وحدت نیوز(بدین) مجلس وحدت مسلمین ضلع بدین کی جانب سے قائد وحدت علامہ راجہ ناصرعباس جعفری کی کال پر پارہ چنار کے مومنین سے یکجھتی کے لئے مرکزی امام بارگاہ کاشانہ زینبیہ سے بعد نماز جمعہ احتجاجی ریلی نکال کر شھر کے شاھنواز چوک پر تین گھنٹے علامتی احتجاجی دھرنا دیاگیا۔
ایم ڈبلیو ایم کے صوبائی رہنما محمود الحسن ، بدین کے جنرل سیکریٹری علامہ بھادر علوی میمن، ظھیر حیدری و دیگر نے خطاب کیا ۔ احتجاج میں وفاقی اور صوبائی حکومت کی نااہلی اور حکمرانوں کی بے حسی کے خلاف سخت نعرے بازی کی گئی۔
اس احتجاج میں ایم ڈبلیو ایم کے ضلعی صدر ارشاد علی کہیری، ڈاکٹر شفقت علی خواجہ, مقبول حسین خواجہ، سید عمران شاہ بھادر علی کورائی ،رمضان قمبرانی سمیت سینکڑوں مومنین نے بڑی تعداد میں شرکت کی۔
