The Latest
وحدت نیوز(مظفرآباد) انسانیت کی خدمت ہی ہمارا مشن و مقصد ہے، جس نے ایک انسان کی جان بچائی گویا اس نے ساری انسانیت بچا لی، اور جس نے ایک نفس کو قتل کیا گویا اس نے ساری انسانیت کا قتل کیا، فرمان پرودگار کو عملی جامہ پہنانے کے لیئے وحدت اسکاؤٹس اوپن گروپ کا قیام عمل میں لایا گیا، ان خیالات کا اظہار مجلس وحدت مسلمین آزاد جموں و کشمیر کے سیکرٹری جنرل علامہ سید تصور حسین نقوی الجوادی نے وحدت اسکاؤٹس اوپن گروپ کے اجلاس سے خطاب کرتے ہوئے کیا ، انہوں نے کہا کہ مجلس وحدت مسلمین بلا امتیاز تکریم انسانیت ، تعظیم انسانیت اور فلاح انسانیت کے مقاصد کے حصول کے لیئے سرگرم عمل ہے، نوجوان کسی بھی قوم ، تنظیم یا جماعت کے لیئے ریڑھ کی ہڈی کی حثیت رکھتے ہیں، نوجوانوں کے جنون کو صیح سمت میں استعمال کرنے میں ہی ملت و قوم کی بقاء ہے، تاریخ گواہ ہے آج تک جتنی بھی تبدیلیاں و انقلاب آئے ہیں نوجوانوں کا اس میں اہم کردار ہے ، علامہ تصور جوادی نے کہا کہ اسکاؤٹس کا کام خدمت انسانیت ہے، خواہ اس کا تعلق کسی بھی گروہ سے ہو، ملت و ملک کی خدمت کو اپنا شعار بنانا اسکاؤٹس کا بنیادی فریضہ ہے، ہمارے نزدیک انسان چاہے کافر ہی کیوں نہ ہو بلا جواز اسکا قتل، اس کی عزت و ناموس سے کھیلنا جائز نہیں، ہم تو رحمت العالمین صلی اللہ علیہ و آلہ وسلم کے پہنچائے ہوئے اسلام پر عمل پیرا ہیں ، اپنے ملک میں اقلیتوں پر ظلم کے خلاف ہیں ، نہ کہ ظلم کرنے والے، ان کی جان مال عزت و آبرو کے محافظ ہیں ، لائق تکریم سمجھتے ہیں، اس وقت تک جب تک وہ اس ملک کے وفادار رہیں گے، اس قوم سے خیانت نہیں کریں گے، قوم، ملت و ملک کے غدار چاہے وہ اسلام کا لبادہ کیوں نہ اوڑھے ہوئے ہو ، ہم نے نہ کل مانا تھا نہ اب مانیں گے، ہم ملک و ملت کی سربلندی کے لیئے خون کے آخری قطرے تک میدان میں موجود رہیں گے، ملک دشمن عناصر کے خلاف آواز بلند کرتے رہیں گے، انہوں نے کہا کہ وحدت اسکاؤٹس اسی شعار کو عملی جامہ پہنانے کے لیئے اپنا کردار ادا کریں گے، انسانیت کی بلا امتیاز خدمت کے لیئے اپنے آپ کو آمادہ رکھیں ، قوم جب بھی مشکل میں ہو اپنے آپ کو اس کی خدمت کے لیئے پیش پیش رکھیں۔
وحدت اسکاؤٹس اوپن گروپ آزاد جموں و کشمیرکا اجلاس ریاستی دفتر مجلس وحدت مسلمین آزاد جموں وکشمیر مظفرآباد میں ہوا، اجلا س کی صدارت مجلس وحدت مسلمین آزاد جموں وکشمیر کے سیکرٹری وحدت اسکاؤٹس برادر سید انصر عباس نقوی نے کی۔جب کہ علامہ سید تصور حسین نقوی الجوادی اجلاس میں بطور مہمان خصوصی شریک ہوئے ہوئے ، ریاستی سیکرٹری جنرل کے ہمراہ سیکرٹری ویلفیئر سید محسن رضا سبزواری ایڈووکیٹ ، سیکرٹری تعلیم سید عمران حیدر و سیکرٹری روابط مولانا سید حمید حسین نقوی نے بھی اجلا س میں خصوصی شرکت کی، اجلاس میں وحدت اسکاؤٹس کی ریاستی کابینہ کی تشکیل عمل میں لائی گئی۔
وحدت نیوز(حیدرآباد) مجلس وحدت مسلمین ضلع حیدرآباد کی جانب سے جاری کردہ بیان میں MWM ضلع حیدرآباد کے سیکریڑی جنرل مولانا امداد علی نسیمی نے کہا کہ حکمران ہوش میں آئیں اگر قاتلوں کے مطالبات مانے گئے تو 70ہزار شہداکے خون کا حساب کون دیگا ۔ مولانا امداد علی نسیمی نے مزید کہا کہ ہمارے ملک پاکستان کے وزیرا عظم کو کونسی چیز نے آپریشن سے روک رکھا تھا حکمرانوں نے تو آہستہ آہستہ ہمارے ملک کے کافی حصوں کو بیچ دیا ہے حکمرانوں نے جہاز اور ٹینک بھی فروخت کردیے ہیں اتنی دہشتگردی ہورہی ہے یہ چیزیں آپریشن میں نظر نہیں آئی کیوں ؟ اب یہ جو وزیرستان میں آپریشن شروع کیا ہیں اب اس آپریشن کوچلنے دیں کیوں کہ آپریشن شروع ہوا ہے تو کئی لوگوں کے چہرے کھل کر سامنے آگئے جیسا کہ منور حسن نے ظاہر کردیا کہ وہ طالبان کے ساتھ ہیں اور اس کی زبان سے توہین امام عالی مقام ہوئی منورحسن کے بیان کی پر زور مذمت کرتے ہیں اور مطالبہ کرتے ہیں منورحسن کے خلاف توہین امام عالی مقام کا مقدمہ چلا یا جائے ۔ اگر گرفتا ر دہشتگردوں کو سزائیں دی جاتی تو آج اتنی دہشتگردی نہ ہوتی طالبان کے خلاف آپریشن کر کے صفایا کریں اور اپنے ملک کو طالبان سے بچائیں طالبان ملک کے اندر کس طرح اپنی جگہ بنار ہے ہیں یہ تو حکمران جانتے ہی ہونگے کراچی اور پشاور میں ہونے دھماکوں میں خود کش حملوں نے نہاد امن مذاکرات کا بھرم کھول دیا ہے۔
انہوں نے مذید کہا کہ شہدا کے قاتلوں کے ساتھ سودے بازی کا کسی حکمران کو حق نہیں ہے ہمارے ملک پر مذہب کی آڑ میں تبا ہ کن تبدیلیاں لانے کی سازش ہورہی ہے دہشتگردی کے خلاف پورے ملک کی عوام اور محب وطن قوتوں کو یکجا ہونا ہوگا افسو س کی بات ہے کہ دہشتگرد دہشتگر د ی کرنے کے بعد ذمہ داری قبول بھی کرتے ہیں اور انہی دہشتگروں کے ساتھ حکمرانوں کا نرم رویہ نا قابل فہم ہے۔ ہم پشاور میں ہونے والے بم دھماکے کی پرزور مذمت کرتے ہیں ہم حکومت کو آگاہ کرنا چاہتے ہیں کہ کچھ روز قبل ہالہ شہر میں کچھ دہشتگردوں نے ہالہ کی امام بارگاہ کے علم پاک کو نظر آتش کر کے اس کی بے حرمتی کی ہم حکومت سندھ کو متنبہ کرتے ہیں کہ ان دہشتگردوں کو روکا جائے ورنہ ایسا نہ ہوکہ ہمارے پیار ے ملک کے پیارے صوبے سندھ میں بھی ایسے دہشتگرد نا پیدا ہوجائے جو صوبائے سندھ کے لیے نا سور بن جائے ہم ہالہ میں ہونے والے واقع کی پرزور مذمت کرتے ہیں آخر میں دعا کرتے ہیں کہ ہمارے ملک کی فوج کے خدا حوصلہ بلند رکھے اور ان دہشتگروں کو ختم کرنے میں خدا ہماری فوج کی مدد فرمائے اور ہمارے ہر سپاہی کو کربلا والے سپاہیوں کے نقشے قدم پر چلنے کی توفیق عطا فرمائے ۔(آمین )
وحدت نیوز(اسلام آباد) مجلس وحدت مسلمین پاکستان کے مرکزی ڈپٹی سیکرٹری جنرل اور خارجہ امور کے سیکریٹری علامہ سید شفقت شیرازی نے کہا ہے کہ عراق، لبنان، شام اور پاکستان بلکہ پورے خطے میں آئے دن ہونے والی دہشتگردی، ٹارگٹ کلنگ اور دھماکوں کے پیچھے صیہونی ایجنڈا اور سعودی ہاتھ ہیں۔ ان خیالات کا اظہار انہوں نے پشاور میں ایرانی قونصلیٹ کے باہر ہونے والے خودکش دھماکے کی شدید مذمت کرتے ہوئے کیا۔ علامہ شفقت شیرازی کا مزید کہنا تھا کہ ملک میں قیام امن کے لئے فوری طور پر بھرپور فوجی آپریشن ناگزیر ہے۔ سکیورٹی فورسسز، آرمی اور ایف سی کے ہاتھ پاوں باندھ کر انہیں مروانا برداشت نہیں کرسکتے۔ ان کا کہنا تھا کہ پوری قوم اس وقت قاتلوں سے انتقام کا مطالبہ کر رہی ہے، اگر حکومت وقت اپنے آقاووں کی ناراضگی سے ڈرتی رہی تو عوم وطن سے خیانت کے جرم میں انہیں ایوانوں سے باہر نکال پھینکیں گے۔
ایم ڈبلیو ایم کے مرکزی ڈپٹی سیکرٹری جنرل نے مزید کہا کہ طالبان کا دفاع کرنے والی مذہبی اور سیاسی شخصیات کو وطن کا خائن قرار دے کر گرفتار کیا جائے اور دہشتگردی کے واقعات میں ملوث ہونے کے جرم میں انہیں شامل تفتیش کیا جائے۔ علامہ شفقت شیرازی کا کہنا تھا کہ ایران کو پاکستان کے امن کا خیالی دشمن بنا کر پیش کرنے کا فارمولا بھی استعمال ہوچکا ہے۔ اب پاکستانی قوم بیدار ہے اور جانتی ہے کہ ہمارے امن و استحکام کے دشمن آل سعود ہیں، جو پوری دنیا میں دھماکے کروا رہے ہیں۔ ان کا کہنا تھا کہ اب پوری دنیا آل سعود اور انکی پیدا کردہ تکفیری فکر اور سوچ کے خلاف بھرپور جنگ کے لئے آمادہ ہے۔
وحدت نیوز(کوئٹہ) مجلس وحدت مسلمین کوئٹہ ڈویژن کے ترجمان نے جاری کردہ بیان میں کہا ہے کہ کوئٹہ مشھد PIAپروازوں کا آغاز کر کے وزیر داخلہ چوہدری نثار ،وزیر اعلیٰ بلوچستان ڈاکٹرعبدالمالک بلوچ اور صوبائی وزیر داخلہ سرفراز بگٹی نے ہم سے کئے ہوئے وعدوں میں سے ایک وعدے پر عمل کیا جس پر ہم انکا اور PIAحکام کا شکریہ ادا کرتے ہیں ۔تاہم کرایوں پر سبسڈی کا وعدہ پورا نہیں کیا گیا ۔سانحہ مستونگ کے خلاف احتجاجی دھرنے میں وزیر داخلہ چوہدری نثار نے ہمارے عمائدین ،بزرگوں اور قوم سے یہ کہا تھا کہ ہم آپ کے دشمنوں کے لئے سر زمین تنگ کرینگے اور زائرین کیلئے خصوصی سبسڈی کیساتھ PIAپروازوں کا آغاز کرینگے ،لیکن مذہبی انتہا پسندوں کے خلاف سنجیدہ آپریشن نہ کرنا اور PIAکرایوں پر سبسڈی نہ دینا قابل افسوس ہے امید ہے کہ حکومت فوری طور پر اپنے دیگر وعدوں پر عمل درآمد کر کے جمہوری حکومت ہونے کا ثبوت دیگی۔بیان مین گورنر بلوچستان کی ھمشیرہ اور معروف صحافی سید فصیح اقبال کے انتقال پر انکے لواحقین سے دلی اظہار تعزیت کر تے ہوئے دونو ں کی خدمات کو سراہا گیا ۔مرحوم اور مرحومہ کے انتقال سے ہونے والے نقصان کی تلافی بہت مشکل ہے ۔ دونوں مرحومین کے ایصال ثواب کے لئے مجلس وحدت مسلمین صوبائی سیکرٹریٹ میں اجتماعی فاتحہ خوانی بھی کی گئی ۔
وحدت نیوز( کراچی) مجلس وحدت مسلمین پاکستان کے مرکزی ڈپٹی سیکرٹری جنرل اور سیکرٹری برائے امور خارجہ علامہ شفقت حسین شیرازی نے سعودی عرب کا پاکستان سے اسلحے کی خریداری اور شام منتقلی کے بیان کی اور معاہدے کی شدید مذمت کی ہے اور کہاہے کہ پاکستان کی مشرق وسطیٰ پر پالیسی مثبت رہی ہے تاہم مستقبل میں بھی پاکستان کو اپنی مثبت پالیسیوں کو آگے جاری رکھنا چاہئیے، انہوں نے کہا کہ کسی بھی مغربی یا عرب ملک کی ایماء پر پاکستان کی جانب سے ایسا اقدام کیا جانا کہ جو انسانی جانوں کے زیاں کا باعث بنے کسی صورت قابل قبول نہیں ہے۔ان کا کہنا تھا کہ شام ہمیشہ پاکستان کا دوست رہا ہے اور پاکستانی عوام کے ٹیکس سے بننے والے ہتھیار سعودی ایماء پر شام کے خلاف فروخت کئے جانے کے معاہدے پاکستا ن کے بیس کروڑ عوام کی توہین اور تذلیل کے مترادف ہے،وزیرا عظم عوام کو جواب دیں کہ انہوں نے شام کے متعقلق سعودیولی عہد کے ساتھ کیا معاہدے کئے ہیں، انہوں نے مزید کہا کہ سعودی عرب کی تاریخ واضح ہے کہ سعود ی عرب مسلم امہ میں فساد کا باعث رہا ہے اور اب اس فساد کی جنگ میں پاکستان کو دھکیلنے کی کوشش میں مصروف عمل ہے، ان کاکہنا تھا کہ سعودی عرب طالبان ، القاعدہ اور النصرۃ جیسی دہشت گرد تنظیمو ں کا بانی ہے اور پاکستا ن حکومت کوچاہئیے کہ دہشت گردوں کی سرپرست حکومت کی ایماء پر اپنی خارجہ پالیسی اور پاکستان کے معیار کو داؤ پر نہ لگائے۔
رہنما مجلس وحدت مسلمین پاکستا ن کاکہنا تھا کہ اگر صدر پاکستان ممنون حسین، وزیر اعظم نواز شریف اور آرمی چیف جنرل راحیل شریف نے سعودی حکومت کے اس ناپاک منصوبے کہ جس میں پاکستانی ہتھیاروں کی خرید اور پھر شام میں شام کی منتخب حکومت کے خلاف استعمال کے معاہدوں سے خود کو علیحدہ نہ کیا تو پاکستا ن کے عوام حکمرانوں کو کبھی معاف نہیں کریں گے ، علامہ شفقت شیرازی نے حکومت کو متنبہ کیا کہ حکومت شام سمیت کسی بھی اسلامی ملک کے اندرونی معاملات میں سعودی عرب کی جنگ کا حصہ بننے سے باز رہے، انہوں نے کہا کہ پاکستان جل رہا ہے اور پاکستان میں لگائی گئی آگ سعودی عرب اور امریکہ کی ہے جو طالبان دہشت گردوں کی صورت میں موجود ہے۔
مجلس وحدت مسلمین پاکستان کے مرکزی سیکرٹری امور خارجہ علامہ شفقت حسین شیرازی کاکہنا تھا کہ شام کے مسئلے میں صیہونی قوتیں امریکہ اور اسرائیل پاکستان کو جنگ و جدل کی دلدل میں پھنسانا چاہتے ہیں ، ایک طرف ملک کے اندرون خانہ عرب ممالک کے پروردہ اور صیہونی اسرائیل کے حامی طالبان دہشت گردو ں نے پاکستان کو عدم استحکام کا شکار کرنے کی سازشوں کا سلسلہ شروع کر رکھا ہے تو دوسری جانب سعودی عرب اور دیگر عرب ممالک صہیونی غاصب ریاست اسرائیل کی ایماء پر پاکستا ن کو شام کی جنگ میں دھکیلنا چاہتے ہیں اور پاکستان کے کردار کو داغ دار کرنے کی گھناؤنی سازشیں کرر ہے ہیں۔
واضح رہے کہ غیر ملکی خبر رساں ادارے نے دعویٰ کیا ہے کہ سعودی حکومت شام میں سرکاری فوج کے خلاف برسرپیکار باغیوں کے لئے پاکستان سے اسلحے کی خریداری پر غور کر رہی ہے۔ غیر ملکی خبر رساں ادارے کی رپورٹ میں کہا گیا ہے کہ سعودی حکومت نے جنیوا میں امن مذاکرات کی ناکامی کے بعد بشار الاسد کی فوج کے خلاف لڑنے والے شامی باغیوں کو جدید اسلحے سے لیس کرنے کا فیصلہ کیا ہے، اس سلسلے میں سعودی اور پاکستانی حکام کے درمیان بات چیت جاری ہے۔ اسی سلسلے میں گذشتہ دنوں آرمی چیف جنرل راحیل شریف نے سعودی عرب کا دورہ کیا تھا جبکہ سعودی ولی عہد شہزادہ سلمان بن عبدالعزیز کے دورہ پاکستان کے موقع پر بھی اس بارے میں تفصیلی بات چیت کی گئی ہے۔
خبر رساں ادارے کا کہنا ہے کہ دونوں ممالک کے درمیان معاملات طے پانے کی صورت میں سعودی عرب پاکستان سے جدید ترین طیارہ شکن میزائل ’’عنزہ‘‘ اور ٹینک شکن راکٹ خریدے گا۔ یہ اسلحہ اردن میں ذخیرہ کیا جائے گا جہاں سے اسے شام میں باغیوں کو بھیجا جائے گا تاہم سعودی، پاکستانی یا اردن کے حکام کی جانب سے اس کی تصدیق نہیں کی گئی ہے۔ واضح رہے کہ اس سے قبل امریکی حکومت جدید اسلحہ انتہا پسندوں کے ہاتھ میں چلے جانے کے خدشے کے پیش نظر شامی باغیوں کو راکٹ اور میزائل کی فراہمی کی مخالفت کرتی رہی ہے، تاہم گذشتہ دنوں جنیوا میں امن مذاکرات کی ناکامی کے بعد اس نے اس معاملے میں خاموشی اختیار کرلی ہے۔
وحدت نیوز(گلگت) گلگت بلتستان کی مشہور و معروف سیاسی و سماجی شخصیت اور سابق چیئرمین بلدیہ گلگت محمد الیاس صدیقی ایم ڈبلیوایم میں شامل ہوگئےہیں ۔ ان کی شمولیت کے موقع پرڈویژنل سیکریٹریٹ وحدت ہائوس میں ایک پروقار تقریب منعقد کی گئی۔ اس موقع پر مجلس وحدت مسلمین پاکستان گلگت ڈویژن کے سیکریٹری جنرل علامہ محمد بلال سمائری نےمحمد الیاس صدیقی کو ایم ڈبلیو ایم میں شمولیت پر مبارک باد پیش کی اور ان کی شمولیت کو خوش آئند قرار دیا ، علامہ بلال سمائری نے محمد الیاس صدیقی کو ہار بھی پہنائے ۔واضح رہے کہ گلگت بلتستان میں سیاسی ، مذہبی، سماجی اور قومی شخصیات کی مجلس وحدت مسلمین میں شمولیت کا سلسلہ تیزی سے جاری ہے ، وکلاء برادری سے تعلق رکھنے والے معززین بھی بڑی تعداد میں ایم ڈبلیو ایم میں شمولیت اختیار کر رہے ہیں ۔ جن کا ہدف ایم ڈبلیو ایم کے پلیٹ فارم سے گلگت بلتستان کے محروم عوام کے غصب شدہ حقوق کا حصول ہے۔
وحدت نیوز(لاہور) مجلس وحدت مسلمین پاکستان شعبہ خواتین کے زیراہتمام افواج پاکستان اور شہدائے پاکستان سے اظہار یکجہتی کیلئے پیامِ شہداء و اتحادِ امت کانفرنس منعقد ہوئی، مرکزی ڈپٹی سیکرٹری جنرل علامہ حسن ظفر نقوی، مرکزی مسئول شعبہ خواتین محترمہ سکینہ مہدوی، منہاج القرآن کے ناظم اعلٰی خرم گنڈا پور، علامہ ابوزر مہدوی، علامہ حسن ہمدانی، مولانا ہاشم موسوی، ممبر بلوچستان اسمبلی آغا سید رضا، مسیحی برادری سے بشپ نذیر عالم نے شرکت کی۔ کانفرنس سے خطاب میں مرکزی ترجمان اور مرکزی ڈپٹی سیکرٹری جنرل مجلس وحدت مسلمین پاکستان علامہ حسن ظفر نقوی نے کہا کہ آج ان کی یاد منائی جا رہی ہے جن کے بارے میں یہ سوال ہے کہ کس جرم میں مارے گئے، اگر میں کہوں کہ پاکستان میں شریعت کے تحت حکومت قائم کی جائے تو کوئی غیر مسلم بھی انکار نہیں کرے گا، کیونکہ سب جانتے ہیں کہ اسلام امن کا دین ہے، آج اسلام کے نام پر جو تماشہ کیا جا رہا ہے اس کی وجہ سے لوگ شریعت سے ڈر رہے ہیں، یہ بزدل حکومت اپنے پانچ سال پورے کرنے کیلئے حیلے بہانے بنا رہی ہے، نام نہاد اسلامی جماعتوں کے رہنماء طالبان کی محبت میں اتنا گر گئے کہ یہ کہہ گئے کہ کربلا میں دونوں طرف صحابی تھے، یہ بغض چودہ سو سال سے ان کے دلوں میں تھا، قاتل و مقتول کی تمیز بھول گئے ہیں۔
کانفرنس سے خطاب میں ممبر صوبائی اسمبلی مجلس وحدت مسلمین بلوچستان سید محمد رضا آغا نے خطاب کرتے ہوئے کہا کہ پہلے دھرنے میں ہم بہت سی باتیں سن کر خاموش تھے، لوگوں کی باتیں بھی سنیں، طعنے بھی سنے، مگر خدا کے کرم سے ہمارے فیصلہ جات سے ثمرات ملے، میں ایک مدرس کی حیثیت سے کام کرتا تھا، مجھے مجلس وحدت نے اتنی ہمت دی کہ میں ملت کیلئے کچھ کر سکوں، طویل انتظار کے بعد خدا نے ہمیں ایسی قیادت بخشی جس نے ہمیں راہِ حل دکھائی، میں نے وزیراعظم کو بھی یہ کہا کہ پاکستان میں موجودہ حالات اور کوئٹہ کے حالات کو درست کرنے سے آپ کا بھاری مینڈیٹ رکاؤٹ ہے؟؟ ہم پاکستان کی بات کرنیوالے 6 کروڑ امن پسند شیعہ، امن پسند اقلیتیں آپ کو نظر نہیں آتے، آپ کو دہشت گردوں کا ساتھ زیادہ عزیز ہے؟ خدا کی قسم آپ ان کیخلاف فیصلہ کریں پوری قوم آپ کیساتھ ہے، اس بھاری مینڈیٹ کا کیا فائدہ ہوا، کیا آپ کو عوام نے اسی لئے منتخب کیا ہے؟؟ اُن کا کہنا تھا کہ ہماری قیادت نے ہمیں اس قابل بنایا ہے کہ ہم ظالم کی آنکھوں میں آنکھیں ڈال کر بات کر سکیں، اس کربلائی درس کا استعمال ہماری موجودہ قیادت نے دیا۔ میں لاہور کی خواتین کو خراجِ تحسین پیش کرتا ہوں جنہوں نے پاکستان میں جاری کرائسز میں شہداء کی یاد میں پروگرام منعقد کیا، آج کا پروگرام شاہد ہے کہ شہید زندہ رہتا ہے اور ظالم ذلیل و خوار ہوتا ہے، وہ دن دور نہیں کہ ان شہداء کا لہو ملک میں امن کی صورت میں مہکے گا۔
سید محمد رضا کا مزید کہنا تھا کہ مجلس وحدت مسلمین ہر قسم کے تعصبات سے بالاتر امن کیلئے ملک میں کوشاں ہے، ہم کبھی شہداء کے ورثاء کو تنہاء نہیں چھوڑیں گے، اسلامی معاشرے میں خواتین کا کردار امتیازی حیثیت کا حامل ہے، مغرب آزادی کے نام پر آوارگی پھیلاتا ہے جبکہ اسلامی معاشرے میں خواتین کا کردار عزت و حرمت، عفت و شرافت کا ہے، مجلس وحدت مسلمین میں مردوں کیساتھ خواتین سیاسی و مذہبی عمل میں شانہ بشانہ ہیں، طالبان خواتین کی حیثیت کو کم کرنا چاہتے ہیں، ظلم کا نشانہ بناتے ہیں، ہماری خواتین حقوق کی جنگ میں ملک میں اہم ترین کردار ادا کر رہی ہیں۔ ہم امن کیساتھ، جیو اور جینے دو کی پالیسی پر گامزن ہیں، اقلیتوں کو اسلام کے مطابق حقوق دینے کے حامی ہیں، ہم وطن کی خاطر اپنا سب کچھ لُٹا سکتے ہیں، ہماری خواتین نے اپنے بیٹے، بھائی، شوہر، اسلام اور پاکستان پر قربان کئے، ہم ان ماؤں، بہنوں کو سلامِ عقیدت پیش کرتے ہیں، آپ کی قربانی کامیابی کا باعث بنے گی، عالمی سطح پر انقلابات میں خواتین کا کردار برابر کا ہے۔ طالبان جیسے ظالموں سے مذاکرات نہیں کئے جانے چاہئیں، ہم ہر سطح پر اس کی مذمت کرتے ہیں۔ مٹھی بھر دہشت گردوں کے ہاتھوں ملک کو ہرغمال بنا دیا گیا ہے۔
مسیحی رہنما بشپ نذیر عالم نے اپنے خطاب میں کہا کہ امن کی اس کوشش میں سنی اتحاد کونسل، مجلس وحدت مسلمین کیساتھ ہمارا بھی نام ساتھ رکھا جائے، ہم آپ کیساتھ کھڑے ہیں، ہم اولادِ آدم ہیں، ہم حق کیلئے ایک ہیں، نبیوں کی تعلیمات پر عمل پیرا ہو کر انسان کامیابی سے ہمکنار ہو سکتا ہے، معاشرے میں بہتری کیلئے ایک دوسرے کا احترام انسانیت کے ناطے ضروری ہے، ان شہداء کو ان لوگوں نے شہید کیا جو انسان کے روپ میں بھیڑیئے ہیں۔ آئیں مل کر اس وطن کو بچائیں، انسان کی عزت کریں، انسانیت کی قدر کریں۔ ہم دہشت گردی کیخلاف سخت اقدام کی حمایت کریں گے، افواجِ پاکستان جب بھی دہشت گردوں کیخلاف کھڑے ہوں گے ہم سب ان کے ساتھ کھڑے ہوں گے۔ انہوں نے کہا کہ ایک بات یاد رکھی جائے جب تک پاکستان میں ایک بھی کربلائی زندہ ہے، تم جھک سکتے ہو، ہم ان یزیدی طاقتوں کے سامنے نہیں جھک سکتے۔
انہوں نے کہا کہ ہماری تاریخ گواہ ہے ہم پوری دنیا کو پیغام دے رہے ہیں کہ ہم دہشتگردوں کے سامنے جھکیں گے نہیں۔ لبیک یاحسین (ع) کا نعرہ انسانیت کا نعرہ ہے، یہ نعرہ انسانیت کی فلاح کا باعث ہے۔ ساری دنیا جانتی ہے کہ حسین سب کا ہے، دنیا میں جہاں بھی حُسینیوں سے مقابلہ ہے، وہاں ان کا حال دیکھنے والا ہے، پناہ مانگتے ہیں تو پناہ نہیں ملتی۔ یہ دہشت گرد اولیاء اللہ کے دشمن ہیں، اللہ کے دشمن ہیں۔ شہداء کے ورثاء کو سلام پیش کرتا ہوں جو استقامت کیساتھ ہماری استقامت میں اضافے کا باعث ہیں۔ ہم اعلان کر رہے ہیں کہ فوج ہمت کرے ہمیں اپنے آگے پائے گی، ہمارے سینے حاضر ہیں۔ کانفرنس کے آخر میں طالبان سے مذاکرات کیخلاف قراردار منظور کی گئی اور کہا گیا کہ شہداء کے ورثاء اس خون کا سودا نہیں ہونے دیں گے، ہم پاک فوج کیساتھ شانہ بشانہ کھڑے ہو کر دہشت گردوں کا مقابلہ کریں گے، وطن عزیز کو دہشت گردوں کے ہاتھوں یرغمال نہیں بننے دیں گے۔
وحدت نیوز(اسلام آباد) کوہاٹ ہنگو روڈ دھماکے سمیت ملک بھر میں جاری دہشتگری کی مذمت کرتے ہیں، کوہاٹ ہنگو روڈ بس پر دہشتگردی 14 بے گناہ افراد کے قتل پر ایم ڈبلیو ایم کی جانب سے کل ملک گیر یوم سوگ منایا جائے گا، دہشتگردی کے خلاف جنگ میں افواج پاکستان کے شانہ بشانہ کھڑے ہیں، دہشتگردوں کے خلاف آپریشن کا دائرہ کار وسیع کیا جائے، تاکہ ان کی کاروائیوں سے بے گناہ عوام کو بچایا جاسکے اور ایسی تمام سیاسی و مذہبی جماعتوں کے خلاف کارروائی کی جائے جو ان دہشتگردوں کی حمایت کرتی ہیں، چند پاکستان مخالف جماعتیں دہشتگروں کو مظلوم بنانے کی سازش کر رہی ہیں، ملکی محب وطن عوام دہشتگردوں اور انکی حامی جماعتوں کے عزائم کو کبھی کامیاب نہیں ہونے دیں گی۔ ان خیالات کا اظہار مجلس وحدت مسلمین پاکستان کے سربراہ علامہ ناصر عباس جعفری نے کوہاٹ ہنگو روڈ بس پر ہونے والی دہشتگردی کے خلاف مرکزی دفتر وحدت ہاؤس سے جاری اپنے مذمتی بیان میں کیا۔ اُن کا کہنا تھا کہ ملک کی عوام الحمدللہ طالبان کی دہشتگردی کو اسلام اور شریعت کے خلاف سمجھتے ہیں، وقت آگیا ہے اب حکومت دہشتگردی کے خاتمے کیلئے ملک گیر فوجی آُپریشن کرے، تاکہ ملک کو ان دہشتگردوں سے نجات دلائی جاسکے۔
علامہ ناصر عباس جعفری کا کہنا تھا کہ دہشتگردوں کے خلاف افواج پاکستان کی کارروائیاں قابل تحسین ہیں، بے گناہ عوام کو دہشتگردی کا نشانہ بنانے والے مٹھی بھر طالبان کو حکومت کی جانب سے چھوٹ دی گئی تھی، اسلام کی شکل مسخ کرنے والے طالبان کی شریعت نافذ کرنے کے خواب درحقیقت اس ملک میں موجود اُن سیاسی و مذہبی جماعتوں کا خواب ہے جو اس ملک میں عدم استحکام دیکھنا چاہتی ہیں، ایم ڈبلیو ایم ایسی تمام جماعتوں کی مذمت کرتی ہے اور ان کی سازشوں کا منہ توڑ جواب دیا جائیگا۔ علامہ ناصر عباس جعفری نے حکومت سے مطالبہ کیا کہ وہ اپنی صفوں میں سے کالعدم گروہوں کی پشت پناہی کرنے والی کالی بھیڑوں کے خلاف بھی کارروائی کرے اور ان دہشتگردوں کو سرعام پھانسی دے، تاکہ اس ملک میں کوئی دہشتگردوں کا پشت پناہ باقی نہ رہے۔ انہوں نے مزید کہا کہ صوبہ خیبر پختونخوا گذشتہ کئی دنوں سے مسلسل دہشگردی کا نشانہ بن رہا ہے اور ملت جعفریہ سے تعلق رکھنے والے علماء اور افراد کو ایک ہی علاقے میں چار مرتبہ ٹارگٹ کلنگ اور خودکش حملوں کا نشانہ بنایا گیا ہے، جن کے قتل میں ملوث کسی دہشتگردوں کو تاحال گرفتار نہیں کیا گیا۔ کوہاٹ ہنگو روڈ بس میں شہید ہونے والے بے گناہ افراد کے لواحقین سے اظہار ہمدردی کرتے ہیں اور زخمیوں کی صحتیابی کیلئے عوام سے خصوصی دعا کی اپیل کرتے ہیں۔
وحدت نیوز(بلتستان) مجلس وحدت مسلمین پاکستان بلتستان ڈویژن کے ڈپٹی سیکرٹری جنرل فدا حسین نے اپنے ایک بیان میں کہا ہے کہ جماعت اسلامی کے نام نہاد امیر نے کربلا کے بارے میں مبہم بیان دے کر نہ صرف مقدسات اسلام کی توہین کی ہے بلکہ اکابرین اہل سنت کی بھی توہین کی ہے۔ انہوں نے کہا کہ معرکہ حق و باطل کربلا کو مشکوک اور اصحاب کی جنگ قرار دے کر انہوں نے توہین رسالت (ص) و توہین اہلبیت (ع) کی ہے، یہ جرم ناقابل معافی ہے۔ ان کا یہ بیان شعوری ہو یا لاشعوری ہر دو صورت میں انہوں نے مقدسات اسلام کی توہین کی ہے اور اہل سنت اکابرین کی تعلیمات کے خلاف بغاوت کی ہے۔ انہوں نے کہا منور حسن کے اس مذموم فعل سے نہ صرف دنیا بھر میں بسنے والے اہل تشیع کو صدمہ پہنچا ہے بلکہ اسلام محمدی (ص) کے تمام پیروکاروں کو دلی صدمہ پہنچا ہے۔ انہیں دوبارہ میڈیا پہ آ کر اس بات کی وضاحت کرنی چاہیئے اور تمام ملت اسلامیہ سے معافی مانگنی چاہیئے، لیکن مجھے امید ہے وہ ایسا نہیں کریں گے کیونکہ امیر جماعت اسلامی اصلی تعلیمات اور ہدف سے ہٹ کر دہشت گردوں کی ترجمانی اور سیاسی ونگ کا کردار ادا کرنے میں مصروف ہیں۔
وحدت نیوز(مظفرآباد) کراچی سے کشمیر تک پوری قوم افواج پاکستان کے ساتھ کھڑی ہے، قاتلوں اور وحشیوں کے ساتھ مذاکرات کے کوئی معنی نہیں، ملک کی جغرافیائی سرحدوں کے محافظ پاک فوج اور ایف سی کے جوانوں کے بیہمانہ قتل کے بعد مذاکرات کی بات کرنے والے احمقوں کی جنت میں رہتے ہیں، آپریشن سے گورنمنٹ کی رٹ بحال ہو گی، اور ملک و دہشتگردی کے عذاب سے نجات میں خاطر خواہ مدد حاصل ہو گی ، قوم کی تاریخ میں مشکل وقت آتے رہتے ہیں، پاکستانی قوم نے ہمیشہ مشکل اور نازک حالات میں اتحاد و یکجہتی کا مظاہرہ کر کے ملک کو خطرات اور مشکلات سے نکالا ہے، وفاقی حکومت آپریشن میں کسی طرح کے پس و پیش کی گنجائش رکھے بنا دہشتگردوں کے ٹھکانوں کو نشانہ بنائے اور ان علاقوں میں مقیم نہتے عوام کی فوری محفوظ منتقلی اور قیام و طعام کے لیئے ہنگامی اقدام اٹھائے، پوری قوم کا تعاون میسر رہے گا، ان خیالات کا اظہار مجلس وحدت مسلمین آزاد جموں کشمیر کے سیکرٹری جنرل علامہ سید تصور حسین نقوی الجوادی نے اپنی رہائش گاہ پر مختلف وفود سے گفتگو کرتے ہوئے کیا ۔
انہوں نے کہا کہ حکومت پچھلے چند ماہ سے مذاکرات مذاکرات کی تسبیحات پڑھواتی رہے ہے، بعض رہنماؤں کے بیانات سے افواج پاکستان کے متعلق ناقص آراء بھی قائم کی گئیں، لیکن اب جس مرحلہ کا آغاز ہوا ہے افواج پاکستان اپنی صلاحیات سے یہ ثابت کر دے گی کہ پاک آرمی قیام امن کے لیئے دنیا کی بہترین آرمی ہے، ضرورت اس امر کی ہے کہ پوری قوم ایک آواز ہو کر افواج پاکستان کے ساتھ کھڑی ہو اور ایسی قوتوں کا سر کچلنے میں بھرپور کردار ادا کرے جو اسلام کو بدنام کرنے کی سازش میں ملوث ہیں انہوں نے کہا کہ دہشتگرد اسلام کے نام پر لوگوں کے عقائد و نظریات سے کھیل رہے ہیں، چترال اور لیلاش میں اسماعیلیوں کو دھمکیاں دینے کا واقعہ قابل مذمت ہے ، جبکہ چیف جسٹس کا ازخود نوٹس لینا حوصلہ افزا اقدام ہے، علامہ سید تصور حسین نقوی الجوادی نے کہا کہ پاکستان میں بسنے والے تمام مکاتب فکر کے مسلمانوں اور غیرمسلم پاکستانیوں کو اپنے اپنے عقائد و نظریات اور اسولوں کی روشنی میں آزادانہ زندگی گزارنے کا پورا پورا حق حاصل ہے ، کسی کو زبردستی کسی کو کافر یا مسلمان بنانے کا کوئی حق نہیں ہے، تبلیغی مشن اپنے اپنے مکتب کے لوگوں کی اصلاح احوال اور ان کے عقائد و اعمال کی پختگی کے لیئے کام کریں، اور اسلام کی عالمگیر انسانی تعلیمات کے فروغ و پرچار سے معاشرہ رشکِ ارم بن سکتا ہے۔
