وحدت نیوز(کوئٹہ) سانحہ مستونگ میں شہید ہو نے والے مظلوموں کے اہل خانہ کی جانب سے علمدار روڈ پر دیئے گئے احتجاجی دھرنے سے خطاب کرتے ہو ئے مجلس وحدت مسلمین پاکستان کے مرکزی سیکریٹری تبلیغات علامہ شیخ اعجاز حسین بہشتی نے کہا کہ کوئٹہ کی خون جما دینے والی سردی میں خانوادہ شہداء نے استقامت کا مظاہرہ کر کے پوری قوم کے خون کو حرارت بخشی ہے، حکمران پاکستان کے بقاء چاہتے ہیں تومذاکرات کا ڈرامہ بند کریں ، ملک بھر میں منظم آپریشن کر کے دہشت گردوں کا صفایہ کیا جائے ، شہداء کا خون ہم سے تقاضہ کر تا ہے کہ اس کے پیغام کو مٹنے نہ دیا جائے ، علامہ راجہ ناصر عباس جعفری شہداء کے خون کی آواز بنے، ان کا  کہنا تھا کہ زائرین کا زیارت پر جانا ان کا شہری حق ہےاور زائرین کو سکیورٹی فراہم کرنا ریاست کی آئینی ذمہ داری ہے، پاکستان کا وجود خطرے میں پڑا ہے، حکمران اپنی کمزوریوں کو مذاکرات کا لبادہ پہنا کر عوام کو دھوکہ دینے میں مصروف ہیں ، ہم سلام پیش کر تے ہیں ، خانوادہ شہداء ، مومنین کوئٹہ،مومنین پاکستان، مومنین عالم ، با ضمیر انسانوں اور خصوصاً علامہ راجہ ناصر عباس جعفری کو کہ جنہوں نے ۲۷ بے گناہ زائرین امام حسین ع کے خون کو مستونگ کے بیابان میں دفن ہو نے سے بچا لیا اور اس خون ناحق کا احساس پو ری دنیا کو محسوس کر وایا ۔

وحدت نیوز(لندن) سانحہ مستونگ کے خلاف مجلس وحدت مسلمین پاکستان کے سربراہ علامہ راجہ ناصر عباس جعفری کی اپیل پر پاکستان کی طرح لندن میں بھی احتجاجی دھرنا دیا گیا، مجلس علمائےشیعہ  یورپ کے سربراہ علامہ سید علی رضا رضوی کی زیر قیادت احتجاجی دھرنا لندن میں پاکستانی سفارت خانے کے سامنے دیا گیا ، جس میں مختلف علمائے کرام نے خطاب کیا، اس موقع پر مومنین کی بڑی تعداد موجود تھی، جو ہاتھوں میں پلے شہداء کی تصاویر اور پلے کارڈ اٹھا رکھے تھے ، جن پر پاکستان میں جاری شیعہ نسل کشی کے خلاف نعرے درج تھے۔ احتجاجی دھرنا لواحقین کے حکومتی نمائندوں سے کامیاب مذاکرات اور علامہ راجہ ناصر عباس جعفری کے اعلان کے بعد ختم کر دیا گیا۔

وحدت نیوز ( اوچ شریف) مجلس وحدت مسلمین یونٹ اوچشریف کے زیر اہتمام علمدار چوک پر سا نحہ مستونگ کے لواحقین شہدا کے اظہار یکجہتی کے لئے دھرنا دیا گیا، دھر نے سے خطاب کر تے ہو ئے شیعہ رہنماء خواجہ ضامن حسین نے کہا کہ شیعوں کا قتل عام کیا جا رہا ہے لیکن حکومت ہا تھ پر ہا تھ دھر ے تما شہ دیکھ رہی ہے دھر نے سے مولانا سید خادم حسین شاہ صاحب، سید زوار حسین ،خواجہ فضیلت علی،احسن رضا جعفری ( سیکرٹری جنرل یونٹ سٹی اوچ شریف)، سید نوراحمد رضوی ( سیکرٹری جنرل یونٹ اوچ موغلہ) نے بھی خطاب کیا دھر نے میں مومنین کی کثیر تعداد موجود تھی جس میں مومنین و دیگر مکاتب فکر و علماء کرام نے بھی شرکت کی ناصر ملت کی کال پر دھر نا ختم کیا گیا ۔

وحدت نیوز(مظفر آباد) دائی اتحاد بین المسلمین ،مجلس وحدت مسلمین آزادکشمیر کے سیکرٹری جنرل علامہ سید تصور حسین نقوی الجوادی نے میلاد مصطفی ؐ کانفرنس سے خطاب کرتے ہوئے کہا کہ میلاد پیغمبر اسلام ؐ میں دلوں کا مسرور ہونا،ہاتھوں میں سبز پرچم لیکر یا رسول اللہ کی صدائیں بلند کرنا،دورد و سلام پڑھتے ہوئے سڑکوں پر نکل آنا،دراصل اللہ رب العزت کی اس عظیم نعمت کا شکر اداکرنا ہے،جو اس نے رسول ؐ کی صورت میں ہمیں عطا کی۔ آج کی میلاد کانفرنس اپنی نوعیت کا منفرد پروگرام جس میں تما م مکاتب فکر کے علماء و زعماء شریک ہیں،ہم نے پاکستان کی شیعہ سنی اعلیٰ قیادت کو بلا کر یہ ثابت کردیا کہ آزادکشمیر کی سر زمین امن و محبت کی سرزمین ہے۔شیعہ سنی مسلمانوں نے ہاتھوں میں ہاتھ ڈال کر اتحاد و وحدت کا جو عملی مظاہرہ کیا یہ آنیوالی نسلوں کیلئے دنیا بھر کے مسلمانوں کیلئے عظیم مثال اور تاریخی پیغام کی حثیت رکھتا ہے۔ہم تمام مکاتب فکرکے غیور مسلمانوں سے اپیل کرتے ہیں کہ آئیں ہمارے اس کاروان کا حصہ بنیں، اختلافات کو چھوڑ کر امن و وحدت کا پرچارکریں۔ہمارا مقصد امت رسول اقدس ؐ متحد کر کے عظیم طاقت بنانا ہے۔