The Latest
وحدت نیوز(گلگت) دہشتگردی کے متعلق حکومتی پالیس منافقت پر مبنی ہے ،ملکی سطح پر دہشت گردوں کے خلاف کاروائی ہورہی ہے جبکہ عالمی سطح پر تکفیری قوتوں سے مراسم بڑھائے جارہے ہیں۔پاکستان کے موجودہ حالات کے تناظر میں وزیر اعظم پاکستان کے دورہ بحرین سے بیرونی دنیا میں پاکستان کی ساکھ متاثر ہوئی ہے ۔بحرین کے مظلوم عوام پچھلے کئی سالوں سے بحرینی خلیفہ کی ظالمانہ شہنشاہیت کے خلاف سڑکوں پر ہیں اورایسے حالات میں وزیراعظم پاکستان کا دورہ بحرین اور الخلیفہ حکومت کا ساتھ دینا جمہوریت کے گلے پر چھری پھیرنے کے مترادف ہے۔
ان خیالات کا اظہار مجلس وحدت مسلمین گلگت بلتستان کے سیکرٹری جنرل شیخ نیئرعباس مصطفوی نے دنیور میں جشن ولادت سید الکونین کے سلسلے میں منعقدہ اجتماع سے خطاب کرتے ہوئے کہا۔ انہوں نے کہا کہ حکو مت پاکستان کا چند ڈالروں کے عوض بحر ینی خلیفہ کی ناجائز حکومت کو تحفظ فراہم کرنے کے اقدام سے جمہوریت پسند قوتوں کو سخت دھچکا لگا ہے۔ پاکستان ایک اسلامی جمہوری ملک ہے اور اس ملک کے سربراہ کی جانب سے شہنشاہیت جیسے فرسودہ اور ظالمانہ نظام کی مدد اورتکنیکی معاونت دہشت گردی کے زمرے میں آتی ہے۔ انہوں نے کہا کہ ایسے اقدامات سے بین الاقوامی سطح پر پاکستان کی ساکھ انتہائی متاثر ہوئی ہے اورحکومت کے ایسے اقدامات سے کروڑوں پاکستانیوں کی دل آزاری ہوئی ہے۔ ہم بحرینی عوام کے حق جدوجہد کی بھرپور حمایت کرتے ہیں اور ظالم خلیفہ کے خلاف ہیں جنہوں نے بحرینی عوام کے حقوق برسوں سے غصب کئے رکھا ہے۔انہوں نے وزیر اعظم پاکستان کے حالیہ دورہ بحرین پر سخت تنقید کرتے ہوئے کہا کہ وزیر اعظم پاکستان چند ہزار ڈالروں کے عوض بخشو کا کردار ادا کررہے ہیں۔
وحدت نیوز (کوئٹہ) مجلس وحدت مسلمین کوئٹہ ڈویثرن کے زیراہتمام سا نحہ 10جنو ری علمدار روڈ اور سا نحہ زا ئرین 21جنوری درینگڑھ کے برسی کے حوالے سے تقریب شب شہداء کا اہتمام کیا گیا جسمیں بڑی تعداد میں مر د و خوا تین نے شر کت کی، تقریب سے خطا ب کرتے ہوئے مجلس وحدت مسلمین کے مرکزی رہنما علامہ اعجاز بہشتی نے کہا کہ میں ان شہدا ء کو سلا م پیش کر تا ہوں جنہوں نے پورے پاکستان میں ملت تشیع اور ہر با ضمیر شخص کو جگا یا پورے ملک اور سا ری دنیامیں ایک ایسا انقلاب بھر پا کیا جسکا مشا ہدہ سا ری دنیا نے کیا انہوں نے کہا کہ ہم اُس وقت سے یہ مطا لبہ کر رہے تھے کہ طا لبا ن کے نا م سے جو دہشت گرد سر زمین پا کستان میں معصو م انسانوں کا خون بہا رہے ہیں وہ کسی رعا یت کے مستحق نہیں اور ان کے خلاف فو ری طور پر بھر پور کاروائی کا آغاز کیا جا ئے لیکن اُس وقت ہما ری کسی نے ایک نہ سُنی اور پے درپے ہم پرحملے ہوتے رہیں اور با رود سے بھری گا ڑیاں ہمارے گلی محلوں اور اسکولوں کے قریب اُڈھا ئے گئے اور دوسری جانب حکومت اُن دہشت گر دوں سے مذاکرات کرنے کی کوششوں میں مصر وف تھی ۔ اب ہم پو چھتے ہیں کہ کیا وہ لوگ جو ان بم دھماگوں میں اُڈھا ئے گئے کیا وہ لوگوں کے بیٹے نہیں تھے کیا اُن کے جا نوں کی کوئی قیمت نہیں تھی اب جبکہ یہ دہشت گر د اتنے دلیر ہو گئے ہیں کہ ہمارے اسکول کے بچے بھی ان کے شر سے محسوس نہیں رہیں تب ہمارے ریاستی ادا روں اور حکومت کو ہوش آگیا ہیں کہ ان دہشت گردوں کے خلاف بھر پور کاروائی اور ان کی مکمل بیخ کنی کے سوا ہمارے پا س کوئی راستہ نہیں ہے ۔
انہوں نے مزید کہا کہ ہماری چودہ سو سا لہ تا ریخ گواہ ہے کہ ہم نے کسی ظا لم کے سامنے سر تسلیم خم نہیں کیا ہر ظا لم نے اپنے دور حکومت میں ظلم کے ذریعے ہمیں زیر کرنے کی کو شش کی لیکن فر زندان کر بلا نے کبھی ظلم کو قبول نہیں کیا اور ہمیشہ اُسکے خلاف آواز بلند کرتے رہیں۔تقریب سے خا نو ادگان شہدا ء نے خطا ب کرتے ہوئے کہاکہ ہمیں اپنے شہدا ء پر فخر ہیں اور اگر ہمیں دین کی راہ میں ہزار بچے بھی قر با ن کرنا پڑے تو ہم اس قربا نی سے دریغ نہیں کرینگے ۔
تقریب سے خطا ب کر تے ہوئے ممبر صو بائی اسمبلی سید محمد رضا نے کہا کہ میں ان پا ک شہیدوں کو سلام پیش کرتا ہوں جنہوں نے اپنے لہو سے ملت میں وہ جوش و ولولہ پیدا کیا ہے جو اس سے پہلے ہمارے اند ر موجو د نہیں تھی آج ہم اپنے شہید وں کے سا تھ تجدید عہد کرنے کیلئے یہاں جمع ہوئے ہیں انہوں نے کہا کہ کچھ عناصر ملک میں جا ری دہشت گردی کو پرا کسی وار کا نام دے کر شہیدوں کے خون کے سا تھ خیا نت کر رہے ہیں اور یہ بات میں چیلنج کے سا تھ کہتا ہوں کہ پاکستان میں کوئی پراکسی وار نہیں کیونکہ جو لوگ اسکو پراکسی وار کہتے ہیں وہ اس لفظ کے مفہوم سے آگا ہ نہیں اور ملک میں جا ری دہشت گر دی کو پراکسی وا ر کہہ کر شہدا ء کے خون کے سا تھ نا انصا نی کر رہے ہیں ۔کیونکہ کوئٹہ اور پورے ملک میں جس طرح یک طر فہ کاروائیوں میں ملت تشیع کے افراد کو نشانہ بنا یا گیاجس کے نتیجے میں سینکڑوں افراد لقمہ اجل بنے اب اس کو بیلنس کرنے کیلئے او ر اپنی دہشت گردی کو چھپانے اور ہماری مظلومیت کو دبانے کیلئے اسے پراکسی وار کا نام دیا جاتا ہے۔ بیان میں اسپنی روڈ سے ہزارہ نو جوان کی تشدد زدہ لاش کے ملنے کی شدید مذمت کرتے ہوئے واقعے میں ملو ث ملزمان کو فوری گرفتار کرکے کیفر کردار تک پہنچانے کا مطالبہ کیا گیا۔
وحدت نیوز (اسلام آباد) خیرالعمل فاﺅنڈیشن پاکستان کے ہیڈ آفس میں رسول خدا فخرا نسانیت کے عنوان سے میلاد کی تقریب کا اہتمام کیا گیاایم ڈبلیوایم کے مرکزی سیکرٹری تبلیغات علامہ اعجاز حسین بہشتی ،چیئرمین خیرالعمل فاﺅندیشن نثار علی فیضی ، مرکزی سیکر ٹری روابط ملک اقرار حسین،علامہ علی شیر انصاری نے گفتگوکی اشعار پڑھے اور دعا کرائی۔
علامہ اعجاز حسین بہشتی نے کہا کہ رسول اللہ تمام عالمین کے لیے رحمت ہیں جس جس عالم میں اللہ کی ربو بیت قائم ہے اس اس عالم میں رسول اللہ واسطہ فیض ہیں، انسانیت کی پامال قدروں کو عروج پیغمبر خدا کی ذات سے حاصل ہوا اور انسانیت کے بھٹکے ہوئے قافلے کو اوج ثریا تک پہنچا دیا انکی سیرت کی اتباع میں انسانیت کی نجات ہے ۔عید میلادالبنی امت مسلمہ کے لیے سب سے بڑی خوشی کا دن ہے آج شیعہ اور سنی بھائیوں کا ملکر رسول اکرم کا میلاد منانا اسلام و ملک دشمن قوتوں کی ناکامی اور امت مسلمہ کی وحدت کا ثبوت ہے۔
چیئرمین خیرالعمل فاﺅنڈیشن نثار علی فیضی نے اپنے ابتدائی کلمات میں کہا کہ عاشقان مصطفی آج میلاد مصطفی منا کر پوری دنیا کو یہ بتلا رہے ہیں کہ اسلام امن،انسانیت اور سلامتی کا دین ہے عاشقان محمد عشق رسول میں اپنے کردار،زبان اور عمل کے ذریعے دین کا حقیقی چہرہ لوگوں کو دکھاتے ہیں لیکن بد قسمتی سے آج اسلام کے چہرے کو بھی مسخ کرنے کی سازشیں عروج پر ہیں جواسلام ،دین، جہادا ورتکبیر کے ساتھ انسانیت کی دھجیاں بکھیر رہے ہیں رسول اللہ کے فرمان کے مطابق بہترین انسان وہ ہے جو دوسروں کے لیے بہتر ہو ہمیں آج اپنے کردار اور اطوار کے ذریعے سے دوسروں کے لیے جائے پناہ ،جائے امن و سلامتی اور جائے محبت وآتشی کا پیکر بننا پڑے گا اور یہی عشق مصطفی کا تقاضا ہے انسانیت کی سسکتی اور تڑپتی آہوں کو اللہ کے احکامات اور رسول اللہ کی سیرت کی روشنی میں سہارا دینا ہو گا آخر میں شرکاءمیں مٹھائی تقسیم کی گئی۔
وحدت نیوز (تہران) ولی امر مسلمین آیت اللہ العظمٰی سید علی خامنہ ای نےہفتہ وحدت اور رحمۃ للعالمین حضرت محمد مصطفٰی صلی اللہ علیہ و آلہ وسلم اور امام جعفر صادق علیہ السلام کی ولادت کی مناسبت سے اعلٰی سطحی حکومتی اہلکاروں، اسلامی ممالک کے سفراء اور تہران میں منعقدہ 28 ویں بین الاقوامی وحدت اسلامی کانفرنس کے شرکاء سے خطاب کرتے ہوئے "وحدت" کو نبی اکرم صلی اللہ علیہ و آلہ وسلم کا عظیم پیغام اور امت مسلمہ کی اشد ضرورت قرار دیتے ہوئے فرمایا: "نبی مکرم اسلام صلی اللہ علیہ و آلہ وسلم کی شخصیت کا احترام صرف باتوں تک ہی محدود نہیں رہنا چاہئے بلکہ وحدت پر مبنی آنحضور (ص) کے فرامین کو عملی جامہ پہنانا اسلامی ممالک اور مسلمان اقوام کی پہلی ترجیح ہونی چاہئے۔
"
امام خامنہ ای نے تمام مسلمانان عالم کو اس عظیم دن کی مبارکباد پیش کرتے ہوئے پیغمبر اکرم صلی اللہ علیہ و آلہ وسلم کی ولادت کو "علم، عقل، اخلاق، رحمت اور وحدت" کی پیدائش قرار دیا اور فرمایا: "ان گہرے اور نجات بخش مفاہیم میں حقیقت کا رنگ بھرنے میں اسلامی ممالک کے مسئولین، سیاستدانوں، علماء اور اہم شخصیات پر بہت بھاری ذمہ داری عائد ہوتی ہے۔" ولی امر مسلمین جہان نے اسلام دشمن قوتوں کی جانب سے مذہبی فرقہ واریت پھیلانے پر مبنی سازشوں کے اثربخش ثابت ہونے پر افسوس کا اظہار کرتے ہوئے فرمایا: "اگر ان عظیم وسائل اور منفرد صلاحیتوں کی مالک مسلمان اقوام جزئی مسائل کو چھوڑ کر صرف کلی امور اور پالیسیوں میں ہی ایکدوسرے کے ساتھ ہمدل اور ہماہنگ ہوجائیں تو امت مسلمہ کی ترقی اور پیش رفت کی ضمانت فراہم کی جاسکتی ہے جبکہ عالمی سطح پر اسلامی دنیا میں وحدت اور اتحاد کا انعکاس پیغبر اسلام صلی اللہ علیہ و آلہ وسلم کی عزت اور عظمت کا باعث بن سکتا ہے۔
"
آیت اللہ العظمٰی سید علی خامنہ ای نے عید سعید فطر پر دنیا بھر میں مسلمان اقوام کے عظیم اجتماعات اور حج کے موقع پر عظیم اجتماع کو امت مسلمہ کو عزت بخشنے والے اتحاد کے دو نمونے قرار دیتے ہوئے فرمایا: "اس سال امام حسین علیہ السلام کے چہلم پر ایسے کروڑوں مسلمانوں نے جن میں اہلسنت برادران بھی شامل تھے، کربلا میں ایک عظیم اور بے نظیر کارنامہ انجام دیا، جس کی عالمی سطح پر مسلمانان عالم کے سب سے بڑے اجتماع کے طور کوریج نے عالم اسلام کی عظمت اور افتخار کا زمینہ فراہم کر دیا۔" ولی امر مسلمین جہان امام خامنہ ای نے اتحاد بین المسلمین میں کارفرما اہم عوامل کی جانب اشارہ کرتے ہوئے شیعہ اور سنی مسلک سے وابستہ افراد کی جانب سے ایکدوسرے کے خلاف توہین آمیز اقدامات اور سوء ظن سے گریز کو انتہائی اہم قرار دیا۔ انہوں نے مغربی دنیا خاص طور پر امریکہ اور برطانیہ کے جاسوسی اداروں کی جانب سے اسلامی دنیا میں مذہبی فرقہ واریت پھیلانے کیلئے انجام پانے والی وسیع سازشوں اور کوششوں کی جانب اشارہ کرتے ہوئے فرمایا: "وہ شیعہ عناصر جو MI-6 سے وابستہ ہیں اور وہ سنی عناصر جو CIA کے اشاروں پر چل رہے ہیں، دونوں اسلام اور رسول اکرم صلی اللہ علیہ و آلہ وسلم کے دشمن ہیں۔
"
آیت اللہ العظمٰی سید علی خامنہ ای نے اتحاد بین المسلمین کے فروغ میں انقلاب اسلامی ایران کے بانی حضرت امام خمینی رحمۃ اللہ علیہ کے عظیم کردار کو سراہتے ہوئے اس ضمن میں اسلامی جمہوریہ ایران کی انتھک کوششوں کی جانب اشارہ کرتے ہوئے فرمایا: "گذشتہ 35 برس کے دوران ایران نے دنیا کے مختلف حصوں میں بسنے والے اپنے مسلمان بھائیوں جن میں اہلسنت بھائیوں کی اکثریت ہے کی مدد کی ہے۔ ایران کی حکومت اور عوام نے فلسطینی قوم اور خطے کے عوام کی مسلسل حمایت کے ذریعے اتحاد بین المسلمین کے نعرے کو عملی طور پر ثابت کر دکھایا ہے۔" ولی امر مسلمین جہان نے عالم اسلام کے سیاستدانوں، علماء اور روشن خیال افراد کو مخاطب قرار دیتے ہوئے یہ اہم سوال پیش کیا کہ: "آج ایسے وقت جب عالمی استعماری قوتیں اسلام فوبیا پھیلانے اور اسلام کے نورانی چہرے کو بگاڑ کر پیش کرنے کیلئے بھرپور انداز میں سرگرم ہیں، کیا فرقہ وارانہ بیانات اور مسلمان فرقوں کو بدنام کرنا عقل، حکمت اور سیاست کے خلاف نہیں؟"
آیت اللہ خامنہ ای نے خطے کے بعض مسلمان ممالک کی جانب سے ایران کے ساتھ دشمنی کو اپنی خارجہ پالیسی کا محور قرار دینے کو ایک سنگین غلطی قرار دیا اور فرمایا: "اس غیر معقول پالیسی کے برخلاف، اسلامی جمہوریہ ایران ماضی کی طرح ہمیشہ اپنی خارجہ پالیسی کی بنیاد خطے کے ممالک سمیت تمام اسلامی ممالک کے ساتھ دوستی اور برادری پر استوار رکھے گا۔" آیت اللہ العظمٰی سید علی خامنہ ای نے دینی کثرتیت (Pluralism) کی ترویج کو قرآن کریم اور اسلامی متون کی غلط تفسیر کا نتیجہ قرار دیا اور فرمایا: "قرآن کریم کی آیات واضح طور پر اس حقیقت کو بیان کرتی ہوئی نظر آتی ہیں کہ اسلام دینی کثرتیت کو قبول نہیں کرتا۔" آیت اللہ خامنہ ای نے کہا کہ اگر مسلم ممالک امت مسلمہ کے مفادات اور عالم اسلام کے اتحاد کو اپنی پالیسیوں کا محور و مرکز قرار دیں تو خود ان کے مفادات کا حصول بھی یقینی ہوجائے گا۔ انہوں نے فرمایا: "ہم سب مسلمانوں کو چاہئے کہ قرآنی تعلیمات خاص طور پر اس آیہ شریفہ "اَشِدّاءُ عَلَی الکُفار وَ رُحماءُ بَینَهم" کی روشنی میں استکبار جہانی، عالمی صہیونیزم جیسے سرطانی غدے خاص طور پر امریکہ اور اسرائیل کی غاصب رژیم کے خلاف اٹھ کھڑے ہوں اور آپس میں محبت اور مہربانی سے پیش آئیں۔"
وحدت نیوز (اسلام آباد) مجلس وحدت مسلمین کے ڈپٹی سیکرٹری جنرل اور ملی یکجہتی کونسل کےمرکزی رہنما علامہ محمد امین شہیدی نے کہا ہے کہ دہشت گردی نے ملک کو تباہ و برباد کردیا ہے،دہشت گردوں کے خلاف کارروائی کیلئے برسوں سے مطالبے کرتے آرہے ہیں،لیکن اس پر کوئی عمل نہیں کیا گیا ،سانحہ پشاور کے بعد کچھ آثار ایسے نظر آرہے ہیں کہ حکومت دہشت گردوں کے خلاف کارروائی کے لیے پرعزم ہے،اس سلسلے میں دہشت گردوں کے خلاف جو کارروائی کی جارہی ہے،منجملہ ملٹری کورٹس کا قیام ہم اس کی بھرپوراور مکمل تائید کرتے ہیں تاہم یہ بھی مطالبہ کرتے ہیں کہ ہرقسم کےدہشت گرد،اوردہشت گردوں کے خلاف بلا استثناکاروائی کی جائے اور کسی کو اس سےمستثنیٰ نہ کیا جائے۔
اپنی رہائش گاہ پر منعقدہ ملی یکجہتی کونسل کے اجلاس کے اختتام پر پریس کانفرنس کرتے ہوئے علامہ محمد امین شہیدی نے کہا کہ ان عدالتوں کے قیام کا مقصد فوری اور منصفانہ انصاف ہونا چاہیے اور یہ بھی خیال رکھا جائے کہ کوئی بے گناہ اس کے شکنجے میں نہ آئے،اگر ملک میں موجود عدالتیں انصاف فراہم کرتیں،مجرموں کو کڑی سزائیں دیتیں، قاتلوں کو باعزت بری نہ کرتیں،کوئٹہ،کراچی،تفتان،چلاس،نانگاپربت اور بابوسرکے حادثوں کے مجرموں کو عبرت کا نشان بنائیں تو آج ملٹری کورٹس کی کوئی ضرورت پیش نہ آتی۔وطن ِ عزیز کو دہشت گردی کے بحران سے نکالنے کے لئے ضروری ہے کہ دہشت گردی کے فروغ میں ملوث مدارس کے خلاف بلا استثنا بے رحم آپریشن کیا جائے،تاہم تعمیری کام کرنے والے اداروں کو بے جا تنگ نہ کیا جائے۔
وحدت نیوز (کراچی) جشن ولادت باسعادت حضرت محمد ﷺ و امام جعفر صادقؑ کی خوشی میں صوبائی سیکریٹریٹ کو برقی قمقموں سے سجایا گیا اہل علاقہ نے بے حد سراہا وحدت ہاؤس سندھ پر جشن کے حوالے سے جشن و شمع روشن و چراغان کیا گیا، اور آلِ ابو طالب یوتھ آرگنائزیشن کی تعاون سے پچیس پاؤنڈ کا کیک کاٹا گیا اور شرکاء محفل میں مٹھائیاں اور کیک تقسیم کیا، اس موقع پر نعت خواں حضرات نے نعت رسول مقبول ﷺ پیش کیا قبل ازین مجلس وحدت مسلمین ضلع جنوبی کے تحت سرکارِ رسالت ﷺ و امام جعفرِ صادق ؑ کی یومِ ولادت کے سلسلے میں وحدت ریلی محفل شاہ خراسان سے نکالی گئی جو کہ مختلف راستوں سے ہوتا ہوا صوبائی سیکریڑیٹ پر اختتام پذیر ہوئی شرکائے محفل سے خطاب کرتے ہوئے علامہ صادق رضا تقوی،مولانا احسان دانش،مولانا شیرعلی ،صوبائی رہنما ناصر الحسینی، ایم ڈبلیو ایم جنوبی کے رضوان پنجوانی ،شبیر حسین اور آل پاکستان سنی تحریک کے چیئرمین مطلوب اعوان نے اپنے خطاب میں تعلیمات رسول خداﷺ وامام جعفر صادق ؑ پر روشنی ڈالی مقرریں نے کہا کہ اسلام امن کا پیغام دیتا ہے اور رسول خدا کی ہیت طیبہ انسانیت سے محبت کا درس دیتی ہے، آج عالم انسانیت کو متحد ہو تکفیری دہشتگردوں کے خلاف علمِ جہاد بلند کرنا چاہیے تاکہ سرزمین پاکستان سے دہشتگردی کا مکمل خاتمہ ہوسکے۔
وحدت نیوز (تہران) اسلامی جمہوریہ ایران کے دارالحکومت تہران میں "المجمع العالمی للتقریب بین المذاہب الاسلامیہ" کے زیر اہتمام 28 ویں بین الاقوامی وحدت اسلامی کانفرنس میں مجلس وحدت مسلمین پاکستان کی نمائندگی ایم ڈبلیوایم صوبہ بلوچستان کے سیکریٹری جنرل علامہ مقصود علی ڈومکی کر رہے ہیں ، ایم ڈبلیوایم کے مرکزی سیکریٹری جنرل پاکستان میں سیاسی و تنظیمی مصروفیات ، دورہ جات بالخصوص لاہور میں منعقدہ پیغمبر اعظم امن کانفرنس میں خصوصی شرکت اور خطاب کی بناء پر عالمی وحدت اسلامی کانفرنس میں شرکت نہیں کر سکےاور علامہ مقصود علی ڈومکی کو ایم ڈبلیوایم کی نمائندگی کیلئے بھیجا گیا۔
وحدت نیوز (کراچی ) سندھ حکومت شیعہ مسلمانوں کے قاتلوں کو فوری گرفتار کرے، کراچی گزشتہ 4روز میں 6شیعہ افراد کو ٹارگٹ کلنگ دہشتگردہ کا نشانہ بنایا گیا،سندھ حکومت دہشتگردوں کی پشت پناہی کررہی ہے سلمان رضوی کے قاتلوں کو فوری گرفتار کیا جائے ۔گزشتہ برس دہشتگری میں شہید سلمان رضوی کے بھائی عظیم رضوی کو بھی ٹارگٹ کلنگ کا نشانہ بنایا جا چکا ہے ، شہر قائد شیعہ نشل کشی میں ایک ہی گھر سے کئی جنازے اُٹھے سندھ حکومت و قانون نافذ کرنے والے ادارے پولیس او رینجرز دہشتگردی روکنے میں ناکام ہوگئے ہیں اور خاموش خاموش تماشی کا کردار ادا کررہے ۔ ان خیالات کا اظہار مجلس و حدت مسلمین کے رہنماؤں بشمول علامہ مختار امامی ،علی احمر،علامہ علی انور،علامہ مبشر حسن ،علی حسین نقوی،ناصرحسینی،آصف صفوی سمیت دیگر رہنماؤں نے کراچی ٹارگٹ کلنگ میں شہید ہونے والے سلمان رضوی کے قتل پر اہل خانہ سے اظہار تعزیت کرتے ہوئے و حدت ہاؤس کراچی سے جاری اپنے مذمتی بیان میں کیا جبکہ رہنماؤں نے شہید ہونے والے سلمان رضوی کے اہل خانہ سے ملاقات کی اور اظہار تعزیت کیا اور مرحوم کے بلندی درجات کی دعا کی ۔
اس موقع پر ایم ڈبلیو ایم سندھ کے صوبائی سیکر ٹری جنرل علامہ مختار امامی کا کہنا تھا کہ کراچی دہشت گردوں کی آماجگاہ بن چکا ہے،سندھ حکومت و قانون نافذ کرنے والے ادارے دہشتگردی روکنے میں ناکام ہوگئے ہیں، دہشتگردوں کے خلاف ٹارگٹڈ آپریشن کے با جودبے گناہ شہریوں کی ٹارگٹ کلنگ کا سلسلہ جاری ہے اور نئے سال کے آغاز سے ہی ایسا لگ رہا ہے کے شہر میں ٹارگٹ کلرز کو فری ہینڈ دی دیاگیا ہے اور ریاستی ادارے خاموش تما شائی بنے ہوئے ہیں شہر کے مضافات میں واقع خیمہ بستیاں ، کچی آبادیاں دہشت گردوں کی محفوظ پناہ گاہیں ہیں، پولیس انتظامیہ اور سندھ حکومت نے نشاندہی کے باوجود اب تک نو گو ایریاز میں آپریشن کلین اپ نہیں کیا،شہر میں پہلے سے موجود دہشت گرد وبال جان تھے ، کہ اب آئی ڈی پیز کی آڑ میں وزیر ستان سے خطرناک دہشت گرد کراچی سمیت ملک بھر میں پھیلنا شروع ہو چکے ہیں ، جن کی کڑی نگرانی کی ضرورت ہے، ہم ایک مرتبہ پھر واضح کر رہے ہیں کہ طالبان کے ساتھ ساتھ ملک بھر میں پہلے ہوئے ان کے ہمدردوں ، غم خواروں اور مددگار کالعدم جماعتوں کے خلاف بھی جلد فوری کاروائی کا آغاز کیا جائے، وگرنہ پورا ملک وزیرستان بن جائے گا، کراچی ٹارگٹ کلنگ میں بھی تکفیری دہشت گرد عناصر ملوث ہیں جنہیں قانون کے شکنجے میں لینا ضروری ہے، رہنماؤں نے کراچی میں جاری ٹارگٹ کلنگ کے خاتمے کیلئے چیف جسٹس آف پاکستان ،آرمی چیف جنرل راحیل شریف، وفاقی و صوبائی حکومت گورنر سندھ ، وزیر اعلیٰ سندھ ، آئی جی پولیس اور ڈی جی رینجرز سے مطالبہ کیا کہ بے گناہ شہریوں کے قتل عام میں ملوث دہشتگردوں کو فوری کی گرفتاری عمل میں لائی جائے اور ایسی شہر قائد کی موجودہ صورت حال میں قیام امن کیلئے کراچی شہر کو فوری فوج کے حوالے کیا جائے تاکہ بے گناہ افراد کے قتل میں ملوث دہشتگردوں کو کیفر کردار تک پہنجایا جاسکے۔
وحدت نیوز (لاہور) مجلس وحدت مسلمین لاہور ڈویژن کا اہم اجلاس صوبائی سیکریٹریٹ میں منعقد ہوا ،جس میں گیارہ جنوری کو منعقدہ ،،رسول اعظم ۖامن کانفرنس،،کے انتظامات کا جائزہ لیا گیا۔اجلاس کی صدارت چیئرمین رسول اعظم ۖ امن کانفرنس سید اسد عباس نقوی نے کی۔اجلاس سے خطاب کرتے ہوئے سید اسد عباس نقوی کا کہنا تھا کہ گیارہ جنوری کو منعقدہ رسول اعظم ۖامن کانفرنس دہشت گردی اور انتہاپسندی کے خلاف سنگ میل ثابت ہو گی۔کانفرنس میں مسلم لیگ ن ،پی پی پی،تحریک انصاف،مسلم لیگ ق،ایم کیو ایم،پاکستان عوامی تحریک،اے این پی،سنی اتحاد کونسل،مدارس دینیہ،مشائخ عظام نے شرکت کی مکمل یقین دہانی کرادی ہے۔اس پر وقار تقریب میں سول سوسائٹی اور صحافتی تنظیموں کو بھی مد عو کیا گیا ہے انہوں نے کہا کہ پاکستان کی غیور عوام دہشت گردی کے خلاف جنگ میں افواج پاکستان کے شانہ بشانہ کھڑی ہے۔ہم دہشت گردطالبان اور ان کے سیاسی سرپرستوں کو پاکستان کی سلامتی سے کھیلنے کی اجازت نہیں دیں گے۔یہ وقت ریاست بچانے کا وقت ہے قائد اعظم اور علامہ اقبال کے فرزند ان ملکی سلامتی واستحکام کے لیے انشاء اللہ کلیدی کردار ادا کریں گے۔پاکستان میں مذہب کے نام پر خونریزی کو کسی صورت قبول نہیں کریں گے اور دہشت گردوں کو بچانے کی کسی کوشش کی ہم بھر پور مذمت کرتے ہیں۔
وحدت نیوز (مظفرآباد) ریاستی سیکرٹری روابط مجلس وحدت مسلمین آزاد جموں وکشمیر مولانا سید حمید حسین نقوی نے کہا ہے کہ مجلس وحدت مسلمین 14جنوری شٹرڈاؤن ہڑتال کی مکمل حمایت کا اعلان کرتی ہے، اب وقت ہے کہ لوڈ شیڈنگ اور اسطرح کے دیگر عوامی مسائل کے حقوق کے لیئے اکٹھے جدوجہد کی جائے، مجلس وحدت مسلمین مظفرآباد کی دو بڑی تاجر تنظیموں کے اتحاد کا بھی خیر مقدم کرتی ہے ، اور اس سلسلہ میں سنٹرل بار اور مرکزی ایوان صحافت کے کردار کو سراہتی ہے ، ان خیالات کا اظہار انہوں وحدت سیکرٹریٹ مظفرآباد سے جاری بیان میں کیا ، انہوں نے کہا کہ ہم عوامی حقوق کے لیئے اٹھنے والی ہر آواز کی مکمل حمایت کریں گے، لود شیڈنگ نے کاروبار زندگی بری طرح متاثر کر کے رکھ دیا ہے، بجلی کی آنکھ مچولی حکومتی نااہلی کا منہ بولتا ثبوت ہے، وفاق سے اس سلسلہ میں بات نہ کرنا حکومت کی عوامی مسائل سے رو گردانی ہے، وزیر خزانہ کی طرف سے جاری بیان کہ لوڈ شیڈنگ کا مسئلہ سڑکوں پر حل نہیں ہو گا، تو بتائیں کہ ان کے پاس کیا حل ہے، وہ بتائیں کہ اس بارے میں وہ کیا سنجیدہ کوششیں کر رہے ہیں ، تاجر جائنٹ کمیٹی کا دھرنا کئی دنوں سے جاری ہے ، مظفرآباد سے تعلق رکھنے والے وزراء حکومت کہاں سو رہے ہیں ، انہوں نے کہا کہ مرکزی انجمن تاجران کے چئیرمین شوکت نواز میر اور تاجر جائنٹ کمیٹی کے سربراہ عبدالرزاق خان کے مدبرانہ سوچ کو سراہتے ہیں کہ انہوں نے عوامی حقوق کے لیئے مشترکہ جدوجہد کا عزم کیا ہے، ہم ان کے 14جنوری شٹرڈاؤن ہڑتال کی مکمل حمایت کا اعلان کرتے ہیں اور تمام مکاتب فکر کو دعوت دیتے ہیں کہ آئیں اور اپنے حقوق کی آواز کے لیئے اکٹھے ہو کر اقتدار کے ایوانوں میں لرزہ طاری کر دیں ۔
