The Latest
وحدت نیوز(اسلام آباد) چیئرمین ایم ڈبلیو ایم علامہ راجہ ناصر عباس جعفری نے الیکشن کےحوالے سے مجلس وحدت مسلمین اورپاکستان تحریک انصاف کے کارکنان کے نام اہم ویڈیو پیغام میں کہا ہے کہ 8 فروری کو سب نے گھروں سے نکلنا ہے، پاکستان کی نظریاتی و جغرافیائی سرحدوں کی حفاظت بلا تخصیص مسلک و مذہب ہر پاکستانی پر واجب ہے۔ ہم نے مادر وطن کی حفاظت کے لیے تحریک انصاف اور مجلس وحدت مسلمین کے امیدواروں کو کامیاب بنانا ہے۔یہ الیکشن حقیقی آزادی کے لیے ہے۔پی ڈی ایم میں شامل جماعتوں نے ایک مستحکم حکومت کو گرانے میں مذموم کردار ادا کیے۔عالمی اسٹیبلشمنٹ کے یہ مہرے پچھتر سال سے ہم پر مسلط ہیں۔
انہوں نے مزید کہا کہ یہ امریکی غلام ہیں۔عمران خان داخلہ خودمختاری اور آزاد خارجہ پالیسی کی بات کرتا تھا اسے جان بوجھ کر ہٹایا گیا تاکہ خطے میں بھارت کو مضبوط کیا جا سکے۔ہم سب نے پاکستان کی خاطر پر امن انداز میں ووٹ کاسٹ کرنا ہے۔ بدامنی سے خود کو دور رکھنا ہے۔ اگر کوئی مشتعل کرنے کی کوشش کرتا ہے تو ایسی سازش اور بہکاوے سے خود کو دور رکھنا ہے۔8 فروری ملک میں اندھیرے پھیلانے والوں کی شکست کا دن ہو گا۔کسی کے حق پر ڈاکہ ڈالنے کی کوئی کوشش کی گئی تو یہ پاکستان کے وجود پر کاری ضرب ہو گی۔ ارض پاک کی بقا، سالمیت اور داخلی خودمختاری پر کسی قسم کا کوئی سمجھوتہ نہیں کیا جائے گا۔جب ہم متحد ہو کر نکلیں گے تو پاکستان کے دشمنوں کی شکست یقینی ہو گی۔
وحدت نیوز(کراچی) مجلس وحدت مسلمین پاکستان کراچی ڈویژن کے تحت وحدت ہاوس سولجربازار میں شیعہ علما کرام و ذاکرین کے ہمراہ پریس کانفرنس کا انعقاد کیا گیا۔پریس کانفرنس میں صوبائی صدر علامہ باقر عباس زیدی ،امیدوار برائے صوبائی اسمبلی PS-102,103 مولانااصغر حسین شہیدی ، بزرگ عالم دین علامہ غلام عباس رئیسی ، ہیئت آئمہ مساجد وعلماء امامیہ کے صدر مولانا محمد حسین رئیسی ،ذاکرین امامیہ پاکستان کے صدر علامہ نثار قلندی ،آئی ایس او پاکستان کے رکن مرکزی نظارت مولانا عقیل موسیٰ ،مکتب علما ءامامیہ کے صوبائی نائب صدر مولانا اسحاق قرائتی، صدر کراچی ڈویژن مولانا صادق جعفری، علامہ مبشر حسن و دیگر علماءکرام شریک تھے۔
پریس کانفرنس سے خطاب کرتے ہوئے علامہ باقر عباس زیدی نے کہا کہ صاف اور شفاف انتخابات کروانا الیکشن کمیشن کی آئینی ذمہ داری ہے۔ ہم امید کرتے ہیں کہ الیکشن کمیشن اپنی یہ ذمہ داری بخوبی انجام دے گا۔عام انتخابات کے دوران قانون نافذ کرنے والے ادارے امن و امان قائم کرنے میں اپنا کردار ادا کریں گے۔تکفیری و کالعدم جماعتوں کے افراد کا عام انتخابات میں حصہ لینا الیکشن کمیشن اور اداروں کی کارکردگی پر سوالیہ نشان ہے۔پاکستان کی بڑی سیاسی جماعتوں کی جانب سے تکفیری دہشتگردوں سے الحاق بھی سوالیہ نشان ہے۔ علامہ مبشر حسن کا کہنا تھا کہ مجلس وحدت مسلمین کے ذمہ داران و کارکنان عام انتخابات 2024 میں اپنا بھرپور کردار ادا کریں گے۔ تمام تکفیریوں کا راستہ روکنے کیلئے ہر ممکن اقدامات اٹھائیں گے۔امیدوار برائے صوبائی اسمبلی PS-102,103 مولانا اصغر حسین شہیدی نے کہا کہ قائد اعظم اور علامہ اقبال کی خواہش کے مطابق مستحکم پاکستان کیلئے عوام 8 فروری کو اپنا ووٹ اس کے صحیح حق دار کو دیں۔
مولانا اصغر حسین شہیدی کا کہنا تھا کہ معاشرے میں انصاف و مساوات کی فراہمی کیلئے کوشش کرنا،اسلامی اور انسانی اقدار کا احیاء کرنا، غریب اور پسماندہ عوام کی فلاح و بہبود کے لئے اقدامات اٹھانا، نوجوانوں کیلئےمعیاری و سستی تعلیم اور ملازمت کے مواقع فراہم کرنا ہماری بنیادی ترجیح ہے۔ان کا کہنا تھا کہ خواتین کی فلاح و بہبود اور انہیں با اختیار بنانے کیلئے کوشش کرنا ، صوبے اور بالخصوص انتخابی حلقوں میں امن و امان کی صورتحال اور عوامی تحفظ کو یقینی بنانے کے لیے اقدامات کرنا،شہریوں کو پانی، بجلی،گیس، ٹرانسپورٹ اور مواصلات کی بنیادی ضروریات فراہم کرنے کیلئے صوبائی انفراسٹرکچر کو مضبوط کرنا،اخلاقی و مالی بد عنوانی اور صوبے میں رائج اقربا پروری کا کلچر جو پسماندگی کا اصل سبب ہےکے خاتمہ کی کوشش کرنا ہماری انتخابی منشور ہے۔پریس کانفرنس کے اختتام میں تمام علماء کرام و ذاکرین عظام نے امیدوار برائے صوبائی اسمبلی PS-102,103 مولانا اصغر حسین شہیدی کی بھرپور حمایت کا اعلان کرتے ہوئے عوام سے بھی انہیں ووٹ دے کرکامیاب بنانےکی اپیل کی۔
وحدت نیوز(چنیوٹ) مسجد حسینیہ رجوعہ سادات میں ایم ڈبلیو ایم کے زیر اہتمام ماہ رجب المرجب کی فیوض وبرکات کو سمیٹنے اور ماہ شعبان و رمضان کی آمد سے پہلے تیاری کے لئے تین روزہ اعتکاف کا اہتمام کیا گیا۔ جس میں نماز'روزہ' تلاوت قرآن' درس عقائد و احکام کے ذریعے قرب خدا حاصل کرنے اور آئمہ و معصومین علیہ سلام کی تعلیمات سے شرکاء کے فہم کو جلا بخشنے کی کوشش کی گئی۔
اعتکاف کے تیسرے روز محترمہ شیریں زعیم نے ثانی زہرا جناب زینب کبری علیہ سلام کی شہادت کے سلسلے میں مجلس عزا سے خطاب کیا اور محترم زوار حسین (معلم جامعہ بعثت) نے شرکاء کو حالات حاظرہ سے آگاہ کیا اوراعتکاف میں بیٹھنے والی بچیوں میں انعامات تقسیم کئے گئے۔
وحدت نیوز(لاہور) مجلس وحدت مسلمین شعبہ خواتین کی مرکزی صدر محترمہ معصومہ نقوی کی زیر سرپرستی الفاطمہ ہاوس لاہور میں تین روزہ اعتکاف رجبیہ کا انعقاد کیا گیا ایام بیض کی ان بابرکت ساعتوں کو سمیٹنے کے لیے ہر سال ایم ڈبلیو ایم شعبہ خواتین کی جانب سے معنویت و روحانیت سے بھرپور اعتکاف کا اہتمام کیا جاتا ہے جس میں مومنات دعا و مناجات ، عبادات و تلاوت قرآن اور علمی دروس کے ذریعے اپنی باطنی اور فکری پاکیزگی کو جِلا بخشتی ہیں اعتکاف کے آخری دن اجتماعی طور پر عمل ام داود انجام دیا گیا اور تمام مومنات کو شہداء کے موضوع پرکتابیں ھدیہ کی گئیں۔
وحدت نیوز(اسلام آباد) جناب جان حیدری مرکزی رہنمامجلس وحدت مسلمین اور صدر وومن ونگ ایم ڈبلیو ایم محترمہ حسینہ بتول نے علی پور میں خواتین کی میٹنگ کا اہتمام کیا اورصدر وومن ونگ NA 48 محترمہ سبین یونس کو خصوصی شرکت کی دعوت دی۔
محترمہ سبین یونس نےخواتین کو NA 48 کے امیدوار اور الیکشن کے حوالے سے تفصیلا آگاہی دی۔ اسکے علاوہُ پولنگ ایجنٹس کے لئے بھی خواتین کو موٹیویٹ کیا گیا اور کئی خواتین نے اپنے نام لکھوائے ۔
خواتین کے ساتھ مل کر ڈور ٹو ڈور کیمپین کا لائحہ عمل بھی بنایا گیا اسکے علاوہ میٹنگ میں میڈم سلمیٰ حیدری ، میڈم خدیجہ سمیت ایم ڈبلیو ایم اور پی ٹی آئی کی ذمہ دار خواتین نے شرکت کی۔انشاء اللہ علامہ راجہ ناصر عباس جعفری کے حکم پر ہم مردوں کے شانے بشانہ سید محمدعلی بخاری کو ووٹ اور سپورٹ کے ذریعے کام کرینگے۔
وحدت نیوز(لاہور) ایم ڈبلیوایم وومن ونگ کی صدر محترمہ سیدہ معصومہ نقوی نے اپنے پیغام میں کہا کہ شہادت جناب زینب کبری سلام اللہ علیھا کے موقع پر امام زمان عج ، رہبر معظم سید علی خامنہ ای و تمام عالم اسلام کی خدمت میں تعزیت پیش کرتی ہوں جناب زینب کبری سلام اللہ علیھا ایک ایسی عظیم شخصیت ہیں جو خاتون ہوتے ہوئے بھی مردوں سے ذیادہ صبر و تحمل استقامت و استقلال اور جرات و بہادری کو اپنائے ہوئے تھیں آپ نے جو کردار عاشورہ کے بعد ادا کیا وہ عقل انسانی کو حیران کیے ہوئے ہیں کہ آخر ایک تنہا خاتون کیسے اتنے اندوہناک مظالم کو نہ صرف برداشت کر رہی ہیں بلکہ قافلے کی تمام عورتوں اور بچوں کا بھی حوصلہ بنی ہوئی ہیں۔
انہوں نے کہا عقیلہ بنی ھاشم سلام اللہ علیھا کی عظمتوں کو ہمارا سلام جو اپنے وقت کے امام حضرت سجاد علیہ سلام کا سہارا بنیں اور ان کی محافظت فرماتی رہیں آج خواتین کے لیے اس شیر دل خاتون کی سیرت و کردار بہترین نمونہ عمل ہے دور حاضر کی یزیدی قوتوں کا مقابلہ کرنے کے لیے لازم ہے کہ ہم خواتین کردار زینبی کی حامل ہوں۔
وحدت نیوز(اسلام آباد) چیئرمین مجلس وحدت مسلمین پاکستان علامہ راجہ ناصرعباس جعفری نے اپنے تعزیتی پیغام میں کہا ہے کہ سینیئر صحافی اور پاکستان فیڈرل یونین آف جرنلسٹ ورکرز کے صدر جناب پرویز شوکت صاحب کے انتقال پر بہت افسوس ہوا،پرویز شوکت صاحب روزنامہ جنگ سے وابستہ تھے اور تقریبا نصف صدی سے صحافیوں اور میڈیا ورکرز کے حقوق کیلئے بے مثل جدوجہد کرتے رہے۔ آپ پر سوز آواز کے مالک اور مدح خواں اہلبیت تھے۔ شوکت پرویز کی رحلت پر پاکستان کی صحافی برادری سمیت خصوصاََ ان کے لواحقین کو تعزیت و تسلیت پیش کرتا ہوں۔ خداوند متعال مرحوم کی مغفرت فرمائے اور پسماندگان کو صبر جمیل عطا فرمائے۔
وحدت نیوز(چکوال) سید وسیم شاہ کاظمی ضلعی صدر ضلع چکوال کی خصوصی دعوت پر علامہ سید علی اکبر کاظمی صوبائی صدر مجلس وحدت مسلمین پنجاب کا ضلع چکوال کا وزٹ ۔ضلع چکوال کے یونٹ ڈھڈیال کے برادران نے جناب ایاز امیر امید وار برائے نیشنل اسمبلی اور جناب ناصر بھٹی امید وار برائے صوبائی اسمبلی پنجاب کے اعزاز میں ایک کارنر میٹنگ کا اہتمام کیا تھا جس میں جناب سید علی اکبر کاظمی صوبائی صدر مجلس وحدت مسلمین پنجاب مہمان خصوصی تھے ۔ سید وسیم شاہ کاظمی ضلعی صدر مجلس وحدت مسلمین ضلع چکوال بھی صوبائی صدر کے ہمراہ تھے ضلع چکوال اور ڈھڈیال کے مسئولین نے صوبائی صدر اور مہمانان گرامی کا پرتباک استقبال کیا ۔
ایاز امیر امیدوار برائے نیشنل اسمبلی نے خطاب کرتے ہوئے کہا کہ مجلس وحدت مسلمین پاکستان کے مسئولین نے ہمیشہ حق کا ساتھ دیا ۔ قبلہ علامہ راجہ ناصر عباس جعفری چیئرمین مجلس وحدت مسلمین کی شخصیت ہم سب کے لئے ایک آئیڈیل شخصیت ہیں ۔
انہوں نے ہمیشہ ذاتی مفاد سے بالاتر ہوکر سیاست کی ہے ۔وہ ایک اصول پسند ،نڈر اور بے باک لیڈر ہیں۔انہون نے ہمیشہ پاکستان کی سالمیت کی بات کی ہے ۔ اسی لئے وہ پاکستان کے دشمنوں کو ہمیشہ اچھے نہیں لگتے ۔ وہ ایک قومی لیڈر ہیں ۔ پاکستان کی خوش قسمتی ہے وطن عزیز میں ایسے محب وطن اور مخلص دیندار اور اپنی بات پر قائم رہنے والے عالم باعمل موجود ہیں ۔ جناب ناصر بھٹی نے خطاب کرتے ہوئے کہا کہ ہم سب آج ظلم کے خلاف اکھٹے ہوئے ہیں ۔ اگر ہم اسی طرح سے ظالم کا مقابلہ کرتے رہے تو ان ان شاءاللہ چیت ہماری ہوگی ۔ ہم نے صرف عوام کو یقین دلانا ہے کہ ہم آپ کے لئے ہر قربانی دینے کے لئے تیار ہیں ۔
اس کارنر میٹنگ میں علامہ سید علی اکبر کاظمی صوبائی صدر مجلس وحدت مسلمین جوکہ اس کارنر میٹنگ کے آخری خطیب تھے کہا کہ آج ہم یہاں پر اکھٹے ہوئے ہیں کہ ہم ملکر الیکشن 2024 ء چیتیں اور پاکستان مخالف قوتوں کو شکست دیں ۔ یہ الیکشن ہمارے لئے امتحان ہیں کہ ہم نے کس کا ساتھ دینا ۔ پاکستان کے حامی اور محب وطن کو ووٹ دے کر اسمبلیوں میں بھیجنا ہے یاکہ پاکستان کی مخالف قوتوں کو تقویت پہنچانی ہے ۔ نہیں ہوسکتا !! ایک آدمی اپنے آپ کو محب وطن بھی کہتا ہو اور ظالم نظام کا ساتھ دے ! اگر ظلم سے چھٹکارا حاصل کرنا ہے تو پاکستان کی خاطر ایاز امیر اور ناصر بھٹی جیسے وطن کے وفادار بیٹوں کو کامیاب کرنا ہوگا وہ اسی صورت ممکن ہے کہ آپ اپنا قیمتی ووٹ ان کو دین ۔ مجھے امید ہے چکوال کے غیور عوام 8 فروری کو انہیں ووٹ دیکر پاکستان کی خدمت کریں گے ۔ پاکستان زندہ باد ۔
وحدت نیوز(رحیم یارخان) مجلس وحدت مسلمین شعبہ خواتین رحیم یار خان کے زیر اہتمام ولادت با سعادت جناب سیدہ فاطمہ سلام اللہ علیھا و امیرالمومنین امام علی علیہ سلام کے ایام کی مناسبت سے مرج البحرین کے عنوان سے کانفرنس کا انعقاد کیا گیا ۔
کانفرنس سے خصوصی خطاب محترمہ عترت زہرا کاظمی صاحبہ نے کیا جس میں انہوں نے شان و مقام خاتون جنت اور ان کے پاکیزہ اور بے مثال کردار پر روشنی ڈالی اپنے خطاب میں مولائے متقیان امام علی علیہ سلام کے فضائل و مناقب اور دین اسلام کی ترویج و تبلیغ تحفظ اور دفاع کے لیے ان دونوں ملکوتی ہستیوں کی خدمات و قربانیوں کا بہترین انداز میں تذکرہ کیا ۔
کانفرنس میں تلاوت قرآن اور منقبت کا مقابلہ ہوا جس میں پوزیشن حاصل کرنے والی بچیوں میں انعامات تقسیم کیے گئے اختتام پر صدر ایم ڈبلیو ایم ضلع رحیم یار خان محترمہ تنویر زہرا کاظمی نے مہمانان اور کانفرنس کے شرکاء کا شکریہ ادا کیا۔
وحدت نیوز(راولپنڈی)مجلس وحدت مسلمین شعبہ راولپنڈی اسلام آباد کے زیر اہتمام مختلف یونٹس میں جشن مولود کعبہ امام المتقین امیر المومنین مولا علی علیہ اسلام کا بھر پورانعقاد کیا گیا جن میں یونیورسٹی ٹاون اسلام آباد ، علی پور اور روات یونٹ شامل ہے۔
اڈیالہ یونٹ میں جشن کا اہتمام صدر ایم ڈبلیو ایم وومن ونگ اسلام آباد وراولپنڈی محترمہ صدیقہ کائنات اور نائب صدر نادیہ ظفر صاحبہ کی جانب سے کیا گیا ان محافل میں مولائے متقیان کی سیرت و کردار پر روشنی ڈالی گئی۔
