The Latest
وحدت نیوز(گلگت)ملک میں فرقہ وارانہ بل پاس کر کے ملک کو فرقہ واریت کی آگ میں جھونک کر اور ملک کا دیوالیہ نکالنے کے بعد اب گلگت بلتستان میں فساد کا خواہاں ہے۔ شہباز شریف نے پاکستان کی تاریخ میں سہولت کار اعظم بن کر عالمی طاقتوں کی ملک کو تجربہ گاہ بنایا اور تمام جمہوری اداروں کو تباہی و بربادی کے دہانے پر پہنچا کر ریاست کو ناقابل تلافی نقصان پہنچا ہے۔ متحدہ اپوزیشن اور گلگت بلتستان کی سماجی تنظیموں سے مشاورت کے بعد انکے دورے پر متنازعہ بل پر جواب طلبی کا ماحول بنائے گی۔ مقتدر حلقوں کو چاہیے کہ گلگت بلتستان کے ساتھ مزید کسی قسم کا مذاق نہ ہونے دیں۔ اس خطے کی مزید تذلیل اور استحصال درست نہیں ہے۔ عوام اور نئی نسل میں پائی جانے والی تشویش اور غیض و غضب کے سامنے زیادہ عرصہ بندھ نہیں باندھا جاسکتا۔ ایسے اقدامات اٹھانے کی ضرورت ہے کہ عوام مطمئن ہو۔
اخباری نمائندہ کے سوال کا جواب دیتے ہوئے اپوزیشن لیڈر کا کہنا تھا کہ شہباز شریف نے گلگت دورہ کے حوالے سے تاریخ پہ تاریخ دیکر اپنی گلگت بلتستان کے ساتھ دلچسپی ظاہر کر دی ہے۔ پہلے جولائی میں دورہ کا شوشا کیا گیا ہم نے مخالفت نہیں کہ شاید انکے آنے سے جی بی کو چار آنے کا فائدہ ہو لیکن اب پوری قوم کو بے وقوف بنانے کے لیے گیارہ تاریخ کو ظل سبحانی گلگت دورہ فرمانا چاہتا ہے۔ حکومت ہاتھ جانے کے بعد انہیں یہاں تشریف لانے کی کوئی ضرورت نہیں ہے اگر ذاتی حیثیت میں مسلم لیگ کے کسی جلسے میں انہیں شرکت کرنی ہے تو بھلا سے کریں لیکن کسی پرانے پروجیکٹ کے افتتاح کی کوشش کی گئی تو یہ جعل سازی شمار ہوگی۔ بتایا جائے پی ڈی ایم نے اپنے دورانیے میں کتنی سکیمیں گلگت بلتستان کو دی ہیں جن کا موصوف افتتاح کریں گے۔ اب وہ کسی بھی پروجیکٹ کے افتتاح یا سرکاری دورہ کی قانونی اور اخلاقی حیثیت کھو چکا ہے۔
وحدت نیوز(گلگت)شغرتھنگ روڈ کی بغیر تیکنیکی وجہ کے معطل کرنے پر اپوزیشن لیڈر کاظم میثم نے اسمبلی اجلاس میں سوال اٹھایا۔ انہوں نے کہا کہ بار بار کی منسوخی بلتستان دشمنی ہے۔ پہلے بھی منسوخ کیا گیا تو ہم نے مخالفت کی تھی۔ ان کی بھرپور حمایت کرتے ہوئے حکومتی اراکین سے شمس لون پھٹ پڑے۔ انہوں نے کہا کہ اپوزیشن لیڈر کی بات سے سو فی صد متفق ہوں بغیر کسی وجہ سے ٹینڈر کو معطل کیا گیا ہے۔ خدا کے لیے عوامی نوعیت کے مسائل پر سیاست نہ کرے۔ سابقہ حکومت سے لاکھ غلطیاں سہی لیکن استور ویلی روڈ، شغرتھنگ روڈ اور غذر روڈ خالد خورشید کی بہت بڑی کامیابی تھی۔ لیکن شغرتھنگ روڈ ٹینڈر کو پھر التوا میں ڈالنا بلتستان کے ساتھ نہیں بلکہ پورے گلگت بلتستان کے ساتھ زیادتی ہے۔
وزیر تعمیرات عامہ امجد زیدی نے ٹینڈر معطلی کی ذمہ داری قبول کرتے ہوئے کہا کہ زیادہ سے زیادہ فرمز کی شمولیت کو یقینی بنانے کے لیے ایسا کیا ہے۔ اس پر اپوزیشن لیڈر نے کہا کہ زیادہ سے زیادہ فرمز کی شمولیت کوئی جواز نہیں ہے۔ بار بار کی منسوخی سے موقر فرمز بھاگ جاتے ہیں۔ کسی کو نوازنے کے لیے ایسا نہ کیا جائے۔ ایک ماہ قبل مشہتر کرنے کے بعد کتنے فرمز نے شمولیت کی، کیا وہ ادارے معتبر نہیں تھے، کیا وہ مطلوبہ شرائط پہ پورا اترنے والے نہیں تھے، جس کی وجہ سے آپ نے مزید فرمز کو موقع دیا ہے۔
اس پر شہزاد آغا نے کہا کہ حکومت نے کسی صورت 8 اگست کو ٹینڈر ہونے نہیں دینا ہے۔ اس پر اپوزیشن لیڈر نے کہا کہ ایف ڈبلیو او سمیت کسی کی طرف سے دباؤ ہے تو ہاوس کو بتائیں۔ بڑی سکیموں کے ساتھ مذاق درست نہیں ہے۔ سکردو روڈ پہ جنازے اٹھا اٹھا کے لوگ تھک گئے ہیں عوام مزید متحمل نہیں ہے کہ شغرتھنگ روڈ بھی اسی معیار کی بنے۔ عوام کو ایف ڈبلیو او کی کارکردگی پر شدید تحفظات ہے۔ بلتستان ریجن بلخصوص سکردو کے ساتھ معاندانہ رویہ ہر سطح پر جاری ہے۔ ہر لیول پر زیادتی ہے یہ بھی اسی سلسلے کی کڑی ہے۔ شغرتھنگ روڈ کے ٹینڈر کی معطلی سے امجد زیدی اور شہزاد آغا نے بھی متاثر ہونا ہے خدا کے لیے ان زیادتیوں کا حصہ نہ بنیں۔
وحدت نیوز(جیکب آباد) مجلس وحدت مسلمین پاکستان کے مرکزی سیکرٹری تنظیم علامہ مقصود علی ڈومکی نے ضلع جھل مگسی میں قتل ہونے والے کسان امداد جویو کے قتل کی شدید الفاظ میں مذمت کرتے ہوئے کہا ہے کہ جب تک طاقتور قانون کی گرفت سے بالاتر ہوگا ملک میں عدل و انصاف اور امن قائم نہیں ہو سکتا۔ نواب چوہدری اور طاقتور قانون سے ماوراء ہیں۔ وہ جب چاہیں قانون شکنی کریں۔ طاقتور کے آگے ریاستی ادارے بے حس اور بے بس نظر آتے ہیں۔ ریاستی ادارے اور عدالتیں طاقتور مجرم کو قانون کے شکنجے میں لانے کی بجائے سہولت کار کا کردار ادا کرتی ہیں۔ ایک مظلوم کسان امداد جویو کی لاش سے چار ضلعوں کی پولیس خوفزدہ نظر آئی۔
جس نے جگہ جگہ ناکے لگا کر ایک غریب کی لاش کی توہین کی۔ غریب کسان امداد جویو کے قاتل کی قوت کا اس بات سے اندازہ لگایا جا سکتا ہے کہ قاتل ہونے کے باوجود چار ضلعوں کی پولیس اس کی مکمل فرمانبردار نظر آئی۔ چار ضلعوں کے پولیس افسران نے قاتل کو بے نقاب ہونے سے بچاتے ہوئے ایک مظلوم کسان کی لاش کی جو بے حرمتی کی، اس نے قانون کے رکھوالوں کے کردار کو ننگا کر دیا۔ تعجب ہے کہ جمہوری دور میں مظلوم اور یتیم بچیوں سے احتجاج کا حق چھینا گیا۔ انہوں نے مطالبہ کیا کہ امداد جویو کے خون ناحق سے انصاف کیا جائے اور ان کے ورثاء جس کو مجرم اور قاتل سمجھتے ہیں اسے ایف آئی آر میں نامزد کیا جائے اور امداد جویو کی فیملی کو طاقتور قاتل سے تحفظ دیا جائے۔
وحدت نیوز(اسلام آباد) چیئرمین مجلس وحدت مسلمین پاکستان علامہ راجہ ناصرعباس جعفری نے سینیٹ سے متنازعہ فوجداری ترمیمی ناموس صحابہ واہل بیتؑ بل کی منظور کے خلاف اپنے مذمتی بیان میں کہا کہ مذہب اور اسلامی مقدسات کی آڑ میں ملک کو ایک خوفناک آگ میں دھکیلا گیا ہے۔پی ڈی ایم میں موجود جماعتیں اس ملک کو تباہی کی طرف لے جا رہی ہیں،ایک طرف تو صحابہ کرام کی عظمت و ناموس کو جواز بنا کر مسلکی تعصبات پر مبنی بل پاس کیا گیاجب کہ دوسری طرف مختلف مسالک کی کتب میں رسول کریم ﷺ کے والدین اور خاندان کے دیگر افراد کے ایمان پر توہین آمیز بہتان لگایا جا رہا ہے اور اہل بیت اطہار کے دشمنان و قاتلین کو تقدس کا لبادہ اوڑھایا جا رہا۔ہمارے فقہاء نے تمام مسالک کے مقدسات کی توھین کو حرام قرار دیا ہے ، لیکن اگر کوئی قانون اس لیے بنایا جا رہا ہے کہ اہلبیت اطہار علیہم السلام کے واضح دشمنوں کو مقدسات کا لبادہ اوڑھا دیا جائے تو وہ ہمارے لیے کسی بھی طور قابلِ قبول نہیں۔
انہوں نے کہا کہ پی ڈی ایم حکومت نے اسٹیبلشمنٹ کی آشیرباد سے ملک میں آئین پاکستان اور قرآن سنت سے متصادم اس بل کو چور دروازے سے منظور کر کے انتہا پسند تکفیریوں کو ملک میں پھر سے مسلمانوں کے قتل عام کا لائسنس دے دیا ہے۔امپورٹڈ حکومت اور اسٹیبلشمنٹ اس ملک میں مشرقی پاکستان جیسے حالات پیدا کرنے کی دانستہ کوشش کر رہے ہیں،جن کے اسلاف قیام پاکستان کے مخالف تھے آج ان کے پیروکاروں نے استحکام پاکستان پر وار کیا ہے،مسلم پاکستان کو مسلکی پاکستان بنانے کی سازش کرنے والے اس ملک و قوم کے خیرخواہ نہیں،ہم اس گھناؤنے فعل کی شدید مذمت کرتے ہیں۔
انہوںنے مزید کہا کہ عوام ا ن ملک دشمن موقع پرست سیاست دانوں کو کبھی معاف نہیں کریں گےجن کا ہر قدم ملک کو بربادی کی طرف لے جا رہا ہے۔مذہب کے حوالے سے بل کی منظوری سے قبل تمام مسالک کو اعتماد میں نہ لینے کا مطلب ملک کو مسلکی ریاست میں تبدیل کرنا ہے۔ ناعاقبت اندیش حکمران سخت مغالطے میں ہیں۔پاکستان کا قیام اسلام کے نام پر عمل میں آیا ہے اسے مسلکی ریاست نہیں بننے دیں گے۔
وحدت نیوز(ملتان) مجلسِ وحدت مسلمین جنوبی پنجاب کی صوبائی کابینہ کا اجلاس زیر صدارت علامہ سید اقتدار حسین نقوی منعقد ہوا، جس میں مرکزی ڈپٹی جنرل سیکرٹری ایم ڈبلیو ایم پاکستان سلیم عباس صدیقی نے خصوصی شرکت اور خطاب کیا۔ اپنے خطاب میں انہوں نے تنظیم سازی، کردار سازی اور تنظیمی ڈسپلن پر زور دیا۔ علامہ اقتدار حسین نقوی کے زیرصدات ہونے والے اجلاس میں صوبہ سطح پر تنظیمی صورتحال کا جائزہ لیا گیا اور آئندہ کا لائحہ عمل طے کیا گیا۔
وحدت نیوز(کراچی) مجلس و حدت مسلمین سندھ کی کابینہ کا اجلاس صوبائی صدر علامہ باقر عباس زیدی کی زیر صدارت میں صوبائی دفتر وحدت ہاوس میں منعقد کیا گیا ۔اجلاس میں رہنما علامہ مختار امامی، علامہ صادق جعفری، چوہدری اظہر حسن، محمود الحسن، ارشد اللہ مکتبی، حیدر زیدی، اعجاز کربلائی ،زکی عابدی سمیت دیگر رہنماوں نے شرکت ۔اجلاس میں سندھ بھر کی مجموعی تنظیمی کارکردگی صورتحال کا جائزہ لیا گیا جس پر ایم ڈبلیو ایم سندھ کی کابینہ اراکین نے اظہار اطمینان کیا اور ماہ محرم الحرام میں کاموں کو مزید تیز کرنے کا فیصلہ کیا گیا۔
علامہ باقر عباس زیدی نے ماہ محرم الحرام سے قبل سندھ میں قائم عزاداری ونگ کے کاموں کا تفصیلی جائزہ لیا انہوں نے کہا کہ سندھ بھر میں عشرہ محرم الحرام مذہبی عقیدت و احترام سے منایا گیا ملک بھر کی طرح صوبہ میں سیکورٹی حوالے سے انتظامیہ وسیکورٹی اداروں کی کارکردگی قابل تحسین ہے۔جلوس و مجالس عزاء کو محدود کرنے کی باتیں کرنے والوں کو اس ماہ محرم میں شکست کا سامنا رہا ہے ملکی عوام نے تفرقہ ڈالنے والے شر پسند عناصر کو مسترد کر دیا۔
انہوں نے نوابشاہ ٹرین حادثہ میں قیمتی انسانی جانوں کے ضیاع پر گہرے دکھ کا اظہار کرتے ہوئے اسے المناک سانحہ قرار دیا ہے ۔انہوں نے کہا کہ عوام کی ضروریات و سہولیات کے لیے کوئی کام نہیں کیا جا رہا ۔ ملک بھر میں وہی سو سال پرانے ریلوے ٹریکس اور پُل زیر استعمال ہیں جو بیشترعلاقوں میں مکمل طور پر خستہ حال ہو چکے ہیں ۔ان پر ہنگامی بنیادوں پر توجہ دینے کی ضرورت ہے۔
انہوں نے ایم ڈبلیو ایم کارکنان کو فوری امدادی کارروائیوں میں شامل ہونے کی ہدایت دی۔حادثے میں قیمتی جانوں کے نقصان پر لواحقین سے رنج وغم کا اظہار کیا حادثے میں جاں بحق ہونے والوں کیلئے دعا مغفرت کی اور زخمی ہونے والوں کی جلد صیحتیابی کیلئے دعا کی۔
وحدت نیوز(کوئٹہ)شہید مظلوم قائد شہید علامہ سید عارف حسین الحسینی کی 35ویں برسی کی مناسبت سےصوبائی سیکرٹریٹ مجلس وحدت مسلمین بلوچستان میں مجلس عزاء کا انعقاد کیا گیا جس میں یوتھ ونگ کے مرکزی نائب صدر علامہ راجہ مصطفی حیدر ،صوبائی نائب صدرعلامہ ولایت حسین جعفری ،صوبائی جنرل سیکرٹری سہیل اکبر شیرازی، ضلعی صدر ارباب لیاقت علی ہزارہ، علامہ یوسف عابدی نے خطاب کرتے ہوئے قائد شہید کی سیرت پر روشنی ڈالتے ہوئے کہا کہ شہید علامہ عارف حسین الحسینی اسلام کے شیدائی سید الشہداء ابا عبداللہ الحسین کے فرزند صادق آپ علم و تقوی کے زیور سے آراستہ مظلوموں کے حامی تھے 1984 ء میں علامہ عارف حسینی کو ان کی قائدانہ صلاحیتوں، انقلابی جذبوں اور اعلیٰ انسانی صفات کی بناپر تحریک نفاذ فقہ جعفریہ کا نیا قائد منتخب کیا۔
مقررین نے کہا کہ شہید قائد نے پاکستان کی ملّت تشیّع کو متحد و منظم کرنے کے لیے بھرپور کوششیں کیں آپ نے پاکستانی سیاست میں کلیدی کردار ادا کرتے ہوئے ملک کی تقدیر بدلنے کے لیے طویل جد و جہد کی۔ اس سے قبل پاکستانی سیاست میں اہل تشیع کا مؤثر کردار نہیں تھاقائد شہیداتحاد بین المسلمین کے عظیم علمبردار تھے، آپ فرقہ واریت اور مذہبی منافرت کے شدید مخالف تھے، اس سلسلے میں آپ نے علمائے اہل سنت کے ساتھ مل کر امت مسلمہ کی صفوں میں وحدت و یک جہتی کے لیے گرانقدر خدمات انجام دیں ہمیں چاہیے کہ شہید راہ حق کے افکار کو زندہ رکھیں انہوں حقیقی اسلام محمدی کے نافذ کرنے کےلئے اپنی جان تک کا نذرانہ پیش کرکے جام شہادت نوش کیا مزید مقررین کہا کہ قائد شہید کی مشن وسیرت ہمارے لیے نمونہ ہے ملت جعفریہ پاکستان کے جملہ آئینی حقوق اسلامی نظریاتی جغرافیائی سرحدوں سے دفاع اتحاد بین المسلمین کے فروغ اور خطہ میں سامراجی قوتوں کیخلاف ہر فورم پر آواز اٹھانے کا عہد کیا ۔
وحدت نیوز(کوئٹہ)ملی یکجہتی کونسل بلوچستان کے زیر اہتمام اتحاد امت سیمینار کا انعقاد کیا گیا جس کے مہمان خصوصی ڈاکٹر ابوالخیر محمد زبیر صاحب تھے ، سیمینار میں کوئٹہ کی مختلف مذہبی جماعتوں کے لیڈران شریک ہوئے۔
اس موقع پر مجلسِ وحدت مسلمین بلوچستان کے نائب صدر علامہ شیخ ولایت حسین جعفری اور صوبائی جنرل سیکرٹری سہیل اکبر شیرازی نے شرکت کی۔
ایم ڈبلیوایم رہنما شیخ ولایت حسین جعفری نے خطاب کرتے ہوئے کہا کہ اتحاد امت سیمینار کا انعقاد خوش آئند اقدام ہےتمام مکاتب فکر اتحاد کے ذریعے اسلام دشمن عناصر کو مل کر شکست دے سکتے ہیں طاغوتی قوتیں نہیں چاہتی ہیں کہ مسلمان آپس میں متحد و متفق رہیں اور ہمیں چاہیے کہ ہم عوامی سطح پر بھی اتحاد بین المسلمین کے پروگراموں کا انعقاد کریں تاکہ عوام الناس تک اتحاد و اتفاق کا پیغام جائے ہم آپس میں متحد ہو کر ہی اسلام دشمن قوتوں امنگوں پر پانی پھیر سکتے ہیں۔
وحدت نیوز(شکارپور)کراچی سے لاہور جانے والی ٹرین ہزارہ ایکسپریس کو نواب شاہ کے نزدیک سرہاری ریلوے اسٹیشن کے قریب حادثہ 33 سے زیادہ افراد شہید، 100 سے زیادہ افراد زخمی، نوابشاہ کے قریب المناک ٹرین حادثے پر وحدت یوتھ لاڑکانہ ڈویژن کے جنرل سیکرٹری مستنصر مہدی نے اظہار افسوس کرتے ہوئے کہا کہ ٹرین حادثے کے باعث 33 افراد کی قیمتی جانیں ضائع ہوئیں ہیں، جس پر دلی صدمہ پہنچا ہے شہیدوں کے لواحقین کی خدمت میں تعزیت و تسلیت عرض کرتا ہوں۔
انہوں نے مزید کہا کہ ٹرین حادثے کی تحقیقات کی جائے اور حقائق عوام کے سامنے لائیں انہوں نے کہا کہ حکومت سندھ زخمیوں کے لئے علاج کے لئے اچھے اقدامات اٹھائے تاکہ مزید قیمتی جانیں بچ جائیں۔
وحدت نیوز(کراچی)مجلس وحدت مسلمین پاکستان کراچی کے رہنما علامہ مبشر حسن نے کہا ہے کہ شہید عارف حسین الحسینی سرزمین پاکستان پر رہبر کبیر بانی انقلاب امام خمینی رہ کے سپاہی اور مبلغ انقلاب تھے، عارف حسین الحسینی شخص نہیں بلکہ فکر کا نام ہے جو آج بھی ملت جعفریہ میں حسینی عزم کے پیکر جوان معاشرے کو آگہی فراہم کر رہی ہے، شہید عارف حسین الحسینی رہ کو پاکستان و اسلام کے دشمن اپنے مکروہ عزائم کی تکمیل میں ایک بڑی رکاوٹ تصور کرتے تھے اور یہی وجہ تھی کہ فرزند خمینی عارف حسین الحسینی کو استعماری و استکباری ایجنٹوں نے شہید کر کے ملت جعفریہ کو اپنے جہاندیدہ و زیرک ،شفیق اور ہمدرد قائد سے محروم کر دیا۔
علامہ مبشر حسن نے مزید کہا کہ امام خمینیؒ نے شہید حسینی کے بارے میں کہا تھا کہ پاکستان کی ملت شہید قائد کے تفکر کو زندہ رکھے، امام خمینیؒ جانتے تھے کہ شہید قائد کا تفکر، شہید کی فکر، شہید کا نظریہ، شہید کا ویژن اسلام کے لئے، مسلمانوں کے لئے، پاکستان کے لئے نجات دہندہ ہے، صراط مستقیم ہے لہٰذا شہید قائد کا ہم سے بچھڑنا اور ہماری قوم و ملت کا شہید قائد کی قیادت سے محروم ہونا یہ بہت بڑا المیہ تھا اور بہت بڑا نقصان تھا، شاید مدتوں بعد بھی اس خلاء کو پر نہیں کیا جا سکتا۔
