وحدت نیوز(اسلام آباد) کنونشن میں مختلف مکاتب فکر کی نمائندگی نے ایک نئی تاریخ رقم کی، ملک کی تاریخ میں پہلی مرتبہ کسی پلیٹ فارم پر ملک میں رہنے والے مختلف مکاتب فکر کے نمائندہ افراد ہر قسم کی قید سے نکل کر ایک جگہ جمع ہوئے اور پیغام دیا کہ ہم سب ایک ہیں، اگر یوں کہا جائے تو بےجا نہ ہوگا کہ یہ اجتماع رنگ، نسل، مذہب، مسلک اور عقیدے کی قید سے آزاد اجتماع تھا۔ ان میں جو چیز مشترک تھی وہ پاکستانیت، حب الوطنی، انسانیت اور اس مادر وطن کا دفاع تھا۔

مجلس وحدت مسلمین، سنی اتحاد کونسل اور وائس آف شہداء کے زیراہتمام ڈی چوک پارلیمنٹ ہاؤس کے سامنے منعقد ہونے والا قومی امن کنونشن نواز حکومت کی تمام تر سازشوں کے باوجود ہر لحاظ سے کامیاب رہا۔ اسلام آباد انتظامیہ کی جانب سے آخری وقت میں اجازت نامہ کی منسوخی نے ثابت کر دیا کہ وفاقی حکومت اس پروگرام سے خوفزدہ تھی اور وہ نہیں چاہتی تھی کہ وفاقی دارالحکومت میں طالبان مخالف اتحاد سامنے آئے اور اس کی بازگشت پاکستان کی سرحدیں پار کرکے دنیا کے دیگر ممالک تک سنائی دے۔ کنونشن سے فقط ایک دن قبل اور وہ بھی لیٹ نائٹ یعنی رات گیارہ بجے رہنماؤں کو بتایا گیا کہ کنونشن سنٹر میں یہ پروگرام کسی صورت نہیں ہوسکتا، اسلام آباد انتظامیہ نے واضح الفاظ میں کہا کہ انہیں وزارت داخلہ کی طرف سے اس پروگرام کو کسی صورت اجازت نامہ نہ دینے کے احکامات ہیں، لہٰذا آپ لوگ اس پروگرام کو منسوخ کریں۔ اس پیغام کا مطلب یہی تھا کہ جب کنونشن سنٹر میں پروگرام کی اجازت نہیں ملے گی تو پروگرام خودبخود ناکام اور فلاپ ہو جائیگا۔ لیکن سنی اتحاد کونسل اور مجلس وحدت مسلمین نے حکومت کو دوٹوک انداز میں پیغام دیدیا کہ اب وہ یہ پروگرام ڈی چوک پارلیمنٹ ہاؤس کے سامنے منعقد کریں گے۔ یوں مجلس وحدت مسلمین اور سنی اتحاد کونسل کیلئے یہ کسی امتحان سے کم نہ تھا کہ اتنے شارٹ نوٹس پر پارلیمنٹ ہاؤس کے سامنے پروگرام کو آرگنائز کریں، کیونکہ کسی ہال میں پروگرام کرانے کیلئے اتنے انتظامات کی ضرورت نہیں ہوتی جتنا کہ آوٹ ڈور پروگرام کیلئے ضرورت پڑتی ہے۔

راقم نے بنفس نفیس 4 اور 5 جنوری کی درمیانی شب رات بارہ بجے جب ڈی چوک کا دورہ کیا تو وہاں پر فقط پانچ افراد پائے جو کرسیاں اتار رہے تھے، لیکن اتنے میں علامہ ناصر عباس جعفری اپنی ٹیم کے ہمراہ وہاں پہنچے اور کچھ منٹ کیلئے وہاں پر موجود ایم ڈبلیو ایم کے مسئولین اور ورکروں سے گفتگو کی اور کہا کہ ڈی چوک میں پروگرام کرانا اب ہمارے لئے کسی چیلنج سے کم نہیں ہے، لہٰذا اللہ پر توکل رکھیں اور اس چیلنج کو قبول کرتے ہوئے کام میں لگ جائیں۔ یوں کسی نے کیٹرنگ والے سے رابطہ شروع کردیا تو کسی نے ساؤنڈ سسٹم والے سے، یوں دیکھتے ہی دیکھتے تمام ٹیمیں اپنے اپنے کاموں میں جت گئیں۔ پانچ جنوری پروگرام والے دن جب شرکاء نے ڈی چوک پر قدم رکھا تو انہیں ہر چیز پرفیکٹ ملی۔ اگر یوں کہا جائے تو بےجا نہ ہوگا کہ ایم ڈبلیو ایم نے اپنے بہترین نظم اور مینیجمنٹ کے ذریعے سے چند گھنٹوں میں پروگرام کو آرگنائز کرکے سب کو حیران کر دیا۔

کنونشن والے دن ملک بھر سے آنے والے قافلے لبیک یارسول اللہ (ص) کے نعرے بلند کرتے ہوئے پروگرام میں شریک ہوئے۔ ہر طرف ایم ڈبلیو ایم، سنی اتحاد کونسل اور پاکستان کے پرچموں کی بہار تھی۔ کنونشن کی خاص بات ملک بھر سے خصوصی طور پر پروگرام میں شرکت کرنے والے شہدائے پاکستان کے ورثاء کی تھی، جنہوں نے اپنے پیاروں کی تصویریں اٹھا کر دنیا کے سامنے سوال اٹھایا کہ ان کے پیاروں کو کس جرم کی پادش میں قتل کر دیا گیا۔ شہداء کے ورثاء میں پاک فوج، سول سوسائٹی، سکھ، ہندو، مسیحی برادری سمیت تمام ان مکاتب فکر کی نمائندگی موجود تھی جنہیں دہشتگردوں نے نشانہ بنایا۔ اسٹیج پر شہداء کے ورثاء نے کھڑے ہو کر ہاتھوں میں ہاتھ ڈال کر پیغام دیا کہ وطن عزیز کے غداروں سے کسی صورت مذاکرات نہیں ہونے چاہئیں، طالبان سمیت ہر اس گروہ کیخلاف بے رحمانہ آپریشن کیا جائے جو اس مادر وطن کو کمزور کر رہا ہے۔

کنونشن میں مختلف مکاتب فکر کی نمائندگی نے ایک نئی تاریخ رقم کی، ملک کی تاریخ میں پہلی مرتبہ کسی پلیٹ فارم پر ملک میں رہنے والے مختلف مکاتب فکر کے نمائندہ افراد ہر قسم کی قید سے نکل کر ایک جگہ جمع ہوئے اور پیغام دیا کہ ہم سب ایک ہیں، اگر یوں کہا جائے تو بےجا نہ ہوگا کہ یہ اجتماع رنگ، نسل، مذہب، مسلک اور عقیدے کی قید سے آزاد اجتماع تھا۔ ان سب میں جو چیز مشترک تھی وہ پاکستانیت، حب الوطنی، انسانیت اور اس مادر وطن کا دفاع تھا۔ کنونشن کے اختتام پر قومی ترانہ پڑھا گیا اور تمام شرکائے کنونشن نے کھڑے ہو کر پاک دھرتی سے عہد وفا کیا۔ کنونشن کے کامیاب انعقاد پر ایم ڈبلیو ایم، سنی اتحاد کونسل کے رہنماء اور وائس آف شہداء کے ترجمان سینیٹر فیصل رضا عابدی سمیت تمام وہ افراد مبارک باد کے مستحق ہیں، جنہوں نے اس پروگرام کے انعقاد کیلئے اپنا اپنا رول ادا کیا۔

وحدت نیوز(بلتستان) مجلس وحدت مسلمین پاکستان بلتستان ڈویژن کے سیکرٹری جنرل علامہ آغا علی رضوی نے اپنے ایک بیان میں کہا ہے کہ بلتستان انتظامیہ، سیکیورٹی ادارے اور خفیہ ایجنسیاں بلتستان میں یہود و ہنود اور اسلام دشمن تنظیموں کی سرگرمیوں پر نظر رکھیں اور پاکستان کے دفاعی اہمیت کے حامل حساس سرحدی خطے کی رگ و پے میں سرائیت ہونے نہ دیں۔ امریکہ اسلام کا دوست ہو سکتا ہے اور نہ پاکستان کا۔ ملک بھر میں جاری دہشت گردی امریکی تنظیموں جو کہیں بلیک واٹر، کہیں زی اور کہیں یو ایس ایڈ کے نام سے سرگرم عمل ہیں، کی کارستانی ہے۔ مغربی اور یہود و ہنود کی ٹکروں پر پلنے اور اکڑنے والے قومی اور دینی تشخص کو تباہ و برباد کر کے چھوڑیں گے۔ ایک غیر مند مسلمان یہ کبھی گوارا نہیں کرتا کہ جس ملک نے عراق، افغانستان، بحرین اور شام میں مسلمانوں کے خون کے دریا بہادیئے ان سے خیرات لیں۔ غیرت مند مسلمان پیٹ پر پتھر باندھ کر فاقوں کو برداشت کر کے شعب ابی طالب کے ایام تو گزار سکتا ہے لیکن کسی یہودی این جی او کے سامنے دست سوال دراز نہیں کرسکتا۔

آغا علی رضوی نے کہا کہ یہودی تنظیموں کے سامنے جھکنا اسلامی تعلیمات کے منافی ہیں کیونکہ یہود و نصاری کو قرآن نے اسلام کا دشمن قرار دیا ہے۔ اگر امریکی و اسرائیلی این جی اوز کو اس طرح بے لگام چھوڑ دیا گیا تو بلتستان سے امن اور حب الوطنی کی بساط الٹ دے گی اور بلتستان کچھ ہی عرصے میں بلوچستان اور عراق کا منظر پیش کر رہا ہوگا۔ میں انتظامیہ کو متنبہ کرتا ہوں کہ ان امریکہ و اسرائیل کی تنظیموں اور انکی سرگرمیوں کو محدود کریں، بصورت دیگر علاقے میں جو حالات پید ا ہونگے ان کی تمام تر ذمہ داری انتظامیہ پر عائد ہوگی۔

وحدت نیوز(کراچی) الیکشن کمیشن آف پاکستان کا غیر سنجیدہ رویہ آئین پاکستان کی توہین ہے، صبح شام فیصلوں میں تبدیلی سے سیاسی قوتیں مایوسی کا شکار ہو رہی ہیں ،سندھ بھر خصوصاً کراچی میں بلدیاتی الیکشن کا انعقاد ایک مزاق بن کر رہ گیا ہے۔ ان خیالات کا اظہار مجلس وحدت مسلمین ضلع ملیر کے پولیٹکل سیکریٹری حسن عباس رضوی نے وحدت ہاؤس ملیر میں بلدیاتی امیدواروں کے ساتھ ملاقات میں کیا ، ان کا کہنا تھا کہ سکیورٹی خدشات اور بلدیاتی امیدواروں کی شہادتوں کے باوجود ایم ڈبلیوایم کے بلدیاتی میدان کو خالی نہیں چھوڑا ہے، رب العزت کے فضل و کرم سے تمام بلدیاتی امیدواروں کے کاغذات نامزدگی منظور ہو چکے ہیں ، انہوں نے کہا کہ کراچی میں بلدیاتی انتخابات کے انعقاد کے حوالے سے سیاسی جماعتیں غیر یقینی کیفیت کا سامنا کر رہی ہیں، دو بڑی سیاسی جماعتوں کے اختلافات دوسری سیاسی جماعتوں کے لئے مشکلات کا سبب بن رہے ہیں ، الیکشن کمیشن آف پاکستان کا رویہ انتہائی غیر سنجیدہ ہے، حلقہ بندیو ں کے سلسلے میں مجلس وحدت مسلمین کے بھی تحفظات ہیں جنہیں دور کر نا الیکشن کمیشن کی آئینی ذمہ داری ہے۔

وحدت نیوز(اسلام آباد) پاکستان میں عجیب افراتفری کا ماحول پیدا کر دیا گیا ہے، حکمران پر امن شہریو ں کے بجائے سفاک قاتلوں کو اسٹیٹ میں طاقتور قوت تسلیم کرنے لگے ہیں ،قائد اعظم محمد علی جناح کے افکار ونظریات کی پامالی کی انتہا کر دی گئی ، وطن عزیزکو مستحکم اور پر امن ریاست بنانے کے لئے عاشقان پیغمبراکرم ص اور عاشقان حسین ع اپنا کردار ادا کریں گے، پاکستان کے وارث پہاڑوں میں چھپے دہشت گرد نہیں اس ملک کی نظریاتی اور جغرافیائی سرحدوں کے تحفظ کے لئے اپنی عظیم جانوں کے نذرانے پیش کر نے والے سنی ، شیعہ ، ہندو ، سکھ اور عیسائی ہیں ۔ان خیالات کا اظہار مجلس وحدت مسلمین پاکستان کے مرکزی سیکریٹری سیاسیات ناصرعباس شیرازی ایڈووکیٹ نے ڈی چوک اسلام آباد میں منعقدہ قومی امن کنونشن کے شرکاء سے خطاب کر تے ہوئے کیا ۔

ان کی کہنا تھا کہ حکمران عوام کے جان و مال کے تحفظ سے نہیں دہشت گردوں کے مفادات کے تحفظ کے لئے زیادہ سنجیدہ ہیں ، جو پر امن شہری روز مارے جا رہے ہیں ان کے خون کو فراموش کر کے دہشت گردوں کے ناجائز مطالبات کو تسلیم کر نے کی کوشش کی جارہی ہے ، پاکستان کو بیرونی ایجنڈے پردہشت گردی کی بھینٹ چڑھایا جا رہا ہے، اگر کو ئی یہ سمجھتا ہے کہ پاکستا ن کی تباہی پر عوام نظارہ گر بنے بیٹھیں گے، تو یہ حکمرانوں کی بھول ہے ، پاکستان کے حقیقی وارث اہل سنت اور اہل تشیع سنی اتحاد کونسل اور مجلس وحدت مسلمین پاکستان کے پلیٹ فارم پر اکٹھا ہو رہے ہیں ، انشاء اللہ جلد پاکستان کی دیگر محب وطن قوتیں ہمارے ساتھ پاکستان کی بقاء کی جدوجہد میں شامل ہو نگی ، آج ایک نئے پاکستان کے قیام کا آغاز ہو چکا ہے ، جسمیں کوئی اقلیت نہیں ، پاکستان کا درد دل میں رکھنے والے شیعہ ، سنی ، سکھ عیسائی ، ہندو تمام اس پلیٹ فارم پر اکٹھا ہو رہے ہیں ، جو کہ ملک دشمن استعماری ایجنڈوں کو بے نقاب کریں گے، آج کاقومی امن کنونشن نئے پر امن پاکستا ن کی تشکیل کا نقطہ آغاز ہے۔

ان کا کہنا تھا کہ مصطفویٰ اور حسینی حکومت وقت کو آج متنبہ کر رہے ہیں کہ دہشت گردوں سے مذاکرات کی ضد سے باز آجاؤ، تمہاری یہ مفاہمتی پالیسی عوام کو منظور نہیں ، آئین پاکستان کے منکر، عاشقان محمد اور حسین کے قاتلوں سے تمہارا راؤ رسم اٹھا رہ کروڑ عوام مسترد کر تے ہیں، اگر حکومت اپنی ہٹ دھرمی سے باز نہ آئی تو محب وطن شیعہ سنی عوام سڑکوں پر نکل کر اس حکومتی پالیسی کو تبدیل کروا کر چھوڑیں گے۔