وحدت نیوز (پشاور )مجلس وحدت مسلمین پاکستان کے مرکزی سیکرٹری تنظیم سازی علامہ سید غلام شبیر بخاری نے کہا ہے کہ شہداء کے مشن کو جاری رکھنا ملت کے ہر فرد کا فرض ہے، خون کے آخری قطرے تک قائد شہید عارف حسین الحسینی (رح) کے افکار پر عمل پیرا رہیں گے۔

مجلس وحدت مسلمین کے این اے48 سے نامزد امیدوار علامہ اصغر عسکری نے کہا ہے کہ 11 مئی کا سورج قوم کے لیے نوید سحر لے کر طلوع ہوگا اور انہیں موروثی سیاست سے نجات دلائے گا۔ انہوں نے کہا کہ اس دن خیمہ پر مہر لگانی ہے کیونکہ وحدت کا خیمہ بلاتفریق مذہب، مسلک، گروہ بندی سب مظلوم انسانوں کے لیے پناہ گاہ ہے۔ ان کا کہنا تھا کہ گیارہ مئی کو پارلیمنٹ میں وطن دوست قوتیں بیٹھ کر ملک و ملت کی مرضی کے مطابق فیصلے کرینگی کسی سامراجی قوت کی ڈیکٹیشن قبول نہیں ہوگی۔ان خیالات کا اظہار انہوں نے جی ایٹ مرکز اسلام آباد میں کارنر میٹنگ سے خطاب کے دوران کیا۔
اس موقع پر ایم ڈبلیو ایم کے مرکزی سیکرٹری فلاح و بہبود نثار فیضی اور مرکزی سیکرٹری شعبہ روابط ملک اقرار حسین بھی موجود تھے۔ ان کا کہنا تھا کہ ایم ڈبلیو ایم پاکستان دہشگردی کے شکار شہدائے ملت جعفریہ پاکستان کی وارث بن کر میدان عمل میں اتری ہے اور ملت جعفریہ کے حقوق کے حصول کے لیے ایم ڈبلیو ایم کے کارکنان اور عہدیداران عوامی طاقت سے اپنے حقوق حاصل کریں گے۔ مقررین کا کہنا تھا کہ انتخابات میں حصہ لینے سے ملت جعفریہ پاکستان کے اندر ایک نئی روح پیدا ہوئی ہے۔ آج ملت کے افراد خیمہ حسینی میں جمع ہوچکے ہیں اور شہید عارف حسینی کے اسلام حقیقی کی عادلانہ حکومت کے خواب کو پورا کرنے کے لیے ہر ظالم سے ٹکرانے کا عزم و حوصلہ رکھتے ہیں۔ مقررین کا کہنا تھا کہ عوام بیدار و ہوشیار ہیں۔ اور اب دہشتگردوں اور درندوں کو پارلیمنٹ میں نہیں جانے دیں گے اور نہ ہی اب قوم ظلم و ستم کے مزید تیر سہے گی۔