وحدت نیوز(سکردو) جمہوری عمل میں کسی قسم کی مداخلت اور تعطل گلگت بلتستان سیاسی عدم استحکام کا باعث بنے گا۔ جی بی ایسے کسی بھی غیر جمہوری عمل کا متحمل نہیں  ہو سکتا۔ پائیدار سیاسی عمل علاقے کی ترقی کا ضامن ہے۔ وزیر  اعلیٰ  کے انتخاب میں کسی قسم کا تعطل  جمہوریت  اور علاقے کیلئےنیک شگون نہیں۔

ان خیالات اظہار صوبائی سیکرٹری سیاسیات و رکن جی جی کونسل شیخ احمد علی نوری نے اپنے ایک اخباری بیان میں کیا ہے انہوں نے مزید کہا کہ نئے وزیر اعلیٰ  کے انتخاب کا شیڈول جاری ہونے بعد تعطل کا شکار کرنا علاقے کے مفاد میں نہیں۔ ایسے غیر جمہوری اقدامات سے جہاں ملک عزیز ناقابل تلافی نقصان سے دو چار ہوا ہے وہاں گلگت بلتستان بھی سیاسی بحران کا شکار ہوگا لہٰذا ایسے جہوری عمل کو ان تمام بےجا مداخلتوں سے دور رکھا جائے جس سےعلاقے کا سیاسی اور جمہوری عمل متاثر ہو۔

وحدت نیوز(لاہور)مجلس وحدت مسلمین پاکستان صوبہ پنجاب کی کابینہ کی آن لائن میٹنگ علامہ سید علی اکبر کاظمی کی زیر صدارت منعقدہوئی  سید اسد نقوی مرکزی سیکریٹری سیاسیات میٹنگ میں  آن لائن شریک ہوئے۔ اس کے علاوہ سید حسن رضا کاظمی صوبائی جنرل سیکریٹری ،سید آغا حسین شاہ زیدی صوبائی سیکریٹری سیاسیات ،شیخ عمران علی صوبائی سیکریٹری فلاح وبہبود ،انوار زیدی صوبائی ڈپٹی جنرل سیکریٹری،سید منتظرمھدی صوبائی ڈپٹی جنرل سیکریٹری،علامہ ڈاکٹرگلزار جعفری صوبائی سیکریٹری تربیت ،برادر اسداللہ بلتستانی صوبائی سیکریٹری میڈیا، حاجی مشتاق ورک صوبائی نائب صدر،سید نجیب الحسن نقوی صوبائی سیکریٹری تعلیم ،ظہیر کربلائی صوبائی آفس سیکریٹری نے آن لائن شرکت کی ۔ میٹنگ صوبائی شوری اجلاس کے انعقاد پر فوائد اور نقائص کا جائزہ لیا گیا ۔

 صوبائی شوری کے اجلاس میں ہونے والے فیصلہ جات کی روشنی میں پنجاب میں تنظیمی فعالیت اور یونٹس سازی کے عمل کا جائزہ لیا گیا۔ ڈویژنل مسئولین نے اپنے اپنے ڈویژن کے اضلاع کی موجودہ تنظیمی صورتحال سے آگاہ کیا ۔ تمام شعبوں کے مسئولین نے اپنے شعبوں کی کارکردگی پر بریفنگ دی ۔اجلاس ڈیڑھ گھنٹہ جاری رہا جس میں صوبہ پنجاب میں آنے والے محرم الحرام کے حوالے سے بھی اجلاس کو بریف کیا گیا ۔ عزاداری ونگ کی جانب سے لاہور میں 8 جولائی کو ہونے والی تحفظ حقوق تشیع کانفرنس اور اس میں اجرائی امور پر بھی تبادلہ خیال کیا گیا ۔

وحدت یوز(لاہور) مجلس وحدت مسلمین پاکستان کی عزاداری ونگ لاہور کے سینئیر نائب صدر سید واجد علی نقوی صاحب کے ہمراہ فیاض حسین ورک صاحب(ایگزیکٹیو ممبر عزاداری ونگ لاہور) سید دلدار حسین شاہ(ڈپٹی سیکرٹری  مجلس وحدت مسلمین اقبال ٹاون لاہور) سید عون شاہ مون ھاوس بھوبتیاںسید زوار بخاری شیر شاہ کالونی آغاصاحب علی رضا آباد  سید چن پیر شاہ گوپے راء کی چوھنگ,گوپے راء, علی رضا آباد,شیر شاہ کالونی اور بھوبتیاں کے مومنین کی ASP سدرہ خان اور SHO تھانہ چوھنگ ذکاء سے محرم الحرام کے سلسلہ میں امن و امان پر  میٹنگ ہوئی جس میں سید واجد علی شاہ نقوی سینئیر نائب صدرمجلس وحدت مسلمین لاہور(عزاداری ونگ) نے عزاداروں کو انتظامیہ سے درپیش مسائل کااظہار کرتے ہوئےکہا کہ عربی لاہور میں ہونی والی عزاداری لاہور کی قدیمی عزاداری ہے یہاں مجالس وجلوس کی تعداد لاہور میں سب سے زیادہ ہیں گردونواح کے عزاداران کثیر تعداد میں اس عزاداری میں شامل ہوتے ہیں , ان عزاداریوں میں روکاوٹ کسی طور برداشت نہ کی جائے گی, عزاداری وجلوسوں کی سیکورٹی میں کسی بھی قسم کی کوتاہی ہم ہر گز برداشت نہیں کرینگے, عزاداری امامِ حسینؑ ہماری عبادت ہے جو کہ ہم ہر حال میں کرتے رہیں گے .مجلس وحدت مسلمین شیعہ قوم کی ایک نمائندہ جماعت ہے ہم عزاداری امام حسینؑ میں کسی بھی قسم کی روکاوٹ کو برداشت نہیں کرینگے ہم ملک پاکستان کے پاسبان و رکھوالے ہیں وطن سے محبت ہماری ایمان کا حصہ ہے اور عزاداری امام حسینؑ ہماری شہ رگ حیات ہے , عزاداری کو چار دیواری میں پابند کرنے کی کوشش مت کی جائے۔

فیاض حسین ورک صاحب نے کہا کہ تمام Stake Holders کے ساتھ مشاورت کو یقینی بنایا جائے اور ان کو ملکی سیکورٹی حالات کے پیش نظرعزادری, مجالس عزا و جلوسوں کومکمل سیکورٹی فراہم کی جائے بانیان و لائسنس ہولڈرز کے ساتھ مل کر روٹ میں آنے والی رکاوٹوں کو محرم الحرام سے پہلے پہلے کلئیر کروایا جائے, سید دلدار شاہ صاحب نے فرمایا کہ مجلس وحدت مسلمین پاکستان اتحاد امت اور بھائی چارے پر یقین رکھتی ہے اور اکابرین ملت کے ساتھ روابط اور ان کے تحفظات کو دور کرنے میں آپ کی  معاونت کرسکتی ہے ہم عزاداروں کے نمائندہ ہیں اور عزاداروں کے شانہ بشانہ کھڑے ہیں۔

وحدت نیوز(ملتان)مجلس وحدت مسلمین پاکستان کے چیئرمین علامہ راجہ ناصر عباس جعفری نے ایک روزہ ملتان کا دورہ کیا، دورہ ملتان کے دوران اُنہوں نے مختلف اضلاع سے آئے ہوئے علماء کے وفود سے ملاقاتیں، مجلس مکتب علمائے اہلیبیت کے صوبائی شوریٰ کے اجلاس میں شرکت اور مجلس وحدت مسلمین پاکستان عزاداری ونگ جنوبی پنجاب کے زیراہتمام منعقدہ ''تحفط حقوق تشیع کانفرنس و چہلم شہدائے پاراچنار'' میں خصوصی شرکت اور خطاب کیا۔

 علامہ راجہ ناصر عباس جعفری نے ملتان میں خطاب کرتے ہوئے کہا کہ آج عزاداروں، ماتمیوں، علمائے کرام، بانیان مجالس، منتظمین جلوس کو متحد ہونے کی زیادہ ضرورت ہے، جنوبی پنجاب کے دل ملتان میں شاندار کانفرنس کے انعقاد کو مبارکباد پیش کرتا ہوں، آج اس کانفرنس میں علمائے کرام، ماتمی انجمنوں کے سالار، نوحہ خواں، منتظمین جلوس و مجالس، عزاداروں کی شرکت ایک خوبصورت گلدستہ ہے، ہمیں ولایت کا جام غدیر سے ملا ہے، ہمیں غدیر کو عام کرنا ہے، عید غدیر کو شایان شان طریقے سے منانے کی ضرورت ہے، ہمیں محرم کی طرح غدیر پر بھی خاص توجہ دینے کی ضرورت ہے میں سمجھتا ہوں آہستہ آہستہ غدیری معاشرے پر وان چڑھ رہا ہے، میری یہ دلی خواہش ہے کہ اس گلدستے کے سارے پھول ایک دوسرے کے ساتھ شانہ بشانہ کھڑے ہوں۔ اُنہوں نے مزید کہا کہ میری دلی خواہش اور آرزو تھی کہ میں ملت کے تمام طبقات کو متحد کرنے میں اپنا کردار ادا کروں، ماتمی، عزادار، نوحہ خواں، ذاکرین اور علمائے کرام کا آپس میں رابطہ ہو، ایک دوسرے کے دکھ درد کو سمجھیں۔