The Latest
وحدت نیوز ( کو ئٹہ ) مجلس وحدت مسلمین کے رکن بلوچستان اسمبلی آغا سید محمد رضا رضوی نے کمشنر اور ڈپٹی کمشنر کوئٹہ سے ان کے دفتر میں ملاقات کی ، آغا رضا نے کمشنر اور ڈپٹی کمشنرسے گفتگو ک رتے ہو ئے کہا کہ کوئٹہ میں مختلف سانحات میں شہید ہو نے والے سینکٹروں شہداء کے اہل خانہ تاحال حکومتی امدادی رقوم سے محروم ہیں ، سابقہ دور حکومت میں سرکاری افسران نے وعدے تو کیئے لیکن رقوم کی منتقلی کی عمل شروع نہیں کیا ، علمدار روڈ ہزارہ ٹاؤن سانحے میں بعض ایسے لوگ بھی شہید ہو ئے تھے کی جن کے مرنے کے بعد ان کے اہل خانہ شدید کسمپرسی کی حالت میں زندگی گذارنے پر مجبور ہیں ۔ کمشنر کو ئٹہ نے رکن صوبائی اسمبلی سید محمد رضا کو یقین دہانی کروائی کے تمام قانونی تقاضوں کو پورا کر کے جلد تمام شہداء کی امدادی رقوم کی منتقلی کا کام مکمل کر لیا جائے گا ۔
وحدت نیوز ( ہری پور) سیاسی جماعتیں اور سکیورٹی ادارے آخر کب تک دہشت گردوں کے ہاتھوں پاکستان کی تباہی اوربربادی کے مناظر ملاحظہ کرتی رہیں گے ، یہ دہشت گرد عناصر بیرانی ایجنڈے پر پاکستان کی جڑوں کو کھوکلا کر نے میں مصروف ہیں ، ہمارے حکمرانوں نے پاکستان کو امریکی کالونی بنا دیا ہے ، پاکستان میں ایک منظم پلاننگ کے تحت حالات کو بگاڑا جا رہا ہے ، کالعدم جماعتوں کے سنگین سانحات میں ملوث ہو نے کہ باوجود انہیں فری ہینڈ دینا اور ان کے خلاف کو ئی کاروائی نہ کرنا وفاقی حکومت اور سکیورٹی اداروں کی نیت کو مشکوک بنا رہا ہے ۔پنجاب میں صوبائی حکومت مسلسل دہشت گردوں کی پشت پناہ میں مصروف ہے ، بھکر میں تکفیری ٹولے کی جانب سے اہل تشیع آبادی پر مسلح حملہ اس بات کی واضح نشانی ہے کہ اب پاکستان میں کو ئی شیعہ محفوظ نہیں ہے ، دہشت گرد شام میں اپنی شکست کا بدلہ پاکستان میں اہل تشیع سے لے رہے ہیں ۔
ان خیالات کا اظہارمجلس وحدت مسلمین پاکستان کے سربراہ علامہ راجہ ناصر عباس جعفری نے ملک گیر دفاع وطن کانفرنس کی تیاریوں کے سلسلے میں ضلع ہری پور کی تحصیل خانپور میں عوامی اجتماع سے خطاب کر تے ہو ئے کیا اس موقع پر ایم ڈبلیو ایم کے مرکزی ڈپٹی سیکریٹری جنرل و سیکریٹری امور خارجہ علامہ شفقت شیرازی اور علامہ سخاوت قمی بھی موجود تھے ۔ان کا کہنا تھامسلم لیگ ن جو کہ خود کو فخریہ متعدل اور محب وطن جماعت کہلواتی ہے ، آج بھکر میں دہشت گردوں کو سپورٹ کر کے اپنی ساکھ خود داغدار کر رہی ہے ، تاریخ گواہ ہے کہ مکتب اہل بیت (ع) کے پیروکار کبھی اس مادر وطن کے خلاف کسی خیانت میں شامل نہیں ہو ئے ، کو ئی سکیورٹی ادارہ ثبوت فراہم کرے کے کسی شیعہ نے کبھی کسی سرکاری ادارے ، بازار ، مسجد، چرچ یہ کسی اہل سنت پر حملہ کیا ہو یہ ایسی کسی سازش میں شامل رہا ہو ، جب کہ پاکستان کی سالمت صبح و شام کھیلنے والے تکفیری ٹولے کو ہر قسم کی قانونی و ائینی سپورٹ فراہم کی جا رہی ہے ، حکمران جماعت اور سکیورٹی اداروں کی دہشت گردوں کوسپورٹ کی صورت میں یہ خیانت قومی نقصان ثابت ہو گی ۔
وحدت (لاہور) ضلع بھکر کے علاقوں کوٹلہ جام، پنج گرائیں اور دریا خان میں کالعدم تنظیم کے کارکنوں کی اندھا دھند فائرنگ اور نہتے شیعہ افراد کی شہادت کے خلاف مجلس وحدت مسلمین پنجاب کی جانب سے لاہور پریس کلب کے سامنے احتجاجی مظاہرہ کیا گیا، جس میں ایم ڈبلیو ایم اور آئی ایس او سمیت مختلف تنظیموں کے اراکین نے بڑی تعداد میں شرکت کی۔ مظاہرے اور دیگر رہنما بھی موجود تھے۔ مظاہرین نے بھکر میں نہتے شیعہ افراد کی شہادت پر شدید ردعمل کا اظہار کرتے ہوئے کالعدم تنظیم، صوبائی حکومت اور ضلعی پولیس و انتظامیہ کے خلاف شدید نعرے بازی کی۔
مظاہرین سے خطاب کرتے ہوئے علامہ عبدالخالق اسدی ، علامہ ابوزر مہدوی ، علامہ اقبال کامرانی اور علامہ امتیاز کاظمی نے کہا کہ صوبائی حکومت دہشت گردوں اور اور شدت پسندوں کی سرپرستی کر رہی ہے۔ ہم نے بارہا نشاہدہی کی کہ جنوبی پنجاب میں دہشت گرد منظم ہو رہے ہیں جو علاقائی امن کے لئے سنگین خطرہ بن سکتے ہیں، ان کا راستہ روکنے کی ضرورت ہے لیکن ہماری استدعا پر کان نہیں دھرے گئے، جس کا نتیجہ بھکر میں بے گناہ انسانوں کی شہادت اور امن و امان کی خرابی کی شکل میں سامنے آیا ہے۔ مقررین نے دہشت گردوں کی جارحیت کے دوران موقع پر موجود پولیس کے جانبدارنہ کردار کو شدید تنقید کا نشانہ بنایا اور مطالبہ کیا کہ ڈی پی او بھکر کو فی الفور معطل کیا جائے۔
مقرین کا کہنا تھا کہ اہل تشیع کی دکانوں اور گھروں پر ہونیوالے شدت پسندوں کے حملوں، تکفیری نعرے بازی، چادر اور چار دیواری کے تقدس کی پامالی اور اندھا دھند فائرنگ کے دوران پولیس موقع پر موجود ہونے کے باوجود خاموش تماشائی کا کردار ادا کرتی رہی، جو ہر حوالے سے قابل مذمت ہے۔ مقررین نے سانحہ بھکر کی تحقیقات کے لئے خصوصی ٹربیونل تشکیل دینے، عوام کو اصل حقائق سے آگاہ کرنے اور اپنا تحفظ کرنے والے نہتے شہریوں کی بجائے حملہ آوروں کو قانون کی گرفت میں لانے کا مطالبہ کیا۔
وحدت نیوز ( ٹیکسلا)مجلس وحدت مسلمین پاکستان سید و سالارِ شہدائے پاکستان شہید قائد علامہ عارف حسین الحسینی (رہ) کی آرزوارمانوں کی تکمیل کا نام ہے ،شہید قائد کا راستہ حریت کا راستہ ہے ، شہید قائد کی آواز وحدت کی آواز ہے ، ہم نے شہید کہ راستے ، شہید کے پیغام، شہید کی امنگوں کا احیاء کیا ہے ، اور شہید قائد کی روح کو گواہ بنا کر عہد کرتے ہیں ، کہ جب تک جسم میں ایک قطرہ خون بھی باقی ہے شہید قائد کے فکر و فلسفے سے ایک انچ بھی پیچھے نہیں ہٹیں گے ، سرزمین پاکستان پر عالمی استعمارکو ذلیل و رسوا کر نے کا عظیم کارنامہ ہمارے شہید قائد نے ہی انجام دیا تھا اور آج ہم انکے نقش قدم پر چلتے ہو ئے امریکہ و اسرائیل کے ناپاک پنجوں سے اپنی مادر وطن کو آزادی دلانے کے لئے کو شاں ہیں۔اس وطن کو اس کا شرف و کمال لو ٹا نے کے لئے مجلس وحدت مسلمین نے حریت اورآزادی کا پرچم بلند کر دیا ہے ، ہم تمام محب وطن پاکستانیوں کو دعوت عام دیتے ہیں کہ ائین اکھٹا ہوں اور پاکستان کو اس کے اصل کی جانب پلٹانے میں اپنا قومی کردار ادا کریں ، تفرقہ اس وطن کے وجود کے لئے خطرے کا باعث ہے ، ہمیں اپنی سوچ کو تعصب سے پاک کر کے وحدت و اتحاد کی روش اختیار کر نا ہو گی ۔
ان خیالات کا اظہار مجلس وحدت مسلمین پاکستان کے مرکزی سیکریٹری جنرل علامہ راجہ ناصر عباس جعفری نے ایم ڈبلیو ایم ضلع ٹیکسلا کے زیر اہتمام لبیک یا حسین (ع) کانفرنس سے خطاب کر تے ہو ئے کیاان موقع پر ایم ڈبلیو ایم کے مرکزی ڈپٹی سیکریٹری جنرل و سیکریٹری امور خارجہ علامہ شفقت شیرازی اور علامہ سخاوت قمی بھی موجود تھے ۔ان کا کہنا تھا کہ 8ستمبر کو اسلام آباد کی سرزمین پر مادر وطن کے باوفا بیٹے جمع ہو کر پاکستان دشمن قوتوں سے اظہار نفرت کریں گے ،اور پریڈ گراؤنڈ شہید قائد علامہ عارف حسین الحسینی (ر ہ) کی عظمت و سربلندی کی گواہی دے گا۔ ایک مرتبہ پھر پاکستان کے طول وعرض سے فرزندان تو حید اسلام آباد کی سرزمین پر جمع ہو کر قائد محترم مفتی جعفر حسین قبلہ مرحوم کے دور کی یا دکو تازہ کر دیں گے ۔
ان کا کہناتھا کہ شام میں زلت و حزیمت کا سامنا کر نے والے آج پاکستان میں اپنی ناکامی کا بدلہ مکتب اہل بیت (ع) کے پیروکاروں سے لے رہے ہیں ، پاکستان بھر میں خصوصاً جنوبی پنجاب کے پر امن علاقوں میں امریکی ایجنڈے پر عمل پیرا دہشت گرد گروہ اپنی توانائیاں شیعہ سنی اتحاد کے خلاف استعمال کر رہے ہیں ، بھکر میں تکفیری ٹولے کی جانب سے اہل تشیع کے جان و مال پر حملے پاکستان کو عدم استحکام کا شکار کر نے کی گہناؤنی سازش ہے ۔پاکستان میں ایک منظم پلاننگ کے تحت حالات کو بگاڑا جا رہا ہے ، کالعدم جماعتوں کے سنگین سانحات میں ملوث ہو نے کہ باوجود انہیں فری ہینڈ دینا اور ان کے خلاف کو ئی کاروائی نہ کرنا وفاقی حکومت اور سکیورٹی اداروں کی نیت کو مشکوک بنا رہا ہے ۔
علامہ راجہ ناصر عباس جعفری نے ٹیکسلا میں زینبیہ(س) اکیڈمی کا دورہ بھی کیا جہاں شہداء کے بچے زیر تعلیم ہیں ، آپ بچوں میں گھل مل گئے او ر کا فی وقت بچوں کے ساتھ گزارا ۔
وحدت نیوز ( اسلام آباد) مجلس وحدت مسلمین پاکستان کے مرکزی سیکریٹری تربیت علامہ سید احمد اقبال رضوی کی زیر قیادت چار رکنی اعلیٰ سطحی وفد نے راولپنڈی میں حضرت گولڑہ شریف(ر ح) کے سالانہ عرس اور ۱۱۳ ویں سالانہ تاجدار ختم نبوت(ص) کانفرنس میں شرکت کی ، وفد کے دیگر ارکان میں ، مرکزی سیکریٹری روابط ملک اقرار حسین ،ڈپٹی سیکریٹری جنرل پنجاب علامہ اصغر عسکری ، ضلعی سیکریٹری جنرل اسلام آباد علامہ فخر عباس علوی اور علامہ عابد حسین بھی شامل تھے ۔
مجلس وحدت مسلمین کے رہنماؤں نے علامہ سید احمد اقبال رضوی کی زیر قیادت حضرت گولڑہ شریف (ر ح) کے مزار پر حاضری دی ،چادر چڑھائی ، فاتحہ خوانی کی اور پاکستان کی ترقی ، خوشحالی ، استحکام کے لئے اور دہشت گردی سے نجات کے لئے خصوصی دعا کی ، ایم ڈبلیو ایم کے وفد نے علمائے اہل سنت سے ملاقاتیں بھی کیں ،وا ضح رہے کہ حضرت گولڑہ شریف (ر ح)کا عرس ہر سال ماہ شوال میں اسلام آباد میں انکے مزار پرمنعقد کیا جاتا ہے ، جہاں پاکستان کے طول و عرض سے لاکھوں عقیدت مند حاضری دیتے ہیں اور اپنی حاجات کی قبولیت کے لئے دعائیں مانگتے ہیں ۔
وحدت نیوز (کراچی) بھکر میں دفاع کرنے والے مظلوم شہریوں کی بجائے لشکر کشی کرنے والے دہشتگردوں کیخلاف کارروائی کی جائے، دہشت گردی بھکر میں ہو یہ دمشق میں دونوں طرف پنجابی طالبان اور ان کے رفقاء ملوث ہیں، پنجاب میں دہشتگردوں کے سرکاری سرپرست رانا ثناء اللہ کو وزارت سے برطرف کیا جائے۔ رانا ثناء اللہ قاتل اور مقتول اور حملہ آور اور مدافع میں فرق رکھیں، جب ریاست دہشت گردوں کی سرپرست بن جائے تو عوام خود اپنے دفاع کا حق محفوظ رکھتے ہیں۔ ان خیالات کا اظہار مجلس وحدت مسلمین پاکستان کراچی ڈویژن کے ڈپٹی سیکریٹری جنرل علامہ دیدار علی جلبانی، حسن ہاشمی اور علی حسین نقوی نے سانحہ بھکر کے خلاف کراچی پریس کلب کے باہر احتجاجی مظاہرے سے خطاب کرتے ہوئے کیا۔ اس موقع پر سینکڑو ں کی تعداد میں مظاہرین موجود تھے۔ جنہوں نے شہداء سے تجدید عہد کے لئے بینرز اور پلے کارڈ اٹھا رکھے تھے جن پر نعرے درج تھے۔ مقررین کا کہنا تھا کہ وزیر قانون پنجاب رانا ثناء اللہ دہشت گردوں سے رشتے داری میں قاتل و مقتول کی تمیز نہ بھولیں، بھکر میں دہشت گردوں کی ریلی کا کوٹلہ جام اور دریا خان میں بے قصور اہل تشیع پر مسلح حملہ ڈی پی او کی زیر سرپرستی کیا گیا۔ جس کو رانا ثنا اللہ کی مکمل پشت پناہی حاصل ہے۔ انہوں نے کہا کہ سانحہ بھکر پر تحقیقاتی ٹربیونل تشکیل دیا جا ئے اور رانا ثناء اللہ کو بھی شامل تفتیش کیا جائے۔
ان کا کہنا تھا کہ ایک مسلح لشکر جب آپ کے مکان، دکان، جان، عزت اور ناموس پر اعلانیہ مسلح حملہ آور ہو تو کیا اپنا دفاع کرنا گناہ ہے؟ انہوں نے کہا کہ جب پورے پنجاب میں اہل تشیع پر حملے ہوئے، سینکٹروں بیگناہ لوگ مارے گئے، تب رانا ثناء اللہ کیوں جائے وقوعہ پر نہیں پہنچے؟ ان کا کہنا تھا کہ رانا ثناء اللہ صرف یہ چاہتے ہیں کہ اہل تشیع پنجاب میں صرف قتل ہو تے رہیں اپنا دفاع نہ کریں، اس سے ان کی نوکری خطرے میں پڑجاتی ہے۔ مقررین نے مزید کہا کہ پنجاب حکومت صوبے میں امن کا قیام چاہتی ہے تو دہشت گردوں کی سرکاری سرپرستی ختم کردے ، رانا ثناء اللہ کے کالعدم دہشت گرد گروہوں سے رابطے کسی سے پو شیدہ نہیں ہیں ، بھکر میں ہو نے والی اس خونریزی میں ڈی پی او سرفراز فلکی بھی مجرم ہے ، دہشت گرد ڈی پی او کی موجودگی میں درندگی کرتے رہے ، اور انتظامیہ تماشہ دیکھتی رہی۔
وحدت نیوز (حیدرآباد) مجلس وحدت مسلمین پاکستان ضلع حیدرآباد کی جانب سے حیدرآباد پریس کلب کے سامنے احتجاج کیا گیا۔ احتجاج سے خطاب ایم ڈبلیو ایم صوبہ سندھ کے سیکریٹری جنرل علامہ مختار احمد امامی، ضلع حیدرآباد کے سیکریٹری جنرل علامہ امداد علی نسیمی اور علامہ گل حسن مرتضوی نے کیا۔ اپنے خطاب میں رہنماؤں نے کہا کہ بھکر کا واقعہ پنجاب حکومت کی ناکامی کا منہ بولتا ثبوت ہے، رانا ثناء اللہ سانحہ بھکر میں براہ راست ملوث ہے۔ رہنماؤں نے کہا کہ پنجاب حکومت بھکر کی عوام پر اتنا ظلم کرے کہ جس کا عوام کو حساب بھی دے سکے، یہ کہاں کا قانون ہے کہ ہمارے افراد کو شہید بھی کیا جائےا ور پھر ہمیں ہی گرفتار بھی کیا جائے، رانا ثناء اللہ کی ایماء پر پولیس کی جانب سے شیعہ رہنماؤں کے گھروں پر چھاپے حکومت کی دہشتگردوں کی سرپرستی کا ثبوت ہیں۔ رہنماؤں نے مزید کہا کہ اس ملک کی سیکورٹی کے نام پر چلنے والے ادارے دہشتگردوں کی پشت پناہی کررہے ہیں، سیکورٹی اداروں کو یہ باور کرانا چاہتے ہیں کہ تم اپنی حیثیت کوعوام کے سامنے واضح کرو کہ تم وطن عزیز کے خادم ہو یا دہشتگردوں کے۔ رہنماؤں نے مزید کہا کہ اگر پنجاب حکومت نے دہشتگردوں کی سرپرستی بند نہ کی اور رانا ثناء اللہ کو لگام نہ دی تو ملت جعفریہ کے احتجاج کو نواز لیگ ہمیشہ یاد رکھے گی۔
وحدت نیوز(پشاور) بزرگ عالم دین اور مجلس وحدت مسلمین پاکستان کی شوریٰ نظارت کے رکن علامہ سید حسین الاصغر الحسینی انتقال کرگئے ہیں۔ مرحوم عارضہ قلب میں مبتلا ہونے کے باعث پشاور کے لیڈی ریڈنگ اسپتال میں زیر علاج تھے، جہاں وہ اپنے خالق حقیقی سے جا ملے۔ علامہ حسین الاصغر کی میت کو ان کے آبائی علاقہ ابراہیم زئی ضلع ہنگو منتقل کر دیا گیا ہے۔ جہاں ان کی نماز جنازہ علامہ خورشید انور جوادی کی اقتداء میں ادا کی گئی۔ نماز جنازہ میں مجلس وحدت مسلمین پاکستان کے مرکزی ڈپٹی سیکرٹری جنرل علامہ محمد امین شہیدی، علامہ اقبال بہشتی، علامہ عبدالحسین الحسینی سمیت دیگر مذہبی، سیاسی اور مختلف شعبہ ہائے زندگی سے تعلق رکھنے والی اہم شخصیات نے شرکت کی۔ واضح رہے کہ علامہ سید حسین الاصغر بزرگ عالم دین اور مجلس وحدت مسلمین پاکستان کی مرکزی شوری نظارت کے رکن تھے، آپ ضلع ہنگو میں قائم مدرسہ زینبیہ (س) کے بانی بھی تھے۔
وحدت نیوز (ٹیکسلا)مجلس وحدت مسلمین پاکستان کے مرکزی سیکرٹری تبلیغات علامہ اعجاز حسین بہشتی نے شہید قائد علامہ عارف حسین الحسینی کی برسی کے موقع پر 8 ستمبر کو اسلام آباد کے پریڈ گراؤنڈ میں منعقدہ ملک گیر ’’ دفاع وطن کنونشن ‘‘ کے حوالے سے دورہ جات کا آغاز کردیا۔ اس حوالے سے انہوں نے ضلع جہلم میں ٹوبہ کے مقام پر مسجد کاظمیہ میں ایک اجتماع سے خطاب کیا، ضلع ٹیکسلا کے علاقہ سیداں میں نماز جمعہ کے اجتماع سے خطاب کیا۔ اس موقع پر انہوں نے ان علاقوں کی شیعہ شخصیات، معززین، ماتمی سالاروں سے بھی ملاقات کی اور ان کو کنونشن میں شرکت کی دعوت دی۔
مرکزی سیکرٹری تبلیغات علامہ اعجاز حسین بہشتی شہید قائد علامہ عارف حسین الحسینی کی برسی کے حوالے سے ضلع ٹیکسلا میں مختلف مقامات کا دورجات کے دوران مجلس وحدت مسلمین ضلع ٹیکسلا کی کا بینہ سے اجلاس کی صدارت بھی کی اس موقع پر ضلع ٹیکسلا کے سیکرٹری جنرل برادر بیدار حسین اپنی کابینہ کے ہمراہ موجود تھے ۔
وحدت نیوز (کوئٹہ ) مرکزی سیکریٹری وحدت یوتھ ونگ پاکستان اور انچارج وحدت اسکائوٹ فضل عباس نقوی ایڈووکیٹ نے پرنسپل جامعہ امام صادق (ع) علامہ محمد جمعہ اسدی سے ملاقات کی ، اور انہیں ۸ ستمبر کو اسلام آباد میں منعقدہ قومی دفاع وطن کانفرنس میں شرکت کی دعوت دی ، جسے علامہ جمعہ اسدی نے قبول کر لیا، علامہ جمعہ اسدی کے دفتر میں ہو نے والی اس ملاقات میں مجلس وحدت مسلمین بلوچستان کے سیکریٹری جنرل علامہ مقصود علی ڈومکی بھی موجود تھے ۔فضل عباس نقوی نے قبرستان شہداء بہشت زینب (ع) میں قبور شہداءپر حاضری دی اور فاتحہ خوانی کی۔
بعد ازاں فضل عباس نقوی نے کوئٹہ میں وحدت گرلز گائیڈ کے زیر اہتمام منعقدہ تربیتی نشست سے خطاب کیا اور خواتین کے اسلامی معاشرے میں اجتماعی کردار کے حوالے سے گفتگو کی، جب کہ ایم ایم ایس اوکے صدر اور مہدی اسکائوٹ کے چیف اسکائوٹ سے بھی علیحدہ علیحدہ ملاقاتیں کیں ،اس کے ساتھ ہی مہدی اسکائوٹ اوپن گروپ ، غازی اسکائوٹ اور دیگر اسکائوٹ گروپس کے ساتھ تربیتی اور پروفیشنل اسکلز پر نشست میں خطاب کیا۔
فضل عباس نقوی نے علامہ مقصود ڈومکی سے انکے دفتر میں ملاقات میں بلوچستان کے قومی اور تنظیمی معاملات پر گفتگو کی اس موقع پر صوبائی کابینہ کے اراکین بھی موجود تھے ،واضح رہے کہ فضل عباس نقوی تین روزہ دورہ بلوچستان پر کوئٹہ پہنچے ہیں، جس کے اختتام پر وہ دیرہ اللہ یار، جھل مگسی، نصیر آباد کے علاقوں میں وحدت یوتھ کی تیظیم سازی کے حوالے سے دورہ جات اور ملاقاتیں بھی کریں گے۔
