وحدت نیوز(حیدرآباد) ایم ڈبلیو ایم یوتھ ضلع حیدرآباد کے زیرِ اھتمام 8 شوال انھدام جنت البقیع احتجاجی مشعل بردار ریلی کا اھتمام کیا گیا، 8شوال انھدام جنت البقیع احتجاجی مشعل بردار ریلی کی قیادت مولانا امداد علی نسیمی سیکریٹری جنرل مجلس وحدت مسلمین ضلع حیدرآباد کر رہے تھے۔اس موقع پر آل پاکستان مسلم لیگ، پاکستان عوامی تحریک، سنی اتحاد کائونسل، اور دیگر جماعتوں کے اکابرین ریلی میں شریک تھے۔ریلی میں خواتین ، بچوں اور مومنین کی بہت بڑی تعداد مشعل بردار ریلی میں شریک رہی۔ریلی حیدر چوک سے شروع ہوئی اور پریس کلب حیدرآباد پہ آکے اختتام پذیر ہوئی۔مولانا امداد علی نسیمی کا مشعل بردار ریلی سے خطاب کرتے ہوئے کہا کہ 8 شوال انھدام جنت البقیع احتجاجی مشعل بردار ریلی شیعہ سنی اتحاد کا مظہر تھی۔مشعل بردار ریلی جس میں ہر مسلک سے تعلق رکھنے والے اور سول سوسائٹی کے افراد اور اکابرین نے شرکت کر کہ ظالم کے خلاف آواز اٹھانے میں ہمارا ساتھ دیا۔ہم پاکستان عوامی تحریک ضلع حیدرآباد، آل پاکستان مسلم لیگ ضلع حیدرآباد، سنی اتحاد کائونسل ضلع حیدرآباد، گرین ورکس فائونڈیشن، اور دیگر پارٹیز کے اکابرین کے شکرگذار ہیں جنہوں نے مشعل بردار ریلی میں شرکت کر کے طاغوت کے خلاف ہمارا ساتھ دیا۔آج پوری دنیا میں آلِ سعود لعین کی پیروی کر کہ مزاراتِ مقدسہ، مزاراتِ اولیاء اللہ اور صحابہ کے مزارات کو مسمار کیا جا رہا ہے۔مولانا امداد علی نسیمی کا مشعل بردار ریلی سے خطاب۔

آلِ سعود لعین نے گوشہِ رسول ص بی بی  پاک فاطمتہ الزہرہ س، حضرت امام حسن ع۔ حضرت امام محمد باقر ع، حضرت امام جعفر صادق ع، امام زین العابدین ع اور دیگر آئمہ معصومین کو منھدم کر کہ دنیا کے مسلمانوں کو بتلایا تھا کہ وہ دشمنِ رسول ص ہیں اور انہی کی نسل آج پوری دنیا میں مزاراتِ مقدسہ کو نقصان پہنچا رہے ہیں اور مسمار کر رہے ہیں جس کی ہم پر زور مذمت کرتے ہیں۔اس ریلی میں شرکاء نے عالمِ انسانیت کے جذبوں کو پامال کرنے کے خلاف ہاتھوں میں مشعل تھامے نکالی جس میں ان تمام شیطانی قوتوں اور یزیدیت آویز نظریوں کی مذمت کرتے ہیں جنہوں نے سردارِ انبیاء عہ سید المرسلین حضرت محمد مصطفیٰ صہ کی جگرِ گوشہ بیٹی بیبی فاطمتہ الزہرہ، آئمہ معصومین اور انبیاء کرام، اور اولیاء کے مزارات کو نقصان پنچایا ااور مسمار کیا ہے۔ ریلی کو مولانا گل حسن مرتضوی، مولانا اشفاق مطھری، ڈاکٹر مسود جمال، سید اقبال زیدی، پاکستان عوامی تحریک ضلع حیدرآباد کے رھنماء نے خطاب کیا۔

آغا ندیم جعفری ڈپٹی سیکریٹری جنرل ایم ڈبلیو ایم یوتھ صوبہ سندھ اور مولانا اشفاق مطہری، ڈاکٹر مسعود جمال اور پاکستان عوامی تحریک کا رہنما ریلی میں شریک تھے۔
8 شوال انھدام جنت البقیع احتجاجی مشعل بردار ریلی میں خواتین کی شرکت۔ ہاتھوں میں مشعلیں اور وحدت پرچم تھامے ہوئے تھی۔
8شوال انھدام جنت البقیع احتجاجی مشعل بردار ریلی میں بچے شریک تھے۔

ایم ڈبلیوایم یوتھ ضلع حیدرآباد 8 شوال انھدام جنت البقیع احتجاجی مشعل بردار ریلی سے محترمہ فریدہ چنا ڈائریکٹر گرین ورکس فائونڈیشن ،آل پاکستان مسلم لیگ ضلع حیدرآباد کے جنرل سیکریٹری سید اقبال حسین زیدی، اہل سنت عالم دین ڈاکٹر جمال مسعود  نےبھی  خطاب کیا۔

وحدت نیوز(مظفرآباد) مجلس وحدت مسلمین آزادکشمیر کے زیر اہتمام مظفرآباد میں یوم انہدام جنت البقیع کی مناسبت سے تحفظ مزارات اولیاء اللہ ریلی کا انعقاد،ریلی کی قیادت علامہ مفتی سید کفایت حسین نقوی،علامہ سید تصور حسین نقوی الجوادی،سید شبیر حسین بخاری، صاحبزادہ محمد سلیم چشتی،علامہ سید فرید عباس نقوی ،پیر سید مظلوم حسین شاہ،پیر سید شیراز کاظمی ،پیر سید محمود شاہ کاظمی،سید اعجاز حسین کاظمی،قاضی مختیار حسین ہمدانی،مولانا طالب حسین نے کی،ریلی میں مختلف مکتب فکر کے سینکڑوں افراد کی شرکت،ریلی میں امریکہ اسرائیل کے خلاف شدید نعرہ بازی، انبیاء عظام ،اہلبیت اطہار،اصحاب کرام کے مزارات اور اولیاء اللہ کے آستانے رحمت الہٰی کا مرکزاور دکھی انسانیت کے لئے جائے پناہ ہیں ان کی توہین قرآنی اصطلاح میں شعائراللہ کی توہین ہے۔ان خیالات کااظہار ریلی سے خطاب کرتے ہوئے مقررین نے کیا۔

ریلی سے خطاب کرتے ہوئے علامہ مفتی کفایت حسین نقوی نے اپنے خطاب میں کہا کہ خلافت عثمانیہ کے خاتمہ کے بعد آل سعود نے ہمیشہ ملت اسلامیہ کی دل آزاری کی ہے خاص طور پر جنت البقیع اور جنت معلٰی کے دو عظیم قبرستانوں کے انہدام سے ملت اسلامیہ کے دل پارہ پارہ ہوئے ہیں جنت البقیع وہ عظیم قبرستان ہے جس کی زیارت کو خود سرکاررسالتمآب ﷺ تشریف لیجایا کرتے تھے جس کی شاہد روایات موجود ہیں لیکن خاندان رسول کی دشمنی نے لوگوں کو اندھا کردیا اور اس دشمنی میں ازواج مطہرات اور صحابہ کرام کی قبور کی نشانیوں کو بھی منہدم کردیا سعودی عرب کے حکمرانوں کے پاس حرمین شریفین جیسی وہ عظیم دولت ہے جس کے مقابلے میں کائنات میں کسی مقام کی عظمت نہیں لیکن عرب حکمران مغرب کی غلامی کو ترجیح دے رہے ہیں۔

مجلس وحدت مسلمین آزادجموں وکشمیر کے سیکرٹری جنرل علامہ سید تصور حسین نقوی الجوادی نے کہا کہ انبیاء اہلبیتؑ اور اولیاء کی دعوت کا مقصد توحید پروردگار پہنچانا ہے اور پیامبران توحید کی اہانت اور تکذیب غیر اسلامی ،غیر شرعی اور غیر اخلاقی حرکت ہے عراق میں حضرت یونس علیہ السلام اور حضرت شیث علیہ السلام کے مزارات مقدسہ کی توہین سے لاکھوں اہل اسلام کے دل مجروح ہوئے ہیں،شام میں حضرت حجر بن عدی ؒ کے جسد مبارک کو نکال کر اس کی توہین کی گئی اور صدیوں پرانی لاش سلامت ہونے پر بھی ظالم دہشتگردوں کے دل نہیں کانپے یہ تمام واقعات 1925 ؁ء میں آل سعود کی حکومت کی طرف سے مزارات جنت البقیع اور جنت المعلٰی کے انہدام اور پائمالیوں کا تسلسل ہے ۔انہوں نے کہا کہ عرب حکمرانوں کوعیاشیوں اور شہ خرچیوں سے فرصت میسر نہیں جنہیں اسلامی دنیا کی قیادت کا فریضہ سرانجام دینا تھا وہ حرمین شریفین کے بجائے صہیونیت کے غلام بنے ہوئے ہیں اور مغربی آقاؤں کی مرضی کے خلاف کوئی بات کرنے کو تیار نہیں ہیں داعش نامی دہشتگرد تنظیم امریکہ واسرائیل کی خوشنودی اور آل سعود کی سرپرستی میں اسلام کے نام پر شعائراسلامی کی توہیں اور بے گناہوں کا قتل عام کررہی ہے ہم ان تمام واقعات کی نہ صرف مذمت کرتے ہیں بلکہ حکومت پاکستان سے مطالبہ کرتے ہیں پاکستان کے وقار اور عزت وناموس کی خاطر سعودی حکمرانوں کے چنگل سے نکل کر عالمی سطح پر مقاومت کے بلاک کا حصہ بنتے ہوئے دنیا بھر کے مسلمانوں خواہ وہ غرہ فلسطین ہو عراق شام افغانستان وکشمیر لبنان جہاں بھی اسلام مسلمانوں اور انسانیت کے خلاف جنگ مسلط کر کہ انہیں ظلم کا تختہ بنایا ہوا کی حمایت اور امریکی غلامی سے آزادی کی جدوجہد کرئے پاکستان اللہ کے فضل وکرم سے ایک آزادملک ہے اسلامی دنیا میں ایٹمی طاقت ہونے کی وجہ سے خاص مقام کا حامل بھی ہے لیکن عرب حکمرانوں کے غلام اس ملک کو غلامی کی زنجیروں میں جکڑتے چلے جا رہے ہیں۔

علامہ سید تصور حسین نقوی الجوادی نے کہا کہ ہم دنیا کے تما م عوام کے ساتھ کھڑے ہیں خاص طور پر اسلامی ممالک میں آباد مسلمان ہمارے بھائی ہین ہم کسی کی حمایت شیعہ سنی کی بنیاد پر نہیں کرتے ریلی سے سید شبیر حسین بخاری چئیرمین جعفریہ کونسل ،علامہ ضیاء احمد چغتائی ضلعی صد تحریک منہاج القرآن مظفرآباد علامہ سید فرید عباس نقوی چئیرمین النور ٹرسٹ ممبر علماء ومشائخ کونسل،قاضی مختیار حسین ہمدانی،مولانا سید عادل عباس نقوی،مولانا سید طالب حسین ہمدانی،سید تصور عباس موسوی ،مولانا سید حمید حسین نقوی اور دیگر مقررین نے اپنے خطاب میں عرب حکمرانوں کی طرف سے جنت البقیع اور جنت معلیٰ قبرستانوں اور وہاں موجود مزارات اور شام وعراق میں ابنیاء کرام ،صحابہ کرام کے مزارات کی بے حرمتی کی شدید الفاظ میں مذمت کرتے ہوئے مطالبہ کیا کہ جنت البقیع سمیت منہدم مزارات کو فوری طور پر تعمیر کیا جائے۔

 ریلی کے اختتام پر قرادادیں بھی منظور کی گئیں جن میں حسب ذیل مطالبات کئے گے1.۔ملت اسلامیہ کا یہ اجتماع آل سعود کی طرف سے دختر رسول حضرت فاطمہ زھراء سلام اللہ علیھا،آئمہ اہلبیت علیھم السلام اور اصحاب رسول کے مزارات کے انہدام کی شدید مذمت کرتے ہوئے اسے غیراسلامی،غیراخلاقی اور غیر انسانی فعل قراردیتے ہوئے مزارات مقدسہ کی فی الفور تعمیر نوکا مطالبہ کرتا ہے۔ 2۔یہ اجتماع عراق اور شام میں امریکہ و اسرائیل نواز دہشت گرد تنظیم داعش(ISIS)کے ہاتھوں انبیاء کرام ؑ ،اہلبیت اطہارؑ اْور اصحاب رسولؓ کے مزارات کی بے حرمتی نیز عراق و شام جاری دہشتگردانہ کاروائیوں کی بھرپْور مذمت کرتا ہے۔3۔یہ اجتماع اقوام متحدہ،او۔آئی۔سی اور عرب لیگ سے مطالبہ کرتا ہے کہ فی ا لفورغزہ میں جاری اسرائیلی جارحیت کا نوٹس لے اور اسرائیل کے خلاف راست اقدام اٹھائے۔4۔یہ اجتماع ملک میں جاری ہر قسم کی دہشت گردی کی بھر پور مذمت کرتا ہے اور مطالبہ کرتا ہے کہ آپریشن ضرب عضب کا دائرہ پورے ملک تک پھیلایا جائے تاکہ دہشت گرد عناصر کو ملک میں کسی بھی جگہ سر چھپانے کی جگہ نہ مل سکے۔

وحدت نیوز(لاہور) مجلس وحدت مسلمین پاکستان کے سربراہ علامہ راجہ ناصرعباس جعفری اور سیکرٹری جنرل پنجاب علامہ عبدالخالق اسدی کی پاکستان عوامی تحریک کے سربراہ علامہ ڈاکٹر طاہرالقادری سے ملاقات میں پاکستان مسلم لیگ قائد اعظم کے صدر چوہدری شجاعت اور چوہدری پرویز الہی بھی شریک تھے اتحادی جماعتوں کے اجلاس میں یوم شہداء اور انقلاب مارچ کے حوالے سے مشاورت کی گئی اجلاس کے بعد میڈیا سے گفتگو کرتے ہوئے سربراہ مجلس وحدت مسلمین علامہ راجہ ناصر عباس نے کہا کہ حکومت سول مارشل لاء لگا کر عوام سے احتجاج کا حق چھیننے میں کامیاب نہیں ہونگے ماڈل ٹاوُن میں یوم شہداء بھی ہو گا اور انقلاب مارچ کو بھی کوئی نہیں روک سکے گا ہم پر امن عوامی طاقت سے یوم شہداء منائیں گے حکمران ہوش کے ناخن لین پرامن احتجاج کرنے والوں پر اور یوم شہداء کے شرکاء کو ہراساں کرنے سے باز رہے انہوں نے کہا کہ حکمران اعصابی جنگ ہارچکی ہے اور انشااللہ جیت پاکستان کے عوام کے ہی ہوگی نہ اس دنیا میں فرعون اور یزید رہا نہ ہی یہ حکمران رہیں گے یاد رکھیں حکومت کفر سے تو باقی رہ سکتے ہے مگر ظلم سے نہیں۔

وحدت نیوز(اسکردو) مجلس وحدت مسلمین بلتستان ڈویژن کی جانب سے  400 مستحق یتیموں میں لاکھوں روپے کی امدادی رقوم تقسیم کی گئیں۔ مالی طور پر کمزور اور مستحق یتیموں میں رقوم کی تقسیم کا مقصد ان کے تعلیمی اور دیگر اخراجات کو پورا کرنا ہے۔ واضح رہے کہ مجلس وحدت مسلمین پاکستان کے شعبہ فلاح و بہبود خیرالعمل فاونڈیشن نے پورے ملک میں مستحق یتیم طالب علموں کی کفالت کے سلسلے میں ایک پروجیکٹ کا آغاز کیا ہوا ہے جس کی شروعات بلتستان سے کی گئی ہے۔ اس پروجیکٹ کے ذریعے بےسہارا یتیموں کی ہر ماہ مالی معاونت کی جا رہی ہے۔ اس سلسلے میں اب تک پانچ قسطوں میں تقریباً ایک کروڑ روپے تقسیم کیے جا چکے ہیں۔ اس موقع پر ایم ڈبلیو ایم بلتستان کے شعبہ فلاح و بہبود کے ترجمان نے کہا کہ مجلس وحدت مسلین نے بلتستان بھر میں فلاح و بہبود کے لئے مختلف پروجیکٹس شروع کر رکھے ہیں جن کا مقصد عوام کے لئے بنیادی سہولیات کی فراہمی ہے۔