The Latest
وحدت نیوز(جیکب آباد)ڈی او آفس جیکب آباد میں سالانہ محفل ثنائے سید المرسلینﷺ کا اہتمام کیا گیا۔ جس میں مختلف مکاتب فکر کے لوگوں کے ساتھ ساتھ شیعہ سنی علماء کرام نے خطاب کیا۔ اس موقع پر محفل ثنائے سید المرسلینﷺ سے خطاب کرتے ہوئے مجلس وحدت مسلمین پاکستان کے مرکزی رہنما علامہ مقصود علی ڈومکی نے کہا ہے کہ سید المرسلین صلی اللہ علیہ والہ وسلم کی حیات طیبہ عالم انسانیت کے لئے نمونہ عمل ہے۔ حضور سید کونین نے اپنے پاکیزہ کردار کے ذریعے عالم انسانیت کو اعلی انسانی اقدار اخلاق حسنہ اور پاکیزہ کردار کی طرف رہنمائی کی۔
سید الانبیاء،ص کی ذات گرامی امت مسلمہ کے لئے نقطہ وحدت اور اتحاد ہے۔ آج فلسطین اور لبنان میں اسلام دشمن سامراجی قوتوں کے ہاتھوں معصوم اور بے گناہ انسانوں کا خون بہایا جا رہا ہے 41 ہزار سے زیادہ مظلوم فلسطینیوں اور ہزاروں لبنانی مسلمانوں کا خون بہانے والے امریکہ اور اسرائیل ہی عالم انسانیت کے قاتل اور مجرم ہیں۔
انہوں نے کہا کہ اب وقت آ چکا ہے کہ دنیا بھر کے مسلمان اپنے جزوی اور فروعی اختلافات کو بھلا کر آپس میں متحد ہو جائیں اتحاد بین المسلمین قران کریم کا حکم اور وقت کی ضرورت ہے۔ انہوں نے کہا کہ ہمیں اپنی نوجوان نسل کو حضور سید الانبیاء کی پاکیزہ سیرت اور قران کریم کی تعلیمات سے آشنا کرنا ہوگا تاکہ وہ اسلام دشمن استکباری قوتوں کے شیطانی منصوبوں اور مغربی ثقافتی یلغار سے خود کو محفوظ رکھ سکیں۔
وحدت نیوز(اسلام آباد)غاصب صہیونی ریاست کے فضائی حملے میں سید حسن نصر اللہ کی عظیم شہادت کے خلاف اور مقاومتِ اسلامیِ جہان کے ساتھ اظہار یکجہتی کیلئے ملی یکجہتی کونسل پاکستان کے مرکزی جنرل سیکرٹری لیاقت بلوچ اور سربراہ مجلس وحدت مسلمین پاکستان سینیٹر علامہ راجہ ناصر عباس جعفری کی دیگر مرکزی قائدین علامہ سید احمد اقبال رضوی، حسیب امیری، اشفاق نذیر، علامہ عارف واحدی، سید ناصر عباس شیرازی اور سید مرتضی نقوی کے ہمراہ پریس کانفرنس۔
مرکزی رہنما لیاقت بلوچ نے گفتگو کرتے ہوئے کہا اس وقت پوری امت، پورا عالم اسلام ایک شدید غصہ اور اضطراب میں ہے، خطہ کی صوتحال کی وجہ سے پوری امت اسلام دو ٹوک موقف ہے کہ غزہ میں فلسطینیوں پر مظالم کے پہاڑ توڑے جا رہے ہیں، غزہ میں 43ہزار سے زائد شہادتیں ہو چکی ہیں، بڑی تعداد میں گرفتار فلسطینی عقوبت خانوں میں انسانی تاریخ کے بدترین مظالم برداشت کر رہے ہیں، لبنان پر اسرائیلی صیہونی حملے خوفناک شکل اختیار کر رہے ہیں، ٹیکنالوجی کا بدترین استعمال انساننوں کو شہید کرنے کے لیئے استعمال کی جا رہی ہے، جابر و استعماری قوتیں ہلکان ہو چکے ہیں کیونکہ مزاحمت کو خاموش نہیں کر پا رہے، احمد یاسین کو ٹارگٹ کیا گیا، جبکہ اسماعیل ہنیہ کی شہادت دہرا وار تھا، لبنان کے مزاحمت کار و عظیم رہنما حسن نصر اللہ کو شہید کیئے جانے کے باوجود آزادی کی تحریک جاری ہے، آزادی کی تحریکیں نہ اسطرح رکتی ہیں اور نہ کوئی روک سکے گا۔
امت مسلمہ کو سمجھ آ رہی ہے کہ ایک ایک کر کے سب کی باری ہے، گریٹر اسرائیل کا نقشہ باقاعدہ پوری دنیا میں بانٹا گیا ہے، ہم سمجھتے ہیں کہ اقوام متحدہ اس پوری مدت میں ناکام نظر آتا ہے، اقوام متحدہ کے سیکرٹری جنرل مسلسل جنگ بندی کا مطالبہ کر رہے ہیں لیکن کوئی شنوائی نہیں، پوپ کی جنگ بندی کی آواز کو بھی نہیں سنا جا رہا، عالمی عدالت انصاف کے فیصلہ کو بھی اسرائیل ماننے کو تیار نہیں، او آئی سی کی سطح کے اجلاس اور جنگ بندی کے مطالبات پر بھی کوئی شنوائی نہیں ہوئی، عالم اسلام اسرائیل اور صیہونیت کے ظلم کے خلاف یہ آواز ہے، کیوں لاتعلق رہنے کا اظہار کیا جا رہا ہے؟ اتحاد امت ہی عالم اسلام کا سب سے بڑا حل ہے، ملت اسلامیہ کی رسوائی سے بچنے کے لیئے سب کو اکٹھا ہونا ہو گا۔
عالم اسلام کے پاس عالم اسلام کے پلیٹ فارم کو متحرک کرنے کے علاوہ کوئی حل نہیں۔ ہم دنیا بھر کے حکمرانوں سے مطالبہ کرتے ہیں کہ لاتعلقی کا سلسلہ ختم ہونا چاہیئے اور موئثر عملی اقدام کیا جانا چاہیئے، پاکستان عالمی قوتوں کا ہدف ہے۔ خطہ کے عوام کے تحفظ کے لیئے تمام ممالک کی قیادت کو آگے بڑھنے کی ضرورت ہے، اسرائیل کی بدمعاشی کو رکنے کی ضرورت ہے۔ ملی یکجہتی کونسل نے فیصلہ کیا ہے کہ ہم اسرائیل کی ناجائز ریاست کے سامنے کبھی سرینڈر نہیں کریں گے، اقوام متحدہ میں شہباز شریف کا موقف دو ریاستی حل ایک کمزور موقف ہے، اقوام متحدہ میں فلسطین کے حوالہ سے کمزور موقف اختیار کیا جائے گا تو کل کشمیر کے حل پر بھی کمزور موقف اختیار کیا جائے گا، ہم حکومت پاکستان کے کمزور موقف کو مسترد کرتے ہیں، 4 اکتوبر کو پورے ملک میں لبنان میں اسرائیلی دہشتگردی اور عالم اسلام کے عظیم مجاہد سید حسن نصراللہ کی شہادت پر اتحاد امت کا عملی مظاہرہ کرتے ہوئے اس ظلم کیخلاف اپنی آواز بلند کرے۔غزہ میں نوجوانوں کی مزاحمت تمام ظلم و جبر کے باوجود اپنی جگہ ڈٹی ہوئی ہے، 7 اکتوبر کو ہمیں بھی فلسطینیوں، لبنانیوں، کشمیریوں، شامیوں کے ساتھ اظہار یکجہتی کے لیئے نکلنا ہے، پوری قومی قیادت کو مظبوط موقف اختیار کرنے کی ضرورت ہے۔
ملی یکجہتی کونسل کے رہنما اور سربراہ مجلس وحدت مسلمین پاکستان سینیٹر علامہ راجہ ناصر عباس جعفری نے کہا کہ پیچیدہ جنگ انتہائی اہمیت کی حامل ہے جس میں مجاہدین کا مقابلہ عالم کفر سے ہے، اس جنگ کے نتائج فیصلہ کریں گے کہ آنے والی دنیا کیسی ہو گی، اگر آج مقاومت گر گئی تو اسرائیل کے آگے کوئی بند نہیں رہ سکے گا، اسرائیل سٹریٹیجک اہداف حاصل نہیں کر سکا ۔ ناکام رہے، یہ پورے جہان اسلام کی لڑائی ہے اور ہمیں ڈٹ کر ساتھ کھڑا ہونا ہے، اگر اسرائیل کے جرائم نہ رکے تو اسرائیلی ہماری گلیوں میں گھومیں گے، 7 اکتوبر کو سب نے اپنی حمایت کا اظہار کرتے ہوئے احتجاج میں شرکت کرنی ہے، فلسطین نہر سے بحر تک سارا علاقہ فلسطینیوں کا ہے، کراچی میں مظلومین فلسطین کی حمایت میں نکلنے والی ریلی پر بہیمانہ تشدد اور جابرانہ ایف آئی آر کی شدید مذمت کرتے ہیں اور اسے فوری خارج کرنے کا مطالبہ کرتے ہیں حکمرانوں کو اسرائیل کے حوالے سے منافقانہ رویہ ترک کرنا ہو گا۔
علامہ عارف واحدی نے کہا کہ 28 معتبر جماعتی اتحاد ملی یکجہتی کونسل مل کر اسرائیل مخالف احتجاج کر رہے ہیں، اسرائیل کے مقابلے میں امت مسلمہ دفاعی محاز پر کھڑی ہے، ہم سب کو ساتھ دینا ہو گا۔
وحدت نیوز(اسلام آباد) الیکشن کمیشن آف پاکستان کی مذموم سازش کے تحت مجلس وحدت مسلمین پاکستان کے ممبر قومی اسمبلی انجینئر حمید حسین ضلع کرم این اے 37 کی دوبارہ ری کاؤنٹنگ کے کیس کو سپریم کورٹ آف پاکستان بھیجنے کے خلاف سربراہ مجلس وحدت مسلمین سینیٹر علامہ راجہ ناصر عباس جعفری اور ایم این اے حمید حسین کی دیگر مرکزی قائدین کے ہمراہ پریس کانفرنس،سربراہ ایم ڈبلیو ایم سینیٹر علامہ راجہ ناصر عباس جعفری نے کہا کہ دنیا کے مہذب ممالک عوام کی رائے کے زریعے حکومت کرتے ہیں، الیکشن کے زریعے بحرانوں سے نکلا جاتا ہے، ہمارے ملک میں الیکشن ہوتا ہے تو الٹا بحران کھڑے ہو جاتے ہیں، ہار جانے والوں کو پاکستان میں دھاندلی کے زریعے اقتدار میں لایا گیا، الیکشن کمیشن اور عدالتی طریقوں سے سیٹیں چھینی جا رہی ہیں، ہارا ہوا لشکر آئینی ترامیم کرنا چاہتا ہے، موجودہ حکمران اور حزب اقتدار عوام کے منتخب کردہ نہیں بلکہ بوگس ہیں، پاکستان کے عوام انہیں قبول نہیں کرتے، لوگوں کو موجودہ نظام پر اعتماد نہیں رہا، یہ سب کا پاکستان ہے، مسلکی پاکستان نہیں، کرم ایجنسی میں زمینی مسائل کو مسلکی مسائل میں تبدیل کر کے فالٹ لائن بنائی گئی، کرم اسٹریٹجک جگہ ہے، ریفرنڈم کروا لیں، لوگ کہیں گے کہ جنگ نہیں چاہتے، کرم ایجنسی میں انجینئر حمید حسین کو عوام نے جتوایا لیکن اب انہیں ہروانے کی کوشش جاری ہے، ہم پاکستان کے تمام بیٹوں کے لیئے محبت کے داعی ہیں، ہم نفرتوں کے مخالف ہیں، 3 تاریخ کو سپریم کورٹ میں کیس سنا جائے گا جس پر عدم اطمینان ہے، عوام سے انکا مینڈیٹ نہیں چھینا جانا چاہیئے، الیکشن کمیشن درست فورم تھا، لیکن وقت گزرنے کے باوجود سپریم کورٹ چلے گئے ہیں، منتخب نمائندوں سے نشستیں چھیننا تشویش ناک ہے، اداروں پر عدم اعتماد افسوسناک ہے، شخصیات نے نہیں رہنا، اداروں نے رہنا ہے، عدل و انصاف نہ ملنا لوگوں کو غلط قانونی راستے پر لے جاتا ہے، پی ٹی آئی کے دوستوں کی نشستیں چھین کر بھی ضرورتیں پوری نہیں ہو رہیں، ہم آئینی ترامیم کو سپورٹ نہیں کریں گے، جو عوام کو ارریلیونٹ کرنے کی کوشش کرتا ہے وہ خود ارریلیونٹ ہو جاتا ہے، بہت سے حکمران قصہ پارینہ بن گئے، آپ ہمیں دیوار کے ساتھ لگائیں گے تو ہم مزاحمت کریں گے، ہم تمام تر ہتھکنڈوں کے باوجوڈ لوٹے نہیں بنے، ضمیروں کے خریدار ناکام ہو چکے، ہم نے ملک میں خانہ جنگی نہیں ہونے دی، پاکستان نے رہنا ہے، اقتدار والوں نے بھی عوام میں آنا ہے، پاکستان کے عوام آپکے جرائم نہیں بھولیں گے، پاکستان آئین و قانون کی حکمرانی کے بغیر نہیں چل سکتا، پاکستان کو مزید تباہی کی طرف نہ دھکیلا جائے پاکستان کے عوام انتہائی عدم اطمینان کا شکار ہیں۔
ممبر قومی اسمبلی کرم ایم ڈبلیو ایم انجینئر حمید حسین نے کہا کہ میں ضلع کرم کا وہ پہلا ممبر ہوں جسے سب نے ووٹ دیا، چالیں چلنے والے 8 فروری سے سرگرم ہیں، میری بیس ہزار کی لیڈ پر رزلٹ روک لیا گیا لیکن ہم ڈٹے رہے، رزلٹ دیتے وقت بھی بے ضابطگیاں موجود تھیں، میرے چار ہزار سے زائد ووٹ فارم 47 کے مطابق ہیں، فارم 49 بھی ایشو ہو گیا، کوئی ابجیکشن نہیں تھا، وقت گزر جانے کے باوجود عدالتوں نے مخالفین کو نوازنا جاری رکھا ہوا ہے، نتیجہ تبدیلی کرنے کی کوششیں حساس علاقہ میں اتحاد کے لیئے انتہائی خطرناک ہیں، پاکستان مخالف قوتیں اس بنا پر علاقہ کا امن خراب کر سکتی ہیں، پہلے مرحلے میں ہمارے حلقے کے نتائج کو لیٹ کیا گیا، اب میرے مدمقابل امیدوار ساجد حسین کی جانب سے الیکشن کمیشن کے ذریعے سپریم کورٹ میں کیس سننے کی تاریخ مقرر کی جا رہی ہے، ہم کہتے ہیں کہ یہ معاملہ انتہائی اہمیت کا حامل ہے اور حساس ایشو ہے، یہ سیٹ لینے کا معاملہ نہیں بلکہ حق کی بات ہے اور علاقے کے امن اور وحدت کو پامال نہ کیا جائے، مقتدر قوتیں ہوش کے ناخن لیں اور قانونی راستے کو غیر آئینی طریقے سے مت روندیں۔
وحدت نیوز(کراچی)حزب اللہ لبنان کے سربراہ مجاہد اسلام سید حسن نصر اللہ کی شہادت پر شہر قائد میں شیعہ مذہبی جماعتوں نے نمائش چورنگی سے امریکی قونصلیٹ تک شہیدِ راہِ قدس ریلی نکالی اور گرفتاریوں کے خلاف دھرنا بھی دیا، جس میں بڑی تعداد میں مختلف مکاتب فکر کے علماء، نوجوانوں، بزرگوں، بچوں، خواتین اور مختلف شعبہ ہائے زندگی سے تعلق رکھنے والے افراد نے شرکت کی۔ شرکاء نے بینرز اٹھا رکھے تھے، جن پر امریکا و اسرائیل مخالف نعرے درج تھے۔
امامیہ اسٹوڈنٹس آرگنائزیشن کراچی ڈویژن، مجلس وحدت مسلمین کراچی ڈویژن، شیعہ علماء کونسل اور ہیت آئمہ مساجد و علماء امامیہ کے تحت مشترکہ ریلی کے پُرامن شرکاء پر سیکیورٹی اداروں کی جانب سے بدترین شیلنگ اور تشدد کیا گیا۔ احتجاجی ریلی کے دوران علامہ حسن ظفر نقوی، علامہ باقر زیدی، علامہ ناظر عباس تقوی، علامہ اصغر شہیدی، علامہ حیدر عباس عابدی، علامہ صادق تقوی، علامہ عقیل موسیٰ، علامہ صادق جعفری، علامہ مبشر حسن، ڈاکٹر صابر ابو مریم، آئی ایس او کراچی کے صدر ظفر حیدر و دیگر رہنماؤں نے خطاب کیا۔
مقررین نے خطاب کرتے ہوئے کہا کہ لبنان میں حزب اللہ کے سیکرٹری جنرل سید حسن اللہ کی شہادت امریکی و اسرائیلی دہشتگردی ہے۔ مقررین نے شہید راہ قدس ریلی پر پولیس گردی کی شدید مذمت کرتے ہوئے کہا کہ سید حسن نصراللہ مجاہد اسلام اور امت مسلمہ کا فخر تھے، ان کی شہادت کے غم میں نکالی گئی ریلی پر پولیس کی شیلنگ شرمناک ہے، سندھ حکومت نے واضح کر دیا ہے کہ وہ مظلومین غزہ کی بجائے امریکا و اسرائیل کے ساتھ کھڑی ہے، پُرامن احتجاج پر شیلنگ اور نوجوانوں کی گرفتاریوں کا مقصد یہود و نصاریٰ کی خوشنودی حاصل کرنا ہے، طاقت و اختیارات کے ناجائز استعمال سے حق کی آواز کو دبایا نہیں جا سکتا، سندھ کے اہل تشیع مسلمان پیپلز پارٹی کی اس جارحیت کو ہمیشہ یاد رکھیں گے، ہمارے احتجاج کے آئینی حق کو دبایا نہیں جا سکتا۔
احتجاجی ریلی پر پولیس کی جانب سے شدید شیلنگ اور فائرنگ کے بعد گرفتار ہونے والے مظاہرین کی رہائی کیلئے امریکی قونصلیٹ کے قریب بحریہ کمپلیکس کے سامنے احتجاجی دھرنا بھی دیا گیا، بعد ازاں تمام گرفتار مظاہرین کی رہائی کے بعد احتجاجی مظاہرین پُرامن طور پر منتشر ہوگئے۔
وحدت نیوز(ملتان)مجلس وحدت مسلمین ضلع ملتان کی جانب سے قائد مقاومت سید حسن نصر اللہ کی المناک شہادت و لبنان کے مجاہدین اسلام سے اظہار یکجہتی اور امریکہ اور اسرائیل سے اظہار نفرت کے لئے چوک گھنٹہ گھر سے نواں شہر چوک تک ماتمی احتجاجی ریلی نکالی گئی، ریلی کی قیادت مرکزی ڈپٹی جنرل سیکرٹری مجلس وحدت مسلمین پاکستان سلیم عباس صدیقی، صوبائی صدر علامہ اقتدار حسین نقوی، صوبائی صدر مجلس علمائے مکتب اہلبیت علامہ قاضی نادر حسین علوی، ضلعی صدر فخر نسیم نے کی۔
ریلی سے ایم ڈبلیو ایم قائدین کے علاوہ مرکزی امامیہ چیف اسکاوٹ آئی ایس او پاکستان محمد شہریار، شیعہ علما کونسل ملتان کے ضلعی صدر علامہ کاشف ظہور نقوی، متحدہ جمعیت اہلحدیث کے صوبائی صدر علامہ خالد فاروقی نے شرکا ریلی سے خطاب کیا۔ ریلی میں شیعہ علما کونسل کے صوبائی رہنما علامہ شبیر حیدری، صوبائی کابینہ مجلس وحدت مسلمین سے سیکرٹری سیاسیات سید وسیم زیدی، سیکرٹری فنانس غلام حسنین انصاری، سیکرٹری تعلیم علی رضا بخاری، ضلعی کابینہ، وحدت یوتھ ڈویژنل کابینہ، عزاداری ونگ صوبائی وضلعی کابینہ مومنین و مومنات اور بچوں کی کیثر تعداد نے شرکت کی۔ آخر میں دعائے امام زمانہ کی تلاوت علامہ غضنفر حیدری نے کی۔ امریکہ اور اسرائیل کے پرچم نذر آتش کیے گئے اور ماتم داری کی گئی۔
ایم ڈبلیوایم و دیگر تنظیمات کی جانب سے سید حسن نصراللہ کی شہادت کے خلاف ٹنڈومحمدخان میں احتجاجی ریلی
وحدت نیوز(ٹنڈومحمدخان) شہید سید حسن نصر اللہ کی بیہمانہ شہادت کے خلاف شیعیان حیدر کرار، ٹنڈو محمد خان کی جانب سے جامع مسجد علی سے ایک پُرعزم اور پُرجوش احتجاجی ماتمی ریلی نکالی گئی۔ ریلی شہر کے مختلف راستوں سے گزرتی ہوئی سٹی برج پر واقع پریس کلب پہنچی، جہاں شرکاء نے دھرنا دے کر اپنے مطالبات پیش کیے۔
اس موقع پر مجلس وحدت مسلمین کے صوبائی رہنما محمود الحسن، محب علی بھٹو،آغا غلام رسول سرہیو، مولانہ کاظم مطہری، مولانا ذوالقرنین حیدر، مولانا امیر حسین رحمانی، اسداللہ رند اور جماعت اسلامی کے ضلعی رہنما حافظ لال محمد نے خطاب کرتے ہوئے اسرائیلی جارحیت کی شدید مذمت کی اور کہا کہ شہید حسن نصر اللہ کی شہادت نے اسرائیل کے مکروہ عزائم کو بے نقاب کر دیا ہے۔
انہوں نے مزید کہا کہ اسرائیلی جارحیت کا جواب بھرپور قوت سے دیا جانا چاہیے۔ اسرائیل نے حسن نصر اللہ کو شہید کر کے اپنے نابودی کا سامان فراہم کر دیا ہے۔ ریلی کا اختتام احتجاجی عزاداری اور سینہ زنی سے ہوا، جس میں شرکاء نے شہید کے غم اور اپنے غصے کا پُرجوش اظہار کیا۔
وحدت نیوز(پنوعاقل) قائد وحدت علامہ راجہ ناصر عباس جعفری نے تحریک ازادی فلسطین اور یہودی فسطائیت و بربریت کے خلاف برسر پیکار عزم و ہمت کی پیکر مسلمانوں کے حریت کی مینارہ حزب اللہ کے جنرل سیکرٹری السید حسن نصر اللہ ان کی دختر سیدہ زینب اور ساتھیوں کی صہیونی حملوں میں بیروت میں شھادت کے عظیم سانحہ پر پاکستان میں تین روزہ سوگ کا اعلان کیا ہے اور آج بروز سوموار کو اس صیہونی بربریت کے خلاف دنیا بھر کی طرح ضلع سکھر کی تحصیل پنو عاقل مین بھی احتجاجی مظاہرہ کیا گیا جس میں تمام حامیان مظلومین فلسطین شرکت کی۔ شھید قبلہ اول سید حسن نصر اللہ کی مظلومانہ شہادت، اور اسرائیلی و امریکی جارحیت کے خلاف سکھر میں مجلس وحدت مسلمین پاکستان تحصیل پنو عاقل اور وحدت یوتھ کے زیر اہتمام پریس کلب پنو عاقل پر احتجاجی مظاہرہ کی قیادت ضلعی رہنما ذوالفقار پاچڑ، تعلقہ صدر سید بشیر شاھ، مولانا سید مختیار رضوی و دیگر نے کی۔
مظاہرین نے حزب اللہ کے سیکریٹری جنرل سید حسن نصر اللہ کی شہادت اور امت مسلمہ کی مجرمانہ خاموشی پر گہرے دکھ اور افسوس کا اظہار کیا، مظاہرین سے قائدین نے اپنے خطاب مین کہا کہ تمام غیور پاکستانی سید حسن نصر اللہ کے خاندان اور فلسطینیوں کے غم میں برابر کی شریک ہے، سید حسن نصر اللہ کی شہادت سے فلسطین کی آزادی کی تحریک ختم نہیں ہوں گی بلکہ شہید کا عظیم کامیابیوں اور آزادی فلسطین کی تحریک مین شھادت کی بدولت اس تحریک مین اور جذبہ اور حوصلہ بڑھے گا۔شھید قدس شہادت کے جزبہ سے سرشار تھے۔شھید اور شھید کے خاندان کی قربانیاں رائیگان نہیں جائیں گی۔
آخر میں سید حسن نصر اللہ سمیت تمام شھداء راح حق و مدافعان قبلہ اول کے بلندی درجات اور شھید کے خاندان اور تمام فلسطینیوں کی حوصلوں کی بلندی کے لئے بلندی درجات کے لئے دعائیں بھی کی گئین۔ملک چھوٹے بڑے شہروں میں اسرائیلی جارحیت کے خلاف اور سید حسن نصر اللہ کی شھادت پر بھرپور مظاہروں کا سلسلہ جاری ہے۔
وحدت نیوز(کوئٹہ)بلوچستان کے صوبائی دارالحکومت کوئٹہ میں مزاحمتی تحریک حزب اللہ کے سربراہ حسن نصراللہ کی شہادت کے خلاف اور پاراچنار، فلسطین، لبنان اور افغانستان کے مظلومین کی حمایت کے سلسلے میں احتجاجی ریلی نکالی گئی۔
کوئٹہ کے عوام کی جانب سے احتجاجی ریلی علمدار روڈ میں مسجد ولی عصر سے نکالی گئی، جو شہداء چوک علمدار روڈ پر اختتام پذیر ہوئی۔ریلی میں مجلس وحدت مسلمین کے مرکزی رہنما علامہ سید ہاشم موسوی، علامہ ولایت جعفری، بلوچستان شیعہ کانفرنس کے صدر جواد رفیعی و دیگر رہنماؤں نے خطاب کیا۔
اس موقع پر علماء کرام، عمائدین، عوام الناس، بچوں، خواتین اور بزرگوں پر مشتمل مظاہرین نے اسرائیل کے خلاف نعرے بازی کی اور مختلف پلے کارڈز اٹھا کر مظلومین سے یکجہتی کا اظہار کیا۔
اس موقع پر مقررین نے خطاب کرتے ہوئے حزب اللہ کے سربراہ حسن نصراللہ کی شہادت کی مذمت کرتے ہوئے کہا کہ اسرائیل مسلسل مسلمانوں پر ظلم و ستم کئے جا رہا ہے۔ مسلم دنیا کو اس کے خلاف متحد ہونا ہوگا۔ انہوں نے کہا کہ فلسطین میں غزہ کے بعد اب لبنان کے عوام کو بھی ظلم و ستم کا نشانہ بنایا جا رہا ہے۔ مظاہرین نے اس موقع پر پاراچنار اور افغانستان میں جاری مظالم کا بھی تذکرہ کیا۔
وحدت نیوز(لاھور) مجلس وحدت مسلمین پاکستان ،امامیہ اسٹوڈنٹس آرگنائزیشن پاکستان ،امامیہ آرگنائزیشن پاکستان ،بیداری امت مصطفی پاکستان اور لاہور شہر کی مقامی مذہبی انجمنوں کے باہمی اشتراک سے شہید مقاومت آیت اللہ سید حسن نصر اللہ رحمتہ اللہ علیہ اور ان ساتھیوں کی شہادت کی مناسبت سے ان شہداء مقاومت کو خراج تحسین پیش کرنے کے لیے لاہور اسمبلی ہال تا امریکن قونصلیٹ لاہور ایک عظیم الشان احتجاجی ریلی نکالی گئی ۔ ریلی میں خواتین اور بچوں کی ایک بہت بڑی تعداد شریک تھی ۔ شرکاء ریلی مسلسل مردہ باد امریکہ ،مردہ باد اسرائیل اور مردہ باد منافقین کے نعرے لگاتے رہے ۔ مقررین نے اپنے خطابات میں شہدائے لبنان کو خراج عقیدت پیش کیا ۔
اس احتجاجی ریلی میں تمام مسالک کی شخصیات ،مدارس کے علماء اور طلباء کے علاؤہ مختلف تنظیموں کے نمائندوں اور معزز اراکین نے شرکت کی ریلی کے اختتام پر جامعہ عروہ الوثقی کی نمائندگی کرتے ہوئے جناب حجت الاسلام و المسلمین علی رضا مطہری ،امامیہ اسٹوڈنٹس آرگنائزیشن پاکستان کے مرکزی صدر جناب برادر حسن عارف نے خطاب کیا جبکہ ریلی کے راستے میں تمام تنظیموں کے نمائندوں نے بھی اپنی اپنی تنظیم اور جماعت کی نمائندگی کرتے ہوئے خطابات کیے ۔
ریلی کے اختتام پر مرکزی خطاب جناب حجت الاسلام و المسلمین علامہ سید احمد اقبال رضوی وائس چیئرمین مجلس وحدت مسلمین پاکستان نے کیا ۔
آغا صاحب نے بہت ہی خوبصورت انداز میں شہدائے لبنان کو خراج عقیدت پیش کیا اور شرکاء ریلی میں جذبہ شہادت کو اجاگر کرتے ہوئے بہت خوبصورت انداز میں شرکاء ریلی میں جذبہ اور ولولہ پیدا کیا ۔ شرکاء ریلی کافی دیر تک لبیک یا رسول اللہ صلی اللہ علیہ وآلہ وسلّم ، لبیک یا حسین علیہ السلام ،لبیک یامھدی علیہ السلام ،لبیک یازینب(س) لبیک یا نصراللہ ،ھیھات من الذلہ ،شہادت شہادت سعادت سعادت اور اسلام کے بڑے دشمن امریکہ اور اس کی ناجائز اولاد اسرائیل کے خلاف نعرے لگاتے رہے ۔ ریلی میں شرکاء کے احساسات اور جذبات دیدنی تھے ۔
امریکن قونصلیٹ لاہور کے سامنے بچوں سے لیکر بزرگوں تک سب ملکر بڑے ظالم ،جابر،مستکبر،اور شیطان بزرگ امریکہ اور اسرائیل کے خلاف سراپا احتجاج نظر آئے ۔ ریلی کے شرکاء نےحزب اللہ ،فلسطین کے پرچم اور شہید آیت اللہ سید حسن نصر اللہ کی تصاویر ہاتھوں میں اٹھا رکھی تھیں ۔ ریلی کی کوریج کے لئے مختلف چینلز اور نیوز ایجنسیوں کے نمائندے مسلسل رپورٹنگ کرتے نظر آئے ۔ ریلی میں موجود مختلف شخصیات کے انٹرویوز بھی کیے گئے ۔ سوشل ایکٹیویٹیس اور یوٹیوبرز کی ایک بڑی تعداد بھی لاہور کی اس احتجاجی ریلی کی کوریج کرتی رہی ۔
وحدت نیوز(اسلام آباد) مجلس وحدت مسلمین پاکستان کے سربراہ سینیٹر علامہ راجہ ناصر عباس جعفری کی اپیل پر ملک کے چاروں صوبائی دارلحکومت حکومتوں سمیت گلگت بلتستان اور آزاد کشمیر میں شہید راہ قدس سید حسن نصراللہ کی شہادت پر غاصب اسرائیل کے خلاف احتجاجی ریلیاں اور مظاہرے کیئے گئے، ملک بھر کے احتجاجی اجتماعات میں مرد و خواتین سمیت بڑی تعداد میں افراد کی شرکت۔
ریلی کے شرکاء امریکہ و اسرائیل کیخلاف فلک شگاف نعرے لگا رہے تھےجبکہ ہاتھوںمیں حزب اللہ اور فلسطین کے پرچموں سمیت شہید حسن نصراللہ کی تصاویر اٹھارکھی تھیں ۔کراچی، لاہور، فیصل آباد اور ملتان اورملک بھر کے چھوٹےبڑے شہروں ، قصبوں اور دیہاتوںکی طرح وفاقی دارلحکومت اسلام آباد میں بھی احتجاجی ریلی آبپارہ چوک سے امریکی سفارت خانے تک نکالی گئی۔
سربراہ مجلس وحدت مسلمین سینیٹر علامہ راجہ ناصر عباس جعفری نے احتجاجی ریلی کی قیادت کرتے ہوئے اپنے خطاب میں کہا کہ جو اللہ کی راہ میں قتل کر دیئے جائیں ان کے بارے گمان نہ کرنا کہ وہ مر گئے ہیں۔ بلکہ وہ زندہ ہیں اور اپنے رب سے رزق پاتے ہیں، وہ سب خوش ہیں۔ میرا دل بہت رنجیدہ ہے، لیکن یہ بہت بڑی کامیابی ہے، سب نے جنگ ختم کرنے کا کہا لیکن سید نے کہا جب تک غزہ پر جنگ بندی نہیں ہوتی وہ اسرائیل پر حملے نہیں روکیں گے، اسرائیل جس مقاومت کے محاصرے میں پھنس چکا ہے اور وہ اپنے خاتمے تک نہیں نکل سکتے، امریکہ و اسرائیل ہم سب مسلمانوں کا دشمن ہے اور ہم اس اسلام کے اذلی دشمن کی دشمنی سے ایک قدم بھی پیچھے نہیں ہٹیں گے، چاہے ہمارے جسموں کو چھلنی کر دیا جائے، ہم اپنے رہبر عظیم کے حکم پر لبیک کہتے ہوئے میدان میں ہر وقت حاضر ہونگے۔
سید ناصر عباس شیرازی مرکزی جنرل سیکرٹری ایم ڈبلیو ایم پاکستان نے ریلی سے خطاب کرتے ہوئے کہا کہ دنیا دور حاضر کی کربلا میں اسرائیل کی نابودی کو دیکھے گی۔ سب جانتے ہیں کربلا میں پرچم گرتے نہیں ایک سے دوسرے ہاتھوں میں منتقل ہوتے ہیں۔ ہمارے سارے کنبے قدس، غزہ اور حزب اللہ کے لیئے قربان ہونے کے لیئے تیار ھیں۔ ہم جسد واحد ہیں اپنے فلسطینی اور لبنانی بھائیوں کو کبھی تنہاء نہیں چھوڑیں گے۔ ہم اپنے جسم میں موجود خون کے آخری قطرے تک قدس کا دفاع کریں گے۔
مجلس وحدت مسلمین کے زیر اہتمام شہید قدس ریلی سے مجلس وحدت مسلمین کے مرکزی رہنما علامہ حسنین گردیزی نے کہا کہ سید حسن نصراللہ شہید کی شھادت اسرائیل کا خاتمہ ثابت ہوگا۔ امریکہ اور اسرائیل دنیائے اسلام کے ازلی دشمن ہے, فلسطین کی آزادی نوشتہ دیوار ہے۔
صوبائی صدر علامہ سید علی اکبر کاظمی مجلس وحدت مسلمین پنجاب نے کہا کہ شہید سید حسن نصراللہ نے اپنی ساری زندگی دشمنان اسلام کے خلاف عظیم جہاد کیا۔ آپ نے کسی بھی بے گناہ کا خون نہیں بہایا اور نہ ہی ڈالروں کے عوض مسلمانوں میں رخنہ ڈالا۔مجھے اپنے ملک پر فخر ہے جس نے مجھے یہ بتایا کہ اسرائیل ایک ناجائز اور غاصب ریاست ہے۔ سر زمین پاکستان پر ہم کسی امریکی سوچ کو ہرگز پنپنے نہیں دیں گے۔
مولانا تصور مہدی مرکزی صدر وحدت یوتھ پاکستان نے کہا کہ شہید راہ قدس کی شہادت پر تمام سوگوار مسلمین کو تعزیت پیش کرتا ہوں۔ شہید کی موت کے ساتھ یہ راستہ کمزور نہیں بلکہ پہلے سے زیادہ طاقٹور ہو گا۔ ہمارے دل مغموم ہیں لیکن ہم پرامید ہیں کہ یہ تحریک مقاومت بہت جلد اسرائیل کو نابودی تک پہنچا دے گی۔ریلی کے دیگر مقررین میں ملک اقرار حسین، انجینئر سید ظہیر نقوی، علامہ اعوان علی شاہ اور اسداللہ چیمہ بھی شامل تھے۔
لاھور میں اسمبلی ہال سے امریکی قونصلیٹ تک شہید راہِ قدس ریلی کا انعقاد کیا گیا۔ ریلی میں مرکزی خطاب مجلس وحدت مسلمین کے وائس چیئرمین علامہ سید احمد اقبال رضوی اور امامیہ اسٹوڈنٹس آرگنائزیشن پاکستان کے مرکزی صدر برادر حسن عارف نے کیا۔ ریلی میں اہلِیانِ لاہور نے بھرپور شرکت کی اور سیدِ مقاومت کو خراجِ تحسین پیش کیا ۔
کراچی میں مرکزی طریق القدس ریلی نمائش چورنگی سے امریکن قونصلیٹ تک نکالی گئی جس کی قیادت ایم ڈبلیوایم کے مرکزی رہنما علامہ سید حسن ظفرنقوی ، علامہ سید باقر عباس زیدی،شیعہ علماءکونسل کے مرکزی رہنما علامہ ناظرعباس تقوی ودیگر علمائےکرام نے کی ،ہزاروں کی تعداد میں مرد وخواتین شرکاءریلی معصوم بچوں کے ہمراہ امریکی قونصلیٹ کے نذدیک پہنچے تو سندھ پولیس اور رینجرز کے اہلکاروں نے نہتے مظاہرین پر اندھادھند فائرنگ اور شیلنگ کردی ۔بعد ازاں چند مظاہرین کو گرفتار بھی کیا گیا جنہیں مذاکرات کے بعد رہا کردیا گیا۔
