The Latest

وحدت نیوز(شورکوٹ) پشاور کی کوچہ رسالدار مسجد میں خود کش حملے میں شہید ہونے والے شورکوٹ کے شہری آصف آفتاب کی رسم چہلم ادا کردی گئی، چہلم کی مجلس میں اہل علاقہ، علمائے کرام اور عوام کی بڑی تعداد نے شرکت کی۔ چہلم کی مجلس کے بعد ریلی کی شکل میں نوحہ خوانی کرتے ہوئے شہید کی قبر پر حاضری دی اور فاتحہ خوانی بھی کی۔

چہلم کی مجلس سے مجلس وحدت مسلمین جنوبی پنجاب کے سیکرٹری جنرل علامہ سید اقتدار حسین نقوی، مولانا انور علی گڑھ مہاراجہ، مولانا عقیل عباس خان چنیوٹ، مولانا سید روح اللہ کاظمی، مظفر علوی، مولانا اظہر عباس حیدری سمیت دیگر نے خطاب کیا۔

 علامہ اقتدار حسین نقوی نے اپنے خطاب میں کہا کہ شہادت ہمارے لیے نعمت ہے اور یہ ہمارے آئمہ کی خواہش رہی ہے، ہم لوگ شہادتوں سے ڈرنے والے نہیں ہیں، ولایت امیر المومنین اور ذکر سید الشہداء ہمارے روح کا حصہ ہیں جو ہم سے کوئی نہیں چھین سکتا۔

وحدت نیوز(لاہور) آٹھ شوال یوم انہدام جنت البقیع کے موقع پر مجلس وحدت مسلمین شعبہ خواتین لاہور کی جانب سے کاسمو کلب باغ جناح میں یوتھ کانفرنس کا انعقاد کیا گیا۔ کانفرنسن کی صدارت سیکرٹری جنرل ایم ڈبلیو ایم شعبہ خواتین لاہور حنا تقوی نے کی۔ کانفرنس میں ضلعی کابینہ اراکین عظمی نقوی، نجبہ علوی، معصومہ محقق، عالیہ رضوی، عندلیب زہرا، رضوانہ، عندلیب آغا سمیت خواتین بالخصوص بچیوں نے بھرپور تعداد میں شرکت کی۔ کانفرنس کے خطاب میں حنا تقوی نے کہا کہ دختر رسول خدا صلی اللہ علیہ و آلہ وسلم، آئمہ اہلبیت، ازواج و اصحاب رسول (ص) کے مزارات کو مسمار کرنا آل سعود کا گھناونا اور ناقابل معافی جرم ہے۔

انہوں نے کہاکہ جنت البقیع کو منہدم کرنے والے شیطان صفت لوگوں نے اس قبیح فعل سے دین اسلام کو زک پہنچائی ہے۔ انہوں نے کہا آل سعود کے اس قبیح فعل کی پیروی کرتے ہوئے داعش نے انبیاء و اولیاء کے مزارات کی بے حرمتی کی، یہ آل سعود کے غلط افکار اور خرافاتی دین کا نتیجہ ہے، کہ ملعون رشدی جیسے شاتم رسول پیدا ہوئے، جنہوں نے رسالت مآب (ص) کی شان میں گستاخانہ خاکے بنائے، خدا کی لعنت ہو ایسے گروہ پر جو دین اسلام کیلئے ننگ و عار کا باعث ہے۔ انہوں نے کہا کہ سرزمین مقدس کو فحاشی و عریانی کا مرکز بنایا جا رہا ہے، آل سعود امریکہ و اسرائیل کی ایماء پر مکہ و مدینہ جیسے مقدس مقامات کی توہین کر رہی ہے۔

انہوں نے کہا کہ یہودیوں کے اشتراک کیساتھ مسلمان ممالک میں خون کی ندیاں بہہ رہی ہیں، سرزمین حجاز میں غیرمسلموں کے آثار تو محفوظ ہیں، لیکن مسلمانوں کی مقدس ہستیوں کی قبور کے آثار مٹا دیئے گئے اور دنیا بھر کے مسلمانوں کی پیٹھ پر خنجر گھونپا گیا۔ یوتھ کانفرنس کے اختتام پر تمام شرکاء نے لارنس روڈ پر پلے کارڈز اٹھا کر آل سعود مردہ باد کے نعرے بلند کرتے ہوئے شدید احتجاج کیا۔ شرکاء نے مطالبہ کیا کہ جنت البقیع کی فوری طور پر دوبارہ تعمیر شروع کی جائے اور شعائر اسلام کی حفاظت کی جائے۔

وحدت نیوز(اسلام آباد) مجلس وحدت مسلمین پاکستان کے تین روزہ مرکزی کنونشن کا انعقاد 13 تا15مئی امام بارگاہ جامع الصادق اسلام آباد میںہو گا۔جس میں ملک بھر سے ایم ڈبلیو ایم کے مرکزی و صوبائی اراکین شرکت کریں گے۔کنونشن کے پہلے روز مختلف اضلاع کی کارکردگی کا جائزہ لیا جائےگا اور نمایاں کارکردگی سرانجام دینے والے اضلاع کواسناد اور اعزازی شیلڈزپیش کی جائیں گی۔

شہدائے پاکستان کے نام سے منسوب شب شہدا بھی کنونشن کے پہلے دن کی تقریبات کا حصہ ہو گا۔کنونشن کے دوسرے روز صوبوں کی کارکردگی کا جائزہ لیا جائے گا۔ تمام صوبوں کے صوبائی سیکرٹری جنرل اپنے اپنے صوبوں کی کارکردگی رپورٹ پیش کریں گے۔اسی روز دستوری ترامیم پر بھی بحث ہو گی اور اسے منظوری کے لیے پیش کیا جائے گااورمرکزی عہدیداروں کے شعبہ جات کے بارے میںسوال و جواب بھی اس نشست کا حصہ ہوں گے۔

نشست کے اختتام پر مجلس وحدت مسلمین کے مرکزی سیکرٹری جنرل علامہ راجہ ناصر عباس جعفری اختتامی خطاب کریں گے۔کنونشن کے آخری روز اتحاد بین المسلمین کے عنوان سے وحدت کانفرنس کا انعقاد کیا جائے گا وحدت کانفرنس سے قبل مرکزی صدر کے انتخاب کے لیے ووٹنگ ہو گی۔شوری عالی کے سربراہ کی طرف سے نومنتخب صدر کے نام کا اعلان کیا جائے گا۔ بعد ازاں مجلس وحدت مسلمین کے نو منتخب سربراہ پریس کانفرنس سے خطاب کریں گے۔

وحدت نیوز(کوئٹہ)وحدت مسلمین کے مرکزی رہنماء اور امام جمعہ کوئٹہ علامہ سید ہاشم موسوی نے یوم انہدام جنت البقیع پر اپنے بیان میں کہا ہے کہ اسلام ایک مکمل ضابطہ حیات ہے۔ جس میں درجہ اول میں پروردگار عالم، انبیاء کرام و آئمہ طاہرین علیہ السلام اور انکے بعد دیگر اولیاء الٰہی اور بزرگان دین کے ساتھ ساتھ عام انسانوں کا احترام بھی کیا جاتا ہے، چاہے وہ اس دنیا میں ہو یا چلے گئے ہو۔ انہوں نے اہلبیت اطہار کی عظمت کی طرف اشارہ کرتے ہوئے کہا کہ بلخصوص اہلبیتؑ، انبیاء اور بزرگان دین کے قبور کا احترام لازم ہے۔ انکے زیارت پر جاکر ان سے درس انسانیت حاصل کرنا ایک بہترین روش ہے۔

انہوں نے کہا کہ دین اسلام اسکا درس بھی دیتا ہے اور اسکی طرف اشارہ بھی کرتا ہے۔ مگر افسوس کا مقام ہے کہ تقریباً اڑھائی سو سال پہلے انگریزوں اور شیطان پرستوں نے ایسے مذہب کی بنیاد رکھی جو شیطان پرستی، انحرافات، اسلام کے قوانین سے دوری اور اسلام کے نام پر اصل اسلام کے پیغامات سے لوگوں کی توجہ کو ہٹانا تھا۔ انہی میں سے ایک یہ تھا کہ قبور کی زیارت نہ ہو۔ حتیٰ کہ رسول (ص) و آل رسول علیہ السلام، جن کی قبور انسان کی دنیا و آخریت کیلئے بہترین مشعل راہ ہے اور ان حستیوں کی زیارت سے انسان درس دین، درس توحید اور درس انسانیت حاصل کرتا ہے، انکی قبور پر بھی جانے کو حرام قرار دیا اور اسی کی آڑ میں انہوں نے مدینہ منورہ میں ایک قدیم تاریخی قبرستان، جس میں اہلبیت اطہارؑ اور چار معصوم اماموں کے علاوہ اصحاب کرام اور بزرگ حستیاں مدفون تھے، انکے مزارات مقدسہ کو منہدم کردیا گیا۔ اس طرح شیطانی ایجنڈے کو پائے تکمیل تک پہنچانے کی کوشش کی گئی۔

 علامہ سید ہاشم موسوی نے کہا کہ اسکے بعد انہوں نے قبور کی زیارت پر جانے والے افراد کو نماز زیارت اور دیگر دینی امور سے روکنا شروع کردیا اور یہ سلسلہ اب تک چل رہا ہے جو کہ قابل مذمت ہے۔ انکا یہ اقدام فطرت، اسلام اور دین سے انحرام کی ایک ناپاک شکل ہے، جسے انجام دیا جا رہا ہے۔ اسکے علاوہ پوری دنیا میں جنگ، فساد اور فرقہ پرستی کو پروان چھڑایا گیا۔ جسکی وجہ سے پوری دنیا میں لاکھوں کی تعداد میں فرزندان توحید انکا شکار ہوئیں۔ یہ سلسلہ یہی نہ رکھا بلکہ ان قوتوں نے لاکھوں کی تعداد میں معصوم مسلمانوں کا خون بہایا اور دہشتگردی کروائی۔ جو کہ قابل صد مذمت ہے۔ انہوں نے افسردگی کا اظہار کرتے ہوئے کہا کہ ہم آج تک اس درد کو محسوس کررہے ہیں کہ اہلبیت اطہار اور بلخصوص چار امام معصوم حضرت امام حسن مجتبیٰؑ، حضرت امام زین العابدینؑ، حضرت امام باقرؑ، حضرت امام جعفر صادقؑ، ابولفضل عباس کی والدہ حضرت ام البنین اور حضرت اسماعیل ابن جعفر صادق سمیت دیگر اہلبیت و صحابہ کے قبور کو منہدم کردیا گیا۔ انہوں نے امام زمانہ کیلئے ہدیہ تسلیت عرض کرتے ہوئے کہا کہ انہدام جنت البقیع سے تمام مسلمانوں کے دل غمگین ہوئے۔

وحدت نیوز(کراچی)مجلس وحدت مسلمین سندھ کے صوبائی سیکرٹری جنرل علامہ باقر عباس زیدی نے یوم انہدام جنت البقیع کی مناسبت سے جاری اپنے پیغام میں کہا ہے کہ 8 شوال عالم اسلام کے لئے یوم سوگ ہے، آل سعود نے اہلبیت اطہار علیہم السلام، ازواج رسول (ص) اور صحابہ کرام (رض) کی قبروں کو مسمار کرکے صیہونیوں کے اسلام دشمن ایجنڈے کو تقویت دی ہے، حجاز مقدس کی پاک سرزمین پر آل سعود کا وجود ایک ناقابل برداشت بوجھ ہے، ان خائن حکمرانوں نے اسلام کی طاقت کو مضبوط کرنے کی بجائے ہمیشہ یہود و نصاریٰ کی نصرت کی، جو حکمران فلسطین و یمن کے مظلوم مسلمانوں کے مخالف اور اسرائیل و امریکہ جیسے اسلام دشمنوں کے حامی ہوں، وہ مسلمان کہلانے کے کیسے مستحق ہوسکتے ہیں۔ انہوں نے کہا کہ سعودی حکمرانوں نے شدت پسندی کا راستہ ترک کرکے لبرل ازم کی راہ کا انتخاب کر لیا ہے، میوزک کنسرٹس، جوئے خانوں اور مخلوط رنگین محفلوں کی کھلم کھلا آزادی دی جا چکی ہے۔

ان کا کہنا تھا کہ دین کے نام پر نبی زادی کا روضہ زمین بوس کرنے والوں کا سماجی اعتبار سے عمل و کردار تبدیل ہوچکا ہے، جنت البقیع کی ازسر نو تعمیر پر سعودی حکومت کی طرف سے انکار کا کوئی اخلاقی جواز اب باقی نہیں بچا، عالم اسلام پر حکمرانی کے خواب دیکھنے والے اپنے عالیشان محلوں میں مقید ہوکر رہ گئے ہیں، اپنے اجداد کی اشیاء کو تبرکات کا درجہ دے کر عجائب گھروں میں سجانے اور جنت البقیع کے مزارات کو شرک کے نام پر ملیامیٹ کرنے والوں کا عبرتناک انجام قریب پہنچ چکا ہے، سعودی حکومت فوری طور جنت البقیع کی سابق حیثیت و ہیئت بحال کرنے کے لئے اقدامات کا اعلان کرے۔ انہوں نے امت مسلمہ، مسلم حکمرانوں سے مطالبہ کیا کہ وہ جنت البقیع کی تعمیر کے لئے سعودی حکومت پر زور دے۔

وحدت نیوز(کوئٹہ) یوم انہدام جنت البقیع کے موقع پر کوئٹہ میں واقع مدرسہ خاتم النبیین کے زیر اہتمام احتجاجی مظاہرہ ہوا۔ اس موقع پر 8 شوال 1926 کو تاریخ اسلام کا سیاہ ترین دن کر دیا گیا۔ جب آل سعود نے دختر رسول اللہ صلی اللہ علیہ وآلہ وسلم بی بی فاطمہ الزھراء، سردار جنت امام حسن مجتبیٰؑ و آل رسول کے روضہ ہائے مقدسہ جنت البقیع کو شرک کا فتوی لگا کر شہید کیا تھا۔

مجلس وحدت مسلمین پاکستان کے مرکزی ترجمان مقصود علی ڈومکی نے احتجاجی مظاہرے سے خطاب کرتے ہوئے کہا کہ 8 شوال 1344 ہجری کو سعودی عرب کے بادشاہ عبدالعزيز بن سعود نے جنت البقیع میں حضرت بی بی فاطمہ الزھراء بنت رسول خدا علیہما السلام، امام حسن مجتبی علیہ السلام، امام زین العابدین علیہ السلام، امام محمد باقر علیہ السلام، امام جعفر صادق علیہ السلام اور اصحاب رسول خدا صلی اللہ علیہ والہ وسلم کے مزارات مقدسہ منہدم کرا دیئے تھے۔

علامہ مقصود علی ڈومکی نے کہا کہ آل سعود نے آل رسول کی بے احترامی کی۔ بنی امیہ و بنی عباس نے آل رسول کو شہید کیا اور آل سعود نے آل رسول کی قبروں کی بے احترامی کی اور مزارات کو منہدم کر دیا۔ تقریبا 99 سال گزر چکے، مگر آل سعود تعمیرات کی اجازت نہیں دے رہی۔ آل سعود نے کروڑوں مسلمانوں کو سوگوار کردیا ہے۔

انہوں نے کہا کہ آل سعود نے شعائر اللہ کی توہین کرتے ہوئے سرزمین وحی پر فحاشی و عریانی کو فروغ دیا۔ حجاب اور شعائر دین کو پامال کیا، جبکہ امریکہ اور اسرائیل کی غلامی اختیار کرتے ہوئے یمنی مسلمانوں پر بمباری کی۔ انہوں نے مطالبہ کیا کہ جنت البقیع اور جنت المعلی کو دوبارہ تعمیر کیا جائے۔

وحدت نیوز(اسلام آباد) مجلس علماء شیعہ پاکستان کے مرکزی صدر علامہ حسنین عباس گردیزی کی صدارت مجلس وحدت مسلمین پاکستان کے سنٹرل سیکرٹریٹ میں ایک اہم اجلاس منعقد ہوا، اجلاس میں علامہ حسنین عباس گردیزی کے علاوہ حجۃ الاسلام والمسلمین جان محمد حیدری معاون شعبہ تربیت ، حجۃ الاسلام والمسلمین عیسی امینی معاون صدر مجلس علماء شیعہ پاکستان ، حجۃ الاسلام والمسلمین علی شیر انصاری معاون مجلس علماء شیعہ پاکستان ضلع اسلام آباد اور مولانا ظہیر الحسن کربلائی مرکزی کوارڈینیٹر شعبہ تربیت نے شرکت کی۔

 اجلاس  میں دستوری ڈھانچے پر گفتگو کی گئی اور ایک مجوزہ ڈھانچے کی سفارشات مرتب کی گئیں جو جلد ایک مسودے کی صورت میں دستوری کمیٹی کے سپرد کیا جائے گا۔ اس کے علاوہ جناب عیسی امینی کو مجلس علماء شیعہ پاکستان کے صدرکا معاون نامزد کیا گیا اور آفس سیکرٹری کی ذمہ دار دی گئی ۔انہیں ان کی ذمہ داری سے آگاہ کیا اور دفتر کے لیے ایک کمرہ ان کے لیے مختص کیا گیا۔ ان شاءاللہ تعالیٰ آئندہ علماء کرام سے روابط کی ذمہ داری بھی نبھائیں گے۔ اجلاس میں ان کے لیے نیک خواہشات کا اظہار کیا گیا۔ آج کے اجلاس میں جناب مولانا عیسیٰ امینی کو مجلس وحدت مسلمین پاکستان کے اس اہم ذیلی ادارے کے حوالے سے بریفنگ دی گئی ۔

وحدت نیوز(گڑھی یاسین)  مجلس وحدت مسلمین صوبہ سندھ نے آمدہ بلدیاتی انتخابات کے پہلے مرحلے میں ہونے والے انتخابات میں مجلس وحدت مسلمین پاکستان کے پرچم تلےخیمے کے نشان پر حصہ لینے کا فیصلہ کیا گیا ۔

صوبائی قیادت کے فیصلے پرمجلس وحدت مسلمین تحصیل گڑھی یاسین کے کارکنان اور ذمہ داران نے یہ طے کیا کہ ہم بھرپور انداز میں حصہ لیں گے، اور مجلس وحدت مسلمین کے نامزد امیدواروں نے ٹاؤن اور یوسیز پر حصہ لینے کے لیئے سیاسی سرگرمیاں شروع کردی ہیں۔

اس موقع پر مجلس وحدت مسلمین تحصیل گڑھی یاسین کے سیکرٹری جنرل مستنصر مہدی ابڑو نے پریس ریلیز جاری کرتے ہوئے کہا کہ ہمارے پارٹی کے کینیڈیٹ مختلف یوسیز پر، ٹاؤن مدیجی اور ٹاؤن گڑھی یاسین پر بھی حصہ لے رہے ہیں، مجلس وحدت مسلمین ایک عوامی جماعت جنہوں نے ہمیشہ مظلومین کے حقوقِ کے لیے آواز بلند کی ہے، ہمارے مجلس وحدت مسلمین کے کینیڈیٹ باصلاحيت باکردار اور مظبوط ہونگے۔

وحدت نیوز(ملتان) مجلس وحدت مسلمین جنوبی پنجاب کے زیراہتمام یوم انہدام جنت البقیع کے موقع پر یوم احتجاج منایا گیا، لاہور، کراچی، اسلام آباد، پشاور، کوئٹہ اور ملتان سمیت جنوبی پنجاب بھر احتجاجی مظاہرے اور ریلیاں نکالی گئیں۔ ملتان میں مرکزی ریلی گھنٹہ گھر چوک سے نواں شہر چوک تک احتجاجی ریلی نکالی گئی۔ ریلی کی قیادت مجلس وحدت مسلمین کے مرکزی ڈپٹی سیکرٹری جنرل سید ناصر عباس شیرازی، صوبائی سیکرٹری جنرل علامہ اقتدار حسین نقوی، سلیم عباس صدیقی، علامہ غلام مصطفی انصاری، مولانا طاہر عباس نقوی، مولانا وسیم عباس معصومی، انجینئر سخاوت علی، مولانا ناصر سبطین ہاشمی، مولانا عمران ظفر، ڈویژنل صدر آئی ایس او ڈاکٹر جوہر عباس، مولانا مجاہد حسین جعفری، مولانا غلام جعفر انصاری، وسیم عباس زیدی، ندیم عباس کاظمی، زوار حسین بسمل نے کی۔ ریلی کے شرکا نے سعودی مظالم کے خلاف شدید نعرے بازی کی اور جنت البقیع کی دوبارہ تعمیر کا مطالبہ کیا۔

 ریلی سے خطاب کرتے ہوئے ایم ڈبلیو ایم کے مرکزی رہنما سید ناصر عباس شیرازی نے کہا کہ 8 شوال عالم اسلام کے لیے یوم سوگ ہے، آل سعود نے اہلبیت اطہار علیہم السلام، ازواج رسول ص اور صحابہ کرام کی قبروں کو مسمار کر کے صیہونیوں کے اسلام دشمن ایجنڈے کو تقویت دی ہے۔ حجاز مقدس کی پاک سرزمین پر آل سعود کا وجود ایک ناقابل برداشت بوجھ ہے۔ ان خائن حکمرانوں نے اسلام کی طاقت کو مضبوط کرنے کی بجائے ہمیشہ یہود ونصاری کی نصرت کی۔ جو حکمران فلسطین و یمن کے مظلوم مسلمانوں کے مخالف اور اسرائیل و امریکہ جسیے اسلام دشمنوں کے حامی ہوں وہ مسلمان کہلانے کے کیسے مستحق ہو سکتے ہیں۔

علامہ اقتدار نقوی نے کہا سعودی حکمرانوں نے شدت پسندی کا راستہ ترک کر کے لبرل ازم کی راہ کا انتخاب کر لیا ہے۔ میوزک کنسرٹس، جوئے خانوں اور مخلوط رنگین محفلوں کی کھلم کھلا آزادی دی جا چکی ہے۔ دین کے نام پر نبی زادی کا روضہ زمین بوس کرنے والوں کا سماجی اعتبار سے عمل و کردار تبدیل ہو چکا ہے۔ جنت البقیع کی ازسر نو تعمیر پر سعودی حکومت کی طرف سے انکار کا کوئی اخلاقی جواز اب باقی نہیں بچا۔ عالم اسلام پر حکمرانی کے خواب دیکھنے والے اپنے عالیشان محلوں میں مقید ہو کر رہے گئے ہیں۔ اپنے اجداد کی اشیاء کو تبرکات کا درجہ دے کر عجائب گھروں میں سجانے اور جنت البقیع کے مزارات کو شرک کے نام پر ملیامیٹ کرنے والوں کا عبرتناک انجام قریب پہنچ چکا ہے۔ سعودی حکومت فوری طور جنت البقیع کی سابق حیثیت و ہیئت بحال کرنے کے لیے اقدامات کا اعلان کرے۔ انہوں نے امت مسلمہ، مسلم حکمرانوں سے مطالبہ کیا کہ وہ جنت البقیع کی تعمیر کے لیے سعودی حکومت پر زور دے۔ ریلی میں حسنین انصاری، زوار لنگاہ، ظفر زیدی، مظہر کات، فخر نسیم صدیقی، الطاف بلوچ، آصف گردیزی، وقار نقوی، مداح ملنگ سمیت دیگر نے شرکت کی۔

وحدت نیوز(گڑھی یاسین)مجلس وحدت مسلمين تحصیل گڑھی یاسین کے سیکرٹری جنرل مستنصر مہدی ابڑو کے زیر صدارت تین یوسیز کا اجلاس ہوا جس میں کثیر تعداد تعداد میں مومنین نے شرکت کرکے بلدیاتی انتخابات میں حصہ لینے کا عزم کیا۔

 اس موقع پر سیکرٹری جنرل مستنصر مہدی ابڑو نے اجلاس میں گفتگو کرتے ہوئے کہا کہ ہم نے 2018 سے ملت کی خاطر تحصیل گڑھی یاسین میں سیاسی جدوجہد کا آغاز، اور گزشتہ الیکشن میں بھی ہم نے ڈٹ کر مقابلہ کیا اور آنے والے بلدیاتی الیکشن میں مجلس وحدت مسلمین پاکستان کے پرچم تلے الیکشن لڑیں گے۔

انہوں نے مزید کہا کہ ہم سب کو طے کرنا ہے کہ ووٹ مجلس وحدت مسلمین کے کینیڈیٹ کو دینا ہے اگر کہیں مجلس وحدت مسلمین کا امیدوار نہیں ہو تو وہاں ووٹ شیعہ کے حیثیت سے کاسٹ کرنا ہے جس پر مومنین نے کہا کہ اس پر بھرپور رابطہ مہم کا آغاز کیا جائے گا۔

Page 14 of 1231

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree