وحدت نیوز(پشاور) مجلس وحدت مسلمین صوبہ خیبر پختونخواہ کے صوبائی صدرعلامہ جہانزیب جعفری نے دیگر صوبائی قائدین کے ہمراہ پریس کانفرنس سے خطاب کرتے ہوئے کہا ہے کہ پارہ چنار ضلع کرم کا مسئلہ سنگین صورت حال اختیار کر چکا ہے، ریاست کئی روز سے جاری اس خطرناک لڑائی کو روکنے میں مکمل ناکام نظر آتی ہے، بلکہ یوں کہا جائے کہ مقامی انتظامیہ نے متعصبانہ رویہ اپناتے ہوئے مجرمانہ خاموشی اختیار کر رکھی ہے، جس کی وجہ سے روزانہ بے گناہ افراد قتل ہو رہے ہیں، پارہ چنار پاکستان کا بارڈر ایریا اور حساس ترین علاقہ ہے جس پر سرحد پار سے کئی مرتبہ لشکر کشی اور میزائلوں کے حملے ہو چکے ہیں، اس وقت بھی چاروں اطراف سے پارہ چنار محاصرے میں ہے،حکومت کو سنجیدگی کے ساتھ ذمہ داری کا مظاہرہ کرتے ہوئے حالات کو کنٹرول کرنے کے عملی اقدامات اٹھانے چاہئیں تاکہ مزید قیمتی جانوں کے نقصان سے بچا جا سکے۔

انہوں نے کہا کہ پارہ چنار کے محب وطن پاکستانی عوام آخر کب تک اس وحشیانہ دہشت گرد کارروائیوں کا نشانہ بنتے رہیں گے, تری منگل سکول میں قتل کیئے گئے اساتذہ کے قاتلوں کو اب گرفتار کیوں نہیں کیا گیا، علاقے میں شر پسندی اور تعصبات کو ہوا دینے والے شریر عناصر کو کیفرِ کردار تک پہنچانے میں پس وپیش سے کام کیوں لیا جاتا ہے، ٹل پارہ چنار روڈ پارہ چنار کے پرامن عوام کے لیے واحد راستہ ہے جسے مزیدچیک پوسٹوں کے ذریعے محفوظ بنانا انتظامیہ کی اولین ذمہ داری بنتی ہے، تکفیری سوچ پر مبنی ملک دشمن اور علاقے کے پر امن فضاء کو سبوثاز کرنے والوں کو فی الفور کیفر کردار تک پہنچایا جائے۔

وحدت نیوز(لاہور)مجلس وحدت مسلمین پاکستان صوبہ پنجاب کی صوبائی کابینہ کی میٹنگ صوبائی سیکریٹریٹ لاہور میں صوبائی صدر جناب علامہ سید علی اکبر کاظمی کی زیر صدارت منعقد ہوئی جسن صوبائی کابینہ کے معزز اراکین نے شرکت کی اورمختلف شعبوں کے مسئولین نے اپنے اپے شعبے کی کارکردگی رپورٹ پیش کیں ۔ پچھلے10 ماہ کی کارکردگی کا جائزہ لیا گیا ۔ شعبوں کی فعالیت اور پیشرفت کو سراہا گیا ۔ شعبہ سیاسیات ،شعبہ فلاح وبہبود ،شعبہ تعلیم ، شعبہ میڈیا ، شعبہ مالیا ت نے اپنے اپنے شعبوں کے متعلق صوبائی کابینہ کو بریف کیا اور مختلف مشکلات اور نقائص کی نشاندہی کرتے رہے ۔جس پر صوبائی صدر نے ان کے تمام مسائل کو سنااور ان کی مشکلات کے حل کے لئے راہ حل نکالتےاور رہنمائی کرتے رہے ۔اس میٹنگ میں صوبائی شوری کے اجلاس کی باقاعدہ منظوری دی ۔

صوبائی صوبائی کا اجلاس 25 /26 نومبر صوبائی سیکرٹریٹ میں منعقد ہوگا میٹنگ میں جناب علامہ سید علی اکبر کاظمی صوبائی صدر مجلس وحدت مسلمین پنجاب کے علاوہ ،صوبائی نائب صدر جناب علامہ سید ملازم حسین شاہ ،صوبائی نائب صدر جناب علامہ سید اقبال حسین شاہ ، صوبائی جنرل سیکرٹری جناب سید حسن رضا کاظمی ، صوبائی سیکرٹری سیاسیات جناب سید آغا حسین شاہ ، صوبائی سیکرٹری تعلیم جناب سید نجیب الحسن نقوی ، صوبائی سیکرٹری فلاح وبہبود جناب شیخ عمران علی ،صوبائی سیکرٹری تنظیم سازی جناب مظہر عباس جعفری ، صوبائی ڈپٹی جنرل سیکرٹری جناب سید انوار زیدی ، صوبائی میڈیاسیکرٹری جناب اسد علی بلتستانی ، صوبائی آفس سیکرٹری ظہیر کربلائی نے شرکت کی ۔ میٹنگ کے اختتام پر شعبہ تنظیم سازی کی جانب سے’’ رہنمائے اصول بک لٹ‘‘ کااسٹڈی سرکل منعقد کیا گیا ۔

وحدت نیوز(کوئٹہ) مجلس وحدت مسلمین بلوچستان کوئٹہ میں ہونے والے بلدیاتی انتخابات میں بھر پور طریقے سے حصہ لے گی، مجلسِ وحدت مسلمین بلوچستان کوئٹہ سے تعلق رکھنے والے صوبائی کابینہ کے ممبران وضلعی کابینہ کوئٹہ علمدار روڈ کا صوبائی سیکرٹریٹ کوئٹہ میں اور  MWM ضلع ہزارہ ٹاؤن کا ضلعی سیکرٹریٹ ہزارہ ٹاؤن میں بلدیاتی انتخابات کے سلسلے میں اہم مشترکہ اجلاس منعقد ہوا جس میں صوبائی صدر علامہ سید ظفر عباس شمسی، صوبائی نائب صدر علامہ شیخ ولایت حسین جعفری، صوبائی نائب صدر عوض علی ہزارہ ،صوبائی جنرل سیکرٹری سہیل اکبر شیرازی ،صوبائی ڈپٹی جنرل سیکرٹری علامہ ذذاکر حسین درانی، صوبائی سیکرٹری کردار سازی سید عباس موسوی ،سیاسی کونسل کے سربراہ محمد یونس ہزارہ ،صوبائی آفس سیکرٹری سید عباس زیدی، صوبائی صدر عزاداری ونگ محمد رضا ،حبیب اللہ دھکڑ و،سٹی صدر لیاقت علی ہزارہ اپنی کابینہ سمیت سید ابراھیم شاہ ضلعی صدر ہزارہ ٹاؤن اپنی کابینہ سمیت کارکنان و امیدوار برائے بلدیاتی انتخابات شریک ہوۓ۔

صوبائی کابینہ اور ضلعی کابینہ کے مشترکہ اجلاسوں میں متفقہ طور پر فیصلہ کیا گیا کہ مجلس وحدت مسلمین کوئٹہ علمدار روڈ کی 5 یونین کونسل اور ہزارہ ٹاؤن کی 6 یونین کونسل میں  ہونے والے بلدیاتی انتخابات میں بھرپور طریقے سے حصہ لے گی الیکشن کے امور ونگرانی کے لیے فی الحال دونوں اضلاع میں پانچ افراد پر مشتمل کمیٹیوں کو تشکیل دیے دیا گیا ضرورت کی صورت میں مزید افراد کا اضافہ بھی کیا جاسکتا ہے جس کی سرپرستی صوبائی صدر کرینگےیہ کمیٹیاں علمدار روڈ کی پانچ اور ہزارہ ٹاؤن کی 6 یونین کونسلوں میں جنرل کونسلرز کے مضبوط امیدواروں کا انتخاب کرینگی اور الیکشن کے حوالے سے آیندہ کا لائحہ عمل اور حکمت عملی کو ترتیب دینگی انشاءاللہ جیت مجلس کے امیدواروں کی ہوگی۔

وحدت نیوز(قم) سربراہ مجلس علماء امامیہ پاکستان و سیکرٹری امور خارجہ مجلس وحدت مسلمین حجتہ الاسلام والمسلمین ڈاکٹر علامہ سید شفقت حسین شیرازی نے کہا کہ پارہ چنار ایک خوبصورت وادی ہے اسٹریٹیجک اور جیو پولیٹیکل اعتبار سے ایک حساس سرحدی علاقہ ہے اور اس علاقے کی محب وطن عوام ملک کی سرحدوں کے محافظ ہیں۔ انھوں نے  ملک دشمن حملہ آوروں اور دہشتگردوں کا بھرپور دفاع کیا ہے۔ اور سالہال سے انکے ساتھ ریاست کا ناروا سلوک ناقابل برداشت ہے۔ آخر پارہ چنار کے امن کو باربار خراب کرنے کی کوششوں کے پیچھے کونسی طاقت ہے جس تک ریاستی ہاتھ نہیں پہنچ رہے۔

یاد رہے کہ پارہ چنار یعنی سابقہ فاٹا کے علاقے اب تک مکمل طور پر فوج کے کنٹرول میں ہیں اور اگر ان علاقوں کی امنیت و سلامتی خطرے میں پڑتی ہے تو سوال ریاستی اداروں کی کارکردگی پر اٹھے گا۔ لہذا اداروں کو اپنے رویے پر نظر ثانی کرتے ہوئے اپنی ذمہ داریوں کو پورا کرنا ہوگا تاکہ یہاں کے محب وطن لوگوں کا خون بہانا بند کیا جاسکے۔ناقص حکمت عملی اور ناعاقبت اندیشی کی وجہ سے اس علاقے میں نفرتوں کے بیچ بوئے گئے تاکہ یہ قبائل ہمیشہ دست وگریباں رہیں اور انکا خون بہتا رہے اس علاقے کے عوام سے ریاست کے زمہ داران نے دشمنی کی اور یہاں دہشتگردوں اور تکفیریت کو محفوظ پناہیں فراہم کیں۔جن کا خمیازہ آج وہاں کی مظلوم عوام بھگت رہے ہیں۔

علاوہ ازیں سیکرٹری امور خارجہ ایم ڈبلیو ایم نے اس بات پر زور دیتے ہوئے کہا کہ فرقہ واریت کی آگ نے پہلے ہزاروں پاکستانیوں کو لقمہ اجل بنایا ہے اس طرح کا مزید کھیل پورے ملک کو اپنی لپیٹ میں لے لے گا. اور موجودہ سیاسی و معاشی بحرانوں میں گھرا ہوا پاکستان اس خونی کھیل کا متحمل نہیں ہوسکتا۔ لہذا اداروں سمیت ہم سب کو آگے بڑھ کر اس آگ پر قابو پانا ہوگا تاکہ مزید کسی بڑے نقصان سے بچا جاسکے۔