The Latest
وحدت نیوز (لاہور) دہشت گرد جس کا کوئی دین مذہب نہیں معصوم شہریوں کو لقمہ اجل بنا کر تاریخ میں اپنے سفاکی کے باب رقم کر رہا ہے۔ آج پشاور میں نہتے نمازیوں کو نشانہ بنایا گیا اور کراچی میں دہشت گردوں کا راج رہا۔ان خیالات کا اظہارمجلس وحدت مسلمین پنجاب کے رہنماوں علامہ ابوذر مہدوی ، علامہ امتیاز کاظمی سیکرٹری جنرل لاہور، علامہ ناصر عباس فاطمی ضلعی رہنما،علامہ اظہر حسن، سید اسد عباس نقوی ڈپٹی سیکرٹری جنرل پنجاب نے صوبائی سیکرٹریٹ مسلم ٹاوُن لاہور میں پشاور میں ہونے والی بد ترین دہشت گردی کیخلاف ہنگامی پریس کانفرنس سے خطاب کر تے ہو ئے کیا۔
علامہ ابوذر مہدوی نے کہا کہ ملکی سلامتی کو لاحق سنگین خطرات کا سیاست دانوں سمیت حکومتی اراکین کو ادراک نہ ہو لمحہ فکریہ ہے۔ ملک دشمنوں کے خلاف مشترکہ لائحہ عمل اپنانا ہوگا۔ دہشت گردوں کو مذاکرات کی پیشکش کرکے اُن کی مزید حوصلہ افزائی کی گئی یہ اس کا نتیجہ ہے کہ اُن پر حکومتی کمزوری اور پسپائی واضح ہو۔ مذاکرات کی دعوت دینے کے نتیجہ میں دہشت گرد وں کی حوصلہ افزائی ہوئی اور حکومتی رٹ کمزور ہوگئی جس کے باعث دہشت گردی کے واقعات میں اضافہ ہورہا ہے۔ دہشت گردوں سے مذاکرات کا اب وقت نہیں بلکہ اِن واقعات کے بعد ایسے سفاک درندوں کے خلاف موثر آپریشن اور آ ہنی ہاتھوں سے نمٹنا ہوگا ۔
انہوں نے کہا کہ پشاور کے اس المناک سانحے میں ہمارے قائد شہید علامہ عارف حسین الحسینی ؒ کے پوتے سید مہدی الحسینی جو 12سال کے تھے اس سانحہ میں شہید ہوئے۔ سانحہ پشاور کیخلاف مجلس وحدت مسلمین پاکستان 3روزہ سوگ کا اعلان کرتی ہے اِن تین دنوں میں پنجاب سمیت ملک بھر میں مظاہرہ کیا جائے گا۔ لاہور میں بروز اتوار شام 4بجے پریس کلب کے سامنے مظاہرہ کیا جائے گا۔ اور ہم حکومت سے مطالبہ کرتے ہیں کہ دہشت گردوں کیخلاف فوری اقدامات اٹھانے کا اعلان کرے ۔ مذاکرات دہشت گردی کا حل نہیں ہیں۔ اس کے خلاف پاکستان کی عوام پاک فوج کے شانہ بشانہ کھڑی ہے۔ حکومتی رٹ قائم کرنے کیلئے دہشت گردوں کیخلاف تمام وسائل بروئے کار لائے جائیں۔ ملک میں امریکی مفادات کے تحفط کی بجائے ملکی مفادات کو مقدم رکھا جائے۔ امریکن بلاک سے نکلے بغیر ملکی ترقی اور سلامتی کو محفوظ بنانا ناممکن ہے۔
علامہ ابوزر مہدوی کا کہنا تھاکہ پاکستان میں دہشت گردوں، تحریک طالبان، لشکر جھنگوی کے سرپرست امریکن سفارت خانہ ہے۔ لہٰذا ملکی سلامتی کے ا داروں سے مطالبہ ہے کہ اِن ملک دشمن سفارت کاروں کی کڑی نگرانی کی جائے اِن کی نقل و حمل کو محدود کروایا جائے۔
وحدت نیوز (ملتان ) مجلس وحدت مسلمین پاکستان کے مرکزی سیکرٹری جنر ل قائد وحدت ، ناصر ملت علامہ راجہ ناصر عباس جعفری کی اپیل پر ملک کے دیگر شہروں کی طرح ملتان میں بھی پشاور میں نماز جمعہ پر ہونے والے خود کش حملے کے خلاف مجلس وحدت مسلمین پاکستان اورامامیہ اسٹوڈنٹس آرگنائزیشن کے زیراہتمام چوک نواں شہر ملتان میں احتجاجی مظاہرہ کیا گیا۔ مظاہر ے کی قیادت مجلس وحدت مسلمین کی سینٹرل کمیٹی کے ممبر اور ضلعی سیکرٹری جنرل ملتان علامہ سید اقتدار حسین نقوی، ڈپٹی سیکرٹری جنرل محمد عباس صدیقی، ڈویژنل صدر آئی ایس او ملتان تہورحیدری، علامہ قاضی نادر حسین علوی، سید دلاور عباس زیدی اور ثقلین نقوی نے کی۔ مظاہرین نے پشاور میں نماز جمعہ پر ہونے والے حملے کی مذمت کرتے ہوئے شدید نعرے بازی کی۔ اور احتجاج کے دوران ٹریفک بلاک کردی۔
مظاہرین سے خطاب کرتے ہوئے مجلس وحدت مسلمین کی سینٹرل کمیٹی کے ممبر اور ضلعی سیکرٹری جنرل ملتان علامہ سید اقتدار نقوی نے اس واقعہ میں وفاقی اور صوبائی حکومت کو ذمہ دار قرار دیتے ہوئے کہا کہ پشاور میں ہونے والا دھماکہ نئی قائم ہونے والی حکومت کی رٹ پر سوالیہ نشان ہے۔ نئی حکومت نے اپنے منشور میں عوام سے امن کے قیام کا وعدہ کیا تھا جس میں وہ تا حال ناکام ہے۔ انہوں نے کہا کہ صوبائی حکومت اگر امن قائم نہیں کرسکتا تو اسے مستعفی ہونا ہی مناسب ہوگا۔ اس سے پہلے حکومت کے متعلق کہا جارہا تھا کہ پی پی کی حکومت کمزور ہے جبکہ اس وقت تو حکومت کمزور نہیں، بلکہ عوام کی بھاری حمایت سے قائم ہوئی ہے، اسکے باوجود بھی دھماکوں کا سلسلہ نہیں رکتا، چنانچہ حکومت یا تو شیعوں کا تحفظ یقینی بنائے یا مستعقی ہوجائے۔
مجلس وحدت مسلمین ملتان کے ڈپٹی سیکرٹری جنرل محمد عباس صدیقی کا کہنا تھا کہ آج پشاور بم دھماکہ نے شہید قائد علامہ عارف حسین الحسینی کی شہادت کے زخم کو پھر سے تازہ کر دیا ہے ، 25برس قبل اسی مقام پر ہمارے ہر دل عزیز قائد کو امریکی ایجنٹوں نے حالت وضو میں خون میں غلطاں کیا تھا اور آج اسی مقام پر ان کے دو پوتے سیدعلی مہدی حسینی ولد سید علی حسینی شہید ہو گئے اور سید علی رضا حسینی ولد سید علی حسینی شدید زخمی ہیں ۔ جب کے مزید 15نمازی شہید اور 30کے قریب شد ید زخمی ہیں ۔
آئی ایس او ملتان کے ڈویژنل صدر تہورحیدری کا کہنا تھا کہ اس سے قبل کے دہشت گردی یہ جرسومہ پو ری ریاست کو متاثر کر کے مفلوج کر دے، ہم نومنتخب وفاقی حکومت خصوصا وزیر اعظم پاکستان میاں نواز شریف اور چیف آف آرمی اسٹاف جنرل اشفاق پرویز کیانی سے مطالبہ کر تے ہیں کے پاکستان کے استحکام اور بقاء کی خاطر اپنا قومی کردار ادا کریں ۔
جبکہ مرکز سے جاری بیان کے مطابق مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری اور ڈپٹی سیکرٹری جنرل علامہ محمد امین شہیدی نے کہا ہے کہ مجلس وحدت مسلمین پشاور ،کوئٹہ اور کراچی سمیت پورے پاکستان میں بیگناہ شہریوں کے قتل عام پر سراپا احتجاج ہے ، کراچی میں ایم کیو ایم کے نو منتخب رکن صوبائی اسمبلی ساجد قریشی اور ان کے فرزند کے بہیمانہ قتل کی پر زور مذمت کر تے ہیں اور پشاور کے اس عظیم سانحے کے خلاف تین روزہ یوم سوگ و احتجاج کا اعلان کرتی ہے ۔ملتان کے علاوہ جنوبی پنجاب کے دیگر شہروں خانیوال، کبیروالا، عبدالحکیم، میاں چنوں، تلمبہ، ساہیوال، بہاولپور، لودھراں، رحیم یارخان،احمد پور شرقیہ، علی پور، مظفرگڑھ، خانگڑھ، کوٹ ادو، ڈیرہ غازیخان، راجن پور، تونسہ شریف میں بھی مجلس وحدت مسلمین پاکستان کے زیراہتمام احتجاجی مظاہرے کیا گئے اور احتجاجی ریلیاں نکالی گئیں۔ مظاہرین نے بینرز اور پلے کارڈز اُٹھا رکھے تھے جن پر پشاور میں ہونے حملے کے خلاف اور ملک میں جاری دہشت گردی کے خلاف نعرے درج تھے۔
وحدت نیوز (مانیٹرنگ ڈیسک) اسرائیلی بدنام زمانہ خفیہ ایجنسی موساد کے سابق سربراہ نے مقبوضہ بیت المقدس میں پریس کانفرنس کرتے ہوئے کہا ہے کہ خطے میں رونما ہونے والے حالات نے کچھ عرب ممالک اور اسرائیل کو نزدیک کردیا ہے اور یہ ایک ایسا موقع غنیمت ہے کہ اسرائیل نئے نئے متحدین بناسکتا ہے آج عرب لیگ کی اسرائیل مخالفت میں کمی ہوچکی ہے۔ سابق اسرائیلی بدنام زمانہ خفیہ ایجنسی کے سربراہ کا مزید کہنا ہے کہ یہ ہماری کامیابی ہے کہ ہم کچھ اہم عرب ممالک کو آخر کار یقین دلانے میں کامیاب ہوئے کہ اسرائیل ان کا اصل دشمن نہیں ہے۔ وہ کہتا ہے کہ اسرائیل کے لئے اس سے سنہرا موقع کوئی نہیں ہوسکتا کہ آج اس کے بلاگ میں وہ ممالک کھڑے ہیں جن سے کبھی اسرائیل کو خدشہ رہتا تھا۔
یہ بات واضح ہے کہ شام کیخلاف اسرائیل اور امریکی ایجنڈے میں عرب عوامی بیداری سے خوفزدہ خلیجی ممالک خاص کر سعودی عرب اور قطر نیز ترکی کا حصہ دار بنا اسرائیل کے لئے ایک طرح سے اطمینان ہے کہ خطے میں سب سے بڑے اسرائیل مخالف ملک کے خلاف محاذ میں عرب بجائے شام کے ساتھ دینے کے اسرائیل کے ساتھ دے رہے ہیں۔
وحدت نیوز (اسلام آباد) مجلس و حدت مسلمین پاکستان کے مرکزی سیکریٹری جنرل علامہ راجہ ناصر عباس جعفری نے پشاور میں امریکہ کے پاکستانی ایجنٹوں کے ہاتھوں جامعہ شہید علامہ عارف حسین الحسینی(رہ) میں دوران نماز جمعہ ہونے والے خودکش بم دھماکے میں شہید ہو نے والے قائد شہید علامہ عارف حسین الحسینی (رہ)کے پو تے سید مہدی حسینی اوردیگر بیگناہ نمازیوں کی مظلومانہ شہادت پر خانوادۂ شہید قائد علامہ عارف حسینی (رہ)اور دیگر تمام شہداء کے خانوادوں سے دلی ہمدردی اور تعزیت کااظہار کیا ہے اور زخمی پو تے رضاحسینی کی جلد صیحت یابی کی دعا کی۔ مرکزی میڈیا سیل کی جانب سے جار ی ہو نے والے اپنے تعزیتی بیان میں علامہ راجہ ناصر عباس جعفری کا کہنا تھا کہ شہادت آج ایک مرتبہ پھرقائد شہید علامہ عارف حسین الحسینی (رہ) کے گھر کی زینت بنی ہے ، دادا کے جائے شہادت پر پوتے کو جام شہادت نوش کر نے پر علامہ سید علی الحسینی اور خانوادۂ شہید قائد کو ہدیہ تعزیت پیش کر تا ہوں ۔
ان کا کہنا تھا کہ پشاور میں جامعہ شہید عارف الحسینی (رہ)پر دہشت گردوں کا حملہ ضیاء الحق کے روحانی فرزندوں کی کارستانی ہے ، تاریخ گواہ ہے کہ ہم چودہ سو سال گزر جانے کے باوجود بھی اپنے امام (ع)کے قاتلوں کو نہیں بھولے تو 25برس قبل شہید ہو نے والے اپنے محبوب قائد اور آج انکے شہید ہونے والے پوتے سید مہدی حسینی کا قاتلوں کو کس طرح فراموش کر سکتے ہیں ۔
ان کا کہنا تھا کہ پشاور میں جائے شہادت قائد شہید پر دوران نماز ہو نے والا خودکش حملہ دراصل طالبان دہشت گردوں سے مزاکرات کا نتیجہ ہے ، جب زخم ناسور بن جائے تو اسے پالا نہیں جاتا بلکے اسے کاٹ کر پھینک دیا جا تا ہے تاکہ جسم کا باقی حصہ محفوظ رہے ۔ میں آج ایک مرتبہ پھر سول و فوجی اسٹیبلشمنٹ کو مخاطب کر تے ہو ئے متنبہ کر تا ہوں کہ اگر پاکستان سے اپنی حب الوطنی کا ثبوت دینا چاہتے ہو تودہشت گردی کے اس ناسورکو پالنے کے بجائے کاٹ کر پھینک دو ورنہ یہ طالبا ن ناسور کی صورت میں پو رے وطن عزیز کو ختم کر دیں گے ۔
وحدت نیوز (اسلام آباد) مجلس و حدت مسلمین پاکستان کے مرکزی ڈپٹی سیکریٹری جنرل علامہ محمد امین شہیدی نے جامعہ شہید علامہ عارف حسین الحسینی میں دوران نماز جمعہ ہونے والے خودکش بم دھماکے کے نتیجے میں بیگناہ نمازیوں کی شہادت کی شدید الفاظ میں مذمت کی ہے ، مرکزی میڈیا سیل سے جاری بیان کے مطابق علامہ امین شہیدی نے اس عظیم سانحے کے خلاف تین روزہ یوم سوگ و احتجاج کا اعلان کیا ہے ۔
بیان میں علامہ امین شہیدی کا کہنا تھا کہ حکومت و فوج انسانیت دشمن طالبان دہشت گردوں سے مزاکرات کے خوب دیکھنا چھوڑ دے اور ان ناسوروں کے خلاف بھر پو ر عسکری کاروائی کا آغاز کرے ،نواز حکومت کالعدم دہشت گرد تنظیموں کی سرگرمیوں پر پابندی کا عملی نفاز کر ے ،گزشتہ 12سال سے صرف مصنوعی پابندیوں نے ان کالعدم دہشت گرد گروہوں کو مذید طاقتور بنا دیا ہے ، پشاور میں چند مٹھی بھر دہشت گردوں نے معصوم شہریوں کو یرغمال بنا رکھا ہے ، سیکورٹی ایجنسیز ان دہشت گردوں کے خلاف کسی بھی کاروائی سے قاصر کیوں ہے ، عوام جاننا چاہتے ہیں کہ کن خفیہ طاقتوں کی ایماء پر کالعدم دہشت گرد گروہوں کے خلاف ٹھوس کا روائی عمل میں نہیں لائی جا تی ۔
ان کا کہنا تھا کہ آج پشاور بم دھماکہ نے شہید قائد علامہ عارف حسین الحسینی کی شہادت کے زخم کو پھر سے تازہ کر دیا ہے ، 25برس قبل اسی مقام پر ہمارے ہر دل عزیز قائد کو امریکی ایجنٹوں نے حالت وضو میں خون میں غلطاں کیا تھا اور آج اسی مقام پر ان کے دو پوتے سیدعلی مہدی حسینی ولد سید علی حسینی شہید ہو گئے اور سید علی رضا حسینی ولد سید علی حسینی شدید زخمی ہیں ۔ جب کے مذید 15نمازی شہید اور 30کے قریب شدید زخمی ہیں ۔
ان کا کہنا تھا کہ اس سے قبل کے دہشت گردی یہ جرسومہ پو ری ریاست کو متاثر کر کے مفلوج کر دے، ہم نومنتخب وفاقی حکومت خصوصاً وزیر اعظم پاکستان میاں نواز شریف اور چیف آف آرمی اسٹاف جنرل اشفاق پرویز کیانی سے مطالبہ کر تے ہیں کے پاکستان کی بقاء اور استحکام کی خاطر اس کینسرکے مکمل علاج کے لئے اپنی تمام تر صلاحیتوں کو بروئے کار لا ئیں ۔ مجلس وحدت مسلمین پاکستان پشاور ،کوئٹہ اور کراچی سمیت پورے پاکستان میں بیگناہ شہریوں کے قتل عام پر سراپا احتجاج ہے ، کراچی میں ایم کیو ایم کے نو منتخب رکن صوبائی اسمبلی ساجد قریشی اور ان کے فرزند کے بہیمانہ قتل کی پر زور مذمت کر تے ہیں اور پشاور کے اس عظیم سانحے کے خلاف تین روزہ یوم سوگ و احتجاج کا اعلان کرتی ہے ۔
وحدت نیوز (پشاور) خیبر پختون خواہ کے صوبائی دارلحکومت پشاور کے علاقے چمکنی روڈ پر واقع جامع مسجد و مدرسہ معارف اسلامی شہید عارف حسینی میں وخودکش بم دھماکہ 18مومن نمازی شہید اور 30سے زائد شدید زخمی ۔
تفصیلات کے مطابق امریکی و سعودی ایجنٹ ڈالر خور درندوں نے جامعہ پر اس وقت حملہ کیا جب نماز جمعہ جاری تھی ، عینی شاہدین کے مطابق حملہ آور وں نے پہلے وخود کار اسلحے سے شدید فائرنگ کی اور اسی دوران مسجد میں داخل ہو گئے اور اندر گھستے ہی خود کو دھماکہ خیز مواد سے اڑا لیا ، سیکڑوں کی تعداد میں نمازی جماعت میں مصروف تھے جوموقع پر شہید اور زخمی ہوئے ،ہر جانب قیامت صغرا کے مناظر دیکھنے میں آرہے ہیں ۔ اب تک کی اطلاعات کے مطابق 18مومن نمازی شہید اور 30سے زائد شدید زخمی ہیں جنہیں، لیڈی ریڈنگ اسپتال اور جنرل ہیڈ کوارٹر اسپتال منتقل کر دیا گیا ہے ، جہاں کئی زخمیوں کی حالت تشویش بتائی جا رہی ہے۔
واضح رہے کہ جس مقام پر آج یہ افسوس ناک سانحہ پیش آیا ہے ، ٹھیک اسی مقام جامعہ معار ف اسلامی میں 5اگست 1988کو قائد ملت اسلامیہ علامہ سید عارف حسین الحسینی کو وہابی تکفیری دہشت گردوں نے نماز فجر کی ادائیگی کے لئے جاتے ہو ئے باوضو حالت میں گولی مار کر شہید کر دیا تھا ۔
وحدت نیوز (کوئٹہ) مجلس وحدت مسلمین کے ترجمان کے مطابق دہشتگردوں،تکفیریوں اور تنگ نظر قومی و مسلکی تعصبات رکھنے والوں کی وجہ سے ماضی اور حال میں پاکستان نا امن کا شکار رہا ہے۔انسانی جان کی کوئی قیمت باقی نہیں رہی ہے۔عوام خوف میں مبتلا ہوکر آرام سکون سے محروم ہوگئے ہیں۔نفرت کی مصنوعی ایجاد کر کے عوام کو ایک دوسرے کے دشمن بنا دیئے گئے ہیں۔اب جبکہ نئی اسمبلیوں اور پارلیمنٹ اور کابینہ تشکیل پا رہے ہیں۔
ترجمان کا کہنا تھا کہ اس حساس اور نازک موڈ پر عوام کو آپس میں شیر و شکر بنائیں۔امت مسلمہ کے درمیان اتحاد و اتفاق کے پرچار اور ہم آہنگی حکومت نئے اسمبلیوں اور پارلیمنٹ کی اولین ذمہ داری ہے۔چھوٹی چھوٹی فردی اختلافا ت کو بلا ئے طاق رکھتے ہوئے اسلام ،قوم اور ملک و ملت کے ترقی کیلئے تمام مصنوعی ایجنٹوں کو بھلا کر ملت واحدہ کی تشکیل وقت کی اہم ضرورت ہے۔ حکمران سیاستدان علماء اور دانشور طبقہ اس مشکل میں وقت اتحاد دو اتفاق کیلئے اپنا کردار ادا کریں۔
وحدت نیوز (لاہور)مجلس وحدت مسلمین پنجاب کا ایک اعلیٰ سطحی اجلاس صوبائی سیکرٹریٹ لاہور میں علامہ عبدالخالق اسدی صوبائی سیکرٹری جنرل پنجاب کے زیر صدارت منعقد ہوا۔جس میں صوبائی کابینہ کے ناموں کا اعلان کیا گیا ۔مجلس وحدت مسلمین میڈیا سیل سے جاری بیان کے مطابق سید اسد عباس نقوی ڈپٹی سیکرٹری پنجاب،سید مْسرت حسین کاظمی سیکرٹری فلاح بہبود پنجاب،سید انیس عباس زیدی سیکرٹری تعلیم پنجاب،مظاہر شگری سیکرٹری اطلاعات پنجاب کا اعلان کیا گیا باقی شعبوں کے مسؤلین کا اعلان ضلعی تنظیم نو کے مکمل ہونے پر کیا جائے گا۔
اجلاس سے خطاب میں علامہ عبدالخالق اسدی نے کراچی اور خیبر پختونخواہ میں امن عامہ کی روز بہ روز بگڑتی ہوئی صورت حال پر سخت تشویش کا اظہار کرتے ہوئے کہا کہ مٹھی بھر دہشت گرودں کے سامنے بانگ وبلند دعوں سے اقتدار حاصل کرنے والے صوبائی و وفاقی حکمران بے بس اور لاچار دکھائی دے رہے ہیں۔عوام پر ایک طرف مہنگائی کا پہاڑ توڑا گیا ہے تو دوسری طرف دہشت گردوں کے رحم و کرم پر چھوڑا گیا ہے۔
پاکستان کے مخلص ہمسایہ ممالک ایران،اور چین کو چھوڑ کر ملک دشمن شیطانی طاقتوں امریکہ اور اْس کے حواریوں کے خوشنودی کیلئے بھارت جیسے دشمن ملک سے بجلی درآمد کرنے کا معاہدہ ملکی غیرت کا سودا کرنے کے مترادف ہے جس کا ہر فورم پر مذمت اوراحتجاج کیا جائے گا۔
وحدت نیوز (مانیٹرنگ ڈیسک) عراق کے معروف شیعہ انقلابی رہنما سید مقتدیٰ الصدر نے شام میں دہشت گردوں کی ہرزہ سرائیوں پر شدید تشویش کا اظہار کرتے ہوئے القاعدہ کے تکفیری دہشت گردوں کے سرغنہ ایمن الظواہری کو خبردار کرتے ہوئے نتیجہ خیز وارننگ دی ہے اور کہا ہے کہ القاعدہ دہشت گرد شام میں دہشت گردانہ کاروائیوں کا سلسلہ فی الفور بند کریں۔ تفصیلات کے مطابق امریکہ مخالف مجاہد شیعہ رہنما مقتدیٰ الصدر نے القاعدہ کے تکفیری دہشت گردوں کے سربراہ ایمن الظواہری کو خبردار کیا ہے کہ وہ شام میں سنی مسلمانوں اور علویوں کا قتل عام بند کریں اور ان کو پہلے کی طرح آپس میں پر امن طریقے سے زندگیاں بسر کرنے دیں۔
سید مقتدیٰ الصدر نے القاعدہ کی جانب سے شام میں معصوم شہریوں کے قتل عام پر شدید مذمت کرتے ہوئے کہا ہے کہ اسلام میں شدت پسندی کی کوئی گنجائش نہیں ہیں اور القاعدہ کے تکفیری دہشت گرد اسلام کو نقصان پہنچا رہے ہیں۔ واضح رہے کہ حال ہی میں القاعدہ کے تکفیری دہشت گرد ایمن الظواہری نے بیان میں کہا تھا کہ شام میں موجود النصرۃ فرنٹ القاعدہ کی ایک آزاد شاخ ہے، جو کہ شام میں معصوم انسانوں کے قتل عام میں ملوث ہے۔
وحدت نیوز (کوئٹہ) ایم ڈبلیو ایم کے صوبائی سیکریٹریٹ وحدت ہاوس کوئٹہ میں پر حجوم پریس کانفرنس سے خطاب کر تے ہوئے مجلس وحدت مسلمین پاکستان کے مرکزی ڈپٹی سیکریٹری جنرل و ترجمان علامہ سید حسن ظفر نقوی نے کہا کہ ہم اُن مظلوموں کے ساتھ اظہار یکجہتی کا اعلان کرنا چاہتے ہیں جو مسلسل دہشت گردی کی بھینٹ چڑھ رہے ہیں ۔خاص طور پر ویمن یونیورسٹی میں قوم کی بیٹیوں پر ہونے والا شرمناک حملہ اور اسکے بعد ہسپتال میں دہشت گردی کی کاروائی ان سانحات میں شہید اور زخمی ہونے والی ویمن یونیورسٹی بے گناہ طالبات ،ایف ،سی اور پولیس کے بہادر سپاہیوں کے شہادت ،ڈپٹی کمشنر کوئٹہ کی شہادت اور انسانیت کی خدمت گزار مظلوم نرسیزکی شہادت اور پوری قوم خاص طور پر ان کے ورثاء کو تعزیت پیش کرتے ہیں اور اس سانحہ میں زخمی ہونے والے صحافی اور تمام دیگر افراد کے ساتھ دلی ہمدردی کا اظہار کرتے ہیں اور سانحہ کے زخمیوں کے جلد از جلد شفا یابی کیلئے دعا گو ہے۔اس موقع پر ایم ڈبلیو ایم کے مرکزی رہنماء علامہ ہاشم موسوی ، صوبائی سیکریٹری جنرل علامہ مقصود علی ڈومکی اور دہگر بھی موجود تھے ۔
اس وقت ملک عزیز پاکستان کا ہرشہر با لخصوص کوئٹہ ،کراچی اور پشاور استعماری قوتوں کے سازشوں کے نشانے پر ہے جسے شکست دینے میں اتحاد ،اتفاق اور عمل کی ضرورت ہے دہشت گردی جہاں کسی اور جس شکل میں ہوں اسکی نہ صرف مذمت کرتے ہیں بلکہ عملاً اسکے خلاف برسر پیکار میدان عمل میں سب کو مل کر آنا چاہئے ورنہ قلیل دہشت گرد گروہ سب کو نقصان پہچائے گا۔
حالیہ دہشت گردی کے واقعات سے قانون نافذ کرنے والے تمام اداروں کے کردار پر سوالیہ نشان اٹھتا ہے لہذا ان اداروں کو اپنی کارکردگی بہتر کرنے اور عوام کے اعتماد کو بحال کرنے میں دہشت گردوں کو تلاش کر کے انکے بلوں میں اسے مارنا ہوگا یا قانون کے شکنجے میں لانا ہوگا بہ صورت دیگر وہ اپنے اوپر اٹھائے گئے سوالات کے جوابات دینے سے قاصر ہے۔
مجلس وحدت مسلمین ملک عزیز پاکستان اور اس میں بسنے والے تمام طبقات سے تعلق رکھنے والی عوام کی سلامتی کیلئے ہر طبقے کے محب وطن اور درد مند رہنماؤں اور جماعتوں کے ساتھ رابطے کرے گی اور بھائی چارے اور اخوت کا پیغام دے گی۔
بلوچستان کے عوام جو برسوں سے محرومیوں کا شکار ہیں یہاں کے بے شمار لوگ لاپتہ ہیں اور اب تک ایک بڑی تعداد میں مسخ شدہ لاشیں یہاں کے عوام کے زخموں پر نمک پاشی کر رہی ہیں ۔تمام حکومتیں زبانی دعوئے تو کرتی ہیں مگر امن و امان دینے میں مکمل ناکام رہی ہیں۔جب تک عوام کو امن ا نصاف عملی طور پر نظر نہیں آئیگا ہماری سلامتی کو خطرات لا حق رہینگے۔ ہمارا پرنٹ اور الیکٹرانک میڈیا جو نہایت ذمہ داری سے حقائق عوام تک پہچا رہا ہے۔ہمیں امید ہے کو وہ دہشتگرد عناصر کی حوصلہ شکنی کرے گااور انہیں بے نقاب کرنے میں اہم کردار ادا کرے گا۔ ہماری تمام مکاتب فکر کے علماء سے اپیل ہے کہ وہ اشتعال انگیز تقریریں کرنے کے بجائے لوگوں کو صحراب اور منبر سے امن اور بھائی چارے کا پیغام دیں۔ اور اس بحران کے دور میں اپنی تاریخی ذمہ داری ادا کریں۔
