The Latest
وحدت نیوز(لاہور) مجلس وحدت مسلمین کے صوبائی آفس میں پنجاب کے مختلف اضلاع سے آئے ہوئے عزاداروں، بانیان مجالس اور لائسنس داروں کے وفود نے سیکرٹری جنرل پنجاب علامہ عبدالخالق اسدی سے ملاقات کی، جس میں محرم میں پیش آمدہ مسائل کا جائزہ لیا گیا۔ عزاداروں سے خطاب کرتے ہوئے علامہ عبدالخالق اسدی نے کہا کہ صوبائی وزیر شجاع خانزادہ کا بیان قابلِ مذمت ہے، عزاداری کے جلوسوں سے ایک انچ بھی پیچھے نہیں ہٹیں گے، عزاداری پر کوئی قدغن قبول نہیں، وزیر موصوف شائد زمینی حقائق سے بے خبر ہیں، عزاداری میں کسی بھی طرح کی رکاوٹ حکومت کو خس و خاشاک کی طرح بہا کر لے جائے گی۔
انہوں نے کہا کہ محرم الحرام ہمیں امن کا درس دیتا ہے، لیکن ساتھ ہی حق پر قربان ہونے کا درس بھی دیتا ہے۔ انہوں نے کہا کہ کسی ذاکر، واعظ اور عالمِ دین کو کسی بھی جگہ واعظ کرنے کیلئے کسی لائسنس کی ضرورت نہیں، بہتر ہے کہ وزیر موصوف ماحولیات پر توجہ دیں اور ماحولیاتی آلودگی کی طرح مذہبی آلودگی پھیلانے کی کوشش نہ کریں۔ وفود سے ملاقات میں انہوں نے کہا کہ تاریخ گواہ ہے کہ کوئی بھی آمر ہمیں عزاداری امام حسین (ع) سے نہیں روک سکا۔ وزیر موصوف کا یہ بیان فرقہ واریت کو ہوا دے گا اور انہوں نے فرقہ واریت کو پھیلانے کی مذموم کوشش کی ہے۔
وحدت نیوز(بلتستان) غدیر اتمام و تکمیل دین کا نام ہے، غدیر امت پر دین کی طرف سے اتمام حجت کا نام ہے، غدیر اعلان غلبہ اسلام ہے۔ ان خیالات کا اظہار سیکرٹری جنرل مجلس وحدت مسلمین پاکستان بلتستان ڈویژن علامہ آغا علی رضوی نے روندو طورمک میں جشن عید غدیر کے جلسہ سے خطاب کرتے ہوئے کیا۔ انہوں نے کہا کہ حضور اکرم (ص) نے اپنے آخری حج کے موقع پر لاکھوں حجاج کو غدیر کے مقام پر روک کر علی (ع) کی ولایت کا اعلان حکم خدا کی بجا آوری کرتے ہوئے فرمایا اور امت پر حضور نبی کریم (ص) نے اتمام حجت کر دیا۔ اب امت کے لیے ضروری ہے کہ علی کی ولایت کو تمام تر معنوں میں لیں اور اسلام کی تکمیل و اتمام کو عملی طور پر قبول کریں۔ انہوں نے کہا کہ غدیر کوئی جذباتی محافل و مجالس کے انعقاد کا روز نہیں بلکہ ولایت انبیاء و آئمہ کو قبول کرنے اور نظام ولایت کے لیے عملی جدوجہد کرنے کا دن ہے۔
علامہ آغا علی رضوی نے اپنے خطاب میں کہا کہ غدیر کا تقاضا ہے کہ امت اپنے تمام تر معاملات خواہ وہ سیاسی ہو یا اخلاقی، معاشی ہو یا معاشرتی، سماجی ہو یا سیاسی دین کے تعین کردہ اصول کے مطابق طے کریں۔ دین اسلام کو اسی صورت میں کامل دین کہا جا سکتا ہے کہ یہ تمام تر شعبہ ہائے زندگی پر محیط ہو۔ جلوت اور خلوت، انفرادی و اجتماعی، غرض انسان کا ایک لمحہ اور ایک عمل ایسا نہ ہو جس کی رہنمائی دین نہ کرے۔ اسلام کے مکمل ضابطہ حیات پر یقین کرنے والے دراصل پیغام غدیر پر پابند طبقہ ہے، جبکہ سیاست، معیشت، معاشرت وغیرہ کو دین سے جدا کرنے والے عملی طور پر منکر غدیر ہیں۔ انہوں نے کہا کہ دین اسلام میں کسی قسم کی نقص نہیں اور کامل ترین دین ہے۔ اس دین کے ہوتے ہوئے کسی قسم کی ازم اور مغربی نظاموں کو نجات دہندہ سمجھنا اور رجوع کرنا غدیر سے روگردانی یعنی دین کے کامل ہونے پر اعتراض کے مترادف ہے۔
وحدت نیوز(کراچی) مکتب تشیع کی تعلیمات کے مطابق دین السلام کی سب سے بڑی عید عید ولایت کی سے مناسبت سے مجلس وحدت مسلمین صوبہ سندھ کے ڈپٹی جنرل سیکریٹری علامہ سید صادق رضا تقوی نے ۲۵ اکتوبر کو لانڈھی ۲ میں جامع مسجد ابو الفضل العباس ع میں نماز جمعہ کی امامت فرمائی۔آپ نے اپنے پہلے خطبے میں واقعہ غدیر میں حضرت علی ع کی ولایت کے اعلان کی جانب اشارہ کرتے ہوئے کہا کہ ولایت ایک قرآنی اصول ہے اور جب سے امت مسلمہ نے اس قرآنی اصول سے منہ موڑا ہے وہ تفرقے ،اختلاف اور گمراھی و انحراف کا شکار ہوئی ہے ۔ولایت علی ع درحقیقت رسول اللہ ص کے بعد ایک زندہ،معصوم اور من جانب اللہ امام و ھادی کی سرپرستی میں زندگی گزارنا ہے ۔ولایت علی و ائمہ طاہرین ع کی ولایت کا دائرہ صرف دنیا تک نہیں بلکہ آخرت تک محیط ہے اس بنا پر زندگی کے تمام شعبوں میں اس کی سرپرستی کو قبول کرنا لازمی ہے ، اگر کوئی یہ سمجھتا ہے کہ وہ صرف زبانی کلامی ولایت کا نام لے کر ولایت کا پیروکار بن سکتا ہے تو وہ احمقوں کی جنت میں رھتا ہے ۔دین،آخرت،نجات، شفاعت، تعلیم ، اخلاق ، ثقافت ، اقتصاد سمیت تمام شعبہ ہائے زندگی میں ولایت کی سرپرستی قبول کرتے ہوئے ان کے تعلیمات کے مطابق زندگی بسر کرنا ہے ۔آج یہ ولایت امام زمانہ ع اور اُن کے نائب حضرت آیت اللہ العظمٰی سید علی خامنہ ای کے پاس ھے جو دین و شریعت کے نفاذ کیلئے ان کو سونپی گئی ہے ۔انہوں نے عید مباھلہ کو دشمنوں سے اظہار برأت کرنے کے مترادف قرار دیا۔شیعہ سنی اتحاد کی جانب اشارہ کرتے ہوئے انہوں نے کہا کہ یہ وقت کی اہم ضرورت ہے اور تمام شیعہ سنی کو مل کر کالعدم گررہوں اور تکفیریوں کے خلاف ایک مشترکہ محاذ بنانے کی ضرورت ھے ، اس بنا پر ہماری مجالس ،منبروں اور محراب سے شیعہ سنی اتحاد کا پیغام نشر کیا جائے اور اہیسے افراد کو مجالس پڑھنے کا موقع دیا جائے جو مومنین و مسلمین کے درمیان اتحاد و وحدت کی فضا کو قائم کرنے میں مدد کریں.
۲۷ اکتوبر کو نشتر پارک میں ہونے والی عظمت ولایت کانفرنس کے حوالے سے انہوں نے کہاکہ عظمت ولایت کانفرنس شیعہ قوم کے اتحاد، ملکی سلامتی کیلئے ،دہشت گردی کے خلاف ایک اہم سنگ میل ثابت ہو گی کہ جب وادی مھران سے تعلق رکھنے والے موالیان حیدر کرار ع تاریخی اجتماع سے اہم پیغام لیں گے ۔محرم الحرام کے آغاز پر اس عظیم اجتماع سے ملی سطح پر ایک اچھا پیغام جائے گا۔آپ مومنین زیادہ سے زیادہ تعداد میں اس عظیم الشان جشن ولایت میں شرکت کریں ۔
وحدت نیوز( کراچی) مجلس وحدت مسلمین پاکستان کے سربراہ علامہ راجہ ناصر عباس جعفری نے اپنے دورہ ضلعی وسطی کے دوران گذشتہ دنوں تکفیری دہشت گردوں کی فائرنگ سے شہید ہو نے والے شاہد رضا رضوی شہید کے خانواد ے سے ملاقات کی اس موقع پر شہید کے بھائی اور شہید کے معصوم بچوں سے تعزیت کا اظہار کیا ،اس موقع پر ایم ڈبلیو ایم کراچی ڈویژن کے سیکریٹری جنرل حسن ہاشمی اور مولانا علی انور جعفری بھی ہمراہ تھے۔
علامہ راجہ ناصر عباس جعفری نے شہدائے کربلا کی عظیم قربانیوں بالخصوص شہزادہ قاسم و اکبر علیہ السلام کی روشنی میں خانوادہ شہداء کو نصیحتیں کیں ، شہید کے فرزند کو مخاطب کر تے ہو ئے کہا کہ آپ کے والد کہیں نہیں گئے وہ آپ کے درمیان موجود ہیں ، آپ پر ناظر ہیں ، آپ کے تمام کاموں کو دیکھتے ہیں ، آپ کی ذمہ داری ہے تعلیم میں دل لگانا ، زیادہ سے زیادہ علم حاصل کر نا ، شہید کبھی مرتا نہیں بس ہماری نظروں سے اوجھل ہو جا تا ہے ۔ آخر میں اجتماعی فاتحہ خوانی کی گئی اور علامہ راجہ ناصر عباس جعفری نے شہیدشاہد رضا رضوی کی بلندی درجات کے لئے خصوصی دعا کی۔
وحدت نیوز(کوئٹہ) مجلس وحد ت مسلمین پاکستان کوئٹہ ڈویژن کے سیکریٹری جنرل سیدعباس موسوی نے وحدت ہاؤس کوئٹہ سے جا ری بیان میں کہا کہ محرم الحرام کے دوران امام با رگا ہوں ،مجا لس عزاء اور جلوس عا شورا کیلئے حکومت کو فول پرو ف انتظا مات کرنے چا ہئیے۔موجودہ ملکی اور صوبا ئی صورت حا ل کہ مدِنظر رکھتے ہوئے حکومت کو چا ہئے کی تما م جلوس ہا ئے عزاء اور مجالس کو فول پروف سیکورٹی فراہم کر نے کیلئے جامع پلان تشکیل دیں۔بیان میں ایف سی کے چیک پوسٹ جو محلقہ شیعہ علاقوں علمدار روڈ ،ہزارہ ٹا ون ،کرانی روڈ دسے منسلک ہے میں اضا فی نفری تعینات کی جائے اور چیک پوسٹوں کی تعدا د میں اضا فہ کیا جائے ۔ اس حوالے سے پولیس کا کردار بھی اہم ہے حکومت کو چا ہئیے کہ پولیس کے کردار کو مزید موثر بنا نے کیلئے اقدا ما ت کرے تا کہ پولیس ، ایف سی اور عوام کی مشترکہ حکمت عملی کے تحت شہر میں امن و امان کو قائم رکھا جا سکے اور عوام کی جا ن وما ل کو محفوظ بنانے میں مدد گار ثا بت ہو۔
عباس موسوی نے عوام سے اپیل کی کہ ہے کہ محرم الحرام کے دوران ایک دوسرے سے ہم آہنگی اور بھائی چا رے کا مظا ہر ہ کر تے ہوئے دہشت گرد اور ملک دشمن عنا صر کے عزائم کو خا ک میں ملا دیں اور اسلام اور امت مسلمہ میں ہم آہنگی کی فضا ء کو مزید مستحکم کرتے ہو ئے شیعہ ،سنی عوام میں ملی وحدت و یکجہتی اور بھائی چا رے کو مزید فروغ دیا جا سکے کیونکہ بہ حیثیت ایک مسلمان معا شرے کے ہر فرد کے جا ن و ما ل کی حفا ظت ہماری ذمہ داری ہیں۔
وحدت نیوز( کراچی ) ۲۷ اکتوبر کو نشتر پارک میں ہو نے والی عظمت ولایت کانفرنس کی اجازت نہ ملنے کے باوجود مرکزی ترجمان مجلس وحدت مسلمین پاکستان علامہ حسن ظفر نقوی کا نشتر پارک پہنچ گئے ہیں اور کانفرنس کے انتطامات کا جائزہ لیتے ہو ئے کارکنان سے گفتگو کر تے ہو ئے انہوں نے کہا کہ ہم نے اخلاقی طور پرمقامی انتظامیہ کے پاس اجازت نامہ بھیجا تھا لیکن انتظامیہ نے اس پر کوئی دھان نہ دیا اور اب تک ہمیں باقائدہ اجازت نامہ موصول نہیں ہوا ہے ، ہم انتظامیہ پر یہ بات واضح کر دینا چاہتے ہیں کہ اس قسم کے اوچھے ہتھکنڈے ہمارے مقصد کی راہ میں رکاوٹ نہیں بن سکتے ، ہم کسی اجازت کے محتاج نہیں ، عظمت ولایت کا نفرنس ہر حال میں نشتر پارک میں ہو گی ، آپ کارکنان بلا خوف وخطر اپنی ذمہ داریاں انجام دیں ، اس موقع پر جعفریہ لیگل ایڈ کمیٹی کے سربراہ تصور حسین رضوی ایڈووکیٹ بھی ان کے ہمراہ موجود تھے ۔
وحدت نیوز( کراچی) مجلس وحدت مسلمین پاکستان کے سربراہ علامہ راجہ ناصر عباس جعفری نے اپنے دورہ ضلع ملیر کے دوران گذشتہ دنوں یونیوورسٹی روڈ پرتکفیری دہشت گردوں کی فائرنگ سے شہید ہو نے والے ذاکر اہل بیت(ع) کاشف زیدی شہید کے خانواد ے سے ملاقات کی ان موقع پر شہید کے بھائی اور شہید کے معصوم بچوں سے تعزیت کا اظہار کیا ،اس موقع پر ایم ڈبلیو ایم ضلع ملیر کے ڈپٹی سیکریٹری جنرل احسن عباس، سیکریٹری امور تنظیم ثمر رضا ، ضلعی رہنماڈاکٹر حسن جعفر، پروفیسر آصف نقوی ، سعید رضا اور مجتبیٰ حسن سمیت دیگر رہنما بھی موجود تھے۔
علامہ راجہ ناصر عباس جعفری نے شہدائے کربلا کی عظیم قربانیوں بالخصوص شہزادہ قاسم و اکبر علیہ السلام کی روشنی میں خانوادہ شہداء کو نصیحتیں کیں ، شہید کے فرزند کو مخاطب کر تے ہو ئے کہا کہ آپ کے والد کہیں نہیں گئے وہ آپ کے درمیان موجود ہیں ، آپ پر ناظر ہیں ، آپ کے تمام کاموں کو دیکھتے ہیں ، آپ کی ذمہ داری ہے تعلیم میں دل لگانا ، زیادہ سے زیادہ علم حاصل کر نا ، امتحانات میں بہترین نمبروں سے کامیابی حاصل کر نا اور بڑے ہو کر اپنی والدہ اور چھوٹی بہن کا سہارا بننا، شہید کبھی مرتا نہیں بس ہماری نظروں سے اوجھل ہو جا تا ہے ۔ آخر میں اجتماعی فاتحہ خوانی کی گئی اور علامہ راجہ ناصر عباس جعفری نے شہید کاشف زیدی کے بلندی درجات کے لئے خصوصی دعا کی۔
وحدت نیوز ( کراچی ) مجلس وحدت مسلمین پاکستان کے مرکزی سیکریٹری جنرل علامہ راجہ ناصر عباس جعفری نے جشن عید غدیر اور عظمت ولایت کانفرنس کی تیاریوں کے سلسلے میں مرکزی مسجد جعفر طیار سوسائٹی ملیر میں نماز مغربین کے اجتماع سے خطاب کر تے ہو ئے کہا کہ۱۸ ذی الحجہ یوم عید غدیر ، عیدوں کی سردار ہے ، اسلام میں اس روز سے بڑا مقام کی روز کا نہیں ، عید غدیر کو جشن منانا مسلمانوں کا حق ہے ، عالم اسلام کی ایک بہت بڑی مشکل کے حل کا نام عید غدیر ہے ، ختم نبوت کے بعد آغاز ولایت و امامت نے امت مسلمہ کو گمراہی اور تباہی سے بچا یا، عالم اسلام کی تمام تر اجتماعی ، سماجی اور سیاسی مشکلات کا حل ولایت کی پیروی میں پنہاں ہے ، حکمران اگرنام نہاد جمہوریت کے بجائے امام علی (ع)کی طرز حکمرانی کوشیوا بناتے آ ج وطن عزیزاس حال کو نہ پہنچتا،ہمارے مکتب میں سیاست عبادت کا دوسرا نام ہے ، عوام الناس کی خدمت ، یتیموں ،مساکین اور غرباء کی خدمت امام علی (ع) نے ہمیں سکھائیں ، اگر تاریخ اسلام میں کوئی حاکم عوامی مسائل مشکلات اور پریشانیوں پر تڑپتا تھا وہ امام علی(ع) تھے، اپنے غصب شدہ حقوق کی حصولی کے لئے جدوجہد کر تے رہیں گے ، سیرت جناب سیدہ کونین سلام اللہ علیہا ہمیں ظالموں اور غاصبوں سے سمجھوتا نہیں سکھاتی۔
وحدت نیوز (کراچی) مجلس وحدت مسلمین پاکستان کے سربراہ علامہ راجہ ناصر عباس جعفری نے ایک وفد کے ہمراہ جعفریہ الائنس پاکستان کے سربراہ علامہ عباس کمیلی سے ان کی رہائش گاہ پر ملاقات کی وفد میں ایم ڈبلیو ایم کراچی ڈویژن کے ڈپٹی سیکریٹری جنرل علامہ دیدار جلبانی ، ضلعی رہنمارضا عباس او ر احسن عباس بھی موجود تھے، علامہ راجہ ناصر عباس جعفری نے علامہ عباس کمیلی کو ۲۷ اکتوبر کو نشتر پارک میں منعقدہ عظمت ولایت کانفرنس میں شرکت کی دعوت دی ، دونوں رہنمائوں کے درمیان قومی و ملی معاملات اور ملکی صورتحال پر تفصیلی بات چیت ہو ئی ، علامہ راجہ ناصر عباس جعفری اور علامہ عباس کمیلی نے توہین رسالت (ص) قانون کے غلط اور جھوٹے استعمال پر گفتگو کر تے ہو ئے کہا کہ توہین رسالت (ص) ایکٹ پاکستان میں ذاتی مخالفین سے انتقام لینے کے لیئے ذیادہ استعمال ہورہا ہے ، جو کہ باعث تشویش ہے ، توہین رسالت (ص) ایکٹ کہ صحیح استعمال کے لئے قانون سازی کی اشد ضرورت ہے ، علامہ راجہ ناصر عباس جعفری نے علامہ عباس کمیلی سے کہا کہ توہین رسالت (ص) ایکٹ کے صحیح استعمال اور بے گناہوں کو اس مشکل سے بچانے کے لئےپہلے مرحلے میں کوائف کی جمع آوری کا کام مکمل کیا جا ئے گا پھر مجلس وحدت مسلمین آپ کی مشاورت سے سفارشات مرتب کر کے اسلامی نظریاتی کونسل کو ارسال کر ے گی ، علامہ عباس کمیلی نے اس حوالے سے اپنے بھر پو ر تعاون کا یقین دلایا۔
بعد ازاں مجلس وحدت مسلمین کے وفد نے علامہ راجہ ناصر عباس جعفری کی قیادت میں خطیب مسجد شاہ خراسان علامہ عقیل عباس صادقی سے ان کی رہائش گاہ پر ملاقات کی علامہ راجہ ناصر عباس جعفری نے علامہ صادقی کی خیریت دریافت کی اور انہیں ۲۷ اکتوبر کو نشتر پارک میں منعقدہ عظمت ولایت کانفرنس میں شرکت کی دعوت دی ، جسے انہوں نے قبول کر لیا ۔
وحدت نیوز(ٹھٹھہ) مجلس وحدت مسلمین ضلع ٹھٹھہ کی جانب سے 27اکتوبر بروز اتوار نشترپارک کراچی میں عظمت ولایت کانفرنس کے حوالے سے مجلس وحدت مسلمین ضلع ٹھٹھہ کے سیکریڑی جنرل مختیار دایو نے مختلف علاقوں کے دورے کیے جس میں سجاول، گجو، گھارو، دہابیجی، ساکرو، شاہبندر، جاتی، چوہڑ، دڑو بٹھورو، جھوک شریف، بنوں، بیلوان علاقوں میں لوگوں کا بڑا جوش وخروش دیکھنے میں آیا عظمت ولایت کانفرنس میں جانے کیلئے تمام علاقوں کے مومنین نے لبیک یا حسین کے نعرے لگا کر یقین دہانی کرائی کے انشاء اللہ ہم سب کے سب عظمت ولایت کانفرنس میں شریک ہوگے۔مختیار دایو نے کہا کہ پاکستان کی بنیاد ہر شخص کو اپنی مذہبی رسومات کی آزادی کے تحت رکھی گئی تھی لیکن اس کے برعکس مساجد، امام بارگاہوں، چرچ سمیت کوئی عبادت گاہ محفوظ نہیں اور دہشت گرد اپنا جرم مانتے ہوئے دندناتے پھر رہے ہیں۔انہوں نے کہا کہ 27 اکتوبر کو کراچی کے نشتر پارک میں منعقد ہو نے والی عظمت ولایت کانفرنس پاکستان میں بسنے والے تمام مظلوموں کی آواز ہے، عظمت ولایت کانفرنس ماضی کے تمام اجتماعات کا ریکارڈ توڑ دے گی ،لحاظہ عظمت ولایت کانفرنس کے انعقاد کا بنیادی مقصد روح ولایت کو تازہ کر نا ہے ، ہم آہستہ آہستہ غدیر کو فراموش کر تے جا رہے ہیں ، اس عظیم الشان اجتماع کے ذریعے اصل ہدف و مقصد ولایت کی تشہیر ہمارے مطمع نظر ہے ، پوری ملت قرآن و اہل بیت (ع) کانفرنس کی یاد کو تازہ کرتے ہو ئے عظمت ولایت کانفرنس میں بھر پور شرکت کرے۔
