The Latest
وحدت نیوز(ملتان)مجلس وحدت مسلمین عزاداری ونگ جنوبی پنجاب کے صوبائی صدر و ممبر ڈویژنل امن کمیٹی انجینئر سخاوت علی سیال نے کہا ہے کہ پاکستان کی سلامتی کے دشمن اور ان کے کٹھ پتلی تکفیری دہشت گرد وطن عزیز میں شرپسندی کا کوئی موقع ہاتھ سے جانے نہیں دیتے، پاکستانی قوم نے دہشت گردی کے خاتمے کی بھاری قیمت چکائی ہے اب ہم کسی مزید آزمائش کے متحمل نہیں ہیں۔
انہوں نے کہا کہ ملک میں دہشت گردی کا خاتمہ تکفیری عناصر کی بیخ کنی سے مشروط ہے، دہشت گرد اور ان کے فکری، جانی و مالی سہولت کار ان کے پشت پناہ ملک کی سلامتی کے دشمن اور قوم کے غدار ہیں ان کے ساتھ کسی بھی قسم کی لچک مادر وطن کے ساتھ بدترین خیانت ہوگی، سیاسی قوتوں اور طاقتور اداروں کو دہشت گردوں کی سرکوبی کے لیے ایک پیج پر رہتے ہوئے نتیجہ خیز اقدامات کرنا ہوں گے، چلاس کے المناک سانحہ کے شہدا کی بلندی درجات، لواحقین کے صبر اور زخمیوں کی جلد صحتیابی کے لیے دعاگو ہوں۔
وحدت نیوز(ملتان)وحدت یوتھ کونسل ملتان ڈویژن کا دوسرا دستوری اجلاس آج جامعہ شہید مطہری ملتان میں منعقد ہوگا، اجلاس میں تنظیمی صورتحال، حلف برداری اور آزادی فلسطین مارچ خصوصی ایجنڈے کے طور پر شامل ہے، اجلاس کی صدارت ڈویژنل صدر دلشیر علی کریں گے جبکہ مرکزی جنرل سیکرٹری وحدت یوتھ سید سجاد نقوی خصوصی شرکت کریں گے۔ اجلاس میں مجلس علمائے مکتب اہلیبیت جنوبی پنجاب کے صدر و پرنسپل جامعہ شہید مطہری ملتان علامہ قاضی نادر حسین علوی، مجلس وحدت مسلمین عزاداری ونگ جنوبی پنجاب کے صوبائی نائب صدر مرزا وجاہت علی خصوصی گفتگو کریں گے۔
وحدت نیوز(گلگت)ایم ڈبلیو ایم گلگت بلتستان کے ترجمان غلام عباس نے کہا ہے کہ صوبائی وزیر داخلہ کی مایوس کن پریس کانفرنس شہداء کے لہو پر نمک پاشی ہے۔ ہر دہشتگردی کو انڈین ٹیگ لگا کر فائل بند کر کے دہشت گردوں کو تحفظ دینے کی حکومتی روایت ناقابل برداشت ہے۔
ایک بیان میں غلام عباس کا کہنا تھا کہ قاتلوں کی تلاش ریاست کی زمہ داری ہے۔ دیامر عوام کا ریسکیو اور خون کے عطیات دینا قابل تحسین ہے۔ دہشت گردی کیلئے دیامر کی سرزمین کا انتخاب کر کے دیامر کو بدنام کرنے کی سازش کی گئی ہے۔ تمام شہداء کی بلندی درجات اور زخمیوں کی صحت یابی کی دعا اور سوگوار خاندانوں سے اظہار تعزیت و تسلیت عرض کرتے ہیں۔
وحدت نیوز(کوہاٹ )چیئرمین مجلس وحدت مسلمین پاکستان علامہ راجہ ناصر عباس جعفری نے کوہاٹ میں آزادی فلسطین مارچ کے شرکاء سے خطاب کرتے ہوئے کہاکہ بانی پاکستان نے اسرائیل کو ناجائز ریاست کہا تھا ہم اس غاصب صہیونی ریاست کو کبھی تسلیم نہیں کریں گے، ہمارے ملک میں اسرائیل کو تسلیم کرنے کی بات کرنے والے بد بخت حکمران امریکہ کے نمکخوار ہیں لیکن پاکستان کی شجاع عوام ہر حال میں اپنے مظلوم فلسطینیوں بھائیوں کے ساتھ کھڑے ہیں، ظالموں کے خلاف صدائے احتجاج بلند کرنا خدا کا محبوب ترین فعل و عمل ہے۔
یہ بات واضح ہو چکی ہے کہ اسرائیل کا کوئی مستقبل نہیں ہے مستقبل فلسطینیوں کا ہے، ہر گزرتے دن کے ساتھ اسرائیل اپنے منطقی انجام کی طرف تیزی سے بڑھ رہا ہے، مقاومت اور مزاحمت کا بیانیہ جیت رہا ہے، اسرائیل اور اس کے سرپرست رائے عامہ کی جنگ ہار چکے ہیں۔ اسی طرح آنے والے الیکشنز میں ہم پاکستان میں بھی مودی اور امریکہ کے پٹھوؤں کو شکست دیں گے، ملک میں جن جماعتوں کو امریکی و اسرائیلی پشت پناہی حاصل ہے انہیں عوام کی بھرپور حمایت سے شکست دیں گے۔
وحدت نیوز(کوئٹہ) مجلس وحدت مسلمین پاکستان علمدار روڈ کی جانب سے عظیم الشان ورکرز کنونشن کوئٹہ میں منعقد ہوا۔ جس کے مہمان خاص مرکزی سیکرٹری سیاسیات سید اسد عباس نقوی، عزاداری ونگ کے مرکزی صدر ملک اقرار حسین علوی، مرکزی سیکرٹری تنظیم سازی علامہ مقصود علی ڈومکی، مجلس علمائے مکتب اہل بیت کے مرکزی رہنماء علامہ سید ہاشم موسوی، صوبائی صدر علامہ سید ظفر عباس شمسی، صوبائی جنرل سیکریٹری سہیل اکبر شیرازی اور صوبائی نائب صدر علامہ شیخ ولایت حسین جعفری تھے۔
ورکرز کنونشن میں معززین علاقہ علمائے کرام اور تنظیمی کارکنان نے بھرپور شرکت کی۔ اس موقع پر خطاب کرتے ہوئے سید اسد عباس تقوی نے کہا کہ ایم ڈبلیو ایم نے ہمیشہ اقدار کی سیاست کی ہے۔ ہمارے اراکین اسمبلی نے آفروں کو ٹھکرا کر ایم ڈبلیو ایم اور قائد وحدت کے اہداف سے وفا کی۔
مظلوم کی حمایت، ظالم کی مخالفت اور عالمی استکباری قوتوں کے مقابلے میں اہل حق کا ساتھ دے کر مجلس وحدت مسلمین نے قائد شہید کے مشن کی تکمیل کی۔
اس موقع پر علامہ مقصود علی ڈومکی نے خطاب کرتے ہوئے کہا کہ آئندہ انتخابات میں علمدار روڈ اور ہزارہ ٹاؤن سے الیکشن میں بھرپور حصہ لیں گے۔ مجلس وحدت مسلمین باکردار محب وطن اور صالح نمائندوں کے ذریعے قوم کی خدمت کا عزم رکھتی ہے۔
مرکزی صدر عزاداری ونگ ملک اقرار حسین علوی نے کہا کہ کوئٹہ کی زینبی خواہران نے ہر مرحلے پر بہادری سے حق کا ساتھ دیا۔ سانحہ کوئٹہ کے ملک گیر دھرنے اور انتخابات ہر مرحلے پر شعبہ خواتین کی کارکردگی قابل فخر رہی ہے۔ صوبائی صدر علامہ سید ظفر عباس شمسی نے کہا کہ مجلس وحدت مسلمین عوام کی خدمت پر یقین رکھتی ہے۔
ورکرز کنونشن سے صوبائی سیکرٹری کردار سازی علامہ سید عباس موسوی، ضلع صدر ارباب لیاقت علی ہزارہ، صوبائی میڈیا کونسل کے سربراہ سید ارتضیٰ جعفری، صوبائی سیکرٹری تنظیم سید حسن ظفر شمسی، اراکین ضلعی کابینہ و خواتین اراکین نے شرکت کی۔
وحدت نیوز(کوہاٹ)مظلومین غزہ و فلسطین کی حمایت اور غاصب اسرائیل کی جارحیت کے خلاف مجلس وحدت مسلمین پاکستان خیبرپختونخواہ کے زیر اہتمام کوہاٹ میں عظیم الشان آزادی فلسطین مارچ کا انعقاد کیا گیا، جس کی قیادت سربراہ مجلس وحدت مسلمین پاکستان علامہ راجہ ناصر عباس جعفری نے کی، آزادی فلسطین مارچ ٹل پارہ چنار شاہراہ پر جلسے کی صورت اختیار کر گیا، اجتماع میں جماعت اہل حرم پاکستان کے سربراہ مفتی گلزار احمد نعیمی، مرکزی جنرل سیکرٹری سید ناصر عباس شیرازی، خیبرپختونخواہ ایم ڈبلیو ایم کے صوبائی صدر علامہ جہانزیب جعفری، مجلس علماء مکتب اہلبیت خیبرپختونخواہ کے صوبائی صدر علامہ احمد روحانی سمیت ضلع کوہاٹ، ہنگو اور اورکزئی کے علمائے کرام و عمائدین علاقہ سمیت ہزاروں کی تعداد میں عوام نے شرکت کی ۔
شرکاء نے ہاتھوں میں فلسطینی پرچم اور بینرز اٹھا رکھے تھے۔ فلسطین مارچ کے شرکاء سے خطاب کرتے ہوئے چیئرمین مجلس وحدت مسلمین پاکستان علامہ راجہ ناصر عباس جعفری نے کہاکہ بانی پاکستان نے اسرائیل کو ناجائز ریاست کہا تھا ہم اس غاصب صہیونی ریاست کو کبھی تسلیم نہیں کریں گے، ہمارے ملک میں اسرائیل کو تسلیم کرنے کی بات کرنے والے بد بخت حکمران امریکہ کے نمکخوار ہیں لیکن پاکستان کی شجاع عوام ہر حال میں اپنے مظلوم فلسطینیوں بھائیوں کے ساتھ کھڑے ہیں، ظالموں کے خلاف صدائے احتجاج بلند کرنا خدا کا محبوب ترین فعل و عمل ہے، یہ بات واضح ہو چکی ہے کہ اسرائیل کا کوئی مستقبل نہیں ہے مستقبل فلسطینیوں کا ہے، ہر گزرتے دن کے ساتھ اسرائیل اپنے منطقی انجام کی طرف تیزی سے بڑھ رہا ہے، مقاومت اور مزاحمت کا بیانیہ جیت رہا ہے، اسرائیل اور اس کے سرپرست رائے عامہ کی جنگ ہار چکے ہیں۔ اسی طرح آنے والے الیکشنز میں ہم پاکستان میں بھی مودی اور امریکہ کے پٹھوؤں کو شکست دیں گے، ملک میں جن جماعتوں کو امریکی و اسرائیلی پشت پناہی حاصل ہے انہیں عوام کی بھرپور حمایت سے شکست دیں گے۔
جماعت اہل حرم پاکستان کے سربراہ علامہ مفتی گلزار احمد نعیمی نے کہا عظیم الشان مارچ میں شریک تمام شرکاء کو خراج تحسین پیش کرتا ہوں، جو فلسطین کے ساتھ کھڑا ہے وہ حق اور جو اسرائیل کے ساتھ کھڑا ہے وہ باطل کے ساتھ ہے، ہمارے حکمرانوں نے فلسطینی کاز پر انتہائی مکروہ و قابل نفرت کردار ادا کیا ہے، ہماری غیرت مند پاکستانی قوم اہل فلسطین اور اہل غزہ کے ساتھ کھڑے ہیں، پوری دنیا میں امریکی ڈالر اور اسلحہ دہشت گردی کے لیے استعمال ہوتا ہے، امن و انسانی حقوق کے نام نہاد یورپی حکمران پوری دنیا میں دہشت گردی کے ذمہ دار ہیں۔
سید ناصر عباس شیرازی نے کہا کربلا کے ماننے والے شہادت تو قبول کر سکتے ہیں لیکن کسی ظالم کے سامنے جھک نہیں سکتے، امریکہ اور نتن یاہو غزہ میں اپنے اہداف کے حصول میں مکمل طور پر ناکام ہوئے ہیں، حماس کی شرائط پر عارضی جنگ بندی امریکہ و اسرائیل کی بدترین شکست ہے، ہم ہر ظالم کے دشمن ہیں اور ہر مظلوم کے حامی وناصر ہیں، ہم اپنے وطن پاکستان کو بھی امریکی و اسرائیلی کالونی نہیں بننے دیں گے، پاکستانی حکمرانوں کا فلسطین کے دو ریاستی حل کا راگ الاپنا پاکستان کے نظریہ کے سراسر منافی ہے۔
علامہ خورشید انور جوادی نے کہا کہ جب تک اسرائیل کا وجود باقی ہے ہماری جنگ جاری رہے گی، جس طرح جنگ خیبر میں حضرت امام علی ع نے یہودیوں کے مرکز کو نیست ونابود کیا تھا ہم بھی اس غاصب صہیونی ریاست کا خاتمہ کر کے دم لیں گے۔
صوبائی صدر ایم ڈبلیو ایم خیبر پختونخواہ علامہ جہانزیب جعفری نے استقبالیہ کلمات میں تمام مہمانان گرامی، علمائے کرام،عمائدین عظام و شرکاء علاقہ کا شکریہ ادا کیا، اجتماع سے صوبائی جنرل سیکرٹری شبیر حسین ساجدی،علامہ عبد الحسین الحسینی، علامہ زاہد حسین انقلابی، آغا تصور مہدی و دیگر مقررین نے بھی خطاب کیا۔
وحدت نیوز(اسلام آباد) چیئرمین مجلس وحدت مسلمین پاکستان علامہ راجہ ناصرعباس جعفری نے سماجی رابطے کی ویب سائٹ ایکس x پر جاری اپنے مذمتی بیان میں کہا ہے کہ چلاس میں بس پر فائرنگ کے نتیجے میں قیمتی انسانی جانوں کا ضیاع افسوسناک ہے،اس المناک سانحے کی شدید مذمت کرتا ہوں۔پاکستان کی سلامتی کے دشمن اور ان کے کٹھ پتلی تکفیری دیشت گرد وطن عزیز میں شر پسندی کا کوئی موقع ہاتھ سے جانے نہیں دیتے۔پاکستانی قوم نے دہشت گردی کے خاتمے کی بھاری قیمت چکائی ہے اب ہم کسی مزید آزمائش کے متحمل نہیں ہیں۔
انہوں نے کہا کہ ملک میں دہشت گردی کا خاتمہ تکفیری عناصر کی بیخ کنی سے مشروط ہے۔ دہشت گرد اور ان کے فکری، جانی و مالی سہولت کار ان کے پشت پناہ ملک کی سلامتی کے دشمن اور قوم کے غدار ہیں ان کے ساتھ کسی بھی قسم کی لچک مادر وطن کے ساتھ بدترین خیانت ہو گی۔سیاسی قوتوں اور طاقتور اداروں کو دہشت گردوں کی سرکوبی کے لیے ایک پیج پر رہتے ہوئے نتیجہ خیز اقدامات کرنا ہوں گے۔چلاس کے المناک سانحہ کے شہداء کی بلندی درجات ، لواحقین کے صبر اور زخمیوں کی جلد صحتیابی کے لیے دعاگو ہوں۔
وحدت نیوز(سکردو)مجلس وحدت مسلمین پاکستان گلگت بلتستان کے صدر آغا علی رضوی نے اپنے ایک بیان میں کہا ہے کہ ہڈور چلاس میں ہونے والے افسوسناک واقعے کی شدید الفاظ میں مذمت کرتے ہیں۔ یہ واقعہ گلگت بلتستان کو عدم استحکام کی طرف دھکیلنے کی کوشش ہے۔ بار بار کی توجہ کے باوجود سکیورٹی سے غفلت قابل مذمت عمل ہے۔
آغا علی رضوی نے کہا کہ حالیہ واقعہ پے درپے ہونے والے ماضی کے واقعات کے ذمہ داروں کو سزا نہ دینے کا نتیجہ ہے۔ گلگت بلتستان میں شرپسندوں اور دہشتگردوں کو تو چھوٹ ہے لیکن حقوق کے لیے آواز بلند کرنے والوں کے گرد دائرہ تنگ کیا جاتا ہے۔ اس وقت پورا گلگت بلتستان حقوق کے لیے سڑکوں پہ ہے اور ایسے میں دہشتگردی عوام کے اتحاد کو سبوتاژ کرنے کی دشمنوں کی کوشش ہے۔ اس افسوسناک واقعے میں شہید والے والے بے گناہ مسافرین کے لواحقین کو تسلیت عرض کرتے ہیں اور سکیورٹی اداروں سے مطالبہ کرتے ہیں کہ دھشتگردوں کے خلاف فوری کارروائی کرکے عوام کو دکھائیں۔ گلگت بلتستان مزید کسی سانحے کا متحمل نہیں ہوسکتا لہذا گلگت بلتستان میں موجود دہشتگردوں کا قلع قمع کیا جائے۔ ایک طرف یہاں کے عوام کو حقوق نہیں مل رہے اور دوسری طرف سکیورٹی نہیں مل رہی ہے۔ ہم زخمیوں کی جلد صحت یابی کے لیے دعا گو ہیں۔
آغا علی رضوی نے مزید کہا کہ گھٹنوں کے بل چلنے والی حکومت کی انگلی چھوڑ اور سیاست چھوڑ کر سکیورٹی ادارے عوام کی جان کی حفاظت اور خطے کی حفاظت کی فکر کریں۔ گلگت بلتستان کے تمام عوام دہشتگردوں کے خلاف متحد ہیں اور ان بزدلانہ کاروائیوں سے قوم کے حوصلے کبھی کمزور نہیں ہوں گے۔
وحدت نیوز(سکردو)رکن جی بی کونسل و پولیٹیکل سیکریٹری مجلس وحدت مسلمین گلگت بلتستان شیخ احمد علی نوری نے چلاس ہڈور میں پیش آنے والے دلخراش واقعے کی موقع پر انہوں نے ایک بیان میں کہا کہ ہڈور چلاس میں دہشتگردوں کی طرف سے مسافر بس پر ہونے والے حملے کی شدید مذمت کرتے ہیں،افسوسناک واقعے میں شہدا کے خانوادہ کو تسلیت پیش کرتے ہیں اور زخمیوں کی جلد صحتیابی کے لیے دعاگو ہیں۔
انہوں نے کہا کہ فائرنگ کا واقعہ گلگت بلتستان کے پر امن فضا کو سبوتاژ کرنے کی سازش ہے۔ایسے دلخراش واقعات رونما ہونا صوبائی حکومت کی لاپرواہی کا نتیجہ ہے۔انہوں نے مزید کہا کہ صوبائی حکومت اور ریاستی ادارے دہشتگردوں کو فی الفور گرفتار کر کے قرار واقعی سزا دیں۔
وحدت نیوز(کوئٹہ)مجلس وحدت مسلمین کے رہنماؤں نے فلسطین کے حوالے سے دو ریاستی نظریے کو مسترد کرتے ہوئے کہا ہے کہ پاکستان کا موقف رہا ہے کہ اسرائیل ناجائز ریاست ہے۔ قائداعظم نے اسرائیل کو نہ ماننے کا اعلان اور فیصلہ کیا تھا۔ انہوں نے کہا کہ فلسطین کی زمین کا ایک چپا بھی اسرائیل کے حوالے نہیں کریں گے۔ ان خیالات کا اظہار ایم ڈبلیو ایم کے مرکزی رہنماء سید اسد عباس نقوی، علامہ مقصود علی ڈومکی، امام جمعہ کوئٹہ علامہ سید ہاشم موسوی اور ایم ڈبلیو ایم کے دیگر رہنماؤں نے کوئٹہ میں پریس کانفرنس کرتے ہوئے کیا۔
علامہ مقصود علی ڈومکی نے اس موقع پر کہا کہ فلسطین میں اسرائیل نے بربریت کی انتہاء کر دی ہے۔ حماس نے خواتین کو انسانیت اور شریعت کے مطابق رہا کرکے بہترین کردار ادا کیا۔ یورپ حماس کے مجاہدین پر تنقید کرتا ہے۔ انہوں نے کہا کہ پارلیمنٹ نے فلسطین کو دو قومی نظریہ کی بنیاد پر الگ ریاست کی بات کی ہے۔ مجلس وحدت مسلمین کا موقف ہے کہ فلسطین پر اسرائیل قابض ہے۔ فلسطین کی زمین کا ایک چپا بھی اسرائیل کے حوالے نہیں کریں گے۔
پریس کانفرنس سے خطاب کرتے ہوئے ایم ڈبلیو ایم کے مرکزی رہنماء سید اسد عباس نقوی نے کہا کہ اسرائیل قابض ریاست ہے، جس نے نہتے عوام اور معصوم بچوں پر طاقت کا استعمال کیا ہے۔ اسرائیل کی جارحیت کا جواب حماس اور دیگر تنظیموں نے دیا ہے۔ انکا کہنا تھا کہ پاکستان کا موقف رہا ہے کہ اسرائیل ناجائز ریاست ہے۔ آج بھی اسرائیل کا سفر پاکستانی پاسپورٹ پر نہیں ہوسکتا ہے۔ قائداعظم نے اسرائیل کو نہ ماننے کا اعلان اور فیصلہ کیا تھا۔ حیران ہیں کہ پاکستان میں آج کیسے دو ریاستی فامولا آگیا ہے۔ پاکستان کے حکمرانوں اور مقتدر قوتوں سے مطالبہ ہے قائداعظم کا فارمولا اپنائیں۔
انہوں نے کہا کہ انتخابات کی جو تاریخ سپریم کورٹ نے دی ہے اس میں تاخیر نہیں ہونی چاہئے۔ وقت پر انتخابات اور تمام جماعتوں کو یکساں مواقع دینے سے ہی ملک میں امن واستحکام آئے گا۔ سید اسد نقوی نے کہا کہ ریاست کا کردار ماں جیسا ہو، جو لوگ بھٹک گئے ہیں ریاست انکے لئے عام معافی کے دروازے کھولے۔ بلوچستان کی محرومیوں کا ازالہ کیا جائے۔
