وحدت نیوز(کوئٹہ) مجلس وحدت مسلمین کی انتخابی مہم کے سلسلے میں اہلیان بلاک 3 ہزارہ ٹاون کوئٹہ کی جانب سے حمایتی و افتتاحی پروگرام کا انعقاد کیا گیا۔اس افتتاحی و حمایتی پروگرام میں ایم ڈبلیوایم کے نامزد اُمیدوار برائے صوبائی اسمبلی پی بی 42 کوئٹہ Vعلامہ علی حسنین حسینی، اور نامزد اُمیدوار برائے قومی اسمبلی این اے 263 کوئٹہ ارباب لیاقت علی ہزارہ نے خصوصی شرکت کی ۔

اہلیان بلاک 3 ہزارہ ٹاون نے مجلس وحدت مسلمین کے نامزد اُمیدواروں کی بھر پور انداز میں حمایت کی اور 8 فروری 2024ء کو مجلس وحدت مسلمین کے نامزد اُمیدوار برائے صوبائی اسمبلی  پی بی 40 کوئٹہ || میں جناب سید عباس علی موسوی اور نامزد اُمیدوار برائے قومی اسمبلی این اے 262 کوئٹہ جعفر علی جعفری کو ووٹ دینے کا وعدہ کیا۔

وحدت نیوز(لاہور)جشن ولادت باسعادت حضرت امام علی علیہ السلام کے موقع پر لاہور میں مکتب اہلبیت علیہم السلام سے وابستہ شخصیات کی جانب سے جشن کا کیک کاٹا گیا ۔ اس موقعہ پر ممتاز شیعہ رہنما خواجہ میثم عباس،مرکزی جلوس لائسنس دار مولا علی احمد منیر قزلباش لاہور ایڈیشنل ایڈووکیٹ جنرل پنجاب خواجہ محسن عباس ،عمران علی شیخ صوبائی سیکرٹری فلاح و بہبود مجلس وحدت مسلمین پنجاب ودیگر نے خصوصی شرکت کی اور اجتماعی طور پرمولا کی ولادت با سعادت کی مناسبت سے کیک کاٹا گیا ۔

اس موقعہ پر شیخ عمران علی صوبائی سیکرٹری فلاح وبہبود مجلس وحدت مسلمین پنجاب نے کہا کہ مولا امیر المومنین علی علیہ السلام کی ولایت کو اللہ تعالیٰ نے اپنی ولایت کے ساتھ رکھا اللہ نے قرآن میں ارشاد فرمایا:يَا أَيُّهَا الَّذِينَ آمَنُواْ أَطِيعُواْ اللَّهَ وَأَطِيعُواْ الرَّسُولَ وَأُوْلِي الأَمْرِ مِنكُم آج اس کی ولادت باسعادت ہے جس کے بارے پیغمبر اسلام صلی اللہ علیہ وآلہ وسلّم نے کہا انا مدینتہ العلم وعلی بابہا آج اس کی میلاد مسعود ہے جو باب علم نبی اکرم صلی اللہ علیہ وآلہ وسلم ہے ۔

وحدت نیوز (گلگت) قائد حزب اختلاف وپارلیمانی لیڈر گلگت بلتستان اسمبلی کاظم میثم نے متحدہ اپوزیشن کے ترجمان جاوید منوا کے ہمراہ گورنر گلگت بلتستان سید مہدی شاہ کے ہمراہ گلگت بلتستان کی مجموعی صورتحال بلخصوص گندم ایشو پر سرجوڑ لیے۔ لیڈر آف اپوزیشن نے کہا کہ ہم نے وزیراعلٰی پر بھی اتمام حجت کی ہے کہ گندم کی قیمتوں میں اضافے کو واپس لیں۔ قیمتوں میں اضافے کو واپس لیے بغیر عوام کسی مذاکرات پر بیٹھنے کو بھی تیار نہیں ہے۔ انہوں نے کہا کہ وفاق حکومت چاہے تو مسئلہ حل ہوسکتا ہے لیکن حالات کی سنگینی کا ادراک نہیں کر رہی ہے۔

 اس موقع پر گورنر گلگت بلتستان نے بھی بھرپور تائید کرتے ہوئے کہا کہ اس سخت سردی میں عوام کو مزید سڑکوں پر رکھنا مناسب نہیں ہے۔ ان کے مطالبات کے حل کے لیے تمام ذمہ داروں تک مل کر پیغام پہنچائیں گے اور مل کر جدوجہد کریں گے۔ ہم مل کر وفاق اور تمام ذمہ داروں سے اتمام حجت کریں گے۔ عوام ہماری ہے اور خطہ ہمارا ہے۔ وفاق میں سیاسی حکومت نہ ہونے کی وجہ سے بھی مشکل پیش آ رہی ہے۔

متحدہ اپوزیشن کے ترجمان جاوید منوا نے کہا کہ 16 روپے اضافے کے بعد جو پیسے بنیں گے اس سے تو ایک ماہ کی بھی گندم نہیں بنتی۔ ساڑے نو ارب روپے کی سبسڈی کی رقم سے گندم پہلے ہی خریدی جاچکی ہے۔ 16 روپے اضافے کے بعد بھی تقریبا 6 ارب روپے جون تک کی گندم کے لیے درکار ہے۔ 16 روپے اضافہ کرکے جون تک ایک ارب بنتی ہے بقیہ رقم کے لیے پھر بھی وفاق کے آگے ہاتھ ہی پھیلانا ہے۔ اضافہ گرانٹ فراہم نہ ہوئی تو قیمتوں میں اضافے سے بھی مسئلے کا حل نہیں ہے۔ جب یہ سب کچھ ہے تو کیوں صوبائی حکومت اپنے آپ کو مشکل میں ڈال رہی ہے سمجھ سے بالا تر ہے۔ بریفنگ کے بعد گورنر نے گندم بحران پر تشویش کا اظہار کرتے ہوئے فوری طور پر تمام ذمہ داروں سے رابطے اور کیس کو مضبوط انداز میں ٹیک اپ کرنے پر اتفاق کیا۔

وحدت نیوز(گلگت) اپوزیشن لیڈر گلگت بلتستان اسمبلی اور ایم ڈبلیوایم کے پارلیمانی لیڈرکاظم میثم کی سربراہی میں اپوزیشن ممبران جس میں ترجمان متحدہ اپوزیشن جاوید منوا اور چئیرمین سٹینڈنگ کمیٹی فار ورکس اینڈ پاور وزیر محمد سلیم شریک تھے۔ اپوزیشن ممبران نے وزیراعلٰی گلگت بلتستان کو واضح کر دیا کہ گلگت بلتستان کے عوام کے صبر کا پیمانہ لبریز ہوچکا ہے۔ ECC کے اجلاس میں قومی موقف پر زور دینے اور راہ حل کے حوالے سے تجاویز دیں۔

 اپوزیشن وفد نے کہا کہ ECC کے پیش کردہ سفارشات کے بعد گندم سو فی صد مقامی گندم فراہم ہوتی ہے تو قیمتوں میں اضافے کو واپس لینے میں کوئی بڑا مسئلہ نہیں ہوگا۔ مجموعی طور پر سولہ روپے کے اضافے سے پانچ ماہ میں مالیاتی اثر صرف سوا ارب پڑتا ہے جو کہ مہینے میں تقسیم کرے تو چند کروڑ روپے بنتے ہیں۔ مقامی گندم کی فراہمی کے بعد مالیاتی بوجھ میں 70 کروڑ کی مزید گنجائش جی بی حکومت کو ملے گی۔

اپوزیشن وفد نے وزیراعلٰی کو اتمام حجت کیا اور کہا کہ وفاق سے اس قضیے پر لڑنے کے لیے تیار اور آمادہ ہیں۔ ہم آپ کی حکومت گرانے کے لیے نہیں بلکہ عوامی ایشو کو حل کرانا چاہتے ہیں۔ ہم گلگت بلتستان کے عوام کے ساتھ کھڑے ہیں۔ گلگت بلتستان کی حساسیت کے پیش نظر فوری اقدام اٹھایا جائے چند روپوں کی عوام کو ٹہٹھرتی سردی میں سڑکوں میں رکھنا مناسب نہیں۔وفد نے عوامی کوارڈنیشن کمیٹی اور نگرسپریم کونسل کے موقف کو پہنچایا اور زور دیا کہ فی الفور قیمتوں میں اضافے کو واپس لیں اور مذاکرات کا دروازہ کھول لیں۔