The Latest
وحدت نیوز(اسلام آباد) الائنس آف پیٹریاٹ میں شامل مجلس وحدت مسلمین پاکستان،سنی اتحاد کونسل پاکستان،وائس آف شہدائے پاکستان کے رہنماوُں سید نا صرشیرازی سیکرٹری سیاسیات مجلس وحدت مسلمین، صاحبزادہ حامد رضا، چیئرمین سنی اتحاد کونسل،سینٹر فیصل رضا عابدی، ترجمان وائس آف شہدائے پاکستان و رہنما پاکستان پیپلزپارٹی نے اسلام آباد پریس کلب میں مشترکہ پریس کانفرنس سے خطاب کرتے ہوئے کہا کہ آج اس پریس کانفرنس کا مقصد حکومت پر یہ واضح کرنا ہے، ہم ایسی کسی کوشش کو کامیاب نہیں ہونے دیں گے جس کا مقصد آئین پاکستان سے بلا تر ہوکر کسی دہشتگرد، آئین پاکستان مخالف اورقومی اداروں کے وجود کی منکر قوت کو تسلیم کرنا ہو یا اس کے ایجنڈے کو قبول کرنا ہو، ہم طالبان سے حکومتی مذاکرات کی مخالف کرتے ہیں اور مطالبہ کرتے ہیں کہ فی الفور حکومت شہدائے پاکستان کے لواحقین سے مذاکرات کرے اور انہیں یقین دلائے کہ وطن عزیز کی جغرافیائی سرحدوں کی حفاظت کیلئے جام شہادت نوش کرنے والے وطن کے بیٹوں کے ناحق خون سے بے وفائی نہیں برتی جائے گی۔ ہم حکومت کی طرف سے طالبان کو سیاسی عمل میں اعلانیہ شامل کرنے کی مذمت کرتے ہیں اور اسے شہداء پاکستان کے خون سے غداری تصور کرتے ہیں۔
مشترکہ پریس کانفرنس میں رہنماوں کا کہنا تھا کہ ہم واضح کرتے ہیں کہ اگر ان مذاکرات کے نتیجے میں ملک میں طالبانی نظام رائج کرنے کی کوشش کی گئی تو عاشق مصطفی ملک کے پورے نظام کو جام کرکے رکھ دیں گے۔ ہم ایسی سوچ اور افراد کی مذمت کرتے ہیں جو یہ کہتے ہیں کہ ملک میں دہشتگردی سے نہیں نمٹا جاسکتا۔ حکومت طالبان سے مذاکرات کا ڈرامہ ختم کرے اور دہشتگردوں سے نمٹنے کیلئے اپنی ول اور لڑنے کا اعلان کرے، پوری قوم حکومت کے اس عمل کی حمایت کریگی۔
پریس کانفرنس میں مشترکہ اعلان بھی کیا گیا کہ5 جنوری کو اسلام آباد کے کنونشن سینٹر میں ’’قومی امن کانفرنس‘‘ہوگی جس میں دہشتگردی کا نشانہ بننے والے فوجی جوانوں، سوئلینز، وکلاء، مسیحی برادری ، صحافی حضرات اور دہشتگردوں کا نشانہ بننے والے مختلف مکاتب فکر کے شہداء کے ورثاء شرکت کرینگے اور اس ناسور کیخلاف اعلان جہاد کرینگے۔اس کانفرنس میں دہشتگردی سے نمٹنے کا واضح راہ حل پیش کیا جائے گا اور قومی اتحاد کا فقیدالمثال مظاہرہ کیا جائیگا۔
وحدت نیوز(اسلام آباد)نئے سال کے آغاز پر حکومتی نا اہلی کے نئے دور کا بھی آغاز ہو گیا ہے ، کوئٹہ میں زائرین امام رضا علیہ السلام کی بس پر خودکش حملہ نواز حکومت کے لئے ڈوب مر نے کا مقام ہے، جو حکمران نہتے عوام کی جان و مال کا تحفظ نہیں کر سکتے انہیں مسند اقتدار پر بیٹھنے کا کو ئی حق نہیں ، ہمارے صبر کا مذید امتحان نہ لیاجائے ، ہمارا صبر حکومت کو مہنگا پڑے گا، وزیر اعلیٰ بلوچستان ہوش میں آجائیں ، رئیسانی کو گھر گئے زیادہ عرصہ نہیں ہو ا، درندہ صفت دہشت گردوں نے خواتین اور معصوم بچوں کو بھی نہیں بخشا۔ ان خیالات کا اظہار مجلس وحدت مسلمین پاکستان کے مرکزی سیکریٹری جنرل علامہ راجہ ناصر عباس جعفری نے کوئٹہ کے نذدیک زائرین کی بس پر ہو نے والے خودکش حملے کے خلاف اپنے مذمتی بیان میں کیا ۔
ان کا کہنا تھا کہ سال 2013کا اختتام اور سال 2014کا آغاز ہمیں خاک و خون نہلا کر کیا گیا ، گذشتہ تیس سال میں ہمارے ہزاروں بے گناہ لوگوں کو کافر کا نعرہ لگا کر شہید کیا گیا ، مرد و خواتین کے ساتھ ساتھ معصوم بچے بھی بربریت کی بھینٹ چڑھائے گئے ، کبھی شناختی کارڈ دیکھ کر ہمارے ہم مسلک و ہم عقیدہ لوگوں کو بسوں سے اتار اتار کا مارا گیا ، اتنے مصائب کا سامنا کر نے کے باوجود ہم نے کبھی ریاست ، فوج ، حکومت کے خلاف کو ئی اقدام نہیں کیا، حکومت نے ہمیشہ ہماری حب الوطنی پر شک کیا ، ہمارے اور ہو نے والے مظالم پر زبان کھولتے ہو ئے حکمرانوں کو شرم آتی ہے ، انہوں نے حکومت کو متنبہ کر تے ہو ئے کہا کہ نواز شریف اور ڈاکٹر عبد المالک ہمیں مجبود نہ کریں کے ہم کبھی نہ ختم ہو نے والے احتجاجی تحریک کا آغاز کر دیں ، جو حکمران دہشت گردوں سے خوف کھاتے ہو ں ، انہیں بھتہ دیتے ہوں ، لاشوں کے بدلے انہیں مستقل مذاکرات کی دعوت دیتے ہوں ، عوام کی جان و مال کا تحفظ ان کے بس کی بات نہیں ، اسے تمام حکمران اقتدار کو خیر باد کہہ کر وزیرستان منتقل ہو جائیں ، ان خوف زدہ حکمرانوں کی مظلوم عوام کو نہیں دہشت گردوں کا زیادہ ضرورت ہے۔
انہو ں نے کہاکہ کراچی سے لیکر گلگت تک اور کوئٹہ سے لیکر پاراچنار تک دہشت گرد مراکز موجود ہیں ، جب تک دہشت گردوں کے مراکز کو تباہ نہیں کیا جائے گا ، شہریو ں کے ہنستے بستے گھر تباہ ہو تے رہیں گے، غیر ملکی ایجنسیوں سے فنڈز لے کر پاکستان کو غیر مستحکم کر نے کی کوششیں کی جارہی ہیں ، اٹھارہ کروڑ عوام ان خائن حکمرانوں سے مایوس ہو چکے ہیں، پاک فوج اپنا قومی کردار ادا کرے اور عوام کو دہشت گردوں کے اس بے قابو جن سے نجات دلائے ۔
وحدت نیوز(مظفرآباد) ڈاکو اورچور ہمیشہ خزانے پر ڈاکہ ڈالتے ہیں،شہید علامہ دیدار جلبانی اورعلامہ ناصرعباس ملت جعفریہ کا عظیم سرمایہ تھے، ملت جعفریہ کبھی نہ پورا ہونے والے اس نقصان کو نہ بھول پائے گی، علامہ دیدار جلبانی اتحاد امت کے لیئے کوشاں تھے، ان پر حملہ گویا ان کی ان کوششوں پر حملہ ہے جو امت مسلمہ کو ایک کرنے کے لیئے تھیں نہ کہ توڑنے کے لیئے، ان کی شہادت سے یہ ثابت ہو گیا کہ ملک دشمن عناصر نہ تو ملک کو پرامن دیکھنا چاہتے ہیں اور نہ ہی ملت تشیع و ملت تسنن کو ایک دیکھنا چاہتے ہیں ، دہشتگردوں کا نہ تو اسلام سے کوئی تعلق ہے ، اور نہ ہی اسلام کے نام پر بننے والے پاکستان سے کوئی محبت ہے، ان خیالات کا اظہار مجلس وحدت مسلمین آزاد جموں و کشمیر کے سیکرٹری جنرل علامہ سید تصور حسین نقوی الجوادی نے شہید علامہ دیدار حسین جلبانی کے چہلم کے حوالے سے مجلس ترحیم سے خطاب کرتے ہوئے کیا ، انہوں نے کہا کہ حکومت کو پتا نہیں کہ کس بات کا ڈر ہے ، شہداء کے قاتلوں سے بھیک مانگے جا رہے ہیں ، ایک کمزور فریق کی طرح طالبانائزیشن کو مضبوط کر رہے ہیں، دہشت گرد کاروائیاں کرتے جا رہے ہیں اور حکومت علی الاعلان مذاکرات مذاکرات کا راگ الاپ رہی ہے۔
انہوں نے کہا کہ ہم سید الشہداء ؑ کے راستے کے راہی ہیں، شہادتیں ہمیں کمزور نہیں کر سکتیں ، بلکہ شہادتیں ہمیں ہماری منزل کے اور قریب کرتی جا رہی ہیں، ہم ان کے ماننے والے ہیں جو کہتے ہیں موت شہد سے میٹھی، حق پر ہوتے ہوئے اگر موت آ جائے تو کوئی ڈر نہیں، بلکہ ہم وہ موالی ہیں کہ جن کے مولا نے کہا تھا کہ ابو طالب کے بیٹے کو کوئی فکر نہیں کہ موت ان پر آ پڑے یا وہ موت پر ٹوٹ پڑیں ، علامہ سید تصور جوادی نے کہا کہ ہم سلام پیش کرتے ہیں شہید جلبانی کو، صد خراج تحسین ہے اس مرد مجاہد کو ، کہ جس نے امت مسلمہ کے اتحاد ویگانگت کے لیئے اپنا خون دینے سے بھی گریز نہ کیا ، اے شہید جلبانی تیرے کردار کو سلام ، اے شہید جلبانی ہم یہ عہد کرتے ہیں کہ آپ نے جس راستے میں اپنی قربانی پیش کی اس راستے کو زندہ و تابندہ رکھیں گے،دشمنان پاکستان و اسلام کاپیچھا جاری و ساری رکھیں گے،ہم نہ ڈرتے ہیں ، نہ جھکتے ہیں ، اپنا سر پیش کر دیں گے لیکن اپنے راستے سے ذرا بھر بھی پیچھے نہیں ہٹیں گے، تفصیلات کے مطابق آزاد کشمیر بھر میں ناصر ملت کی ہدایات کی روشنی میں شہید ملت علامہ دیدار حسین جلبانی کے چہلم کے موقع پر مجالس عزا، قرآن خوانی اور دعائیہ تقاریب کا انعقاد کیا گیا، مجالس عزا سے سیکرٹری جنرل مجلس وحدت مسلمین آزاد جموں و کشمیر علامہ تصور حسین نقوی الجوادی، سیکرٹری روابط مولانا سید حمید حسین نقوی، سیکرٹری جنرل ضلع مظفرآبا مولانا سید طالب حسین ہمدانی و دیگر نے اپنے خطاب میں شہید کی خدمات کو خراج تحسین پیش کرتے ہوئے اس عزم کا اعادہ کیا کہ شہید کے مشن اتحاد بین المسلمین کے مجلس وحدت مسلمین آزاد جموں و کشمیر صف اول کا کردار ادا کرے گی۔
وحدت نیوز(راولپنڈی) راولپنڈی کے علاقے ڈھوک سیداں میں دو موٹر سائیکل پر سوار چار دہشتگردوں نے امام بارگاہ قصر شبیر پر فائرنگ کردی جس کے نتیجے میں سیکیورٹی پر مامور دو پولیس اہلکار جاں بحق ہو گئے۔ فائرنگ کے واقعہ میں ایک اہلکار اور ایک دکاندار زخمی ہو گیا۔ جاں بحق ہونے والے افراد کی لاشیں پوسٹ مارٹم کیلئے ڈی ایچ کیو اسپتال منتقل کر دی گئی ہیں، جاں بحق ہونے والے پولیس اہلکاروں کے نام محمد عمران اور ظہیر عباس ہیں۔ پولیس کے مطابق، تھانہ ریس کورس کی حدود میں ڈھوک سیداں کے علاقے میں 2 موٹر سائیکلوں پر سوار 4 ملزمان نے امام بارگاہ کی سیکیورٹی پر مامور پولیس اہلکاروں پر اندھا دھند فائرنگ کردی، آر پی او راولپنڈی اختر عمر لالیکا نے جائے وقوعہ کا دورہ کیا اور میڈیا سے گفتگو میں کہا کہ واقعے کی تحقیقات کی جا رہی ہیں، تاہم یہ فرقہ واریت کا شاخسانہ لگتا ہے۔ فائرنگ سے شہریوں میں شدید خوف و ہراس پھیل گیا، پولیس نے علاقے کی ناکہ بندی کرکے ملزمان کی تلاش شروع کردی ہے۔
وحدت نیوز(راولپنڈی) ڈھوک سیدان میں دہشت گردوں کی فائرنگ کی اطلاع ملتے ہی ایم ڈبلیوایم کے ڈپٹی سیکرٹری جنرل علامہ شفقت حسین شیرازی کی زیر قیادت مجلس وحدت مسلمین پاکستان کے ایک وفد نے ڈھوک سیداں میں شدت پسندوں کی فائرنگ کا نشانہ بننے والے امام بارگاہ قصر شبیر کا دورہ کیا ، وفد میں ایم ڈبلیوایم کے مرکزی راہنما سید اسرار حسین گیلانی اور مقامی یونٹوں کے مسئولین شامل تھے ، علامہ شفقت شیرازی نے امام بارگاہ کے منتظمین اور علاقے کے مومنین سے ملاقات کی اور ان کی دلجوئی کرتے ہوئے یقین دہانی کرائی کہ وہ تنہا نہیں ، مجلس وحدت مسلمین پاکستان ان کی پشت پر کھڑی ہے، انہوں جائے حادثہ کا تفصیلی معائنہ کیا اور وہاںپر موجود عینی شاہدین سے معلومات حاصل کیں ، انہوںنے امام بارگاہ پر ہونیوالی فائرنگ اور اس کے نتیجے میں دو پولیس ملازمین کی شہادت پر گہرے دکھ اور صدمے کا اظہار کیا اور اس المناک سانحہ کو سانحہ راجہ بازار کا تسلسل قرار دیتے ہوئے حکومت سے مطالبہ کیا کہ حملہ آوروں کی فوری گرفتاری یقینی بنائی جائے ، ان کا کہنا تھا کہ اربعین امام حسین کے موقع نکالے جانیوالے راولپنڈی کی تاریخ کے سب سے بڑے جلوس نے استعماری ایجنٹوں کو بوکھلاہٹ میں مبتلا کر دیا ہے اور وہ اوچھی حرکتوں اتر آئے ہیں، انشاء اللہ دشمن کی جانب سے عزاداری امام حسین کے خلاف کسی بھی سطح پر ہونیوالی سازش کامیاب نہیں ہونے دی جائے گی، انہوں نے مومنین کو ہدایت کی کہ وہ اپنے ارد گرد کے ماحول پر نظر رکھیں اور دشمن کی سرگرمیوں سے غافل نہ ہوں ، کیونکہ ہوشمندی کا ثبورت دیتے ہوئے بیدار رہ کر ہی فتنہ ساز دشمن کا مقابلہ کیا جاسکتاہے، انہوں نے اس المناک سانحہ کے دوران شہید ہونیوالے پولیس ملازمین کے لواحقین سے دلی ہمدردی کا اظہار کیا اور شہداء کو خراج تحسین پیش کرتے ہوئے کہا پولیس ملازمین نے امام بارگاہ کی حفاظت کا فریضہ سر انجام دیتے ہوئے جام شہادت نوش کیا ہے یقیناً بارگاہ ایزدی سے انہیں اس کا عظیم اجر ملے گا ۔
وحدت نیوز(کوئٹہ) مجلس وحدت مسلمین کوئٹہ ڈویژن کے میڈیا سیل سے جا ری کر دہ بیان میں مرکزی رہنما علامہ ہاشم موسوی نے کہا ہے کہ گزشتہ کئی روزسے کراچی میں ٹارگٹ کلنگ کے واقعا ت میں مسلسل اضا فہ ہوتاجا رہا ہے جس میں ایم ڈبلیوایم اورملت جعفریہ کے کارکنوں اوررہنماؤں کو خاص طورپردہشت گردی کا نشانہ بنایاجارہاہے۔ ان کا کہنا تھا کہ ملت جعفریہ کے رہنماعلامہ مرزایوسف حسین پرقاتلانہ حملے کی بھی شدیدالفاظ میں مذمت کی گئی ۔بیان میں مزیدکہاکہ حالیہ دہشت گردی کے واقعات بلدیاتی انتخابات کے دوران مجلس وحدت المسلمین کے حامیوں کوخوف و ہراس میں مبتلاکرناہے۔چندسیاسی قوتیں ایم ڈبلیوایم کی کراچی میں عوامی مقبولیت سے بوکھلاہٹ کاشکارہوچکی ہے اوربلدیاتی انتخابات میں ناکامی کے خوف سے غیرجمہوری ہتھکنڈوں کے ذریعہ ایم ڈبلیوایم کراچی کے بلدیاتی نمائندوں کوٹارگٹ کلنگ کانشانہ بنارہی ہیں۔ جن کی روک تھا م کے سلسلے میں سندھ حکومت کی جانب سے کو ئی بھی سنجیدہ اقدام نہیں کیاجارہا۔ دہشت گردوں کوکھلی چھوٹ دی گئی ہے اوروہ ہرجگہ دھندناتے پھررہے ہیں۔جبکہ حکو مت اور قانون نا فذ کر نے والے ادارے خا مو ش تما شا ئی کا کر دار ادا کررہے ہیں جو اس با ت کا ثبو ت ہے کہ حکو مت عوام کی جا ن و مال کے تحفظ کیلئے سنجیدہ نہیں جس سے دہشت گر دوں کے حو صلے بلند ہو رہے ہیں۔انہوں نے کہا کہ حکو مت سے مطالبہ کیاگیاکہ کراچی کے حالیہ واقعات میں ملوث دہشت گردوں اوراُن کے حامیوں کو کو فی الفور گرفتا ر کر کے عبرتناک سزا دی جائے۔ اورعوام خصوصاً سیاسی رہنماؤں اوربلدیاتی انتخابات کے امیدواروں کی حفاظت کو یقینی بنائے تاکہ کراچی میں پرامن ماحول میں بلدیاتی انتخابات منعقدہوسکیں اورعوام بغیرخوف کے اپنے ووٹ کا استعمال کرسکیں۔
وحدت نیوز(بلتستان) مجلس وحدت مسلمین پاکستان بلتستان ڈویژن کے سیکرٹری جنرل علامہ آغا علی رضوی نے کہا ہے کہ کراچی میں بلدیاتی امیدواروں پر حملہ طاغوتی عناصر کی طرف سے محب وطن، امن پسند اور پاکستان کی نظریاتی و جغرافیائی سرحدوں کے محافظوں کو ملی اور اجتماعی امور سے دور رکھنے کی سازش ہے۔ انہوں نے کہا کہ کراچی سمیت ملک بھر میں جاری دہشت گردانہ واقعات سکیورٹی اداروں کی ناکامی کا منہ بولتا ثبوت ہیں۔ موجودہ حکومت نے دہشت گردوں اور پاکستان دشمنوں کے ساتھ مذاکرات کا ڈرامہ رچا کے انکی ہمت اور حوصلے بلند کئے ہیں، اگر حکومت دہشت گردوں کے خلاف بےرحمانہ کاروائیاں جاری رکھتی تو یہ مٹھی بھر فتنہ پرور ٹولہ ہتھیار ڈالنے پر مجبور ہو جاتے۔ پاکستان آرمی کے جوانوں پر حملہ ہو یا عام شہریوں پر اس کی تمام تر ذمہ داری حکومت کی کمزور اور بزدلانہ پالیسیوں کا نتیجہ ہے۔
وحدت نیوز(لاہور) مجلس وحدت مسلمین پنجاب کے سیکرٹری جنرل علامہ عبدالخالق اسدی نے راولپنڈی ڈھوک سیداں امام بارگاہ پر تکفیری دہشت گردوں کے حملے، کراچی اور ڈیرہ اسماعیل خان میں بے گناہ شیعہ افراد کی ٹارگٹ کلنگ پر صوبائی کابینہ کے ہنگامی اجلاس سے خطاب کرتے ہوئے کہا کہ وفاق، چاروں صوبوں سمیت گلگت بلتستان کے حکمران ملک میں جاری شیعہ نسل کشی کے ذمہ دار ہیں، دہشت گردوں کی پشت پناہی میں پاکستان کی موجودہ گورنمنٹ کی صفوں میں چھپی کالی بھیڑیں ملوث ہیں۔ اُن کا کہنا تھا کہ منظم سازش کے تحت پاکستان بھر میں تکفیری کالعدم گروہ کو متحرک کیا جا رہا ہے، ملک بھر میں یہ دہشت گرد گروہ کھلے عام شیعہ افراد کا قتل عام کر رہے ہیں اور حکمرانوں کی ان تکفیری دہشت گردوں کیخلاف خاموشی اس بات کی دلیل ہیں کہ اُن کو مقتدر قوتوں کی آشیرباد حاصل ہے۔
علامہ اسدی کا کہنا تھا کہ ایک ہفتہ کے اندر درجن سے زائد شیعہ افراد کا قتل عام اور ان واقعات پر حکمرانوں اور میڈیا کی خاموشی معنی خیز ہے، پاکستان میں بانیان پاکستان کی اولادوں کو حب الوطنی کی سزا دی جا رہی ہے، کراچی میں لسانی دہشت گردوں اور تکفیریوں کے گٹھ جوڑ کا مقصد ملت جعفریہ کو سیاسی میدان سے باہر رکھنے کی سازش ہے، اب انشااللہ شیعہ ووٹوں پر ان دہشت گردوں اور لٹیروں کی اجارا داری ختم کر کے دم لیں گے، ہم اب اپنے حقوق کیلئے بھیک نہیں مانگیں گے بلکہ اپنا حق ان ظالموں سے چھین لیں گے، بروز جمعہ 3 جنوری کو ملک بھر میں مظاہرہ ہو گا، لاہور میں لسانی دہشت گرد تنظیم کے دفتر کے سامنے مظاہرہ کریں گے جن کے دہشت گردوں نے ہمارے بلدیاتی امیدواروں کو اپنی شکست کے خوف سے کراچی ڈالمیا کے قریب شہید کیا۔ انہوں نے تمام اضلاع کے سیکرٹری جنرلز کو بھی ہدایات جاری کر دی ہیں کہ وہ اپنے اپنے اضلاع میں لسانی و تکفیری دہشت گردوں کیخلاف مظاہرہ کریں، ان کے منافقانہ چہروں کو بے نقاب کریں۔ شام، عراق میں تکفیریوں کی ذلت آمیز شکست کے بعد ان کا ہدف اب پاکستان بنا ہوا ہے، پاکستانی نااہل اور بزدل حکمرانوں کی ان تکفیریوں کیخلاف خاموشی پاکستان کو علمی سطح پر تنہا کرنے کی سازش کا حصہ ہیں۔
وحدت نیوز(سرگودھا) مجلس وحدت مسلمین ضلع سرگودہا کی کابینہ برائے سال 2013, 2014 کا اعلان ضلعی سیکرٹری جنرل سید ظفر عباس بخاری نے ایم ڈبلیو ایم دفتر میں کیا۔ مختلف شعبوں سے متعلق بیس رکنی کابینہ میں تیں ڈپٹی سیکرٹری جنرلز ہیں جن میں سید تصور حسین شیرازی، سید حسن مرتضیٰ شیرازی اور سید عابد حسین شیرازی شامل ہیں۔ سیکرٹری تنظیم سازی کی ذمہ داری مولانا عمران کریمی، مالیات کی ملک فضل عباس علوی، سیاسیات کی امیر عباس بلوچ، اطلاعات کی محمد نواز خان، روابط کے لیے علمدار حسین نقوی، فلاح و بہبود کی احمد حسن، دفتر کے امور کی ذمہ داری سید آفتاب کاظمی، سیکرٹری امام سجادؑ فاونڈیشن سید تلمیذ حسین، انچارج وحدت اسکاوٹس اعجاز حسین، میڈیا سیل ظہیر عباس، یوتھ ونگ عامر شیرازی، تعلیم پروفیسر فقیر حسین جعفری، شعبہ تربیت عمران نواز واہلہ، تبلیغات سید نسیم عباس، سیکرٹری شماریات مولانا ملازم حسین اور سیکرٹری امور شہدا کی ذمہ داری ثقلین ترابی کو تفویض کی گئی ہے۔ اجلاس کے دوران نئی ذمہ داریوں کے حوالے سے تفصیلی گفتگو ہوئی اور ضلع میں تنظیم کو فعال بنا کر قومی خدمت کے عزم کا اظہار کیا گیا۔
وحدت نیوز(کراچی) مجلس وحدت مسلمین کے مرکزی ڈپٹی سیکرٹری جنرل علامہ محمد امین شہیدی نے کراچی میں ایم ڈبلیو ایم کے تین بلدیاتی امیدواروں، راولپنڈی کے علاقے ڈھوک سیداں میں دو پولیس اہلکاروں اور ڈیرہ اسماعیل خان میں دو کارکنوں کے قتل کے مذمت کرتے ہوئے کہا ہے کہ ملک میں تسلسل کے ساتھ شیعہ نسل کشی جارہی ہے جبکہ ریاست اور ریاستی ادارے مکمل طورپر تماشائی بنے ہوئے ہیں۔ قوم میں مایوسی بڑھتی جارہی ہے اور ریاستی اداروں سے عوام کا اعتبار اٹھتا جارہا ہے، ایک سازش کے تحت شیعہ مسلمانوں کو تسلسل کے ساتھ نشانہ بنایا جارہا ہے اور قاتلوں کو مکمل طور پر چھوٹ دے دی گئی ہے۔ ان خیالات کا اظہار نے انہوں نے گذشتہ اڑتالیس گھنٹوں میں پانچ کارکنوں اور دو پولیس اہلکاروں کی ٹارگٹ کلنگ پر ردعمل کا ا ظہار کرتے ہوئے کیا۔ علامہ امین شہیدی نے کہا کہ کراچی میں شیعہ ٹارگٹ کلنگ میں لسانی جماعت اور تکفیری ٹولہ ملوث ہے۔ ہم صوبائی اور مرکزی حکومت سے مطالبہ کرتے ہیں وہ فی الفوراس اہم ایشو پر توجہ دے اور قاتلوں کو عوام کے کٹہرے میں لائے بصورت دیگر پاکستان سمیت دنیا کے دیگر ممالک میں پاکستانی سفارت خانوں کے سامنے احتجاج کیا جائیگا اور حکومتوں کو جوابدہ بنایا جائے گا۔ انہوں نے کہا کہ گذشتہ روز کراچی میں ایم ڈبلیو ایم کے شہید رہنما علامہ دیدار علی جلبانی کا چہلم منایا جارہا تھا کہ بلدیاتی الیکشن کے تین امیداروں کو اس وقت شہید کردیا گیا جب وہ کاغذات نامزدگی جمع کرکے واپس آرہے تھے۔ علامہ امین شہیدی کا کہنا تھا کہ یہ بات افسوس ناک ہے کہ ملک میں تیزی کے ساتھ فرقہ وارنہ قتل غارت گری بڑھ رہی ہے جبکہ حکومتیں خاموش تماشائی بنی ہوئی ہیں۔ ڈیرہ اسماعیل خان میں ہمارے دو کارکنون کوشہید کردیا گیا۔ اسی طرح راولپنڈی کے علاقے ڈھوک سیداں میں امام بارگاہ قصر شبیر کے باہر سیکیورٹی پر مامور دو پولیس اہلکاروں محمد عمران اور ظہرعباس کو شہید کردیا گیا۔
