The Latest
وحدت نیوز(مظفر آباد) میلاد مصطفٰی ﷺ کانفرنس ،تمام مکاتب کے فکر کے علماء ہاتھوں میں ہاتھ ڈال کر وحدت مسلمین کا فقید المثال مظاہرہ کریں گے۔ شیعہ سنی اتحاد پاکستان کی بقاء کی ضمانت ہے۔ پیغمبرؐ خدا صرف محسن اسلام ہی نہیں بلکہ وہ عالم انسانیت کے لیئے باعث افتخار شخصیت اور محسن بشریت ہیں ، جن کے ظہور سے ظلمت کدہ مرکز مہر و وفا بن گیا، عشق رسول صلی اللہ علیہ و آلہ وسلم ہی اتحاد و یگانگت کا واحد ذریعہ ہے، آج شیعہ سنی بھائیوں نے اکھٹے نکل کر بتا دیا کہ ہم ایک تھے، ہیں اور رہیں گے، دنیا کی کوئی طاقت ہمیں جدا نہ کر سکی ہے نہ کر سکے گی، ہم کلمہ طیبہ پر ایک ہیں، ہماری اساس لا الہ الااللہ اور محمد ؐ رسول اللہ ہیں، آج دنیا نے دیکھ لیا کہ ختمی مرتبت ؐ کے عشق و محبت نے ہمیں وحدت کی ایک لڑی میں پرو دیا ہے، دشمن ہمارے درمیان پروپگنڈا کے ذریعے ہمیں الگ کرنے و ایک دوسرے کے دست و گریباں کرنے کی سازشوں میں مصروف عمل تھا ، مگر آج دشمن کی ان چالوں کا جواب ہمارا پرچم نبی ؐ کے سائے میں ایک ہونا ہے، دہشت گرد کا کسی مسلک سے کوئی تعلق نہیں ، بس فقط اتنا ہے کہ دہشت گرد کے دل میں احترام رسالت نہیں ہے، جس دل میں بھی احترام رسالت ہو گا وہ اپنے آپکو کسی بھی کسی قسم کے دہشت گردانہ معاملات میں ذرہ بھر بھی ملوث نہ کرے گا، یہ ایام عشق مصطفےٰ کے ایام ہیں، یہ ایام محبت کے ایام ہیں، یہ ایام اتحاد و وحدت کے ایام ہیں، ان ایام کو بھی بھرپور منائیں گے ، ایام عزا بھی منائیں گے، رسول ؐ کے دن بھی منائیں گے ، نواسے ؑ کی شہادت پر عزاداری بھی کریں گے ، جس طرح ملکر ملک بنایا تھا ، اسی طرح کندھے سے کندھا ملا کر ، ایک ہو کر بچائیں گے، ہمارا ہاتھوں میں ہاتھ ڈال کر چلنا اس بات کی دلیل ہے کہ پرچم نبیؐ کے نیچے ہم سب ایک ہیں، ہر آنے والی گھڑی پہلے سے بہتر ہو گی ، پہلے سے بڑھ کر بازار سجائیں گے، پرچم نبیؐ اُٹھائیں گے، اس کو گھر گھر لہرائیں گے، اور لبیک یا رسول اللہ صلی اللہ علیہ وآلہ وسلم کا عملی نمونہ پیش کرتے ہوئے ناموس رسالت، اہلبیت، امہات المومنین اور صحابہ کرام کے لیئے کسی بھی قسم کی قربانی سے دریغ نہیں کریں گے، پرچم نبی امن و آشتی کا جھنڈا ہے ، اس جھنڈے کو تھامے ہوئے امن کا پیغام پھلائیں گے۔ان خیالات کا اظہار داعی اتحاد بین المسلمین سربراہ مجلس وحدت مسلمین آزاد جموں و کشمیرعلامہ سید تصور حسین نقوی الجوادی نے مجلس وحدت مسلمین آزادکشمیر کی ریاستی کابینہ کے اراکین سے گفتگو کرتے ہوئے کیا ۔
انہوں نے کہا کہ آج جب دنیا کے سامنے اپنے اصولوں اور اقدار کی وجہ سے سربلند و سرخرو ہیں تو یہ سرکار ختمی مرتبت ؐ کی تعلیمات اور سیرت طیبہ کی بدولت ہے آپ نے انسانیت کے وقا کی سربلندی کے لیئے ہمیشہ کوشش کی جس کی متعدد مثالیں دی جاسکتی ہیں ایک جنگ میں جب قیدی خواتین کو ان کے کفار بھائیوں کی لاشوں سے گزار کر لائے گیا تو آپؐ نے اپنے سپاہیوں کی سخت سرزنش کرتے ہوئے کہا کہ تم لوگ اتنے سخت دل کیسے ہو گئے ہو اس طرح ایک جنگ میں قیدیوں کے ہاتھ سختی سے باندھے گئے تھے تو آپ ؐنے رات کو اٹھ کر ان کی رسیاں ڈھیلی کیں ، جب صحابہ کرامؓ نے کہا یا رسول ؐاللہ یہ قیدی کافر ہیں تو آپ ؐ نے فرمایا جو بھی ہوں انسان تو ہیں علامہ تصور جوادی نے کہا کہ ان روشن تعلیمات عرد انسانیت سے لبریز سیرت کے بعد ایسا مسلمان ہے جو دہشتگردی اور انسان کشی کی وارداتوں میں ملوث ہو کر نبی رحمت کے دین رحمت کو بدنام کرسکتا ہے جو لوگ وطن عزیز کی بقاء و سالمیت کو نقصان پہنچا کردہشتگردی اور قتل و غارت گری کا بازار گرم کیئے ہوئے ہیں انہیں رسول اللہ ؐ کی تعلیمات پر غور کرنا چاہیے کہ آپؐ فتح مکہ کے موقع پر سخت ترین کفار کے لیئے بھی معافی کا اعلان کر دیا تھا آج جو لوگ پاک فوج کے جوانوں آفیسران ، تعلیمی اداروں کے معلمین ، مساجد ، امامبارگاہوں اور مزارات پر حملے کرتے ہیں نہ تو وہ وطن کے خیر خواہ ہیں نہ ان کو دین اور بانی مبانی دین کی تعلیمات کا کردار لائق تحسین ہے جو سیرت النبیؐ کو اجاگر کرنے کے لیئے اپنا کردار ادا کر رہے ہیں ۔
وحدت نیوز(پشاور) مجلس وحدت مسلمین خیبر پختونخوا کے سیکرٹری جنرل علامہ سید سبطین حسینی نے پشاور میں دہشتگردوں کی فائرنگ سے معروف بزرگ عالم دین مولانا سید عالم الموسوی کی شہادت پر شدید درعمل کا اظہار کرتے ہوئے کہا ہے کہ تحریک انصاف کی صوبائی حکومت امن و امان کے قیام میں یکسر ناکام ہوچکی ہے۔ آئے روز بم دھماکوں اور ٹارگٹ کلنگ کے واقعات میں بے گناہ عوام، علمائے کرام اور سیکورٹی فورسز کے اہلکاروں کو نشانہ بنایا جارہا ہے۔ تحریک انصاف کی صوبائی حکومت قیام امن میں مکمل طور پر ناکام ہوچکی ہے۔ انہوں نے کہا کہ مولانا سید عالم الموسوی جیسی بزرگ روحانی شخصیت کا قتل دراصل علم کا قتل ہے، شہید نے ہمیشہ امن، محبت بھائی چارے اور اتحاد بین المسلمین کا درس دیا، تاہم ملک و قوم کے دشمن ہرگز یہ نہیں چاہتے کہ ایسی روحانی شخصیات ملک و امت کی خدمت کریں، اس وجہ سے انہوں نے مولانا سید عالم موسوی کو اپنی درندگی کا نشانہ بناتے ہوئے شہید کردیا۔ علامہ سبطین حسینی نے صوبائی حکومت سے مطالبہ کیا ہے کہ مولانا سید عالم الموسوی کے قتل کی فوری طور پر اعلیٰ سطحی تحقیقات کرائی جائیں اور قاتلوں کو بے نقاب کرکے نشان عبرت بنایا جائے۔
وحدت نیوز (کراچی) مجلس وحدت مسلمین کراچی کے شہید بلدیاتی امیدوارعالم ہزارہ، صفدر عباس اورعلی شاہ کا اجتماعی چہلم ۲ فروری کو امام بارگاہ عباس علمدارچشتی نگرمیں منعقد کیا جائے گا ، چہلم کے اجتماع میں مجلس وحدت مسلمین پاکستان کے مرکزی ترجمان علامہ حسن ظفر نقوی، علامہ مرزا یوسف حسین اور علامہ اعجاز بہشتی خطاب کریں گے،ایم ڈبلیوایم کراچی ڈویژن کے سیکریٹری جنرل حسن ہاشمی نے کراچی کے تمام اضلاع سے تنظیمی کارکنان اور عوام کی شرکت کو یقینی بنانے کی ہدایات جاری کر دی گئیں ہیں ۔
وحدت نیوز(مانٹرنگ ڈیسک) راولپنڈی میں پولیس اسٹیشن کے قریب بم دھماکہ ہوا ہے، جس میں سکیورٹی اہلکاروں سمیت 13 افراد جاں بحق ہوگئے۔ واقعے میں بچوں اور سکیورٹی فورسز کے اہلکاروں سمیت چوبیس سے زائد افراد زخمی ہوگئے ہیں۔ دہشت گردوں نے راولپنڈی میں آر اے بازار کے حساس علاقے کو نشانہ بنایا۔ بائیس نمبر چونگی سے ملحق یہ سارا علاقہ بہت حساس ہے۔ خودکش حملہ آور نے چائے کے ہوٹل کے قریب اپنے آپ کو اس وقت اڑایا جب فوج کے جوان ڈیوٹی دینے کے بعد رہائش گاہ کی طرف جا رہے تھے۔ زور دار دھماکے کی آواز دو کلو میٹر دور تک سنی گئی، جس کے بعد علاقے میں خوف و ہراس پھیل گیا۔ ریسکیو ٹیمیں بھی موقع پر پہنچ گئیں اور زخمیوں کو فوری طور پر ہسپتال منتقل کر دیا۔ زخمی ہونے والوں میں بچے اور سکیورٹی اہلکار بھی شامل ہیں، واقعے میں کئی عمارتوں اور موٹر سائیکلز کو نقصان پہنچا اور کئی قریبی عمارتوں کے شیشے بھی ٹوٹ گئے۔ جائے حادثہ سے فرانزک شہادتیں اکٹھی کی جا رہی ہیں جبکہ بم ڈسپوزل اسکواڈ علاقے کی چھان بین کر رہا ہے۔
شہید ہونے والوں میں حوالدار محمد اصغر، حوالدار محمد اکرام، نائیک عمران، نائیک انور علی، سپاہی عابد، سپاہی رشید شامل ہیں۔ جاں بحق ہونے والوں میں انیس سالہ مبشر مشتاق، محمد صدیق، ساٹھ سالہ عابد حسین شامل ہیں۔ ایف جی سکول کا طالب علم حسن رضا زخمی ہوگیا۔ ڈی سی او راولپنڈی کے مطابق خودکش حملہ آور سائیکل پر سوار تھا، جس نے خود کو دھماکے سے اڑا دیا۔ انھوں نے بتایا کہ چار زخمیوں کی حالت تشویشناک ہے۔ دھماکے کے فوری بعد سکیورٹی فورسز نے جائے وقوعہ پر پہنچ کر علاقے کو گھیرے میں لے لیا۔ سرچ آپریشن کے دوران مشکوک افراد کو حراست میں بھی لیا گیا۔ سکیورٹی ذرائع کے مطابق دھماکے میں ندیم عباس انتقامی کے ملوث ہونے کا امکان ہے جو کہ تحریک طالبان راولپنڈی اور اسلام آباد کا امیر ہے۔ ندیم عباس انتقامی محرم میں ایک امام بارگاہ پر حملے میں بھی ملوث تھا، ندیم عباس انتقامی کا تعلق لشکر جھنگوی سے ہے۔ خودکش حملے کی ذمہ داری کالعدم تحریک طالبان نے قبول کر لی ہے۔
دیگر ذرائع کے مطابق راولپنڈی کے آر اے بازار چوک کے قریب خودکش حملے میں سکیورٹی اہلکاروں سمیت 13 افراد جاں بحق 29 زخمی ہوگئے، کالعدم تحریک طالبان پاکستان نے دھماکے کی ذمہ داری قبول کرلی۔ دھماکے کی جگہ سے 2 مشکوک افراد کو حراست میں لے لیا گیا۔ واقعہ صبح سویرے پیش آیا۔ دھماکہ اتنا شدید تھا کہ اس کی آواز کئی کلومیٹر دور تک سنی گئی۔ دھماکے کی شدت سے قریبی عمارتوں کے شیشے ٹوٹ گئے۔ زخمیوں کو اسپتال منتقل کر دیا گیا ہے اور سکیورٹی فورسز نے علاقے کو گھیرے میں لے کر تحقیقات شروع کردیں۔ دھماکے کی جگہ پر میڈیا سمیت کسی کو جانے کی اجازت نہیں دی جارہی۔ ڈی ایچ کیو اسپتال میں چار لاشیں پہنچائی گئی ہیں۔ اس کے علاوہ دیگر اسپتالوں میں بھی زخمیوں کو پہنچایا گیا، جہاں ایمرجنسی نافذ کر دی گئی ہے۔
وحدت نیوز(بلتستان) مجلس وحدت مسلمین پاکستان بلتستان ڈویژن کے زیراہتمام "لبیک یا رسول اللہ (ص) " ریلی نکالی گئی۔ تفصیلات کے مطابق مجلس وحدت مسلمین پاکستان بلتستان ڈویژن کے زیراہتمام ایک عظیم الشان ریلی بعنوان "لبیک یا رسول اللہ (ص) " ریلی یادگار چوک اسکردو سےڈویژنل سیکریٹری جنرل علامہ سید علی رضوی کی زیر قیادت نکالی گئی۔ یہ عظیم الشان ریلی نیابازار اسکردو سے ہوتا ہوا مرکزی امامیہ جامع مسجد اسکردو میں پہنچ کر اختتام پذیر ہوگئی، جہاں مرکزی جشن میلاد مصطفٰی میں شرکت کی۔ریلی میں مومنین کی بڑی تعداد نے شرکت کی ۔
وحدت نیوز(خانیوال) مجلس وحدت مسلمین پاکستان ضلع خانیوال کا تنظیمی اجلاس ضلعی سیکرٹری جنرل انصر عباس سرگانہ کی صدارت میں منعقد ہوا۔ صوبائی سیکرٹری جنرل علامہ عبدالخالق اسدی نے مہمان خصوصی کے طور پر شرکت کی۔ اجلاس میں معمول کی کاروائی کے بعد سیکرٹری جنرل اور کابینہ نے اپنا استعفی صوبائی سیکرٹری جنرل کو پیش کیا۔ بعدازاں اکثریت رائے سے انصر عباس سرگانہ کو دوبارہ ایم ڈبلیو ایم خانیوال کا سیکرٹری جنرل منتخب کر لیا گیا۔ نومنتخب سیکرٹری جنرل سے صوبائی سیکرٹری جنرل علامہ عبدالخالق اسدی نے حلف لیا۔ اس موقع پر مختار حسین، سید عدیل عباس زیدی، وسیم حسن جوئیہ، جواد حیدر، اقبال جعفری ایڈووکیٹ اور دیگر موجود تھے۔ نومنتخب سیکرٹری جنرل نے اپنے خطاب میں کہا کہ مجلس وحدت مسلمین پاکستان میں ملت جعفریہ کے لیے کسی نعمت سے کم نہیں ہے، بہت تھوڑے عرصے میں قوم کی تمام اکائیوں کو وحدت کی لڑی میں پرو کر بہت بڑا کارنامہ انجام دیا ہے۔
اسلام آباد (وحدت نیوز) ایم ڈبلیوایم کے مرکزی سیکرٹری جنرل علامہ ناصر عباس جعفری نے شہید قائد علامہ عارف حسینی کے رفیق خاص ممتاز عالم دین علامہ عالم موسوی کی مظلوما نہ شہادت پر شدید رد عمل کا اظہار کرتے ہوئے اسے ملک بھر میں جاری شیعہ اکابرین کی ٹارگٹ کلنگ کی ورداتوں کا تسلسل قرار دیا ہے ، ایم ڈبلیو ایم کے مرکزی سیکرٹریٹ سے جاری ہونیوالے ایک مذمتی بیان میں ایم ڈبلیو ایم کے مرکزی سیکرٹری جنرل کا کہنا تھا کہ علامہ عالم موسوی کی مظلومانہ شہادت حکومت اور سیکورٹی اداروں کی کارکردگی پر سوالیہ نشان ہے ، کراچی ، کوئٹہ ، لاہور اور پشاور سمیت پورے ملک میں قتل و غارت گری کا بازار گرم ہے اور حکمران سفاک قاتلوں کے خلاف کوئی فیصلہ کن اقدام اٹھانے کو تیار نہیں ،یہ صورتحا ل زیادہ دیر نہیں چلے گی ، حکمرانوں کو طالبان نواز پالیسیاں ختم کر کے دہشت گردوں کو ریاستی طاقت کے سا تھ کچلنا ہو گا ، انہوںنے کہا کہ طالبان کی جانب سے بنوں اور راولپنڈی کے دلخراش سانحات کی ببانگ دہل ذمہ داری قبول کرنے کے بعد چاہیے تو یہ تھا کہ ان کے خلاف فوری کاروائی کی جاتی،لیکن اس کے بر عکس حکمرانوں نے ابھی تک مہر سکوت نہیں توڑی اور بدستوردہشت گردوں سے مذاکرات کی آڑ میں امن کی بھیک مانگ رہے ہیں ، انہوں نے کہا کہ اگر حکمرانوں کو ملکی مفادات عزیز ہیں تو انہیں دہشت گرد وں کو کچلنے کیلئے تما م مصلحتوں کو بالائے طاق رکھ کر فوجی آپریشن کرنا ہو گا ۔
وحدت نیوز(لیہ) میلاد رسول مقبول و امام جعفر صادق کے منانے کا صحیح مقصد ان کی سیرت کا اپنی زندگی میں عملی اتباع ہے۔ خیر العمل فاﺅنڈیشن کی جانب سے اس پر مسرت موقع پر اہلبیت کلینک کا افتتاح اس کی بہترین مثال ہے۔پاکستان کے عوام کے دیرینہ مسائل حل کرنے کے لیے جنگی بنیادوں پر کام کرنے کی ضرورت ہے۔ صحت اور تعلیم کے میدان میں تمام دور میں حکومتوں کی کارکردگی مایوس کن رہی ہے ۔ ان خیالات کا اظہارمرکزی سیکرٹری فلاح بہبود و مسئول خیر العمل فاﺅنڈیشن پاکستان نثار علی فیضی نے لیہ میں میلاد رسول خدا و امام جعفر صادق کے موقع پر اہلبیت کلینک کی افتتاحی سے خطاب کرتے ہو ئے کیا ، تقریب میں معززین و عوام کی کثیر تعداد کی شرکت کی۔
تقریب سے مجلس وحدت مسلمین پاکستان کے مرکزی سیکرٹری تربیت مولانا احمد اقبال رضوی ، ملک احمد علی سابق وزیر صوبائی اسمبلی، اکرم سمتیہ تحریک انصاف، ڈاکٹر جاوید اقبال کنجال پاکستان پیپلز پارٹی ، الحاج منظور خان سرگانی ، حماد اکبر خان گشکوری اور ڈاکٹر عصمت اللہ خان لاشاری نے بھی خطاب کیا۔مقررین نے مجلس وحدت مسلمین پاکستان کی سنی شیعہ وحدت کے ساتھ ساتھ عوام و پاکستان دوست کاوشوں کو بھی خوب سراہا اور اس کے فلاحی شعبے خیر العمل فاﺅنڈیشن کی 2010کے سیلاب سے لیکر ابتک جاری منصوبوں میں سنجیدگی و زمہ داری کے ساتھ کاموں کے جاری رکھنے پر مسئولین کو خراج تحسین پیش کیا۔ اس موقع پر لیہ کے علاقے میں معیاری کلینک کے اجراءپر مجلس وحدت مسلمین پاکستان کی لیڈرشپ کا خصوصی شکریہ ادا کیا اور اس پروجیکٹ کے حوالے سے ڈونیشن کا بھی اعلان کیا۔ بعد میں مہمانوں نے کلینک کا باقاعدہ افتاح کیا اور مریضوں کا معائنہ بھی کیا گیا۔
وحدت نیوز(حیدرآباد) انجمن امامیہ کے زیر اہتمام جشن عید میلاد النبی ﷺ ریلی دادن شاہ سے نکالی گئی ریلی اپنے مقررہ راستوں سے ہو تی ہو ئی قدم گاہ مولا علی علیہ السلام پر اختتام پذیر ہوئی ، جسمیں مجلس وحدت مسلمین ضلع حیدرآباد کے سیکریٹری جنرل علامہ امداد علی نسیمی نے خصوصی شرکت کی ، جب کہ ریلی کی قیادت سید زوار نقوی نے کی، ریلی میں شیعہ سنی عوام کے علاوہ ایم ڈبلیو ایم کے کارکنان کی بھی بڑی تعداد شریک تھی۔
وحدت نیوز (کوئٹہ) ادارہ امور اسلامی بلوچستان کے زیر اہتمام سیرت النبی صلی اللہ علیہ و آلہ وسلم کا امت مسلمہ کے لیے پیغام کانفرنس کا انعقاد کیا گیا، سرینا ہوٹل کوئٹہ میں منعقدہ اس کانفرنس میں وزیر اعلی بلوچستان ڈاکٹرعبدالمالک بلوچ مہمان خصوصی تھے۔ دیگر مہمانوں میں مجلس وحدت مسلمین کے مرکزی رہنما علامہ سید ہاشم موسوی، ایم ڈبلیوایم کے رکن صوبائی اسمبلی سید محمد رضا رضوی ، علامہ جمعہ اسدی، قاری عبدلرحمن نورزئی ، ڈاکڑ عطا الرحمن اور جید علماء، دانشور،سکالرز اور سیاسی زعماءشریک تھے، مقررین نے عالم اسلام کے مسائل اور پاکستان میں قیام امن، استحکام اور اسلامی یکجہتی پر اظہار خیال کیا گیا۔