وحدت نیوز(گلگت) ہنزہ نگر ضلع کے متعلق نگران وزیر اعلیٰ کا بیان دانستہ جہالت یا کسی سازش کا حصہ ہے ۔ گلگت بلتستان کے سات اضلاع ہیں اور ہنزہ نگر ان سات اضلاع میں سے ایک ضلع ہے۔ نگران وزیر اعلیٰ کی جانب سے ہنزہ نگر ضلع کا انکار کرکے سب ڈویژن قرار دینے سے علاقے کے عوام میں تشویش کی لہر دوڑی ہے۔

ان خیالات کا اظہار مجلس وحدت مسلمین پاکستان کے شوریٰ عالی کے ر کن ڈاکٹرعلی گوہر نے اپنے ایک بیان میں کیا ہے۔ انہوں نے کہا کہ نگران وزیر اعلیٰ متنازعہ کابینہ کے انتخاب کے بعد عوامی دباؤ کی وجہ سے حواس باختہ ہوچکے ہیں اور ایک ضلع کو سب ڈویژن قرار دے رہا ہے ، کہیں نگران حکومت ہنزہ نگر ضلع کو ختم کرنے کے بارے میں سازش تو نہیں کررہی ہے؟ انہوں نے نگران کابینہ پرسخت تنقید کرتے ہ وئے کہا کہ درجن بھر سفارشی وزراء کی بھرتی سے علاقے میں تشویش پائی جارہی ہے اور کابینہ کے افراد کو گلگت بلتستان کے آئندہ الیکشن میں بطور آلہ کار استعمال کیا جائیگا اور عوامی مینڈیٹ چوری کرنے کی سازش کی جائیگی جو کہ اس حساس خطے کیلئے انتہائی خطرناک ہوگا۔نواز حکومت گلگت بلتستان کے عوام کو دیئے گئے اختیارات کو واپس لیکر ایک مرتبہ پھر گلگت بلتستان کو کانا ڈویژن کا غلام بنانا چاہتی ہے لیکن عوامی طاقت کے ذریعے ان کی اس خواہش کو پوری ہونے نہیں دیں گے۔کتنی ستم ظریفی کی بات ہے کہ نواز حکومت نے گلگت بلتستان جو کہ پاکستان کا غریب ترین خطہ ہے جہاں عوام غربت کی لکیر سے نیچے زندگی گزار رہے ہیں وہاں 12 رکنی نگران کابینہ تشکیل دیکر علاقے کے ترقیاتی فنڈز کو وزراء کے پروٹوکول پر ضائع کررہی ہے جبکہ پنجاب جو پاکستان کا سب سے بڑا صوبہ ہے جہاں نگران حکومت میں صرف ساتھ وزراء چنے گئے تھے۔اس سے صاف ظاہر ہورہا ہے کہ نواز لیگ نے گلگت بلتستان میں عوامی مینڈیٹ کو چوری کرنے کا پلان تیار کیا ہے۔

وحدت نیوز (گمبہ اسکردو) اسسٹنٹ کمشنر اسکردو کیجانب سے جاری نوٹس میں انہیں قانونی شکنی کرنے اور عوام کو ریاست کے خلاف ورغلانے کے الزمات عائد کرتے ہوئے آئندہ ایسے اقدامات سے باز رہنے کی دھمکی دی ہے۔ تفصیلات کے مطابق گمبہ اسکردو کی عوام نے گمبہ میں جاری بدترین بجلی کی لوڈشیڈنگ کے خلاف گمبہ اسکردو مالک اشتر چوک پر احتجاجی مظاہرہ کیا تھا، احتجاجی مظاہرے سے مجلس وحدت مسلمین بلتستان کے رہنما شیخ علی محمد کریمی، شیعہ علماء کونسل کے رہنما سید احمد موسوی اور دیگر نے خطاب کیا تھا۔ انہوں نے اپنے خطاب میں محکمہ برقیات کی بدترین نااہلی کو ظلم سے تعبیر کرتے ہوئے محکمہ برقیات اور اسکردو انتظامیہ کی مذمت کی تھی۔ احتجاج کے دوران محکمہ برقیات کے افسران سے مذاکرات کے بعد احتجاج ختم کر دیا گیا تھا۔ احتجاج ختم ہونے کے بعد اسسٹنٹ کمشنر اسکردو عمر چٹھہ نے ایک دھمکی آمیز نوٹس جاری کر دیا ہے اور واضح کیا ہے قومی ایکشن پلان پر عملدرآمد گلگت بلتستان میں شروع ہوگیا ہے اور اکیسویں ترمیم کے بعد کسی بھی شہری کو یہ حق حاصل نہیں کہ وہ احتجاج کرے، لاوڈسپیکر کا استعمال کرے اور سرکاری سڑکیں بلاک کرے۔ یہ سب قانون شکنی کے زمرے میں آتا ہے۔ اگر دوبارہ اس قسم کی سرگرمی کی گئی تو سختی سے نمٹا جائے گا اور قانونی کارروائی کی جائے گی۔ دوسری طرف مجلس وحدت مسلمین گمبہ اسکردو کی جانب سے ضلعی انتظامیہ کے اس غیر قانونی عمل کو علماء کی توہین قرار دیتے ہوئ اس کے خلاف کل ساڑے نو بجے مالک اشتر چوک اسکردو پر احتجاج کا اعلان کیا گیا ہے۔

وحدت نیوز (میرپورآزاد کشمیر) مجلس وحدت مسلمین امامیہ سٹوڈنٹس آرگنائزیشن امامیہ آرگنائزیشن انجمن امامیہ اور شعبہ علماء کونسل کی اپیل پر گستاخانہ خاکوں کیخلاف میرپور احتجاجی ریلی مرکزی امام بارگاہ سے شروع ہو ئی جو کہ چوک شہیداں میں جلسہ عام کی شکل اختیار کر گئی جس سے خطاب کرتے ہوئے مولانا تنویر حسین شیرازی نے خطاب کرتے ہوئے فرانسیسی جریدے میں شائع ہونے والے خاکوں کی شدید الفاظ میں مذمت کرتے ہوئے کہا کہ مسلمان اپنے نبیؐ کی شان میں گستاخی برداشت نہیں کرینگے ۔ انہوں نے کہا کہ اس وقت پوری دنیا میں عالم اسلام کے خلاف صہیونی طاقتیں متحد ہو چکی ہیں مسلمان حکمران متحد ہو کر کفر کی اس ریلغار کو روکنے کیلئے ان کا بائیکاٹ کریں ۔ جلسہ سے سید محمود حسین بخاری ، صدر ڈسٹرکٹ بار خالد رشید ایڈووکیٹ ، سید مسلم رضا ، سید ناظر عباس ، سید منتظر عباس ، سید قیصر شیراز کاظمی ، پروفیسر سید طاہر نقوی ، سید خیام نقوی و دیگر نے بھی خطاب کیا مقررین نے گستاخانہ خاکوں کی شدید مخالفت کرتے ہوئے پاکستان کی حکومت سے سفارتی تعلقات ختم کرنے کا مطالبہ کیا ۔