہیں۔ انشاءاللہ نصرت الٰہی کا وعدہ جلد سچا ہوگا اور امت مسلمہ کی وحدت بیداری اور قیام للہ کے نتیجہ میں قبلہ اول جلد آزاد ہوگا۔
وحدت نیوز(اسلام آباد) مجلس وحدت مسلمین پاکستان کے مرکزی سیکرٹری جنرل علامہ راجہ ناصرعباس جعفری نے کہا ہے کہ اسرائیل غزہ میں فلسطینیوں کی نسل کشی کر رہا ہے اور کوئی مسلمان ملک بولنے کیلئے تیار نہیں، خاموشی اختیار کیے ہوئے ممالک میں اسرائیل نے اپنے ایجنٹوں کو بٹھایا ہوا ہے، جہان اسلام کے حکمران ڈرے ہوئے ہیں، ان کے منہ سے آواز تک نہیں نکلتی، فلسطین مسلمانوں کا دل ہے، مسلم حکمرانوں کی غفلت ہے کہ مٹھی بھر صہیونیوں نے فلسطین پر قبضہ کیا ہوا ہے، ورنہ ان کی کیا مجال تھی۔ ہم غزہ پر اسرائیلی حملوں کی بھرپور مذمت اور فلسطینیوں کی حمایت کرتے ہیں۔ جمعة الوداع کو پورے پاکستان میں یوم القدس کے طور پر منائیں گے، تمام مکاتب فکر کی ذمہ داری بنتی ہے کہ ہے کہ وہ اس دن گھروں سے باہر نکلیں اور اپنے مظلوم فلسطینی بھائیوں کے ساتھ اظہار یکجہتی کرکے ثابت کریں کہ فلسطینی تنہا نہیں ہیں۔ فلسطین کے مظلوم عوام کو سلام پیش کرتے ہیں جنہوں نے نہتے ہونے کے باوجود اسرائیل کے آگے سر نہیں جھکایا بلکہ ہمت اور مقامت کا مظاہرہ کرتے ہوئے ڈٹ کر مقابلہ کیا۔ ہم ان قوتوں کو بھی سلام کرتے ہیں جنہوں نے غزہ کے مسلمانوں کی اخلاقی، مالی سمیت ہر لحاظ سے مدد کر رہے ہیں۔
علامہ ناصرعباس جعفری کا کہنا تھا کہ سانحہ ماڈل ٹاون کے شہداء ہمارے شہدا ہیں، تاحال ایف آئی آر درج کا نہ ہونا تشویش ناک ہے، سانحہ کی ایف آئی آر انہی افراد کے خلاف کاٹی جائے جن کو عوامی تحریک نے نامزد کیا ہے۔ ہم عوامی تحریک کے مطالبات کی بھرپور حمایت کرتے ہیں۔ علامہ ناصر عباس جعفری نے کہا کہ وزیراعلیٰ پنجاب شہباز شریف استعفیٰ دیکر اپنے آپ کو قانون کے سامنے پیش کریں، حیرت ہے کہ موصوف نے تاحال استعفیٰ نہیں دیا۔ مظلوموں کا ناحق خون کبھی رائیگاں نہیں جائیگا۔ انہوں نے کہا کہ ہم دہشتگردوں سے ڈرنے والے ہیں نہ پنجاب حکومت کے اوچھے ہتھکنڈوں سے گبھرانے والے ہیں، وطن کی خاطر کسی بھی قربانی سے دریغ نہیں کریں گے۔ جعلی مینڈیٹ سے آنے والی اور دہشتگردوں کی سرپرستی کرنے والی حکومت ختم ہو کر رہے گی، اگست میں شروع ہونے والی تحریک میں پاکستان عوامی تحریک، مجلس وحدت مسلمین، سنی اتحاد کونسل اور دیگر جماعتیں پورے ملک میں پوری طاقت کے ساتھ نکلیں گی اور حکومت کا تختہ الٹ کر دم لیں گے، موجودہ حکومت کی قانونی اور آئینی کوئی پوزیشن نہیں ہے۔ ایسا احتجاج کریں گے کہ دنیا تحریر اسکوائر بھول جائے گی۔ علامہ ناصر عباس جعفری نے ان خیالات کا اظہار منگل کے روز مرکزی سیکرٹریٹ اسلام آباد میں دیگر رہنماوں کے ہمراہ پریس کانفرنس کے دوران کیا، ان کے ہمراہ علامہ اصغر عسکری، علامہ سخاوت قمی، نثار فیضی سمیت دیگر رہنما بھی موجود تھے۔
علامہ ناصر عباس نے کہا کہ بری امام میں ا سٹے آرڈر ہوا ہے، کوئی تعمیرات نہیں ہو سکتیں لیکن عجیب ہے اس کے باوجود وزیر خزانہ کی ایما پر کام جاری ہے۔ ہمارا مطالبہ ہے کہ تعمیراتی کام کو فی الفور روکا جائے، ورنہ احتجاج پر مجبور ہونگے۔ انہوں نے کہا کہ شہباز شریف کا پنجاب میں کردار انتہائی شرمناک ہے، ہمارے بے گناہوں افراد کو پکڑ کر ان پر کیسز بنائے جا رہے ہیں، 16 ایم پی او کے تحت پڑھے لکھے افراد کو گرفتار کیا جا رہا ہے، گزشتہ دنوں میرے دو گارڈز اور ایک ڈرائیور کو بھی اغوا کر لیا گیا اور بعد میں اسلام آباد کے سیکرٹری جنرل کو غائب کر دیا گیا اور دو دن تک انتظامیہ نے تسلیم تک نہیں کیا۔ انتظامیہ سے رابطہ کیا تو پتہ چلا کہ انہوں نے پنجاب حکومت کے ایما پر یہ گرفتاریاں کی ہیں، انتظامیہ نے تسلیم کیا ہے کہ ان پر پنجاب حکومت کا دباو ہے اور ان سے کہا گیا ہے کہ مجلس وحدت مسلمین پاکستان کے کارکنوں کو گرفتار کر کے جیلوں میں ڈالا جائے۔ ہم پنجاب حکومت کو متنبہ کرتے ہیں کہ وہ ایسے اوچھے ہتھکنڈوں سے باز رہے، ہم بتا دینا چاہتے ہیں کہ ہماری ایک تاریخ ہے، ہم وطن کے باوفا بیٹے ہیں ہم نے ہمیشہ ملک کی خاطر قربانیاں دیں اور آئندہ بھی دیں گے۔ لیکن تمھارے اوچھے ہتھکنڈوں سے ڈر کر گھروں میں نہیں بیٹھیں گے اور نہ تمہارے سامنے جھکیں گے۔
وحدت نیوز(ملتان) پاکستان میں ظالمانہ کے خاتمے میں کا وقت آ چکا ہے پاکستان کی تقدیر بدلنے کے لئے نوجوانون کو کردار ادا کرنا چاہیے سانحہ ماڈل ٹاوُن بدترین ریاستی دہشت گردی ہے ذمہ داران کیخلاف ایف آئی آر کے اندراج تک نہ ہونا عدل و انصاف پر سوالیہ نشان ہے۔ ان خیالات کا اظہار مجلس وحدت مسلمین یوتھ ونگ کے مرکزی سیکرٹری سید فضل عباس نقوی نے پاکستان عوامی تحریک یوتھ کے زیراہتمام لاہور میں یوتھ کانفرنس سے خطاب کرتے ہوئے کیا۔ اُن کا کہنا تھا کہ مجلس وحدت مسلمین نے ہمیشہ تشدد اور انتہا پسندی کی سیاست کو مسترد کیا ہے، ہم نے دنیا بھر میں پرامن احتجاج کی مثال قائم کی ہے 100 سے زائد شہدا کی جنازوں کیساتھ منفی 10 سینٹی گریڈکی سردی میں پانچ دن تک مسلسل پاکستان سمیت لندن امریکہ کے سٹرکوں پر بیٹھے رہے لیکن اپنے مطالبات پر کبھی سمجھوتا نہیں کیا اور اس وقت کے فرعونوں کو سرنگوں کرکے بتا دیا کہ نہتے اور پر امن لوگوں کی عوامی طاقت میں کتنا دم ہے۔
سید فضل عباس نقوی کا کہنا تھا کہ ہمارے نوجوانوں کو چاہیے کہ وہ اس مشکل دور میں اپنی تمام تر توانائیاں پاکستان کی سلامتی اور استحکام کے لئے بروئے کار لائیں پاکستان مسلم امہ میں واحد ایٹمی طاقت ہے جو اسلام دشمنوں اور ملک دشمنوں کو ایک آنکھ نہیں بھاتی،دہشت گردوں کو مختلف روپ میں اسلام کے نام پر اسلام دشمن طاقتیں پاکستان پر مسلط کر رہے ہیں ہمیں ان خارجی دہشت گرد جو دراصل راء اور موساد کے ایجنٹ ہے کے مقابلے میں اپنی پاک فوج کے شانہ بشانہ کھڑے ہونے کی ضرورت ہے ۔سید فضل عباس نقوی نے غزہ کے مظلوم مسلمانوں پر اسرائیلی بربریت کی شدید الفاظ میں مذمت کرتے ہوئے کہا کہ مسلمانوں کی اس نسل کشی میں امریکہ،برطانیہ اور یورپی ممالک برابر کے شریک ہیں جو عالمی دہشت گرد اسرائیل کی پشت پناہی کرتے ہیں، اسرائیل کے خلاف عرب دنیا کی خاموشی نے ان منافقانہ پالیسیوں کو بے نقاب کر دیا ، آج عرب عوام مقاومت کیساتھ ہیں عرب عوام کی دلوں میں حزب اللہ اور حماس کی حکمرانی ہے۔انہوں نے تمام یوتھ آگنائزیشنز کو دعوت دی کہ وہ اس جمعتہ الوداع کو یوم القدس کی ریلیوں میں شریک ہوکر اپنے مظلوم فلسطینی بھائیوں سے اظہار یکجہتی کریں۔
