The Latest
وحدت نیوز (کراچی) بھکر میں دفاع کرنے والے مظلوم شہریوں کی بجائے لشکر کشی کرنے والے دہشتگردوں کیخلاف کارروائی کی جائے، دہشت گردی بھکر میں ہو یہ دمشق میں دونوں طرف پنجابی طالبان اور ان کے رفقاء ملوث ہیں، پنجاب میں دہشتگردوں کے سرکاری سرپرست رانا ثناء اللہ کو وزارت سے برطرف کیا جائے۔ رانا ثناء اللہ قاتل اور مقتول اور حملہ آور اور مدافع میں فرق رکھیں، جب ریاست دہشت گردوں کی سرپرست بن جائے تو عوام خود اپنے دفاع کا حق محفوظ رکھتے ہیں۔ ان خیالات کا اظہار مجلس وحدت مسلمین پاکستان کراچی ڈویژن کے ڈپٹی سیکریٹری جنرل علامہ دیدار علی جلبانی، حسن ہاشمی اور علی حسین نقوی نے سانحہ بھکر کے خلاف کراچی پریس کلب کے باہر احتجاجی مظاہرے سے خطاب کرتے ہوئے کیا۔ اس موقع پر سینکڑو ں کی تعداد میں مظاہرین موجود تھے۔ جنہوں نے شہداء سے تجدید عہد کے لئے بینرز اور پلے کارڈ اٹھا رکھے تھے جن پر نعرے درج تھے۔ مقررین کا کہنا تھا کہ وزیر قانون پنجاب رانا ثناء اللہ دہشت گردوں سے رشتے داری میں قاتل و مقتول کی تمیز نہ بھولیں، بھکر میں دہشت گردوں کی ریلی کا کوٹلہ جام اور دریا خان میں بے قصور اہل تشیع پر مسلح حملہ ڈی پی او کی زیر سرپرستی کیا گیا۔ جس کو رانا ثنا اللہ کی مکمل پشت پناہی حاصل ہے۔ انہوں نے کہا کہ سانحہ بھکر پر تحقیقاتی ٹربیونل تشکیل دیا جا ئے اور رانا ثناء اللہ کو بھی شامل تفتیش کیا جائے۔
ان کا کہنا تھا کہ ایک مسلح لشکر جب آپ کے مکان، دکان، جان، عزت اور ناموس پر اعلانیہ مسلح حملہ آور ہو تو کیا اپنا دفاع کرنا گناہ ہے؟ انہوں نے کہا کہ جب پورے پنجاب میں اہل تشیع پر حملے ہوئے، سینکٹروں بیگناہ لوگ مارے گئے، تب رانا ثناء اللہ کیوں جائے وقوعہ پر نہیں پہنچے؟ ان کا کہنا تھا کہ رانا ثناء اللہ صرف یہ چاہتے ہیں کہ اہل تشیع پنجاب میں صرف قتل ہو تے رہیں اپنا دفاع نہ کریں، اس سے ان کی نوکری خطرے میں پڑجاتی ہے۔ مقررین نے مزید کہا کہ پنجاب حکومت صوبے میں امن کا قیام چاہتی ہے تو دہشت گردوں کی سرکاری سرپرستی ختم کردے ، رانا ثناء اللہ کے کالعدم دہشت گرد گروہوں سے رابطے کسی سے پو شیدہ نہیں ہیں ، بھکر میں ہو نے والی اس خونریزی میں ڈی پی او سرفراز فلکی بھی مجرم ہے ، دہشت گرد ڈی پی او کی موجودگی میں درندگی کرتے رہے ، اور انتظامیہ تماشہ دیکھتی رہی۔
وحدت نیوز (حیدرآباد) مجلس وحدت مسلمین پاکستان ضلع حیدرآباد کی جانب سے حیدرآباد پریس کلب کے سامنے احتجاج کیا گیا۔ احتجاج سے خطاب ایم ڈبلیو ایم صوبہ سندھ کے سیکریٹری جنرل علامہ مختار احمد امامی، ضلع حیدرآباد کے سیکریٹری جنرل علامہ امداد علی نسیمی اور علامہ گل حسن مرتضوی نے کیا۔ اپنے خطاب میں رہنماؤں نے کہا کہ بھکر کا واقعہ پنجاب حکومت کی ناکامی کا منہ بولتا ثبوت ہے، رانا ثناء اللہ سانحہ بھکر میں براہ راست ملوث ہے۔ رہنماؤں نے کہا کہ پنجاب حکومت بھکر کی عوام پر اتنا ظلم کرے کہ جس کا عوام کو حساب بھی دے سکے، یہ کہاں کا قانون ہے کہ ہمارے افراد کو شہید بھی کیا جائےا ور پھر ہمیں ہی گرفتار بھی کیا جائے، رانا ثناء اللہ کی ایماء پر پولیس کی جانب سے شیعہ رہنماؤں کے گھروں پر چھاپے حکومت کی دہشتگردوں کی سرپرستی کا ثبوت ہیں۔ رہنماؤں نے مزید کہا کہ اس ملک کی سیکورٹی کے نام پر چلنے والے ادارے دہشتگردوں کی پشت پناہی کررہے ہیں، سیکورٹی اداروں کو یہ باور کرانا چاہتے ہیں کہ تم اپنی حیثیت کوعوام کے سامنے واضح کرو کہ تم وطن عزیز کے خادم ہو یا دہشتگردوں کے۔ رہنماؤں نے مزید کہا کہ اگر پنجاب حکومت نے دہشتگردوں کی سرپرستی بند نہ کی اور رانا ثناء اللہ کو لگام نہ دی تو ملت جعفریہ کے احتجاج کو نواز لیگ ہمیشہ یاد رکھے گی۔
وحدت نیوز(پشاور) بزرگ عالم دین اور مجلس وحدت مسلمین پاکستان کی شوریٰ نظارت کے رکن علامہ سید حسین الاصغر الحسینی انتقال کرگئے ہیں۔ مرحوم عارضہ قلب میں مبتلا ہونے کے باعث پشاور کے لیڈی ریڈنگ اسپتال میں زیر علاج تھے، جہاں وہ اپنے خالق حقیقی سے جا ملے۔ علامہ حسین الاصغر کی میت کو ان کے آبائی علاقہ ابراہیم زئی ضلع ہنگو منتقل کر دیا گیا ہے۔ جہاں ان کی نماز جنازہ علامہ خورشید انور جوادی کی اقتداء میں ادا کی گئی۔ نماز جنازہ میں مجلس وحدت مسلمین پاکستان کے مرکزی ڈپٹی سیکرٹری جنرل علامہ محمد امین شہیدی، علامہ اقبال بہشتی، علامہ عبدالحسین الحسینی سمیت دیگر مذہبی، سیاسی اور مختلف شعبہ ہائے زندگی سے تعلق رکھنے والی اہم شخصیات نے شرکت کی۔ واضح رہے کہ علامہ سید حسین الاصغر بزرگ عالم دین اور مجلس وحدت مسلمین پاکستان کی مرکزی شوری نظارت کے رکن تھے، آپ ضلع ہنگو میں قائم مدرسہ زینبیہ (س) کے بانی بھی تھے۔
وحدت نیوز (ٹیکسلا)مجلس وحدت مسلمین پاکستان کے مرکزی سیکرٹری تبلیغات علامہ اعجاز حسین بہشتی نے شہید قائد علامہ عارف حسین الحسینی کی برسی کے موقع پر 8 ستمبر کو اسلام آباد کے پریڈ گراؤنڈ میں منعقدہ ملک گیر ’’ دفاع وطن کنونشن ‘‘ کے حوالے سے دورہ جات کا آغاز کردیا۔ اس حوالے سے انہوں نے ضلع جہلم میں ٹوبہ کے مقام پر مسجد کاظمیہ میں ایک اجتماع سے خطاب کیا، ضلع ٹیکسلا کے علاقہ سیداں میں نماز جمعہ کے اجتماع سے خطاب کیا۔ اس موقع پر انہوں نے ان علاقوں کی شیعہ شخصیات، معززین، ماتمی سالاروں سے بھی ملاقات کی اور ان کو کنونشن میں شرکت کی دعوت دی۔
مرکزی سیکرٹری تبلیغات علامہ اعجاز حسین بہشتی شہید قائد علامہ عارف حسین الحسینی کی برسی کے حوالے سے ضلع ٹیکسلا میں مختلف مقامات کا دورجات کے دوران مجلس وحدت مسلمین ضلع ٹیکسلا کی کا بینہ سے اجلاس کی صدارت بھی کی اس موقع پر ضلع ٹیکسلا کے سیکرٹری جنرل برادر بیدار حسین اپنی کابینہ کے ہمراہ موجود تھے ۔
وحدت نیوز (کوئٹہ ) مرکزی سیکریٹری وحدت یوتھ ونگ پاکستان اور انچارج وحدت اسکائوٹ فضل عباس نقوی ایڈووکیٹ نے پرنسپل جامعہ امام صادق (ع) علامہ محمد جمعہ اسدی سے ملاقات کی ، اور انہیں ۸ ستمبر کو اسلام آباد میں منعقدہ قومی دفاع وطن کانفرنس میں شرکت کی دعوت دی ، جسے علامہ جمعہ اسدی نے قبول کر لیا، علامہ جمعہ اسدی کے دفتر میں ہو نے والی اس ملاقات میں مجلس وحدت مسلمین بلوچستان کے سیکریٹری جنرل علامہ مقصود علی ڈومکی بھی موجود تھے ۔فضل عباس نقوی نے قبرستان شہداء بہشت زینب (ع) میں قبور شہداءپر حاضری دی اور فاتحہ خوانی کی۔
بعد ازاں فضل عباس نقوی نے کوئٹہ میں وحدت گرلز گائیڈ کے زیر اہتمام منعقدہ تربیتی نشست سے خطاب کیا اور خواتین کے اسلامی معاشرے میں اجتماعی کردار کے حوالے سے گفتگو کی، جب کہ ایم ایم ایس اوکے صدر اور مہدی اسکائوٹ کے چیف اسکائوٹ سے بھی علیحدہ علیحدہ ملاقاتیں کیں ،اس کے ساتھ ہی مہدی اسکائوٹ اوپن گروپ ، غازی اسکائوٹ اور دیگر اسکائوٹ گروپس کے ساتھ تربیتی اور پروفیشنل اسکلز پر نشست میں خطاب کیا۔
فضل عباس نقوی نے علامہ مقصود ڈومکی سے انکے دفتر میں ملاقات میں بلوچستان کے قومی اور تنظیمی معاملات پر گفتگو کی اس موقع پر صوبائی کابینہ کے اراکین بھی موجود تھے ،واضح رہے کہ فضل عباس نقوی تین روزہ دورہ بلوچستان پر کوئٹہ پہنچے ہیں، جس کے اختتام پر وہ دیرہ اللہ یار، جھل مگسی، نصیر آباد کے علاقوں میں وحدت یوتھ کی تیظیم سازی کے حوالے سے دورہ جات اور ملاقاتیں بھی کریں گے۔
وحدت نیوز (بھکر) کوٹلہ جام، دریا خان اور پنجگرائیں میں اہل تشیع پر تکفیریوں کی جانب سے کیے جانیوالے حملےکے بعد گذشتہ رات مجلس وحدت مسلمین ضلع بھکر کے سیکریٹری جنرل سفیر عباس شہانی ایڈووکیٹ اور دیگر مومنین کے گھروں پر پولیس اوررینجرز نےچھاپے مارے ہیں ،سفیر شہانی کی عدم موجودگی کے باعث سکیورٹی اہلکاروں نے نہ صرف چادر اور چار دیواری کے تقدس کوپامال کیا بلکے گھر میں موجود خواتین سے دست درازی بھی کی ۔
تفصیلات کے مطابق کالعدم جماعت (سپاہ صحابہ) کی جانب سے اہل تشیع کے 79 افراد پر نامزد جبکہ 150 سے زائد نامعلوم افراد پر مقدمات درج کرائے گئے ہیں، جب کہ نامزد افراد میں ایم ڈبلیو ایم کے ضلعی سیکریٹری جنرل سفیر عباس شہانی ایڈووکیٹ بھی شامل ہیں ۔
مجلس وحدت مسلمین بھکر کے ضلعی سیکرٹری جنرل سفیر حسین شہانی ایڈووکیٹ نے ٹیلی فون پر گفتگو کر تے ہو ئے کہا ہے کہ مسلم لیگ نون کے رہنما رانا ثناءاللہ اور ڈی پی او بھکر اس اندوہناک سانحے میں براہ راست ملوث ہیں۔ سفیر عباس شہانی نے مزید کہا کہ گذشتہ روز بھکر، کوٹلہ جام، دریا خان اور پنجگرائیں میں اہل تشیع پر تکفیریوں کی جانب سے کیے جانیوالے حملے کے خلاف شہدائے کوٹلہ جام اور دریا خان کے ورثاء کی مدعیت (غلام قنبر اور سید سبطین شاہ شیرازی) میں ضلع بھکر کے تھانوں (تھانہ صدر بھکر، تھانہ سٹی دریا خان) میں تین مقدمات درج کرا دیے گئے ہیں۔ کالعدم جماعت (سپاہ صحابہ) سے تعلق رکھنے والے 36 نامزد اور 20 نامعلوم افرادکے خلاف ان مقدمات میں قتل، اقدام قتل سمیت دیگر دفعات شامل ہیں۔ جبکہ دوسری جانب۔ ان مقدمات کے اندراج کے بعد دونوں جانب سے پولیس نے چھاپے مارنا شروع کر دیئے ہیں اور بعض علاقوں سے گرفتاریاں بھی عمل میں آئی ہیں، تاہم ابھی تک انتظامیہ نے ان تمام گرفتاریوں کو مخفی رکھا ہے۔
وحدت نیوز (مشہد مقدس) مجلس وحدت مسلمین شعبہ مشہد مقدس کے سیکرٹری جنرل حجتہ الاسلام والمسلمین علامہ عقیل حسین خان نے کہا ہے کہ کوٹلہ جام میں تکفیری دہشت گردوں نے پولیس کی موجودگی میں شیعہ نوجوانوں پر فائرنگ کی جس سے تشیع پاکستان کے طلباء کی سب سے بڑی جماعت امامیہ اسٹوڈنٹس آرگنائزیشن کے کارکن شہید ہوئے۔ کوٹلہ جام میں فائرنگ کے وقت پولیس دہشت گردوں کے خلاف کاروائی کرنے کی بجائے اُنہیں تحفظ دیتی رہی۔ عقیل حسین خان نے مزید کہا کہ شریف حکومت سے خیر کی توقع نہیں کی جاسکتی، آج جو دہشت گردوں سے مذاکرات کررہے ہیں کل وہی دہشت گردوں کو رہا بھی کریں گے۔ انکی گزشتہ حکومتوں میں بھی تشیع پر مظالم ڈھائے گئے ہیں وہ سب کے سامنے ہیں۔ اس موقع پر اُنہوں نے شہداء کے خانوادگان سے اظہار تعزیت کرتے ہوئے کہا کہ یقینا شہدا کا شمار شہدائے کربلا کے ساتھ ہوگا۔
وحدت نیوز (قم المقدسہ) مجلس وحدت مسلمین شعبہ قم المقدسہ کے سیکرٹری جنرل علامہ غلام محمد فخرالدین نے کہا ہے کہ جو حکومت پاکستان بچاؤ اور دہشت گردی ختم کرو کے نعروں کے ساتھ آئی تھی آج ان ہی کے ایما ءپر ملک دشمن اور اسلام دشمن عناصر قتل و غارت اور ملک کو تباہ و برباد کرنے کے درپے نظر آتے ہیں۔ قم المقدسہ جاری پریس ریلیز کے مطابق علامہ غلام فخرالدین کا کہنا تھا کہ بھکر میں بے گناہ شیعیان حیدر کرار کا وحشیانہ قتل نام نہاد حکومت کے منہ پر زور دار طمانچہ ہے اور موجودہ حکومت کی تکفیری ٹولوں کے ساتھ ملی بھگت اور ان کی پشت پناہی کا عملی ثبوت ہے۔ اس دردناک سانحے پر امام عصر عج، رہبر معظم آیت اللہ العظمیٰ سید علی خامنہ ای، ناصر ملت علامہ راجہ ناصر عباس جعفری اور شہدائے بھکر کے لواحقین کو تعزیت پیش کرتے ہیں اور حکومت وقت اور حساس اداروں سے مطالبہ کرتے ہیں کہ جلد از جلد ان ملک دشمن عناصر کو بے نقاب کر کے قرار واقعی سزا دیں۔ بصورت دیگر پورے ملک میں ہونے والے حالات کی ذمہ داری حکومت پر عائد ہو گی اور ممکن ہے کہ بین الاقوامی سطح پر احتجاجات کا سلسلہ شروع ہو جائے۔
وحدت نیوز (نجف اشرف) مجلس وحدت مسلمین نجف اشرف کے سیکرٹری جنرل علامہ سید مہدی نجفی نے سانحہ بھکر کی شدید الفاظ میں مذمت کرتے ہوئے کہا کہ پاکستان میں دہشت گردوں کی پشت پناہی پولیس اور مقامی انتظامیہ کرتی ہے جس کے باعث اُنہیں کھل کر وارداتیں کرنے کا موقع ملتا ہے۔ ان خیالات کا اظہار اُنہوں نجف اشرف میں مجلس وحدت مسلمین کے اجلاس سے خطاب کرتے ہوئے کیا۔ اجلاس میں علامہ شہزادالحسینی، شیخ قیصر عباس سمیت دیگر موجود تھے۔ مجلس وحدت مسلمین نجف اشرف سے جاری پریس ریلیز کے مطابق علامہ سید مہدی نجفی نے کہا ہے کہ ایسا لگتا ہے ایک بار پھر جنوبی پنجاب میں دہشتگردوں کو کھلی چھٹی دی جارہی ہے۔ اُنہوں نے کہا کہ بھکر کا واقعہ ایک سوچا سمجھا منصوبہ تھا جس میں پولیس کی سرپرستی میں دہشتگردوں کو فری ہینڈ دیا گیا کہ وہ مرضی سے علاقے کے امن کو نقصان پہنچائیں۔
وحدت نیوز (کوئٹہ) مجلس وحدت مسلمین پاکستان یوتھ ونگ کے مرکزی چیئرمین سید فضل عباس ایڈووکیٹ اور مجلس وحدت مسلمین کے صوبائی سیکریٹری جنرل علامہ مقصود علی ڈومکی نے کوئٹہ پریس کلب میں مشترکہ پریس کانفرنس کرتے ہوئے کہا کہ دہشتگردی کے خاتمہ کیلئے عوام نے موجودہ حکومت سے بہت سی امیدیں وابستہ کر رکھی ہیں۔ مجلس وحدت مسلمین نے ملک میں دہشتگردی اور انتہاء پسندی کو سامراجی قوتوں کی مداخلت کا نتیجہ قرار دیتے ہوئے کہا ہے کہ نیشنل سکیورٹی پالیسی پر تمام سیاسی جماعتیں متفقہ لائحہ عمل اپناتے ہوئے ملک کے مختلف حصوں میں دہشتگردوں کے ٹریننگ کیمپس اور محفوظ ٹھکانوں کا خاتمہ کریں۔ عوام کی امیدوں کو مایوسی میں تبدیل ہونے سے پہلے حکومت دہشتگردوں کیخلاف جامع پالیسی پرعملدرآمد کرے اور اعلانات کے بجائے عملی اقدامات اٹھائے جائیں۔ آج دنیا بھر میں مسلمان کفری قوتوں کی سازشوں کاشکار ہیں۔ عالمی سامراجی قوتوں نے مسائل پیدا کئے ہیں۔ مصری فوج کی جانب سے معصوم نہتے شہریوں کا قتل عام جاری ہے۔ فلسطینی عوام اب بھی اسرائیلی جارحیت کا شکار ہیں۔ ان تمام مظالم پر امریکہ اور مغرب نے شرمناک عمل اپنا رکھا ہے اور انہی سامراجی پالیسیوں کا نتیجہ ہے کہ پاکستان دہشتگردی کی آگ میں جل رہا ہے۔
انہوں نے دہشتگرد حملے میں ڈی آئی جی آپریشن سمیت دیگر پولیس اہلکاروں کی شہادت پر انہیں سلام پیش کرتے ہوئے کہا کہ عزم و حوصلے کے ساتھ انسانیت دشمن دہشتگردوں کا مقابلہ مصلحتوں سے بالا تر ہو کر کیا جائے۔ انہوں نے پنجاب کے علاقے بھکر میں ریلی کے دوران چار نہتے جوانوں کی شہادت کی مذمت کرتے ہوئے کہا کہ واقعہ کی جوڈیشل تحقیقات کرائی جائے اور ڈی پی او سرفراز کو معطل کیا جائے۔ حکومت ملک میں پھانسی کی سزاؤں پر فوری طور پر عملدر آمد کو یقینی بنائے، کیونکہ اس پر عملدرآمد کرکے ہی ملک سے دہشتگردی کا خاتمہ ممکن ہے۔ ایک سوال کے جواب میں انہوں نے کہا کہ ملک میں غیر موثر تحقیقاتی نظام، تھانہ کلچر اور تحقیقاتی عمل میں مداخلت نے اس نظام کو غیر موثر بنا رکھا ہے اور عدالتی نظام کو بہتر بناتے ہوئے دہشتگردی میں ملوث افراد کیخلاف قانون کے مطابق عملدر آمد کرایا جائے۔
ایک اور سوال کے جواب میں انہوں نے کہا کہ بلوچستان میں دہشتگردی کے ٹھکانے موجود ہیں۔ دشت اور مستونگ میں دہشتگرد مرکز اور کیمپ قائم ہونے کے شواہد موجود ہیں۔ جس کیخلاف قانون نافذ کرنے والے اداروں کو موثر کارروائی کرنی چاہئے۔ تاکہ ان کا خاتمہ کرکے صوبے سے دہشتگردانہ کارروائیوں کی روک تھام ممکن بنائی جاسکے۔ پرنٹ میڈیا کالعدم گروہوں کے نفرت انگیز بیانات کو روکے۔ نفرت انگیز بیانات اور تکفیری سوچ کی کوریج کے بجائے اتحاد بین المسلمین اور اخوت و امن کا پرچار کیا جائے۔ تاکہ نفرتوں کا خاتمہ ہوسکے۔ مجلس وحدت مسلمین اتحاد بین مسلمین، اخوت و امن کی علمبردار جماعت ہے اور فرقہ وارانہ منافرت اور دہشتگردی کیخلاف ملک بھر میں موثر آواز اٹھاتی آرہی ہے۔ ہم ملک کی تمام سیاسی و مذہبی جماعتوں اور امن پسند قوتوں کو دہشتگردی کیخلاف مشترکہ محاذ تشکیل دینے کی دعوت دیتے ہیں۔ اس سلسلے میں 8 ستمبر کو اسلام آباد میں ملک گیر ’’دفاع وطن کنونشن‘‘ منعقد کیا جا رہا ہے، جو امن اخوت اور حب الوطنی کا اجتماع ہوگا۔
