The Latest
وحدت نیوز (کراچی) گذشتہ دو روز میں بانی جلوس سمیت اہم شیعہ افراد کی ٹارگٹ کلنگ کی مذمت کرتے ہیں شہر کے مختلف علاقو میں تنظیمی کا کنان ،بانیان جلوس،مساجد امام بارگاہ کے ٹرسٹیز،تاجروںسمیت خواتین اور معصوم بچوں کو دہشت گردی کا نشانہ بنایا جا رہا ہے ۔شہرقائد کو دہشتگردوں کے رحم وکرم پر چھوڑدیا گیا ہے،قانون نافذ کرنے والے ادارے پولیس اور رینجرز کن دہشتگروں کے خلاف کاروائی کر رہے ہیں۔ ان خیالات کا اظہار مجلس وحدت مسلمین کراچی کے سیکر ٹری جنرل حسن ہاشمی نے سر جانی ٹاﺅن امام بارگاہ در بتول اور بانی جلوس ۶ محرم الحرام سرجانی ٹاﺅن کاظم شاہ نقوی اُن کی صاحبزادی سمیت پاک کالونی میں عباس حیدر زیدی کی ٹارگٹ کلنگ کے خلاف پر اپنے مذمتی بیان میں کیا ۔
اُن کا کہنا تھا رمضان المبارک سے اب تک روزانہ شیعہ افراد کو ٹارگٹ کلنگ کا نشانہ بنایا جا رہا ہے مگر حکومت سمیت قانون نافذ کرنے والے اداروں کی جانب سے تا حال کو ئی ایکشن نہیں لیا گیا اُن کہنا تھا کہ معصوم انسانوں کو اپنی دہشتگردی کا نشانہ بنا نا اور اس طرح پوری قوم کو اندرونی مسائل میں الجھا دیا جانا ملک میں انارکی کی فضا پیدا کر کے افواج پاکستان کے آپریشن ضرب عضب کو بھی کمزور کرنے کی کو شش کی جارہی ہے ۔ہم واضح طور پر یہ سمجھتے ہیں کہ پاکستان میں جاری دہشت گردی اور بالخصوص ملت جعفریہ کے عمائدین کی مسلسل ٹارگٹ کلنگ اور نسل کشی کا سلسلہ عالمی سامراجی اور صیہونی سازشوں کا نتیجہ ہے ، اور اس دہشت گردی اور ٹارگٹ کلنگ کو انجام دینے کے لئے پاکستان میں موجود ان سامراجی اور صیہونی قوتوں کے ایجنٹ موجو دہیں جو چند ڈالروں کے عوض اپنے ہی ملک کے معماروں اور دانشوروں سمیت نوجوانوں کو ٹارگٹ کلنگ کا نشانہ بنا رہے ہیں۔
حسن ہاشمی نے حکومت سے مطالبہ کیااسرائیلی ایجنٹ دہشت گرد وں کے خلاف جاری آپریشن ضرب عضب کا دائرہ کار وسیع کیا جائے اور شہر کراچی میں موجود دہشت گردوں کے مراکز اور ان کے مدد گاروں کے خلاف سخت کریک ڈاﺅن شروع کیا جائے تا کہ شہر کو امن نصیب ہو اور شہر میں بسنے والوں کی جان و مال کا تحفظ یقینی بنایا جا سکے۔ حکومت شہر میں قائم کالعدم دہشت گرد گروہوں کے مراکز کے خلاف کریک ڈاﺅن کا سلسلہ شروع کیا جائے اور ملت جعفریہ کے عمائدین کی نسل کشی میں ملوث ملک دشمن اور اسلام دشمن دہشت گردوں کے سرغنہ افراد کو منظر عام پر لایا جائے اور سخت سے سخت سزائیں دے کر شہر میں امن و امان اور شہریوں کے جان ومال کے تحفظ کو یقینی بنایا جائے۔سندھ پولیس ، رینجرز سمیت قانون نافذ کرنے والے اداروں سے مطالبہ کرتے ہیں کہ وہ اپنی ذمہ داریوں کو انجام دیں اور شہر کراچی میں ان ملک دشمن دہشت گردوں کا قلع قمع کرنے میں اپنا کردار کریں۔ گذشتہ کئی سالوں سے کالعدم دہشت گرد گروہوں کے دہشت گردانہ حملوں میں شہید ہونے والے تمام کراچی کے شہریوں، پولیس، رینجرز اہلکاروں سمیت دیگر شہداءکے اہل خانہ سے ہمدردی اور یکجہتی کا اظہار کرتے ہیں اور حکومت کو ایک مرتبہ پھر متنبہ کرتے ہیں کہ اگر ان دہشت گردانہ کاروائیوں میں ملوث دہشت گردوں کے خلاف فی الفور کاروائی عمل میں نہ لائی گئی تو ملت جعفریہ احتجاج کا حق محفوظ رکھتی ہے۔
وحدت نیوز(کراچی ) مجلس وحدت مسلمین پاکستان صوبہ سندھ کے سیکرٹری جنرل علامہ مختار امامی نے کہا ہے کہ نواز شریف حکومت کے خاتمہ تک چین سے نہیں بیٹھیں گے، سیاسی دہشتگردوں کیخلاف بھی آپریشن ضرب عضب کی ضرورت ہے، ملک میں اب شیعہ، سنی کا مسئلہ نہیں رہا، اہلسنت بھائیوں نے مشکل وقت میں ہمارا ساتھ دیا، اسی وجہ سے آج ریاستی جبر سے متاثرہ اہل سنت کے ساتھ کھڑے ہیں، اگر ہم ایک مہینہ کیلئے گھروں سے نکل کر سڑکوں پر آجائیں تو اسلام آباد اور پنجاب کے رئیسانی کو بھی گھر بھیج سکتے ہیں، نواز شریف حکومت کا خاتمہ عالمی استعماری قوتوں کی مداخلت کا خاتمہ ہے، نواز حکومت سعودی عرب کی سٹریٹجک پارٹنر ہے۔ ان خیالات کا اظہار انہوں نے وحدت ہاؤس میں منعقدہ صوبائی شوریٰ کے اجلاس سے کیا۔ اس موقع پر عالم کربلائی، علامہ مبشر حسن، علامہ علی انور جعفری، علی حسین نقوی سمیت دیگر رہنما بھی موجود تھے۔
علامہ مختار امامی کا کہنا تھا کہ ہمیں اپنے دشمن کو پہچاننا ہوگا، ہمارا دشمن امریکہ، اسرائیل، سعودی عرب سمیت بعض عرب ممالک اور پاکستان میں موجود ان کے آلہ کار ہیں، وطن عزیز میں ہمارے خلاف دشمنی کا آغاز جنرل ضیاء الحق دور میں ہوا، اور ہمارے خلاف ایک اتحاد قائم کیا گیا، جس نے ہمیں پاکستان میں ڈرانے، تنہاء اور کمزور کرنے کی کوشش کی کیونکہ دشمن جانتا تھا کہ کربلا کے ماننے والوں میں بڑی طاقت ہے، جب تک انہیں شکست نہیں دی جاسکتی، اس کے مزموم عزائم کامیاب نہیں ہوں گے۔ انہوں نے مزید کہا کہ نامساعد حالات میں شہید عارف حسین الحسینی نے ملت کی سربلندی کا پرچم اٹھایا اور ابوجہل و ابو لہب کی اولادوں کو للکارا، شہید عارف الحسینی ایک باد نسیم کی طرح آیا تھا، دنیا کہتی تھی کہ امام خمینی کے بعد دوسرا بڑا لیڈر ہمارا قائد شہید عارف الحسینی تھا۔
انہوں نے مزید کہا کہ وہ جتنا عظیم تھا اتنا ہی مظلوم تھا، ہم شہید کے دشمنوں کا تعاقب کرتے رہیں گے اور وقت کے فرعونوں کیلئے میدان خالی نہیں چھوڑیں گے۔ امریکہ، اسرائیل، سعودی عرب اور ان کے ٹکڑوں پر پلنے والے تکفیریوں کے اتحاد نے ہم سے شہید عارف الحسینی کو چھین لیا، جنہوں نے شہید عارف الحسینی کو شہید کیا آج وہی ہاتھ تفتان بارڈر پر شہید ہونے والے زائرین کے قاتل ہیں۔ ان کا مزید کہنا تھا کہ دشمن کے پاس آج پورا نظام موجود ہے، وہ ہماری ایک ایک حرکت پر نظر رکھے ہوئے ہے، بغیر منظم ہوئے ہم دشمن کا مقابلہ نہیں کرسکتے، اس لئے ہمیں منظم ہوکر نواز شریف کی امریکہ و سعودیہ نواز حکومت تک اپنی جدوجہد کو جاری رکھنا ہے۔
وحدت نیوز(کوئٹہ) مجلس وحدت مسلمین بلوچستان کے سیکریٹری جنرل علامہ مقصود ڈومکی نے کہا ہے کہ عوامی سیلاب کے سامنے اب یہ حکومت زیادہ عرصہ قائم نہیں رہ سکے گی۔ ماڈل ٹاؤن کے شہداء کا خون رائیگاں نہیں جائے گا۔ افسوس کی بات ہے کہ اب تلک ورثاء شہداء کی جانب سے سانحہ ماڈل ٹاؤن کی ایف آئی آر تک درج نہیں کی گئی اور اس سانحے کے ذمہ داران کے خلاف کوئی کاروائی نہیں کی گئی۔ شہدائے ماڈل ٹاؤن کا خون حکومت پر قرض ہے۔ انہوں نے حکومتی رکاوٹوں اور جبر و تشدد کے باوجود ماڈل ٹاؤن میں یوم شہداء کے انعقاد پر تمام رکن جماعتوں کو مبارک باد دیتے ہوئے کہا کہ ریاستی ہتھکنڈے ان کارکنوں کو نہ روک سکے۔ جو عزم انقلاب لے کر میدان میں آئے ہیں۔ انہوں نے پنجاب بھر میں ایم ڈبلیو ایم کارکنوں اور ایم ڈبلیو ایم پنجاب کے رہنماء علامہ حسن رضا ہمدانی کی گرفتاری کی مذمت کرتے ہوئے ان کی فوری رہائی کا مطالبہ کیا۔ نواز حکومت کا جانا ٹھہر گیا ہے، حکومت بوکھلاہٹ کا شکار ہو کر سنگین غلطیوں کی مرتکب ہونے جا رہی ہے۔ اب وقت آ چکا ہے کہ حزب اختلاف متفق ہو کر مشترکہ جدوجہد کا لائحہ عمل تیار کرے۔ عوامی سیلاب کے سامنے اب یہ حکومت زیادہ عرصہ مقاومت نہیں کر پائے گی۔
وحدت نیوز(لاہور) پنجاب حکومت ایم ڈبلیوایم کے کارکنان و عہدیداران کو ہراساں کرنے سے بازرہے ، 14اگست کے مارچ میں شرکت سے دنیا کی کوئی طاقت نہیں روک سکتی ،شہباز شریف کی غنڈہ گردی کا راج جلد ختم ہونے والا ہے، قائد وحدت علامہ ناصر عباس جعفری کے حکم پر محصورین ماڈل ٹائون کے لئے کیمپ لگا دیا گیا ہے ، شرکاء کو کھانے پینے کی اشیاء فراہم کی جا رہی ہیں ،پنجاب کے 37اضلاع سے ہزاروں کی تعداد میں کارکنان اسلام آباد کی جانب مارچ کریں گے، ا ن خیالات کا اظہار مجلس وحدت مسلمین پنجاب کے صوبائی سیکریٹری جنرل علامہ عبد الخالق اسدی نے وحدت ہائوس مسلم ٹائون لاہور میں صوبائی شوریٰ کے مشترکہ اجلاس سے خطاب کر تے ہوئے کیا۔
ان کاکہنا تھاکہ مسلم لیگ کی پنجاب حکومت پرامن شہریوں سے پر امن احتجاج کا جمہوری وآئینی حق نہیں چھین سکتی ،گذشتہ دس رو ز سے پنجاب حکومت نے ظلم و جبر کا بازار گرم کر رکھا ہے، شہباز شریف کے خادم اعلیٰ ہونے کے جھوٹے دعوے کا پول کھل چکا ہے، شہباز شریف انتہائی درجے کے جھوٹے و ظالم حاکم ہیں ، پنجاب کے مختلف اضلاع میں ایم ڈبلیوایم کے بیسیوں کارکنان کو گرفتار کر لیا گیا ہے، جبکہ مختلف شہروں میں اب بھی چھاپوں کا سلسلہ جاری ہے ،انہوں نے شرکائے اجلاس سے کہا کہ ہمیں عہد کر نا ہوگا کہ جب تک ہم اس ظالم نظام حکومت کا خاتمہ نہ کر دیں اپنے گھروں کا نہیں لوٹیں گے، پنجاب حکومت کی تمام تر سازشیں ہمیں لانگ مارچ میں شرکت سے نہیں روک سکتیں ، انشاء اللہ پنجاب بھر کے37اضلاع سے ایم ڈبلیوایم کے مرد وخواتین کارکنان ہزاروں کی تعداد میں اسلام آباد کی جانب مارچ کریں گے،جبکہ جی ٹی روڈ پر ایم ڈبلیوایم کے مختلف اضلاع سبیلیں اور استقبالیہ کیمپ بھی لگائیں گے۔
وحدت نیوز(لاہور) مارچ روکنے کے نواز لیگ کے اقدامات غیر جمہور ی اور غیر آئینی ہیں، پنجاب پولیس نے ماڈل ٹائون کا غزہ کی طرح محاصرہ کیا ہواہے ،کھانے پینے کی اشیاء کی شدید قلت ہے ،جب تک ظالم حکومت کے تخت کو زمین بوس نہ کر لیں چین سے نہیں بیٹھیں گے،پاکستان بچانے کے لئے شیعہ سنی قائدین و عوام کا مجتمع ہونا استحکام پاکستان کے لئے نیک شگون ہے،استحصالی نظام کی تبدیلی کی جدوجہدکر نے پر غدار ی کا فتوا لگانے والے نواز حکومت کے ظالمانہ اقدامات پر منافقانہ خاموشی اختیارکر لیتے ہیں ، ان خیالات کا اظہارمجلس وحدت مسلمین پاکستان کے سربراہ علامہ ناصرعباس جعفری نے صوبائی سیکریٹریٹ مسلم ٹائون میں ایم ڈبلیوایم کی کور کمیٹی کے اجلاس سے خطاب کرتے ہوئے کیا۔
ان کاکہنا تھا کہ پنجاب حکومت ظالمانہ اقدامات ہمارے مارچ کی دیوار نہیں بن سکتے، شہباز شریف نے قبضے کے کنٹینرز لگا کرشرکاء کی آمد و رفت میں رکاوٹ ڈانے کی کوشش کی ہے، کنٹینر ز کی تعداد میں 10گنا اضافہ کردیا گیا ہے، موبائل و کیبل نیٹ ورک بند کر کے ماڈل ٹائون کے محصورین کا رابطہ دنیا بھر سے منقطع کردیا گیا ہے، پولیس کے جوانوں کو لبھانے کے لئے خوبرولیڈی پولیس اہلکاروں کی تعیناتی غیر اخلاقی اور غیر شرعی فعل ہے ، اس طرح کے احکامات جاری کر نے والوں کا شرم آنی چاہئے ، لیڈی پولیس اہلکاربھی کسی گھر کی عزت ہیں ، کسی کی ماں ،بہن ، بیٹی ہیں ، انہیں مرد پولیس اہلکاروں کی توجہ کا مرکز بنا کر ماڈل ٹائون میں ڈیوٹی پر پابند بنانے کی کوشش انتہائی شرمناک فعل ہے،ایسے احکامات دینے والوں کے خلاف عدالتی کاروائی عمل میں لائی جائے،انہوں نے مذید کہا کہ حکومت مارچ کو روکنے کی کسی بھی سازش سے بازرہے، 14اگست کو انسانی سروں کا سمندر ہوگا جو ان ظالم ، کرپٹ اور دہشتگردوں کے سرپرست حکمرانوں کا خش وخاشاک کی طرح بہا کر لے جائے گا۔
وحدت نیوز(اسلام آباد) مجلس وحدت مسلمین پاکستان کے مرکزی ڈپٹی سیکرٹری جنرل اور خارجہ امور کے سیکریٹری علامہ سید شفقت حسین شیرازی نے کہا ہے کہ مسلح تكفيری اور تنگ نظر گروہوں سے سرزمين وطن كو پاک کرنے كا عہد ہماری مسلح افواج کے بہادر كمانڈرز اور جوان نبها رہے ہیں۔ اسی طرح اب ہماری غيرت مند اور بہادر پاكستانی قوم كی ذمہ داری بنتی ہے کہ وه بهی ہر قسم کے سياسی اور دينی مفادات سے بالا تر ہو کر 14 اگست كو وحدت ملى كا مظاہره کرتے ہوئے 35 سال سے جاری سياسی دہشت گردی اور غنڈه گردی کے خاتمہ کیلئے ضرب ذوالفقار میں بهربور شركت کریں اور مذہبی منافرت، تکفيريت اور دہشت گردی كو جنم دينے والے آل سعود کے ايجنٹوں سے ايوان حكومت كو پاک كر ديں۔ ان خیالات کا اظہار انہوں نےمرکزی سیکریٹریٹ سے جاری اپنے ایک بیان میں کیا۔
علامہ شفقت حسین شیرازی کا کہنا تھا کہ مجلس وحدت مسلمین کے سربراه علامہ ناصرعباس جعفری نے اس سياسی جدوجہد اور انقلابی تحريک كو بالكل صحيح "ضرب ذوالفقار" كا نام ديا ہے، کيونکہ جذبہ حيدر کرار اور ذوالفقار ہی اس زمانے کے خوارج سے ہميں نجات دلا سکتی ہے۔ اس تنگ نظر اور متعصب سياسی ٹولے نے كبھی فوجی جوانوں کے نعروں سے "نام حيدر" كو ختم کرنے كا حكم ديا اور كبهی "نام ذوالفقار" كو انتخابی نشانوں کی فهرست سے نكالا، اب قوم متحد اور بيدار ہے۔ 14 اگست كو اسلام آباد اور ديگر تمام شہروں ميں حيدر حيدر ہوگا، دمادم مست قلندر ہوگا، فضائيں لبيک يارسول الله اور لبيک ياحسين کے نعروں سے گونجيں گی، نعره حيدری بلند ہوگا۔ پاکستان کی بقاء، سلامتی اور ترقی کی دعائيں ہونگی۔ تمام مذاہب اور مکاتب فكر کے لوگ عملی طور بر وحدت كا عظيم الشان مظاہره كريں گے۔ اب پاکستانی قوم نے یہ عہد کر ليا ہے کہ ہمارے پیارے وطن ميں تنگ نظروں کیلئے کوئی جگہ نہیں۔ قوم اب شريف برادران سے ہر ولی کے مزار کی شهادت، ہر امام بارگاه اور مسجد كی بيحرمتی، سرزمين وطن ميں دہشتگردی کی بدولت گرنے والے ہر بيگناه خون کے ہر قطرے كا حساب لے گی۔ اگر حكومت ماڈل ٹاون کی طرح ايک اور کربلا بنانے کی ہمت ركهتی ہے تو پوری کوشش کرلے۔ اب قوم گیدڑوں کے جسم سے شير کی کھال اتار كر ہی دم لے گی۔
وحدت نیوز(لاہور)شریف برادران بوریا بستر لپیٹ لیں ، عوامی سمندر ظالم حکمرانوں کو بہا کر لے جانے کے لئےساحل سے ٹکرا رہا ہے،مجلس وحدت مسلمین اپنے اہل سنت بھائیوں کو مشکل گھڑی میں تنہا نہیں چھوڑی گی، منہاج القرآن میں محصور خواتین ، معصوم بچوں اور بزرگوں کے لئے سبیلوں کا اہتمام کیا جائے گا، نواز شریف سیاسی مخالفین سے انتقام لینے کے لئے کمر بستہ ہیں ، ڈاکٹر طاہر القادری، عمران خان، شیخ رشید اور چوہدری برادران کے خلاف لاہو رہائی کورٹ کا فیصلہ کرپٹ ججوں کی غلام ذہنیت کی عکاس ہے، پنجاب بھر کے کارکنان لانگ مارچ کے حوالے سے تمام تر انتظامات جلد مکمل کریں ، جی ٹی روڈ پر استقبالیہ کیمپس لگائے جائیں گے، ان خیالات کا اظہار مجلس وحدت مسلمین پاکستان کے سربراہ علامہ ناصر عباس جعفری نے صوبائی سیکریٹریٹ مسلم ٹائون میں ہنگامی اجلاس سے خطاب کرتے ہوئے کیا، اس موقع پرمرکزی رہنما علامہ احمد اقبال ،علامہ مبارک موسوی علامہ اعجاز بہشتی ، فضل نقوی ، نثار فیضی، صوبائی سیکریٹری جنرل علامہ عبد الخالق اسدی، اسد عباس نقوی ، رائے ناصر ، مظاہر شکری و دیگر بھی موجود تھے۔
علامہ ناصر عباس جعفری کا کہنا تھا نواز حکومت اسلام آباد اور لاہور میں موجود ملازمین عوامی احتجاج کو روکنے کے لئے غیر جمہوری اقدامات کا سہارا لے رہی ہے،پنجاب بھر میں ایم ڈبلیوایم کے کارکنان کو انقلاب مارچ میں شرکت سے روکنے کے لئے اوچھے ہتھکنڈے استعمال کررہی ہے، لاہور ، شیخوپورہ، ملتان ،راولپنڈی اور سرگودھا سمیت دیگر شہروں میں کارکنان کے گھروں میںچھاپے جاری ہیں ، نواز لیگ ایسی غیر جمہوری حرکتوں سے ہمیں خوفزدہ نہیں کر سکتی، دہشت گردی، کرپشن ، لوڈشیڈنگ اور کرپشن سے تنگ اٹھارہ کروڑ عوام اس ظالم استحصالی سے جنگ کے لئے میدان میں نکلنے والے ہیں ، پاکستان کی تاریخ میں استحکام وطن کے لئے شیعہ سنی عوام کا اکھٹا ہو کر نکلنا تکفیریت کی شکست ہے، علامہ ناصر عباس جعفری نےایم ڈبلیوایم کے صوبائی رہنمائوں کو احکامات جاری کئے کے منہاج القرآن میں محصور خواتین ، معصوم بچوں اور بزرگوں کے لئےفوری طور پر سبیلیں لگائی جائیں اور انقلاب مارچ کے شرکاءکے لئے کھانے پینے کی اشیاء فراہم کی جائیں ۔
وحدت نیوز(جیکب آباد ) پاکستان عوامی تحریک اورمجلس وحدت المسلمین ضلع جیکب آباد کی جانب سے شہداء ماڈل ٹائون کی حمایت میں اور نواز لیگ حکومت کے خلاف احتجاجی مظاہر ہ تفصیلات کے مطابق پاکستان عوامی تحریک اورمجلس وحدت المسلمین ضلع جیکب آباد کی جانب سے شہداء ماڈل ٹائون کی حمایت میں اور نواز لیگ حکومت کے خلاف ایک زبر دست احتجاجی مظاہر ہ حسن رضا غدیری،شاہد حسین جوادی،مولانا غلام رسول ،جاوید غازی،قاسم سیال ،امیر خاصخیلی ،بیدار بخت کی قیادت میں نکالا گیاشرکا ء نے شہر کے مختلف راستوں پر مارچ کیا اور ڈی سی چوک پہنچے جہاں رہنمائوں نے خطاب کرتے ہوئے کہا کہ پنجاب حکومت نے پاکستان عوامی تحریک کے نہتے کارکنوں کے پر امن جلوس پر فائرنگ کرکے آمریت کی یاد تازہ کردی حکومت کے اس عمل کی سخت لفظوں میں مذمت کرتے ہیں شہداء کے چہلم کو بھی حکومت خون سے رنگین کر رہی ہے کارکنا ن کو بلا جواز گرفتار کیا جارہا ہے حکومت اوچھے ہتھکنڈوں پر اتر آئی ہے اور پاکستان عوامی تحریک کے انقلاب سے خوفزدہ ہے انقلاب کا راستہ اب روکا نہیں جاسکتا ۔
وحدت نیوز(کوئٹہ ) مجلس وحدت مسلمین شعبہ تربیت کے زیر اہتمام کوئٹہ میں منعقدہ صوبائی تربیتی ورکشاپ کی اختتامی تقریب منعقد ہوئی ،تقریب میں10روزہ بصیرت افزائی کورس کے شرکاء میں اسناد تقسیم کی گئیں،تقریب میں مجلس وحدت مسلمین کی شوری عالی کے رکن علامہ سید ہاشم موسوی، صوبائی سیکریٹری جنرل و مرکزی کور کمیٹی کے رکن علامہ مقصود علی ڈومکی ،صوبائی کابینہ کے اراکین مولانا سید ظفر عباس شمسی ،مولانا سہیل اکبر شیرازی،مولانا ذوالفقار علی سعیدی ،مولانا محمد علی جمالی ،ورکشاپ کے آرگنائزرمولانا تصور عباس ، و برادرناصر عباس ،مولانا ہادی، ڈاکٹر اقبال نظر و دیگر شریک ہوئے ۔
اس موقع پر اختتامی تقریب سے خطاب کرتے ہوئے علامہ مقصود علی ڈومکی نے شعبہ تربیت کے مسئولین کا شکریہ ادا کرتے ہوئے کہا کہ ایک الہیٰ و نظریاتی تنظیم کے لیئے تعلیم و تربیت انتہائی اہمیت کی حامل ہے۔قرآن و سنت میں حصول علم کی بہت زیادہ تاکید کی گئی ہے یہاں تک کے پیغمبر اسلامﷺ نے اپنی بعثت کا مقصد تعلیم قرار دیا،انہوں نے کہا کہ تعلیم و تربیت کا یہ سلسلہ جاری رہنا چاہئے۔ اور ہمارے کارکن اپنے علم و عمل کے باعث معاشرے میں اسلامی اقدار کے امین بنیں۔
امن و امان ہی حکمرانوں کی ترجیح ہے تو کوئٹہ اور کراچی میں فوج کیوں نہیں بلائی جاتی، علامہ مقصودڈومکی
وحدت نیوز(کوئٹہ) مجلس وحدت مسلمین بلوچستان کے سر براہ علامہ مقصود علی ڈومکی نے کوئٹہ میں صوبائی کابینہ کے اراکین اور ضلعی عہدے داروں سے خطاب کرتے ہوئے کہا ہے کہ پر امن احتجاج ہمارا بنیادی حق ہے مگر جعلی مینڈٹ کے حامل حکمران آمرانہ اقدامات کے ذریعے پر امن احتجاج کو پر تشدد بنا رہے ہیں ۔کاش نواز حکومت سانحہ مڈل ٹائون سے سبق حاصل کرتے ہوئے پر امن یوم شہداء میں رکاوٹیں کھڑی نہ کرتی۔
انہوں نے کہا کہ پنجاب میں بڑے پیمانے پر مجلس وحدت مسلمین کے کار کنوں کو گرفتار کر کے عوام کو ہراساں کیاجا رہا ہے ۔ہم جمہوری لوگ ہیں اور جمہوری روایات کی پاسداری کریں گے ہم ملکی سیاسی معاملات میں فوجی مداخلت کے قائل نہیں اسی لئے اسلام آباد میں فوج بلانے کے فیصلے کے مخالف ہیں۔ اگر امن و امان ہی حکمرانوں کی ترجیح ہے تو کوئٹہ اور کراچی میں فوج کیوں نہیں بلائی جاتی جہاں معصوم انسانوں کا قتل عام روز کا معمول بن چکا ہے۔
انہوں نے ایم ڈبلیو ایم پنجاب کے صوبائی دفتر پر پولیس کے گھیراؤ اور رہنماؤں و تنظیمی کارکنوں کی گرفتاریوں کو افسوس ناک قرار دیتے ہوئے حکومت سے مطالبہ کیا کہ وہ گرفتار کارکنوں کو فی الفور رہا کرے۔ انہوں نے کہا کہ ملک بھر میں ہمارے کارکن قائد وحدت علامہ راجہ ناصر عباس کے حکم کے منتظر ہیں۔ انہوں نے کارکنوں کو ہدایت کی کہ وہ آئندہ کی احتجاجی تحریک کیلئے مکمل تیاری کریں اور اس سلسلے میں مرکز اور صوبے کی ھدایات کے مطابق حکومت کے جابرانہ اور آمرانہ کاروائیوں کے خلاف پر امن احتجاج کی کال کا انتظار کریں۔
