The Latest
وحدت نیوز(اسکردو) مجلس وحدت مسلمین پاکستان بلتستان ڈویژن کے ڈپٹی سیکرٹری جنرل علامہ شیخ زاہد حسین زاہدی نے میڈیا کو جاری ایک بیان میں کہا ہے کہ چلاس میں پولیس تھانے پر مسلح حملہ ایک عظیم طوفان کا پیش خیمہ ثابت ہوسکتا ہے اور اس واقعے کے بعد گلگت بلتستان میں دہشت گردی کے امکان کو رد نہیں کیا جاسکتا۔ انہوں نے کہا کہ گلگت بلتستان کے سکیورٹی ادارے خواب غفلت سے بیدار ہوجائیں، بالخصوص خفیہ ادارے شاہراہ قراقرم سمیت تمام اہم شاہراہوں اور حساس مقامات پر کڑی نظر رکھیں۔ ملک کے دیگر حصوں کی طرح دہشت گرد اپنا ردعمل گلگت بلتستان میں بھی دکھا سکتے ہیں، جسکا گلگت بلتستان متحمل نہیں۔ انہوں نے کہا کہ بلتستان انتظامیہ کےسکیورٹی کے حوالے سے اقدامات نہ ہونے کے برابر اور دہشت گردوں کا خیر مقدم کرنے کی مانند ہیں۔ انہیں نہ آپریشن کی فکر ہے اور سکیورٹی خطرات کی، بلکہ وہ بلتستان کے امن کو تباہ کرنے کے لیے در پردہ مصروف عمل ہیں۔ اسوقت بلتستان کے تمام داخلی اور خارجی راستوں پر کڑی نگرانی کی ضرورت ہے، یہاں کی سکیورٹی اقدامات اطمینان بخش نہیں۔ اگر بلتستان میں کسی قسم کا ناخوشگوار واقعہ پیش آتا ہے تو صوبائی حکومت سمیت بلتستان انتظامیہ کی سستی اور غفلت کو نظر انداز نہیں کیا جاسکتا ہے۔ انہوں نے مزید کہا کہ دہشت گردوں کے خلاف آپریشن کے سلسلے میں ہم پاکستان آرمی کے شانہ بشانہ کھڑے ہیں اور متاثرین آپریشن کی امداد کے لئے بڑی سطح پر مہم کا آغاز کیا جائے گا۔
وحدت نیوز(کوئٹہ) مجلس وحدت مسلمین بلوچستان کے سیکریٹری جنرل علامہ مقصود علی ڈومکی نے کہا ہے کہ عراق کے شہرمو صل میں پیغمبر خدا، حضرت یو نس ؑ کے روضہ مبارک کی بے حرمتی کی شدید الفاظ میں مذمت کرتے ہیں۔ انبیائے الھٰی،اھل بیت رسول ﷺاور صحابہ کرامؓ کے مقدس مزارات کی اہانت کر کے دنیا بھر کے مسلمانوں کی دل آزاری کی گئی ہے ۔سامراجی قوتیں لڑاؤ اور حکومت کرو ،کی پالیسی کے تحت امت مسلمہ کو آپس میں لڑانا چاہتی ہیں اور معصوم انسانوں کا خون بہانے والے دھشت گرد استعماری آلہء کار ہیں۔ جو سامراجی ایجنٹ بن کر دین مقدس اسلام کو بدنام کر رہے ہیں۔ مسجدوں میں بم دہماکے کرکے نمازیوں کو خون میں نہلانے والے مسلمان نہیں۔
انہوں نے کہا کہ آپریشن ضرب عضب ملک سے دھشت گردی کے خاتمے میں سنگ میل ثابت ہوگا ۔دھشت گردوں کے خلاف لڑتے ہوئے شھید ہونے والے جوانوں کو سلام پیش کرتے ہیں، اس وقت پوری قوم ملک سے دھشت گردوں کا خاتمہ چاہتی ہے اور پاک فوج کو عوام کی بھر پور حمایت حاصل ہے ۔انہوں نے مطالبہ کیا کہ اس آپریشن کا دائرہ کار بڑھاتے ہوئے بلوچستان میں معصوم انسانوں کے قاتل دھشت گردوں کے خلاف آپریشن شروع کیا جائے ۔انہوں نے کہا کہ دہشت گردوں کے ساتھی اور حمایتی بھی دہشت گرد ہیں۔ انہوں نے کہا کہ تعجب کی بات ہے کہ جن لوگوں نے معصوم انسانوں کے قتل عام پر چپ کا روزہ رکھا ہوا تھا وہ اب دہشت گردوں کے خلاف کاروائی پر کیسے واویلا کر رہے ہیں۔
وحدت نیوز(کوئٹہ) مجلس وحدت مسلمین کوئٹہ ڈویژن کے میڈیا سیل سے جاری کردہ بیان میں ڈویژنل سیکریٹری جنرل عباس علی موسوی نے کہا ہے کہ ایم ڈبلیو ایم نفرت اور انتشار کی سیاست پر یقین نہیں رکھتی۔ پارٹی ہمیشہ سے تمام برادر اقوام اور مذاہب کے درمیان بھائی چارہ، اتحاد اور رواداری کی فضا قائم کرنے کے ساتھ ساتھ قوم کے اندر بھی محبت و اتفاق ایجاد کرنے میں کوشاں ہے اور رہے گی۔ ملکی اور مقامی سطح پر اپنے اہلسنت بھائیوں سمیت غیر مسلم تمام مظلوم اقلیتوں کے ساتھ اتحاد قائم کرنا نومولود پارٹی کی اہم کامیابی ہے اسی طرح مقامی سطح پر ملی یکجہتی کونسل صوبہ بلوچستان جس میں اہلسنت کی بڑی جماعتیں شامل ہیں، میں ایم ڈبلیوایم کافعال کردار، تمام برادر اقوام و قبائل کے ساتھ برادرانہ تعلقات، اجتماعی شادیوں میں اہلسنت کے نو جوڑوں کو شامل کرنا، پندرہ بیس سالوں امن و امان کی خراب صورتحال کو دوبارہ بہتر بنانا،نیز اسٹوڈنس اسکالر شپ، سپورٹس، ترقیاتی اسکیم، ٹیوب ویلز کی معیاری مرمت و دیگر تمام کاموں میں اپنے اہلسنت اور برادر اقوام کو شامل رکھنا وغیرہ، ایم ڈبلیو ایم کے قابل ذکر خدمات ہیں جن سے پورے شہر بالخصوص حلقہ پی بی 2 کے عوام میں کشیدگی اور نفرتوں کو ہوا دینے کی کوشش کی جارہی ہے جو کبھی بھی کامیاب نہیں ہو سکے گی۔
انہوں نے مزید کہا کہ ہمارے نزدیک کسی کی کردار کشی کرنااور اس پر بے جا الزامات لگانا حرام ہے لہذا یم ڈبلیو ایم کسی کی کردار کشی کے بارے میں سوچ بھی نہیں سکتی تاہم کسی بھی سابقہ یا موجودہ ذمہ دارشخص کی کارکردگی کے بارے میں سوال کرنا ہر ایک کا آئینی اور جمہوری حق ہے۔ جس کے ردعمل میں کارکردگی پیش کرنے کے بجائے علماء اور منتخب عوامی نمائندہ پر بے جا الزامات اور ان کی کردار کشی ایک غیر انسانی، غیر اسلامی اور غیر جمہوری رویہ ہے۔ نیز ماضی کے واقعے میں ہزارہ قوم اور اس وقت کے ہزارہ سربراہان جن پر بلا وجہ امام بارگاہ میں تاریخ کے بدترین ڈیکٹیڑ کے حکم پر بلا اشتعال فائرنگ کرکے متعدد جوانوں کو شہید کیا گیا جیسا کہ حال ہی میں سانحہ ماڈل ٹاون رونما ہوا، میں قوم کو زبردستی مجرم قرار دینا ، انکی بے جا سرزنش کرنا اور قوم کو سادہ لوح اور نا سمجھ کہنا قوم سے بہیت بڑی خیانت ہے۔جو انتہائی قابل افسوس ہے۔ انہوں نے آخر میں قوم سے اپیل کی ہے کہ وہ ایم ڈبلیوایم سمیت تمام سابقہ اور موجودہ نمائندوں کا احتساب کریں اور بے جا الزامات لگا کر قوم میں نفرت اور انتشار پھیلانے والوں کو سختی سے مسترد کریں۔
وحدت نیوز(کوئٹہ) مجلس وحدت مسلمین کے رہنماء علامہ مقصود علی ڈومکی نے کہا ہے کہ فلسطین فاؤنڈیشن پاکستان کے زیراہتمام مسئلہ فلسطین اور قبلہ اول کی بازیابی کیلئے ملک بھر کی طرح کوئٹہ میں بھی "زخمی زخمی قدس پکارا اب تو مسلم جاگ خدارا" کانفرنس کا انعقاد کیا جائیگا۔ امت مسلمہ کو مختلف ناموں پر تقسیم کرنے کیلئے اسلامی لبادہ اوڑے دشمنوں کی جانب سے کوششیں جاری ہیں۔ جن میں سے ایک مسلم ممالک میں دہشت گردی کا فروغ بھی ہے۔ جس کا اصل ہدف مسلمانوں کی جان و مال و عزت و آبرو ہے۔ یہ سب کچھ گریٹر اسرائیل کو بچانے کیلئے کیا جا رہا ہے مگر صیہونی قوتوں کی چال کامیاب نہیں ہونے دی جائیگی۔ انہوں نے یکم جولائی کو غزہ میں اسرائیلی بمباری کی مذمت کی اور کہا کہ اس سے بڑھ کر بربریت کی کوئی مثال نہیں مل سکتی۔ جس کا سلسلہ گذشتہ 66 برسوں سے جاری ہے۔ انہوں نے کہا کہ قبلہ اول کی بازیابی اور مسئلہ فلسطین کے سلسلے میں پوری امت مسلمہ کو اپنی ذمہ داریوں کا احساس کرنا ہوگا۔ اسی لئے بارہ رمضان المبارک 11 جولائی سے ملک بھر میں "زخمی زخمی قدس پکارا، اب تو مسلم جاگ خدارا" کے نام سے آل پارٹیز کانفرنسز اور گول میز کانفرنسز کا انعقاد کیا جائیگا۔ کوئٹہ میں کانفرنس 12 جولائی کو ہوگی۔ جس میں زندگی کے مختلف شعبوں سے تعلق رکھنے والے افراد کو مدعو کیا جائیگا۔ کانفرنس کا مقصد لوگوں کو مسئلہ فلسطین سے آگاہی دینا ہے۔ انہوں نے میڈیا ہاؤسز سے بھی اپیل کی کہ وہ مسئلہ فلسطین کے حوالے سے خصوصی پروگرامز نشر کریں۔
اسکردو( اسلام آباد) خیرالعمل فاؤنڈیشن پاکستان کے زیر اہتمام کواردوا سکردومیں امام حسنؑ مجتبٰی علیہ السلام کلینک کا افتتاح کر دیا گیا افتتاحی تقریب میں خیرالعمل فاؤنڈیشن کے چیئر مین نثار علی فیضی ، مجلس وحدت مسلمین گلگت بلتستان کے صوبائی ڈپٹی سیکر ٹری علامہ آ غا مظاہر موسوی ،ڈویژنل ڈپٹی سیکر ٹری علامہ زاہد حسین زاہدی اور اس علاقے کے امام جمعہ و جماعت علامہ اسما عیل نجفی ،ڈاکٹرز و دیگر معززین علاقہ شریک تھے اس موقع پر ڈاکٹرز نے 100 سے زائد مریضوں کا فری طبی معائنہ کیا جن میں خواتین بچے،بوڑھے اور جوان شامل تھے خیرالعمل فاؤنڈیشن کے چیئر مین نثار علی فیضی نے کہا کہ کلینک کا بننا یہاں کے لوگوں کی درینہ خواہش تھی کیونکہ اس علاقے میں کوئی صحت کی سہولیات موجود نہ تھی اللہ تعالی کے کرم سے خیرالعمل فاؤنڈیشن کو آج یہ اعزاز حاصل ہوا کہ ہم اس کلینک کا افتتاح کر رہے ہیں کیونکہ خیرالعمل فاؤنڈیشن کا مقصد ہی خدمت خلق ہے اوریہاں کے سینکڑوں لوگ اس سہولت سے مستفید ہونگے اس کلینک میں نادار ،مستحق اور غریب مریضوں کا مفت علاج کیا جائے گا ۔ علاقے کے لوگوں نے خیرالعمل فاؤنڈیشن پاکستان کے اس اقدام کو سر اہتے ہوئے اسے علاقے کے لوگوں کے لیے فائدہ مند قرار دیا ۔تقریب کے آخر میں علامہ آغامظاہر موسوی نے خیرالعمل فاؤنڈیشن کی کامیابی کے لیے خصوصی دعا کی ۔
وحدت نیوز(لاہور) مجلس وحدت مسلمین پاکستان کے سربراہ علامہ ناصرعباس جعفری نے پاکستان عوامی تحریک کی پرامن اور جمہوری جدوجہد کی مشروط حمایت کا اعلان کرتے ہوئے کہا کہ موجودہ حکمران اخلاقی، قانونی اور آئینی طور پر حق حکمرانی کھو چکے ہیں، پاکستان کے تمام محب وطن اور جمہوری قوتوں کو چاہیئے کہ وہ ان خائن اور ظالم حکمرانوں کیخلاف میدان عمل میں نکلیں اور مظلوموں کو ان کے حقوق دلانے میں کردار ادا کریں،خواتین پر اندہوناک ظلم نے حکمرانوں کی فرعونیت کو واضح کر دیا، ظلم کی سیاہ رات کے خاتمے کی تحریک میں ہر اول دستہ ثابت ہونگے،ایم ڈبلیوایم نے دس نکاتی اصلاحاتی ایجنڈے میں دو اضافی تجاویز چوہدری شجاعت اور طاہر القادری کو پیش کردی ہیں ،تاحال کسی مشترکہ الائنس کا قیام عمل میں نہیں لایا گیا،مشروط حمایت جاری رہے گی ،ان خیالات کا اظہارعلامہ ناصرعباس جعفری نےپاکستان عوامی تحریک کے مرکزی سیکرٹریٹ پر علامہ ڈاکٹر طاہرالقادری، چیئرمین سنی اتحاد کونسل صاحبزادہ حامد رضااور مسلم لیگ ق کے رہنماء چوہدری پرویز الہی کے ہمراہ مشترکہ پریس کانفرنس سے خطاب کر تے ہوئے کیا۔
علامہ ناصر عباس جعفری کا کہنا تھا کہ ہماری بے گناہ ماوں ، بہنوں ، بیٹیوں پر گولیاں چلا کر نواز لیگ نے ثابت کر دیا کہ وہ سیاسی اختلاف کے نتیجے میں خواتین کو بھی راستے کی دیوار بنتانہیں دیکھ سکتے،بوڑھوں ، بزرگوں اور خواتین پر بربریت کہاں کی مردانگی ہے، شریعت اور مشرقی روایات بھی بزرگو ں پر لاٹھیاں برسانے کی اجازت نہیں دیتی، جوان مرداور خاندانی اصولوں کے حامل افراد بھی خواتین پر ہاتھ نہیں اٹھا تے،بے شرم قاتل حکمرانوں کے مقابلے میں مظلوموں کو اکھٹا کر نے کا وقت آچکا ہے، پاکستان میں گذشتہ 35 سالوں سے ہماری قوم کی نسل کشی ہوئی جو کہ اب بھی جاری ہے، لیکن ان ظالم حکمرانوں نے ہمیشہ سے قاتلوں اور ظالموں کو پناہ دی اور مظلوموں کے خون کا مذاق اُڑایا، اب ہم اپنے شہداء کے پاک لہو کو رائیگان نہیں جانے دینگے، دشمن ہمیں تقسیم کرکے حکمرانی کرنے کا خواب دیکھنا چھوڑ دے، انشاءاللہ اس ملک کو مشکلوں کی دلدل سے اس کے باوفا بیٹے ہی نکالیں گے۔ ایم ڈبلیو ایم کے سربراہ کا کہنا تھا کہ پاک فوج نے دہشت گردوں کے کیخلاف ضرب عضب کا آغاز کامیابی کیساتھ شروع کر دیا ہے، اب ان غاصب حکمرانوں کیخلاف عوامی ضرب عضب کا جلد آغاز ہوگا، ہم نہ فقط سنی و شیعہ بلکہ مسیحی ، ہندو اور سکھ برادری کے حقوق کی جنگ بھی اسی پلیٹ فارم سے لڑیں گے،جس سے ان غاصبوں اور ظالموں کا صفایا ہوگا۔
ان کا مذید کہنا تھا کہ چوہدری شجاعت اور پرویز الہٰی کی جانب سے ایم ڈبلیوایم کو پیش کیئے گئے دس نکاتی اصلاحاتی ایجنڈے میں دو نکاتی اضافی تجاویز طاہر القادری صاحب کو پیش کر دی گئی ہیں ، انشاء اللہ باہمی مشاورت سے ایم ڈبلیوایم کے نکات کی شمولیت کے بعدیہ پاکستان بھر کے مظلوم عوام کا ایجنڈہ ہو گا، شہیدوں کے وارث اگر اہل ہوں تو شہیدوں کا خون اثر رکھتا ہے،نا اہل ہوں ، جھکنے والے ہوں ، بکنے والے ہوں ،شہیدوں کی روح کے قریب نہ ہوں ، ان کے ارمانوں ، امنگوں اور احساسات کو محسوس نہ کرتے ہوں وہ شہیدوں کے لائق وارث نہیں ہوتے،انشاء اللہ ہم ثابت کریں گے کہ ہم شہیدوں کے پاک و پاکیزہ خون کےاہل وارث ہیں نا اہل وارث نہیں ، ان کا لہو رائیگاں نہیں جانے دیں،ان شہیدوں کے پاک خون کی بدولت اس ملک میں تبدیلی آئے گی،انہوں نے کہا کہ ہم لاشوں پر سیاست کر نے والے ہوتے جنازے مال روڈ پر ہوتے ، پورے ملک کی عوام کو اکھٹا کرتے، ہم نے لاشوں پر سیاست نہیں کی بلکے ان ظالم حکمرانوں نے لاشیں دینے کی سیاست کی ہے اور انہیں اس سنگین جرم کا خمیازہ جلد ہی بھگتنا پڑے گا، انشاء اللہ بہت جلد عوام کی مدد اور تعاون سے اس عرض وطن سے تفرقوں ، نفرتوں، کدورتوں کا خاتمہ ہوگامحبت آئے گی،وحدت آئے گی اور آشتی کا راج ہو گا، بے امنی کا خاتمہ ہوگا، بے روزگاری ختم ہو گی، عوام کو مساوی حقوق کے موقع ملیں گے۔انہوں نے آخر میں کہا کہ مجھے امید ہے کہ یہ جب مشترکہ طور پر فیصلہ جات ہونگے،مشترکہ طور پر اسٹینڈ لیں گے،یہ کاروان جب چلے گاان ظالم حکمرانوں کو خس وخاشاک کی طرح بہا کر لے جائے گا۔پریس کانفرنس کے بعد علامہ ناصر عباس جعفری کے سربراہی میں مجلس وحدت مسلمین کے اعلٰی سطح کے وفد نے علامہ ڈاکٹر طاہر القادری سے خصوصی ملاقات کی اور آئندہ کے لائحہ عمل پر غور کیا گیا۔
وحدت نیوز(اسلام آباد )مجلس وحدت مسلمین پاکستان کے سیکرٹری جنرل علامہ ناصر عباس نے ماہ رمضان المبارک کی آمد پر مرکزی سیکریٹریٹ سے جاری اپنے بیان میں کہا ہے کہ ماہ رمضان المبارک برکتوں ،رحمتوں اور مغفرت والا مہینہ ہے اور یہ ماہ بندگی استقامت صبر و تحمل کا درس دیتا ہے۔ اس ماہ میں زیادہ سے زیادہ عبادات کر کے اللہ رب العزت کی ان نعمتوں اور رحمتوں سے مستفید ہونا چاہیے۔
مجلس وحدت مسلمین پاکستان کے سیکرٹری جنرل نے کہا کہ رمضان المبارک تمام مہینوں سے افضل ہے اس کو اللہ رب العزت نے اپنا مہینہ قرار دیا ہے ۔ اس ماہ کا ثواب تمام ماہ کے ثواب سے زیادہ ہے۔اس ماہ کی راتیں تمام ماہ کی راتوں سے افضل ہیں ۔ اس ماہ کی عبادات ہر ماہ کی عبادتوں سے افضل ہے۔ اس ماہ میں تقویٰ پرہیز گاری اور صبر وتحمل اپنایا جائے تو قرب خدا نصیب ہوتا ہے ۔انہوں نے کہا کہ اس بابرکت ماہ میں برائیوں سے اجتناب کیا جائے اور نیکیوں کو فروغ دیا جائے ۔انہوں نے مزید کہاکہ اس ماہ مبارک میں خدا کے ساتھ ساتھ اس کی پسندیدہ مخلوق کو بھی یاد رکھے اور مستضعف ومحروم افراد کی بھی مدد کو اپنا وظیفہ بنائیں ، عبادات اور تقویٰ کی طرف توجہ دی جائے ۔تاکہ تکمیل انسانیت کے مصداق بن کر خدا کی قربت کا نظارہ کرسکے ۔
وحدت نیوز(لاہور) مجلس وحدت مسلمین پاکستان لاہور ڈویژن کا ایک اہم اجلاس فلاح و بہبود اور رمضان میں خدمات کے حوالے سے منعقد ہوا ، اجلاس میں لاہور ، قصور ، شیخوپورہ اور ننکانہ کے سیکرٹری فلاح و بہبود اور ڈپٹی سیکرٹری نے شرکت کی، اس اجلاس میں خیرالعمل فاونڈیشن صوبہ پنجاب کے مسئول جناب مسرت کاظمی خصوصی طور پر شرکت کے لئے تشریف لائے ۔
اجلاس سے خطاب کرتے ہوئے ڈپٹی سیکرٹری لاہور ڈویژن شیخ عمران علی نے کہا کہ خدمت ِ انسانیت کے زریعے ہی معاشرے میں مثبت تبدیلی لانا ممکن ہے ،ملت تشیع میں بہت سے افراد فلاح و بہبود کے کاموں میں بڑھ چڑھ کر حصہ لیتے ہیں ، مگر بہت سے افراد مناسب روابط نہ ہونے کے باعث باوجود استطاعت رکھنے کے یہ خدمت نہیں کر پاتے ، ہمیں خیر العمل کے منظم ترین سیٹ اپ کی صورت میں ایک پلیٹ فارم مل چکا ہے جس کی مدد سے ہم یہ کام سر انجام دے سکتے ہیں ۔ لاہور ڈویژن میں ضرورتمند جوڑوں کی اجتماعی شادی کا پروگرام زیرِ غور ہے ، جو انشاء اللہ جلد پیش کر دیا جائے گا۔
سیکرٹری فلاح و بہبود سید فصاحت علی بخاری نے کہا کہ فلاح و بہبود کے پروجیکٹس ملت کی خدمت کے لئے ہیں ، معاشی طور پر مضبوط قوم اپنے مخالفین کا زیادہ بہتر مقابلہ کر سکتی ہے ، ہمیں ملت کے وسائل کو بروئے کار لاتے ہوئے ملت کے نادار ، ضرورتمند ، بیوگان یتامیٰ کی خدمت کرنا ہے ۔
خیرالعمل فاؤنڈیشن صوبہ پنجاب کے مسئول مسرت کاظمی نے خیرالعمل فاؤنڈیشن کے بارے میں بریفنگ دی، مختلف شعبوں اور طریق کار کے بارے میں بتایا ، انہوں نے بتایا کہ اس نیک کام کے آغاز سے ہی خدا کے فضل و کرم سے اتنی پذیرائی اور لوگوں کی توجہ حاصل ہوئی جس کی توقع نہیں تھی ، سیلاب زدگان کے لئے کی جانے والی کروڑوں روپے کی منظم امداد کارکنان کی کاوشوں اور خدا کے خاص کرم سے ممکن ہوئی ، خیرالعمل فاؤنڈیشن تعمیراتِ مساجد ، امام بارگاہ، سکول ،ہسپتال ، واٹر فلٹریشن پلانٹس اور اس طرح کے کئی پراجیکٹس مکمل کر چکی ہے ، اور درجنوں پراجیکٹس تکمیل کے مراحل میں ہیں ، ڈونرز سے رابطہ ، انہیں پروجیکٹ کی موجودہ صورتحال بتاتے اور دکھاتے رہنا ڈونرز کے اعتماد کا باعث ہے۔
ماہِ رمضان میں خدمات کے حوالے سے انہوں نے کہا کہ ہر ضلع اپنے وسائل کے زریعے کم از کم دو سو ضرورت مندوں تک راشن پہنچائے ، ایک مناسب مقدار میں ضروریات کی اشیاء اس پیکج میں شامل ہوں ،ہم اس کام کا آغاز اپنے آپ سے کریں، پہلا راشن کا پیکٹ اپنی طرف سے دیں ، مستحقین وہ لوگ جو کسی کے آگے دستِ سوال نہیں پھیلاتے ، ہمارا ٹارگٹ ہیں ، غیر محسوس طریقے سے عزتِ نفس کو مدِ مظر رکھتے ہوئے ان تک رسائی حاصل کی جائے اور آئمہ اطہار کے پیروکار ہونے کا ثبوت دیتے ہوئے کسی تشہیر کے بغیر ان کی مدد کی جائے ، یہ سلسلہ ڈونرز اور ضرورتمند کے درمیان رابطے کی صورت میں اگلے مہینوں میں بھی چلایا جا سکتا ہے ۔ رمضان کے آخری عشرے کو ایتام سے منسوب کیا جائے اور اس عشرے میں ملت کے یتیم بچوں بچیوں کی کفالت کے لئے انتظامات کئے جائیں ۔خیرالعمل فاؤنڈیشن اس کام کا آغاز کر چکی ہے ،اس کام کو ماہِ مبارک رمضان میں مذید فعال بنایا جائے، ملت کا یہ طبقہ ہماری خاص توجہات کا متقاضی ہے، ملت کے مخیر حضرات کا ان ایتام سے رابطہ مستقل بنیادوں پر استوار کرانے میں ہمیں اپنا کردار ادا کرنا ہو گا۔ہمیں اپنا نظامِ مالیات منظم کرنا ہو گا، اور معاملات میں خود کفالت کی طرف جانا ہوگا، اس کے لئے عنقریب ایک منظم ، جامع پلان دیا جائے گا، تاکہ ہم ملت کو خود کفیل بنانے کی طرف قدم بڑھا سکیں، اس اجلاس کے اختتام پرشرکاء کی خدمت میں افطار و طعام بھی پیش کیا گیا۔
وحدت نیوز(کوئٹہ) کوئٹہ میں متحدہ قومی موومنٹ کی رابطہ کمیٹی کے رکن، ایم پی اے یوسف شاہوانی نے ایک وفد کے ہمراہ مجلس وحدت مسلمین کے صوبائی سیکریٹری جنرل علامہ مقصود علی ڈومکی اور رکن صوبائی اسمبلی آغا سید محمد رضا سے ملاقات کی۔ ملاقات میں ایم ڈبلیو ایم کے رہنماؤں کو کراچی میں پاک فوج اور آپریشن کی حمایت میں منعقد ہونے والے پروگرام میں شرکت کی دعوت دی۔ اس موقع پر گفتگو کرتے ہوئے علامہ مقصود علی ڈومکی نے کہا کہ دہشت گردوں کے خلاف فوجی آپریشن کی مکمل حمایت کرتے ہیں اور دہشت گردی کے خلاف پاک فوج کے آپریشن کو ملک و ملت کے مفاد میں سمجھتے ہیں۔انہوں نے کہا کہ ہمیں کراچی میں معصوم انسانوں خصوصاً شیعہ مسلمانوں کے قتل عام پر شدید تشویش ہے۔ ہم آپ کے توسط سے ایم کیو ایم کے قائد اور رہنماؤں سے یہ مطالبہ کرتے ہیں کہ اسے روکنے کے لئے اپنا کردار ادا کریں۔ پاک فوج کی حمایت میں اجتماع کو مثبت اقدام سمجھتے ہیں مگر اس میں شرکت کا فیصلہ ایم ڈبلیو ایم کی مرکزی قیادت کرے گی۔ اس موقع پر گفتگو کرتے ہوئے ایم ڈبلیو ایم کے رکن بلوچستان اسمبلی آغا سید محمد رضا نے کہا کہ ہم محب وطن ہیں۔ اس لئے اتنے مظالم سہنے کے باوجود ہم نے وطن کی عزت و سربلندی اور بقاء کے لئے قربانی دی۔ دہشت گردی کے خلاف آپریشن کو عوام کی بھرپور تائید اور حمایت حاصل ہے۔ اس موقع پر گفتگو کرتے ہوئے یوسف شاہوانی نے کہا کہ دہشت گرد انسانیت کے دشمن ہیں۔ ان کے خلاف اور پاک فوج کی حمایت میں 6 جولائی کو کراچی میں تاریخی اجتماع ہوگا۔ ہماری خواہش ہوگی کہ اس تاریخی اجتماع میں مجلس وحدت مسلمین کی قیادت شریک ہو۔ ملاقات میں علامہ ولایت حسین جعفری، ڈاکٹر اقبال نظر، سید یوسف آغا، سلیم اختر ایڈووکیٹ و دیگر موجود تھے۔
وحدت نیوز (کراچی) مجلس وحدت مسلمین ضلع ملیر کے سیکریٹری جنرل سید احسن رضوی نے کہا ہے کہ کراچی کے علاقے ملیر میں ترقیاتی کاموں کی جھوٹی داستانیں سنائی جا رہی ہیں ۔ایک بیان میں انہوں نے کہا کہ عوام خوش فہمی میں نہ رہیں۔ جھوٹ بول کر ملیر کے عوام گمراہ نہیں کیا جاسکتا، سیا سی جماعتیں گزشتہ بیس سالوں سے ملیر کے عوام کو بے و قوف بنا رہی ہیں ۔پانی کی فراہمی سے لیکر نکاسی آب اور سڑکوں کی مرمت تک کے دعوے کئے جاتے ہیں جبکہ عملی طور پر کسی قسم کے اقدامات نظر نہیں آتے ۔عوامی نمائندگان محض میڈیا کوریج اور میڈیا پرکار کردگی دکھانے کیلئے ہی نظر آتے ہیں۔ حقیقت یہ ہے کہ ملیر کے کئی علاقے سیوریج کے پانی سے ڈوبے ہوئے ہیں ۔سڑکیں بالکل ختم ہو چکی ہیں جن پر پیوند کاری کی بھی ضرورت محسوس نہیں کی گئی ۔ حلقہ کے عوامی نمائندے ڈھٹائی سے جھوٹ بولتے چلے آرہے ہیں کہ ملیر میں سڑکوں پر کارپٹ روڈ ڈالے گئے ہیں اور اسی طرح سفائی ستھرائی کا نظام بھی شدید متاثر ہ ہے جس پرہم میڈیا کو دعوت دیتے ہیں کے وہ ملیر ٹاؤن اوراس کی آبادیوں کابا قاعدہ دورہ کریں، ملیرسعود آباد ،ملیر پندرہ ،شیش محل ، جعفرطیار،بی ایریا سمیت بہت سے علاقے ہیں جن میں نکاسی آب اورصٖفائی ستھرائی کا کوئی مناسب انتظام نہیں کیا گیا۔ ۸۰فیصد بلنگ ریکوری کے با وجود غیر اعلانیہ لوڈشیدنگ سے عوام تنگ آگئے ہیں جبکہ ملیر سے منتخب عوامی نمائندگان کی گلیوں میں لوڈ شیڈنگ کا تصور بھی نہیں پایا جاتا ۔احسن رضوی نے ڈائریکٹر کے الیکٹرک ،ایم ڈی واٹر بورڈ سمیت وفاقی حکومت و وزیر اعلیٰ سندھ سے مطالبہ کیا کے وہ ضلع ملیر کے ترقیاتی کاموں کی ابتر صورتحا ل کا فوری نوٹس لیں اور عوامی مسائل کے حل کیلئے تر جیحاتی بنیادوں پر کاموں کا آغاز کیا جائے ۔